Лойиҳа бош архитекторининг ҳуқуқ ва мажбуриятлари - Архтектура - Рефераты

Лойиҳа бош архитекторининг ҳуқуқ ва мажбуриятлари

Загружено в:

20.09.2019

Скачано:

0

Размер:

54.5 KB

Лойиҳа бош архитекторининг ҳуқуқ ва мажбуриятлари Режа: 1. Умумий ҳолатлар. 2. Лойиҳа бош архитекторининг ҳуқуқлари.

Умумий ҳолатлар Мазкур низом янги қурилиш, ишлаб турган корхоналарни кенгайтириш, таъмирлаш ва техник жиҳатдан қайта жиҳозлаш, халқ хўжалиги ва саноат соҳаларидаги бино ва иншоотлар, шаҳарлар, шаҳар типидаги посёлкалар ва қишлоқларни (бундан кейин қурилиш объектлари) ни режалаш ва қуриш лойиҳасининг бош муҳандиси (бош архитектори) вазифаларини, ҳуқуқларини ва жавобгарлигини белгилаб беради. (КМК 1.03.09-97) Лойиҳа тадқиқод ташкилотининг ва лойиҳалаштирилаётган обектнинг ўзига хос томонларини ҳисобга олган ҳолда лойиҳанинг бош муҳандиси (бош архитектори)га кўшимча вазифалар ҳам юкланиши мумкин. Қўшимча вазифалар бош муҳандис (бош архитектор) билан тузиладиган меҳнат шартномасида (контракт) ўз аксини топиши лозим. Лойиҳанинг бош муҳандиси (бош архитектори) объект бўйича лойиҳа- смета ҳужжатларини тузиш, лойиҳа-тадқиқод ишларига техник раҳбарлик қилиш, бутун лойиҳалаштириш, қурилиш, объектни ишга тушириш ва лойиҳа қувватини ўзлаштириш даврида барча ишларни ташкил этиш мақсадида тайинланади. Конкрет объектни лойиҳалаштириш лойиҳа-тадқиқод ишларига техник раҳбарликни амалга ошириш, бутун қурилиш ишлари давомида, объектни ишга тушириш ва лойиҳа қувватига эришиш даврида ижрони ташкил этиш учун лойиҳа ташкилотининг фармойиши билан қуйидагилар тайинланади.  саноат, транспорт, алоқа, энергетика, қишлоқ хўжалиги ва сув хўжалиги объектларинй лойиҳалаштиришда-лойиҳанинг бош муҳандиси;  шунингдек, йирик ва мураккаб объектларни ҳамда уй-жой ва жамоат биноларини лойиҳалашда лойиҳанинг бош архитектори ва бош муҳандиси;  шаҳарларни, шаҳар ташқаридаги посёлкаларни ва қишлоқларни режалаштириш ва қуриш жараёнида - лойиҳанинг бош архитектори тайинланади. Агар объект лойиҳасига икки раҳбар тайинланса, у ҳолда етакчилик вазифаси фармойиш йўли билан улардан бирига юкланади. Бош лойиқа

ташкилоти корхоналар, бино ва иншоотлар, шаҳарлар, шаҳар типидаги посёлкалар ва қишлоқларни режалаштириш ва қуриш бўйича бутун мажмуа (комплекс) лойиҳанинг бош муҳандиси (бош архитектори) ни, субпудрат ташкилот эса, ўзи бажарадиган ишларга раҳбарлар тайинлайди. Зарурий ҳолларда, муҳим аҳамиятга эга бўлган объектларни лойиҳалашда лойиҳа бош муҳандисининг муовиии тайинланади. Лойиҳанинг бош муҳандиси (бош архитектори) ўзининг меҳнат фаолиятида амалдаги қонунчиликка; -халқ хўжалигининг турли соҳаларини жойлаштириш ва ривожлантириш режаларига; -туманни режалаштириш тархи ва лойиҳасига, шаҳарлар ва шаҳар типидаги-посёлкалар ва қишлоқларни режалаштириш лойиҳаларига, саноат марказларининг бош планларига; -халқ хўжалигининг турли соҳалари объектларини лойиҳалаштиришга доир асосий йўналишларидаги ҳужжатларга; -типовой лойиҳа каталогларига; идора ва давлат назорати органларининг меъёрий ҳужжатларига; -лойиҳа ташкилотининг меъёрий ва ҳуқуқий ҳужжатларига амал қилади. Лойиҳа бош муҳандиси (бош архитектори) масалалари ва вазифалари: -лойиҳа бош муҳандиси (бош архитектори)нинг асосий масалалари қуйидагилардан иборат: -лойиҳалаштирилаётган бино ва иншоотларда соғлом ва хавфсиз меҳнат ҳамда маиший шароит яратиш; -атроф муҳит муҳофазаси ҳамда объектнинг мустаҳкамлиги ва кўпга чидамлилигини таъминлаш; -қурилиш объектининг сифати масаласида истеъмолчи ва жамият ҳуқуқларини ҳимоя қилиш; -моддий, энергетик, меҳнат ва молия ресурсларини тежаш; -фан ва техника ютуқларини, илғор чет эл ва ватанимиз тажрибасини лойиҳалаштириш ва қурилиш амалиётига жорий этиш;

-шахарсозлик, ҳажмий-режавий ва конструктив лойиҳа ечимларининг юксак даражасига эришиш; -бозор иқтисодиёти шароитида яратилаётган лойиҳаларнинг рақобатбардошлигини таъминлаш. Асосий масалаларга мувофиқ равишда бош муҳандис (бош архитектор) зиммасига қуйидаги вазифалар юкланади: -лойиҳа маҳсулотига буюртма қабул қилишда иштирок этиш. -қурилиш майдончасини (трассасини) танлаш комиссиясининг ишларида иштирок этиш, бинони лойиҳалаштиришга тайёрлашда ҳамда янги қурилиш, таъмирлаш ва ишлаб турган корхоналар бинолар ва иншоотларни техник жиҳатдан қайта жиҳозлашга доир лойиҳа-смета ҳужжатларини тайёрлаш учун олиб бориладиган муҳандислик тадқиқот ишларини ташкил этишда қатнашиш. -объектлар бўйича олиб бориладиган илмий-тадқиқот конструкторлик ва лойиҳавий ишларнинг комплекс режасини тузишда иштирок этиш, буларда узоқ давр мобайнида ишланадиган, конструкцияланадиган ва тайёрланадиган янги технологик жараёнларни кўзда тутиш. Буюртмачи билан лойиҳа-кидирув ишлари тўғрисида шартнома тузиш учун тегишли маълумотларни тайёрлаш, ишнинг нархи ҳам шуларласига киради (субпудрат ташкилотлари бажарадиган ишларнинг муддати ва нархи кўрсатилган топшириқлар тайёрлаш); лойиҳа-смета ҳужжатларини тайёрлаш календар режасини тузиш. Лойиҳа устида ишловчилар жамоасини (бўлимлар, мутахассислар) шакллантиришда, лойиҳа ташкилотларида ўрнатилган тартибга кўра улар орасида иш ҳажмини тақсимлашда, ишни ташкил этиш ва ижросини назорат қилишда қатнашиш. Лойиҳанинг бутун комплекси бўйича лойиҳа ижросини муво- фиқлаштириш,буюртмачига лойиҳа-смета ҳужжатларини календар режада, кўзда тутилган муддатларда етказиб бериш, лойиҳа-кидирув ишларига сарф бўладиган маблағларни назорат қилиш.

Лойиҳаларни ва ишчи ҳужжатларни лойиҳа топишриғига тасдиқланган лойиҳага мос келишини таъминлаш; қабул қилинадиган лойиҳавий ечимларнинг техник ва иқтисодий даражасини назорат қилиш; энг мақсадга мувофиқ лойиҳавий ечимларни аниқлаш учун уларнинг зарурий вариантларини яратишни ташкил этиш. Лойиҳада илк бор қўлланилган ёки ишланган технологик жараёнлар, жиҳозлар, асбоблар, конструкциялар, ашё ва буюмларнинг патеит софлигини текширишни ташкил этиш. Амалдаги меъёрий ҳужжатлардан чекинган ҳолда бажарилган, аммо асосланган ечимларни давлат назорат органи ва уларни тасдиқлаган манфаатдор ташкилотлар билан расмийлаштириш. Лойиҳа-смета ва бошқа ҳужжатлар ҳажмини (пудратчи ва қурилиш ташкилотлари билан келишган ҳолда) қисқартириш типовой ҳамда қайта қўлланиладиган тежамкор лойиҳалардан, бирхиллаштирилган ҳажмийрежавий, конструктив ва технологик ечимлардан, тугунлардан, конструкция ва буюмлардан фойдаланиш. Лойиҳалаш ва қурилиш жараёнида объектни ишга тушириш ва лойиҳавий қувватга эришиш даврида вужудга келган муаммоларни ўз вақтида бартараф этиш. Объект қурилишига оид лойиҳа - смета ҳужжатлари меъёрлар, қоидалар ва давлат стандартларига мувофиқ равишда бажарилганлигини тегишли ёзувларда тасдиқлаш. Лойиҳа-смета ҳужжатларини бош пудрати қурилиш ташкилоти томонидан муҳокама этиладиган жараёнда иштирок этиш. Лойиҳани юқори ташкилотларда ва текширув органларида ҳимоя қилиш. Қурилиш жараёнида муаллифлик назоратини ташкил этиш ва амалга ошириш.

Буюртмачи билан келган ҳолда иш ҳужжатларини, қурилишнинг ҳолатини ҳисобга олиб, янги меъёрий ҳужжатларни кўпга кириши билан боғлиқ бўлган ўзгаришларни киритиш. Лойиҳанинг бош муҳандиси (бош архитектори) ҳуқуқлари Лойиҳанинг бош муҳандиси (бош архитектори) қуйидаги ҳуқуқларга эга: Муассасалар, ташкилотлар ва корхоналарда лойиҳа-смета ҳужжат- ларини тайёрлаш ва кўриб чиқишда тасдиқланган лойиҳа бўйича қурилиш ишларини ташкил этишда лойиҳа ташкилотининг вакили сифа- тида қатнашиш. Лойиҳалаштириш ва қурилиш жараёнларида, объектни ишга туши- риш ва лойиҳавий қувватга эришиш даврида-техник масалалар бўйича ечимлар қабул қилиш. Қурилиш-монтаж ишларининг айрим турларини бажаришда лойиҳадан четга чиқилса, техник шартлар ва қурилиш қоидалари бузилса ҳамда иш сифати паст бўлган ҳолларда ишни тўхтатиб қўйиш. Лойиҳа ташкилоти раҳбариятига объектларни лойиҳалаштириш, қуриш ва фойдаланиш бўйича янги ёки амалдаги меъёрий ҳужжатларни таҳрир этиш ҳақида таклиф билан мурожаат этиш. Лойиҳа ташкилотида қабул қилинган тартибга мувофиқ ижрочилар ўртасида маош тарқатиш, ходимларни мукофотлаш тўғрисида таклиф тайёрлаш ва лавозимини кўтаришда иштирок этиш. Лойиҳа бош муҳандиси (бош архитектори)нинг маъсулияти. Лойиҳанинг бош муҳандиси (бош архитектори) қурилаётган объектларнинг, техник-иқтисодий ва меъморий ечимининг савиясига, сифатига, ўз вақтида ишланиши ва лойиҳа-смета ҳужжатларининг бутлигига, мазкур низомга кўра унга юклатилган барча вазифаларни бажарилишига қонун олдида масъулдир.

Фойдаланилган адабиётлар: 1. КМК 1.03.09-97 . “ Лойиҳа бош архитектори ҳақида низом”

Похожие

Қурилиши тугалланган объектларни фойдаланишга топшириш

Қурилишни лойиҳа олди ҳужжатлар билан таъминлаш

Саноат бинолари бош режаси ва уларга куйиладиган талаблар

Муаллифлик назорати

Аҳоли пунктлари ва шаҳар атрофи зоналари ҳудудларидан фойдаланиш