Уч фазали ўзгарувчан ток занжирлар - Физика - Рефераты

Уч фазали ўзгарувчан ток занжирлар

Загружено в:

20.09.2019

Скачано:

0

Размер:

137.9619140625 KB

У ч фазали ўзгарувчан ток занжирлар Режа: 1. Уч фазали занжирлар ҳақида асосий тушунчалар. 2. Уч фазали манбанинг фазаларини улаш схемалари. 3. Истеъмолчиларни учбурчак усулда улаш.

Уч фазали занжирлар ҳақида асосий тушунчалар ЭЮК лари бир хил частотали ва бир – бирига нисбатан фаза бўйича 1/3 даврга силжиган учта электр занжирининг тўплами уч фазали система дейилади. Агар барча учта фазада ҳам ЭЮК бир хил амплитудага эга бўлса ва фаза бўйича бир хил бурчакка силжиган бўлса, бундай тизим симметрик тизим дейилади. Уч фазали тизимнинг токларидан бири оқиб ўтиши мумкин бўлган уч фазали электр занжирининг қисми фаза дейилади. Шундай қилиб, генераторнинг ЭЮК индукцияланадиган чулғами ва унга уланган истеъмолчи уч фазали занжирнинг фазаси ҳисобланади. Ўзгарувчан ток М. О. Доливо – Добровол p ский уч фазали ток тизимни ихтиро қилгандан кейин бутун дунёда кенг ишлатиладиган бўлди. Чунки электр энергиясини узоқ масофага узатиш арзон ва қулай, уч фазали қурилмаларнинг конструкциялари содда ва арзон, юлдуз шаклида улаб ҳосил қилинадиган тўрт симли тизим бўлганда иккита иш кучланиши бўлади. Уч фазали занжир уч қисмдан ташкил топади: уч фазали генератор – унда механик энергия электр энергияга айланиб фазаларда уч фазали ЭЮК ҳосил бўлади, узатиш линиялар ва истеъмолчилар. Уч фазали генератор синхрон машина бўлиб, турбогенератор ёки гидрогенератор бўлиши мумкин. Уч фазали генератор моделининг схемаси 7.1-расмда берилган. Статорда уч қисмдан иборат чул-ғам жойлашган бўлиб, улар фазалар деб аталади.Улар ўзаро шундай жойлашганки, уларнинг магнит ўқлари бир–бирига нисбатан 2  /3 (120 0 ) ли бурчак ташкил этади. Расмда шартли равишда ҳар фаза биттадан чўлғам билан кўрсатилган. Чўлғамларнинг бошлари А, В, С билан, тугалланишлари эса X , Y , Z билан белгиланган. Қўзғалмас статор чўлғамларидаги ЭЮК лар ҳаракатдаги ротор токининг магнит майдони таҳсирида вужудга келади. Расмда, ротор шартли равишда N ва S қутбга эга бўлган доимий магнит шаклида ифодаланган. Индукцияланган ЭЮК бир хил частотага эга бўлган синусоида бўлиб, бир – биридан фаза бўйича фарқланади.

7.1 – расм. 7.2 – расм. Схемаларда манбанинг чўлғамлари (ёки фазалари) 7.2-расмда кўрсатилгандек ифодаланади. ЭЮК нинг шартли мусбат йўналиши ҳар бир фаза учун фаза охиридан бошланишига қараб олинади. Уч фазали симметрик ЭЮК тизими график шаклда, аналитик ифода билан, тригонометрик функциялар билан, векторлар билан ва комплекс катталиклар билан ифодаланиши мумкин. Симметрик ЭЮК ларнинг график ифодаси 7.3-расм, а да, вектор диаграммаси 7.3-расм, б, с да кўрсатилган. Аналитик шаклда ифодаланганда қуйидаги кўринишга эга:eA=Emsin ωt , eB=Emsin (ωt −2π 3 ), eC=Emsin (ωt +2π 3 ). (7.1) Комплекс кўринишда: ˙EA=E, ˙EB=E e−j2π3; ˙EC=Ej2π3 (7.2) 7.3-расмдаги график ва диаграммани анализ қиламиз. Графикдаги ЭЮКларнинг йиғиндиси eA+eB+eC=0 . Фазалардаги ЭЮК векторларининг геометрик йиғиндиси нолга тенг. ˙EA+˙EB+˙EC=0 В фазанинг ЭЮК си А фазанинг ЭЮК сидан орқада қолиб, С фазанинг ЭЮК си В фазанинг ЭЮК сидан орқада қолувчи ЭЮК лар системаси, тўғри кетма – кетликни (7.3-расм, б), агар бирортасининг ўрни алмаштирилса, тескари кетма – кетликни ташкил этади (7.3-расм, с).

7.3 – расм. Уч фазали манбанинг фазаларини улаш схемалари Фаза ва линия параметрлари. Манба ва истеъмолчиларни ўзаро улашда дефицит материалга ва узатиш линиялари қурилмаларига сарф ҳаражатларни камайтириш учун генератор фазалари юлдуз ёки учбурчак шаклида уланади. Юлдуз уланишда (7.4-расм) фазаларнинг охирлари X , У, Z лар битта нуқтага туташтирилади ва N 1 ҳарфи билан белгиланиб нейтрал нуқта дейилади. Учбурчак уланишда (7.5-расм) бир фазанинг охири Х иккинчи фазанинг бошланиши В билан, иккинчи фазанинг охири У учинчи фазанинг боши С билан, учинчи фазанинг охири Z биринчи фазанинг бошланиши А билан уланади. Иккала ҳолатда ҳам манба фазаларининг бошланиши А, В, С линия ўтказгичи ёрдамида юлдуз ёки учбурчак шаклида уланган истеъмолчи билан боғланади. Манба ва истеъмолчи фазалари бир хил ёки турлича уланишда бўлиши мумкин. Манба ва истеъмолчи юлдуз шаклида уланганда, баҳзи ҳолатда нейтрал ўтказгичдан ҳам фойдаланилади. Нейтрал нуқталар N 1 ва N ни туташтирувчи ўтказгич нейтрал ўтказгич дейилади. Манбалари учбурчак ёки нол p ўтказгичсиз юлдуз шаклида боғланган уч фазали занжирлар уч ўтказгичли занжирлар манбаси нейтрал ўтказгичли юлдуз шаклида боғланган занжирлар тўрт ўтказгичли занжирлар деб аталади. Уч фазали занжирнинг алоҳида хусусияти унда икки хил кучланиш мавжудлиги. Манба ёки истеъмолчи фазаларининг бошланиши ва тугалланиш нуқталари орасидаги кучланиш фаза кучланиши дейилади. Манба ёки истеъмолчи фазалари бўйлаб ўтаётган токлар фаза токлари

дейилади. 7.4-расмда фаза кучланишлари ва токлари U A , U B , U C , I A , I B , I С , 7.5- расмда эса фаза кучланиши ва токлари U A , U B , U C , I В A , I С B , I АС билан белгиланган. Манба ёки истеъмолчи фазаларининг бошланишлари орасидаги кучланиш ёки линия ўтказгичлари орасидаги кучланиш линия кучланиши дейилади. Манба ва истеъмолчини ўзаро боғловчи ўтказгичлардан ўтаётган токлар линия токлари дейилади. 7.4 – расм. 7.5 – расм. 7.4 ва 7.5-расмларда линия кучланишлари ва токлари U AB , U BC , U CA , I A , I B , I C билан белгиланган. Занжир тўғри ҳисобланиши, тенглама ва диаграммалар тўғри тузилиши учун, ЭЮК, кучланиш ва токларнинг йўналиши тўғри белгиланган бўлиши керак. ЭЮК ларнинг мусбат йўналиши деб, манба фазаларининг охиридан бошига қараб йўналиш қабул қилинади, токлар йўналиши ЭЮК билан бир хил, кучланиш эса қарама – қарши йўналишда олинади. (7.4 ва 7.5-расм). Линия кучланишлари эса: U AB – А дан В га қараб, U B С – В дан С га қараб, U С A – С дан А га қараб йўналитирилади. Линия токлари эса доим манбадан истеъмолчи тарафга қараб йўналтирилади. Истеъмолчилардаги ток ва кучланишлар бир хил йўналишда олинади. Нейтрал ўтказгичдаги ток I N – истеъмолчидан манба томонга қараб йўналтирилади. Манбанинг фаза кучланиши унинг ЭЮК сидан фарқ қилади, бу фарқ манбанинг ички қаршилиги ҳисобига бўлади. Таҳлилни соддалаштириш мақсадида ички қаршилик ҳисобга олинмайди ва ЭЮК билан кучланиш қиймат жиҳатдан тахминан тенг деб қабул қилинади. Кучланишлар вектор диаграммаси ЭЮК лар диаграммасидан фарқ қилмайди

(7.6-расм) Фаза ва мос линия кучланишларини ўз ичига олган контурлар учун Кирхгофнинг иккинчи қонунига биноан (7.4-расм):˙UAB= ˙UA− ˙UB, UBC = ˙UB− ˙UC, UCA = ˙UC−UА. (7.3) Манба кучланишлари вектор диаграммаси (7.6-расм) ва (7.3) ифодага асосан линия кучланишларининг вектор диаграммасини қуриш мумкин. Натижада иккита бурчаги 30 0 ва битта бурчаги 120 0 бўлган ҳосил қилувчи томонлар фаза кучланишлари векторлари ˙UA ва ˙UB , асоси эса линия кучланиши ˙UAB дан иборат учбурчак ҳосил бўлади. Линия кучланишлари ўзаро тенг ва фаза бўйича 120 0 га бир–биридан силжиган. 7.6-расмда кўрсатилган кучланишлар вектор диаграммасида U AB =2U Asin 60 0=√3U A. (7.4) Қолган линия ва фаза кучланишлари орасида ҳам худди шундай муносабат мавжуд. Шунинг учун чўлғамлари юлдуз шаклида уланган манба учун умумий ҳолда: U Л= √3UФ . (7.5) Манба фазаларини учбурчак усулда уланганда линия ва фаза кучланишлари орасидаги муносабатни кўриб чиқамиз (7.5-расм). 7.6 – расм. 7.7 – расм. Бу схемадан шундай хулоса қилиш мумкинки, линия кучланишлари мос фаза кучланишларига тенг: ˙UAB=˙UA; ˙UBC= ˙UB; ˙UCA= ˙UC . (7.6)

Умумий ҳолда:UЛ=UФ . (7.7) Юқорида кўриб чиқилганлар асосида қуйидаги хулосаларни қилиш мумкин. 1. Манба фазаларининг уланиш усулига боғлиқ бўлмаган ҳолда, линия ўтказгичлари орасида таъсир этувчи қийматлари бўйича ўзаро тенг фаза жиҳатдан 120 0 фарқ қилувчи линия токлари мавжуд бўлади. 2. Манба фазаларини юлдуз шаклида уланганда линия кучланишлари худди шу манба фазаларини учбурчак уланган ҳолатидагига нисбатан √3 марта катта бўлади. 3. Тўрт ўтказгичли занжирларда линия ўтказгичлари орасидаги линия кучланишларидан ташқари, линия ўтказгичи ва нейтрал ўтказгич орасида линия кучланишидан √3 марта кичик фаза кучланиши мавжуд. Кўриб чиқилгандан, агар линия кучланиши 380 В бўлса фаза кучланиши 220 В, линия кучланиши 220 В бўлса, фаза кучланиши 127 В бўлади. Саноат корхоналари истеъмолчилари ва маиший хизмат корхоналари истеъмолчиларининг кучланишлари шу кучланишларга мўлжалланган. Тўрт ўтказгичли тармоқлар эса, бир фазали истеъмолчиларни ҳам улаш имкониятни беради. И стеъмолчиларни учбурчак шаклида улаш Уч фазали занжир истеъмолчилари учбурчак шаклида уланганда , истеъмолчининг ҳар бир фазаси иккита линия ўтказигичи билан боғланади . Шунинг учун истеъмолчининг тавсифи ва қийматидан қатъий назар истеъмолчининг фаза кучланиши мос равишда линия кучланишига тенг бўлади UФ=UЛ (7.8- расм ). 7.8 - расм

Шунинг учун истеъмолчилар учбурчак уланганда фаза истеъмолчилари ёки бир фазали истеъмолчининг номинал кучланиши линия кучланишига тенг бўлиши керак . Умумий ҳолда фаза токлари ˙IAB , ˙IBC , ˙ICA лар линия токлари IA,IB,IC ларга тенг эмас. Кирхгофнинг биринчи қонуни А, В, С тугунларига қўллаб, фаза ва линия токлари орасидаги қуйидаги муносабатларни оламиз: ˙IA=˙IAB−˙ICA , ˙IB=˙IBC−˙IAB, ˙IC=˙ICA−˙IBC . (7.8) Бу муносабатлардан фойдаланиб линия токлари учун вектор диаграмма қуриш қийин эмас. Агар истеъмолчи симметрик бўлса, яҳни ZAB = ZBC =ZCA бўлса, ток векторлари симметрик системани ташкил этади. Фаза токларининг қийматлари ва фазалар силжиши фаза кучланишлари билан бир хил бўлади. Демак, IAB= ˙U AB /ZAB ; IBC = ˙U BC /ZBC ; ICA = ˙UCA /ZCA . (7.9) ˙IAB= ˙IBC = ˙ICA . (7.10) (7.8-расм) даги вектор диаграммадан IЛ=√3IФ . (7.11) Шунга эътибор бериш керакки, уч ўтказгичли занжирларда истеъмолчининг қандай характерда эканлигидан қатъий назар линия токларининг геометрик йиғиндиси нолга тенг. IA+IB+IC= 0 Симметрик уч фазали истеъмолчиларни масалан, электродвигателни уч ўтказгичли занжирга тармоқ кучланишига боғлиқ равишда учбурчак ёки юлдуз шаклида улаш мумкин. Электродвигателларнинг шчитида ёки паспортида икки хил кучланиш кўрсатилган бўлади, бири двигател p чўлғамларини юлдуз шаклида улаш учун, иккинчиси учбурчак шаклида улаш

учун 380 Y /220 Δ - бу двигателнинг фаза кучланиши 220 В ва унинг чўлғамларини юлдуз шаклида улаш мумкин, агар тармоқ кучланиши U T =380 В бўлса. Учбурчак улаш мумкин, агар тармоқ кучланиши U T =220 В бўлса. Носимметрик юклама асосан фазаларга бир фазали истеъмолчилар уланганда вужудга келади. Улар истеъмолчининг тавсифи ёки қиймати жиҳатидан бир – биридан фарқ қилиши мумкин. Носимметрик юкламали занжир фазаларидаги токнинг қиймати (7.9) муносабатдан, линия токлари эса (7.8) формуладан аниқланади. 7.9 – расм. 7.10 – расм. Носимметрик юкламали уч фазали занжир схемаси 7.9-расмда кўрсатилган, 7.10-расмда эса унинг кучланиш ва токлар диаграммаси келтирилган. Линия токлари (7.8) формула асосида қурилган.

Фойдаланилган адабиётлар: 1. Каримов А.С. ва бошқ. Электротехника ва электроника асослари: Олий ўқув юрти талабалари учун дарслик. – Т.: Ўқитувчи, 1995. 2. Касаткин А.С., Немцов М.В. Электротехника: Учебник для вузов. – М.: Вусш. шк., 2000. 3. Электротехника: Учебник для неэлектротех. спец. вузов / Под ред. В.Г.Герасимова. – М.: Вусш.шк. 1985. 4. Иванов И.Н., Равдоник В.С. Электротехника. Учеб. пособие для неэлектротех. спец. вузов. – М.: Вусш. шк., 1984.

Похожие

Уч фазали электр занжирлари

Бир фазали ўзгарувчан ток занжирларининг актив ва реактив қувватини ўлчаш

Ўзгарувчан ток магнит занжирлари

Бир фазали синусоидал ток занжирлари

Мажбурий электр тебранишлар. Ўзгарувчан ток