Nasos stansiyasi binolari - Melioratsiya - Slaydlar

Nasos stansiyasi binolari

Yuklangan vaqt:

06.06.2023

Ko'chirishlar soni:

0

Hajmi:

2265.2822265625 KB

Ko'chirib olish

Mavzu: Nasos stansiyasi binolari.

Reja: 01 02 03 Nasos stansiya binosining vazifasi va tasnifi. Har xil turdagi binolarni qo‘llash sharti. Chuqurlashtirilmagan - yer usti nasos stansiya binolari konstruksiyalari. Kamerali nasos stansiyalari binosi. Blokli nasos stansiyalari binolari.

Nasos stansiya binosining vazifasi va tasnifi. Asosiy va yordamichi jihozlarni, so‘rish va ko‘tarish quvurlari qisimlarini, xizmat xonalarini o‘ziga joylashtiruvchi nasos stansiyasi binosining turi, bajarayotgan vazifasi va uzatayotgan suv sarfi miqdoridan taщqari quyidagi faktorlarga bog‘liqdir:  nasos stansiyasi binosining suv olish inshootiga nisbatan joylashi-shiga (birgalikda yoki alohida); • nasos agregatlari konstruksiyasiga (harakatga keltiruvchi sistemani - dvigatelni gorizantal yoki vertikal o‘rnatish); • asosiy nasoslarning kavitatsiya va energetik xarakteristikalariga (mumkin bo‘lgan so‘rish, balandligi, ishga tushirish shartlari); • suv manbasi rejimiga (suv sathlarining o‘zgarib turishi, ifloslanish darajasi, loyq va qumlar miqdori, qish faslidagi sharoitga va boshqalarga);

• nasos stansiyasi quriladigan joyning geologik va gidrogeologik sharoitiga (stansiyaning asosiga, yer osti suvlarining borligi va joylashish chuqurligiga); • ob - havo sharoitiga; • qurilish ishlarini bajarish texnologiyasi va ishlatiladigin qurilish materiallariga. Nasos stansiyasi va uning ayrim konstruksiyalarini tanlashda, asosiy nasoslarni suv manbasidagi yoki suv kabul kilish kamerasidagi suv satxiga nisbatan joylashishi katta ahamiyatga ega. Nasos stansiyasi binosining yer yuziga nisbatan joylashishiga qarab, yer ustidagi (chuqurlashtirilmagan) va chuqurlashtirilgan stansiyalarga bo‘linadi. davomi

Har xil turdagi binolarni qo‘llash sharti. Nasos stansiyalari binolarining turlari avvalambor manbadagi suv sat-hining tebranishi(ko‘tarilib-tushishi)ga bog‘liq. Manbadagi suv sathi kam (1-2 m atrofida) o‘zgarib tursa nasos stansiyasi binolari yer ustiga quriladi va nasos agregatlari musbat so‘rish balandligi bilan o‘rnatiladi. Suv sathi juda ko‘p (4-6 m va undan ortiq) o‘zgarsa, unda nasos stansiyasi binolari chuqurlashtirilib quriladi. Nasos agregatlari manfiy so‘rish balandligi bilan o‘rnatiladi.

Chuqurlashtirilmagan - yer usti nasos stansiya binolari konstruksiyalari. Yer ustida qurilgan nasos stansiyasi binolari, suvni, suv sathlari unchalik o‘zgarmaydigan ochiq suv manbalaridan oladi. O‘rnatilgan nasoslar musbat so‘rish balandligiga ega bo‘lganligi uchun, ularni maksimal suv sathidan ham yuqoriga joylashtirish mumkin. Suv manbasining qirg‘oqlari tik va stansiya quriladigin joy mustahkam tuproqdardan tashkil topgan bo‘lsa, nasos stansiyasi binosi bilan suv olish inshooti birgalikda quriladi (66-rasm). 66-rasm. Suv olish inshooti bilan birgalikda qurilgin yer usti (chukurlashtirilmagan) nasos stansiyasi binosi: 1 - avankamera; 2 - suv olish kamerasi; 3 - so‘rish quvuri; 4 – markazdan qochma nasos; 5 - bosim quvuri; 6 - stansiya binosi.

Nasos stansiyasi va suv olish inshooti alohida qurilgan holatda, nasos agregatlari, stansiya binosi umumiy poydevori bilan bog‘lanmagan alohida poydevorlarga o‘rnatiladi. Poydevor sathi doimo manbadagi suv sathi va yer osti suv sathidan yuqorida joylashadi (67-rasm). Yer ustidagi nasos stansiyalari binosiga odatda gorizontal valli nasos agregatlari o‘rnatiladi. 67-rasm. Nasos stansiyasi va suv olish inshooti alohida-alohida qurilgan yer usti (chuqurlashtirilmagan) nasos stansiyasi binosi. 1 -avankamera; 2 - suv olish kamerasi (nasos kamerasi); 3-so‘rish quvurlari; 4, 9 - o‘tish konuslari; 5 - binoning lentasimon poydevori; 6 – markazdan qochma nasos; 7 - nasos agregata poydevori; 8-zadvijka; 10 - bosim quvurlari; 11-nasos stansiyasi binosi; 12 - telefer uchun monorelslar.

Chukurlashtirilgan nasos stansiyasi binolari. Ochiq suv manba’lari sato‘larining o‘zgarib turishi, nasoslar so‘rish qobiliyati(baladligi)dan katta bo‘lsa, nasos stansiyasi minimal suv sathlaridan pastga joylashtiriladi. Shuning uchun bu turdagi stansiyalar chuqurlashtirilgan nasos stansiyalar deyiladi. Chuqurlashtirilgan nasos stansiyasi binosi, yer osti va yer usti qismlarga bo‘linadi. Yer osti qismining konstruksiyasiga nisbatan, stansiya binosi kamerali va blokli turlarga bo‘linadi.

Kamerali nasos stansiyalari binosi. Kamerali turdagi nasos stansiyalari «quruq kamerali» (68 va 69-rasmlar) va «ho‘l kamera li» (70 va 71-rasmlar) stansiyalarga bo‘linadi. Kamerali nasos stansiyasining yer osti qismiga nasoslar joylashtirilishi (quruq kamerali) yoki suv qabul qilinishi (ho‘l kamerali) mumkin. Kameraning asosi yaxlit temir-beton plitadan iborat bo‘ladi.

68-rasm. Suv olish inshooti bilan birgalikda qurilgan quruq kamerali chuqurlashtirlgan nasos stansiyasi binosi:1-suv olish inshooti; 2- so‘ruvchi quvurlar; 3- markazdan qochma nasos; 4-bosimli quvurlar; 5-stansiyaning yer osti (quruq kamerali) qismi; 6-stansiyaning yer usti qismi;

69-rasm. Suv olish inshootidan alohida qurilgan quruq kamerali chuqurlashtirilgan nasos stansiyasi binosi: 1-suv olish inshooti; 2-so‘ruvchi quvurlar; 3-nasoslar; 4-bosimli quvur-lar;5- stansiyaning yer osti (kamerali) qismi;6- stansiyaning yer usti qismi;

Quruq kamerali nasos stansiyasi binosi suv olish inshooti bilan bir-galikda (68-rasm) yoki undan alohida qurilishi mumkin (69- rasm). Ikkala holatda ham suv nasoslarga so‘rish quvurlari orqali uzatiladi. Quruq kamerali yoki quruq xonali nasos stansiyalari uchun hohlagan turdagi nasosni tanlash mumkin. Ho‘l kamerali stansiyalar uchun esa, o‘qiy yoki chuqurlikda ishlaydigan markazdan qochma nasoslardan foydalaniladi.

Ho‘l kamerali nasos stansiyalari ko‘pincha suv olish inshooti bilan birgalikda quriladi. Bunday holatda nasos agregatlari, kamera yuqorisidagi quruq xonaga (70-rasm) yoki kameraning o‘ziga (71-rasm) joylashtiriladi.

70-rasm. Agregatlari kamera yuqorisidagi quruq, xonaga joylashtiril-gan ho‘l kamerali nasos stansiyasi binosi. 1-suv olish inshooti; 2- ho‘l kamera; 3-so‘rish quvurlari; 4-o‘tish quvuri; 5-vertikal joylashgan markazdan qochma nasos; 6-bosimli quvurlar; 7-val; 8- nasos joylashtirilgan quruq xona; 9- elektrodvigatel; 10- stan-siyaning yer usti qismi.

71-rasm. Agregatlari ho‘l kameraning o‘ziga joylashtirilgan nasos stansiyasi binosi: 1-suv olish inshooti; 2-ho‘l kamera; 3-so‘rish quvurlari; 4-o‘qiy nasos; 5-bosimli quvurlar; 6- elektrodvigatel; 7-stansiyaning yer usti qismi;

Blokli nasos stansiyalari binolari. Chuqurlashtirilgan blokli turdagi nasos stansiyalariga kuchli, vertikal, markazdan qochma yoki o‘qiy nasoslar o‘rnatiladi. Bu nasoslar ish g‘ildiragiga suv bir tomonlama, murakkab shaklda egilgan so‘rish quvurlari orqali uzatiladi. Uzatish quvuri yaxlit beton plitalar orasiga joylashgan bo‘lib, binoning yer osti qismini tashkil qiladi. Bu turdagi bino odatda suv olish inshooti bilan birgalikda quriladi. (72-rasm).

72-rasm. Chuqurlashtirilgan blokli nasos stansiyasi binosi: 1-suv olish inshooti; 2-uzatish quvurlari; 3-nasos; 4-bosim quvur- lari; 5-elektrodvigatel; 6-stansiyaning yer usti qismi.

THANK YOU Insert the Subtitle of Your Presentation

O'xshashlar

Sug‘orish nasos stansiyasi bosim quvuri hisobini gidravlik zarbaga takomillashtirish (Galabek nasos stansiyasi misolida)

Nasos stansiyasi yer osti qismida devorlaridan suv sizilishiga qarshi qo’llaniladigan texnologiyalar va qurilmalar

Nasos stansiyasining suv energetik hisobi

Sug'orish tizimlaridagi nasos stansiya gidrobo'g'ini

Nasos stansiyalaridan foydalanishni tashkil etish asoslari. Nasos stansiyalaridan foydalanish to’g’risida umumiy ma’lumotlar