Қуёш энергиясининг манбаи. Қуёш активлиги. Қуёш- ер муаммоси ( Куёш энергиясининг манбаи ) - Астрономия - Рефераты

Қуёш энергиясининг манбаи. Қуёш активлиги. Қуёш- ер муаммоси ( Куёш энергиясининг манбаи )

Загружено в:

20.09.2019

Скачано:

0

Размер:

62 KB

Қ уёш энергиясининг манбаи. Қ уёш активлиги. Қ уёш- ер муаммоси РЕЖА: 1. Қуёш ядросидаги физик шароит (Т, Р). 2. Тремоядро синтези ҳақида тушунча. 3. Протон- протон циклли термоядро реакцияси. 4. Мазкур реакция туфайли Қуёшдан ажраладиган энергия. 5. Қуёш активлиги ва унинг Ер атмосфераси ва биосферасига таъсири.

Табиатнинг энергия учун универсал қонунидан маълумки, энергия сақланиш хусусиятига эга: у йўқ бўлмайди ва, аксинча, йўқдан вужудга ҳам келмайди. Модомики, шундай экан, тунда портлаётган минглаб юлдузлар ва Қуёшимизнинг энергия манбаи нимада? Балки улар кимёвий ёқилғи ёқилишидан энергия ажралган ҳисобига ёки бир вақтлар йигилган энергия захираси ҳисобига нурланар? Лекин буларнинг барчаси юлдузлар энергиясининг манбаи ролини уйнай олмаслигини аниқланганига анча бўлди. Чунки кимёвий ёқилғи ёнганида ажраладиган энергия шу ёқилғини ташкил қилган атом ва молекулаларнинг тортилиш энергияси ҳисобига ажралади. У ҳолда юлдузлар марказидаги температураси бир неча миллион градусли зонада молекулалар бир зум ўтмай парчаланиб кетган булар эди. Шунингдек, агар Қуёш (ёки юлдуз) ўз хажмида мужассамлашган энергия захираси ҳисобига нурланади деб фараз килинса, ҳисоблашлар бу захира энергия 1,6 миллион йилдан (катта юлдузлар учун бир неча миллион йилдан) ортмаслигини кўрсатди. Қуёшнинг аниқланган ёши эса салкам 5 миллиард йилни кўрсатади. Юлдузлар энергиясининг манбаи масаласи, айникса, астроном олимларни кўпдан бери қизиқтириб келади. Бу тўғрида кўплаб назариялар, гипотезалар мавжуд. Фақат 1938 - 1939 йиллардагина астрофизиклардан А. Эддингтон, К. Вейцзеккер ва Г. Бётелар юлдузларнинг энергия манбаи бўла оладиган ядро реакцияларининг назарий ҳисобини ишлаб чиқдилар. Маълумки, атом ядросини ташкил қилувчи протон ва нейтронлар ўзаро жуда катта тортишиш кучи (бу куч ядро кучи деб юритилади) билан боғланган бўлади ва боғланиш энергияси ҳам жуда катта бўлади. Борди-ю, шундай боғланишдаги атом ядросига яна бир протон ёки нейтрон кирса, у янги ядро ҳосил қилади ва ядродан сезиларли энергиянинг ажралиб чиқишига сабаб бўлади. Чунки ядро заррачаларига қўшилган янги заррача ядро кучи оркали улар билан боғланади. Натижада пайдо бўлган ортиқча энергия ядродан протон ёки нейтрон билан, ёхуд электрон ёки позитрон билан чиқиб кетади. Бундай ҳодисага ядро реакцияси дейилади. Бироқ,

шубхасиз, янги протон ёки нейтроннинг ядрога кириши осонликча бўлмайди, бунинг учун келиб кушиладиган заррача атом ядросига, ядро кучлари таъсирига бериладиган даражада яқин масофага келиши (протон учун эса ядрони итариш кучини ҳам енгган ҳолда) зарур бўлади. Демак, кушилувчи протон ёки нейтрон ядро томон жуда катта тезлик билан (яъни энергия билан ) яқинлашиши лозим. Назарий ҳисоблашлар, юлдузлар (жумладан Қуёш) марказдаги бир неча ўн миллион градусли ҳарорат, протонларга худди шундай тезликлар бера олишини, у ерда термоядро реакцияси учун кулай шароит борлигини маълум қилади. Нейтронлар эса бундай юқори ҳароратда тургўнлигини йўқотиб, ярим соатга етар-етмас протон, электрон ва нейтринога парчаланиб кетади, ядро реакцияларида деярли иштирок этмайди. Юлдузлар марказидаги реакция (тўртта протоннинг бирикиб битта гелий атоми ядросини ҳосил қилиши)нинг узлўқсиз такрорланиши, юлдузларнинг нурланиши туфайли космик фазога таркалаётган энергиясини тўлдириб туради. Қуёш марказида руй берадиган протон-протон циклли термоядро реакцияси қуйидагича кечади: Н 1 ҚH 1  Д 2 Қ е Қ Қ  1 Д 2 ҚН 1  2 Не 3 Қ  (1) 2 Не 3 Қ 2 Не 3  2 Не 4 Қ2 1 Н 1 Бу ерда ҳосил бўлган нормал гелий ядросининг массаси уни ҳосил қилган тўртта протон массасидан 1 фойизга кам чиқади. Ҳар бир протон массаси, атом бирликларида, 1, 00813 ни ташкил қилиб, тўртта протонники 4, 03252 бўлади. Гелий атом ядросининг массаси 4, 00389 эканлигини эътиборга олсак, бу ядрони ҳосил қилувчи протонлар атом оғирлигининг 0, 02863 бирлигига (4, 03252  4, 00389 қ 0, 02863) тенг массаси, ажраладиган боғланиш энергиясига эквивалент масса бўлиб, у масса дефекти деб юритилади. Битта гелий ядроси ҳосил бўлишида ажралган энергия, Эйнштейннинг машҳур формуласига кўра:

Eқ mc 2 қ 1, 67 · 10· 0, 02863x x( 3x 10 ) қ 4, 3 x 10 эрг (189) га тенг бўлади. Бу ерда сқ 3 · 10 10 смҒс -ёруғлик тезлиги, m- масса дефектидир. Ҳозирги пайтда турт протондан гелий ядросини ҳосил бўлиши ҳақида икки кетма- кетлик реакцияси маълум бўлиб, улардан биринчиси протон- протонли, иккинчиси эса углерод- азотли цикл деб юритилади. Қуёшнинг маркази яқинида босим ва темпратура жуда юқори бўлиб, у ердан углерод-азотли цикл бўйича ҳам термоядро синтези руй беради. Бироқ марказдан узоқлашган сайин темпратура ва босим камайиб, углерод - азотли циклли реакция тезда барҳам топади. Қуёш марказидан 0, 2-0, 3 Қуёш радиуси масофасида асосан протон-протонли цикл ҳукмронлик қилади. Қуёш марказидан 0, 3 R  темпратура 5 миллион градусгача, босим эса 10 миллиард атмосферагача тушиб, бундай шароитда термоядро реакцияси бутунлай тўхтайди. Қуёш активлигининг даврий ўзгариб туриши ва Қуёшнинг геофизик процессларгатаъсири. Қуёшнинг магнит майдони даврий равишда ўзгариб туради. Магнит қутбланганлигининг даврий ўзгариши айникса даглар мисолида яккол кўринади. Кейинги бир неча ўн йил ичида биполяр доғ группаларини текшириш натижасида, уларнинг магнит майдонининг қутбланиши 22 йиллик давр билан ўзгариб тўрганлиги аниқланди. Доғларнинг сони ва ишгол этган юзи ўрта ҳисобда 11 йиллик давр билан ўзгаради. Бу ўзгаришни Вольф сони : W қ k ( f Қ10 g ) (2) билан ўлчаш кабўл қилинган. Бунда f -доғларнинг умумий сони, g -группалар сони, k -телескоп параметрларига боғлиқ коэффициент. Қуёшда максимал кўп ва катта доғлар кузатилган йиллари унда машъаллар, протуберанец ва чақнаш каби актив ҳодисаларнинг кучайиши ва кўпайиши кузатилади. Шунинг учун бу пайтни Қуёш активлигининг максимуми дейилади. Қуёшда активлик марказлари оз бўлган пайтларда

Қуёш активлигининг минимуми дейилади. Қуёш активлигининг минимуми йилларида доғлар анча юқори гелиографик кенгламаларда кузатилади, вақт ўтиши билан доғлар ҳосил бўладиган соҳалар секин-аста экваторга яқинлашиб келади. Аммо доғлар хеч вақт экваторни кесиб, бир ярим шардан иккинчисига ўтмайди. Протуберанецларнинг активлиги ва хромосферик чақнашларнинг тақсимоти ва интенсивлиги Қуёш доғларининг тақсимоти ва интенсивлигига боғлиқ. Қуёш тожининг умумий ёруғлиги 11 йиллик давр билан ўзгармаса- да, унинг шакли бу даврга мос равишда ўзгаради. Максимум йиллари у Қуёш дискини бир текис ўраб олади, минумимда экватор соҳаси бўйлаб чўзилган бўлади. Қуёш активлигининг даврий ўзгариши ва ҳолати кўпгина геофизик процессларга таъсир кўрсатади. Бунда Қуёшдан чиқадиган корпускулалар оқимининг аҳамияти катта бўлади. Қуёш шамоли олиб келган юқори энергияли зарралар Ернинг радиацион поясларини ҳосил қилади. Кучли хромосферавий портлашлар бўлганда Қуёш шамоларининг кучли оқими радиация пояслари ичига утиб, у ердар юқори энергияли заррачаларни сикиб чиқаради ва бу заррачалар Ер атмосферасидаги атомлар билан тўқнаҳади. Бу атомларнинг нурланиши қутб ёгдулари нурланишини вужудга келтиради. Қуёш шамолида заррачалар таъсирида Ер магнит майдонининг кучланганлиги тўсатдан кескин ўзгаради. Магнит стрелкасининг катта амплитуда билан ва тартибсиз ўзгариши кўринишида кузатилган магнит буронлари вужудга келади.Қуёш активлигининг даврий ўзгаришига боғлиқ ҳолда магнит буронларининг ўзгариш графиги кўрсатилган. Графикдан бу ҳодисалар орасида боғланиш борлиги кўринади. Қуёшда чақнашлар бўлган пайтда унинг ультраинафша нурланиши кучайганлиги ва бу нурланиш 11 йиллик фаолият билан боғлиқ равишда ўзгариб тўрганлиги аниқланган. Бундай ўзгариш Ер атмосфераси ва

гидросферасидаги умумий циркуляцияга ва демак, об-ҳавога ҳам таьсир кўрсатганлиги аниқланган.

Фойдаланилган адабиётлар: 1. Мартинов Д.Я. Курс обҳей астрофизики.- М., Наука- 1990. 2. Мартинов Д.Я. Курс практическая астрофизики.- М., Наука 1997. 3. Миннарт М. Практическая астрономия.- М., Мир-1991. 4. Собелев В.В. Курс теорической астрофизики.- М., Наука-1985. 5. Шкловский И.С. Звездў. Их рождения, жизнь и смерт.- М.,Наука- 1995. 6. www . ziynet . uz

Похожие

Қуёш (куёш ) активлиги ва унинг ерга таъсири

Қуёш телескоплари ( Куёш телескоплари )

Қуёш хромосфераси ва қуёш тожи (куёш хромосфераси ва куёш тожи )

Қуёш ва унинг ҳарактеристикаси фотосфера, грануляция. Қуёш доғлари

Қуёш – энг яқин юлдуз .( Куёш - энг якин юлдуз )