Ekologik qonunlar va ularning xususiyatlari - Экология - Рефераты

Ekologik qonunlar va ularning xususiyatlari

Загружено в:

20.09.2019

Скачано:

0

Размер:

70.5 KB

Ekologik qonunlar va ularning xususiyatlari Reja: 1. Minimum va tolerantlik qonuni. 2. Limitik omillarni umumlashtiruvchi kontsentsiyalar 3. Ekologiyaning asosiy qonunlari va ularning xususiyatlari. 4. O’zbekiston Respublikasi tabiatni, o’simliklarni va hayvonot dunyosini muhofaza qilish haqidagi qonunlari.

Tayanch iboralar : Tolerantlik, ekotizim, adaptatsiya, limitik omillar, suktsessiya, evolyutsiya, raqobatni cheklovchi, ekologik xavfsizlik. 1. Minimum va tolerantlik qonuni Ekologiya fanining asosiy vazifasi real sohalarda funktsional qonunlarni izlash. Tarixda birinchi ekologik qonun tirik organizmlarning funktsional hayoti tashqi omillarga bog’liqligini aniqlash bo’lib hisoblanadi. 1940 yili Yu.Libix g’allaning hosili ozuqa moddalari bilan bog’langan bo’lib tuproqda ozuqa elementlari bilan limitik bog’liqdir degan minimum qonunni yaratdi. Yu.Libix minimum qonunini quyidagicha ta’riflaydi. “Minimum miqdoridagi moddalar bilan hosildorlik boshqariladi va kattaligi hamda vaqt bo’yicha chidamliligi aniqlanadi”. Ozuqa moddalari sifatida juda ko’p elementlarni olish mumkin (Sa, K, Na, Cl va boshqalar), jumladan harorat Yu.Libixning bu qonuni 2 ta xususiyatini chegaralaydi. Birinchidan Libix qonunini, faqat statsionar holatlar uchun qo’llasa bo’ladi. Statsionar holatlar uchun limitlovchi modda sifatida minimum miqdoriga yaqin moddalar hisoblanadi. Ikkinchi xususiyat, omillarning o’zaro ta’siri. Yuqori kontsentratsiyali ayrim moddalar yoki ba’zi bir moddalarni o’zi organizm talab qilgan moddani o’zgaritirishi mumkin. Ayrim paytlarda organizm ayrim tanqis moddalarni boshqasi bilan almashtirishi mumkin. Tolerantlik qonuni . Ekotizimlarni rivojlanishi yoki rivojlanish bo’lmasligi nafaqat ayrim omillarni ko’pligi yoki yetishmasligini (issiqlik, yorug’lik, suv), balki organizmni ekologik minimum va maksimum xususiyatlariga bog’liqdir. Moddalar ko’p miqdorda yoki oz miqdorda bo’lsa, bu organizm uchun yomon oqibatlarga olib keladi.

Ana shu ikki miqdor orasida tolerantlik chegarasi yotadi. Ana shu maksimum va minimum omillar orasida organizm me’yorida rivojlanadi. Tolerantlik qonunini 1913 yili V. SHelford quyidagicha ta’riflagan: 1. Tirik organizm juda katta miqdorda va katta diapazonda tolerantlik xususiyatlariga egadir; 2. Agar bitta ekologik omil organizmga yoki turga optimal bo’lmasa boshqa ekologik omilga tolerant bo’ladi. 3. Tabiatda ko’pincha organizmga sharoit optimal bo’lmaydi. 4. Organizm ko’payish davrida kritik holatlarda bo’ladi, ko’p holatlarda esa ko’p omillarni cheklovchi bo’ladi. Tirik organizmlar yashash sharoitini o’zgartiradi, sababi tashqi omillarni cheklovchi xususiyatini chegaralash uchun. Keng geografik sharoitlarga organizmni moslashishi, adaptatsiya hosil bo’lishi, mahalliy sharoitda ekotiplar yoki bitta xususiyatli ekotiplar hosil bo’ladi. 2. Limitik omillarni umumlashtiruvchi kontsentsiyalar Limitik omillar ni umumlashtiruvchi kontseptsiyalar. Quruqlikdagi asosiy omillar: yorug’lik harorat; suv (yog’ingarchilik). Dengizda esa: yorug’lik harorat; sho’rlanganlik; Ana shu omillar limitlovchi bo’lib organizmni rivojlanishi uchun yoqimli bo’ladi. SHu yuqoridagi omillar bir-biriga bog’lik va bir-biriga kelishilgan bo’ladi. Tirik organizmga ta’sir etuvchi limitlovchi omillar safiga atmosfera gazlari (karbonat angidrid, kislorod) va biogen tuzlar xam kiradi. Yu. Libix minimum qonunida hayotiy muhim bo’lgan ozuqa elementlarini misol keltiradi. Masalan: temir, rux, bor, kremniy, xlor, vannadiy, yod, natriy. Bunda ko’p mikroelementlar, vitaminlardek, katalizatorlardek ta’sir etadi. Hozirgi zamonda asosiy limitlovchi ekologik omil bo’lib atrof muhitni ifloslantiruvchi moddalar, birikmalar orasida biosferada parchalanib yoki yo’q

bo’lib ketishi qiyin moddalar, ionlar mavjudki, bu albatta ekotizimga va insonga, tirik mavjudodga ta’sir etib, biosferada fizikaviy, kimyoviy va biologik jarayonlarni buzadi. Biosferada asosiy limitlovchi yoki biosfera barqarorligini saqlovchi asosiy omil bu Yu.Odum ta’limotiga asosan yer sharining 3 ta qismi yashil o’rmonlar, qo’riqxonalar, milliy bog’lar bo’lishi tabiat maskanimizni saqlaydi. Bir inson uchun o’rtacha 1-5 gektarga yaqin territoriya kerak bo’lar ekan. Bir insonni mahsulot bilan to’liq ta’minlash uchun 0,6 ga maydon kerak. Bir insonni boshqa ehtiyojlari uchun (yog’och, qog’oz) 0,4 ga kerak.. Agar shu sharoitlar bajarilsa 1 mlrd. inson ta’minlanar edi. Ammo, hozir yer yuzida 6 mlrd. 407 mln. axoli yashaydi. Insonlar o’z extiyojini qondirish uchun qishloq xo’jalik ekinlaridan ko’proq xosil olishi zarur bo’ladi, bu esa kimyoviy o’g’itlarni bir necha bor ko’p ishlatishga to’g’ri keladi va yana o’z navbatida ko’proq atrof-muhitni ifloslantiradi. 3. Ekologiyaning asosiy qonunlari va ularning xususiyatlari. 1. Raqobatni cheklovchi qonun : Bu qonunga muvofiq ikkita bir xil istiqomat qiluvchi, ya’ni “Ekologik nisha” uzoq vaqt bir ekotizimda yashay olmaydi. Qanday turni g’alaba qilishi tashqi omillarga bog’liq bo’ladi. Bunda asosan o’sha populyatsiyani o’sishi, ko’payishi katta rol o’ynaydi. Raqobatni cheklovchi qonunlar insonlar hayot tarzida va insonlar jamiyatida ham uchrab turadi. Inson o’zining yashab turgan joyidan ketishni hohlamaydi. Yer sharini boshqa joylari aholi bilan zich. Yashash uchun, xomashyo uchun kurash kabi illatlar kelib chiqadi. O’z navbatida A.Gitler o’zining agressiv kurashlarini iqtisodiy manfaatlari uchun deb ham aytadi. Bugungi kunda ekologik kolonializm va ekologik urushlar ham sodir bo’lishi haqiqatdan uzoq emas.

Ekologiyaning asosiy qonunlaridan biri shuki, nafaqat turlar, organizmlar balki, ekotizimlar ham rivojlanadi. Jamoatning ketma-ket almashib turishiga suktsessiya deyiladi. Suktsessiya asosan muhitni fizik xususiyatlari o’zgarishi bilan sodir bo’ladi. Bunda bir tur jamoada yashab boshqa turlarning yashashiga imkon yaratadi. Bu jarayon biotik, abiotik omillar o’rtasida muvozanat bo’lguncha davom etadi. 2. Xilma-xillik qonuni : tizim absolyut bir xil bo’lgan elementlardan tashkil topmaydi. 3. Evolyutsiyaning qaytmaslik qonuni : organizmlar (populyatsiya, tur) o’zining oldingi holatiga qaytmaydilar. 4. Tuzilishning murakkablashish qonuni : Organizmlarning tarixiy rivojlanishi ularning organlar funktsiyasini murakkablashishiga olib keladi. 5. Tizim qismlarini bir tekis rivojlanmaslik qonuni : tizim bir darajada sinxron rivojlanmaydi, bir tur yuqori darajada, ikkinchi tur past darajada rivojlanadi. 6. Hayotni saqlash qonuni : hayot faqatgina tirik-xarakatlanuvchi jismda modda, energiya va informatsion almashganda yashaydi. Tartiblikni saqlash qonuni : (I.Prigojin) ochiq tizimlarda entropiya o’smaydi kamayadi, toki minimal doimiy qiymatga erishganda hamisha noldan katta bo’ladi. 8. Le-SHatele-Braun printsipi : tashqi ta’sirlar natijasida tizim barqaror muvozanatdan siljiydi va unga tashqi ta’sir effekti kamayadi. Bu printsip biosferada xozirgi kunda inson tomonidan buzilmoqda. Masalan: o’tgan asrning oxirlarida, ya’ni XIX asrni oxirida biologik mahsuldorlik va biomassa o’sgan bo’lsa, hozir esa aksincha karbonat angidrid ya’ni is gazi ko’paymoqda. 9. A.A. Grigorev, M.M. Budikoni geografik zonalarning davriy qonuni : fizik-geografik qutblar almashinishi har bir poyasida: subarktik, mo’tadil, subtropik, tropik, ekvatorial zonalar almashinishi ro’y beradi: o’rmon – cho’l – sahro.

10. Atrof-muhit hisobiga tizimning rivojlanish qonuni : har qanday tizim rivojlanishi mumkin, faqat atrof-muhitdan moddiy-energetik va informatsiyalar olish hisobiga. 11. Haroratda bo’lgan tizilarning sinishi : harakatda bo’lgan tizimlarni sinishi kichik tizimlardagi sinish bilan boshlanadi. 12. Tirik moddalarning birligi va fizik, kimyoviy qonunlar : V.I. Vernadskiy qonuniga asosan hamma yer yuzidagi tirik moddalar fizik, kimyoviy jihatdan biridir. 4. O’zbekiston Respublikasi tabiatni, o’simliklarni va hayvonot dunyosini muhofaza qilish haqidagi qonunlari Tabiatni muhofaza qilish xaqidagi qonun. Tabiatni muhofaza qilish har bir yetuk, vijdonli odamning muqaddas burchidir. Tabiatni muhofaza qilishning ahamiyati to’g’risida gapirmasak ham bo’ladi. Bizning respublikamizda tabiatni muhofaza qilishiga alohida e’tibor berilgan. Prezidentimizning “O’zbekiston XXI asr bo’sag’asida xavfsizlikka tahdid; barqarorlik shartlari va taraqqiyot kafolatlari” va boshqa asarlarida ekologiya, ekologik ta’lim tarbiyaga katta e’tibor berganlar. 1992 yil 9 dekabrda “Tabiatni muhofaza qilish” to’g’risidagi qonun qabul qilindi. Bu qonun 11 bo’lim, 53 moddadan iborat. Ushbu qonunda muhofaza ob’ektlari, tabiiy mulkchilik masalalari, tabiatni muhofaza qilishga doir huquqiy masalalar, hamda O’zbekiston Respublikasi tabiatni muhofaza qilish davlat ko’mitasi huquqiy vakolatlari keng yotiritilgan. 1992 yil 8 dekabrda qabul qilingan O’zbekiston Respublikasi Konstitutsiyasining 55 moddasida “Er, yer osti qazilma boyliklari, suv, o’simlik va hayvonat dunyosi va boshqa zaxiralar umummilliy boyliklar, ulardan oqilona foydalanish zarur va davlat muhofazasidadir” deb ta’kidlanagan. O’zbekiston jinoyat kodeksining XIV bo’limi “Ekologiya sohasidagi jinoyatlar” deb nomlanadi. SHu bo’limning XIV – bobi “Atrof – muhitni muhofaza qilish va tabiatdan foydalanish sohasidagi jinoyatlar” deb ataladi.

Kuyida shu kodeksda belgilangan jinoyatlarning bir nechtasini misol tariqasida keltiramiz: 1. Ekologik xavfsizlikka oid normalar va talablarni buzganlik uchun jinoyat kodeksining 193-moddasida eng kam ish haqining 50 foizidan to 100 fizgacha jarima yoki 3 yilgacha muayyan huquqdan mahrum qilish yoki uch yilgacha ahloq tuzatish ishlari yoxud 6 oygacha qamoq jazosi beriladi. 2. Atrof-muhitning ifloslanish oqibatlarining oldini olmaganligi yoki bartaraf etish choralarini ko’rmaganligi uchun bunda ham 50 dan 100 martagacha eng kam ish haqi miqdorida jarima va 5 yilgacha huquqdan mahrum etish. Hayvonot dunyosini muhofaza qilish va undan foydalanish to’g’risidagi qonun 1997 yili 16 dekabrda O’zbekiston Respublikasida qabul qilindi. Bu qonun quruqlikda, suvda va atmosferada yashaydigan hayvonot dunyosini muhofaza qilishni ko’zda tutadi. Masalan: 1. Ov qilish yoki balik tutish qoidalarini buzganligi uchun ma’muriy javobgarlik to’g’risidagi kodeksning 90-moddasiga binoan fuqorolarga: eng kam ish xaqining 3 dan 1 qismini, mansabdor shaxslarga 2 dan 1 qismi miqdorida jarima belgilanadi. 2. Ruxsati bo’lmagan yoki taqiqlangan joylarda ov qilganligi uchun fuqarolar eng kam ish xaqining 2 dan 1 qismi, mansabdor shaxslar 1-3 baravarigacha miqdorida jarima yoki ov ashyolarini musodara, 3-yil ov qilishdan mahrum etiladi. 3. “Qizil kitob” ga tushgan hayvonlarni ovlagani uchun eng kam ish haqining fuqarolarga 2-5 baravarigacha, mansabdor shaxlarga 3-7 baravarigacha miqdorida jarima solinadi. 1997 yil 26 dekabrda “O’simlik dunyosini muhofaza qilish va undan foydalanish to’g’risida” qaror qabul qilindi.

Похожие

Ekologik omillar va ularning organizmlarga ta’siri

Ekologik ekspertiza va ekologik monitoring

Muhit. Ekologik omillar va ularning tirik organizmlarga ta`siri

Biosfera, ekologik tizim va ekologik omillar

Ekologik tizimlar, muhit va ekologik omillar