Orol va orolbo'yi muammosining yuzaga kelishi va rivojlanishi - География - Рефераты

Orol va orolbo'yi muammosining yuzaga kelishi va rivojlanishi

Загружено в:

15.09.2022

Скачано:

0

Размер:

210.412109375 KB

Orol va orolbo`yi muammosining yuzaga kelishi va rivojlanishi Insoniyat taraqqiyotida fan-texnikaning rivojlanishi va jamiyat bilan tabiat o`rtasidagi o`zaro munosabatlarning keskinlashishi oqibatida butun dunyoda turli xil ekologik muammolar yuzaga kela boshladi. Jumladan, ozon tuynugining yuzaga kelishi, dunyoning o`rtacha havo harorati me`yoridan oshayotganligi, atmosfera havosining ifloslanishi, dunyo okeani sathining ko`tarilishi, ichimlik suvining yetishmasligi, urush va tinchlik muammosi, tuproqlarning sho`rlashishi muammosi, cho`llashish muammosi va hokazolar. Ekologik muammolar ko`lamiga ko`ra mahalliy, regional va global muammolarga bo`linadi. Mahalliy muammolarni e`tiborga olmasdan, ularga tegishli chora ko`rilmasa regional, bora-bora global muammoga aylanishi mumkin. Ekologik xavfsizlik muammosi allaqachonlar milliy va mintaqaviy doiradan chiqib, butun insoniyatning umumiy muammosiga aylangan. Tabiat va inson o`zaro muayyan qonuniyatlar asosida munosabatda bo`ladi. Bu qonuniyatlarni buzish o`nglab bo`lmas ekologik falokatlarga olib keladi. Hozirgi kunda regional ekologik muammodan global ekologik muammoga aylanib ulgurgan Orol va Orolbo`yi muammosi O`rta Osiyo va Janubiy Qozog`istonda yangi yerlarning o`zlashtirilishi va suv resurslaridan oqilona foydalanmaslik oqibatida, sug`orma dehqonchilikni yanada rivojlantirish, buning uchun ko`plab suv omborlari va kanallarning qurilishi, suvning bug`lanishga va yer ostiga sizilishiga sarf bo`lishi, suvdan maishiy va sanoat ko`lamida foydalanish ehtiyojining davomiy o`sib borishi, shuningdek, suv taqchil bo`lgan yillarning muntazam takrorlanib turishi natijasida yuzaga kela boshladi. Shu sababli O`rta Osiyoning eng yirik daryolari – Amudaryo va Sirdaryo yildan-yilga Orol dengiziga kam suv keltira boshladi. Natijada dengiz sathi pasayib, maydonining qisqarishiga olib keldi. Orol dengizini sug`orishni rivojlantirish va qishloq xo`jalik ishlab chiqarishini o`sishiga qurbon qilish g`oyasi inqilobdan oldingi olimlarga tegishli. Xususan,

A.I.Voyeykov (1908 y.) oqilona xo`jalik yuritishda Orol dengizining mavjudligi undan keladigan iqtisodiy samaradorlik (baliqchilik, dengiz transporti) sug`orma dehqonchilik samaradorligidan ancha pastligi tufayli mutlaqo asossiz, degan fikrda qat`iy turgan. Bu g`oyani 1913 yilda olim emas balki, sobiq Chor Rossiyasi suv sektori rahbari, Rossiya yerlarni yaxshilash Departamenti rahbari knyaz V.I.Masalskiy keltirib, u pirovard maqsad “o`n millionlab gektar yerlarga ekin ekish va rus sanoatini zaruriy paxta bilan ta`minlashni umumlashtirib, o`lkaning barcha suv resurslaridan foydalanish va yangi Turkistonni tashkil qilish ” deb hisoblagan. 1929 yilda F.P.Morgunenkov Amudaryo va Sirdaryo havzasida sug`oriladigan maydonlar 3,5 mln. ga yetsa, dengiz hajmi 80 % ga, maydoni 68 dan 30 ming km2 kamayadi degan xulosaga keladi. Orol dengizi O`rta Osiyoning yog`in eng kam yog`adigan Qoraqum, Qizilqum, Ustyurt, Katta Bo`rsiq va Kichik Bo`rsiq cho`llari oralig`ida, O`zbekiston va Qozog`iston hududida 43030/ va 46050/ shimoliy kengliklar orasida joylashgan. U XX asrning 60-yillarigacha suv yuzasi maydonining kattaligi jihatidan O`rta Osiyoda birinchi, dunyo bo`yicha esa Kaspiy dengizi, Shimoliy Amerikadagi Yuqori ko`l, Afrikadagi Viktoriya ko`llaridan so`ng to`rtinchi o`rinda turgan. Maydoni orollari bilan birga 66458 kv. km, uzunligi 428 km, eni 284 km, qirg`oq chizig`ining aylanasi 3238 km, bo`lgan. Orol dengizida umumiy maydoni 2345 kv. km ga teng bo`lgan 313 ta katta-kichik orollar bo`lgan. Orol dengizi oqmas berk ko`l bo`lib, faqat unga ikki daryo – Amudaryo va Sirdaryo quyiladi, undan suv chetga chiqib ketmaydi. Shuning uchun uning suv sathi yildan-yilga ko`tarilib borishi lozim edi. Lekin haqiqatda unday emas. Chunki Orol dengizining sathi ko`p yillar mobaynida ko`tarilib va pasayib, suv sathi o`zgarib turgan. Tekshirishlarga qaraganda Orol dengizining suvi, asosan bug`lanib ketib, ozgina qismi yerga singiydi, lekin uning qancha miqdori yerga shimilishi noma`lum. Orol dengizi suvsiz cho`l markazida joylashganligi, bu yerda havoning quruqligi hamda anchagina kuchli shamollarning esib turishi, dengizning sayozligi tufayli suvning tez va kuchli isishi dengiz suvining shunchalik ko`p bug`lanishiga sabab bo`ladi.

Orol dengizida suv sathining asrlar davomida ko`tarilib-pasayib turishi kuzatiladi (chizma). Chizmadan ko`rish mumkinki, 1850 yildan 1880 yilga qadar uning suv sathi pasaygan, 1880 yildan boshlab qayta ko`tarilgan. Umuman, ko`p yillik ma`lumotlarga qaraganda, suv sathi asrlar davomida ko`tarilib-pasayib turishidagi farq 3,5-4 m ga boradi. Orol dengizi sayoz ko`l bo`lganligi sababli uning o`rtacha chuqurligi 16 metr, eng chuqur joyi esa 69 m. Suv hajmi uncha katta emas, ya`ni 1063 km3 dan iborat bo`lgan. Dengiz dastlab uncha sho`r bo`lmagan, uning har litr suvida o`rta hisobda 10-11 gramm erigan tuzlar bo`lgan. 1960-yilda Orol dengizining suv sathi 53,41 metr bo`lgan va shu yili maksimal darajaga yetgan. Amudaryo 37,9 km3 va Sirdaryo 10,2 km3, har ikkala daryo 49,9 km3 suv olib kelib quyar edi. Orol dengizi arid iqlimlik zonada joylashganligi tufayli bu yerda bug`lanish juda yuqori. Ikki daryo 49,9 km3 suv olib kelgan bo`lsa, bug`lanish 50-58 km3 ni tashkil etar edi. 1961-yildan boshlab Orol dengizi suv sathining pasayishi tezlasha boshladi. 1961-1970-yillarda 2,0 m ga pasaydi, ya`ni yiliga o`rtacha 20 sm ga pasayishi jadallashdi. 1971-1980 va 1981-1990 yillarda dengiz sathining pasayishi 5,7 va 7,2 m bo`lib, yiliga 57 va 72 sm ga kamaygan. Ayrim yillari esa suv sathi 1 m gacha pasaygan.

Orol dengizi sathi 30 yil (1961-1990 yy) ichida 14,8 m ga pasaydi. Suv hajmi 3 martaga, maydoni ham shunchaga qisqardi. 1995 yilda suv sathi qariyb 2 m ga tushdi. Shunday qilib, 35 yil ichida Orol sathi deyarli 17 m ga pasaygan. Qirg`oq chiziqlari ham yil sayin o`zgara boshladi. Buning natijasida ba`zi orollar va qo`ltiqlar quruqlikka aylangan. Orol dengizi maydonining qisqarishi bilan bog`liq holda yer va suvdan foydalanishni baholash shuni ko`rsatadiki, iqlim o`zgarib, yanada kontinentallashmoqda, yoz yanada issiqroq va qisqaroq yog`insiz hamda qish yanada sovuqroq, yanada uzunroq va qorsiz bo`lmoqda. O`simliklarning o`sish davri yiliga o`rtacha atigi 170 kunni tashkil etib, shu bilan bir vaqtda qumli shamollar yilning 90 kuni davomida kuzatilmoqda. Dengiz suvining yuqori darajada minerallashuvi baliq va yovvoyi faunaning katta qismiga salbiy ta`sir ko`rsatmoqda. 1983 yildan boshlab Orol baliq ovlashga yaroqsiz bo`lib qoldi. 1988-1989 yillarda havza ikkiga bo`lindi: shimoliy – Kichik dengiz (Kichik Orol) va janubiy –Katta dengiz (Katta Orol). Kichik dengizga Sirdaryoning kamroq oqimi, Katta dengizga Amudaryo oqimi keladi. Keyingi paytlarda Kichik dengiz maydoni kam o`zgargan, bu uning sathi barqarorlashganidan darak beradi. Katta dengiz maydoni qisqarishda davom etmoqda. Kichik va Katta dengizlarni birlashtirib turuvchi avvalgi Berg bo`g`ozi Kichik dengizning ortiqcha suvini Katta dengizga tashlaydigan tor va yetarlicha uzun oqimga aylandi. 484950515253541840 1860 1880 1900 1920 1930 1940 1950 1970

Adabiyotlar : 1. Sviridov A. A. Koordinatsiya i funksionirovaniye struktur sistemi obespecheniya natsionalnoy bezopasnosti i geopolitiki Rossii. Ponyatiye o strukturnix i bezstrukturnix sposobax upravleniya. Natsionalnaya bezopasnost i geopolitika Rossii, 2002, 1-2 (30-31)-son, 2002 g. 2. Kasimova N.A. Soyedinenniye Shtati Ameriki v regionalnix integratsionnix protsessax. Politiko-ekonomicheskiy aspekt.- T.:UMED, 2002,183-bet. 3. Sviridov A. A. Geopolitika Rossii v voprosax voyennoy i pogranichnoy bezopasnosti Rossii, regionov, predpriyatiy i firm. Natsionalnaya bezopasnost i geopolitika Rossii, 2002, 1-2 (30-31)-son, 2002 . 4. Voshanov P. Chem grozit Rossii usileniye voyenno-politicheskogo vliyaniya SSHA v Sredney Azii? R i MM, 2002, 4-son, Geopoliticheskiye problemi Sentralnoy Azii i Zakavkazya. Referativniy jurnal «Vostokovedeniye iafrikanistika», seriya 9,2002, 2-son. Yevangelista M. Geopolitika i budusheye Rossiyskoy Federatsii Politicheskiye issledovaniya, 2002, 2-son

Похожие

Amaliy landshaftshunoslikning vujudga kelishi va rivojlanishi

Ohangaron vodiysida tog`-kon sanoatining vujudga kelishi va rivojlanishi

Orol va orolbo'yini tabiiy geografik rayonlashtirishda muhim manba

Orol dengizining ekologik ahvoli

Orol dengizining tarixiy geografik nomlari