Qur`oni karim va axodisi nabaviya

Загружено в:

08.09.2022

Скачано:

0

Размер:

2095 KB

Скачать

Qur`oni karim va axodisi nabaviya REJA: 1. Qur`oni Karim haqida. 2. Tafsir va mufassirlar. 3. Hadis va muhaddislar.

Islom dini arab adabiyoti oldida yangi ufqlarni ochib, unga yangi tushunchalarni kiritdi. U arab tilini yangi ma`nodash so`zlar bilan boyitdi. Qur`oni Karim arab tili va adabiyotiga juda katta ta`sir kursatdi. Qur`oni Karim - musulmonlarning muqaddas kitobi hisoblanib, uni yana al-Furqon yoki al-Mushaf ham deb ataydilar. U 114 suradan iborat bo`lib, shulardan 92 tasi Makkai mukarramada va 22 tasi Madinai munavvarada nozil bo`lgan. Mazkur suralar oyatlarga bo`linadi. Qur`oni Karimni xotirasida saqlagan Rasulullohning sahobalari va shogirdlari og`zidan yozib olinganlari 632 yili Xalifa Abu Bakr Siddiq (raziallohu anhu) zamonlarida to`plangan. Qur`oni Karim 645 yili xalifa Usmon ibn Affon (r.a.) zamonlarida to`la-to`kis xolda qo`lyozma xoliga keltirilgan. Qur`oni Karim fasohat va balog`at bobidagi eng oliy namuna hisoblanib, arab tilining sof saqlanishiga va arab davlatlariga yoyilishiga sabab bo`ldi. Qur`oni Karim arab tili grammatik shakllarining takomillashishi va lug`at tarkibining yanada boyishiga katta hissa qo`shdi. Qur`oni Karim musulmon dini ilmlari fiqh (musulmon xuquqshunosligi), tafsir va arab tili sarfi-nahvi, maoniy va bayon ilmlarining asosi hisoblanadi. HADIS VA MUHADDISLAR Islom dinida Qur`oni Karim eng mo`tabar va har sohada murojaat manbai bo`ladigan kitob bo`lsa, undan keyin Rasulullohning hadislari turadi. Zotan ul zoti bobarokot aytganlar:

“Ey ummatlarim! Men sizlar uchun Qur`oni Karim bilan o`zimning sunnatim- yo`l-yo`riqlarimni qoldirdim. Sizlar shu ikkalasini qattiq ushlab ularga amal qilsangiz to`g`ri yo`ldan aslo adashmaysiz”. Shu andisha nuqtai nazardan qarasak paygambarimizning hayotlik chog`larida aytgan so`zlari, qilmishlari, ko`rsatma- yo`llanmalari, pand-nasihat-u o`gitlari - bular hammasi hadis yo sunnat bo`lavergan va shunday deb atalgan. Chunki har bir musulmon kundalik xayotida duch keladigan turli-tuman xolatlarda, ayniqsa, qiyin bir vaziyat yuz berganda mana shu sunnatlarga rioya va amal qilishni o`zining burchi va ixtiyori deb biladi. Islomning dastlabki yillarida hadislarni saqlab qolish ularni muttasil yodlab borish bilan amalga oshirilar edi. Ko`pchilik saxobalar yetarli darajada savodli bo`lishlariga qaramay hadislarni o`z vaqtida yozib bormaganlar. Bunga Paygambarning hadislarini yozib borishlikni man etganliklari asosiy sabab bo`lgan. O`z xotiralari quvvatiga ishongan saxobalar ularni yodlab boraverganlar va shu tarzda avloddan-avlodga yetkazish mumkinligiga ishonganlar. U davrlarda kishilarning hurmat ehtirom qilinishi , obru-e`tibor qozonishi uning yodlangan va ma`nosini o`zlashtirgan Qur`on oyatlari va hadislarining soni bilan belgilanar edi. Vaqt o`tishi bilan Qur`oni Karim va axodisi Nabaviyani yod biladigan kimsalar birin-ketin dunyodan ko`z yumib , ularning soni borgan sari kamayib borayotgani ma`lum bo`la boshlaydi. Shu boisdan hadislarni xatga tushirish va to`plash orqali kelajak avlodlar uchun ma`naviy meros qoldirish xarakatiga asos solindi. Bu ishga ayniqsa hijratning ikkinchi asridan boshlab jiddiy kirishildi. Uchinchi asrda esa, Imom al-Buxoriy (810-869), Imom Muslim (819-874)lar o`zlarining Islom olamiga mashhur bo`lgan

“al-Jome`-as- saxix” kitoblarini yozdilar. Shu tariqa hadislar birinchi marta bob va bo`limlarga bo`lindi. Bularga ergashib Abu Iso Muhammad at-Termiziy. Abu Dovud Sulaymon as-Sijistoniy, Imom Ahmad an-Nasoiy, Imom ibn Mojja al-Qazviniy kabi yirik zotlar yetishib chiqdilar va ular ham “as-Saxix”yo “as-Sunan” nomi bilan hadislar to`plamini yozdilar. Islom tarixiga oid kitoblarda hadislar asosan Muhammad Payg`ambar vafotidan keyin yozila boshlangani va Muhammad Alayhis-salomga payg`ambarlik uning qirq yoshida nasib bo`lganligi qayd qilinadi. Shunga ko`ra Qur`oni Karim oyatlari Rasululloh umrlarining oxirigacha, ya`ni 23 yil mobaynida turli munosabatlar bilan nozil bo`lib turgan bo`ladi. Saxobalar bu oyatlarni maxsus saxifalarga yozib borganlar. Ilk muxaddislardan biri Abu Said al-Xudriy Payg`ambardan hadislarni yozib borishga ruxsat so`raganda, rad javobini olganligi tarix manbalaridan ma`lum. Ilk yozilgan xadislar katoriga Muxammad Payg`ambarning xorijiy o`lkalarga (Vizantiya imperatoriga, Eron shoxiga, Misr va hindiston hukmdorlariga) yo`llagan maktublari ham kiradi. Undan tashqari ko`plab vasiqa va hujjatlar ham bo`lganki, ular ham ilk bor yozilgan hadislardan hisoblanib, ularda islomga da`vat, odamlarni ma`lum vazifalarga tayinlash, yer va undan olinadigan soliqlar, imon va tavsiya maktublari, Payg`ambarga kelgan xatlarga javoblar aks etgan. hijriy III asr (IX-melodiy) boshlariga kelib, hadis haqida ko`plab kitoblar yozila boshladi. Xadis ilmining bu “Oltin asri”da al -Buxoriy, Muslim, an-Nasoiy, Abu Dovud, At-Termiziy, Ibn Mojja kabi imomlar “al-Jome`” va “as-Sunan”nomli kitoblarini yozganlar. Bu asarlar “Kutubi sitta” (“Olti kitob”) nomi bilan mashxurdir.

IMOM AL- BUXORIY Imom Abu Abulloh Muhammad ibn Ismoil ibn Ibrohim ibn al- Mug`ira al-Buxoriy 194/810 yili Buxoroda tug`ilgan. U o`n yoshidayoq o`z diyoridagi muxaddislardan xadis eshitib, uni yodlashga kirishgan va 11 yoshida ba`zi ustozlarining xatolarini topa boshlagan. U 16 yoshida muxaddislardan Abdulloh ibn Muborak va Vaqi` ibn al-Jarroxlarining hadis kitoblarini to`la yod bilgan. So`ngra onasi va akasi Ahmad bilan haj safariga boradi va haj marosimlari tugagach, onasi va akasidan izn so`rab, hadislarni to`plash maqsadida Makkada qoladi. 18 yoshida saxoba va tobeinlarning rivoyat qilgan xadislarini to`plab “Tarix” nomli kitob yozadi. Imom al-Buxoriy yangi hadis axtarib bir necha o`lkalarda- Kufa, Basra , Xijoz, Misr, Suriya mamlakatlarida bo`lgan va ularning ba`zilarida uzoqroq istiqomat qilgan. U yerlarda ko`plab muxaddislar bilan tanishadi va ulardan eshitgan hadislarini o`z kitobi “Al -Jome` as-Sahih”ga kiritadi. Bu asar Islom olamida eng mashhur bo`lgan va buyuk ulamolar tarafidan Qur`ondan keyingi eng to`g`ri kitob deb tan olingan va “Kutubi sitta”ning eng mashhuri hisoblangan. Imom al-Buxoriyning bu asari mashhur muxaddislar ko`rigidan utgan, kitobda keltirilgan rivoyatlar borasida birortasi xam ixtilofga uchramagan va allomalarning barchalari bir ovozdan ma`qul topganlar. Imom Muxammad al-Buxoriy hayri-saxovtli kishi bo`lgan. U otasi Shayx Ismoiyldan qolgan meros mollarining katta qismini faqiru miskinlar va tolibi ilmlarning hojatlarini ravo qilish uchun sarf etgan. Imom al-Buxoriy 20 yoshidan boshlab kitob ta`lif eta boshlaydi. Ul zotning “Al-Jome` as-Sahih”(“Ishonchli to`plam”)idan tashqari yigirmaga yaqin kitobi bo`lgan. Ammo

$ularning bir qismigina qo`lyozma shaklida mavjud bo`lib, qolganlarining nomlarigina ma`lum xolos. Al-Buxoriy hadis rivoyat kilgan shaxslarning tarjimai xolini to`plab, bu sohada qiymati zo`r bo`lmish va ko`pchilik hadischilar murojaat qiladigan asar ”at- Tarix al-Akbar” (“Eng katta tarix”)ini yozadi. Keyinchalik muallif bu kitobini qisqartirib “At-Tarix as-Sig`ar”(“Kichik tarix”) nomi bilan atagan va bu asar 1325\1907 yilda hindistonda 251 sahifa bo`lib bosilgan. Kitob so`ngiga al-Buxoriyning “Kitob az-Zuafo” (“Zaiflar kitobi”)ni ham ilova qilingan. Imom al-Buxoriy hijriyning 256 yili 30 ramazon (31 avgust 869)ida vafot etadi. Manbalarda ko`rsatilishicha, u kishi ozg`indan kelgan, o`rta bo`yli, tabiatan o`ta muloyim, taqvodor, juvonmard sifat bir zot bo`lganlar. IMOM AT-TERMIZIY VA UNING “AS-SUNAN” ASARI Abu Iso Muhammad ibn Iso ibn Savro as-Sulamiy al-Bug`iy at-Termiziy 209\824 yili Termiz shahridan taxminan ellik chaqirimlar masofada bo`lgan Bug` (hozirgi SHerobod) qishlog`ida tavallud topgan bo`lsa-da, unib o`sishi, ilmlarni egallashi va istiqomati Termizda bo`lgan. Tarixiy manbalarning shohidlik berishicha, o`sha davrlarda Termiz ilm-fan taraqqiy etgan markazlardan bo`lganligi ma`lumdir. At-Termiziy yoshlik chog`idanoq hadis mutoalaasiga kirishib, o`qigan va eshitgan barcha fikr mulohazalarini maxsus qog`ozga batartib yozib borar edi. Ustozi Imom al-Buxoriy at- Termiziyning hadislarni sinchiklab o`rganishdagi nodir qobiliyatini, quvvai xofizasi, ilm va taqvodagi ustunligini tan olgan va unga shoxidlik bergan. Mashhur muxaddislarning ko`plari Imom at- Termiziyning hadis ilmining takomillashtirish va uni kelgusi avlodlarga sof xolda yetkazishdagi xizmatlarini yuqori baholaganlar. Xadis olimlaridan Abdurahmon ibn Muxammad al-$ $Idrisiyning ta`biricha, at-Termiziy “Xadis bobida iqtido kilinadigan imomlardan biridir”. At-Termiziy fiqh-islom konunshunosligi boblariga moslab tasnif kilgan “as-Sunan” nomli kitobi tegishli mavzularni o`z ichiga atroflicha qamrab olganligi sababli “al-Jome` as-Sahih”deb ham shuhrat topgan. Buasar 1867-68 yili Mirtoxda tosh bosmada,292\1876-77 yili ikki jild bo`lib Kohirada nashr etilgan.Bu asarda takror hadislar uchramasligi, o`tmish muxaddislar asarlarida zikr kilinmagan “Manoqib” va “Tafsiri Qur`on”boblarini kengaytirib berilganligi mazkur kitobning qimmatini yanada oshiradi. Kitobdagi hadislar uch guruhga bo`linadi:cahih, hasan, zaif. har bir hadisni zikr qilgach, qaysi guruhga mansub ekanligi aytib ketiladi. Birinchi va ikkinchi o`rinlarni al-Buxoriy va Muslimning “al- Jome` as-Sahih”kitoblari olsa, at-Termiziyning “Sunan”i mazkurlardan keyingi kitob hisoblanadi. Imom at-Termiziy o`zining shoh asarini yozib tugatgach,uni zamonasining mashhur ulamolariga ko`rsatadi va ularining roziligini oladi. Umrining oxirgi yillariga kelib at-Termiziyning ko`zlari ojiz bo`lib qoladi va 279\892 yili ona shahri Termizda vafot etadi. Imom at-Termiziyning “Sunan” asaridan tashqari yana quyidagi kitoblar yozgani ma`lum: 1. “Kitob at-tarix”(“Tarix kitobi”); 2. “Kitob al-ilal” (“Nuqsonlar kitobi”); 3.” Kitob ash-Shamoil an - Nabaviya”(“Payg`ambarning axloq va odoblariga oid kitob”); 4.”Kitob az zuhd” (“Zohidlik haqida kitob”) 5. “Kitob al-asmo va al-kunya” (“Roviylarining ism va laqablari haqida kitob”) va boshqalar. At-Termiziy asarlariga ko`plab sharh va hoshiyalar bitilgan.$

Qur`oni karim va axodisi nabaviya

08.09.2022

0

2095 KB

Похожие