Gulli o`simliklar sistematikasining qisqacha rivojlanish tarixi - Ботаника - Рефераты

Gulli o`simliklar sistematikasining qisqacha rivojlanish tarixi

Загружено в:

20.09.2019

Скачано:

0

Размер:

41 KB

www.arxiv.uz Reja : 1. O`simliklar tasnifotini yaratishidagi dastlabki xarakatlar. 2. Sun`iy, tabiiy va filogenetik tizimlar xaqida tushuncha.

www.arxiv.uz 1. O`simliklarni tasnifot (klassiffikatsiya) qilish soxasidagi urinishlar kishilik jamiyatining ilk davridan boshlandi. Dastlab, kishilar o`simlik turlarini foydali belgilariga qarab har hil guruxlarga- oziq-ovqat bo`ladigan, dorivor va bo`yoq uchun ishlatiladigan hamda zaxarlilarga bo`lgan. O`simliklar tasnifotiga doir yozma holdagi dastlabki ma`lumotlar qadimgi Gretsiyada, Rimda yashagan tabiatshunos olimlarning asarlarida uchraydi. Mashxur grek filosofi va tabiatshunos olimi Aristotel` (eram. Avval 384-322 y) o`simliklarni o`rganish bilan ham shug`ullangan. Keyinchalik uning shogirdi Teofrast (eram.avv. 371-286y) o`z ustozi ishini davom ettirdi. U o`simliklar haqidagi ma`lumotlarni to`plab, ularni o`rganib, o`zining 10-tomli «O`simliklarning tabiiy tarixi» degan kitobida 450 ga yakin o`simlik turlarini tasvirlagan. Ularni daraxt, buta, chala buta va o`t o`smliklarga bo`ladi. O`t o`simliklarni esa yana bir, ikki va ko`p yillik o`simliklarga ajratadi. Teofrast o`z sistemasida ekologiya printsipini asos qilib oldi. Rim olimlaridan Pliniy Starshiy (eram.avv. 24-79 y) o`zining «Tabiat tarixi» degan 9 tomli asarining 6 tomini o`simliklarga bag`ishladi. U taxminan 1000ga yakin o`simlik haqida ma`lumot berdi. O`rta asrda yashagan va jaxon faniga juda katta xissa qo`shgan buyuk mutaffakkir va mashxur olim Abu-Ali Ibn Sinoning (989-1037) dastlab 1020 yilda nashr etilgan, Alkonun fit tib, ya`ni «Meditsina qonunlari» nomli asari fanning rivojlanishiga katta xissa qo`shdi. Chunki bu asarda dorivor o`simliklar tug`risida xam fikr yuritilgan. 2. XVI-XVII asrlarga kelib tasviriy botanikaning rivojlangan davri bo`ldi. Chunki shu davrdagi botaniklar asosiy diqqatini o`simliklarni tasvirlashga qaratdilar. O`simliklarga oid juda ko`p materiallar tuplandi. Agarda Teofrast yashagan davrda o`simliklarning 450 turi ma`lum bo`lgan bo`lsa. 17-asrga kelib ularning soni 6 mingga etdi. Bu tuplangan ma`lumotlarni aniqlab ma`lum bir tizimga solish ishlari boshlandi. O`simliklar tizimlarini yaratish ustida qilingan ilk urinishlardan eng ko`zga ko`ringani (1583) Ital`yan botanigi Andreo TSezal`pin

www.arxiv.uz (1519-1603) tizimidir. U o`zining «O`simliklar haqida 16 kitob» nomli asarida 1500 tur o`simlikni tasvirlaydi. A. TSezal`pin o`z tizimida o`simliklar olamini avvalo ikki bo`limga: I. Daraxt va butalar. II.Chala butalar va o`tlarga ajratdi. Ularni o`z navbatida 15 ta sinfga bo`ldi. Sinflarga bo`lganda mevaning tuzilishiga, meva uyalariga, uruglar soniga, gulning tuzilishiga, tugunchaning ostki va ustki bo`lishiga ham e`tibor berdi. A.TSezal`pin ajratgan ba`zi bir sinflar hozirgi zamonda mavjud bo`lgan tabiiy guruxlarga tug`ri kelsa. M: X-sinf g`avzobondoshlar va labguldoshlar. Ayrimlari esa keskin farq qiladi. M: VII- sinfga atirguldoshlar, ruyandoshlar va ituzumdoshlar oilasi kiritilgan. Bu uning sistemasi sun`iy sistema ekanligidan dalolat beradi. Lekin shunday bo`lsa ham sistematikaning tarixiy rivojlanish taraqqiyotida muhim axamiyatga ega bo`ldi. Ingliz botaniklaridan Jon Rey (1623-1705) «O`simliklar tarixi» nomli asarida (1686y) birinchi marta o`simliklar dunyosini sporali va gulli o`simliklarga bo`lib, gulli o`simliklarni esa bir pallalilar va ikki pallalalarga ajratdi. U birinchi bo`lib sistematikaga «Tur» terminini kiritdi va unga ta`rif berdi. Uning ta`rificha tur ma`lum bir urug`dan chiqadigan o`zaro nasl beradigan va o`xshashligini saqlaydigan individlar yigindisidan iborat. Sistematika sohasida mashxur shved tabiatshunosi K. Lineyning (1707-1778) ham xizmatlari katta bo`ldi. U bir nechta botanikaga oid asarlar yozdi. M: «Tabiatning sistemasi» (1735), «Botanika asoslari» (1736), «O`simlik turlari» (1753) qabilardir. K. Liney o`zining «o`simlik turlari» asarida 10.000 turni tizimga solib, binar nomenklaturani qo`lladi, ya`ni o`simlik nomlarini ikki so`z bilan turkum va tur nomlarini ko`shib birga atashni kiritdi. K. Linney tizimida o`simliklarning changchilariga (soniga) qarab 24 sinfga, sinflarni esa o`z navbatida tartib, avlod va turkumlarga ajratdi. Bu sistemada o`zaro xech yaqinligi bo`lmagan, uzok qarindosh bo`lmagan o`simliklar bir sinfga kirib qolgan. Masalan: Ikki otaliklar sinfiga galladoshlar oilasidan qizilkiyok, labguldoshlardan mavrak, rayxon va boshqalar. Sholi va shakar qamish esa

www.arxiv.uz sholg`om, turplar bilan birga 6- sinfga kiritilgan. Bu tizim sun`iy bo`lishiga qaramay, o`z zamonasi uchun katta axamiyatga ega bo`ldi. Tabiiy sistema tuzishni frantsuz olimlaridan De-Jyuss`e (1740-1836) boshlab berdi. Uning tabiiy sistemasining asosiy progressiv tomoni shundaki, bu sistemada o`simliklarning bir qancha belgilariga asoslanib, ularning o`zaro qarindoshligi ko`rsatilgan. Keyinchalik boshqa botaniklar ham o`zlari yaratgan tabiiy sistemalarini tavsiya qildilar. Bular De-Kandol`, endlixer va boshqalar. 1895-yilda ingliz olimi Charl`z Darvinning (1809-1882) «Tabiiy tanlanish yo`li bilan turlarning paydo bo`lishi» degan asarning bosilib chiqilishi biologiya fanida katta axamiyatga ega bo`ldi. Shundan keyin sistematikani 3-davri filogenetik sistematika davri boshlandi. Filogenetik sistematikani vazifasi o`simliklarning rivojlanishi, taraqqiyotini, kelib chiqishini, o`zaro o`xshashlik, qarindoshlik munosabatlarini ifodalaydigan evolyutsion tizimni yaratishdan iboratdir. Filogenetik sistema tuzishda – poleontologiya, morfologiya, solishtirma anatomiya, fiziologiya, ekologiya, geografiya kabi fanlarning barcha ma`lumotlariga asoslangan holda ish olib boriladi. A. engler (1887) tizimi o`z moxiyati jixatidan filogenetik tizim hisoblanib, u shu kungacha o`z qadrini yuqotmagan. Chunki mamlakat «Flora» larini tuzishda A. engler tizimiga asoslangan. Bundan tashqari R.Vettishteyn (1903), N.Kuznetsov (1912), N. Bush (1916), A. Taxtajyan (1954, 1964, 1987) lar ham o`zlarini tizimlarini taklif etishgan. Ammo xozirga qadar gulli o`simliklarning tizimi oxirigacha etgan emas. O`simliklar guruxi (qabila, oila, turkum) orasidagi filogenetik bog`liqlik to`liq ko`rsatilgan emas. Gulli o`simliklar tizimida monofiletik va polifiletik qarashlar mavjud. Ko`pchilik botanik olimlar «gulli o`simliklar bir ajdoddan kelib chiqib, taraqqiy etgan» deb qaraydi. Ba`zi botaniklar bir pallalilar va ikki pallalilar sinfi bir-biriga bog`lik bo`lmagan holda alohida ajdodlardan rivojlangan va mustaqil yo`nalishda taraqqiy etgan deb karaydilar.

www.arxiv.uz Bunga polifiletik (difiletik) tizim asoschisi N.Kuznetsov va uning shogirdi A. Bush tizimlarini kiritishi mumkin. Ko`pchilik tomondan e`tirof etilgan va organik olam evolyutsiyasiga muvofik 1 va 2 pallalilar sinfi umumiy bir ajdoddan kelib chiqib monofiletik rivojlanganlikdir. Shu sababdan xam monofiletik tizimda dastlab 2 pallalilar, sung 1 pallalilar joylashtiriladi.

www.arxiv.uz Adabiyotlar : 1. Salobiddinov S. S. Gulli o`simliklar sistematikasi. T. «O`qituvchi» 1966 2. Hamdamov I va boshqalar. Botanika asoslari. T. «Mehnat». 1990 3. Xrjanovskiy V. Ch. Kurs obshey. Botanika. M. Vo`sshaya shkola. 1982 4. Kursanov L. I. va boshqalar. Botanika (O`simliklar sistematikasi). Toshkent. «O`rta va Oliy maktab» 1963 5. Mustafoev S. M. Botanika. Toshkent. «O`zbekiston» 2002 6. Maxmedov A., Tog`aev I. U. Yuksak o`simliklar bo`yicha amaliy mashg`ulotlar. Toshkent «Universitet». 1994y 7. Maxmedov A. M. Botanika fanidan ma`ruzalar. F. 2003 8. Shostakovskiy S. A. Sistematika vo`sshix rasteniy. M. Vo`sshaya shkola. 1971 9. Komarnitskiy V. A. va boshqalar. Botanika. Moskva «Prosvehenie» 1977. t. 2 10. Tog`aev I. U. va boshqalar. Botanikadan amaliy mashg`ulotlar. T. «ToshDAU» 2002 11. Gordeeva T. N. i dr. Prakticheskiy kurs sistematiki rasteniy. Moskva «Prosvehenie» 1986 12. www.ziyonet.uz

Похожие

O`simliklar sistematikasining qisqacha rivojlanish tarixi

O’simliklar sistematikasining qisqacha rivojlanish tarixi

Gulli o`simliklar tasnifoti

O‘zbekistonda o‘simliklar sitoembriologiyasi fanining qisqacha rivojlanish tarixi

Magnoliyatoifa (Magnoliophyta) - Gulli yoki yopiq urug`li o`simliklar