Узбекистонда иктисодий ва социал географи фанининг ривожланиши - География - Рефераты

Узбекистонда иктисодий ва социал географи фанининг ривожланиши

Загружено в:

20.09.2019

Скачано:

0

Размер:

79.5 KB

Ўзбекистонда иқтисодий ва социал география фанининг ривожланиши Режа: 1. Ўзбекистонда иқтисодий ва социал географиянинг вужудга келиши ва ривожланиши. 2. Иқтисодий география ва иқтисодий географлар. 3. Иқтисодий географиянинг асосий йўналишлари ва географияси. 4. Фаннинг истиқболда ривожланишидаги устувор йўналишлари.

Иқтисодий географиянинг Ўзбекистонда ривожланиши, унинг энг янги тарихи якунланаётган асрнинг 20-йилларидан бошланади. Шу даврда нашр этилган иқтисодий география ва ҳудудий иқтисодиётига доир илмий ишлар кўпроқ Ўзбекистон ва Ўрта осиёнинг умумий таърифига бағишланган эди. Бу йуналишдаги тадқиқотларда энг аввало Г.Н.Черданцев ва В.М.Четиркинларнинг хизмати катта бўлган. Чунончи, Г.Н.Черданцевнинг 1922 йилда ёзган Ўрта Осиё ҳақидаги монографиясида ўлка иқтисодиёти тўғрисидаги маълумотлар келтирилган. У 1928 йилда Ўрта Осиё республикаларига бағишланган китобини ҳам чоп эттирган. Тахминан ана шу йилларда Ўрта Осиё қишлоқ хўжалиги ва уни районлаштиришга бағишланган тадқиқотлар бошланган. Бу ишлар В.М.Четиркин ва Ю.И.Пославский томонларидан олиб борилган. В.М.Четиркин (у 1892 йилда Самарқандда туғилган) 1926 йилда Ўзбекистон халқ хўжалигининг аҳволи ва ривожланиши борасида китобини ёзган. Кейинчалик у ТошДУ иқтисодий география кафедраси мудири сифатида (1944-1948 йй.) қишлоқ хўжалигини районлашитириш, турли вилоятлар табиати ва хўжалигини ўрганиш, ёш географ олимларни тайёрлашга алоҳида эътибор берган. Иқтисодий географиянинг ривожланиши ўттизинчи йилларда табиий бойликларни ўрганиш бўйича олиб борилган экспедициялар (саҳро тадқиқотлари) ва илмий анжуманлар билан боғлиқ бўлган. Жумладан, бундай тадқиқотлар қорақалпоғистонда ҳамда унинг Устюрт қисмида амалга оширилган, республикамиз ишлаб чиқариш кучларини жойлаштириш мавзусида 1933 йилда дастлабки илмий анжуман ўтказилган. Ўзбекистонда иқтисодий геграфиянинг ривожланишида Тошкент (Ўрта Осиё) Давлат университети-ҳозирги Ўзбекистон Миллий университетида шу номли биринчи кафедранинг ташкил этилиши ва бу кафедра қошида 1943 йилда аспирантуранинг очилиши катта аҳамиятга эга бўлган. Кафедра ходимлари 50-йиллардаги Фарғона водийси экспедициясининг ўтказилишида фаол қатнашишган. Бундай саҳро тадқиқотлари, шунингдек қашқадарё,

Сурхон-Шеробод ва Зарафшон водийларида ҳам амалга оширилган, Тошкент шаҳри атрофлича ўрганилган. Ўтказилган тадқиқотлар натижасида, хусусан В.М.Четиркин ҳамда К.Н.Бедринцевларнинг ишларида районларнинг комплекс муаммоларини ўрганиш илмий йўналиши шаклланган. Айни пайтда олиб борилган саҳро тадқиқотлари жараёнида Р.С.Лобач, З.М.Акромов, Р.А.Ходиев, Т.Тожимов, Т.Раимов, Э.Тошбеков каби қатор олимлар етишиб чиққан. Н.Г.Цапенко, В.М.Четиркин ва К.Н.Бедринцевлар билан биргаликда иқтисодий районлаштириш муаммолари устида иш олиб борган. Маҳаллий миллат вакилларидан биринчи иқтисодий география бўйича номзодлик диссертациясини З.М.Акромов 1953 йилда ёқлаган. Ушбу диссертация асосида у киши Наманган вилоятининг иқтисодий географик таърифига бағишланган монографиясини нашр эттирган. Кейинчалик проф. З.М. Акромов Бухоро ва Самарқанд вилоятлари қишлоқ хўжалиги, чўл, тоғ ва тоғолди районларини ўзлаштириш, иқтисодий районлаштириш каби муаммолар устида изланишлар олиб борган. У киши иқтисодий география кафедрасининг мудири (1970-1984 йй.) ва Ўзбекистон Республикаси География жамияти ҳамда Фанлар академияси қошидаги География бўлимида қатор фан номзодлари ва докторларини тайёрлашда самарали ишларни бажариб келмоқда. Иқтисодий география фанининг ривожланишида илмий анжуманлар ва чоп этилган китобларнинг аҳамияти салмоқли бўлган. Жумладан, Ўрта Осиё ва қозоғистон республикаларини табиий географик ва иқтисодий геогарфик районлаштириш бўйича 1959, 1961, 1967 ва 1971 йилларда, аҳолишунослик муаммолари тўғрисида 1965, 1972 йилларда илмий анжуманлар ўтказилган. Шунингдек, урбанизация жараёнлари нуфузли илмий семинарларда (1973 ва 1975 йй.) муҳокама этилган. Бундай тадбирларни ташкил этишда З.М.Акромов, М.К.қорахонов ва О.Б.Отамирзаевларнинг хизматлари катта бўлган. Кейинги йилларда Самарқанд (1984), Ангрен (1987), Наманган (1989), Фарғона (1991), ва бошқа шаҳарларда ҳам иқтисодий ва социал

географиянинг турли муаммоларига бағишланган илмий-амалий анжуманлар ўтказилган. Республика География жамиятининг навбатдаги съезди 2000 йилда Самарқандда ўтказилди. Бу ўринда география фанининг ривожланишига катта ҳисса қўшаётган ушбу жамиятнинг ахборотномаларини мунтазам равишда чоп этиб боришини алоҳида таъкидламоқ зарур (асосий ташкилотчилар З.Акрамов ва Ш.Азимов). Ўзбекистон республикаси тўғрисидаги географик китоблар 1950, 1953, 1956, 1963 йилларда нашр эттирилган, энг сўнггиси 1982 йилда чиққан. Бу китобларни ёзишда ТошДУ география факультети олимлари фаол қатнашишган. Мустақил Ўзбекистон Республикасиҳақидаги маълумотлар Э.Аҳмедов китобларида ҳам баён этилган. Шу билан бирга ўрта ва олий мактаблар учун Ўзбекистон иқтисодий географиясидан дарсликлар ёзилган. Дастлабки ўрта мактабларга оид дарслик Н.Г.Цапенко ва Н.В.Смирнов ҳаммуаллифлигида нашр эттирилган. Кейинчалик бу мавзудаги китоб проф. З.М.Акромовнинг П.Мусаев билан ҳамкорлигида яратиб келинмоқда. Олий мактаблар учун эса Ўзбекистон Республикаси иқтисодий географияси Г.Асанов, М.Набихонов ва Э.Сафаровлар томонидан ёзилган. Г.Асанов аҳоли географияси ўқув қўлланмаси, социал-иқтисодий географиянинг изоҳли луғати ҳақида китоблар ҳам чоп қилдирган. Турли мавзу ва кучларга доир ўқув қўлланма ва услубий кўрсатмалар Р.Ҳодиев, А.Солиев, А.қаюмов, Х.Салимов, Ж.Холиқов, С.Боқиев ва бошқалар муаллифлигида ёзилган. Сурхандарё, Наманган, Бухоро, қашқадарё, Хоразм вилоятлари географияси тўғрисидаги ҳар хил ҳажмдаги асарлар яратилган (А.Рўзиев, О.Абдуллаев, И.Назаров, М.Янгибоев, Р.қурбонниёзов). Шундай қилиб, ҳозирги кунда республикамизда иқтисодий ва социал географиясининг икки асосий йўналиши шаклланган. Биринчи йўналиш- қишлоқ хўжалиги географияси бўлиб, у нисбатан олдинроқ вужудга келган. Агрогеографиянинг назарий масалалари, қишлоқ хўжалигини районлаштириш, ишлаб чиқиришнинг ҳудудий тизимлари ва агросаноат мажмуалари юзасидан В.М.Четиркин, З.М.Акромов, К.И.Лапкин, А.Рўзиев,

К.Абирқулов, О.Абдуллаев, М.Юсупов, Е.Умаров, А.Содиқовлар тадқиқот олиб боришган. Янги ерлар-чўл ва тоғ олди минтақаларни ўзлаштириш ва шу асосда қишлоқ хўжалигини ривожлантириш, ер-сув заҳираларидан фойдаланиш, сув омборларини қуриш ва суғориш деҳқончилиги масалалари Р.Ҳодиев, Т.Эгамбердиев, С.Саидкаримов, С.Исломов, /.Ашуров, Э.Ҳошимов, Ш.Азимов, З.Золотарев, К.қурбонов, Б.Шотурсунов, Т.Шотўраевларнинг ишларида ўрганилган. Шунингдек, қишлоқ хўжалик географияси мавзусида М.Аҳмедов, М.Ёқубовларнинг ҳам номзодлик диссертациялари ёзилган. Шаҳар атрофи қишлоқ хўжалиги Р.Усмонов, С.Боқиев, Х.Ҳалилова ва Ж.Мусаевлар томонидан ёритилган боғдорчилик ва узумчилик, чорвачилик, пахта етиштириш ва уни қайти ишлаш бўйича М.Маҳмудова, Х.Шосаидов, К.Гадоев, А.Холмирзаев, қ.Аллановлар номзодлик диссертацияларини ёзишган, алоҳида районлар қишлоқ хўжалигига М.Валихонов (қўқон воҳаси), И.Ишчонов (Хоразм воҳаси)ларнинг ишлари бағишланган. Иккинчи йўналиш –аҳоли ва аҳоли манзилгоҳларнинг география ва демография муаммолари, шаҳарлар ва урбанизация жараёнининг регионал масалалари бўйича тадқиқотлар нисбатан тарихан кечроқ вужудга келагн бўлсада, у кеийнчалик жуда тез ривожланиб кетди. Ушбу йўналишнинг шаклланиши энг аввало Н.В.Смирнов фаолиятидан бошланган. Н.В.Смирнов ва Н.Г.Цапенко илмий раҳбарлигида республикамиз ва хусусан Фарғона водийси шаҳарлари бўйича кўплаб диплом ишлари бажарилган. Бунинг натижасида Н.В.Смирнов 1957 йилда Фарғона водийси шаҳарлари тўғрисидаги китобини нашр эттирган. Кейинчалик Ўзбекистон ва унинг айрим районлари-қуйи Амударё, Тошкент ва Тошкент вилояти шаҳарлари ҳақида ҳам илмий асарлар яратилди. Аҳолининг табиий ва механик ҳаракати, оила демографияси, аҳолини башорат этиш каби муаммоларни ўрганиш айниқса М.К.қорахонов раҳбарлигида ташкил этилган Ўрта Осиёда ягона Илмий тадқиқот лабораторияси фаолияти билан боғлиқ бўлди. Ушбу йўналишнинг

ривожланишида И.Муллажонов, Х.Салимов, Г.Асанов, О.Отамирзаев, М.Бўриеваларнинг ҳам хизмати катта бўлган. Аҳоли ва меҳнат ресрулари Р.А.Убайдуллаева, А.қаюмов , О.Эргашев, М.Янгибоев, И.Сафаров.Т.Жумаев, аҳоли миграцияси С.Н.Кононенко, Л.П.Максакова, Б.Маҳмудов аҳолининг табиий ҳаракати Р.Валиева, Н.Алиакбарова, М.Ўринова, А./аниевлар томонидан ўрганилган. Ўзбекистон гарчи қишлоқ жойлар ва урбанизация жараёни нисбатан суст ривожланган мамлакат бўлсада, бу ерда шаҳар мавзуси анча олдинлаб кетган. Бу хусусда энг аввало Т.Раимовнинг хизмати катта бўлган; у киши О.Отамирзаев ва А.Солиев билан ҳамкорликда («Ўрта Осиё учлиги») қатор мақолалар ёзишган. Шунингдек, шаҳар муаммолари Э.Тошбеков, Э.Аҳмедов, Н.Файзиев, И.Инамов, Р.Тиллаев, А.қаюмов, З.Раимжонов, Ш.Имомовлар томонидан ҳам тадқиқ қилинган. Турли иқтисодий район ва вилоятлар шаҳарлари, шаҳар агломерацияларининг шаклланиши ва ривожланиши, уларнинг экологик муаммоларига Т.Маллабоев, Н.Маматқулов, Вей Синь, У.Султонов, Р.Аҳмедов, Х.Турсунов, З.Абдалова, С.Зокировларнинг илмий ишларини бағишланган. Шу билан бирга шаҳар ва қишлоқ манзилгоҳлари айрим вилоятлар аҳоли географияси доирасида Р.Махамадалиев, М.Эрдонов, М.қодиров, Г.Ходжаева, З.Тожиева, ШЖумахоновлар томонидан ўрганилган., аҳоли жойлашувини бошқариш ва ижтимоий инфраструктура тўғрисида В.М.Ческидов ва В.Н.Смирновларнинг номзодлик диссертациялари ёзилган. Юқоридаги йўналишлардан ташқари иқтисодий ва социал географиянинг бошқа муаммолари ҳам озми-кўпми тадқиқ қилинган. Жумладан, фаннинг умумназарий масалалари, иқтисодий географиянинг асослари ва долзарб муаммолари З.Акромов, О.Отамирзаев, А.Солиев, А.қаюмов, Ш.Азимовларнинг ишларида кўрилган. Саноат географияси, минерал хом ашё ресурсларидан фойдаланиш, саноат тугуни ва ишлаб чиқариш мажмуаларининг шаклланиши юзасидан Ш.Н.Зокиров, А.Жалилов, /.Холматов, У.Содиқов, Х.Маматқулов, И.Тоиров, М,Гапиров,

Ф.Обидов, С.Ҳайдаров, Х.С.Мирзаахмедов, Б.Калонов, Ю.Аҳмадалиев, Ю.Саломов, Л.Эрдоновлар тадқиқот олиб боришган. Алоҳида вилоят ва кичик ҳудудлар хўжалиги Ф.Муқминов, Э.Тоғаев ва бошқа мутахассислар фаолиятида ўз ифодасини топган. Шу билан бирга республикамизда илк бор аҳолига хизмат кўрсатиш географияси бўйича М.Назаров ва Г.Бекбулатова, фан ва илмий тадқиқотлар географиясига оид Ҳ.Назарова, тиббиёт географияси юзасидан Н.Комиловалар ўзларининг номзодлик диссертацияларини ҳимоя қилишган. Ҳозирги вақтда мамлакатимизда иқтисодий ва социал географиянинг миллий ва регионал марказлари, илмий йўналиш ва мактаблар шаклланмоқда. Бундай марказ ва йўналишлар катта илмий салоҳиятига эга бўлган Тошкентдан ташқари Наманган, Термиз, Самарқанд, Фарғона ва қарши шаҳарларида ҳам вужудга келмоқда. Иқтисодий ва социал географиянинг истиқболдаги ривожланиши ва вазифалари энг аввало Ўзбекистон Республикасининг сиёсий мустақиллиги ва унинг бозор муносабатларига ўтиш давридаги долзарб муамммоларидан келиб чиқади. Масалан, иқтисодиёт соҳасида: бозор муносабатларгиа ўтиш шароитида ишлаб чиқариш кучларини жойлаштириш, мамалкатни иқтисодий районлаштириш ва унинг минтақавий сиёсатини илмий жиҳатдан яратиш, саноат ва қишлоқ хўжалик географиясини мулкчиликнинг турли шаклларини ҳисобга олган ҳолда тадқиқ этиш, қўшма ва кичик корхоналар, эркин иқтисодий минтақа, қурилиш, транспорт ва ташқи иқтисодий алоқалар географиясини ўрганиш, республика ер-сув, минерал хом-ашё ва бошқа табиий ресурсларга иқтисодий жиҳатдан баҳо бериш, табиий офатлар географияси муҳим мавзулар ҳисобланади. Шунингдек, географлар мамлакатимизнинг ғалла (дон), нефт ва йўл мустақиллигига эришувидаги муаммоларнинг ечимига ҳам ўзларининг муносиб ҳиссаларини қўшишлари лозим. Социал-иқтисодий муаммолар доирасида аҳоли ва меҳнат ресурсларининг ҳудудий таркиби, турли йирикликдаги шаҳар ва шаҳар

агломерациялари, урбанизация жараёнини ўрганиш, савдо, маркетинг, аҳолига хизмат кўрсатиш соҳалари географияси бўйича тадқиқотлар кўламини кенгайтириш, табиатдан фойдаланиш ва ишлаб чиқаришни ҳудудий ташкил этишдаги экологик масалалар, аҳоли миграцияси ва бошқа мавзулар тадқиқ этилиши керак. Айни пайтда қишлоқ жойларининг ижтимоий-иқтисодий ривожланиши, бу жойларда социал инфраструктура тизимини шакллантиришга оид тадқиқотларнинг аҳамияти ҳам катта. Фанимизнинг жаҳон андозаларига мос равишда ривожланиши ва унинг тўлақонли ижтимоий география мақомида шаклланишида социал муаммоларнинг ҳудудий жиҳатларини ўрганиш кечиктириб бўлмайдиган вазифалардан ҳисобланади. Аҳолининг яшаш шароити ва тарзи, урф- одатлари, хулқ-атвор географияси, фан, рекраеция, дин, тиббиёт ва жиноят географияси шулар жумласидандир. Бундай тадқиқотлар социология, психология, этнография, хуқуқшунослик ва демография фанлари қиррасида бажарилади. Ўзбекистон Республикасининг мустақилликка эришуви, унинг жаҳон ҳамжамиятида суверен давлат сифатида ўзига муносиб ўрин олиши сиёсий географияга оид мавзуларни ҳам кун тартибига қўйди. Хусусан, мамалкатимизнинг ҳорижий давлатлар билан муносабати (геосиёсати), унинг ички маъмурий-ҳудудий тузилмаси, миллий пойтахти-Тошкентнинг сиёсий функциялари ва дипломатик алоқалари, халқаро туризм, электорал (сайловлар) география каби муаммолар кенг ўрганилмоғи зарур. Шу билан бирга фан тарихи ва тарихий географияга доир тадқиқотларни ҳам олиб бориш, иқтисодий ва социал география фанининг назарий-услубий масалалари ҳамда ижтимоий экология бўйича изланишлар олиб бориш мақсадга мувофиқдир.

А д а б и ё т л а р 1.Бабурин В.Л., Мазуров Ю.Л, Географические основы управления. М, 2000 2.Голубчик М.М., Евдокимов С.П., Максимов, Г.И., История географии- (Смоленск, 1998) 3.Григорьев А.Г. География в современном мире.-М, Просвеҳение, 1999. 4.Каримов И. Ўзбекистон ХХ I аср бўсағасида: хавфсизликка таҳдид, барқарорлик шароитлари ва тараққиёт кафолатлари. –Т:Ўзбекистон, 1997. 5.Машбиц Я.Г. Основы страноведения.-М: Просведение, 1999. 6.Максаковский В.П. Историческая география мира.-М., 1999. 7.Прохоров Б.Б. Прикладная антропоэкология.-М., 1998. 8.Ратанова М.П. Экологические основы обҳественного производства.- Смоленск, 1999 9.Саушкин Ю.Г. Экономическая география: теория, методы, практика.- М:Мысль,1978. 10.Солиев А., Маллабоев Т. Иқтисодий ва социал географияда айрим қонуниятларни ўрганиш методикаси. -Т.,1988. 11.Солиев А. Иқтисодий ва ижтимоий географиянинг долзарб масалалари.- Т., 1995. 12.Солиев А. Маҳамадалиев Р.Й. Иқтисодий география асослари.-Т., 1996 13.Солиев А., Каршибоева Л. Иқтисодий географиянинг назарий ва амалий масалалари.-Т.,1999. 14.Шаригин М.Д. Основные проблемы экономической и социальной географии.-Пермь,1997. 15. г.ф.д., проф. Солиев А.С доц . Жумахонов Ш . Иктисодий ва социал география. Маъруза матни 16. WWW.ZiyoNet.uz

Похожие

Иктисодий ва социал географиянинг хозирги замон мазмуни

Иктисодий ва социал географиянинг асосий принциплари. Худудийлик ва комплекслик

Xалк хужалигининг иктисодий потенциали иктисодий ва ижтимоий прогнозлашнинг базаси

Ўзбекистон ахолиси ўсиши, жойланиши ва мехнат ресурслари

Бозор иктисодиёти ва иктисодий география