15-16-mavzu Natyurmort kompozitsiyasi 6-sinf - Изобразительное искусство - Учебники (по школьные предметы)

15-16-mavzu Natyurmort kompozitsiyasi 6-sinf

Загружено в:

13.09.2022

Скачано:

0

Размер:

788.5 KB

6-sinf tasviriy san’at darsligi asosida 15-16-mavzu: Natyurmort kompozitsiyasi

Natyurmort - fransuzcha "jonsiz tabiat" degan ma'noni bildiradi. Unda gullar, mevalar, sabzavotlar, uy-ro'zg'or buyumlari, qush va kichik hayvon tulumlari va boshqalar tasvirlanadi. Natyurmort XVII asrning boshlarida Gollandiyada paydo bo'lgan. Natyurmort kompozitsiyasi tuzilganda boshqa janrlar kabi o'zida biror mazmunni, maqsadni ifodalaydi.

Natyurmort kompozitsiyasi deganda, mavzu asosida chizish uchun stol yuzasiga buyum va narsalarning oqilona tuzib joylashtirilishi nazarda tutiladi. Kompozitsiya san'atning juda ko'p tur va janrlarida mavjud bo'lib, u rassomning g'oyasini tanlagan sujetlar orqali ifodalab beradi.

Natyurmort kompozitsiyasini tuzishda kichik narsalarni oldinroqda, yirik buyum yoki narsalar esa orqaroqda qo'yilishi maqsadga muvofiq bo'ladi. Natyurmortga fon tanlashda och tusli yorqin rangdagi buyum yoki narsalar uchun to'q fon, to'q tusli natyurmort tuzilmasi uchun ochroq fon tavsiya etiladi.

Natyurmortdagi buyum yoki narsalarning fazoviy holatini va mato qo'yilgan stol yuzasini ko'rsatib tasvirlash uchun, kompozitsiyani ufq chizig'idan pastroqqa qo'yish kerak. Mavzu asosida natyurmort kompozitsiyasi tuzilgandan so'ng, u yaxshilab kuzatiladi va taxminan 7x4 sm kichik o'Ichamda natyurmortning xomaki tasviri chizib ko'riladi.

Uni qog'ozga joylashtirish eng muhim vazifalardan biri hisoblanadi. Qog'ozda birinchi reja stol yuzasi va natyurmortning umumiy o'lchami - eni, balandligi qog'ozda belgilanadi. Keyingi bosqichda undagi narsalarning alohida o'lchovi belgilab olinadi.

Natyurmort chizishning keyingi bosqichida simmetrik narsalar uchun simmetriya chizig'ini, narsalar shaklining fazoda joylashishi va perspektiv qisqarishini ko'rsatishga e'tibor qaratiladi. Yordamchi chiziqlar asosida joylashtirib, qurib, olingan natyurmortni ortiqcha chiziqlari o'chirib tashlanadi.

Bosqichli namunaviy natyurmort.

U qalam bilan aniq qilib chizib qo'yiladi. Undagi buyum va narsalarning yorug' soyasi, refleksi, tushuvchi soyasi, blik qismi, yarim soyasi grafikada yoki rangda tasvirlanib, ularning hajmi ko'rsatiladi. Natyurmort asliga o'xshashi uchun, chizilayotgan rasmning asli bilan rangi, shakli va yorug' soyasini tez-tez solishtirib turish kerak.

94-rasm. Qudratilla Mirahmedov. "Chinni choynakli va milliy ko'zachali natyurmortlar"

19-amaliy mashg'ulot Silindr va piramidadan tuzilgan natyurmort eskizini ishlash

Takrorlash uchun savollar: 1. Natyurmort atamasi qanday ma'noni bildiradi? 2. Natyurmort qachon va qayerda pay do bo'lgan? 3. Natyurmort kompozitsiyasi qanday tuziladi? 4. Natyurmortdagi hajm qanday ko'rsatiladi? 5. "Chinni choynakli va milliy ko'zachali natyurmortlar“ kim tomonidan ishlangan?

"BAHORGI ISHLAR" MAVZUSIDA SUJETLI KARTINA ESKIZINI ISHLASH 3-NAZORAT ISHI Nazorat ishini bajarish uchun sujetli kartina yaratish mavzusi bo'yicha olgan bilimlaringizni hamda "Bahorgi ishlar" mavzusida ishlagan sujetli kompozitsiya eskizlaringizni eslang. Dalalarda, mahallalarda, tomorqalarda, hovlilarimizda bahor arafasi amalga oshiriladigan ishlar asosida eskizlar ishlang.

Eskizlarda mehnat jarayonini, obrazlar harakatini aks ettiring. Sujetli kartina kompozitsiyasini tuzishda qisqa vaqtda bajariladigan xomaki rasmlar chizish qoidalariga suyangan holda tasvirlang.

Похожие

25-26-27-mavzu Xotiradan mavzuli natyurmort ishlash 6-sinf

15-mavzu O'zbekiston kitob grafikasi san'ati 7-sinf

16-mavzu Kitob grafikasi san'atining badiiy-grafik elementlari 7-sinf

6-mavzu O'zbekiston naqsh ramzlari 7-sinf

22-23-mavzu Tarixiy portret ishlash 6-sinf