10-11-mavzu O'zbek xalq ertaklari sujetlari asosida miniatyura usulida illyustratsiya ishlash 6-sinf - Изобразительное искусство - Учебники (по школьные предметы)

10-11-mavzu O'zbek xalq ertaklari sujetlari asosida miniatyura usulida illyustratsiya ishlash 6-sinf

Загружено в:

13.09.2022

Скачано:

0

Размер:

638.5 KB

6-sinf tasviriy san’at darsligi asosida 10-11-mavzu: O'zbek xalq ertaklari sujetlari asosida miniatyura usulida illyustratsiya ishlash

Qadrli o'quvchilar, siz yoshligingizdan O'zbek xalq ertaklarini eshitib, o'qib o'rgangansiz. Bulardan "Zumrad va Qimmat", "Ur to'qmoq", "Ochil dasturxon" va boshqalari mashhur. Ertaklar orqali biz yaxshi bilan yomonni, oq-qorani ajratib olamiz. Ertaklar bizni ezgu ishlar, yaxshilik, adolat, ezgulik, albatta, g'alaba qilishiga ishontiradi va yo'naltiradi. Ba'zi ertaklar ota-ona, ustoz va kattalarning so'ziga quloq solishga, ularni hurmat qilishga o'rgatsa, ba'zi ertaklar doimo to'g'ri so'zlashga, adolatli, mehribon bo'lishga o'rgatadi.

Yana shunday ertaklar borki, bilimdon, hunarli, mehnatsevar, tadbirkor bo'lishga, muammolarni aql bilan o'ylab, do'stlar bilan maslahatlashib hal qilishga o'rgatadi. Biz O'zbek xalq ertaklari sujetlariga miniatyura usulida illyustratsiya ishlash uchun ertak asosida ishlangan miniatyura kompozitsiyalarini tahlil qilishimiz, kuzatishimiz zarur bo'ladi.

Mana bu ertak asosida ishlangan miniatyuralarga e'tibor bering. 60-rasmdagi O'zbek xalq ertaklari asosida chizilgan kompozitsiyalarni rassom Telman Muhamedov ishlagan.

Biz avvalgi darslarda miniatyura asarlari elementlaridan nusxa ko'chirgan edik. Mana shu o'zlashtirgan bilim va malakalarimizga, rassomlar tomonidan ertaklarga ishlangan asarlardan olgan taassurotlarimizga tayanib, O'zbek xalq ertaklari uchun miniatyura usulida illyustratsiya ishlaymiz.

13-amaliy mashg'ulot O'zbek xalq ertaklari uchun miniatyura usulida illyustratsiya ishlash Miniatyura usulida illyustratsiya ishlaganingizda quyidagi umumiy qoidalarni unutmang! 1. Yaqindagi narsalar qog'oz pastiga, uzoqdagi narsalar qog'ozning yuqori qismiga chiziladi. 2. Narsa va odamning rasmini chizishda yaqindagi va uzoqdagi o ' lchovlari o ' zgarmaydi . 3. Perspektiva qoidasiga amal qilinmaydi.

60-rasm. Izzatilla Nurullaev. Namunaviy illyustratsiya.

2-nazorat ishi

Qadrli o'quvchilar, siz awalgi darsda ertak uchun miniatyura usu lida kompozitsiya tuzishda minia tyura asarlari namunalaridan daraxt, suv, tog', tosh, hayvonlar, qushlar, odamlar kabi elementlar nusxasini ko'chirish orqali to'plagan tajribangizga tayandingiz. Shu o'rgangan elementlardan foydalanib O'zbek xalq ertaklariga miniatyura usulida illyustratsiyalar ishladingiz. Bugungi darsda berilgan nazorat ishini bajarish uchun, awalgi darslarda egallagan bilimlaringizga tayaning. Miniatyura asarlaridagi elementlar daraxt, suv, tog', tosh, jonivorlar, odamlar tasvindan foydalanib, Sharq mumtoz adabiyoti sujetlar asosida miniatyura usulida kompozitsiya tuzing. Kompozitsiya tuzishda quyidagi qoidalarga rioya qiling.

1. Kompozitsiyangiz uchun sujet tanlang. 2. Kompozitsiyani xomaki chizgilar asosida chizib oling. 3. Suratning atrofiga qo'shimcha detal va narsalar (o'simlik, daraxt, suv, tog’, hayvonlar)ni chizing. 4. Ishlangan sujetli kompozitsiyangizni miniatyura asarini bo ' yash qoidalariga asoslanib bo ' yang .

5. Yorqin ranglar bilan bo'yab, gelli to'q rangdagi ruchka yordamida suratlar chegarasini chizib chiqing. Sharq mumtoz adabiyoti sujetlari asosida rassomlar tomonidan ko'plab illyustratsiyalar ishlangan.

Mazkur kompozitsiya rassom Kamoliddin Behzod tomonidan ishlangan bo'lib, "Iskandar tog'da zohid huzurida" deb nomlangan bu surat Nizomiyning "Xamsa" asari sujeti asosida chizilgan.

Похожие

Miniatyura ishlash uchun qutilar tayyorlash va kompozitsiya ishlash 6-sinf

Sharq miniatyura san'ati 6-sinf

22-23-mavzu Tarixiy portret ishlash 6-sinf

25-26-27-mavzu Xotiradan mavzuli natyurmort ishlash 6-sinf

17-18-mavzu Rangtasvirda sujetli kartina eskizini ishlash 6-sinf