Antibiotiklar - Биология - Рефераты

Antibiotiklar

Загружено в:

20.09.2019

Скачано:

0

Размер:

99.5 KB

www.arxiv.uz Reja: 1. Antibiotiklar haqida tushuncha. 2. Antibiotiklarning ta`sir etish mexanizmi. 3. Zamburug`lardan olinadigan antibiotiklar. 4. Bakteriyalardan va aktinomitsetlardan olinadigan antibiotiklar. 5. Hayvonlardan olinadigan antibiotiklar. 6. Yuqori o`simliklardan olinadigan antibiotiklar.

www.arxiv.uz Antibiotiklarni (grekcha so`z bo`lib «anti» — qarshi, «bios» — hayot degan ma`noni anglatadi) ko`pincha qancha roqda yashoovchi aktinomitsetlar, mog`orlar, sporalik va sporasiz mikroblar, o`simliklar va hayvon organizmlari hosil qiladi. Antibiotiklar bir qator sezgir mikroblarga ta`sir etib, ularning rivojlanishini va bioximiyaviy aktivligini pasaytiradi. Antibiotiklarniig mikroblarga ta`siri har xil bo`lishi mumkin. Bir xil antibiotiklar mik roblarga ta`sir etib, ularning ko`payishiga yo`l qo`ymaydi. Antibiotikning bunday ta`sir etishi bakteriostatik ta` sir deyiladi. Antibiotiklar mikroblarga kuchli ta`sir etib, ularni uldirishi ham mumkin. Antibiotikning bun day ta`sir etishi bakteritsid ta`sir etish deyiladi. Ayrim antibiotiklar mikrobni eritib yuborishi ham mumkin, bunday ta`sir etish bakteriolitik tasir etish deyiladi. Gramm-musbat bakteriyalarga ta`sir etuvchi antibiotiklar bilan bir qatorda gramm-manfiylarga ham ta`sir etuvchi antibiotiklar bor. Agarda antibiotiklar gramm-manfiy va gramm-musbat mikroblarning ko`pchilik turlariga ta`sir etsa, bu bakteriyalarga keng kulamda ta`sir etuvchi antibiotiklar deyiladi, aksincha, oz turdagi mik roblarga ta`sir etsa — oz kulamda ta`sir etuvchilar deyiladi. Rus olimi V. A. Manassein (1871) yashil mog`orning bakteriyalarga ta`sir etishini o`z tajribalarida tasdiqlangan. 1872 yilda esa A. G. Polotebnov yiringli yaralarni yashil mog`or bilan davolagan. M. G. Tartakovskiy (1904) tovuqlarning pasterellez kasalligini penitsilium mog`orining mahsuloti bilan davolagan. Angliyalik olim Fleming (1928) oziq muhitida rivojlangan yashil mog`or atrofida stafilokokklarning rivojlanib o`smaganligi, ya`ni ulariing antagonizminn aniqlagan. Sut kislotasi hosil qiluvchi mikroblar sut kislotasi hosil qilishdan tashqari, ulardan yuqori temperatura va kislotalarga chidamli va ko`pchilik mikroblarga halokatli ta`sir etuvchi antibiotiklar tayyorlanadi. Hozirga qadar necha yuzlab antibiotiklar topilgan bo`lsa ham, bulardan meditsina va veterinariyada atigi bir necha o`n turi ishlatilmoqda; buning sababi shuki, ko`pchilik antibiotiklar zaharli xususiyatga ega bo`lib, kasallikni davolaganda ularni qo`llash mumkin emas. Mog`or zamburug`ning penitsillium va aspergillium gruppalaridan aktiv antibiotiklar tayyorlanadi. Penitsillium

www.arxiv.uz mog`oridan penitsillin (kristall holdagi, kaliy tuzli, fenoqsimetillin, bitsillin va boshqalar), aspergillium mog`oridan aspergillin, fumigatsin, klavatsin antibiotiklari tayyorlanadi. Nursimon zamburug`lar hosil qiluvchi antibiotiklardan srteptomitsin, biomitsin, aureomitsin, xlormitsetin, terramitsin, eritromitsin, neomitsin gruppasi (kolimitsin, mitserin, monomitsin) juda aktiv bo`ladi. Batsitratsin, polimiksin, gramitsidin va subtilin bakteriyalar ishlab chiqaruvchi antibiotiklarga kiradi. Bu antibiotiklarning mikroblarga ta`sir etishi zamburug`lardan olinadigan antibiotiklarga nisbatan ancha kuchsizdir. Hayvon organizmidan olinadagan antibiotiklar qo`yidagilardan iborat: qondan – eritrin, baliq to`qimalaridan – ekmolin, organizmning turli to`qima va suyuqliklaridan (sutda, qon zardobida, tuxumda, so`lakda, ko`z yoshida va boshqalardan) lizotsim antibiotiklari hosil bo`ladi. O`simliklar organizmidan olinadigan antibiotiklar fitontsidlar deyiladi. Hayvon organizmi va o`simliklardan olinadigan antibiotiklar hozircha to`liq o`rganilmagan, shu sababli ular juda kam qo`llaniladi. Antibiotiklarning ximiyaviy tuzilishi har xildir. Ba`zi bir xillarining ximiyaviy tuzilishi hali aniqlanmagan. Bir qancha antibiotiklar kristall holda olingan bo`lib, ximiyaviy formulasi aniqlangan. Masalan, xlormitsetindan sun`iy sintezlash bilan sintomitsin va levomitsetin antibiotiklari tayyorlangan. Antibiotiklarning aktiv ta`sir etish birligi «YeD» bilan aniqlanadi. «YeD», ya`ni ta`sir etish birligi – bu antibiotikning aktivligini ko`rsatadigan miqdordir. Halqaro ta`sir etish birliklari mavjud. Masalan: penitsillinning bir halqaro ta`sir etish birligi 0,6 mkg ga, streptomitsinning — 1 mkg ga va biomitsinning — 0,001 mkg ga teng. PYENITSILLIN Penitsillin — Renicillium mog`or zamburug`idan tayyorlanadigan antibiotikdir. 1928 yilda A. Fleming birinchi bo`lib mog`ordan penitsillin tayyorlagan. SSSRda 1941—42 yillarda 3. V. Yermoleva bir gruppa xodimlari bilan birlikda penitsillinni mog`or zamburug`idan tayyorlagan. Hozirgi paytda

www.arxiv.uz penitsillin Penicillium notatum, Penicillium chryzogenum, Penicillium crustosum mog`orlarndan tayyorlanadi. Penicillium mog`orining har bir turi bir necha tipdagi penitsillin hosil qiladi. Bu tiplar G, D, X, K bilan belgilanadi yoki inglizcha I—II —III—IV raqamlar bilan kursatiladi. Penitsillinning bu tiplari ximiyaviy tuzilishn va boshqa xususiyatlari bilan bir-biridan farq qiladi. Xi miyaviy tuzilishidagi farq shuki, har qaysi tipning radikali boshqa tipning radikaliga uxshamaydi. Bir qator tekshiruvchilar penitsillinning G va X tiplarining ancha chidamli bo`lib kuchli ta`sir etishini isbotlashgan. Organizmda X tipi G tipiga qaraganda mikrokokklarga ancha kuchli ta`sir etadi. X tipi spiroxetalarga ham kuchli ta`sir etadi. K tipi boshqa tiplariga nisbatan organizmda tezda parchalanib ketadi va shuning uchun uning davolash kuchi 10 marta kamroqdir. G tipdagi peni tsillin ayniqsa streptokokklarga kuchli ta`sir etadi. Keyingi vaqtlarda Penicillium mog`orini ustirishda uning muhitiga fenilsirkali kislota qo`shib, faqat G tipdagi penitsillin qancha lab olish metodi topilgan. Penitsillinning ximiyaviy formulasi bor. Umumiy formulasi S3N11O4SNR bo`lib, R —uning radikalidir. Penitsillinni ajratib olish uchun mog`or zamburug`i maxsus suyuq oziqli muhitlarga eqilib, +20 –240 issiqda 5—6 kun ko`paytiriladi, shu vaqt ichida muhitda penitsillin to`planadi. Mog`ordan suyuqlik filtrlanib ajratiladi, keyin u maxsus ravishda qayta ishlanadi va ximiya viy usulda tozalanadi. Penitsillin tozalangandan keyin qontsentratsiyalanadi va past temperaturali vakuumda quritiladi va uning aktivligi aniqlanadi. Davolash uchun ko`pincha penitsillinning natriy yoki kaliylik tuzi ishlatiladi. Ko`pincha flaqonda penitsillin 1 000 000, 2 000 000, 3 000 000, 5 000 000 ta`sir etish birlikda (YeD) chiqari ladi. Penitsillin gramm-musbat mikroblarga ta`sir etib, gramm-manfiylarga ta`sir etmaydi. Unga streptokokklar, stafilokokklar va pnevmokokklar juda sezgirdir. Tayoqchasimon mikroblar koqklarga nisbatan penitsillin ta`siriga chidamlidirlar. Penitsillin juda tez (2 mino`tda) mikrob hujayrasiga kiradi va uning ta`sirida mikroblarning shakli cho`zinchoq, uzun zanjirsimon yoki sharga o`xshash bo`lib o`zgaradi, ayrim vaqtda erib ketadilar, ko`payishdan tuxtaydi, gramm usulida

www.arxiv.uz bo`yalishi o`zgaradi, oziq muhitidan ayrim aminoqislota va anorganik moddalarni o`zlashtirolmaydi. Penitsillin ta`sirida mikrob hujayrasining qobigi orqali moddalar almashinishi bo`ziladi, natijada hujayra protoplazmasi erib nobud bo`ladi. Organizmda ko`pchilik patogen mikroblarning rivojlanishini tuxtata olish xususiyatiga ega bo`lishi tufayli pe nitsillin meditsina va veterinariyada keng qo`llaniladi. Masalan, meditsinada sepsis kasalliklarini, o`pka yalliglanishini, so`zakni, zaxmni, anaerob infektsiyalarni davolash uchun va veterinariyada qoramollarning streptokokkli mastitini, cho`chqa saramasini, otlarning soqov kasalligini va boshqa yuqumli kasalliklarni davolashda qo`llaniladi. Shu bilan birga, penitsillin qorin tifi, ichburug`, vabo vibrioni, kapsulalik bakteriyalar, ko`k yo`tal, sil, yosh mollarda uchraydigan kolibakterioz va paratif kasalliklarining qo`zg`atuvchilari va boshqa bir qator mikroblarga ta`sir etmaydi. Penitsillin kaynatish natijasida yoki spirt, simob, mis, qo`rg`oshin, turli kislota va ishkorlar ta`sirida parchalanib o`z kuchini yo`qotadi. Penitsillin qon, qon zardobi va yiring ta`sirida o`z kuchini yo`qotmaydi. Penitsillin ta`sirida kasallikni qo`zg`atuvchi mikrob organizmda mo`tlako yo`q bo`ladi. U kasalning isitmasini pasaytirish bilan birga, organizmning umumiy ahvolini ancha yengillashtiradi va leykotsitlarning faoliyatini kuchaytiradi. Penitsillin teri ostiga yuborilsa, u organizmga sekinroq tarqaladi, qon tomirlariga yuborilsa organizmga tez tarqalib, qonda penitsillin ko`p to`planadi. Penitsillinni ovqat bilan qo`shib ham iste`mol qilinadi, biroq bu usulda qonga uning oz qismi o`tadi, chunki oshqozondagi xlorid kislota ta`sirida uning ko`p qismi aktivligini yo`qotishi mumkin, shuning uchun keyingi vaqtlarda penitsillinning xlorid kislotaga chidamln xili — «fenoqsimetil penitsillin» ishlab chiqilmoqda. Qaysi usulda berilsa ham penitsillin qonga o`tadiyu, lekin qonda uzoq saqlana olmaydi, ya`ni 2—3 soatdan so`ng qonda u ko`proq qancha saqlanib qoladi. Organizmga yuborilgan penitsillinning 70% i o`zgarmagan holda siydik bilan organizmdan chiqib ketadi. Penitsillinning shu xususiyatini hisobga olib, uni

www.arxiv.uz organizmda uzoqroq saqlab turish yo`llari topilgan. Agar penitsillin 0,5% lik novoqain eritmasiga aralashtirib organizmga yuborilsa, u organizmda 6—8 soatgacha saqlanishi mumkin. Keyingi vaqtlarda penitsillinning qo`yidagi xillari ishlatilmoqda: 1. Penitsillinning novakainli tuzlari; bu organizmga yuborilgandan so`ng u qonda ko`plab qancha parchalanib 18—23 soatgacha saqlanib turadi. 2. Panbiotik; bu preparat penitsillinning uch xil tuzidan iborat birikmasidir (kaliy tuzli penitsillindan 100 000, novoqainli penitsillindan 300 000 va debenzil etilendiolinlik penitsillindan 800 000 ta`sir etish birligida (YeD). Panbiotik preparat uzoq saqlanishi va qonda ko`proq qancha lanishi sababli davolash kuchi juda yaxshidir. 3. Bitsillin; bu penitsillinning kaliyli tuzidan iborat bo`lib, panbiotikka qaraganda bu tuz 3 barobar ko`p — 300 000 ta`sir birligida (YeD) yetkaziladi. Bir marta yuborilgan bitsillin organizmda uzoq muddat saqlanib turadi. Bitsillinning 3 turi bor: Bitsillin I, II, III; so`nggi turining organizmga ta`siri yaxshi bo`lib, ukol qilingandan keyin ogritmaydi. 4. Neopinil, astopen iliotsillin; bu dorilar penitsillinning dietilamino-etilenlik efiridir. Organizmga yuborilganda nafas yo`llariga o`tib qancha lanish xususiyatiga ega, shuning uchun bu preparat nafas yo`llarida sodir bo`ladigan kasalliklarni, ayniqsa, zotiljam kasalligini davolashda foydasi zurdir. 5. Fenoqsimetilpenitsillin yoki «penitsillin-fau»; bu oshqozondagi kislotada erimaydi, shuning uchun uni suvga qo`shib ichirish mumkin. Bu dori organizmlar kasalliklarini davolashda ko`p ishlatiladi va yaxshi natijalar beradi. 6. Ekmonovatsillin; u penitsillinning ekmolin bilan birikmasidir. Qonda o`rtacha 18 soat saqlanadi, shuning uchun bu preparat 100 000 ta`sir birlikdan 2 marta berilsa yetarli bo`ladi. Angliya olimi Erist Cheyn 1959 yilda penitsillinning uzagi 6 aminli penitsillin kislotasi (6 APK) ni olgan. U ko`pchilik ximiyaviy moddalar bilan reaktsiyaga kirishishi tufayli undan juda ko`p yangi sintetik penitsillinlar olinadi. Uzakning birgina o`zi bakteriyalarga kuchsiz ta`sir etadi, lekin uni aralashtirib

www.arxiv.uz olingan antibiotiklar yangi, juda sifatli bo`ladilar. Shu usul bilan penitsnllin- metitsillin olingan. Bu antibiotik oddiy penitsillinga nisbatan penitsillinaza fermentiga bir necha chidamlidir. Oqsatsillin ham kislotaga chidamli preparat bo`lib, suvga qo`shib ichirish mumkin. Penitsillinning boshqa antibiotiklar yoki sulfanilamidlar va vitaminlar bilan birlashtirilgan xillari ham bor. Ko`pincha penitsillin streptomitsin va ekmolin bilan aralashtirilgan holda qo`llaniladi. Streptomitsin. Bu antibiotik 1943 yili Shati va Vaksmanlar tomonidan kashf etilgan bo`lib, u Actinomyces glolisporus Streptomycini degan aktinomitsetdan olinadi. Streptomitsinning formulasi S21N39O12N7 dan iboratdir. Bu antibiotik suvda tez eriydi va ta`siri uzoq saqlanadi, oshqozonning xlorid kislotasiga chidamli, qonda, yiringda va organizmdagi boshqa suyuqliklarda uz kuchini kam yo`qotadi, keng antibakterial spektrga ega bo`lib, ko`pchilik gramm-musbat, gramm-manfiy mikroblarga va kislotaga chidamli bakteriyalarga ta`sir etadi. Streptomitsin penitsillinga nisbatan mikrob hujayrasiga kechroq 4 soatdan so`ng kiradi va muhitda antibiotikning qontsentratsiyasi kanchalik yuqori bo`lsa, hujayraga shunchalik ko`p miqdorda kiradi. Mikrob hujayrasiga streptomitsin hujayra ichidagi turli birikmalar bilan birlashadi va natijada uning biologik aktivligi ortadi. Streptomitsin mikrob hujayrasining oqsidlanish protsesslarini kuchsizlantiradi va moddalar almashinishiga kuchli ta`sir ko`rsatadi, asosan bakteriya uchun muhim bo`lgan va strukturasi buyicha fosforli shakarga yaqin bo`lgan moddalarning sintezlanishi qiyinlashadi. Streptomitsin sil kasalligining boshlang`ich davridagi turli shakllarida, sil meningiti, peritonit (qorin pardasining yalliglanishi), upka silining infiltratli (suyuqlik qancha langan) davrida, kekirdak, ovoz pardasi, suyak va ko`z silida yaxshi natija beradi. Bulardan tashqari, streptomitsin tulyaremiya, ichak tayoqchasi gruppasi bakteriyasi qo`zgagan kolibakterioz kasalliklarida, ichburug`, kuydirgi kasalligida, ko`k yiring tayoqchasi qo`zgagan yiringli protsesslarda, brutsellyoz kasalligining boshlang`ich davrida yaxshi ta`sir etadi.

www.arxiv.uz Streptomitsin patogen anaeroblardan qoqshal batsillasi va gazli gangrena kasalligini qo`zg`ovchi mikroblarga ta`sir etmaydi. Streptomitsin ko`pincha muskullarga yuboriladi va shuningdek uni qon tomiriga yuborish ham mumkin. Streptomitsin birmuncha zaharli antibiotikdir. Uning ta`sirida albuminuriya bo`lishi mumkin. Ayrim kasal qishilarda markaziy nerv sistemasiga ta`sir etib gandiraklash, tanani tik ushlab turolmaslik, bosh og`rigi, eshituv nervi shikastlanib karquloq bo`lish hodisalari yuz beradi. Ayrim hollarda nerv tarmoqlarida chala falajlanish hodisasi ham bo`lishi mumkin. Bunday hodisalarga barham berish uchun streptomitsinni katta dozada va uzoqishlatib ko`p kasalliklarni davolash mumkin bo`ladi. Gramitsidin. Qancha roqda yashaydigan sporali tayoqcha Vas. brevis dan olingan. 1942 yili sovet olimlari G. Gauze bilan M. Brashnikovlar Moskva atrofida Vas. brevis ni topgan va uning kulturasidan gramitsidin olishga muyassar bo`lganlar. Gauze bilan Brashnikovlarning top gan gramitsidiniga Sovet gramitsidina (gramitsidin S) deb nom berilgan. Gramitsidin S — kristall shaklida bo`lib, faqat spirtda eriydi. Shuning uchun gramitsidin S ampulada sterillangan 4% spirtli eritma shaklida tayyorlanadi. Davolash va oldini olish uchun gramitsidinning spirtli eritmasi 100 hissa sterilli suvga aralashtirib ishlatiladi, bunday holda u o`z kuchini uch kungacha saqlaydi. Gramitsidin S gramm-manfiy mikroblarga kuchliroq ta`sir etadi, gramm- musbat mikroblarning (stafilokokk, streptokokk, pnevmokokk) ham ayrim turlariga ta`sir etadi, ayniqsa gazli gangrena kasalligini qo`zg`atuvchi anaerob batsillalarga, difteriya kasalligini qo`zg`atuvchi bakteriyalarga ta`sir etadi. Gramitsidin S eaharli antibiotikdir, shuning uchun uni qon tomiriga yuborib bo`lmaydi, chunki u qizil qon tanachalarini eritadi. Grammitsidin S ni faqat yiringli yaraga surkash va u bilan og`izni chayish mumkin. U bilan sigirlarning yuqumli mastit kasalini davolash mumkin. Keyingi paytlarda Gauze bilan Brashnikovlar gra mitsidin S ning qizil qon tanachalarni eritmaydigan turini topishgan. So`nggi vaqtlarda undan yaxshiroq ta` -

www.arxiv.uz sir etadigan antibiotiklar topilishi natijasida grammitsidin S borgan sari kam qo`llanilmoqda. Tetratsiklinlar: bu gruppaga ximiyaviy tarkibi bir-biriga o`xshash antibiotiklar: xlortetratsiklin, oqsitetratsiklin, tetratsiklin va boshqalar kiradi. Xlortetratsiklin: (auromitsin, biomitsin, duomitsin, antibiotik A — 377) xlorid kislotali kristall shaklidagi antibiotik. Auromitsinni birinchi bo`lib Dager qancharoqda yashovchi Ast. aureofaciens aktinomitsetdan topgan. SSSRda auromitsin tipidagi yangi antibiotik kashf etilgan, u «biomitsin» deb nomlangan. Biomitsinning kristallari suvda eriydi va u ko`pchilik gramm-musbat va gramm-manfiy mikroblarga, sodda hayvonlarga, ba`zi yirik viruslarga (ornitozga) va rikketsiyalarga kuchli ta`sir etadi. Biomitsin leptospiroz, stafilokokk, pnevmokokk, meningokokk, paratif, cho`chqa saramasi qo`zg`agan kasalliklarini davolashda yaxshi natija beradi. Biomitsin zaharli antibiotik hisoblangani uchun katta dozasi ham jigarda mikroskopik o`zgarish hosil qilishi mumkin. Shuning uchun biomitsinni katta dozada ishlatmaslik lozim. Bu antibiotik har 4 soatda suv bilan qo`shib ichirilsa organizmda 16 soatgacha saqlanib, keyin siydik bilan chiqib ketadi. Oqsitetratsiklin (tetratsiklin, oqsimikoin, niomitsin) — bular Astinom. rimosus aktinomitsetidan olinadi va ko`pchilik gramm-musbat va gramm-manfiy bakteriyalarga hamda viruslarga ta`sir etadi. Tetratsiklin (ambramitsin, axromitsin, panimitsin, politsiklin, tetratsin, tsiklomitsin) xlortetratsiklinni hosil qiluvchi Astinom. aureofaciens dan ajratiladi va shu gruppaga kiradigan boshqa antibiotiklarga o`xshash tetratsiklin ham gramm-musbat va gramm-manfiy bakteriyalarga hamda kislotaga chidamli bakteriyalarga ta`sir etadi. Ushbu gruppaga kiruvchi barcha antibiotiklar buzoq va cho`chqa bolalarining paratif kasalligini, cho`chqa saramasini va boshqa kasalliklarni davolashda qo`llaniladi.

www.arxiv.uz Kolimitsin — neomitsin gruppasiga kiradigan an tibiotik bo`lib, Astinom. fradia dan olingan. U ichak tayoqchasiga, ichburug` bakteriyasiga, paratif tayoqchasiga, stafilokokklarga kuchli ta`sir etadi. Kolimitsin pnevmokokk, streptokokk va V. rgoteus vulgaris ga kamroq ta`sir qiladi. Bu antibiotik bir oz zaharli bo`lib, katta dozasi eshituv nervini shikastlab quloqni kar qiladi. Ba`zan buyrakka ta`sir etadi. Buning uchun dermatologiyada teriga surkash, xirurgiyada yaralarni yoki yalliglangan bo`shliqlarni chayish uchun ishlatiladi. Levomitsetin va sintomitsin antibiotiklar sintezlash yo`li bilan tayyorlanadi. Bu preparatni SSSR Meditsina akademiyasining biologiya va meditsina ximiyasi instito`ti xodimlari sintez yo`li bilan tayyorlaganlar; u Streptomyces venezuella kulturasining tabiiy sharoitda hosil qiladigan xloromitsetinning ayni o`zidir. Levomitsetin ko`pincha suvga qo`shib ichiriladi, qon tomiriga ham yuborilishi mumkin. Levomitsetin bakteriostatik ta`sir etadi. Bu antibiotikning enterokokklar, rikketsiy, spiroxetalar, bir qator viruslar va ba`zi gramm-manfiy (ichak tayoqchasi, paratiflarni qo`zg`ovchi va boshqalar) mikroblarga ta`siri bor. Sintomitsin. Bu preparat dekstavitsin bilan levomitsetinning birikmasidan iborat bo`lib, uni Xanenya o`z yordamchilari balan kashf etgan. U levomitsitinga nisbatan ikki baravar kuchsiz ta`sir etadi. Sintomitsin ichirila di, lekin u achchiq va zaharli bo`lganligi uchun uni molga ichirish ancha qiyinchilik tug`diradi. Sintomitsin ichburug`ni qo`zg`ovchi bakteriyalarga kuchli ta`sir etadi. Qorin tifi, paratiflarda, yosh mollarda toqsik dispepsiya kasalliklariga qarshi qo`llanishi mumkin. Uning enterokokklarga ham ta`siri kuchlidir. HAYVONLAR ORGANIZMIDAN OLINADIGAN ANTIBIOTIKLAR Bu gruppa antibiotiklarga lizotsim, eritrin va ekmolin kiradi. Lizotsim. P. N. Lashchenkov 1909 yili tuxumning oqsilida bakteriyalarni erituvchi xususiyat borligini aniqlab, uning ta`sirini bir qator mikroorganizmlarda tekshirib ko`rgan. Keyinroq Fleming (1922 yili) lizotsimning xususiyatlarini to`liq aniqlagan.

www.arxiv.uz Lizotsim ko`z yoshi, so`lak balg`am, qon zardobi, leykotsitlarda, burun shilimshig`i, odam va hayvonlarning turli to`qima va organlarida (jigarda, taloqda, tog`ayda, buyrakda), baliq ikrasida, ona sutida, turli o`simliklarda, ayniqsa, tovuq tuxumining oqsilida ko`p bo`ladi. Lizotsim, asosan, saprofit va ayrim patogen (vabo vibrioniga, kuydirgi tayoqchasi va boshqa) mikroblarga halokatli ta`sir etadi. 3.V.Yermoleva va N. Bo`yanovskaya lizotsimni tozalash va qontsentratsiya qilish usullarini kashf etib, lizotsimni meditsina va qishloq xo`jaligi sohasida ishlatish usulla rini aniqladi. Keyingi yillarda lizotsimni kristall shaklida olish usuli ham aniqlangan. Lizotsim organizm uchun zaharsiz bo`lib, makroorganizmni tabiiy sharoitda qo`riqlovchi antibiotikdir. Eritrin. Bu antibiotikni Zilber va Yakobsonlar 1946 yili har xil hayvonlar va odam qonidan topib, bir litr eritrotsitdan 10—12 g eritrin olish mumkinligini aniqlagan. Eritrinning 0,25% li eritmasi difteriya kasalligini davolashda va bakteriya tashuvchilarni sog`aytirishda yaxshi natijalar bergan. Eritrin difteriya qo`zg`atuvchi bakteriyaga, stafilokokk va streptokokklarga ham birmuicha ta`sir etadi. Ekmolin. Bu antibiotik 3.V. Yermoleva boshchiligida baliqdan olingan. Ekmolin kam zaharli antibiotik bo`lib, organizmda qon tomirlarini kengaytirish va antigistominlik xususiyatiga ega. Ekmolin ichburug` (ko`pincha yosh mollarda), paratif tayoqchalariga va vabo vibrioniga, stafilokokk, streptokokklarga hamda gripp kasalligini qo`zg`atuvchi viruslarga aktiv ta`sir etadi. Ekmolinni kasal molga ichirish, ingalyatsiya yoki muskullariga ukol qilish mumkin. Uni penitsillin yoki streptomitsin bilan birga qo`shib kasal molga berilsa, penitsillin va streptomitsinning kuchi yanada oshadi va penitsillinning qondagi miqdori ikki barobar ortib, uzoqroq vaqt ta`sir etadi. Ekmolinning penitsillinga aralashtirib tabletka shak lida yoki eritma holida ampulalarda tayyorlangan turi ekmonovotsillin deyiladi. O`SIMLIKLARDAN OLINADIGAN ANTIBIOTIKLAR

www.arxiv.uz O`simliklarning ham bakteriyalarni, sodda hayvonlarni va zamburug`larni halok etadigan moddalar ajratish xususiyati aniqlangan. O`simliklarda antibiotiklarga o`xshash moddalar borligini birinchi bo`lib sovet olimi B. P. Toqin 1928—1930 yillarda isbotlagan va ularga fitontsidlar deb nom bergan. Toqin dastlabki tajribalarini tubandagicha ifodalaydi: qayin daraxtining bargini tezlik bilan maydalab, uning yoniga 2—3 mm masofa buyum shishasida sodda hayvonlar kulturasidan olingan tomchi qo`yilsa, 20—25 mino`tdan so`ng kesilgan bargdan gaz shaklida uchib chiqqan allaqanday narsalar ta`sirida tomchi suvdagi protozoalar uladi. Fitontsidlar o`simlikning bargi, guli, ildizi va mevasida bo`ladi. Apelsin, limon, mandarin, oq terak, qora buldirgunlarning bargi va boshqa ko`p o`simliklarning tanasi yoki ildizi maydalanganda ham shunday natija olish mumkin. Piyoz yoki sarimsoqni tug`ralganda ham atrofga uchib tarqaluvchi moddalari stafilokokk, streptokokk, sil tayoqchasi, Vast. perfringens va boshqa bakteriya larni halok qiladi. Yangi tug`ralgan piyoz qarshisiga agarli oziq muhitga eqilgan achitkilar (Saccharoncerevisaeyo) qo`yilsa, ular darhol halok bo`ladilar. Archa, karag`ay va qayin daraxtlarining nina barglari ezib ivitilganidan keyin uning bir tomchisini olib sodda hayvonlar joylashtirilgan boshqa bir tomchi suvga ko`chirilsa, ular darhol uladi. Ko`p o`simliklarning to`qima suyuqliklari ham shunday xususiyatga ega. Masalan, shumurt daraxtining qish vaqtidagi qo`rtaklari hovonchada yanchilib, undan 0,1 g olib probirkaga solinsa va uning ustiga uy pashsha (Musca domestica) laridan bir nechtasi qo`yib yuborilsa ular darhol halok bo`ladilar. Keyinchalik Toqin piyoz, sarimsoq, xren, gorchitsa, aloy (sabur), kichitki o`t, qora archa (mojjevelnik), pomidor bargi, ayiqtovon o`simliklarining bargida fitontsidlar borligini aniqlagan. O`simlikning yoshi, vegetatsiya davri, iqlim va yashash sharoitiga qarab, fitontsidlarning aktivligi ham turlicha bo`ladi. Fitontsid yangi urilgan o`simlikda ko`p, quritilgan o`simlikda kam bo`ladi. Fitontsidlarning antibakterial va boshqa xususiyatlarini tekshirishda Toqin, Foy, Toroptsev, Yanovich va yana bir qancha sovet olimlarining ilmiy ishlari diqqatga sazovordir.

www.arxiv.uz Foy Trichomonas vaginalis nomli sodda hayvon quzg`agan kasallikni piyoz fitontsidi bilan davolagan. Toqin rahbarligidagi bir gruppa olimlar fitontsidlarni ichak tayoqchasi, proteus, oq stafilokokk, sartsina va lambliyalarda sinab, ularning bakteritsid ta`sirini isbotlagan. Agar piyoz yoki sarimsoq 1—3 mino`t chaynalgandan so`ng og`iz mikroflorasi tekshirilsa, undagi mikroblar juda kamayadi (Toqin, 1951). Filatova va Toroptsevlar yiringli yaralarni ham fitontsidlar bilan davolab yaxshi natijalarga erishdilar. Yanovich sarimsoqdan sativin deb ataluvchi dori tayyorlagan. U bakteritsid xususiyatiga ega bo`lib, vabo vibrioni, difteriya bakteriyalari, stafilokokk, paratif tayoqchasi, ichburug` bakteriyasi, protey va boshqalarni halok etadi. Amerikalik olimlar Kavellito, Beyli, Brukt va So`terlar (1944—45 yillarda) sarimsoqdan bakteritsid mod dalar topib, unga «allitsin» deb nom berishgan. Allitsin stafilokokkga, paratif, dizentereya tayoqchalari, vabo vib rioni va boshqalarga bakteritsid ta`sir etadi. 1948 yili Shtol va Zibik sarimsoqning fitontsidini sun`iy yo`l bilan olgan va uning formulasini aniqlagan. Fitontsidning ximiyaviy to`zilishi hali to`liq aniqlanmagan. Ba`zi o`simliklarning fitontsidi gaz holida atrof muhitga tarqalib, mikroblarni uldirishi mumkin. Masalan, Toqin, Kovalenko, Yanovichlar yosh karag`ayzor urmondagi xavo mikroflorasini tekshirib, u yer mikroblardan mutlaqo holi ekanligini aniqlashgan. O`rta Osiyo o`simliklarining bir qismigina tekshirilib, ularning fitontsidlik xususiyatlari aniqlangan, lekin ko`pchilik o`simliklarning fitontsidlari hali to`liq tekshirilmagan, ularni tekshirib meditsina va veterina riya sohasida ulardan foydalanish usullarini aniqlash kelajakdagi muhim vazifa hisoblanadi. Fitontsidlar asosan yiringli protsesslarni mahalliy davolashda qo`llaniladi. Keyingi yillarda sovet olimlari bir necha yuz o`simlik turlarini urganib, ularning 60 tasidan al litsin, sativin, tomatin, protoanillin va boshqalar kabi kristall holidagi juda aktiv

www.arxiv.uz fitontsidlarni topgan. Bular qo`shimcha sarimsoq, pomidor va ayiqtovon barglarida ko`p bo`ladi. Antibiotiklar mikroorganizmlarga tanlab, ya`ni har bir antibiotik muayyan bir turdagi mikrobga ta`sir etadi. Masalan, bir xil antibiotiklar gramm-musbatlarga, ikkinchisi gramm-manfiylarga va uchinchi turi esa ham gramm-musbat, ham gramm-manfiy mikroblarga ta`sir qiladi. Zamburug`larga ta`sir etib, bakteriyalarga ta`sir etmaydigan antibiotiklar ham bor. Keyingi yillarda polimiksin, kolimitsin, bitsillin, bivetin, vitaminli propomitsilin va boshqalar kabi bir qator antibiotiklar tayyorlandi, ular buzoq va cho`chqa bolalarining oshqozon-ichak kasalliklarini davolashda va kasallikning oldini olishda yaxshi natija berdi. Ayrim aktinomitsetlar (Actinom. luridus) lyurizin deb ataladigan antibiotik hosil qiladi. Bu antibiotik gripp virusiga va ayrim faglarga ta`sir etadi (N. Krasilnikov ma`lumoti). Imanin nomli antibiotik tamaki bargining mozayka kasalini qo`zg`atuvchi virusga ta`sir etadi va ayrim o`simliklarning rivojlanishiga yordam beradi (AN USSR). Bundan tashqari, gripp, qizamiq, chechak, poliomielit, entsefalitga o`xshash viruslarga ta`sir etuvchi interferon olingan. MIKROBLARNING ANTIBIOTIKLAR TA`SIRIGA ChIDAMLILIGI Agar mikrobga uzoq vaqt antibiotik ta`sir etilsa, mikrob antibiotikka sekin- asta urganib, keyinchalik u antibiotikka chidamli bo`lib qolishi mumkin, kasalni davolaganda bunday holni nazarda to`tish lozim. Masalan, oziq muhitga 0,05— 0,06 ml birlik penitsillin kushilsa, tilla rangli stafilokokk rivojlanishdan tuxtaydi. Lekin 20 marta ko`chirilib ekilgan muhitga kushilgan penitsillinning miqdori asta- sekin ko`paytirilib borilsa, unga stafilokokkning chidamliligi 700 marta ortadi, agarda 40 marta ko`chirib ekilsa, uning chidamliligi 5500 marta ortadi. Ayrim paytlarda bir antibiotikka mikrobning chidam liligi oshsa, boshqa antibiotiklarga ham chidamli bo`ladi. Masalan, xlortetratsiklinga chidamli bo`lgan

www.arxiv.uz mikrob bir vaqtda oksitetratsiklinga va tetratsiklinga ham chidamli bo`ladi. Ayrim mikroblar oziq muhitida antibiotiklarga o`rganib qolib, keyinchalik ularsiz muhitda rivojlana olmaydi. Antibiotiklarning mikroblarga bo`lgan ta`sirini oshirish uchun bir necha xil antibiotiklarni aralashtirib yoki ularni ximiyaviy moddalar bilan birga qo`shib qo`llanishi lozim. Masalan, xlortetratsiklinni albomitsin bilan yoki albomitsinni streptomitsin bilan qo`shib ichak tayoqchasi va paratif qo`zg`atuvchisiga probirkada ta`sir etkizilganda, ular bir-birining ta`sirini oshiradi. Lekin ayrim antibiotiklar bunday xususiyatga ega emas. Masalan, penitsillin bilan xlortetratsiklin bir-biriga qarama- qarshi ta`sir etadi. Mikroorganizmlarning antibiotiklarga chidamli bo`lishining sababi haligacha tula aniqlanmagan. Iel, Planeles va boshqalar bunday holni turli yo`llar bilan hosil bo`ladi deb tushuntiradi. Masalan, ularning aytishlariga ko`ra, penitsillinga chidamli mikroblar penitsillinaza fermenti hosil qilib, penitsillinni parchalaydi. Mikroblar qobigining yuzasida hosil bo`lgan fizikaviy-ximiyaviy o`zgarishlarga qarab moddalarni har xil uzlashtiradi. Masalan, penitsillinga chidamli mikroblar penitsillinni unga chidamsiz mikroblarga nisbatan ancha kam o`zlashtiradi.

www.arxiv.uz ANTIBIOTIKLARNING TA`SIR ETISH MEXANIZMI Antibiotiklarning mikrob hujayrasiga har tomonlama ta`sir etishi to`liq o`rganilmagan. Antibiotiklar mikroblarning moddalar almashinishi protsessining ayrim bo`lagiga, nafas olishiga hamda ularning ko`payishiga to`sqinlik qiladi. Masalan, penitsillin mikroblarning, hujayra devoridagi polimerning sintezlanishini to`xtatadi, xlormitsetin esa oqsilning sintezlanishini to`xtatadi. Antibiotiklarning mikroorganizmlarga halokatli ta`sir etishi mikrobga faqat to`g`ridan-to`g`ri ta`sir qilish bilangina chegaralanmasdan, balki u hayvon organizmining kasallikdan himoyalanish aktivligini ham oshi radi. Antibiotiklarning mikroblarga ta`siri hayvon organizmining umumiy holatiga ham bog`liq bo`ladi. Yaxshi sharoitda boqilgan kasal hayvonlarga qo`llanilgan antibiotiklarning ta`siri yuqori bo`ladi va natijada organizmning fiziologik protsesslari hujayralarining nafas olishi, leykotsitlarning fagotsitar aktivligi va boshqalar kuchayadi. Davolash uchun qo`llaniladigan ko`pchilik antibiotiklar organizmda mikroblarni uldirmaydi, balki ularni rivojlanishdan tuxtatadi. Mikroblarni yo`q qilish ko`pincha mikroorganizmning himoya kuchlariga — fagotsitoz va boshqalarga bog`liqdir. Kasallik boshlanishi bilan antibiotiklar qo`llanilsa mikroblarga tez ta`sir etadi, chunki bu paytda organizmda mikroblar oz bo`lib organizmning fiziologik funktsiyalari va organlari mikrob ta`sirida deyarli uzgarmagan bo`ladi. Keyingi paytlarda antibiotiklar faqat meditsina va veterinariyada keng turda qo`llanilibgina kolmasdan, zootexniya va agronomiyada, shuningdek qishloq xo`jaligida ekinlar hosildorligini, mol mahsulotini oshirish va hayvonlarni sun`iy kochirishda ham qo`llanilmoqda. Ma salan, bukalarning spermasiga qo`shilgan penitsillin, yoki streptomitsin (1 ml spermaga 500 birlik) spermaning xususiyatiga ta`sir etmay turib, unga mikroblarning tushishiga va rivojlanishiga to`sqinlik qiladi. Antibiotiklarning ta`siri bir necha usul bilan aniqlanadi. 1.Antibiotikni turli darajada suyultirib test-mikrobda sinab ko`rish mumkin. Masalan, penitsillin

www.arxiv.uz stafilokokkda, streptomitsin Vast. subtilis da sinab kuriladi. Bu mikroblarga ta`sir etgan antibiotiklarning eng kam miqdori topiladi va o`sha miqdor shu antibiotikning ta`sir birligi deb hisoblanadi. 2. Anti biotiklarning kuchini nefolometrlar bilan ham aniqlash mumkin. Buning uchun bir necha probirkadagi suyuq oziq muhitiga sinaladigan antibiotik solinib, turli daraja da suyultiriladi, so`ng shu probirkalarga test-mikrob eqiladi. Mikrob kanchalik ko`paysa, probirkadagi suyuqlik shuncha loykalanadi. Sinash uchun test-mikrob eqilgan bu probirkalar qontrol uchun avvaldan tayyorlab qo`yilgan probirkalar bilan solishtiriladi. Qontrol probirkalardagi antibiotikning miqdori avvaldan ma`lum bo`lgani uchun ular sinov uchun ekilgan probirkalar bilan solishtirib, har bir probirkadagi antibiotiklar miqdorini bilib olish mumkin. 3. Antibiotiklarning kuchi diffo`zion usul bilan aniqlanadi. Buning uchun test-mikrobi Petri kosachasidagi zich muhitga eqiladi. Sinalishi lozim bo`lgan antibiotik metall yoki shishadan yasalgan har xil xajmda tsilindrchalarga solinadi, so`ng ular oziq betiga botirib o`rnatiladi. So`ngra Petri kosachalari termostatga qo`yiladi. Antibiotik tsilindrchalar atrofidagi oziq muhitga diffuziyalanib mikrobni ustirmay kuyadi va u qancha kuchli bo`lsa, tsilindrchalar tevaragida mikrob o`smagan doira shuncha keng bo`ladi. Kontrol uchun avvaldan kontsentratsiya miqdori aniqlangan antibiotikdan olinib, ular ham Petri kosachasidagi oziq muhit betiga tsilindr bilan diffuziya qildiriladi va bu kontrol tsilindrlar tevaragidagi mikrob o`smagan doiralarni sinash uchun ekilgandagi hosil bo`lgan doiralarni taqqoslab, antibiotikning kuchi aniq - lanadi. 4. Diagnostik disklar bi lan antibiotikning kuchi aniqlanadi. Buning uchun an tibiotik eritmasiga filtrlovchi qog`oz botirilib, keyin u quritiladi va 0,5 sm diametrli doira (disk) shaklida kesiladi. Qog`oz diskdagi antibiotik bir sutka ichida oziq muhitga diffuziya qilinib, disk tevaragida mikrobning o`sishiga yo`l bermaydi. Qog`oz disk tevaragida usa olmagan doiraning diametri o`lchanib, antibiotikning mikrobga kuchli yoki kuchsiz ta`sir etganligi aniqlanadi. Agar qog`oz diskdan 15 mm narigacha mikrob o`sib chiqmasa antibiotikning mikrobga

www.arxiv.uz kuchsiz ta`sir etganligi ma`lum bo`ladi. Agar diskning diametri 15—25 mm gacha bo`lsa, antibiotik mik robga ta`sir etgan, 25 mm dan oshiq diametrli doirada mikrob o`smagan bo`lsa, antibiotik kuchli ta`sir etgan deb hisoblanadi. Kasallikni davolash va oldini olishda antibiotiklar maqsadga muvofiq ravishda qo`llanilmasligi natijasida ular organizmga yomon ta`sir ko`rsatishi mumkin. Masalan, nerv sistemasiga streptomitsin va neomitsin gruppasiga kiradigan antibiotiklar, qonga streptomitsin va levomitsin, jigarga biomitsin va boshqa antibiotiklar qo`llanilsa yomon ta`sir etadilar. Antibiotiklar uzoqvaqt suvga aralashtirib ichirilsa hayvon ichak mikroflorasining odatdagi tarkibi keskin o`zgaradi va natijada disbakterioz yuz beradi. Disbakteriozda ichakdagi kasallik qo`zg`atuvchi mikroblar bilan bir qatorda organizm uchun foydali bo`lgan sut kislotasi hosil qiluvchi mikroblar, ichak tayoqchasining foydali turlari va boshqalar rivojlanishdan tuxtaydi. Bunday holda hayvon ichagidagi shartli, ya`ni zaharli stafilokokklar, ko`k yiring tayoqcha kabi patogenli mikroblar aktivlashib, sekundar ikkinchi bir kasallikni infektsiyani qo`zgashi mumkin. Bunday hol ro`y bermasligi uchun qo`llaniladigan antibiotiklar aniq dozada berilishi, organizmning holati va antibiotikning mikrobga ta`siri aniqlanishi bilan bir qatorda, antibiotikni o`z vaqtida almashtirish yoki boshqa davolash usullarini qo`llanishi lozim. ANTIBIOTIKLARNING OZIQ SIFATIDA QO`LLANISHI 1940 yildan boshlab antibiotiklar hayvon kasalliklarini davolash va uning oldini olishda keng turda qo`llanilmoqda; antibiotiklar kam miqdorda (davolash dozasidan 10—15 marta kam) yem-hashakka qo`shib hayvonlarga berilsa, ularning tez o`sishi aniqlandi. Keyingi yillarda SSSR da va chet mamlakatlarda antibiotiklarning bunday xususiyati keng o`rganilib, qishloq xo`jaligi mollarini, ayniqsa yosh mollarni va jo`jalarni tez ustirishda stimulyator sifatida qo`llaniladigan bo`ldi, shu sababli hozirgi vaqtda hammasi bo`lib ishlab chiqariladigan antibiotiklarning 30—50 protsenti oziq sifatida ishlatiladi, chunki ular hayvon ozig`iga qo`shib berilsa, molning o`rtacha vazni 15—20 protsent oshadi. Ko`pincha hayvon ozig`iga xlortetratsiklin, oksitetratsiklin, tetratsiklin

www.arxiv.uz qo`shib beriladi. Antibiotik ishlab chiqarishda hosil bo`lgan chiqindilarni yem- hashak qo`shib mollarga berish yaxshi natija beradi, chunki uning tarkibida antibiotikdan tashqari, vitamin, mineral moddalar, mikroelement va boshqalar bo`ladi. Bundan tashqari, antibiotik hosil qiluvchi mikroorganizm rivojlanayotgan oziqli muhitdagi biovit — 40, nativniy, biomitsin, vitabiomitsin, kormogrizin kabilar hayvonlarga beriladi. Antibiotiklar hayvonlarga oz miqdorda berilsa, ular organizmidagi yashirin infektsiya qo`zg`atuvchilarga halokatli ta`sir etib, organizmning o`sishi va kasallikka chidamliligini kuchaytiradi.

www.arxiv.uz A dabiyotlar ro`yxati : 1. Burxonova X.K., Murodov M.M. Mikrobiologiya. Toshkent, «O`qituvchi», 1975. 2. Vahobov A., Inog`omova M. Mikrobiologiya. UzMU. Toshkent, 2000. 3. Bakulina N.A. i dr. Mikrobiologiya. Toshkent. Meditsina, 1979. 4. Mustakimov G.D. O`simliklar fiziologiyasi va mikrobiologiya asoslari. «O`qituvchi». T. 1995. 5. Rabotnova I.L. Obshaya mikrobiologiya. M. Vssh. shkola, 1966. 6. Fedorov M.V. Mikrobiologiya. Toshkent. «O`qituvchi», 1966. 7. Inogomova M. Mikrobiologiya va virusologiya asoslari. Toshkent, 1983. 8. www.ziyonet.uz

Похожие

Ximoterapevtik preparatlar ularning immun sistemaga ta’siri antibiotiklar olinishi va biotexnologiyada ishlatilishi

Mikroorganizmlardan biopreparatlar ajratib olishning asosiy bosqichlari

Mikroorganizmlarga tashqi muhit omillarining ta’siri

Kolibakterioz qo’zg’atuvchisi

Mikroorganizmlarning xayot faoliyatida ishlab chiqaradigan moddalari pigmentlar toksinlar aramatikmoddalar yorug’lik energiyasi