Қаттиқ қотишмали коронкалар билан бурғилаш технологияси - Геология - Рефераты

Қаттиқ қотишмали коронкалар билан бурғилаш технологияси

Загружено в:

20.09.2019

Скачано:

0

Размер:

177 KB

Қаттиқ қотишмали коронкалар билан бурғилаш технологияси Режа: 1. Умумий маълумотлар. 2. Қаттиқ қотишмалар ҳақида маълумот. 3. Қаттиқ қотишмали коронкаларнинг кесувчи қисмининг 4. геометрияси ва конструктив элементлари 5. Қаттиқ қотишмали коронкаларни тайёрлаш технологияси 6. Қаттиқ қотишмали коронкалар. 7. Кесувчи коронкалар.

Таянч иборалар: коронка, қаттиқ қотишмалар, металкерамик, штырли, парракли, гидрозарбали, қирқувчи кўндаланг кескичлар, кескичларни жойлашуви, тагкескич, қовурға, ўзини ўзи чархлайдиган, бурғилаш режими. Умумий маълумотлар. Қаттиқ қотишмали коронкалар билан қолдиқ, метаморфик ва магматик I-VIII категориядаги тоғ жинслари ювувчи суюқликларни ёки қисилган ҳавони қўллаб бурғиланади. Қаттиқ қотишмали коронкаларни нархи нисбатан паст, коронка ёрдамида ҳар хил геологик шароитлардаги горизонтга нисбатан ҳар қандай бурчак остида бурғилашни олиб боришни имконияти мавжуддир. Янги турдаги қаттиқ ва ўта қаттиқ қотишмаларни яратиш қаттиқ қотишмали усулни кенгайтириш имкониятини беради. Қаттиқ қотишмалар ҳақида маълумот. Қаттиқ қотишмалар – бу махсус қотишмаларга асосланган, углерод билан металнинг аралашмаси бўлиб, юқори қаттиқлиги, мустаҳкамлиги, ейилишга чидамлилиги ҳамда кислота ва ишқорларнинг таъсирига қарши кимёвий бардошлиги билан тавсифланади. Қаттиқ қотишмаларнинг иккита гуруҳи мавжуд: қўйма ва металл керамик. Қўйма қаттиқ қотишмалар чизиқли, қовурғали – донодор қотишмалар, донсимон аралашма кўринишда бўлади. Ҳамма деталларни ва асбобларни сиртига қўйма қотишмалар сузилади, уларни тезда коррозия ва юқори ҳарорат таъсирида емирилишдан ҳимоя қилади. Бурғилашда қўйма қотишмалардан: сормайт – узатмаларни ва бурғилаш жиҳозларининг бошқа элементларини ейилиб кетишини олдини олишда қўлланилади; Ремий ТЗ дан айлантириб бурғилашда қўлланиладиган бурғиларни қўймалари вакор

ёрдамида бурғи ва мустаҳкамлаш қувурларининг бошмоқларига ҳамда зарбали ишлайдиган асбобларининг сиртига суюлтириб қопланади. Металл керамик қаттиқ қотишмалар таркиби бўйича иккита гуруҳга бўлинади: 1) вольфрам кобальтли (бир карбидли) бўлиб, вольфрам ва кобальт карбидидан ташкил топган; 2) титан фольфрамли (икки карбидли) бўлиб, титан карбиди, вольфрам ва кобальт карбидидан ташкил топган. Бу қотишмалар карбид ва кобальтнинг кукунидан кукунли металлургия усулларида тайёрланади. Титан вольфрамли гуруҳдаги қотишмалар пўлатларни қирқиш ва ишлов беришга мўлжаллангандир. Вольфрам кобальт гуруҳи металл керамик қаттиқ қотишмалар, тоғ-бурғилаш асбобларини тайёрлаш чўян, рангли металларни, нометалл материалларга кесишда ишлов берилади. Металл керамик вольфрам кобалтли қотишмалар ВК ҳарфлари билан белгиланади. Колонкали бурғилашда фойдаланиладиган жинс парчаловчи асбобларнинг қаттиқ қотишмали кесувчиларининг қуйидаги маркаларидан фойдаланилади: қаттиқ қотишмали коронкалар ВК6 (ВК6В), ВК8 (ВК8В); штырли ва парракли бурғилар ВК8 (ВК8В); гидрозарбали коронкалар ва бурғилар ВК8, ВК11В, ВК15; ҳавозарбали бурғилаш учун қўлланиладиган коронкалар ва бурғилар ВК15. ВК кейинги цифрлар қотишмадаги кобальтнинг фоизли таркибини кўрсатади, қолганлари эса (100% гача) – карбид вольфрамни кўрсатади. Масалан: ВК8 – кобальт (8% гача) – СО, вольфрамнинг улуши (WC) – 92%. Қотишмада кобальтнинг улуши қанчалик кўп бўлса, у эгувчи юкламаларга яхши қаршилик кўрсатади, лекин қаттиқлиги ва ейилишга қаршилик кўрсатиши кичик бўлади. ВК6 – зич тоғ жинсларини бурғилашда қўлланиладиган коронкаларни яхши арматуралайди, ВК8-ёриқланган ва нояхлит тоғ жинсларини бурғилашга, ВК11 ва ВК15 лар эса зарбали айлантириб бурғилашда

қўлланилади. Таркибида кобальт миқдори кам бўлган (ВК3, ВК6) аралашмалар абразив тоғ жинсларини, юқори таркибли кобальтлар (ВК8) – кам абразивли тоғ жинсларини бурғилашда қўлланилади. Қаттиқ қотишмалар: Юқори қаттиқлиги, мустаҳкамлиги, ейилишга чидамлиги, кислота ва ишқорларга қарши кимёвий бардошлилиги билан тавсифланади. Чидамлигини ошириш учун қаттиқ қотишмалар деталларни ва асбобларни сиртига қопланади, емирилишдан ва коррозиядан ҳимоя қилади. Материаллари – вольфрам кобальтли, титан вольфрамли, металл керамик вольфрам кобальтли бўлади. Қаттиқ қотишмали коронкалар ВК6 (ВК6В), ВК8 (ВК8В), ВК11В, ВК15 Коронкаларни арматуралаш учун ВК6 ва ВК8 қотишмалардан қаттиқ қотишмали қирқичлар ҳар хил шаклларда тайёрланади. Қаттиқ қотишмали кесгичларнинг шакли ва ўлчамлари бурғиланадиган тоғ жинсларининг физик-механик хоссаларидан келиб чиқиб аниқланади. Коронкада кесгичларнинг жойлашуви жуда катта аҳамиятга эга бўлиб, коронка ишлатиладиган шароитнинг физик-механик хоссасига боғлиқ бўлади. Стандарт қаттиқ қотишмали коронкалар завод шароитида тайёрланади. Биринчидан коронканинг корпуси тайёрланади. Бунинг учун тайёрланма материал қирқилади, резьбалар йўнилади, қуйқум пазалари ва ювувчи каналлар тешилади ва фрезеровка қилинади. Ундан кейин эса корпуснинг ишчи қирраларида ариқчалар ва тешиклар йўнилади, қаттиқ қотишмали кескичларнинг остки қисми фрезировка ёки парчаланади. Коронкалар конструкцияси бўйича учта гуруҳга бўлинади. Технологик бурғилаш режими – ўқли юкламага, ювувчи суюқлик сарфига, бурғилаш тезлиги, юмшоқ тоғ жинсларини, ўртача қаттиқ, қаттиқ тоғ жинсларини физик-механик хоссаларига боғлиқдир. Сонли белгидан кейин қўйилган В индекси қотишмани тайёрлаш энг мураккаб технологияда қиздириб бириктирилганлигини ва энг яхши хоссага

эга бўлишини кўрсатади. WC-нинг бир улуши миқдорида ҳам қотишмада вольфрамнинг миқдори кўп бўлади. Масалан: ВК6 ва ВК6В ларнинг таркибида WC 94%, биринчи қотишмада тоза вольфрам 88,3%, иккинчисида эса – 89%. ВК қотишманинг зичлиги 14-15 г/см 3 , қаттиқлиги НRС 86-88. Қаттиқ қотишмали кескичларнинг шакли ва ўлчамлари. Коронкаларни арматуралаш учун ВК6 ва ВК8 қотишмалардан қаттиқ қотишмали қирқичлар ҳар хил шаклларда тайёрланади. Қаттиқ қотишмали кесгичларнинг шакли ва ўлчамлари бурғиланадиган тоғ жинсларининг физик-механик хоссаларидан келиб чиқиб аниқланади. Кесгичларнинг кўндаланг кесим юзасини ўлчамлари бурғиланадиган тоғ жинсининг қаттиқлигига боғлиқ бўлади. Тоғ жинси қанчалик қаттиқ бўлса, кесгичнинг кўндаланг кесим юзаси шунчалик кичик бўлади. Қаттиқ қотишмали коронкаларнинг кесувчи қисмининг геометрияси ва конструктив элементлари. Коронкада кесгичларнинг жойлашуви жуда катта аҳамиятга эга бўлиб, коронка ишлатиладиган шароитнинг физик-механик хоссасига боғлиқ бўлади. Коронкага жойлаштирилган кесгичлар мўлжалланиши бўйича асосий ва таг кескичларга бўлинади. Асосий ҳажмий кесгичлар коронкаларни ён томони кўндаланг кесимларини тўлиқ ёпади, сирт юзасининг ташқи ва ичкарисига туртиб чиқиб туради. Бу кесгичлар қудуқ тубидаги тоғ жинсини парчалаш ишларини амалга оширади. Кесгичларни ён томонга чиқарилиши, керн ва коронканинг ички сирти оралиғидаги ҳалқали оралиқ масофани қолдириш учун яратилган. Оралиқ масофа кернни тўсиқсиз кириб келишини, ювувчи қуюқликларни циркуляцияси ва қуйқумларни чиқишини таъминлайди.

Таг кесгичлар коронкаларни ташқи ва ички сиртларни қўшимча мустаҳкамлайди, ейилишга қарши тўсқинлик қилади. Айниқса абразив тоғ жинсларини бурғилашда ташқи диаметрини ҳимоя қилади. Тоғ жинсининг абразивлиги ва қаттиқлиги юқори бўлса, коронкада таг кесгичлар шунча кўп бўлади. Ўртача қаттиқ ва қаттиқ тоғ жинсларини бурғилашда кесгичлар ён томонга 0,75÷1,5 мм чиқади. Юмшоқ тоғ жинслари учун кесгичлар ички ён сиртга 1,5÷2,0 мм дан 3,5÷4,5 мм гача чиқарилади. Қаттиқ қотишмали коронкаларни тайёрлаш технологияси. Стандарт қаттиқ қотишмали коронкалар завод шароитида тайёрланади. Биринчидан коронканинг корпуси тайёрланади. Бунинг учун тайёрланма материал қирқилади, резьбалар йўнилади, қуйқум пазалари ва ювувчи каналлар тешилади ва фрезеровка қилинади. Ундан кейин эса корпуснинг ишчи қирраларида ариқчалар ва тешиклар йўнилади, қаттиқ қотишмали кескичларнинг остки қисми фрезировка ёки парчаланади. Корпусга тайёрланган кескичлар ўрнатилади, ҳар бир коронканинг намунавий геометрик ўлчамларига риоя қилинади. Кескичларни пайвандлаш тигел печлар ёрдамида эритилган латунли пайвандлар ёрдамида амалга оширилади. Геологик разведканинг коронкаларнинг тайёрлаш механик устахонасида ностандарт конструкциядаги коронкалар тайёрланади, коронка корпуси 800 0 С гача қиздирилади. Қаттиқ қотишмали коронкалар. Коронкалар конструкцияси бўйича учта гуруҳга бўлинади: 1) қовурғали турдаги коронкалар: М1, М2, М5 – номустаҳкам юмшоқ тоғ жинсларини бурғилашда қўлланилади;

2) кесувчи коронкали СМ4, СМ5, СМ6 ва СТ2 ноабразив ва камабразив ўртача қаттиқликдаги тоғ жинсларини бурғилашда қўлланилади; 3) ўзини чархлайдиган турдаги: СА1, СА2, СА3, СА4; СА5 ва СА6 ўртача қаттиқликдаги абразив ва қисман қаттиқ тоғ жинсларини бурғилашда қўлланилади. Қовурғали коронкалар. Коронка №5 – бу рғиланиши бўйича II-IV категориядаги бир жинсли тоғ жинсларини бурғилашда қўлланилади. М2 коронкадан фарқи саккиз қиррали ярим кесгичлар 2,2 мм-ли диаметрдаги тешиклар билан фойдаланилган бўлиб, М5 – коронкасидан ҳам фойдаланиш мумкин. расм. М5 қовурғали коронка. 1- коронканинг корпуси; 2-қовурға; 3-асосий кескич; 4-таг ости кескичи; 5- маркировка жойи.

М5 коронкадаги қирралар ён томонида жойлашмаган бўлиб, М1 ва М2 коронка каби пазаларида яъни корпуснинг четларида ариқчалар йўнилган. Коронкаларнинг диаметри 93 ва 112 мм бўлганда тўртта қовурға, 132 ва 151 мм бўлганда олтита қовурға ўрнатилган. Тўғри бурчакли ариқчаларнинг ҳар бир қовурғасида ВК8 қотишмасидан тўрттадан ички қисми бўш бўлган саккизта қирралар пайванд қилинган. Кесгичлар иккита сатҳда ўрнатилган бўлиб, биринчи ва тўртинчиси 1,5 мм, иккинчиси ва тўртинчисига нисбатан юқорига чиқиб туради. Кесувчи коронкалар. СМ4 туридаги коронка камабразив яхлит ва V-VI категориядаги навбатлашувчи ва қисман VII-чи категориядаги тоғ жинсларини бурғилашда қўлланилади (7.1-расм, а). Асосий ва қўшимча коронканинг подрезларидаги кесгичлари ВК6 қотишмасидан бажарилган. Қўшимча таг кесгичлари тагида 3-мм кўтарилган ҳолда ювувчи каналлар ўрнатилган. Коронка СМ5 яхлит кам абразив ва V-VI категориясидаги кучсиз ёриқли тоғ жинсларини бурғилашда қўлланилади. Коронка ВК6 қотишмасидаги кесгичлари арматураланган (7.1-расм, б). Коронка СМ6 – яхлит кам абразивли ва VI-VII категориясидаги ёриқли тоғ жинсларини бурғилашда қўлланилади. Коронка СМ5 ҳам СМ6 каби арматураланган (расм, в). Коронка СТ2 камабразив ёриқли ва IV-VI категориясида навбатланиб келувчи тоғ жинсларини бурғилашда қўлланилади. (расм,г., жадвал) СТ2 коронкали фарқи СМ4, СМ5 ва СМ6 коронкада кесгичлар фақат икки қатор жойлашган.

расм. Кесувчи коронкалар. а-СМ4; б-СМ5; в-См6; г-СТ2; 1-корпус; 2,4-кескичлар; 3-ичқўйма. Ўзи ўткирлашувчи коронкалар. Ўзи ўткирланувчан коронкаларда – кичик кесимдаги кескичлардан фойдаланилган. Бурғилаш жараёнида бундай кесгичлар амалда кўндаланг кесим юзасини ўзгартирмайди, яъни ўтмасланмайди, доимий ҳолда юқори механик чуқурлаштириш тезлигини ушлаб туради. (расм) Микрокесувчи коронкалар СА5 ва СА6 яхлит абразив ва VI-VII ва қисман IХ бурғилашни категориясидаги тоғ жинсларини бурғилашда қўлланилади.

расм. Ўзини ўзи ўткирлаштирувчи коронкалар. а-СА5 (СА6); б-СА4; 1-коронка корпуси; 2-асосий кескич; 3-таг ости кескичи; 4-ичқўйма; 5-ўрайдиган пластина. Технологик бурғилаш режими. Бурғилаш режимининг асосий параметрларига – коронкага бериладиган ўқли юкланма; коронканинг айланиш частотаси; ювувчи суюқликнинг сарфи ва асосий параметрлари киради. Технологик бурғилаш режими – бурғилаш жараёни бошқарилиб энг юқори чуқурлаштириш кўрсатгичига эришиш мумкин. Бурғилаш жиҳозлари ва асбобларини техник имконияти етарли бўлмаган ҳамда ювувчи суюқликларнинг сифати оптимал бурғилаш

режимига эришишга имконият бермаса, у ҳолда тежамкор бурғилаш режимини ўрнатишга тўғри келади. Ўқли юкланма коронка кескичларини қудуқ тубидаги тоғ жинсларига чуқурроқ киришини аниқлайди. Ўқли юк таъсирида коронкалар айланиб тоғ жинсини парчалайди. Ўқли юкланманинг катталиги тоғ жинсларининг физик-механик хоссасига, сифатига ва кескичларнинг геометрик ўлчамларига боғлиқдир. Тоғ жинсларининг қаттиқлиги юқори бўлганда ўқли юкланма ҳам катта бўлади. Кескичлар ўткир бурчакка ва катта кўндаланг кесимга эга бўлса, бурғилаш жараёнида ўтмаслашади ҳамда ейилиш майдон катталашади. Шундай қилиб, ўзгармас ўқли юкланмада чуқурлаш тезлиги камая бошлайди. Доимий бурғилаш тезлигини ушлаб туриш учун ўқли юкланма ошириб борилади. Ўқли юкланмани аниқ бир чегарагача ошириб бориш мумкин, агарда чекланган қийматдан ошиб кетса, кескичларнинг синиши, бурғилаш тизмасининг эгилишини йўл қўйилган қийматдан ошиб кетиши ва қудуқни эгриланишга олиб келади. Юқори юкланмани бериш учун ОБҚ-лар қўлланилади. Қаттиқ қотишмали кичик кесимли кескичлар (ўзини ўткирлаштирувчи) доимий тезликда тўлиқ емирилиб бўлгунча тоғ жинсини парчалайди. Коронкага бериладиган ўқли юкланма қуйидаги формула ёрдамида аниқланади. m P P o  (7.1) бу ерда: P o – битта кесгичга бериладиган ўқли юкланма, КН; m – коронкадаги асосий кескичларнинг сони.

P o ва m – нинг қийматлари жадвалдан /4/олинади. Янги коронкада бурғилашни кичик ўқли юкланмада бошлаш керак, кейин эса талаб қилинган қийматгача кўтарилади. Коронканинг айланиш частотаси амалда бурғилаш ишига таъсир қилади ва қуйидаги формула ёрдамида аниқланади. oD n   / 60 (7.2) бу ерда:  - коронканинг айланма тезлиги, м/с. (жадвал) /4/; o D - коронканинг ўртача диаметри, м. Бурғилаш тезлиги айланиш тезлигини ўсиши билан ошади. Амалиёт ва тажриба маълумотларига асосан кўпгина коронкаларнинг механик бурғилаш тезлигининг максимал қийматига, айланма тезлик қиймати 1,4÷1,5 м/сек бўлганда эришилганлиги ўрнатилган. Коронканинг айланиш тезлиги диаметрга ва тоғ жинсларининг физика- механик хоссаларига боғлиқ бўлиб, қудуқнинг чуқурлигига, станок ва узатмаларнинг техник имкониятларига, бурғилаш тизмасининг мустаҳкамлигини ҳисобга олиб ўрнатилади. Қаттиқ ёриқли ва абразив тоғ жинсларини бурғилашда айлантириш частотасини камайтириш ва ҳисобларда айланма тезликнинг энг кичик қиймати қабул қилинади. Бир хил айланма тезликни ушлаб туриш учун коронкани диаметрини кичрайтириш, айланиш частотасини ошириш керак. Қудуқнинг чуқурлиги ошганда айланиш частотаси камайтирилиши керак. Тизманинг бўш айланиши ва буралма кучланиши ҳамда эгилишга сарфланадиган қувват ошиб кетади. Бурғилаш учун ҳисобий қийматга яқин бўлган станокнинг техник тавсифи бўйича айланиш частотаси ўрнатилади.

Ювувчи суюқликнинг сарфи – қудуқ тубини қуйқумлардан самарали тозалаш ва бурғилаш жараёнида коронкаларни самарали совутиш учун қуйидаги формула ёрдамида аниқланади. F Q   (7.3) бу ерда:  – қувур орқа оралиғидаги ювувчи суюқликларнинг кирувчи оқимининг тезлиги, дм/сек. F – бурғилаш қувурлари билан қудуқнинг девори оралиғидаги ҳалқанинг кўндаланг кесим юзаси, дм 2 . Қудуқни чуқурлаштириш тезлигини ошириш билан қўйқумларни парчаланиш миқдори ошади, шунинг ювувчи суюқликларнинг кирувчи оқими кучайтирилади. Бундай пайтда қудуқнинг деворини ва юмшоқ тоғ жинсларининг кернини ювилиши ҳам кўчаяди. Айниқса, қудуқ деворининг ювилиши колонкани олиш оралиғида тез ювилади. Колонкали жиҳозларнинг устида қўйқумларни тўпланишини олдини олишда энг охирги таркибда қуйқум қувурлари қўшилади. Ўтириб қолган қуйқумларнинг таъсирида бурғилаш жиҳозларининг қисилиб қолишларни олдини олиш учун ювувчи суюқликларнинг циркуляцияси тўхтатилганда қудуқ тубидан тизма юқорига кўтарилади. Қудуққа жиҳоз туширилгандан кейин уни қудуқ тубида айлантириш ва ювиш амалга оширилади. Қудуқда бурғилаш ишларини бошлашдан олдин бир муддат вақт ичида (қудуқнинг чуқурлигига ва қуйқумланиш даражасига боғлиқ) қудуқ ювувчи суюқликнинг жадаллашган сарфи билан ювилади. Ювувчи суюқликнинг сарфи қуйидаги нисбатдан аниқланади, л/дақ.

D q Q   (7.4) бу ерда: q – коронканинг 1 мм диаметрига мос келадиган солиштирма сарфи 2.3-жадвал /4/. D – коронканинг ташқи диаметри, мм. Юмшоқ тоғ жинсларини бурғилаш - қовурғали коронкалар билан юмшоқ ва бўш тоғ жинсларининг I-IV категориясидаги тоғ жинслари бурғиланганда асосий ролни ювувчи суюқликларнинг сифати ва сарфи ўйнайди. Қудуқларни ювишда одатда кимёвий реагентлар билан қайта ишланган қудуқнинг деворини мустаҳкамлаш қобилиятига эга бўлган сифатли лойли эритмалар қўлланилади. Эритманинг сарфи шундай бериладики, қудуқнинг деворини ювилиши ва кернлар минимал бўлсин, асбобларнинг қисилиб қолишининг олди олиниши керак. Бўш ва сочилувчан тоғ жинсларидан кернни юқори даражада чиқиши таъминлаш (70%-дан катта) махсус техник воситалардан ва махсус режимлардан файдаланилганда имкониятига эга бўлади. Мушкулотсиз ва авариясиз бурғилашга эришиш учун мустаҳкам бўлмаган ва бўкувчи тоғ жинсларини тезкор кесиб ўтиш талаб қилинади. Қудуқ деворининг нормал мустаҳкамлигини таъминлайдиган ва юқори керн чиқиши таъминланадиган энг қулай тоғ жинсларига пластик лойлар ва мергеллар киради. Кернни узилишдан олдин бурғилаш тўхтатилади, вертлюг сальники орқали тизманинг ичига шарик ташланади. Коронкага қуруқ ишқалаш тезлигида катта ўқли юкланмада амалга оширилади. Ҳар 2-5 см чуқурлашганда қудуқ тубидан мажбурий жиҳозлар узиб олинади. Кернни қудуқдан кўтаришда ювувчи суюқликнинг устун босими таъсиридан изоляция қилинади.

Ўртача қаттиқ ва қаттиқ тоғ жинсларини бурғилаш – бундай тоғ жинсларида ўқли юкланма ва айланиш частотаси бош ролни ўйнайди, ювувчи суюқлик эса бўйсуниш аҳамиятга эга. Янги коронкага паст режимда 15-20 дақиқа оралиғида ишлов берилади. Ундан кейин эса керакли айлантириш частотаси ўрнатилади ва секин аста ўқли юкланмани катталиги талаб қилинган қийматгача кўтарилади. Жиҳозларни аста-секин қудуқ тубига қўйилади, коронкаларни ишлаши натижасида унинг ишлаш қобилияти ва бурғилаш тезлиги оширилади. Бундай ҳолат қаттиқ қотишмали ва олмосли коронкаларнинг кичик диаметрларида қаттиқ тоғ жинсларини комбинацияли бурғилашда жуда муҳимдир. Қаттиқ тоғ жинсларида тезликни ошириш учун ўқли юкланма ва айланиш частотаси кучайтирилади. Одатда абразив, ёриқли ва бир хил жинсли бўлмаган алмашинувчан тоғ жинсларида айлантириш частотасини энг пастки чегарасигача пасайтириш, ўқли юкланмани юқори чегарагача кўтарилади. Юқори частотали айлантириш эса кичик абразивли ёриқ бўлмаган қаттиқ тоғ жинсларида ўрнатилади. Бурғилаш жараёнида коронкаларни айниқса унинг ташқи диаметрини кузатиш керак бўлади. Коронкаларнинг ташқи томонини ейилиб кетган жойлари қудуқни ғадир-будирлашувга олиб келади ва навбатдаги янги коронка билан уни туғрилашга тўғри келади. Бундай пайтда коронкаларни кескичларини синиши содир бўлади ва иш қобилияти тезкор пасайиб кетади, қудуқ туби қаттиқ қотишмалар билан ифлосланади. Бундай шароитда таг кескичларни кескичларининг катта қуролланган коронкалардан фойдаланилганда рейсларни узунлиги маълум оралиқ масофасига чегараланади. Авваламбор ювувчи суюқликларнинг тури юқори оралиқларда жойлашган мустаҳкам бўлмаган тоғ жинсларининг мавжудлигидан келиб чиқиб танланади. Агарда чуқурлашув тезлигини ошиши кузатилса ювувчи суюқликларнинг сарф

кўрсатгичи ўқли юкланмани ва айланиш частотасини ошириб бориш билан оширилади. Ўртача қаттиқликдаги ва қаттиқ тоғ жинсларида кернни ёпишиб қолиш ҳолати керн узгичлар ёрдамида амалга оширилади. Керн узгичлар бўлмаганда кернни қадамини қадалгич материали ёрдамида узиб олиш амалга оширилади.

Похожие

Олмосли коронкалар билан бурғилаш

Кернсиз бурғилаш технологияси

ССК ва КССК жамланмалари билан бурғилаш ва бурғилаш технологиясининг хусусиятлари

Бурғилаш қувурлари бирикмаси

Оғма қудуқларни бурғилаш