Нордон магматик жинслар - Геология - Рефераты

Нордон магматик жинслар

Загружено в:

20.09.2019

Скачано:

0

Размер:

90.5 KB

Нордон магматик жинслар Режа: 1. Нордон вулкан жинслари 2. Юқори ишқорли вулканик жинслар 3. Нордон плутоник интрузив жинслар

Нордон магматик жинслар ҳамма магматик жинсларнинг умумий майдонини 60% дан кўпроқ қисмини ишғол этади, шу жумладан 50% гача интрузив жинслар ва қолган 10% дан кўпроғини вулкан жинслари ташкил этади (Белоусов, Михин, 1972). Нордон жинслар кварцга бой 30-40%. Кремний оксидининг миқдори 64 дан 7276%гача. Кварцнинг миқдори нордон жинсларни тасниф этишда асосий омил бўлиб ҳисобланади. Ишқорлик даражасига кўра нордон жинслар 2 қаторга бўлинади: нормал ишқорли ва юқори ишқорли. Иккинчиси ўз навбатида яна ишқорли ва ўрта ишқорлига ажралади. Нордон вулкан жинслари Нормал ишқорли вулкан жинслар Буларга липаритлар ва дацитлар мансуб. Оролиқ турлари липарит-дацит ва дацитлипарит (деленит) номи билан аталади. Тоғ жинси таркибидаги темирни миқдорига кўра нормал (магний темирли) ва темирли (ферролипарит)лар ва ферродацитларга бўлинади.

Нордон вулкан жинсларнинг петрохимик таснифи SiO 2 нинг миқдори, % ҳисобида Na 2 O+K 2 O нинг миқдори паст ишқорли<5 нормал ишқорли 5-8 ўрта ишқорли 8-9,5 ишқорли > 9,5 73 Липаритлар Липаритлар Липаритлар Комендит- лар 68-73 Деленитлар (липаритдацит лар) Деленитлар (липаритдацит лар) Трахилипа- Ритлар Пантелле- ритлар 63-68 Дацитлар Дацитлар - - Темирли липаритлар ва дацитлар пижонитли базальтлар ва исландитлар билан бирга учрайди. Улар илк геосинклинал формациялари Жанубий Уралда аниқланган. Уларнинг миқдори 2% дан ошмайди. Нормал темирли ва нормал ишқорли дацитлар ва липаритлар энг кўп тарқалган жинслар ҳисобланади, улар андезитлар билан бурмаланган минтақаларда, орол дўғаларида, фаол қитъа чеккаларида кенг тарқалган. Ер пўстини қалинлиги нордон вулканизмнинг турини аниқлайди. Курил ороллари ва Камчаткада липарит ва дацитларнинг сиалик ер пўсти қалинлигини таққослашда қизиқарли маълумотлар олинган (Золоторев, Соболев, 1972). Субокеан ер пўсти (қалинлиги 5-10 км); субконтинентал юпқа (10-15 км); субконтинентал қалин (15-20 км); континентал юпқа(20-25 км); континентал қалин (3035 км). К 2 О:Na 2 O га нисбати ер пўсти қалинлашган сари кўпайиб боради. Масалан: дацитларда 0,20 дан (субконтинентал пўсти) то 0,63 (қитъа). Бу жинслар уч ҳил серияга 1А, 1Б, П серияларга ажратилади (Маракушев, Яковлев).

1А ва 1Б серияларда (уюшмаларда) одатда отқинди тоғ жинслар учун К 2 О:Na 2 O нисбатини қиммати кремнийнинг ошиб боришига боғлиқ равишда кўпайиб бориши сезилса, П сериядаги жисмларда эса бу нисбат кремний миқдорига боғлиқ бўлмаган ҳолда, амалда, липарит, дацит, андезитларда бир хил ўзгармай қолади, шунинг билан бирга натрийга нисбатан калий кўп бўлган таркибдаги жинслар кўпчилигини ташкил қилади. 1А гуруҳидаги жинслар натрийли бўлиб денгиз шароитида шаклланган геосинклинал вилоятларидаги асосан контрастли базальт-липарит, базальт- дацит уюшмаларини ташкил этади. 1Б серияга таълуқ бўлган вулкан жинслари ер пўстини геосинклинал ривожланишининг дастлабки ороген босқичидан дарак беради. Бунга кўпчилик ер юзидаги таркиб топган вулкан жинслари мансубдир. П серияга мансуб вулкан жинслари геосинклинал ривожланишининг сўнгги ороген босқичини ифодалайди ва Ер пўстининг платформа қисмининг активланишдаги маҳсус қурилмалар билан боғлиқ. 1А ва 1Б серияларини ташкил этган вулкан жинслари порфир ва афир кўринишда бўлади. Энг кўп тарқалган афир жинслар таркибини вулкан шиша ташкил қилади; улар орасида обсидиан, перлит ва пехштейнлар ажратилади. Перлит (немисча «перле» марварит) кулранг, ҳаворанг, ёки сарғиш кулранг кўпинча эмальсимон ялтирайди. Перлитли (концентрик - пўстлоқли) ажралишлар жуда ҳарактерли. Обсидиан - Румолик қаҳрамон номи билан аталган. У обсидианни Эфиопиядан олиб келган. Рангги одатда тўқ-қора, шишадек ялтирайди, чиғанок симон синади. Шлифда рангсиз, камроқ қўнғирсимон. Унинг тарқалган жойлари - Камчатка, Арманистон, Грузия ва Озарбайжон. Ундан ташқари А+Шдаги Йеллоустоун миллий боғида, Исландиядаги Гекла тоғида ва Липар оролларида ҳам учрайди.

Обсидианларда кўпинча кристаллитлар ёки сферолитлар бўлади, текстураси перлитли. Сувнинг миқдори 1% дан ошмайди. Нордон вулкан шишаси таркибида сув миқдори 1% дан кўп бўлса унда перлитли ажралишлар содир бўлади. Буни перлит деб аталади. Перлитларда 2,5-6% сув бўлади. Перлитлар майда сфериклардан иборат бўлиб катталиги 5-7 мм тенг. Таркибида 6-10% суви бўлган перлит кўринишларга пехштейн деб аталади. У смоласимон ялтирайди ва смола тоши деб ҳам юритилади. ғовакли енгил вулкан шишасини пемза деб аталади. Пемза (лотинча «пемекс» - кўпик) - кўпирган вулкан шишаси, рангги оқ ёки кулранг. Йирик пуффакчалар ёки узун толали сочсимон нордон вулкан шишаси ҳисобланади. Газга тўйинган лавани ер юзига чиқиб оқишида босимнинг бирдан камайиб кетишидан ҳосил бўлади. Липарит (Италиядаги Липари ороли номи билан аталган) - ўзига ҳос кайнотип эффузив жинс ҳисобланади. Липаритларнинг калийли ва натрийли турлари бўлади, аммо уларни бир-биридан фарқ қилиш жуда қийин. Порфир структурали липаритларнинг қора асос массасида порфирли ажралмалар кварц, санидин, плагиоклаз ва жуда кам миқдорда биотит, пироксен кристаллари бўлади, уларнинг катталиги 3-4 мм дан ошмайди. Минерал доналари липарит ҳажмининг 5-15% ни ташкил қилади. Дацитлардаги порфирли ажралмаларда: кварц кам ҳолларда учрайди, калийнатрийли дала шпатлари одатда бўлмайди, кўпинча плагиоклаз ва рангли минералларнинг, айниқса амфиболларнинг порфирли ажралмалари кўпроқ учрайди. Липарит ва дацитларнинг текстуралари массив, гоҳо йўл-йўл жуда кам ҳолларда оқма (флюидал) кўринишда бўлади. Оқма текисликлари кўпинча

майда бурмаланишлар ҳосил қилади. Нордон эффузивларда кўпинча сферолитлар (шар шаклидаги радиалшўласимон ҳосилалари) учрайди. Нордон кайнотип жинслар асосий массасининг структураси шишасимон бўлиб у микролитлар, кристаллитлар ва жуда ҳам майда кварц ва санидин ўсимталаридан ташкил топган. Микролитлар плагиоклаз, гоҳо пироксенлардан иборат. Баъзи бир ҳолларда плагиоклаз микролитлари йўл- йўл бўлиб жойлашган. 1 серия вулкан жинслари учун марказий, камроқ ер ёриқлари типидаги лавалар отилиши характерли ҳисобланади. П серияга мансуб вулкан жинслар (игнимбрит ва бошқалар) ўткир қиррали фенокристаллардан, гомеоген ўсимталардан, вулкан шишасини оби нон каби эзилиб, учлари аланга шаклда бўлган кўринишлардан ташкил топган. Игнимбритдаги кул заррачалари лавани оқма томонига йўналган бўлиб тоғ жинси бўлакларини ва минерал доналарини айланиб ўраб ўтади. Бу билан оддий вулкан кулларидан тубдан фарқланади. Ушбу жинс асосий массасида шох нусха бўлакларининг бўлиши охирги пайтларгача уларнинг эксплозив йўлида ҳосил бўлишлигига эътироз бўлмаган. Вулкан ҳаракатлари фақат ер юзига вулкан материалларини чиқариб ташлаши билан чегараланмай ер юзига яқин жойлашган турли шаклдаги жинсларни ҳосил қилиш билан ҳам характерланади. Коптев-Дворников В.С. ва бошқалар (1967) вулкан жинсларини уч фацияга ажратган: ҳақиқий эффузив, субвулкан ва вулкан жерлоси фациялари. Ҳақиқий эффузив фацияси жинслари (лавалар, лавабрекчиялар, турли туфли лавалар, игнимбритлар ва бошқалар) вулкан жинсларини ер устига отилиб чиқишидан ҳосил бўлган. Одатда булар чўкинди жинслар билан мослашиб ётади.

Лавани ер юзига яқин бўлган жойларда қотишдан субвулкан жинслари ҳосил бўлади. Вулкан жерлоси (оғзи, бўғизи) га мансуб бўлган жинслар лавани ер юзи томон ҳаракат қилиб ер усти билан боғланган ҳолларда таркиб топади. Улар вулкан лава оқиб келадиган каналларини, вулкан бўйинларини (некк) тўлдириб некк, дайка шаклида бўлади. Қайд этилган ҳамма фация ва субфациялар геологик бир ҳил ёшли ҳисобланади. В.С.Коптев-Дворников қайд этилган вулкан фацияларидан ташқари яна субфацияларни ҳам ажратган: оқма лавалар субфацияси ва бошқалар; экструзив субфацияси (гумбаз ва обелисклардаги лава ва лавабрекчиялар ва бошқалар); эксплозив субфацияси (пирокласт жинслар). Пирокласт жинсларга вулкан куллари, лапилалар, вулкан бомбалари, йирик жинс бўлаклари ва бошқалар мансубдир. Бу субфациялар ҳаммаси 1 серияга таалуқли бўлган вулкан жинсларида ўз аксини топган бўлиб уларнинг ҳажми ҳар хил. Нордон лавалар учун энг типик ҳусусиятлардан уларнинг оқма ҳолида бўлишлигидир. Бундай лавалар қисқа (10 км гача) ва қалин (100-150 м) оқмаларни барпо этади ва базальтларга ўхшаш катта майдонлардаги қопламаларни ҳосил қилмайди. Вулкан чақиқ жинслари отилиш пайтида узоқ масофаларга бориб тўпланади. Майда вулкан чанглари 1000 км, вулкан қумлари 100 км, лапилалар бир неча 10 км ва жинс катта бўлаклари 1 неча километр масофага олиб бориб ташланади. П серия жинслари юқорида қайд қилингандан ташқари вулкан- плутоник формацияларида ҳам қатнашади. Бундай формациялар комагматик эффузив ва интрузив жинслар бирлашмаси бўлиб, вулкан ва интрузив серияларининг бир ҳил ҳажмда ва тектоник режимда кўп марта ривожланиш билан ҳарактерланади. Вулкан-

плутон уюшмалари ер пўстини ороген босқичи ривожланишининг ўрта босқичига характерлидир. Фойдали қазилмалар: нодир, радиоактив ва камёб металл конлари (Урал, Алтай, Кавказ, +урама-Чотқол ва бошқалар). Юқори ишқорли вулканик жинслар (юқори ишқорли лирпаритлар, трахилипаритлар ва комендитлар, пантеллеритлар) Нормал ишқорли жинслардан юқори ишқорли жинсларга ўтиш кальцийли плагиоклазларнинг калий-натрийли шпатлари билан ўрин алмашиши (санидин, анортоклаз, альбит) ва пироксен, роговая обманка, биотитларнинг кам глиноземлиги билан характерланади. Жинсларда агпаитлиги юқори бўлади. Ишқорли липарит ва дацитларда ишқорли рангли минераллар - эгирин, рибекит, арфведсонитлар пайдо бўлади. Улар алоҳида атамага эга - комендит ва пантеллерит. Комендитларда SiO 2 - 73,5%, пантеллеритларда - 69,8%. Улардаги норматив рангли минераллар - комендитларда 12,5% дан кам, пантеллеритда эса 12,5% дан кўп. Нордон плутоник интрузив жинслар Бу гуруҳга гранитлар, гранодиоритлар ва граносиенитлар таалуқлидир. Улар деярлик дала шпатли жинс, донадор, асосий жинс ҳосил қилувчи минерал сифатида кварц қатнашади. СаО ва К 2 Оларнинг миқдорларига кўра гранитлар таснифланади. Оҳаклиишқорли ва оҳакли-гранитлар (плагиоклаз альбитдан асослироқ) нормал ишқорли турлари ҳисобланади. Ишқорли турлари таркибида ишқорли пироксен ва амфиболлар учрайди, химёвий таркибига кўра ишқорга тўйинган бўлади, яъни агпаит коэффициенти бирдан кўп.Ўрта ишқорли гранитоидларда эса анортити ва ишқорли рангли минераллари кам бўлади. Нормал ишқорли жинслар (гранодиоритлар, гранитлар)

Гранодиорит атамаси Беккер (1892) томонидан киритилган бўлиб, бу жинс таркиби жиҳатдан кварцли диорит билан гранитларнинг оролиғини эгаллайди. Линдгрен - гранодиорит таркибида плагиоклазни миқдори калий шпатдан икки марта кўп бўлган жинсни тушунган. Гранодиоритлардаги калий дала шпатлари миқдори 8-20% ни ташкил қилади, агар ундан кам бўлса кварцли диоритга айланади, кўп бўлса монцонитга ўтади. Гранодиоритлар: кварц, олигоклаз ёки андезин, биотит ёки роговая обманкадан ташкил топган. Акцессор минераллар - сфен, магнетит, циркон, апатит. Банатит деб диопсидли гранитоидни аташган (фон Котта 1869, Руминиядаги Баната округи номи). Бу атама ҳозирги пайтда ишлатилмайди. Адамеллит - плагиоклаз билан калий дала шпатини миқдори тенг бўлган нордон жинс, унда кварц 25-30%. Гранодиоритлар - кенг тарқалган гранитоидлар бўлиб, ўзи ёки бошқа гранитоид ва гранитлар билан бурмаланган минтақаларда йирик интрузив массиви ҳосил қилади. Гранодиоритларда икки хил дала шпатлари бўлиб, унда плагиоклаз миқдори бироз устун туради. Калийли дала шпати 5% дан 30% гача бўлиши мумкин, рангли минераллар 10-20%. Гранодиоритлар гранитоидлар уюшмасига ёки габброидлар комплексига кириши мумкин. Гранитларда - кварц - 30-35%, калий дала шпати - 40-45%, плагиоклаз - 15- 20%, рангли минераллар - 10% гача бўлади. SiO 2 нинг миқдорига кўра икки хил гранитлар ажратилади: 72-73% ва 74- 75%ли. Биринчиси катта ер чуқурлигида ҳосил бўлган гранитлар, иккинчиси вулкан жинслари билан боғлиқ бўлган гранитлар. Шартли равишда улар плутоник ва вулкано-плутоник гранитлар деб аталади. Улар кварцнинг миқдори билан ажралиб туради. Ўртача плутоник гранитларда кварц - 28% ва вулкано-плутоник гранитларда кварц - 35%. Катта чуқурликда ҳосил бўлган

гранитларнинг фарқи улар учувчи элементлар таъсирида пастроқ температурада кристалланади. Натижада кристаллари тоза бўлади. Калийли дала шпатларида альбит молекуласи 10-20% дан ошмайди, плагиоклазларда эса ортоклаз 5% дан кўп эмас. Калийли дала шпати бундай жинсларда панжарали тузилишга эга микроклин бўлади. Одатда мирмекитлар ҳосил бўлади (кварц билан альбитнинг чувалчанг шаклидаги бир-бири билан ўсимталар ҳосил қилиши). Вулканик жинслар уюшмаси ҳосил қилувчи гранитларнинг минерал таркиби ва ички тузилиш хилма-хил. Уларнинг таркибининг ўзгариши қайси чуқурликда шаклланиши, магмадаги учувчи элементлари таркиби, ён тоғ жинсларнинг ҳоссаларига боғлиқ. Гиперстенли гранитлар (чарнокитлар). Таркиби - кварц - 40%, микроклин, микроклинпертит, оз миқдорда олигоклаз, гиперстен, амфибол, баъзан диопсид ва гранат. Чарнокит учун ҳаворанг кварц характерли, бу кварцнинг рангги игнасимон рутил хисобига ҳосил бўлади. Чарнокитларда ҳар доим гиперстен минерали бўлади. Чарнокитлар ва улар билан уюшма ҳосил қилувчи асослироқ гиперстенли гранитоидлар, шунингдек гиперстенли габброидлар платформа кристаллик пойдевори (фундаменти) ва шитлардаги қадим метаморфик қатлам орасидаги гранулит фациясида кенг тарқалган. Антарктидада чарнокит уюшмасига кирувчи катта хажмдаги гранитлар аниқланган. Аляскитлар . Таркиби, асосан калийли дала шпатлари, кам миқдорда плагиоклаз. Рангли минераллар жуда кам (2%) ёки йўқ. Аляскитлар нормал гранитлар билан чамбарчас боғлиқ бўлиб унинг сунгги фазасини ташкил қилади. Структураси - гранитли. Аляскитлар билан лейкократ гранитлар чегараси кўпинча шартли. Кўпинча рангли минераллари бўлмаган аляскитлар билан озгина биотит аралашмаси (1-2%) бўлган жинслар бир-бирларига аста-секин ўтиб туради.

Гранит массивлардаги томирли жинслар - микрогранитлар, гранит- порфирлар, пегматитлар ва аплитлар ҳисобланади. Микрогранитлар ва гранит-порфирлар минералогик ва химёвий таркибига кўра гранитларга ўхшаш, фақат ички тузилиши билан фарқ қилади. Бу гуруҳдаги жинслар интрузив массивларининг чекка қисми ва гипабиссал интрузивларнинг апофизаларини ва ҳар хил ер чуқурлигида ҳосил бўлган дайкаларни ташкил қилади. Аплит сўзи юнон сўзидан олинган бўлиб оддий деган маънони билдиради. Аплит ер томири шаклида гранит массивларида ва ён тоғ жинсларида учрайди. Аплитларнинг таркиби уларни қоплаб турган гранитлар таркибига боғлиқ. Йирик ва гигант донали, гранит таркибли томирли жинслар гранит- пегматитлари деб аталади (пегматит юнонча қаттиқ, жипслашган, боғланган деган маънони билдиради). Икки хил пегматитлар мавжуд. 1. Учувчи компонентларга бой бирламчи магмадан кристалланган ва 2 - флюидларнинг таъсирида қайта кристалланишидан йиғилган маҳсулот. Биринчиси уларни қоплаб турган жинслар билан кескин контакт билан ажралиб туради, чеккаларида тобланиш (закал) белгилари бўлади - яъни эндоконтактда аплитлар ҳосил бўлади. Иккинчиси қоплаб турган гранитлар билан кескин контакт ҳосил қилмайди ва аста-секин бир-бирига ўтиб туради. Юқори ишқорли ва ишқорли интрузив жинслар (граносиенитлар ва ишқорли гранитлар) Бу гуруҳ жинслари ишқорли дала шпатларига бой, SiO 2 камроқ бўлган (сиенитга ўтувчи) жинсларни ўз ичига олади. Буларда норматив анортитнинг миқдори кам, улар умумий дала шпатлар миқдорининг 5% дан камини ташкил қилади. СаО нинг фоизи 0,6 га тенг ва бу модал плагиоклаз таркибига тўғри келади. Бундай гранитлар ишқорли гранитлар деб аталади. Бу атама

шартли. Розенбуш бундай жинсларни ишқорли гранитлар деган, унда ишқорлик белгиси етарли деб ҳисоблаган. Кўпчилик геологлар ҳам бундай тоғ жинсларни ишқорли гранитлар деб атаган, лекин А.А.Маракушев китобида ишқорли гранит ёки ишқорли граносиенит деб фақат таркибида ишқорли рангли минерал бўлганлигинигина атаган. Рапакиви атамаси финча чириган ёки «нураган» деган маънони англатади. Рапакиви таркиби кварцли сиенитдан ва граносиенитдан гранитгача ўзгаради. Рапакиви учун овоид шаклидаги калийли дала шпатлари ажралмалари атрофида альбитнинг халқасимон ўсимтаси ҳосил бўлиши характерлидир.

АДАБИЁТЛАР 1. Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7.Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча-ўзбекча изоҳли луғат. Т. «Ўзбекистон» 1995.

Похожие

Ўрта таркибли магматик жинслар

Ўта асос магматик жинслар

Petrografiya (петрология) фанининг ривожланиш тарихи

Магматизм

Эндоген конларнинг ҳосил бўлиш жараёнлари (Магматик пегматит ва карбонатит)