Beton va temirbeton ishlarini majmuali bajarish - Архтектура - Рефераты

Beton va temirbeton ishlarini majmuali bajarish

Загружено в:

21.05.2023

Скачано:

0

Размер:

403 KB

Beton va temirbeton ishlarini majmuali bajarish Reja: 1. Majmuali jarayon tarkibi 2. Beton ishlarini mexanizatsiyalash

Majmuali jarayon tarkibi Monolit temirbeton konstruksiyalarni barpo etish majmuali jarayoni texnologik bog’langan va kema-ket bajariladigan oddiy jarayonlardan tashkil topgan: • qolip va havozalarni o’rnatish; • armatura montaji; • qo’yma detallarni montaji; • beton qorishmasini joylash va zichlash; • yozda betonni parvarishlash va qishda qotishini tezlashtirish; • qolipni ko’chirish; • ko’p hollarda yig’ma konstruksiyalarni montaj qilish mavjud. Betonni qolipdan ko’chirish mustahkamligiga erishganiga qadar ketgan vaqt, umumiy texnologik siklga kiradi. Oddiy jarayonlar tarkibi, ularning mexnat sarfi va bajarilish ketma-ketligi barpo etilayotgan monolit konstruksiyalarni turi va o’ziga xosligi, qo’llaniladigan mexanizmlar, qolip turlari va ishlarni bajarishni mahalliy o’ziga xosligiga bog’liq. Xar qaysi oddiy jarayonni majmuali (kompleks) brigadaga birlashgan ixtisoslashgan zvenolar bajaradi. Ishlarni oqim usulida bajarish uchun inshoot balandligi bo’yicha yaruslarga, reja bo’yicha qamrovlarga bo’linadi. Yaruslarga bo’lish – betonlash chog’ida tanaffuslar bo’lishi mumkinligi va harorat va ishchi choklar xosil qilinishi mumkinligini nazarda tutilgan xolda balandlik bo’yicha qirqim. Odatda bir qavatli binolar ikki yarusga bo’linadi, birinchisiga – poydevorlar, ikkinchisiga –karkasning qolgan xamma konstruksiyalari kiradi. Ko’p qavatli binolarda to’liq qavat yopmalar bilan yarus sifatida qabul qilinadi. Yarus balandligi 4 m oshishi ma’qul emas, chunki katta balandlikda va jadal betonlash chog’ida joylanayotgan beton qorishmasidan qoliplarga ta’sir etuvchi yon bosim oshib ketadi. Qamrovlarga bo’lish –gorizontal qirqim bo’lib, u qo’yidagilarni taqoza qiladi: • xar qaysi oddiy jarayondagi mexnat sarfini tengligi va ruxsat etilgan og’ish 25% dan ko’p bo’lmasligini;

• qamrovning (ishchi uchastkani) eng kichik o’lchami – zvenoni bir smena davomidagi ishiga tengligini; • qamrov o’lchami, tanaffussiz betonlanayotgan yoki ishchi choklari xosil qilinayotgan blok kattaligi bilan bog’lanishini; • ob’yektdagi qamrovlar sonini oqimlar soniga teng yoki karrali bo’lishini. Zveno ishchilarni smena o’rtasida bir qamrovdan boshqa qamrovga o’tishlari ma’qul emas. Qamrovlarning o’lchamlari odatda bino seksiyasining uzunligiga yoki konstruktiv elementlar – poydevorlar, ustunlar, boshqa konstruksiyalarning to’liq soniga, yoki uchastkalarni ishchi va harorat choklari uchun muljallangan chegaralariga mos kelishi kerak. Oqim usuli bilan betonlash ishlarini majmuali jarayonini bajarishni aniq tashkil etish uchun kerak: • har qaysi jarayonni mexnat sarfini aniqlash; • ob’yektni xar bir jarayon uchun mexnat sarfi yaqinroq bo’lgan, zveno uchun smena davomida bajaradigan ishlari yetarli bo’lishi kerak bo’lgan yarus va qamrovlarga bo’lish; • ritm oqimini va umumiy optimal ish muddatini aniqlash; • qolip, armatura va beton qorishmani ish joyiga uzatib beradigan jixozlarni aniqlash va ma’ulini tanlash; • aloxida jarayonlarni mexnat sarfini, qabul qilingan oqim ritmini nazarda tutib zarur ishchilar sonini aniqlash va zveno va brigadalarni tuzish; • majmuali jarayonga taqvimiy(smenali) grafik tuzish. Oqimlarni birlashtirish variantlari ham bo’lishi mumkin. Ko’p hollarda bitta oqimda qoliplar o’rnatiladi va birdaniga armatura montaj qilinadi. Ba’zida ajratish ham mumkin, bunda devorlarni va yopmalarni betonlash va ular bilan bog’liq jarayonlar aloxida oqimlarga ajratiladi. Monolit konstruksiyalarni barpo etish majmuali jarayonida yetakchi jarayon bu betonlash. Bu jarayon o’zaro bog’liq tashish, ish joyiga uzatish, qabul qilish va beton qorishmasini zichlash operatsiyalaridan iborat. Betonlashni uzaro texnologik bog’liqlikda bo’lgan qolip va armatura ishlarini bajarish muddatlariga ta’siri bor.

Shuning uchun ritmik oqimni ta’minlash uchun mehnat sarfi bir xil bo’lmagan har turli jarayonlarni, zvenolar tarkibi xam turli songa ega bo’lib bajarilganda ishlarni bir xil davomiyligi (betonlash davomiyligi) qabul qilinadi. Imkon boricha ishlarni bajarish texnologiyasini, bir necha variantlarini ishlab chiqish kerak va optimal texnik – iqtisodiy ko’rsatgichli variantni qabul qilish kerak. Ishlarni bajarishni loyihalanayotganda betonlash va konstruksiyalarni montaj qilish jarayonlarini imkon boricha birinchi smenada bajarishni nazarda tutish kerak. Ishlarni loyihalashni asosiy prinsipi: nechta jarayon bo’lsa shuncha qamrov (ishchi uchastka, betonlanadigan bloklar) bo’lishi kerak. 1−jadval- da devorlari monolit yopmalari yig’ma bir seksiyali ko’p qavatli to’rar-joy binosini barpo etishning ishlarni bajarish grafigi keltirilgan. Ishlarni loyihalashda xamma qurilish jarayonlarini to’rtta majmuali jarayonga birlashtirish, qavat – qamrov taxminan bir xil ish xajmli (mehnat sarfini 25% chegarasida) 4 ta ishchi uchastkalariga bo’linish nazarda tutilgan. Bunda qolipga bo’lgan extiyoj ham 4 martaga qisqaradi. Ishlarni bajarish grafigi loyihalanayotganda quyidagilar nazarda tutiladi, ishlarini majmuali brigada ikki smenada bajaradi, betonlash ishlari ega faqat birinchi smenada olib boriladi. Montaj faqat “bo’sh vaqt” bo’lganda, ya’ni texnologiya bo’yicha qushni uchastkada betonni qotishi nazorat qilinayotganda bajarilishi mumkin. Yoz paytida devordagi monolit beton qorishmasini qotishi uchun, qolipni ko’chirishgacha, bir sutka yetarli, lekin yig’ma konstruksiyalarni montaj qilish uchun kamida ikki sutka kerak. Bir uchastkadagi ishlarni davomiyligi – uchastkada devorlarga qolip o’rnatish boshlangandan to, qo’shni uchastkadagi devorga qolip o’rnatish boshlangunga qadar ketgan vaqt olinadi, va qolip komplekti bitta bo’lganda 4 va 3 kun, agarda ikkita komplekt bo’lganda− 2; 1,5 va

1 kun davom etadi. Bu ritmda qamrovdagi ishlarni bir komplektlida 16 va 12 kun, ikki komplektlida 8; 6 va 4 kun davom etishi muljallanadi. Hisob bo’yicha ikkita ishchi uchastkada qolip komplektni qo’llash va unga mos keluvchi grafik loyihalanganda nazarda tutilgan (2-jadval). Ikkita qolip komplekti bilan ishchilar soni o’zgarmagan xolda – 10 odam smenada, beton qotishi uchun yaxshi sharoit ta’minlanadi (qolipni ko’chirish ikki sutkadan so’ng), qamrovdagi ish sikli 12 kundan 8 kunga kamayadi, betonlash va montaj ishlarini faqat birinchi smenada olib borish mumkin.

Beton ishlarini mexanizatsiyalash Beton qorishmasi beton zavodlarida tayyorlanadi. Agarda ob’yektga, bir oyda 3000 m 3 ortiq beton zarur bo’lsa unda qurilish maydonini o’zida beton zavodini qurish iqtisodiy maqsadga muvofiqdir. Beton qorishmasini tashish . Beton qorishmasini iste’molchiga, ya’ni beton ishlari zonasiga, avtobetontashigichlarda yoki avtobetonqorgichlarda yetkazib beriladi. Avtobetontashigich – usti ochiq, kuzovining hajmi 3...5 m 3 li samosval bo’lib, odatda beton zavodidan qurilish maydonigacha bo’lgan yo’l 10 daqiqagacha bo’lganda foydalaniladi. Avtobetonqorgichlar – ular MAZ, KamAZ (kichik hajmlar uchun) va «Reno», «Mersedes» (katta hajmlar uchun) avtomobillariga o’rnatilgan 5...8 m 3 hajmli beton qorgichdan iborat. Bu avtobetonqorgichlar ikki rejimda ishlaydi: birinchisida xaydovchini komandasi bilan beton qorishmasi majburlab aralashtiriladi, ikkinchisida beton qorishmasi avtomobilni xarakati chog’ida aralashtiriladi. Beton qorishmasini joylashtirish. Beton qorishmasi konstruksiyaga turli usullar bilan uzatiladi: lotok bo’ylab, yuk ko’taruvchi mexanizmlar va betononasoslar bilan. Birinchi ikki usul smenada 50 m 3 gacha beton joylashtirish kerak bo’lganda qo’llaniladi, uchinchisi esa xamma xajmlarda, lekin iqtisodiy jihatdan smenada kamida 45 m 3 beton qorishmasi joylashtirilganda maqsadga muvofiq. Beton qorishmasini lotok bilan uzatish, avtobetonqorgich betonlanayotgan konstruksiya sathidan yuqorida joylashish imkoni bor holda qo’llaniladi, misol uchun poydevor plitasini betoni qo’yilganda va avtomobilni kotlovan ichiga kirish imkoni bo’lganda. Lotoklar uzunligi 6 m gacha bo’lgan namga chidamli fanerlardan yoki metall listlardan tayyorlanadi. Beton qorishmasi bad’ya va bunkerlar bilan ish joyiga uzatilganda yuk ko’taruvchi mexanizmlardan foydalaniladi. Badyalar 0.3...1 m 3 sig’imga ega bo’lib va betonni uzatish qulay bo’lishi uchun “ryumka” shaklida ishlangan, va uni to’liq bo’shatish uchun unga vibrator o’rnatilgan.

Beton qorishmasini joylashtirishda betononasoslar eng keng tarqalgandir. Smenadagi beton qorishmasini joylash hajmi 80 m 3 gacha bo’lganda KamAZ, MAZ, «Mersedes» avtomobillar bazasi asosidagi avtobetonanasoslar qo’llaniladi. Avtobetonnasoslar yuklanuvchi bunker, nasos va tarqatuvchi strela bilan jihozlangan. Beton qorishmasi, vertikal (80 m gacha) va gorizontal (360 m gacha) yo’nalish bo’yicha uzatiladi. Qurilish ob’yektida beton sarfi smenada 60 m 3 yuqori bo’lsa va hamda baland qavatli (20 qavatdan ko’p) binolarni barpo etishda komplektida tarqatuvchi betonjoylashtirgichga ega statsionar betononasoslar qo’llaniladi. 1-rasm. Turli xil texnologik komplektlar bilan beton qorishmasi joylashtirilganda nisbiy tannarxning o’zgarish grafigi: 1− “Shtetter” betonanasosi SB – 69 betonoqorgich bilan; 2 − Shuning o’zi, ABN va SB – 69 bilan; 3 − “kran - badya” sxemasi; 4 − lentali betonjoylagich LBU -20 va SB – 69. 1-rasmda turli texnologik mashina komplektlari bilan beton qorishmasini konstruksiyaga uzatishdagi nisbiy tannarxlarni solishtirish keltirilgan.

Adabiyotlar : 1. Bozorboy е v N. Bino va inshootlarni barpo etish t е xnologiyasi. I-qism. o’quv qo’llanma Toshk е nt, 2000. 2. Bozorboy е v N., Sobirov M. Bino va inshootlarni barpo etish t е xnologiyasi. II-qism. o’quv qo’llanma Toshkеnt, 2000. 3. Технология возведения зданий и сооружений: Учеб. для строит, вузов/ В.И. Теличенко, О.М. Терентьев, А.А. Лапидус— 2-е изд., перераб. и доп.— М.: Высш. шк., 2004. — 446 с; ил. 4. Технология строительного производства. Учебник, (С.С. Атаев, Н.Н. Данилов, Б.В.Прыкин и др.) М., Стройиздат, 1994. 5. Технология строительного производства (О.О.Литвинов и др.) Киев, Высшая школа. 1995. 6. Хамзин С. К., Карасев А. К. Технология строительного производства. Курсовое и дипломное проектирование. Учеб. пособие для строит, спец. вузов. — М.: ООО ≪ БАСТЕТ ≫ , 2006. - 216 с.: ил 7. Бозорбоев Н., Бозорбоев Ф. Бино ва иншоотларнинг ер остки қисмини барпо этиш технологияси. Ўқув қўлланма. Тошкент, 2003. 8. Швиденко В.И. Монтаж строительных конструкций. Уч. пос. М., Выс. школа, 1987. 9. Матвеев Е.П. Реконструкция жилых и гражданских зданий.— М.: ГУЛ ЦПП, 1999.

Похожие

O’ta baland binolarni barpo etish

G’isht devorli binolarni barpo etish

Monolit betondan binolarni barpo etishning qurilish – konstruktiv o’ziga xosligi

Binolarni rekonstruksiyalash texnologiyasi

Ekstremal sharoitlarda bino va inshootlarni barpo etish