25-26-27-mavzu Xotiradan mavzuli natyurmort ishlash 6-sinf - Изобразительное искусство - Учебники (по школьные предметы)

25-26-27-mavzu Xotiradan mavzuli natyurmort ishlash 6-sinf

Загружено в:

13.09.2022

Скачано:

0

Размер:

563 KB

6-sinf tasviriy san’at darsligi asosida 25-26-27-mavzu:

Qadrli o'quvchilar, siz awalgi darsda natyurmort va natyurmort kompozitsiyasini tuzishda nimalarga e'tibor berishni bilib oldingiz. Shuningdek, rassomlar tomonidan ishlangan natyurmort kompozitsiyalarini tahlil qilib o'rgandingiz. Bugungi darsimiz xotiradan mavzuli natyurmort ishlash bo'lib, siz berilgan mavzulardan birortasiga natyurmort kompozitsiyasini xotiradan tuzishingiz kerak bo'ladi.

Namunaviy mavzular bilan tanishib chiqing. Mavzular ichidan birortasini tanlab, mavzu asosida xotiradan eskizlar chizing. Eskizlarni umumlashtirib, xotiradan mavzuli natyurmort tuzing. Natyurmortni xotiradan tuzayotganingizda o'rgangan bilimlaringizga asoslaning:

 buyumlarni chizishda simmetriya chizig'idan foydalanish;  tasvirlayotgan buyum va narsalar fazoviy holatini ko'rsatish uchun ularni ufq chizig'idan pastroqda chizish;  katta buyum va narsalarni orqaroqda, kichik narsalarni esa oldinroqda tasvirlash;  to'q buyum va narsalarni och fonda, och tusdagi narsalarni esa to'q fonda tasvirlash;

 natyurmortdagi birinchi reja stol yuzasini ko'rsatish;  natyurmortni 3-4 ta buyum yoki narsadan tuzish;  natyurmortdagi buyumlar hajmini ko'rsatish uchun yorug' soyadan foydalanish;

32-amaliy mashg'ulot Xotiradan mavzuli natyurmort ishlash

MIFOLOGIK MAVZUDA SUJETLI KARTINA ISHLASH

Qadrli o'quvchilar, siz awalgi chorakda adabiy asar sujeti asosida, bahorgi ishlar mavzusi bo'yicha sujetli kompozitsiyalar eskizlarini ishladingiz. 4-nazorat ishidan oldingi darsda esa tarixiy mavzuda sujetli kartina kompozitsiyasini yaratishni o'rgandingiz. Bugungi darsda siz afsonaviy mavzuda sujetli kartina kompozitsiyasini tuzishni o'rganib olasiz.

Mifologik mavzuda ishlangan sujetli kartinalarda dev, ajdar, suv parilari, qor malikasi kabilar tasvirlanadi. Shuningdek, xalq og'zaki ijodi asosida yaratilgan dostonlardagi Alpomish, Go'ro'g'li kabi obrazlarning tasviri yaratiladi. Rassomlar tomonidan ishlangan mifologik mavzulardagi asarlarni kuzating. Asarlardagi afsonaviy voqea va obrazlardan rassom tuzgan kompozitsiyani tahlil qiling. Rassom g'oyasi va fikrini o'rganing.

33-amaliy mashg'ulot O'zingiz bilgan afsonaviy asar mavzusini tanlang. Mavzu asosida afsonaviy obraz va voqea aks etgan sujetlarning xomaki chizgilanni ishlang. Misol uchun, Semurg', Bunyod va Parizot afsonasi uchun sujet tanlashimiz mumkin. Sujetda afsonaviy obrazlar harakatini aks ettiramiz. Bunyod bilan devning jangi chizadigan kartinamiz uchun bir sujet bo'la oladi.

118-rasm. Pavel Voronkin. Nodiraning she'rlar kitobiga illyustratsiyalar.

MENING SAN'ATIM TENGDOSHLARIM NIGOHIDA (YAKUNIY DARS)

O'quvchilarning tasviriy san'at faniga bo'lgan qiziqishlarini oshirishda, ularning ijodiy ishlarini rag'batlantirishda, o'quvchilar egallagan bilim, ko'nikma, malakalarni mustahkamlashda yakuniy dars jarayonida tashkil etiladigan ko'rgazmalarning ahamiyati kattadir.

O'quvchilar ishlaridan ko'rgazma tashkil etishning bir necha turlari bor: 1. O'quvchilarning dars jarayonida bajargan eng yaxshi ishlari bo'yicha xirniimiy tanlab olingan rasmlar ko'rgazmasi; 2. Tasviriy san'at to'garagiga qatnashadigan maktabdagi iqtidorli bir necha o'quvchilar ishlaridan tashkil topgan rasmlar ko'rgazmasi; 3. Maktab miqyosida tasviriy san'atdan mavzu bo'yicha tanlov e'lon qilinib, tanlovga yig'ilgan namunali rasmlardan tashkil topgan ko 'rgazmalardir.

O'quvchilar ishlaridan tashkil topgan ko'rgazmalarni turlicha stend shaklida yoki stendsiz devorga joylashtirish mumkin. O'quvchilar tomonidan ishlangan rasmlar A-4 o'lchamida chizilgan bo 4 lsa, stend shaklida joylashtirish maqsadga muvofiqdir. Agar maktabdagi iqtidorli o'quvchilar tomonidan ishlangan surat A-2 o'lchamida chizilgan bo'lsa, katta o'Ichamdagi rasmni yog'ochdan, kartondan tayyorlangan ramka (bagetga) o'rnatib, devorning o'ziga joylashtirib osiladi. O'quvchilarning yil davomida bajargan ishlarini ko'rgazmaga tayyorlash uchun awalo rasm daftardagi har bir ish ko'rib chiqiladi.

Qog ' ozga yaxshi joylashtirilgan , bo ' yalgan ishlar tanlab , ajratiladi . Suratning yon tomonlariga eni 1 sm hoshiya chizib olinadi . Saralab ajratilgan ishlarning har birini to ' rt chekkasiga eni 2 sm oq qog ' ozdan hoshiya yelimlanadi . Hoshiyasi yelimlangan suratning hajmi kattaroq ko ' rinadi , shuningdek , estetik jihatdan rasmni chiroyli ko ' rsatadi . Stend suratlarni joylashtirishda surat ranglariga e'tibor beriladi. Och rangda ishlangan rasm ko'rgazma stendining yuqori qismiga, to'q rang gammasida ishlangan suratlar stendning pastki qismiga joylashtiriladi. Har bir chizilgan suratning pastki o'ng burchagiga surat mavzusi va o'quvchining ism-familiyasi yozib qo'yiladi.

O'qituvchi yozuv taxtasiga stendning xomaki eskizini chizadi. Sarlavha yozib o'quvchilar tayyorlagan ishlarni yig'ib, skotch bilan yozuv taxtasida stendning eskizini hosil qiladi. O'quvchilar ko'rgazma stendini tomosha qilib, o'z tengdoshlari ijodi bilan tanishadilar. Olingan taassurotlar esa o'quvchilarni yangi ijodiy izlanishga yo'naltiradi. Qadrli o'quvchilar, siz 6-sinfda tasviriy san'atdan san'atshunoslik asoslari, naturaga qarab tasvirlash, kompozitsion faoliyat yo'nalishlari bo'yicha juda ko'p mavzularni o'rganib, o'zlashtirib oldingiz. Choraklarning asosiy mavzularidan bo'lgan I chorakda "O'rta asrlar san'ati", II chorakda "Sharq miniatyura san'ati", III chorakda "Dastgoh rangtasviri", IV chorakda "Tasviriy san'atda sujetli kartinalar" haqidagi san'at sirlari bilan tanishdingiz.

Ko'rgazmaga olingan ishlaringizdan 6-sinf vazifa va topshiriqlarini qanchalik o'zlashtirib olganingizni anglash mumkin. Siz 7-sinfda hozirgacha olgan bilimlaringizni yanada boyitib, I chorakda "San'atda oqim va yo'nalishlar", II chorakda "Amaliy bezak va dizayn san'ati", III chorakda "Me'morlik san'ati", IV chorakda "Kitobat san'ati" kabi asosiy mavzular bo'yicha yangi bilim va malakalarni egallaysiz.

Похожие

15-16-mavzu Natyurmort kompozitsiyasi 6-sinf

22-23-mavzu Tarixiy portret ishlash 6-sinf

Rangtasvir yoki qalamtasvirda 2-3 figurali mavzuli kompozitsiya ishlash 6-sinf

17-18-mavzu Rangtasvirda sujetli kartina eskizini ishlash 6-sinf

Haykaltaroshlikda lirika va dramatizm, 2-3 figurali mavzuli kompozitsiya ishlash (sport, san'at) 6-sinf