Ishlab chiqarishni joylashtirishga ta'sir etuvchi omillar - География - Рефераты

Ishlab chiqarishni joylashtirishga ta'sir etuvchi omillar

Загружено в:

20.09.2019

Скачано:

0

Размер:

107.5 KB

Ishlab chiqarishni joylashtirishga ta‘sir etuvchi omillar REJA 1. Ishlab chiqarishni joylashtirishning asosiy omillari 2. Tabiiy omillar 3. Ijtimoiy – iqtisodiy omillar 4. Ekologik va ishlab chiqarishni joylashtirish 5. Infratuzilma

Ishlab chiqarishni joylashtirish o’ziga xos xususiyatiga ega. Bozor iqtisodiyoti sharoitida tadbirkor albatta foydali, qo’shimcha daromadni ko’zlaydi, davlat esa ish o’rinlarini ko’paytirish, mehnat resurslarini band qilish, ijtimoiy va ekologik muammolarni ham qilish, hududlar rivojlanish darajasidagi farqlarni kamaytirishga intiladi. Demak, bunday vaziyatda har ikki yo’nalishni muvofiqlashtirgan holda masalani yechish talab etiladi. Ishlab chiqarishni joylashtirish uchun eng avvalo joy, ya‘ni yer, maydon kerak. Biroq, buning uchun har qanday joy ham to’g’ri kelavermaydi. Qolaversa, hudud ham har qanday korxona yoki ekinlarni «istamaydi»va aksincha, xo’jalikning barcha tarmoqlari ham to’g’ri kelgan joyga o’rnashtirilmaydi. Agar ishlab chiqarish yer, maydonning imkoniyati va sharoitidan qat‘iy – nazar joylashtirilsa, u holda geografik nomuvofiqlik vujudga keladi, tabiatning xususiyati inkor etiladi, «soch teskarisiga taraladi». Ayni vaqtda xo’jalik tarmoqlarini to’g’ridan – to’g’ri, xohlagan joyda tashkil etilsa, u ko’zda tutilgan iqtisodiy manfaatlarga olib kelmasligi, ekologik muammolarga, ortiqcha harajatlariga sabab bo’lishi aniq. Ko’rinib turibdiki, ishlab chiqarish tarmoqlarini joylashtirishda ham hudud, ham tarmoq xususiyatlari inobatga olishini zarur. Tabiatda, go’yoki yer maydonining muayyan joylari aynan qandaydir xo’jalik tarmog’ini joylashtirish uchun yaratilgandek. Boshqacha qilib aytganda, har bir joyning o’ziga xos va o’ziga mos funktsiyasi mavjud. Binobarin, hudud «nafasi va haroratini» chuqur his qila olish, joy xususiyatini atroflicha o’rganish talab etiladi. Tajribalar shundan dalolat beradiki, cho’l mintaqasini haddan tashqari o’zlashtirib, sug’orma dehqonchilikni rivojlantirish ko’p o’tmay o’z o’chini olmoqda – tuproq ikkilamchi sho’rlanib, katta – katta maydonlar qishloq xo’jalik oborotidan chiqib ketmoqda. Ayni chog’da chorva mollari yem – xashaksiz, yaylovsiz qolmoqda. Demak, cho’llarning bir qismi cho’lligicha qolib, yaylovlar o’z vazifasini o’tagani maqsadga muvofiq ekanligi sezilmoqda. Ijtimoiy hayotda har kishi o’z ishini, vazifasini bajarganidek, tabiatda ham har birj oy o’ziga muvofiq xo’jalik korxonasini joylashtirishi kerak. Bu o’rinda,

joy yoki hududning sig’imi to’g’risida fikr bildirish lozim. Gap shundaki, har bir joy xo’jalik va aholini muayyan miqdorda sig’dira oladi, undan ortig’i esa tabiiy muvozanatni, ekologik vaziyatni buzadi. Ammo bu sig’im darajasi, ko’lami birday bo’lmaydi va balki doim o’zgarib turadi. Demak, yerning o’ziga xos qiymati bor va bu qiymat turli sharoitda turlicha (D.Rikardo). Mazkur masala bilan yer kadastri shug’allanadi. Bu yerda shuni ta‘kidlash joizki, hududning iqtisodiy, demografik, ekologik sig’imlari bir xil emas. Odatda, aholi zichligi, ya‘ni 1 km2 ga necha kishi to’g’ri kelishi hududdan foydalanishning umumiy ko’rsatkichi bo’lib xizmat qiladi. Shu bilan birga hudud iqtisodiy salohiyatini ham hisoblash mumkin. Qishloq xo’jaligida bu masala oson yechiladi, ya‘ni bir gektar yer qancha mahsulot berishi aniq. Ammo xo’jalikning boshqa tarmoqlarida yer «hosildorligi» yoki xizmati kam e‘tiborga olinadi. Vaholanki, har bir gektar maydonning qancha ichki mahsulot yoki milliy daromad yaratishini ham aniqlash muhim ahamiyatga ega. Yuqoridagilardan ma‘lum bo’ladiki, yer tabiiy boylik, resurslar. Lekin ko’pincha yerga biz oddiy sharoit sifatida qarashga odatlanganmiz, bamisoli quttichadek (unga to’g’ri kelgan narsani solaveramiz). Aslida esa Yer – Ona Zamin bebaho boylik, u bizning umumiy uyimiz, hayot manbaimiz. Shuning uchun Yerni haqli ravishda e‘zozlashga loyiq. Qolversa, nafaqat dunyoviy, balki diniy jihatdan ham Yer – azizdir. Ishlab chiqarish tarmoqlarini hududiy tashkil etishga turli omillar ta‘sir qiladi. Modomiki, ta‘sir etuvchi omillar ko’p ekan, so’z ularning ta‘sir darajasi to’g’risida borishi kerak. Shu nuqtai – nazardan muayyan tarmoqlar yoki korxona uchun bir yoki ikki omil hal qiluvchi ahamiyatga ega, qolganlari esa ikkinchi, uchinchi va hokazo darajali hisoblanadi, asosiy maqsad esa ana shu asosiy omilni aniqlashdan iborat bo’lmog’i lozim. Umuman aytganda, har bir korxona yoki qishloq xo’jaligi ekini uchun ma‘lum miqdorda xom – ashyo, yer, suv, harorat, ishchi kuchi, texnika vositalari, elektr energiyasi, transport va boshqalar kerak. Bu omillarni shartli ravishda tabiiy va ijtimoiy – iqtisodiy omillarga ajratish mumkin.

Tabiiy omillarga ega avvalo yer va uning ustki tuzilishi, qazilma boyliklar, iqlim, suv, harorat, tuproq, o’simlik va hayvonot dunyosi kiradi. Bu xususda tabiiy geografik bilimlar zarur bo’ladi. Biroq, tabiiy geografiya uchun tabiat komponentlarining kelib chiqish va rivojlanish qonuniyatlarini bilish talab qilinsa, iqtisodiy geografiya va mintaqaviy iqtisodiyotda ana shu qonuniyatlarga tayangan holda bu komponentlardan xo’jalik faoliyatida foydalanish yo’llarini o’rganish lozim bo’ladi. Shu jihatdan, tabiiy sharoit va boyliklarga baho berish, tabiiy va iqitisodiy geografiya (mintaqaviy iqtisodiyot) o’rtasidagi «ko’prikdir». Ishlab chiqarishni joylashtirish maqsadida tabiiy komponentlar avval «donalab» tahlil qilinadi va baholanadi. So’ngra asosiy e‘tibor tabiiy boyliklarning hududiy birikmalariga qaratiladi. Bu esa, ob‘ektga kompleks, ya‘ni atroflicha yondoshuvni taqozo etadi. Yana shuni ta‘kidlash kerakki, ma‘lum bir tabiiy komponent qaysi bir xo’jalik tarmog’iga sharoit bo’lib xizmat qilsa, boshqasi uchun u resurs «ya‘ni boyliklardir». Masalan, yer qishloq xo’jaligida resurs, boshqa tarmoqlar sanoat, transportda u asosan sharoit vazifasini o’taydi. Ob – havo, harorat ham xudi shunday. Yoki rekreatsiya sohasini olaylik: bu yerda quyosh nuri, suv, qumlik, o’rmonzor sharoit emas, balki resurs hisoblanadi va h.k. Shu bilan birga ilmiy texnika taraqqiyoti natijasida sharoit resursga aylanishi ham mumkin. O’z – o’zidan ma‘lumki, ishlab chiqarishni joylashtirishda, yoki aniqrog’i – joy tanlashda avvalambor resurs xisobga olinadi. Hudud bo’yicha mutaxassis unga atroflicha baho bera olishi, qaysi soha qulay, qaysinisiga esa noqulayligini aniqlash kerak. Unutmaslik kerakki: tabiatda umuman yomon joy yo’q, balki nodon mutaxassis bor; har bir joy nima uchundir qulay ekanligini aniqlashdan iborat. Masalan, yer usti tuzilishining (relef) tekislik yoki tog’likdan iboratligi xo’jalikning bir tarmog’i uchun qulaylik tug’dirsa, ikkinchisidan qiyinchilikni vujudga keltiradi. Chunonchi, agar hudud tekislik bo’lsa, u holda bu yer qishloq xo’jaligi, sanoat transport va aholini joylashtirish juda qulay. Lekin, Ayni paytda bunday sharoitda daryo va daryochalar mo’l (ko’priklarni ko’plab qurish kerak), bu

daryolarda yirik elektr stantsiyalarini qurish sharoiti yo’q. Tog’lik bo’lsa, bu yerda dam olish, tog’ – kon sanoati, suv energetikasi, o’rmon xo’jaligini rivojlantirish mumkin. Ammo bunday sharoit sug’orma dehqonchilik, qayta ishlash sanoati, aholi manzilgog’larini joylashtirish uchun qulay emas. Shunga o’xshash misollarni juda ko’plab keltirish mumkin. Ijtimoiy – iqtisodiy omillar aholi va mehnat resurslari, transport, ilmiy – texnika taraqqiyoti, ijtimoiy va ishlab chiqarish infrastrukturasi kabilardan tashkil topadi. Aholi ayni vaqtning o’zida ham yaratuvchi, ham iste‘molchi bo’lganligi sababli uning barcha demografik ko’rsatkichlari – aholi soni, o’sishi, zichligi, yosh va jinsiy tarkibi hisobga olinadi. Jumladan, aholi soni iste‘mol mollar ishlab chiqarishda, ko’p yoki kam mehnat talab qiladigan korxonalarni qurishda ahamiyatlidir. Uning yosh va jinsiy tarkibi turli xo’jalik tarmoqlarini joylashtirishga (sog’liqni saqlash, maorif, aholiga xizmat ko’rsatish, og’ir yoki yengil sanoat va h.k.) o’z ta‘sirini ko’rsatadi. Ayniqsa bozor iqtisodiyoti sharoitida, (talab va taklif), raqobat, u yoki bu mahsulot ishlab chiqaradigan makonni, bozor muhitini belgilaydi. Binobarin, talabning nafaqat miqdor jihatdan o’sib borishini, balki uning xususiylashuvini, sifatini e‘tiborga olish, ixcham, harakatchan, boshqarishi oson bo’lgan kichik va o’rta korxonalarni joylashtirish o’tish davri uchun ayniqsa xosdir. Shu boisdan ham hozirgi vaqtda o’rta kichik biznesni rivojlantirishga katta e‘tibor berilmoqda. Ishlab chiqarish tarmoklarini hududiy tashkil qilishda joyning iqtisodiy geografik o’rniga ham ahamiyat bermoq zarur. Agar tanlangan joy yoki geografik nuqta transport bilan yaxshi bog’langan bo’lsa, xom ashyo iste‘mol rayonlarga yaqin, elektr energiya va qurilish materiallari ham uzoq bo’lmasa, bu yerda joylashtirilgan korxona albatta katta iqtisodiy samara beradi. Joyning, ayniqsa shaharning iqtisodiy geografik o’rni aksariyat hollarda uning iqtisodiy ixtisoslashuvini belgilab beradi. Masalan, Bokobodda O’zbekiston metallurgiya zavodining joylashtirilganligi, Yangier yoki Qarshida qurilish materiallari sanoatining rivojlanganlik sababini ularning iqtisodiy geografik o’rni

orqali izohlash mumkin. Guliston yoki Termizning nisbatan sust rivojlanganligi ham ma‘lum darajada ularning geografik va geosiyosiy o’rinlariga bog’liqdir. Ishlab chiqarish tarmoqlarini joylashtirishda barcha shart – sharoitlar, omillar hisobga olinadi. Lekin ma‘lum tarmoqni hududiy tashkil etishda barcha omillar emas, balki ulardan faqat ayrimlari yetakchi, hal etuvchi rol o’ynaydi. Jumlandan, mashinasozlik tarmog’iga kiruvchi ba‘zi bir korxonalarni joylashtirishda xom ashyo (metall) ko’proq ahamiyatga ega bo’lsa, boshqasi uchun malakali ishchi kuchi muhim omil hisoblanadi. Endi yuqorida ko’rsatilgan asosiy omillarga suyanib ishlab chiqarish kuchlarini joylashtirishga ta‘sir etuvchi omillarga qisqacha to’xtalib o’tamiz. Ishlab chiqarishni joylashtirishga ta‘sir etuvchi asosiy omillarISH LA B C hIQ A R ISH Xom ashyo Yoqilg’i – energetika Ishchi kuchi Iste‘mol Bozor iqtisodiyoti Ekologiya Iqtisodiy geografik o’rin Ilmiy texnika taraqqiyoti Yer – suv Transport Infrastruktura Boshqa omillar Xom ashyo omili . Ma‘lumki, barcha mahsulot xom ashyosiz yaratilmaydi. Ammo ayrim mahsulotlarni olish uchun xom ashyo boshqalariga qaraganda ko’proq sarflanadi. Shuning uchun bunday mahsulotlarni ishlab chiqarishga ixtisoslashgan tarmoqlar va korxonalar mumkin qadar ashyo rayonlariga yaqin joylashtiriladi. Sanoatning ba‘zi tarmoqlari, masalan, tog’ – kon, o’rmon, baliqchilik sanoati tarmoqlarining joylashuvi xom ashyo bo’lmagan rayonlarda rivojlanmaydi.

Bunday sanoat tarmoqlarining joylashuvi bevosita foydali qazilmalar yoki tabiiy boyliklar geografiyasi bilan belgilanadi. Boshqa sanoat tarmoqlarining hududiy tashkil etilishi esa biroz murakkabroq tusga ega. Bu borada bir qator fakt va raqamlar keltirish o’rindi. Masalan, 1 t paxta tolasini olish uchun taxminan 3 t xom paxta, 1 t paxta yog’i uchun 5 t chigit, 1 t pista yog’i uchun 3 t kungaboqar, 1 t shakar uchun 7 t qand lavlagisi ishlatiladi. Ushbu raqamlarni nisbiy (foiz) ko’rinishida berish foydali holi emas. Chunonchi, paxta tolasining oq paxtadan chiqishi 32 – 33 foiz, paxta yog’ining chigitdan olinishi 19 – 20, shakarni qand lavlagidan tayyorlash 14 – 15 foiz va shunga o’xshash. Demak, bu korxonalar xom ashyo rayonida yoxud unga yaqin maskanda joylashtirilishi shart. Mineral o’g’itlar ichida kaliy o’g’itini ishlab chiqarish geografiyasi batamom xom ashyo omili bilan belgilanadi, chunki uni olish uchun ko’p miqdorda kaliy tuzi sarflanadi. Masalan, shu boisdan kelajakda Dehqonobod tumanida mavjud kaliy xom ashyosi hisobiga kaliy o’g’iti ishlab chiqaradigan zavod qurilishi rejalashtirilayotgani fikrimizning isbotidir. Sanoat mahsulotlarini ishlab chiqarishga ta‘sir etuvchi omillar Mahsulotlar va tarmoqlarXom ashyo Yoqilg’i energetika Ishlchi kuchi Suv Transport Ekologiya Iqtisodiy geografik o’rin Iste‘mol Iste‘mol Alyuminiy + ++ Misni tozalash ++

CHo’yan + ++ Temir qotishmalari + ++ + Po’lat + + Kaliy o’g’iti ++ + Fosfor o’g’iti + + + Azot o’g’iti + + ++ Sintetik tola ++ + Qishloq xo’jalik mashinalari ++ Radio, priborsozlik, aniq mashinasozlik + ++ Tsellyuloza-qog’oz sanoati + + + + Tsement + + + Paxta tolasi ++ + To’qimachilik sanoati + + + Paxta yog’i ++ Go’sht + + + Sut + + Izoh : ++ - hal qiluvchi ta‘sir; + - kuchli ta‘sir qiladi. Xom ashyoga asoslangan sanoat tarmoqlarining geografiyasini o’rganish eng avvalo mamlakat tabiiy sharoiti va boyliklarini bilishni talab etadi. Xom ashyo omiliga asoslanib ishlab chiqarishning hududiy tashkil etish masalalari tabiiy boyliklardan oqilona foydalanish, atrof – muhit tozaligini saqlash muammolarini hisobga olish maqsadga muvofiqdir. Yoqilg’i omili – issiqlik elektr stantsiyalari, qora metallurgiya sanoatining dastlabki – cho’yan eritish (domna pechida) bosqichini joylashtirishda asosiy rol o’ynaydi. Ammo uning ta‘siri har doim ham yetakchi kuchga ega emas. Issiqlik

elektrostantsiyalari yoki metallurgiya zavodlari iste‘mol rayonlarida ham joylashtirilishi mumkin. Bunday hol neft va uning mahsuloti mazut, tabiiy gaz asosida ishlovchi issiqlik elektr stantsiyalarini qurishga taalluqli (yoqilg’i quvurlarda keltirilishi iqtisodiy jihatdan ma‘qulroq) bo’ladi. Yoqilg’i omillarini ko’proq matellurgiya korxonalarini joylashtirishda ko’rish mumkin, masalan, Qozog’iston davlatidagi Qarag’anda to’liq tsiklli metallurgiya kobinati bevosita ko’mir havzasi rayonida joylashtirilgan. Lipetsk, Tula, Krivoy Rog kombinatlari esa ashyo, ya‘ni temir rudasi konlariga yaqin qurilgan, bunda ko’mir boshqa regionlardan olib keltriladi. Shuningdek, ko’mir va temir rudasini bir – biri bilan hududiy almashuvi asosida har ikkala rayonda shakllangan qora metallurgiya markazlari mavjud. Bu borada 30 – yillarda amalga oshirilgan Ural – Kuznetsk kombinati (UKK)ni ko’rsatish o’rinli. Ushbu dastur hududiy ishlab chiqarish majmuining dastlabki ko’rinishi bo’lib, uni hayotga tatbiq etishda ham xom ashyo rayonida – Janubiy Ural temir rudasi konlari asosida (dunyodagi eng yirik Magnitogorsk metallurgiya kombinati), ham yoqilg’i rayoni – Kuznetsk toshko’mir havzasida, ya‘ni Novokuznetskda bunday ulkan korxonalar bunyod etilgan edi. Elektr quvvati omili. Hozirgi zamon ishlab chiqarishini, hatto transport va qishloq xo’jaligini ham elektr quvvatisiz tasavvur qilish qiyin. Bu sohaning o’ziga xos xususiyati shundaki, u yaratgan mahsulotni, ya‘ni elektr quvvatini jamg’arib, omborhonalarga yig’ib bo’lmaydi, undan ayni paytning o’zida foydalanish kerak. Odatda elektr quvvati omilini ishlab chiqarishning hududiy tashkil etilishida eng avvalo uning arzon turiga urg’u beriladi. Arzon elektr quvvati suv stantsiyalaridan olinadi, chunki suv suvligicha GESdan keyin ham qolaveradi, Respublikamizda ishlab chiqariladigan elektr energiyaning 80% ziyodi issiqlik elektr stantsiyalaridan olinadi. XICHM shakllanishida, masalan, Talimarjon TRES ahamiyati katta …. yoqilg’i elektr stantsiyalarida esa ko’mir, mazut yoki tabiiy gaz sarflanadi. Demak, elektr quvvati bir qator sanoat korxonalarini o’z atrofiga omil sifatida “yig’ar” ekan. Shu sababli u yirik rayon va majmua hosil qilish qudratiga

ega. Bizning sharoitimizda elektr quvvati yangi yerlarni o’zlashtirish uchun ham kerak. Jumladan, Qarshi dashtining asosiy qismi Tolimarjondagi bir qator nasos stantsiyalari vositasi bilan sug’oriladi. Elektr quvvati Norak – Tursunzoda (Regar) – G’uzor orqali keladi. Suv va iqlim sharoiti omili ham ishlab chiqarish tarmoqlarini joylashtirishda katta ahamiyatga ega. Suv manbalari ayniqsa kimyo, yog’och – tsellyuloza, metallurgiya zavodlarining faoliyatiga sezilarli ta‘sir qiladi. Jumladan, cho’yan erituvchi pechlarni sovitish uchun ham suv kerak. Suv va iqlim sharoitlari omili boshqa sanoat korxonalarini qurishda ham e‘tiborga olinadi. Bu omilning ahamiyati qishloq xo’jaligi, dehqonchilik uchun katta. Chunonchi, O’rta Osiyo, xususan O’zbekiston Respublikasida an‘anaviy dehqonchilik uning issiq va quruq iqlimiy sharoitida faqat sun‘iy sug’orish asosida olib boriladi. Paxta, meva, sabzavot, uzum va boshqa qishloq xo’jalik mahsulotlariga suv hamda issiq iqlim (ma‘lum miqdordagi vegetatsiya haroratining miqdori) juda zarur. Shu bilan birga issiq iqlim sharoitida sanoat korxonalarini ochiq usulda qurish, suv va boshqa alkogolsiz ichimliklar, ip gazlama ishlab chiqarishga o’xshash tarmoqlarni ko’proq rivojlantirish talab etiladi. Ijtimoiy - iqtisodiy omillari ichida eng muhimi aholi va mehnat resurs omilidir. Har qanday ishlab chiqarish jarayoni ishchi kuchisiz sodir bo’lmaydi. Bu o’rinda ikki holni qayd qilish lozim: birinchidan, shunday korxonalar borki, ularga son jihatdan ko’p ishchi kerak. Masalan, tikuv fabrikasi, konserva zavodi, paxta yetishtirish, uni qayta ishlash va h.k. Ayni bir paytda boshqa bir korxonalarga mehnat resurslarining miqdori ko’p bo’lishi shart emas, «oz bo’lsa ham soz bo’lsin» ma‘nosida ularga malakali ishchi kuchi talab qilinadi. Mazkur korxonalar va tarmoqlar (radio yoki priborsozlik, aniq mashinasozlik va shunga o’xshash) malakali ishchi kuchi mavjud bo’lgan shaharlarda, ilmiy texnik markazlarida joylashtiriladi. O’zbekistonda mahalliy aholi tabiiy ko’payishining yuqoriligi va uning migratsion harakatini faolsizligi mehnat zaxiralarini ko’plab shakllanishiga olib keladi. Shu sababli bizda mehnatga layoqatli aholi soni juda ko’p. Ularning

miqdori qishloq joylarda va sust rivojlangan kichik shaharlarda juda yuqori. Binobarin, bunday joylarda ish o’rinlarini kengaytirish, yangi sanoat va boshqa korxonalar, madaniy - maishiy muassasalarni qurish zarur. Ishlab chiqarishni hududiy joylashtirishda iste‘molchi omili katta ahamiyatga ega. Aholi faqat ishchi kuchi emas, balki u eng avvalo iste‘molchi hamdir. Bu omilning roli esa hozirgi kunda, xalqning yashash sharoiti va darajasini yaxshilash doirasida keskin oshib borishi bilan bog’liqdir. Ijtimoiy qiyinchiliklarga barham berish alohida kerak bo’lgan oziq - ovqat, kiyim - kechak va uning boshqa ehtiyojlarini qondiruvchi mahsulotlarni yetarli miqyosda ishlab chiqarishni taqozo etadi. Shu sababli iste‘mol omili oziq - ovqat korxonalarini o’ziga «tortadi», ya‘ni bunday zavod yoki fabrikalar bevosita aholi yashovchi maskanlarda joylashtiriladi. Iste‘mol omili faqat xalq ehtiyoji bilan belgilanmaydi. Ishlab chiqarishning o’zining talabi, boshqa xil maxsulotlarning keng miqdorda sarflanishi, ularning transportda keltirishning noqulayligi ham bunday korxonalarni iste‘mol rayonlarida qurilishini nazarda tutadi. Masalan, qishloq xo’jalik mashinasozligi o’sha mintaqaning ishlab chiqarish ixtisoslashuviga muvofiq shu yerda rivojlanishi zarur. Umuman, qaysi rayon nimaga ixtisoslashsa shunga mos mashinasozlik tarmog’i bu yerda yaxshi rivojlangan bo’lishi qonuniy bir holdir. O’zbekistonda paxta teruvchi, Belorussiyada - kartoshka, Ukrainada qand lavlagi, Shimoliy Kavkaz va Volga bo’yicha g’alla yig’uvchi, Qirg’izistonda pichan taxlovchi, Gruziyada choy teruvchi mashinalarni ishlab chiqarish bunga yaqqol misol bo’la oladi. Huddi shunday, rayonlarni ma‘lum yuqori sanoat tarmoqlariga ixtisoslashuvi o’sha sohalarga tegishli mashina, asbob - uskuna, jihozlar ishlab chiqarilishini talab etadi. Chunonchi, Uralda metallurgiya sanoati uchun, Bokuda - neft, Donbassda - ko’mir, Petrozavodskda - o’rmon, O’zbekistonda to’qimachilik mashinasozligi rivojlangan. SHuningdek boshqa sanoat va qishloq xo’jaligi tarmoqlarini ham aholi yashab turgan joylarda joylashtirish maqsadga muvofiq, yoki: neftni keltirib,

undan benzin, kerosin, mazut va shunga o’xshash qator mahsulotlarni olish, kimyo sanoatini rivojlantirish va boshqalar. Go’sht sanoatini joylashtirish ham o’ziga xos xususiyatga ega. Bu sanoat bevosita chorvachilik rayonlarida rivojlantirilsa, unda iste‘molchiga faqat muzlatilgan go’sht keltiriladi. Bunday go’shtdan esa kolbasa, konserva va boshqa go’sht mahsulotlarini ishlab chiqarib bo’lmaydi. Agar go’sht sanoati iste‘mol rayonlarida joylashtirilsa - maqsaga muvofiq bo’ladi. Transport omili Ishlab chiqarishni joylashtirishda juda muhim, chunki u ishlab chiqarishning bevosita davom ettiruvchi tarmog’i hisoblanadi. Transport shohobchalarisiz xom ashyo ham keltirilmaydi, mahsulot ham iste‘molchilarga yetkazilmaydi. Eng muhimi, hududiy mehnat taqsimoti rivojlanmaydi. Shuning uchun transportning ahamiyati barcha boshqa omillar bilan qo’shilib, uyg’unlashib ketadi va uni «sof» holda ajratib olish qiyin. Omillar bilan ham chambarchars bog’liq bo’lib, iqtisodiy munosabatlarini rivojlantirishga katta ta‘sir ko’rsatadi. Ilmiy - texnika taraqqiyoti chetlab o’tolmaymiz, albatta omilning ta‘siri bir qator tarmoqlarni hududiy tashkil etilishida aniq va ravshan ko’rinadi (mashinasozlik, elektroenergetika va kimyo). Shubhasizki, mazkur sanoat tarmoqlariga tegishli ko’pgina korxonalar, ayniqsa mashinasozlik zavodlari yuksak darajada ilmiy - texnika qudratiga ega bo’lgan yirik shaharlarda joylashtiriladi. Yuqorida ko’rilgan barcha omillarning ahamiyati katta. Ammo ularning barchasi pirovard natijada ekologik omil bilan «hisoblashishlari» kerak. Zotan vujudga kelgan vaziyat buni qat‘iylik bilan talab etadi. Hozirgi kunda ayrim sanoat korxonalarining ishlashi shu nuqtai - nazardan to’xtatilganligi bejiz emas. Ekologik jihatdan ko’p sanoat tarmoqlari va eng avvalo kimyo, yog’och - tsellyuloza, go’sht, vino, konserva, charm zavodlari, issiqlik elektr stantsiyalari va shunga o’xshash korxonalar «nomaqbul» hisoblanadi. Binobarin, ular aholi joylashgan markazlardan uzoqroqda bo’lishi «SHo’rtan gaz kimyo», majmuasi, Muborak gazni qayta ishlash zavodi va boshqa sanoat korxonalari misolida ko’rish mumkin.

Kimyo sanoati misolida ekologik omilning ishlab chiqarishning hududiy tashkil etilishiga ta‘sirini ko’rish mumkin, chunki bu sanoat korxonalarini joylashtirilishi chinakam erkin xususiyatga ega. Zero kimyo sanoati o’simlik, hayvonot, mineral xom ashyosi, suv, havo (azot) asosida ham, boshqa sanoat chiqindisi (qora va rangli metallurgiya) negizida ham rivojlanishi mumkin. Shunday qilib, kimyo sanoati korxonalarini har qaerda qursa bo’ladi, ammo bu masalaning bitta nozik tomoni bor - bu ham bo’lsa ekologik omildir. Bu omil bilan hozirgi kunda hisoblashmasdan iloj yo’q, zero mamlakatimiz hududida ekologik sog’lom joyning o’zi juda sanoqli. Yuqoridagi omillardan tashqari bozor iqtisodiyoti omilini ham unutmaslik kerak. Hozirgi kunda bozor iqtisodiyoti to’g’risida barcha - olimu oddiy xalq, katayu kichik so’z yuritadi, ba‘zan bu ibora dissertatsiya va boshqa ilmiy ishlar nomiga ham kiritiladi. Lekin bu juda murakkab tushuncha va iqtisodiy munosabatdir. Unga xorijiy mamlakatlar, xususan Yevropa davlatlari boy tajribaga ega, chunki bu munosabat mazkur davlatlarda o’n va yuz yillar davomida shakllanib kelgan. Bozor iqtisodiyoti munosabatlariga birdaniga o’tib bo’lmaydi, buning uchun barcha shart va sharoit yaratish kerak, ya‘ni uning o’zini moddiy, maishiy va madaniy infrastrukturasi bo’lmog’i lozim. Shuning uchun bu munosabatlarga o’tish tarixan birmuncha uzoq davrni talab etadi va unga bosqichma - bosqich o’tish, evolyutsion rivojlanish iborasini qo’llash to’g’riroq bo’ladi. Sodda qilib olganda, bozor iqtisodiyoti - bu ishlab chiqarish erkinligi va xarid erkinligidir, bu raqobatdir. Demak, ishlab chiqarishni rejali (planli) va proportsional, tekis joylashtirish o’rniga hududiy tengsizlik, musobaqa, o’rniga raqobat tushunchalarini qo’llashga to’g’ri keladi. Bunday sharoitda ko’p ukladli iqtisodiyot, mulkchilikning turli shakllari va sog’lom raqobat muhitini vujudga keltirish, monopoliyaga qarshi kurash muhim ahamiyat kasb etadi. Binobarin, bozor iqtisodiyoti omilini ishlab chiqarish tarmoqlarini hududiy tashkil etishga nisbatan tahlil etar ekanmiz, unda bu boradagi ilgarigi, an‘anaviy fikr yuritishlarimiz tamomila o’zgarib ketadi. Chunki bu sharoitda aksariyat narsani,

shu jumladan nimaga ixtisoslashuvi va qaerda joylashtirishni pirovard natijada bozor, raqobat, talab va taklif belgilaydi. davlat esa o’zining regional (hududiy) va soliq siyosati orqali bu jarayonni boshqarib yoki tartibga solib turadi. Ishlab chiqarishni hududiy joylashtirishda infrastruktura (infratuzilma) muhim rol o’ynaydi. Iqtisodiyotda infratuzilma tushunchasi iqtisodiyotda yaqindagina qo’llanilayotgan bo’lishiga qaramay, vaqt o’tgan sari unga tobora katta e‘tibor berilmoqda. Infratuzilmani kategoriya sifatida keng talqin qilish unga moddiy boyliklar yaratishda bevosita qatnashmasa-da, lekin unga ishlab chiqarish, ishlab turishni ta‘minlovchi inshoatlar, ob‘ektlar, tizimlar va turli xizmatlar kiradi. Infratuzilmaning rivojlanganligi u yoki bu region xo’jalik yo’li bilan o’zlashtirilganligi darajasini aks ettiradi. Infratuzilmalar ishlab chiqarish va ijtimoiy infratuzilmalarga bo’linadi. Ishlab chiqarish infratuzilmasi ishlab chiqarish jarayoniga ko’proq xizmat ko’rsatish sohalari bilan bog’liq bo’lgan muxandis – texnika inshoatlari va ob‘ektlari, elektr uzatish liniyalari hamda kichik stantsiyalar, har xil aloqa turlari, quvurlar va x.k. suv ta‘minoti ob‘ektlari, turli xil sug’orish inshoatlari, ulgurji savdo hamda moddiy - texnika ta‘minoti muassasalari, ilmiy harakterdagi muassasalar va axborot vositalari kiradi. Ijtimoiy infratuzilma aholi uchun zarur uy - joy, maishiy va ijtimoiy - madaniy sharoitlarni ta‘minlash bilan bog’liq ob‘ektlar jamidan iborat bo’lad. Unga uy - joy fondi, turli xil savdo va umumiy ovqatlanish, mahalliy transport, suv ta‘minoti hamda kanalizatsiya tizimi, sog’liqni saqlash, ma‘orif muassasalari, oliy maktab, ilmiy - tadqiqot ilmgohlari, pochta - telegraf hamda moliya muassasalari, madaniy –tomosha korxonalari, sport -sog’lomlashtirish inshootlari, jamoat xavfsizligi va boshqa ob‘ektlar hamda ijtimoiy-maishiy xarakterdagi muassasalar kiradi. Ishlab chiqarish va ijtimoiy infratuzilma tarkibining keltirilgan ruyxatidan kurinib turibdiki, uning vazifalari kuyidagi ikki belgi bilan xarakterlanadi: ishlab

chiqarish va aholiga har tomonlama xizmat ko’rsatish hamda foydalanishning tarmoqlararo xarakteridan iborat ekanligi. Foydalanishning tarmoqlararo harakteri, ayniqsa, muhimdir, chunki u rivojlangan infratuzilmalarni rayon va shaharning ishlab chiqarish ixtisoslashuvidan qat‘iy - nazar barpo etish zarurligini ko’rsatadi. Tarmoqlarning har qanday jami yetarli darajada o’zlashtirilgan va obodonlashtirilgan hududda negiz topish mumkin. Infratuzilma ob‘ektlari va inshoatlari moddiy ne‘matlar ishlab chiqarish bilan bevosita bog’liq bo’lsa - da, lekin shunga qaramay ishlab chiqarish bilan aholining barcha xizmat turlariga talabi keskin o’sgan fan - texnika taraqqiyoti sharoitda ular ahamiyatini kamsitib bo’lmaydi. Ijtimoiy infratuzilma aholiga har tomonlama xizmat ko’rsatish darajasini oshirishgina emas, balki bandlik tuzilmasini yaxshilashga ham yordam beradi. Bu narsa Respublikamizning yangi o’zlashtiriladigan rayonlar uchun ayniqsa muhim ahamiyatga ega. Xulosa qilib shuni ta‘kidlash mumkinki, ishlab chiqarish kuchlarini rivojlantirishda yuqorida keltirilgan omillar muhim ahamiyatga ega bo’lib, ishlab chiqarishni rivojlantirish va uni to’g’ri joylashtirishda katta ahamiyatga ega ekanligini ko’rishimiz mumkin.

A d a b i y o t l a r 1 I.A. Karimov «O’zbekiston iqtisodiy ilohatlarni chuqurlashtirish yo’lida». T.: O’zbekiston. 1995 2 I.A. Karimov «O’zbekiston XXI asr bo’sag’asida: xavfsizlikka tahdid, barqarorlik sharoitlari va taraqqiyot kafolatlari». –T.: O’zbekiston, 1997 3 E.B. Alaev Sotsialno-ekonomicheskaya geografiya. ponyatiyno- terminologicheskiy slovar. M.: Msl, 1983 4 G.R. Asanov, M.N.Nabixonov, I. Safarov O’zbekistonning iqtisodiy va ijtimoiy geografiyasi. T.: O’qituvchi, 1994 5 N.N.Kolosovskiy Teoriya ekonomicheskogo rayonirovaniya. M.: Msl, 1994 6 V.V.Kistanov Territorialnaya organizatsiya proizvodsva. M.: 1981 7 E.Nabiev, A.Qoyumov O’zbekistonning iqtisodiy salohiyati. –T., 2000 8 I. Salomov, U. Parpiev Bozor iqtisodiyoti asoslari va ishlab chiqarishni tashkil etish. – T.: Sharq, 1996 9 Y.G.Saushkin Ekonomicheskaya geografiya: istoriya. Teoriya, metod i praktika. – M.: Msl, 1983 10 A.S.Soliev va boshqalar Mintaqaviy iqtisodiyot. T., «Universitet», 2003 11 A.Sodiqov Formirovanie i razvitie regionalnx agropromshlennx kompleksov. T., 1989 12 A.S.Soliev, T. Mallaboev Iqtisodiy va sotsial geografiya kursida ayrim qonuniyatlarni o’rganish metodi. – T.: 1988 13 A.S.Soliev, L.Qarshiboeva Iqtisodiy va ijtimoiy geografiyaning dolzarb masalalari. – T. 1995 14 A.S.Soliev L.Qarshiboeva Iqtisodiy geografiyaning nazariy va amaliy masalalari. T. 1999 15 V.A.Chjen Bozor sharoitida mintaqaning tarmoq taraqqiyoti. T., 1997 16 M. Hakimova, B. Mahmudov Xalqaro iqtisodiy munosabatlar 17 Territorialne proizvodtvenne kompleksne . M . Msl , 1970 18 S.G’.G’ulomov, M.Barbakadze Hududiy tizimlarni optimallashtirish metodlari va usullari. –T.: O’zbekiston, 1992 19 O’zbekiston Respublikasi Entsiklopediyasi. T.: Qomuslar bosh boshqarmasi, 1997 20 A.I.Chistobaev, M.D.Shargin Ekonomicheskaya i sotsialnaya geografiya. novy etap. Leningrad , Nauka , 1990-319 s .

Похожие

Qoraqalpog'iston Respublikasi yer resurslari sifatiga ta'sir etuvchi asosiy omillar

Mintaqalarda turizmning rivojlanishiga ta’sir etuvchi omillar

Xududiy mexnat taqsimoti va ishlab chiqarishni joylashtirish

Ishlab chiqarish kuchlarini joylashtirish qonuniyatlari, tamoyillari va omillar

Sanoat rivojlanishi va hududiy tashkil qilinishida tabiiy sharoitning tutgan o'rni