Abiotik omillarga organizmlarning moslashishi - Экология - Рефераты

Abiotik omillarga organizmlarning moslashishi

Загружено в:

20.09.2019

Скачано:

0

Размер:

77.5 KB

www.arxiv.uz Reja: 1. Makro va mikro iqlimlar 2. Yorig’lik va uning organizmga ta’siri 3. Yorug’likning ekologik mohiyati 4. Yorug’likka nisbatan o’simlik va hayvonlarning ekologik guruhlari

www.arxiv.uz Muhitning iqlimlik mohyati unda turli tirik organizmlarning yashashidir. Jumladan, O’rta Osiyo cho’l dashtlari yoki Afrika savannalarda katta suv emizuvchilari bilan bir qatorda hashoratlar ham yashaydi.Ya’ni kiyiklar, saygaklar yoki yerdan 2 m balandlikdagi jirafalar va o’tlar orasidagi chumolilar uchun yashash muhiti har xildir. Shuning uchun ham organizmlarning yashash muhiti iqlimini makro- iqlim, mezo- iqlim va mikro iqlimlarga bo’lish mumkin. Makro- iqlim - ma’lum joining geografik va orografik holatlaridan kelib chiqadi masalan, Toshkent viloyati yoki Farg’ona vodiysining yerlari, Qizilqum, Oly vodiysi kabi katta maydonlar makro- iqlimlarga misol bo’ladi. Makro iqlim ichidagi ayrim abiotik omillar komponentlarining o’zgarib turishi, shu katta maydon ichida mezzo iqlomni keltirib chiqaradi. Masalan, chimyon tog’idagi archazorlar, qizilqumdagi saksovul o’rmonlari, katta tepalikning shimoliy yoki janubiy qiyaliklari, ko’l yoki suv omborlarining atrofi mezoiqlimdir. Mikro iqlim- tirik organizm darajasidagi iqlimdir. Makro iqlim va mezo iqlimlar, tabiiy voqeliklar o’rganilsa, mikro iqlimda organizmlarda hosil bo’ladigan jarayonlar, harakatlar maxsus apparatlar yordamida o’rganiladi. Shu yuqoridagi muhit iqlimlari ichidagi turli abiotik omillar va ularning tirik organizmlariga ta’sirini alohida-alohida o’rganish mumkin. Yorug’lik va uning organizmga ta’siri. Tiriklikning hamma xillari va xislarlari kosmik hodisalar bilan chatishib ketgan. Yer yuzida hayotning kelib chiqishi va tirik organizmlarning faoliyati abiotik omillardan quyosh nuriga bog’liqdir. Yer yuzasiga yetib keladigan quyosh radiatsiyasi asosiy energiya manbai bo’lib, sayyorada issiqlik balansi, organizmlarda suv, gaz va modda almashinuvi, o’sish va ko’payishi, avtotrof organizmlar tomonidan organik moddalarning hosil bo’lishi va organizmlarning hayot-faoliyatini to’la o’tishi uchun yashash muhitini hosil qiladi.

www.arxiv.uz Yorug’likning ekologik mohiyati. Yorug’likning ekologik mohiyati kun davomida tirik organizmlarga ta’sir qiladi. Energiya manbai va ta’sir qilish tezligi quyosh nurining (spektral) tarkibidan kelib chiqadi. Quyosh energiyasi nurlarining o’simlik yagrog’iga ta’sirini 4 ta fiziologik mintaqaga bo’lish mumkin: 1). 300-520 nm uzunlikdagi to’lqinlar ta’sir qiladigan mintaqa: quyosh nurining bu to’lqinlari xlorofill, karotinoid, protoplazma, fermentlar tomonidan yutiladi, qabul qilinadi. 2). 520-700 nm uzunlikdagi to’lqinlar mintaqasi bo’lib, u nurli to’lqinlarni faqat xlorofilgina qabul qiladigan to’q sariq, qizil nurlardan iborat. Bu nurlar hamma fiziologik jarayonlar uchun, ya’ni fotosintez, rivojlanish va forma hosil qilishda katta ahamiyatga ega. 3). 700-1050 nm infraqizil nurlar mintaqasi bo’lib,ularning hech qanday biologik roli yo’q. 4). 1050 nm dan yuqori mintaqa –uzun infraqizil radiatsiyalar, kuchli issiqlik omili bo’lib, uni sitoplazma va suvgina yutadi. Quyosh radiatsiyasi to’q sariq-qizil va qizil nurlar (600-6800nm) yaproq tomonidan intensiv qabul qilinadigan bo’lib, ikkinchi –UBN (300-520 nm), uchinchi darajada, minimum holda sariq- yashil (550-575nm) nurlar yutiladi.Infraqizil nurlar yutilganda yaproq qizib ketadi. Quyoshning joylashishiga qarab, undan kelayotgan to’g’ri 28% dan 43% gacha fiziologik aktif (FAN) nurlar bo’ladi. Ekologik spektr doirasida FAN (1=0,38-0,72) bulutsiz atmosferada 90% gacha, bulutli holatda esa 50-60% nurlarni tashkil etadi. FANni o’simlik yaproqlaridagi pigmentlar qabul qilib, o’simlik rivojlanishida energiyani boshqarish ahamiyatiga ega, quyosh nuruning qolgan qismi pigmentlar tomonidan yutilmaydi va fotosintez jarayonida qatnashmaydi. Yashil yaproq normal holatda unga tushayotgan FANning 85% ini yutadi. Nurning qolgan 15% barg yuzasidan va uning ichki hujayralari tomonidan qaytariladi. Quyosh radiatsiyasining ekologik spektri ta’siri ostida o’simlik va

www.arxiv.uz hayvonlarda turli moslashishlar yuzaga keladi. Yashil o’simlilda quyosh nuri ta’sirida: 1). Yorug’lik yutuvchi pigmentlar majmuasi yuzaga kelib, ular yordamida xlorofill va xloroplast hosil bo’ladi,fotosintez jarayoni bo’lib o’tadi 2) Ustitsa apparati ishlaydi 3) O”simlik tanasida gaz almashish va transpiratsiya jarayoni bo’ladi 4. Turli fermentlar, oqsil va nuklien kislotalarning sintezi tezlashadi 5. Yorug’lik ta’sirida o’simliklar hujayralari ko’payadi, rivojlanadi, gullaydi, meva, don hosil bo’ladi 6. Yorug’lik ta’sirida o’simliklarda turli ranglar hosil bo’lib, ular o’z navbatida gulni changlovchi hashoratlarni o’zlariga jalb qiladi. Ochiq joyda uchraydigan o’simliklar to’g’ri va sochilgan nurlardan tashqari qishda qor yuzasidan qaytadigan nurlarni ham qabul qiladi. Qor yuzasi o’rtacha 1 kunlik yorug’likning 30%, juda toza qor 80% gacha nurni qaytaradi. Yashil qalin o’tloqzorlar uzun to’lqinli nurlarning 4% ini qaytaradi. Ayniqsa, daryo ko’l va dengizlarning janubiy qiyaliklaridan qaytaradigan turli nurning 35-85% ni tashkil qiladi. Suvning o’tkazuvchanlik xislati havoga qaraganda juda ham yuqori; ko’rinuvchi nurlar dengiz yuzasida 75%, infraqizil nurlar 88% yutiladi, dengizning 30 m chuqurligida ko’rinuvchi nurlar 17% yutilsa, infraqizil nurlar yo’q hisobidadir. Yorug’likka nisbatan o’simlik va hayvonlarning ekologik guruhlari. O’simliklar yorug’likka nisbatan va uning ta’sirida makonda turli ekologik guruhlar hosil qiladi. Har bir joyning yorug’lik rejimi ekologik sharoiti bo’lib, shu joyga xos o’simliklar guruhi o’sadi, ularning turlari bo’ladi. Yorug’likka nisbatan o’simliklar 3 ta guruhga bo’linadi: 1.Yorug’likni sevuvchi o’simliklar (yoki geliofitlar). Bu guruhga kiruvchi o’simliklarning optimal hayot- faoliyatlari to’la quyosh nuri tushadigan muhitda o’sadi. Ko’pchilik geliofitlar anemoxor o’simliklar bo’lib, urug’lari mayda, ochiq yerlarda, kam o’simlikli joylarda urug’laridan ko’payadi.

www.arxiv.uz 2. Soyaga chidamli o’simliklar. Bu guruh o’simliklar yorug’lik omiliga nisbatan keng moslashgan bo’lib, ular ochiq yorug’lik ko’p joylarda yaxshi o’sadi va rivojlanadi, lekin har xil soyali, turli yorug’lik rejimli joylarga moslashib o’sa oladi. Soyaga chidamli o’simliklarga qator daraxtlar; qoraqarag’ay, zarang, grob, qoraqayin buta hamda chala butalar, ko’p yillik o’tli o’simliklar uyda o’sadigan ayrim o’simliklar ham kiradi. Soyaga chidamli o’simliklarga ko’pchilik o’tloqzor,o’rmonzorlarda o’sadigan o’simliklar,o’rmon chetlari,ochiq yerlarda uchraydigan butalar,o’t o’simliklar ham kiradi.Lekin kuchli quyosh nurida ularning fotosintetik aktivligi past bo’ladi. 3.Soyani sevuvchi (soyali) o’simliklar yoki ssiofitlar.Soyani sevuvchi (soyali) o’simliklar yoki ssiofitlar faqat soyali joylarda o’sadi.Ular ochiq,quyosh nuri ko’p joylarda mutloq o’smaydi.Soyani srvuvchi o’simliklarning morfologik va fiziologik-bioximik xususiyatlari ko’p suv bilan ta’minlanishiga bog’liqdir. O’simliklar vakillari ma’lum bir joyda,bir xil tuproq sharoitida o’sib rivojlanadi,quyosh nurini talab qilish darajasi va unga moslashishi bir xil bo’ladi.Bu holatlari bilan o’rmonchilar,bog’bonlar qaysi daraxtni qanday joyga o’tkazishni yaxshi biladilar. Bir o’simlik turi rivojlanish davrida turlicha yorug’lik kuchini talab qiladi.O’simliklar minimal yorug’likda hosil qilgan organik moddalarni nafas olish jarayonida sarflab,o’lari o’smaydi.Bu holat kompensatsion nuqta deb aytiladi.Bu holat turli o’simliklarda turlicha bo’ladi. Hayvonlar hayotida yorug’likning roli. Hayvonlar uchun ham yorug’likning mohiyati katta va ularning yashash sharoitining asosiy omillaridan biri hisoblanadi. Hayvonlarning ko’rish organlari orqali qabul qininayotgan to’g’ri, sochilgan nurlar ularni o’rab turgan predmetlardan, qaytgan nurlar hayvonlarga tashqi muhit to’g’risida to’la ma’lumot beradi. Hayvonlar o’zlarining ko’rish organlari orqali ozuqa, suv qidirib topadi. Boshqa predmetlar ko’radi, ular o’rtasidagi masofani aniqlaydi, turli xavflarni o’zlarini saqlaydi. Hayvonlar tomonidan atrof-muhitni to’la ko’rish sezish ularning ko’rish organlarining evolutsion rivojlanish darajasiga

www.arxiv.uz bog’liq. Masalan, ko’pchilik umurtqasiz bir hujayrali hayvonlar uchun sodda tuzilgan ko’zchalar – sitoplazmaning yorug’lik sezuvchi qismi yoki ko’p hujayrali shakllarda maxsus yoruglik sezuvchi hujayralar yordamida muhitdagi borliq qabul qilinadi. Namlikka nisbatan o’simlik va hayvonlarning ekologik guruhlari. Tirik organizmlarda evolyutsion rivojlanish jarayonida namlikka nisbatan ma’lum xislatlar hosil bo’lgan-ki, bu xislatlar ularning suv bilan ta’minlaydi. Har bir tur o’ziga xos miqdorda namlik talab qiladi. Tanadagi namlikni boshqarish bo’yicha o’simliklar poykilogidrid guruhiga kiruvchi organizmlar o’zlari tanasidagi suv rejumini aktiv boshqara olmaydi. Ular tanasidagi namlik miqdori atrof-muhitdagi namlikka bog’liqdir. Bu guruhga tuproq yuzasida uchraydigan suv o’tlar, zamburg’lar, lishayniklar, moxlar va poporotniksimonlarning vakillari kiradi. Gomeogidrid guruh o’simliklar oldingi guruh o’simliklarga mutloq qarama- qarshi belgilarga ega bo’lib, ular tanasida suv bilan ta’minlanish namlik o’tkazmaydigan to’qimalar, o’ralib turadigan barglar orqali amalga oshadi va tanada bir xil miqdorda namlik bo’ladi. Namlikka nisbatan o’simliklarning asosiy ekologik guruhlari quyidagicha: gidrofitlar, gigrofitlar, kserofitlar, psixofitlar, kriofitlar, mezofitlar, efemerlar va efemeroitlar. 1. Gidrofitlar – bu guruhga suvda o’sadigan va erkin suzib yuradigan yoki suvning tagiga ildizlar yordamida birikkan o’simliklar kiradi. Suv ustida suzib yuruvchi o’simliklarga: salviniya, vulfiya, suvni ranglovchi pista kabi o’simliklar kiradi. 2. Gigrofitlar. – bu guruhga yer- havo muhitiga moslashgan, tanalari qismi suvga botgan holda o’suvchi o’simliklar- qamish, qug’a kabi turkumlar kiradi. Ular suvni ko’p sarf qilish hisobiga o’sadi. Gigrofit to’qimalaridagi namlik 80% va undan ham yuqori bo’lishi mumkin. 3.Mezofitlar - guruhiga kiruvchi o’simliklar gigrofitlar bialn kserofitlar oralig’idagi organizmlardir. Mezofit o’simliklar mutadil mintaqaning namligi

www.arxiv.uz ko’p joylarda keng tarqalgan bo’lib, ular uzoq davom etmagan va kam darajadagi qurg’oqchilikka bardosh bera oladi. Bu guruhga doim yashil nina bargli, yaproqli daraxtlar butalar, begona va madaniy o’simliklar, o’tlar efemerlar, efemeroitlar kiradi. 4. Kserofitlar – guruhiga kiruvchi o’simliklar dasht, yarim cho’l va cho’llarda tarqalgan. Ular tuproq va havoda namlikning doim yetishmasligiga yoki vaqtincha yetishmaydigan sharoitiga moslashgan. Bu holat kserofit o’simliklarni anotomik, fiziologik va morfologik xususiyatlardan kelib chiqqan, ya’ni: 1. Bu guruh o’simliklarining tanasidan bug’lanishi juda ham chegaralangan; 2. Ulardan tuproq namligi yetishmaydigan vaqtda ham namlikni topish qobiliyati kuchayadi; 3. Namlik yo’q vaqtda ham ular tanasida zapas suv to’planadi. 5. Psixrofitlar - shimoliy kengliklarning namli, sovuq joylariga moslashgan o’simliklar bo’lib, ular yuqoro tog’li tumanlarda ham uchraydi. Bu guruh o’simliklar sovuq va harorati past sharoitda tuproqning fizikaviy quruq bo’lganligi sababli, undagi namlikdan yaxshi foydalana olmaydi. Psixrofitlarga- shimoliy nina barglilardan: sibir qarag’yi, qoraqarag’ay, sada, buta va butachalar kiradi. 6. Kriofitlar. –guruhiga kiruvchi o’simliklar tundraning quruq joylari tosh to’plamlari orasi, yuqori tog’li sovuq cho’llarda uchraydi. Bu guruh o’simliklar uchraydigan joylarda harorat kun davomida o’zgarib turadi. Hayvonlarda suv balansi, ularning moslashishi va ekologik guruhlari. Organizmlarning issiqlik yoki sovuqlikka chidab, tanaga zarar yetkazmasdan o’z holatini ushlab turushi haroratga chidamlilik, deb ataladi. O’simliklarning haroratga chidamliligi ularning protoplazmasining ekstremal holatlarga chidash xususiysatlaridan kelib chiqadi. O’simliklarning bu xususiystlari ularning tolerantligi deb ifodalanadi. O’simliklar haroratga moslashishi bo’yicha quyidagi guruhlarga bo’linadi:

www.arxiv.uz 1). Termofil- issiqni sevuvchi megaterm o’simliklardir. Bu guruhga yuqori haroratli joy hamda tropik, subtropikaning quruq quyoshli yerlarga moslashgan o’t- o’simliklar, butalar, daraxtlar, madaniy o’simliklar kiradi; 2). Kriofil o’simliklar- bu guruhga sovuqqa chidamliligi mikroterm harorati past joylarga moslashgan o’simliklar kiradi. Ularning optimal hayot- faoliyatlari past haroratda o’tadi. Bunday guruh o’simliklariga tundraning lishayniklari, mohlari, doim yashil nina bargli butalar, yuqori tog’li osimliklar qor va muz ustida rivojlanayotgan ayrim suvo’tlar bakteriyalar kiradi. 3). Mezoterm- o’simliklar guruhining vakillari harorat o’rtacha bo’lgan yerlarga moslashgan. Haroratning chidamlilik nuqtasiga qarab, mezotermo’simliklar sovuqqa chidamli va issiqqa chidamli guruhlarga bo’linadi. Issiqlik yetishmasligi bo’yioch o’simliklar quyidagi ekologik guruhlarga bo’linadi: 1). Sovuqqa chidamsiz o’simliklar harorat pasayibketgan vaqtda zararlanadi yoki nobud bo’ladi. Sovuqqa chidamsiz o’simliklar guruhiga tropik o’rmonlar, ularning o’simliklari, issiq dengiz suvo’tlari va ayrim zamburug’lar kiradi. 2). Muzlashga chidamsiz o’simliklar mutloq past haroratda ham chidamsiz bo’lib, ular to’qimalarda muz hosil bo’lishi bilan nobud bo’ladi. Muzlashga chidamli o’simliklar iqlimning fasllar bo’yicha o’zgarishiga moslashgan. Juda yuqori darajada sovuq bo’lganda o’simliklar (daraxt, butalarning) yer ustki qismi muzlasa ham ularning hayotchanligi saqlanib qoladi. O’simliklar yuqori darajadagi issiqlikka nisbatan quyidagi ekologik guruhlarga bo’linadi: 1). Issiqlikka chidamsiz turlar. Bu guruhga harorat 30-40 0 C darajada bo’lganda zararlanadigan o’simliklar kiradi, ayrimlari 45 0 C darjada shikastlanadi. (Ular suvo’tlar va suvga botib o’suvchi o’simliklar, lishayniklar, semiz tanali o’simliklardir).

www.arxiv.uz 2). Issiqqa chidamli eukariot turlar. Bu guruhga quyosh nuri yaxshi tushadigan, cho’l, dasht, savanna, quruq tropik yerlarda osadigan o’simliklar kirib, ular mihitni 50-60 0 C darajada qishlashgachidaydi. Qizilqum va Qoraqum sharoitida yoz faslida qumning yuzasi 65-70 0 C gacha qiziydi. 3). Issiqlikka bardoshli turg’un, prokariot turlar bularga ayrim termofil bakteriyalar, ko’k-yashil suvo’tlar kiradi, ular 80-85-93 0 C darajali issiq buloqlarda normal o’sadi. Bunday holatlar o’simliklarning evolyutsion rivojlanish jarayonida muhitga moslashish natijasida yuzaga kelgan. Hayvonlarning haroratga moslashishi. Ekologik nazariya bo’yicha hayvonlarning harorat va uning o’zgarib turishiga moslashishi katta ahamiyatga egadir. Hayvonlarning eng yuqori darajada muhitga moslashishning progressiv tomoni bu sut emizuvchilar va qushlar kabi issiq qonli organizmlar termogulyatsiya, ya’ni tanada doim bir xil haroratni boshqarish jarayonining bo’lishidir. Shuning uchun ham murakkab tuzilishga ega bo’lgan hayvonlar harorati atrof-muhit haroratiga bog’liq emas. Hayvonlarning o’zlariga yashash joylarini tanlay bilishi: Qum- tuproqning ichiga kirishi, yer tagi, toshlar orasiga kirishi (cho’l-dasht hayvonlari), kunning ma’lum vaqtida ayrim hayvonlarning aktivligi (ilonlar, sichqonlar), qushlarning uyalar qurushlari, yashash muhitidagi haroratning o’zgarishiga moslashishi ularning eng yuqori xususiyatidir. Hayvonlarning haroratga moslashishining asosiy yo’llari quyidagicha: 1). Kimyoviy termoregulyatsiya- muhit haroratining o’zgarishiga javoban tanada issiqlik ko’rsatgichining aktiv o’zgarib turishi. Bu holat organizm tanasida modda almashinishi, nafas olish, muskullar harakati kabi jarayonlar bialn bog’langan. 2). Fizikaviy termoregulyatsiya- organizm tanasidagi issiqlikni ma’lum darajada ushlab turish yoki ortiqchasini chiqarishdan iborat. Organizmlarda fizikaviy termoregulyatsiya, ularning maxsus anotomik, morfologik tuzilishlari orqali amalga oshadi, ya’ni hayvonlar ustida jun, tuk, pat, suyakli qoplamalar,

www.arxiv.uz qon tomirlar sistemasi, moddalarning tanada taqsimlanishi kabi belgilar issiqlikni tanada ma/lum darajada ushlab turishga imkon beradi. 3). Organizmlarning holati, ya’ni ular haroratining ortiqcha ta’siridan saqlanish uchun joylari va holatini o’zgartiradi. Tanada issiqlik balansini ushlab turush uchun hayvonlar o’z holatini o’zgartirishi eng effektiv yo’l hisoblanadi. Muhit haroratiga organizmlar quyidagi asosiy yo’llar bilan moslashadi. 1). Aktiv moslashish yo’li. O’simliklar va hayvonlar muhit haroratining ortiqcha ta’siriga nisbatan aktiv qarshilik ko’rsatish, moslashish yo’llarini yoritishi, haroratning optimal holatdan uzoqlashishiga qaramasdan, ularda hayotiy funksiyalarni boshqaruvchi jarayonlarning rivojlanishidan yuzaga keladi. Tog’li va yuqori tog’li tumanlarda buta, daraxtlarning yer bag’irlab o’sishi, oq va qora saksovullarning bargsiz bo’lishi, issiq qonli hayvonlarning yer kovaklarida yashashi va boshqa holatlar misol bo’ladi. 2). Passiv (sust) moslashish yo’li- organizmdagi hayotiy funksiyalarni muhit haroratining o’zgarishi bilan o’zgarishi va shu holatga moslashishidan iborat, ya’ni issiqlik yetishmagan davrda ayrim hayvonlar karaxtlikka (geteroterm turlar) ketadi. Bunday holat past haroratli tumanlarda uchraydigan gomoyoterm hayvonlar (ayiqlar, sug’urlar) da ham uchraydi. Harorat pasayishi bilan unday hayvonlarda modda almashish jarayoni sekinlashadi va organizm uyquga ketadi. 3).Noqulay haroratdan qochish yo’li- hamma organizmlar uchun umumiy xarakterlidir. Ularning o’sishi, ko’payishi, rivojlanishi harorat qulay bo’lgan davrda o’tadi. O’simliklarning unishi, kurtak chiqarishi, gullashi, meva tugishiyil fasllaridagi qulay haroratlarda o’tadi. Shunday qilib, turli tabiiy mintaqalarda uchraydigan organizmlarning ekologik guruhlari shu mintaqaning harorati, uning o’zgarishi va boshqa omillar majmua ta’sir qilishiga keng moslashgandir.

www.arxiv.uz Foydalanilgan adabiyotlar : 1. I.A.Karimov. Tarixiy xotirasiz kelajak yo’q. T., “Sharq”, 1998. 2. I.A.Karimov. O’zbekiston buyuk kelajak sari. T., “O’zbekiston”, 1998. 3. I.A.Karimov. O’zbekiston XXI asrga intilmoqda. T., “O’zbekiston”, 1999. 4. Jabborov N. Kimyo va atrof muhit. T., “O’qituvchi”1992. 5. Barotov P. Tabiatni muhofaza qilish. T., “O’qituvchi”1991. 6. Shodimetov Yu. Ijtimoiy ekologiyaga kirish. I, II qism, T., “O’qituvchi”1994. 7. Otaboyev Sh. Nabiyev M. Inson va biosfera. T., “O’qituvchi”1995. 8. Tursunov X.T. Ekologiya asoslari va tabiatni muhofaza qilish. “Saodat RIA”, 9. To’xtayev A.S. Ekologiya. T., “O’qituvchi”1998. 10. Qodirov E.B. va boshqalar. Tabiiy muhitni muhofazalashning ekologik asoslari. T., “O’zbekiston”, 1999. 11. Ergashev A., Ergashev T. Ekologiya, biosfera va tabiatni muhofaza qilish. T., “Yangi asr avlodi”, 2005. 12. Xolmurodov J. Ekologiya va qonun. T., “Adolat”. 2000. 13. www.ziyonet.uz

Похожие

Muhit va ekologik omillar

Ekologik omillarning organizmlarga ta’sir qilish qonunlari

Ekologik omillar va ularning organizmlarga ta’siri

Ekologik omillar 2

Ekologik omillar