Қурилиши тугалланган объектларни фойдаланишга топшириш - Архтектура - Рефераты

Қурилиши тугалланган объектларни фойдаланишга топшириш

Загружено в:

20.09.2019

Скачано:

0

Размер:

63 KB

Қурилиши тугалланган объектларни фойдаланишга топшириш Режа: 1. Қурилиши тугалланган объектларни фойдаланишга топшириш. 2. Ишчи ҳайъатлар, уларнинг хукуклари, вазифалари ва ишлаш тартиби. 3. Давлат қабул ҳайъатлари, уларнинг ҳукуклари, вазифалари ва иш тартиби

Қурилиши тугалланган объектларни фойдаланишга топшириш Ушбу меъёрлар ва қоидалар қурилиши тугалланган (қайта курилган, кенгайтирилган) объектларни (корхоналарни, уларнинг ишга тушириш мажмуаларини, биноларини ва иншоотларини) фойдаланишга қабул тартибини белгилаб берадилар. Ушбу ҚМҚ талабларига ва меъёрларига, мулкчилик шаклларидан қатъий назар, Ўзбекистон Республикаси ҳудудида қурилишлар олиб борувчи барча ташкилотлар (қўшма ва хорижийларни ҳам ҳисобга олганда) риоя қилишга мажбурдирлар. Объектларни ишлатишга қабул қилаётганда жорий қонунчилик талабларига ҳамда саноат тармоқлари бўйича маҳсулот ишлаб чиқаришнинг ўзига хос шароитларига эга бўлган, қурилиши тугалланган объектлар, шунингдек, Давархитектқурилишқўм, Ўзбекистон Касаба уюшмалар федерацияси кенгаши ва давлат назоратининг манфаатдор маҳкамалари билан келишилган ҳолда Ўзбекистон Республикасининг Вазирликлари ва иқтисодиётнинг бошқа тармоқлари бўйича қурилиши тугалланган объектларни фойдаланишга қабул қилиш коидаларига риоя қилиниши лозим. Ишлаб чиқаришга мўлжаланган объектларни техникавий қайта жиҳозлашдан сўнг ишлатишга қабул қилиш тегишли касаба уюшмаси ва давлат назоратининг манфаатдор маҳкамалари билан келишилган ҳолда вазирликлар, маҳкамалар, Қорақалпоқистон Республикаси Вазирлар маҳкамаси, вилоятлар ҳокимиятлари, Тошкент шаҳрида ўрнатилган талабларини ҳисобга олган ҳолда амалга оширилади. Агросаноат мажмуасининг қурилиши тугалланган объектлари Ўзбекистон Республикаси Вазирлар маҳкамаси Қарорларида белгиланган тартибда ишлатишга қабул қилинади. Корхона, цех, ишлаб чиқариш участкаси, бинолар ва иншоот- ларнинг зарурий мустаҳкамлиги ва барқарорлиги, портлаш ёнғинга ҳавфсизлиги, меҳнат иҳотаси ва хавфсизлиги талабларига мос тарзда уларда ишлаш шароитлари таъминланганида, шунингдек экологик хавфсизлик ва ишлаб

чиқариш санитарияси таъминланганидагина қабул қилиниши ва ишга туширилиши мумкин. Ушбу қурилиш меъёрлари ва қоидаларига мос тарзда ва вазирликнинг тегишли тармоқлари ва кичик тармоқларидаги ишлаб чиқариш ва маҳсулотни (ишларни, хизмат кўрсатишни) тақсимлаш хусусиятларини ҳисобга олган ҳолда маҳкамалар, тармоқлараро бирлашмалар, ассоциация ва концернлар, лозим бўлганда, ушбу қурилиш меъёрлари ва қоидаларида ўз аксини топмаган объектларни қабул қилишнйнг тармоқ қоидаларини ишлаб чиқадилар ва тасдиқлайдилар, шунингдек билан бирга, давлатлараро келишувлар ва шартномалар билан боғлик бўлган ҳолларда Ўзбекистон Республикасининг Давархитектқурилишқўмитаси, тармоқ касаба уюшмаларининг тегишли Республика кўмиталари ҳамда Давлат назоратининг манфаатдор маҳкамалари билан мувофиқлаштирилиши лозим. Қурилиши тугалланиб, фойдаланишга тайёрланган объектларни буюртмачи (қурувчи) тасдиқланган лойиҳага мос тарзда давлат қабул ҳайъатига қабулга тақдим қилиши лозим. Объектларни давлат ҳайъатларига тақдим қилгунларигача, буюртмачи (қурувчи) томонидан тайинланган ишчи ҳайъатлар қуйидагиларни текширишлари лозим: объектлар ва ўрнатилган ускуналарнинг лойиҳаларига мослиги, бажарилган қурилиш-йиғиш ишларининг қурилиш меъёрлари ва коидаларига мослиги, ускуналарни синашлар ва мажбурий ишлатиб қуриш натижаларини, объектларнинг ишлатишга ва маҳсулот чиқаришга, шу жумладаи, уларда хавфсизлик техникаси ва ишлаб чиқариш санитариясининг талабларига мос тарзда уларда меҳнат шароитларини таъминлаш бўйича тадбирларнинг бажарилганлигини ҳам ҳисобга олган ҳолда, тайёрлиги, қўлланилаётган қурилиши тугалланган объектларда йўл қўйилиши мумкин бўлган радон концентрациясига оид далолатномалар; радиациявий хавф туғдирадиган қурилиш материалларидан қурилишда фойдаланишни тақиқлаш, табиий муҳитнинг, ҳудуднинг ва фавқулодда вазиятларда вужудга келувчи хавфли омилларнинг мумкин бўлган тазйиқидан шу соҳада яшовчи

аҳолининг ҳимояси таъминланганлиги ва фақат шундан кейингина объектни давлат қабул ҳайъатига тақдим учун қабул қилиш лозим. Ишлаб чиқариш мақсадли объектларда ускуналарни ишчи маромларда мажмуий синаш натижаси сифатида бошланғич даврда лойиҳавий қувватларни ўзлаштириш меъерларига мос ҳажмда лойиҳада кўзда тутилган маҳсулотни ишлаб чиқариш қабул килиниши лозим. Ишлаб чиқариш ва ёрдамчи хизматли қўшилган ва унда қурилган хоналар, алоҳида турувчи бинолар ва иншоотлар, объект таркибига кирувчи аҳолини фуқаро ҳимояси иншоотлари (хоналари) объектни қуриш жараёнида ишга туширилиши лозим бўлганда, улар тайёр бўлиши билан ишчи ҳайъатлар томонидан фойдаланишга қабул қилиниб (бунда ишчи ҳайъат далолатномаси соҳавий бўйсуниш бўйича юқоридаги ташкилотлар ишлаб чиқариш объектлари учун тасдиқланади), келгусида уларни бутун объектни қабул қилувчи Давлат қабул ҳайъатига тақдим қилинади. Ишчи ҳайъатлар, уларнинг хуқуқлари, вазифалари ва ишлаш тартиби Ишчи ҳайъатлар буюртмачи (қурувчи) ташкилотнинг қарори (буйруғи, фармойиши ва б.) билан тайинланади. Ишчи ҳайъатларнинг ишлаш тартиби ва давомоти бош пудратчи билан келишилган ҳолда буюртмачи (курувчи) томонидан тайинланади. Ишчи ҳайъатлар таркибига буюртмачи (курувчи) - ҳайъат раиси, бош пудратчининг, кичик пудратчи ташкилотнинг, ишлатувчи ташкилотнинг, бош лойиҳаловчининг, туман архитекторининг, санитария назоратининг маҳкамаларининг, давлат ёнғин назорати органларининг, Давархитектқурилиш назорати органларининг, фавқулодда, вазиятлар Вазирликларининг, шаҳар, вилоят ёки республика табиатни муҳофазалаш кўмиталарининг, меҳнат бош Давлат техник инспекторининг, буюртмачи ёки ишлатувчи ташкилот касаба ташкилотининг вакиллари киритилади. 1.7-бандда кўрсатилган бинолар, иншоотлар ва хоналарни фойдаланишга қабул қилишда ишчи ҳайъатлар ишида қатнашишга қўшимча равишда

манфаатдор ташкилотлар ва назорат маҳкамаларининг вакиллари жалб килинади. Ишчи ҳайъатларнинг Бош пудратчининг объектнинг ёки ускунанинг топширишга тайёрлиги ҳақида ёзма хабарномаси олинганидан сўнг, беш кун муҳлатдан кечикмасдан тузилади. буюртмачи давлат ҳайъатига объектларни фойдаланишга қабул қилиш учун тақдим қилгунча, ишчи ҳайъатлар қуйидагиларга мажбурдирлар: а) бажарилган қурилиш-йиғиш ишларининг меҳнат муҳофазаси, портлашга хавфсизлик, аварияларни олдини олиш ва техноген характеридаги фавкулодда вазиятлар, атроф табиий муҳитнинг ҳимояси ҳамда стандартнинг лойиҳа-смета ҳужжатларида, қурилиш меъёрларида ва ишларни бажариш коидапарида, лозим бўлганда конструкцияларни назоратий синашларни ўтказишни ҳисобга олган ҳолда нозилзилали тадбирларни ўтказиш лойиҳасига мослигини текшириш; б) ускуналарни 1-мажбурий иловада келтирилган шаклда тузилган далолатнома бўйича мажмуий синашга топшириш учун якка синовлардан сўнг, қабулини бажариш; в) ускунани 2-мажбурий иловада келтирилган шаклда тузилган далолатнома бўйича мажмуий синашдан, сўнг қабулини амалга ошириш ҳамда уни Давлат қабул ҳайъатига такдим қилиш мумкинлиги ҳақида карор қабул қилиш; г) бино ва иншоотларнинг айрим конструкциялари, тугунларини текшириш ҳамда бино ва иншоотларни Давлат қабул ҳайъатига тақдим учун қабул қилиш; д) Давлат қабул ҳайъатига фойдаланишга тақдим қилинувчи ишлаб- чиқариш вазифали объектларнинг бошланғич даврда лойиҳавий қувватларни ўзлаштиришнинг тегишли меъёрларидаги.ҳажмда лойиҳада кўзда тутилган маҳсулотларнинг чиқарила бошланишига ёки хизматлар кўрсатишга, узлуксиз ишлашга ва лойиҳавий қувватларни меъёрий муддатларда ўзлаштиришга тайёрлиги текширилиши, хусусан, объектни

ишлатувчи ходимлар билан таъминланганлиги, маҳсулот ишлаб- чиқаришнинг технологик ҳужжатлар, энергия ресурслари, ашёлар, яримфабрикатлар ва жамлавчи буюмлар билан таъминланганлиги ҳамда маҳсулотни тарқатиш имкони, шунингдек ишлатувчи кадрлар билан, хизмат кўрсатиш учун зарур бўлган санитария-маиший хоналар, овқатланиш пунктлари ва жамоат бинолари билан таъминланганлиги текширилиши лозим. Давлат қабул ҳайъатлари, уларнинг хукуклари, вазифалари ва иш тартиби Ишлаб-чиқариш вазифаси ноёб ва жуда муҳим объектларнинг фойдаланишга қабулини Ўзбекистон Республикаси Вазирлар Маҳкамаси томонидан тайинлаган давлат қабул ҳайъатлари бажаради. Ижтимоий-маиший, турар-жой-фуқаро хизматли ноёб ва алоҳида муҳим объектларни ишлатишга қабули Вазирликлар, маҳкамалар ва ҳокимиятларнинг такдимотига кўра Ўзбекистон Республикаси Вазирлар Маҳкамаси тайинлаган давлат қабул ҳайъатлари томонидан фойдаланишга қабул қилинади. Ишлаб-чиқариш ҳизматли (4.2 бандда кўрсатилганидан ташқари) мураккаб объектларнинг, шунингдек экспериментал объектларнинг, уларнинг сметавий баҳосидан қатъий назар, фойдаланишга қабул қилиш Ўзбекистон Республикаси вазирликлари ва маҳкамалари тегишли тармоқлар бўйича тайинлаган объектлар бўйича давлат қабул ҳайъатлари томонидан бажарилади. Маҳкамавий оидлигидан катъий назар, турар-жой бинолари, ётокхоналар, мактабгача болалар муассасалари, умумтаълим мактаблари биноларининг, шунингдек бюджет маблағларига курилган турар-жой-фуқаро хизматли барча объектларнинг фойдаланишга қабул қилишни ҳокимиятлар тайинлаган (4.3-бандда кўрсатилганлардан ташқари) давлат қабул ҳайъатлари амалга оширади.

Қурилиши хусусий инвестициялар ҳисобига амалга оширилган объектларнинг фойдаланишга қабул қилишни ушбу КМК асосида буюртмачи томонидан тайинланган қабул ҳайъатлари бажариб, уни далолатнома тарзида расмийлаштиради. Ишлаб-чиқариш хизматли объектларнинг фойдаланишга қабул қилишда давлат қабул ҳайъатлари таркибига қуйидагилар киритилади: буюртмачи (қурувчи)нинг, фойдаланувчи ташкилотнинг, бош пудратчининг, ҳокимиятнинг, бош лойиҳачининг, Давархитектқурилиш назоратининг, Давлат санитария назорати ташкилотларининг, Давлат ёнғин назоратининг, фавкулодда вазиятлар бўйича Вазирликнинг, атмосфера ҳавосининг ҳимояси бўйича Давлат инспекциясининг, гидрометеорология ва муҳитнинг назорати инспекциясининг, Давлат меҳнат бош техник ииспекторининг, буюртмачи (курувчи) ёки фойдаланувчи ташкилот касаба уюшмасининг ҳамда молиявий таъминловчи банкнинг вакиллари. Typap-жой-фуқаро хизматли объектларни фойдаланишга қабул қилишда давлат қабул ҳайъатлари таркибига қуйидагилар киритилади: буюртмачи (қурувчи)нинг, ишлатувчи ташкилотнинг, бош пудратчининг, лойиҳа муаллифининг, Давлат архитектура қурилиш назорати ташкилотларининг, давлат санитария назорати ташкилотларининг, давлат ёнғин назорати ташкилотларининг, Почта ва телекоммуникация Узбек агентлйги корхоналарининг, буюртмачи (курувчи) ташкилот касаба уюшмасининг ёки касаба уюшмалари кенгашининг вакиллари. Кўрсатилган давлат қабул ҳайъатлари таркибига шунингдек қабул пайтида қуйидагилар киритилади: -сув олиш ва сувни чиқариб ташлаш билан боғлиқ бўлган объектларнинг сувдан фойдаланишни ростлаш ва ҳимоялаш ташкилотларининг вакиллари; -технологик ускунали объектларнинг - давлат бош меҳнат техник инспектори вакиллари;

-Республика Давшахтехназорати ташкилотлари назорат қиладиган объектларнинг вакиллари; -ижтимоий-маиший ва маданий хизматли объектларнинг - Ўзбекистон ногиронлари жамияти вакиллари; - аҳолини фуқаро ҳимоясининг қўшилган иншоотли (хонали) ёки алоҳида курилаётган иншоотлари объектларининг фавқулодда вазиятлар Вазирлиги вакиллари. Ишлаб-чиқариш хизматли мураккаб объектларни, шунингдек экспериментал объектларни фойдаланишга қабул қилишда уларнинг смета қийматидан катъий назар, давлат қабул ҳайъатларининг раислари сифатида вазирликлар ва буюртмачи маҳкамаларнинг раҳбар ходимлари ёки уларга бевосита қарам бўлган корхоналар, муассасалар ва ташкилотларнинг раҳбари тайнланади.

Фойдаланилган адабиётлар ШНК 3.01.04-04. «Қурилиши тугалланган объектларни фойдаланишга топшириш.»

Похожие

Муаллифлик назорати

Қурилиш ва қурилиш монтаж ташкилотларида қурилишни амалга ошириш

Шаҳар, қишлоқ аҳоли пунктларидаги ер ва бино - иншоотларга бўлган хуқуқларни давлат рўйхатига олиш тизими

Давлат органларининг шаҳарсозлик фаолияти соҳасидаги ваколатлари

Қурилишни лойиҳа олди ҳужжатлар билан таъминлаш