Юк кўтариш кўрилмалари тўғрисида умумий маълумот - Архтектура - Рефераты

Юк кўтариш кўрилмалари тўғрисида умумий маълумот

Загружено в:

20.09.2019

Скачано:

0

Размер:

153.7216796875 KB

Юк кўтариш кўрилмалари тўғрисида умумий маълумот Режа: 1. Блоклар 2. Пўлат симли арқонлар 3. Полиспастлар 4. Тормозлар

Блоклар Блок юк кўтариш учун зарур бўлган кучникамайтиришга ёки бу кучнинг йўналишини ўзгартиришга имкон беради. Пайванд занжирлар учун блок ўлчамларидаги боғланиш 16-расмда кўрсатилган. Конуссимон гардиш юзали бортсиз қилиб тайёрланган блоклар звенода кўндаланг эгилишдан ҳосил бўладиган кучланишни камайтиради. Улар кулранг чўяндан ёки модикацияланган чўяндан, шунингдек пўлатдан қуйиб тайёрланади, блокларнинг юзасида ариқчалар қилинади. Ариқча арқоннинг қисилиб қолиши ва ортиқча ейилишга йўл қўймайди. Улар бронза чўян втулкаларда ёки думалаш подшипникларида ўрнатилади. Втулка ёки подшипникларни мойлаб туриш учун блок ўқларида ариқчалар пармалаб тешилади. Щқларга ён томондан махсус идиш ўрнатилиб,унга қуюқ мой қуйилади. 16 - расм. Йўналтирувчи блоклар профиллари.

Урнатилишига кўра қўзғалувчан ва қўзғалмас ўқли блоклар бўлади. Ишлаётган ўқи қўзғалмайдиган блоклар қўзғалмас ўқли блоклар дейилади. Q массали юкни кўтариш учун арқоннинг бўш учига сон жиҳатидан юкнинг массаси Q га тенг бўлган куч S қўйиш зарур, Демак, қўзғалмас блок куч йўналишини ўзгартиришга имкон беради. Аммо бунда кучдан ютилмайди. Щқи юк билан бирга тушадиган ёки кўтариладиган блок қўзғалувчан блок дейилади. Бунда Q масссали юкни кўтаришда арқоннинг бўш учига сон жиҳатидан Q массанинг яримига тенг бўлган куч S ни қўйиш лозим. Шундай қилиб, қўзғалувчан блок арқоннинг бўш учига куч Sни қўйиб юкни кўтаришга имкон беради . Бу куч юк Q ни қўзғалмас блок билан кўтаришдаги кучга қараганда икки баробар кичик бўлади. Пўлат симли арқонлар Кўп марта чўзилиб, сўнгра термик ва кимёвий ишлов берилган ялтироқ ёки руҳланган пўлат симлардан (диаметри 0.2 дан 3мм) эшилган арқон пўлат симли арқон дейилади. Бу арқонларнинг мустаҳкамлик чегараси 1600... 2600.. МПа бўлади. Пўлат симли арқонлар ҳар бири пўлат симлар 2 дан (17- расм) таркиб топган ўримлар 1 дан тўқилган. Щримлар каноп ўзак 3 атрофига ёки ўримларнинг ўзидан юмшоқроқ пўлат симдан қилинган ўзак атрофига ўралади. Юк кўтарувчи машиналарда кўпинча қўш ўримли арқонлар ишлатилади: аввал пўлат симлар марказий сим атрофида эшилади, сўнгра ўрим ўзак атрофида эшилиб, пўлат симли арқон ҳосил қилинади. Арқондаги пўлат симлар ва ўримлар сони ҳар хил бўлади. Аммо юк кўтарувчи машиналарда асосан 6 ўримли арқонлар ишлатилади. Улардаги ўримлар ичидаги пўлат симлар сони 19 ва 37 та бўлади. 8 ўримли пўлат арқонлар кранларда ва кўтаргичларда кичик диаметрли барабанлар ва шкивлар ишлатилганда қўлланилади. Кўп қават арқон ўраладиган барабанларда улар ишлатилмайди. Пўлат арқонлар бир томонлама ва айқаш қилиб эшилиши мумкин. Бир томонлама эшилганда ҳар қайси тола ва арқонни эшиш йўналиши бир хил

бўлади. Ундай пўлат арқонлар кам ейилади ва эгилувчанроқ бўлади, аммо куч (нагрузка) остида осонгина бўшалади. Айқаш эшилган пўлат арқонда ўримдаги симлар ва арқондаги ўримлар йўналиши қарама-қарши бўлади. Бундай арқонлар тезда бўшаб кетмайди. Арқонларнинг ўримлари бир хил диаметрли (кесим нормал структурали) ёки ҳар хил диаметрли (кесим аралаш структурали) симлардан эшилиши мумкин. Бунда катта диаметрли симлар арқоннинг сиртида жойлашади. Кесими аралаш структурали арқонларни тайёрлаш анча мураккаб, лекин улар эгилувчанроқ ва ташқи қатламлари ишқаланишга чидамлироқ бўлади. Арқон симлар тўпламидаги симларнинг бир бирига уриниши хилига қараб: чизиқли-уринмали-ЛК (ЧУ), нуқтали - уринмали ТК (НУ), нуқтали ва чизиқли - уринмали -ТВК (НЧУ) арқонларга бўлинади. Арқон тайёрлашда ўримнинг алоҳида қатламлари учун бир хил диаметрли симлар Б ҳарфи билан белгиланади. Чунончи,ЧУ-Б; ЛК- О;қатламларнинг устки қатлами учун 2 хил диаметрли симлар (Х ҳарфи билан белгиланади. Жумладан ЧУ-Х ЛК-Р) ўримнинг алоҳида қатламлари учун ҳар хил ва бир хил диаметрли симлар (ХБ ҳарфлари билан белгиланади. Масалан, ЧУ-ХБ, ЛК-РО) танланади. Пўлат арқонлар бўшаладиган ва бўшалмайдиган хилларга ажратилади. Бўшалмайдиган арқонлар илгагининг баландлиги катта бўлган юк полиспастлари учун жуда қулайдир. Пўлат арқонлар симининг механик ҳоссаларига қараб: юқори маркали-0, биринчи маркали-1, иккинчи маркали-2 бўлади. Пўлат арқоннинг мустаҳкамлигини ошириш учун улар турли диаметрдаги симлардан эшилади. Кабел крани ва бошқа кранларнинг юк аравачалалари силжийдиган пўлат арқонлар силлиқ сиртли бўлади.

17 – расм. Пўлат арқонлар конструкцияси Юкдан арқон тармоғига тушадиган кучни камайтириш ёки юкнинг кўтарилиш тезлигини ошириш учун хизмат қиладиган, эгилувчан орган орқали бириктирилган қўзгалувчан ва қўзгалмас блоклар тизими полиспаст дейилади. Полиспастлар Полиспастлар қўзғалувчан (фазода ҳаракатланадиган) ва қўзғалмас бир ва кўп роликдан ташкил топган блок обоймаларининг мажмуидан иборат бўлиб, маълум системада уларни битта умумий канат қамраб олган бўлади. Қўзғалувчан обоймада юкни илиб олиш учун илмоқ ёки сиртмоқ бўлади, қўзғалмас обойма эса бирор жойга маҳкамлаб қўйилади. Полиспастлардан кучдан ютиш учун (редуктор полиспастлари) ёки тезликдан ютиш учун (мулpтиплика тор полистлари) фойдаланилади. Қурилиш машиналарида канатнинг тарангланишини, юк моментини ва юритма механизмининг узатишлар сонини камайтира-диган ва юкни кўтариш тезлигидан тегишлича ютишга имкон берадиган редук тор полиспастлари кенг ишлатилади (18- расм, а, б). Канатнинг эркин учи чигир барабани 1 га, иккинчи учи эса блок обоймасининг қўзғалувчан 3 ёки қўзғалмас 2 блоклар системасига маҳкамланади. Бу турдаги полиспастлардан ўрнатиш ишларида мустакил юк кўтариш қурилмаси сифатида фойдаланила ди, бироқ улар асосан кранларнинг, кўтаргичлар, экскаваторлар ва ҳоказоларнинг юк ва стрела кўтариш механизмларида ишлатилади. Мулpтипликатор полиспастлар (18- расм, е) камдан-кам ишлатилади, улар асосан гидравлик ва пневматик

кўтаргичларда, кранлар ва экскаваторларнинг телескопик стрелаларини ҳаракатлантириш механизмларида қўлланилади. Канатнинг барабандаги ўрамлари сонига (шу ўрамлар сони полиспаст турини белгилайди) караб якка (18-расм, а) ва қўшалоқ (18-расм, б) полиспастлар бўлади. Якка полиспастлар амалда деярли барча қурилиш маши наларида ордирувчи блоклар билан бирга кулланилади, улар иш органига харакатни исталган йуналишда бера олади. Канат барабанга ўралганида у юк билан бирга унинг ўқи бўйлаб силжийди ва барабан подшипнигида нотекис юкланиш ҳосил қилади. Қўшалок полиспастлар иккита бир хил якка полиспастдан иборат бўлади ва юкни кўтаришда ёки туширишда унинг катъи тик ҳолатда бўлишини, шунингдек, барабан ва унинг таянчларига юк бир текис тушишини таъминлайди. Бундай полиспастлар асосан кўприк ва чорпоя кранларда кўлланилади. Оғир минорали кранларда кўшалоқ полисластлардан катта кувватли йирик габаритли битта юк чиғири ўрнига иккита стандарт чиғирдан фойдаланиш, шунингдек, юкни икки ёкк уч тезликда кўтариш максадида кўлланилади. Полиспастнинг асосий характеристикаси унинг карралилнги u п дир, учи юк осилган канат ўрамлари сонининг ба рабандаги ўрамлари сонига бўлган нисбати тарзида топилади. Чунончи, 18-расм, а да u п1 =2, u п2 =3, 18-ра c м, б да эса u пз =3.

18-расм. Блок ва полиспасталар схемаси. Тўҳтатгичлар Тўҳтатгичлар Юкни кўтарилган ҳолда ушлаб туриш ёки ҳаракатдаги механизмларнинг тескари томонга айланиб кетмаслигини таъминлаш учун ишлатиладиган қурилма тўҳтатгич дейилади. шлаш принципи буйича тўҳтатгичлар храповикли ёки тишли фрикцион ва роликли турга бўлинади .

Фрикцион тўҳтатгичлар (19-расм) кўтарувчи механизм валига маҳкамланаган шкив 1 ва алоҳида кулачок 2 дан иборат бўлади. Кулачок ўз массаси ёки пружина таъсири остида шкивга қисилади. Шкив юзаси билан кулачок орасидаги ишқаланишни ошириш учун кулачокка пона шакли ёрилади, фрикцион тўҳтатгичлар равон ишлайди, аммо унчалик ишончли бўлмайди ва иш юзалари нотекис ейилади. Шунинг учун ҳам юк кўтарувчи машиналарда асосан храповикли ва роликли тўҳтатгичлар ишлатилади. Храповикли тўҳтатгичлар (20-расм) кўтариш механизми юритмаси вали 2га ўрнатилган храповик ёки тишли ғилдирак 1, механизмининг қўзғалмас элементига маҳкамланган ўқ 3 ва шу ўққа ўрнатилган тиргак 4 дан ташкил топади. Юк кўтарилганда храповик вал билан биргаликда стрелка кўрсатилган йўналишда айланади, тиргак эса бемалол унинг тишидан сирпаниб ўтади валнинг айланиш 19 – Расм. Фрикцион тўхтагичлар а – ясси ишкаланиш юзали; б – понасмон юзали.

20-расм. Храповикли тўҳтатгич. а-тўҳтатгич схемаси; б-собачка Ъисоби; йўналишини ўзгартириш вақтида тиргак храповик тишга тиралади ва юкнинг пастга тушиб кетишига тўсқинлик қилади. Юкни тушириш вақтида тиргакни храповик билан илашишдан чиқариш керак. Fилдирак ва тиргак тиши қиррасининг эзилишига мустаҳкамлик тенгламаси қуйидагича бўлади: q =ρ в≤[q], Н/М бунда: в - тиш учининг эни; q- тиш учидаги чизиқли босим ,Мпа; [ q ] - динамик юкланиш характерини ҳисобга олувчи руҳсат этилган чизиқли босим. Айланма куч Р= 2М Д = 2М Z×m , Н бунда Д-храповикли ғилдиракнинг ташқи диаметри ; Z- храповикли ғилдиракнинг тишлари сони ; m - храповикли ғилдиракнинг ишлаш модули, М - храповикли ғилдирак валидаги буровчи момент.

Тормозлар. Тормозларнинг тўҳтатгичлардан фарқи шундаки, улар вални икки йўналишда айланишига йўл қўяди ва юкни ушлаб туришдан ташқари, тезликни ўзгартиради ёки юриш механизмларининг тезлигини ростлайди. Юкни тўҳтатиш ёки ҳаракатини камайтириш, шунингдек, буриш ёки юриш механизмларида тормозлаш, қўзғалувчи деталлар (дисклар, шкивлар) билан уларга қисилувчи қўзғалмас деталлар (колодкалар, ленталар, дисклар) орасида ишқаланиш ҳисобига бажарилади. Ишлаш усулига кўра нормал очиқ ва нормал ёпиқ тормозлар бўлади. Краннинг нормал очиқ тормози пружина кучи таъсирида ҳар доим уланган холатда бўлади. Тормоз узилганда (ажратилганда) механизм ишлай бошлайди. Нормал ёпиқ тормоз ҳар доим узилган (ажратилган) ҳолда бўлади. Тормоз уланганда механизм тўҳтайди. Нормал очиқ тормозни бошқариш осон ва у тезликларни равон ростлашга имкон беради. Бошқариш усулига кўра бошқариладиган ва автоматик ишлайдиган хилларга ажратилади. Автоматик тормозларга электомагнитли, электрогидравлик ва электр - механик юритмали ташувчи юк орқали туташтирувчи тормозлар ва х.к. киради. Тормозлар, тормозланувчи деталлар конструкцияси буйича колодкали, лентали, дискли ва х.к. турларга бўлинади. Вазифаси буйича стопорловчи (тухтатувчи) ва туширувчи турларга булинади. Юк тезлигини ростлаш учун ишлатиладиган тормозларни туширувчи тормозлар дейилади, юк ёки механизмни кузгалмас холатда ушлаб турувчи тормозлар стопорловчи (тўхтатувчи) тормозлар дейилади.

Колодкали тормозлар. 21-расм. Тормозларни хисоблаш схемалари : а) бир колодкали; б) икки колодкали; Юк кутарувчи механизмларда колодкали тормозлар куп ишлатилади. Уларнинг асосий кисми чуян ёки пулат шкив тормозловчи колодкалар ва колодкаларга кучни берувчи ричаглардан иборат бўлади. Колодкалар, одатда,чўяндан тайёраланиб фрикцион коплагич билан копланган бўлади. Колодкали тормозлар колодка сонига қараб бир ва икки колодкали турга бўлинади. Бунда туташтирувчи Р куч тормоз ричагига қўйилган бўлиб, колодка шкивга қисилади ва улар орасида ишқаланиш кучи ҳосил бўлади Р=fN куч моментидан катта булганда ҳаракат тезлиги камаяди ва ҳаракат тўҳтайди.(26-расм) Колодкали тормозда хосил бўладиган тормозловчи момент қуйидаги формуладан аниқланади: М т = NfД 2 , HM (37) бунда: Д-шкив диаметри; f -колодка билан шкив орасидаги ишкаланиш коэффициенти, унинг киймати жадвалдан олинади.

Бу ерда колодкани шкивга кисиш учун керакли куч қуйидагига тенг : N =2М Т fД Н (38) Керакли туташтирувчи куч Р, қиймати ричагнинг ўз ўқига нисбатан айланишда кучларнинг мувозанатли шартидан топилади : Р= N ℓ1± fв ℓ , H (39) Тенгламадаги “+” ёки ”-” тормоз шкивнинг айланиш йуналишини билдиради. Тасмали тормозлар. Тасмали тормозларда тормозловчи момент М т эгилувчан тасманинг цилиндрик тормоз шкиви юзаси бўйлаб ишқаланиш натижасида ҳосил бўлади. Тасмали тормоз фрикцион лента 3, тормоз шкиви 2, ричаглар системаси 6 ва юк 5дан тузилган (22-расм). Фрикцион тасма пўлатдан тайёрланган бўлиб, унга яхлит тасма ёки алоҳида секциялар кўринишдаги фрикцион уст куйма парчин михлар билан маҳкамланган. Агар айланаётган шкив 2га қарасак, тасманинг бир учи шкив келаётганлик, бошқа учи эса ундан кетаётганлик кўринади, шу сабабдан уч 1 келувчи уч 4 эса кетувчи деб аталади. Юк кўтарувчи машиналарда ишлатиладиган тасмали тормозларнинг кетувчи учининг махкамланиш принципига кўра оддий, дифференциал ва жамловчи тормозларга ажратиш мумкин. Улар тасманинг ўралувчи учини маҳкамлаш усули билан бир-биридан фарқ килади. Оддий тормознинг келувчи учи 1, машинанинг қўзгалмас деталига маҳкамланган, кетувчи учи 4 эса бошқарувчи ричаг 6га маҳкамланган, бундай тормоз бир томонлама ишлайди, шунинг учун ундан шкив механизми фақат бир йуналишда айланиши лозим бўлган жойларда фойдаланилади.

22-расм. Оддий тасмали тормоз. 23-расм. Дифференциал тормоз. Дифференциал тормозда (23-расм) фрикцион лентанинг келувчи 1 ва кетувчи 4 учлари бошқарувчи ричаг 6 ўқининг ҳар томонидан маҳкамланади. Келувчи уч 1 тормоз шкиви 2 га лента 3 орасида ҳосил бўлган ишқаланиш кучи таъсирида тортилиб, уловчи куч Р ричаг 6 ни қайси томонга айлантирса, ўша томонга айлантиришга интилади. Бунда лентанинг учи қўшимча тарангланади. Щз-ўзидан тортилувчи дифференциал тормозлар тормозланганда валнинг бирданига тўхтаб қолиши, бунинг натижасида силташнинг кузатилиши, айланиш йўналиши ўзгартирилганда тормозланиш ҳаракатиинг кучсизланиши ва тормоз шкиви ҳамда тормоз устқўймасининг юқори даражада ейилиши каби камчиликлар туфайли кам ишлатилади.

Адабиётлар: 1. Р.Ж. Тожиев. Қурилиш машиналари Тошкент «Узбекистон» - 2000. 2. Фиделев А.О.,Чубук Ю. Ф. Строителгне машинқ, издание четвертое. Киев «Вусшая школа» - 1979. 3. Бауман В.А. строителне машин справочник в 2 – х томах 4 – издание. Москава «машиностроение» - 1976. 4. Тожиев Р.Ж., Турсунмуродов, К.Т., Услубий қўлланма «Қурилиш машиналир» фанидан Фарғона – 2002.

Похожие

Юк кўтариш ва монтаж қилиш машина ва механизмлари тўғрисида умумий маълумот

Қурилиш машиналар тўғрисида умумий маълумот

Минорали кранлар тўғрисида умумий маълумот

Транспортловчи машиналар тўғрисида умумий маълумот

Юк автомобиллаp ва тракторлари тўғрисида умумий маълумотлар