Магматизм - Геология - Рефераты

Магматизм

Загружено в:

20.09.2019

Скачано:

0

Размер:

187.5 KB

Магматизм Режа: 1. Умумий маълумотлар 2. Интрузив таналарнинг ётиш шакллари

1. Умумий маълумотлар Магма - ўта қизиган суюқ, э р и г а н м а с с а б ў л и б , е р п ў с т и н и н г и ч к и қ и с м л а р и д а р а д и о а к т и в элементларнинг парчаланишидан ажралиб чиққан иссиқлиқ энергияси туфайли ҳосил бўлади. Магма мураккаб таркибли, асосан силикатли суюқлик бўлиб, унинг таркибида эриган учувчан компонентлар кўп бўлади. Бу компонентлар магманинг ҳаракатчанлигини оширади . Магма ўчоқлари ер пўстининг серҳаракат жойларида ва юқори мантияда ҳосил бўлади. Магмадаги учувчан компонентлар катализаторлар деб аталади. М и н е р а л и з а т о р л а р м и н е р а л л а р н и ҳ о с и л қ и л у в ч и элементлар бўлиб, бунда уларнинг таркибидаги сув буғлари асосий аҳамиятга эга бўлади . Сув буғларидан ташқари, магмада минерализаторлардан СО 2 НСl, НF, SО 2 , Н 2 СО 3 ва бошқалар бўлади. Магма таркибининг 96,88% SiO 2 ,ТiO 2 , Аl 2 О 3 , Fе 2 О 3 , FеО, МgО, СаО, N 2 O, К 2 О ташкил қилади. Булардан ташқари, магмада кам миқдорда Р, С, Сl, S, Ва, Sr, Мn, Ni, Сo, V каби элементлар бор. Қолган барча элементлар магма умумий таркибининг 0,5% ни ташкил этади. Демак магма турли газсимон компонентлар билан тўйинган мураккаб силикатли суюқликдан иборат бўлиб, унинг таркибида кремний оксидининг миқдори 35 дан 80 % гача етади. Кремний оксидининг миқдорига қараб магма нордан (SiО 2  ), ўрта (SiО 2  65-62  ), асосли (SiО 2  52-45%) ва ўтаасосли (SiО 2  45%) гуруҳларга бўлинади. Магманинг жинслар орасига ёриб кириши жараёнида учувчи компонентларнинг бир қисми ажралиб чиқади ва ёндош жинсларга ўз таъсирини ўтказиб, уларнинг таркибини бирмунча ўзгартиради. Магма таркибида эриган учувчи компонентларнинг қолган қисми магманинг ер юзасига оқиб чиқиш вақтида мавжуд босимнинг пасайиб кетиши натижасида ундан ажралиб чиқади.

Магмадан турли минерал таркибли тоғ жинсларининг босқичма - босқич ҳосил бўлиш жараёнлари й иғиндисига магма дифференциацияси дейилади. Магма дифференциацияси унинг кристалланиш жараёнида физик - кимёвий шароитининг ўзгариши туфайли рўй беради. Магма таркибидаги элементлар қулай шароитларда бирин - кетин бирикиб, маълум тартибда кристалланади. Кристалланиш дифференцацияси магманинг совуши жараёнида яққол намоён бўлади. Магма совий бошлаганда дастлаб рангли минераллар: оливин ва пироксен кристалланиб чўка бошлайди, сўнг асосий, ў рта ва нордон плагиоклазлар, энг кейин кремнийга бой минераллар ва, ни ҳ оят, эркин кремний оксиди кристаллари (кварц) ҳосил бўлади. Магмадаги учувчан компонентлар ер қатламлари орасида элементларнинг ҳаракатини ва магманинг кристалланиш жараёнларини тезлаштиради. Кристалланиш жараёни интрузиянинг совиши тезроқ кечадиган чекка қисмидан бошланади. Шу йўл билан ҳосил бўлган кристаллар (биринчи навбатда катта солиштирма оғирликдаги) чўка бошлайди. Магма суюқлигининг юқори қисмида қолган моддалар кремний оксиди билан бойийди ва таркиби бўйича нордон магмаларга яқинлашиб қолади. Магма қотишининг охирги босқичида кремний оксиди ва учувчи компонентлар билан бойиган қолдиқ магма ҳосил бўлади. Унинг кристаллланиб қотишидан пегматитлар вужудга келади. Пегматитлар таркибида учувчи компонентлар мавжуд бўлган минералларнинг йирик кристалларидан тузилган бўлади. Магма юқорига кўтарилганда чўкинди ва метаморфик жинслар орасидаги бўшлиқларга ёриб киради . Натижада ер қатламлари орасида магма аста - секин узоқ вақт давомида совийди ва ниҳоятда мураккаб физик, кимёвий жараёнлар таъсирида кристалланиб, кристалли жинсларни ҳосил қилади.

Шундай қилиб, магма дифференциацияси натижасида ер пўстида интрузив, ер юзасида эса эффузив жинслар ҳ осил бўлди. Бир таркибли магмадан ҳосил бўлган эффузив ва интрузив жинсларнинг кимёвий таркиби бир - бирига жуда ў хшаш бўлади. Лекин улар структураси, текстураси ва минерал таркиби жиҳатдан улар бир - биридан кескин фарқ қилади. Ер пўстида магматизм жараёни турлича шаклда кечиши мумкин. Магма суюқ ҳолда тектоник зоналар бўйлаб ёндош жинсларни эритиб, уларнинг ичига ёриб кириши, яримқотган ва қовушоқ массаларнинг сиқилиб чиқиши натижасида ёндош жинсларга механик таъсир кўрсатиши ёки портлаш даражасига етиб, ер юзасига катта куч билан отилиб чиқиши ёки лава тарзида оқиб чиқиши мумкин. Магма суюқлигининг ер пўсти ичида кристалланиб қотиши натижасида интрузив жинслар ва ер юзасига лава ҳолида қуюлиши ёки атмосферага вулкан кули сифатида отилиши ва чўкиши туфайли вулканоген - эффузив (отқинди) жинслар ҳосил бўлади. Ҳам интрузив, ҳам вулқон жинслари ҳусусиятларига яқин, унчалик чуқур бўлмаган жойларда ҳосил бўлувчи субвулкан тоғ жинслари ҳам мавжуд. Интрузив жинслар ер пўстининг ички қисмида, катта чуқурликда магма маҳсулотларининг қотиши туфайли у ларнинг кристалланиши катта босим остида ва учувчи компонентларнинг фаол иштирокида магманинг жуда секин совуши шароитларида кечади. Шунинг учун ҳам интрузив жинсларнинг структураси тўла кристалли ва текстураси компактли бўлади. Уларнинг таркибида учувчи компонентларга бой бўлган минераллар кўплаб учрайди. Субвулкан жинслари ер юзасига яқин, паст чуқурликларда ҳосил бўлади. Бунда магманинг совуш жараёни анча тез кечади ва кристалланиш шароитида мувозанат бузилган бўлади. Уларда майда кристалли, одатда, порфирсимон структура ва минералларнинг зонал тузилганлиги кузатилади. Эффузив жинслар гуруҳига ер юзасига ҳаракатчан суюқ лаванинг қуюлиши ёки суст ҳаракатли қовушқоқ маҳсулотларининг отилиб чиқишидан ҳосил бўлувчи тоғ жинслари киради. Бунда кристалланиш

жараёни учувчи компонентларнинг иштирокисиз, атмосфера босимига яқин босим ва лаванинг тез совуши шароитларида боради. Вақтлар ўтиши билан ер пўсти кўтарилганда кучли эрозия жараёни туфайли интрузив жинслар ер юзасида очилиб қолади . 2. Интрузив таналарнинг ётиш шакллари Интрузив массивларнинг ётиш шаклларини, уларнинг ёндош жинслар билан бўлган муносабатларини ва ер пўстининг тектоник структураларидаги тутган ўрнини аниқлаш муҳим назарий ва амалий аҳамиятга эга. Магматик ва постмагматик генезизсга эга бўлган турли фойдали қазилмалар интрузив жинсларнинг ётиш шаклларига бевосита боғлиқ бўлади. Интрузив жинсларнинг ётиш шакллари эса уларнинг ҳосил бўлиш шароитлари билан чамбарчас боғланган. Интрузив жинсларнинг ётиш шаклларини ёндош жинсларга нисбатан бўлган муносабатларига қараб мувофиқ ва номувофиқ турларга бўлиш мумкин. Номувофиқ интрузиялар . Бундай интрузияларнинг ўлчами турлича, юзлаб куб метрдан минглаб куб километргача бориши мумкин. Номувофиқ интрузиялар ҳажми ва ётиш шакли бўйича батолитлар, штоклар, этмолитлар, гарполитлар ва дайкаларга ажратилади. Уларнинг орасида энг йириклари батолитлардир. Батолитларнинг ер юзасига чиқиш майдони 100-200км 2 боради. Уларнинг устки (апикал) қисми гумбазсимон, аркасимон ясси ёки тепаликлар ва чуқур-лардан иборат мураккаб тузилишга эга бўлиши мумкин (99-расм). Батолитларнинграсм. Батолитнинг вертикал кесмада кўриниши.

вертикал қалинлиги 10 - 12 км га боради . Батолитларнинг кўп қисми габбро, диорит ва гранитлардан иборат. Батолитлар кўп ҳолларда тектоник структураларни кўнда-ланг йўналишда ёриб чиққан бўлади. Бундай интрузив массивларнинг тепа қисмида ҳар хил ўлчамдаги ксенолитлар кўплаб учрайди. Батолитлар Ўрта Осиёда кенг ривожланган. Уларни Чотқол-Қурама, Ҳисор ва Нурота тоғларида кузатиш мумкин (100-расм) . Апофизалар - асосий интрузивлардан четга ёриб кирган ёки йирик пона шаклидаги қисмидир. Ёндош жинсларга нисбатан апофизалар мувофиқ, номувофиқ- ёриб кирувчи ҳолда шаклланган бўлиши мумкин. Штоклар кесмада изометрик йирик устунсимон шаклдаги интрузиялар бўлиб, юзаси 100 км 2 гача етиши ва чуқурликка қараб бирмунча кенгайган бўлиши мумкин (расм). Этмолит устки (апикал) қисми ботиқ, чуқурликка қараб торайиб борувчи нотўғри воронка шаклдаги интрузия ҳисобланади (расм). Уларнинг устки қисмидаги ёндош жинслар билан контакти мувофиқ бўлиши мумкин. Улар го ризонтал кесмада изометрик ёки бир қанча чўзилган шаклда бўлади. Этмолитлар силл→лополит→этмолитрасм. Қўшработ боталитининг очилмаси. расм. Штоклар. расм. Э тмолит .

схемаси бўйича силларнинг ҳосил бўлишининг кечки босқичи деб тахмин қилинади. Гарполит (юнонча «гарпос» - ўроқ ) йирик, ёриб кирувчи, ички қисми мувофиқ, вертикал кесмада ўроқсимон шаклдаги интрузив танадир (расм). Гарполитларнинг устки қисми маълум тепаликлар ва чуқурликлардан иборат қавариқ шаклда бўлади. Пастки қисми эса эгилган, горизонтал ёки илдизи томон қияланган бўлади. Гарполит ларнинг ҳосил бўлиши бурчакли номувофиқликларга боғлиқ бўлиши мумкин. Кристаллашган қадимий жинслар билан уларнинг устида номувофиқ ётувчи ҳосилалар орасига магманинг ёриб кириши билан боғлиқ. Дайкалар тоғ жинсларидаги дарзликлар бўйлаб магма суюқлигининг ёриб киришидан ҳосил бўлади (104-расм). Улар тик ҳолдаги ўзаро параллел чегараларга эга бўлган ёриб кирувчи таналардир. Дайкаларнинг узунлиги уларнинг қалинлигидан ўнлаб марта катта бўлади. Дайкаларнинг аксарият қисми 0,5 дан 5-6 м қалинликка ва ўнлаб метр узунликка эга бўлади. Баъзи ҳолларда уларнинг қалинлиги 250 м га бориши, узунлиги эса 100км дан ортиқ бўлиши мумкин. Дайкалар бир жинсли оддий ва магманинг бир неча бор ёриб кириши натижасида турли жинсли мураккаб тузилишга эга бўлиши мумкин. Мувофиқ интрузиялар . Мувофиқ интрузиялар гуруҳига ёндош жинслар қатламлари чегаралари билан ажралган ва уларга нисбатан параллел жой-лашган интрузиялар кира-ди. Одатда улар плитасимон ёки линзасимон расм. Г арполит . расм. Д айка.

шаклдаги ясси интрузия-лардир. Мувофиқ интру-зияларнинг кўпчилиги қатламлар орасига магманинг сиқилиб кириши натижасида ҳосил бўлади. Бундай мувофиқ интрузияларга силлар, лакколитлар, лополитлар ва факолитлар кирад. Силлар статиграфик горизонтлар ёки формация-лар оралиғига магма суюқлигининг сиқилиб кириши натижасида ҳосил бўлган плитасимон интру-зив ётқизиқлардан иборат (105-расм). Уларнинг жойлашган ҳолати горизонтал, озроқ қияланган ва баъзида бурмаланган бўлиши мумкин. Силлар баъзи ҳолларда қалинлиги 600-900м ва майдони минглаб квадрат километрларга етувчи улкан ўлчамли бўлиши мумкин. Силлар бир компонентли оддий ёки магма суюқлигининг бир неча бор ёриб кириши натижасида кўп компонентли мураккаб таркибли бўлиши мумкин. Лакколитлар вер- тикал кесмада замбруғ- симон шаклдаги муво-фиқ интрузиялар бўлиб, уларнинг устки қисмида қатламли тоғ жинслари гумбазсимон ёки аркасимон кўтарилган бўлади (106- расм). Уларнинг пастки юзаси горизонтал ва ясси бўлади. Лакколитлар остидаги озиқлантирувчи канали тахминан кувурсимон ёки дайкасимон бўлади. Нордон ёки ўрта таркибдаги қовушқоқ магма гипабиссал шароитларда қатламлар орасига сиқилиб кирган. Лополитлар (юнонча-«лопос»-товоқ) платформа тузилишга эга бўлган худудлардаги товоқсимон шаклдаги мувофиқ интрузиялар бўлиб, диаметрирасм. Кў п ярусли силлар. расм. Лакколит. расм. Лополит.

юзлаб километрни ва қалинлиги юзлаб метрни ташкил қилади (107-расм). Улар кам ва ўрта чукурликларда кенг поғонасимон грабенлардаги дарзликлар бўйича магманинг кўтарилиши натижасида ҳосил бўлади. Лополитларни ташкил қилувчи интрузив жинслар асосли, ўтаасосли ва ишқорли таркибга эга бўлади. Факолитлар (юнон- ча-«факос»-линза) анти- клинал ва синклинал бурмаларнинг ядросида қатламлар орасига магма- нинг сиқилиб киришидан ҳосил бўлган яримой шаклдаги интрузиялар бўлиб, бурмаларнинг турига қараб симметрик ва асимметрик шаклли таналарни ҳосил қилади (108-расм). Табиатда ёндош жинслар билан ҳам мувофиқ, ҳам номувофиқ контактларга эга бўлган интрузив жинсларнинг структура шакллари кенг тарқалган. Улар сероген структура шакллари деб юритилади. Йирик интрузив массивларнинг шаклланиши бир неча: ортомагматик, пегматитли, пневматолитли ва гидротермал босқичларда амалга ошади. Уларнинг ҳар бири билан саноат аҳамиятига эга бўлган маъданли фойдали қазилма конлари боғлиқ. Ортомагматик босқич магма ўчоғидан магма суюқлиги асосий массасининг баланддаги ёндош жинсларга ёриб кириши ва интрузив массивнинг шаклланиши билан характерланади. Магманинг совуши уч хил йўналишда кечиши мумкин. Биринчидан, магма суюқлиги иккига ажралиши (ликвация) мумкин. Бунда мис ва никел минералларидан таркиб топган маъданлар шаклланади. иккинчидан, ҳали қотиб улгурмаган қолдиқ суюқликдан массив ичида минералларнинг дастлабки кристаллиза циясида (кристаллизацион дифференциация) минералларнинг аж ралиб чиқиширасм. Факолитлар .

ҳисобига қатламларга ажралиши мумкин. Биринчи ва иккинчи ҳолларда ҳам интрузив таналарда қатламларга ажралиш кузатилади. Учинчидан, магма суюқлиги бир неча бор ёриб кириб, кўп фазали плутон ҳосил қилиши мумкин. Бундай интрузиялар кўп фазали дейилади. Ортомагматик босқичда магма таркиби ва унда кечаётган жараёнларга боғлиқ ҳолда дунит, перидотит, габбро, диорит, сиенит, гранодиорит, гранит ва шу каби тўлиқ кристалли турли донали жинслар ҳосил бўлади. Ортомагматик босқич билан мис, никел, хром, платиноидлар, титан, темир, необий, циркон, сийрак ер элементлари ва апатитнинг магматик конлари (ликвацион, эрта ва кеч магматик)шаклланиши боғлиқ бўлади. Пегматитли босқич . Интрузивлар ёки уларнинг алоҳида фазаларининг қотиши якунланишида интрузив массивларнинг устки қисмидаги эндо ва экзоконтактларда томир ёки уялар шаклидаги унча катта бўлмаган таналар шаклланади. Улар одатда зонал тузилишга, нотекис тўла кристалли структурага, таркибида муайян минералларнинг йирик ўлчами билан хратерланувчи пегматитлардир . Пегматитлар ҳар қандай таркибли интрузив массивларга хос. Аммо уларнинг орасида гранитли пегматитлар устуворликка эга. Уларнинг ҳосил бўлиши бошланғич ҳарорати 700-800°С бўлган қолдиқ магманинг юқори даражада минераллашган учувчи бирикмалардан ажралиши билан боғлиқ. Магма суюқлигининг совиши таркиби жинс ҳосил қилувчи минераллар билан кимёвий мувозанатда бўлган газсувли эритманинг ажралиб чиқиши орқали якунланади. Пегматитли босқичда керамик хом ашё, мусковит, тоғ биллури, қимматбаҳо тошлар, флюорит ҳамда Li, Be, Rb, Cs, Sn, W, Th, U, Nb, Та конлари ҳосил бўлади. Пневматолитли босқич магматик ўчоқдан иссиқ кимёвий фаол постмагматик учувчи компонентларнинг ажралиб чиқиши ва интрузив массивнинг апикал қисмига таъсири билан боғлиқ. Бу босқичда ҳарорати пасайиши давомида юқори ҳароратли гидротермал эритмаларга айланувчи газ фазаси катта аҳамиятга эга бўлади. Интрузив жинсларга пневматолитли

газларнинг таъсири туфайли грейзенлар - слюда, кварц, баъзан турмалин, топаз, флюорит агрегатлари ва уларга йўлдош бўлган маъданли минераллар вужудга келади. Пневматолитли босқичда Sn, W, Li, Be, Mo конлари ҳосил бўлади. Гидротермал босқич. Йирик плутонларнинг шаклланиши магматик ўчоқдан газсуюқ эритмаларнинг (гидротерма) ажралиб чиқиши ва гидротермал томирларнинг ҳосил бўлиши билан якунланади. Кварцли, сульфидли ва карбонатли гидротермал томирлар кенг тарқалган. Гидротермаларнинг асосий компоненти бўлиб минерал тузлар ва газлар эриган сув ҳисобланади. Булар коллоид ва молекуляр эритмалар бўлиши мумкин. Гидротермал минерал ҳосил бўлишидаги бошланғич ҳарорат 600-700 °С га яқин. Ҳарорат аста-секин 25-50 °С гача пасайиб боради. Гидротермал томирлар ва улар билан боғлиқ конлар катта чиқурликда содир бўлувчи юқори ҳароратли (500-300 °С), ўрта (300-200 °С) ва паст ҳароратли (200-50 °С) турларга бўлинади. Гидротермал босқич билан тоғ биллури, Sn, W, As, Bi, Аu, Сu, Zn, Pb, Ag, Sb, Hg конлари боғлиқ. Интрузив ҳосилалар орасида нордон жинслар (гранитлар ва гранодиоритлар) кенг тарқалган. Ўрта таркибдаги (сиенитлар ва диоритлар), асосли (габбро ва пироксенитлар), ўтаасосли (перидотитлар ва дунитлар) камроқ учрайди. Сиентилардан ташқари барча жинслар нормал ишқорликдаги жинсларга киради. Магматик тоғ жинслари умумий таркибининг 99% га яқинини ташкил этувчи жинс ҳосил қилувчи минералларга кварц, калийли дала шпатлари, плагиоклазлар, лейцит, нефелин, пироксенлар, амфиболлар, слюдалар, оливин ва б. киради. Тоғ жинслар ининг жуда кам миқдорини ташкил этувчи м инераллар акцессор лар деб аталади. А кцессор минерал лар о расида циркон, апатит, рутил, монацит, ильменит, хромит, тита нит, ортит ва бошқаларни кўрсатиш мумкин ; баъзан маъданли минераллар (магнетит, хромит, пирит, пирротин ва

б .) ҳам учрайди. Тоғ жинслари да жуда кам миқдорда ( фойизнинг юздан бир улушлари ) учрайдиган элемент-қўшимчалар : литий, бериллий, бор, қалай, мис, хром, никел, хлор, фтор ва б . ажратилади. Жинс ҳосил қилувчи минераллар тоғ жинсларининг 5% дан кўпини, акцессорлар эса 5% дан кам миқдорини ташкил этади. Қора рангли минералларнинг миқдори ҳам катта таснифий аҳамиятга эга. Масалан, кремнезёмга тўйинмаган оливин минерали асосан ўтаасосли жинсларда учрайди. Ўрта жинсларда одатда роговая обманка, нордонларида эса биотит мавжуд бўлади. Ишқорли жинслар амфиболларнинг учраши билан характерланади. Магматик жинсларни таснифлашда сиаллик минералларнинг, айниқса дала шпатларининг миқдори ва таркиби ҳам муҳим аҳамиятга эга. Масалан, плагиоклазларнинг таркиби нордонлиги бўйича муайян тоғ жинсларига тўғри келади: ўтаасосли жинсларда плагиоклазлар бош минерал ҳисобланмайди, асосли жинсларда асосли (кальцийга бой) плагиоклазлар, ўрта жинсларда ўрта (натрий-кальцийли) плагиоклазлар мавжуд бўлади, нордон жинслар учун нордон (кальцийли) плагиоклазлар характерлидир. Кварц ўрта ва асосли жинслар да ҳам учрайди, аммо нордон жинслар нинг типи к минерал и ҳисобланади . Силикатлар ҳосил бўлиши учун металлар билан бирикмага киришадиган SiO 2 миқдори магмада керагидан ортиқ бўлиши лозим. Тоғ жинсларида оливиннинг мавжудлиги уларнинг кремнезём билан тўйинмаганлигининг белгиси бўлиб хизмат қилади. Бу минерал SiO 2 миқдори пироксен ҳосил бўлиши учун етарли даражада бўлмаганда фақат магмадангина кристалланади. Акс ҳолда оливин ҳосил бўлмайди, чунки магма эритмасида кремнезём миқдори етарли даражада бўлганда оливин энстатитга айланади. Интрузив жинсларнинг тўлиқроқ тавсифи «Минераллар ва тоғ жинслари бўйича лаборатория машғулотлари» номли ўқув қўлланмасида берилган.

Адабиётлар : 1. Jo`liev. A . X ., Chiniqulov . X . Umumiy geologiya ( Oliy o ` quv yurtlarining geologiya fakulteti talabalari uchun darslik ). Тошкент, «Университет», 2005. 2. Общая геология: учебник. Под редакцией профессора А. К. Соколов ского. Т 1 . М.: КДУ, 2006. 3. Общая геология. Под редакцией А.К.Соколовского. Том 2. Пособие к лабораторным занятиям, М .: , 2006. 4. Историческая геология: учебник для студ. высш. учеб. за веде ний /Н.В.Короновский, В.Е.Хаин, Н.А.Ясаманов. — 2-е изд., пе рераб. и доп. — М. : Издательский центр «Акаде мия», 2006. 5. Долимов Т.Н., Троицкий В.И. Эволюцион геология. Т., 2007. 6. Исломов О.И., Шораҳмедов Ш.Ш. Умумий геология. Т., 1971. 7. Шораҳмедов Ш.Ш. Умумий ва тарихий геология. Тошкент, 1985. 8. Шораҳмедов Ш.Ш., Қодиров М.Ҳ. Умумий ва тарихий геоло гиядан лаборатория машғулотлари учун қўлланма. Т., 1988. 9. Хаин В.Е. Геология. М., 1993. 10. Қодиров М.Ҳ., Шораҳмедов Ш.Ш. Геологиядан амалий машғулотлар. Т., 1994. 11. Жўлиев А.Х., Соатов А., Юсупов Р. Геология асослари. Т . 2001. 12. Chiniqulov Kh. Litologiya (darslik). Toshkent, «Yangi asr avlodi», 2008.

Похожие

Эффузив магматизм – вулканизм

Геологик жараёнлар ва уларнинг ер пустини ривожлантиришдаги ахамияти

Геологик ҳодисалар. Эндоген ва экзоген геологик ҳодисалари ва уларнинг аҳамияти. Эндоген геологик жараёнлар

Архей ва эрта протерозой босқичи

Литосфера плиталари тектоникаси назарияси