Fuqarolarning o‘zini-o‘zi boshqarish organlari 2 - Huquqshunoslik - Slaydlar

Fuqarolarning o‘zini-o‘zi boshqarish organlari 2

Yuklangan vaqt:

30.05.2024

Ko'chirishlar soni:

0

Hajmi:

231.5517578125 KB

Ko'chirib olish

Fuqarolarning o‘zini-o‘zi boshqarish organlari

1. O‘zini o‘zi boshqarish organlarinining huquqiy asosi, uni tuzish tartibi va vakolatlari; 2. Fuqarolar yig‘ini raisi; 3. Fuqarolarning o‘zini o‘zi boshqarish organlarining tarkibiy tuzilmalari, ularning vakolatlari; 4. O‘zini o‘zi boshqarish organlarining davlat organlari bilan o‘zaro munosabati.Reja:

Fuqarolarning o‘zini o‘zini boshqarish organlari faoliyatining huquqiy asosi 1. O‘zbekiston Respublikasi Konstitutsiyasi 127-moddasi; 2. “Fuqarolarning o‘zini o‘zi boshqarish organlari to‘g‘risida”gi Qonun; 3. “Fuqarolar yig‘ini raisi saylovi to‘g‘risida”gi Qonun; 4. “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida” Prezident Farmoni

O‘zini o‘zi boshqarish organi Shaharchalar, qishloqlar va ovullarda, shuningdek shaharlar, shaharchalar, qishloqlar va ovullardagi mahallalarda fuqarolarning yig‘inlari o‘zini o‘zi boshqarish organlari bo‘lib, ular raisni saylaydi. (O‘zbekiston Respublikasi Konstitutsiyasi 127- moddasi birinchi qismi)

Shu o‘rinda asosli savol tug‘iladi, «mahalla va fuqarolarning o‘zini o‘zi boshqarish organlari», «qishloq va fuqarolarning o‘zini o‘zi boshqarish organlari», «ovul va fuqarolarning o‘zini o‘zi boshqarish organlari», «shaharcha va fuqarolarning o‘zini o‘zi boshqarish organlari» tushunchalari orasida tenglik belgisini qo‘ysak bo‘ladimi? Yo‘q, albatta. Qishloq, ovul, shaharcha ( ma’muriy hududiy birliklar ) va mahalla ( hududiy birlik ) – fuqarolarning o‘zini o‘zi boshqaruvi amalga oshiriladigan hudud sifatida qonunchiligimizda talqin qilinishini unutmasligimiz zarur.

Tenglik belgisini qo‘yish masalasiga kelsak, uni « fuqarolar o‘zini o‘zi boshqarish organlari » va « fuqarolar yig‘ini » tushunchalari orasida qo‘yishimiz to‘g‘ri bo‘ladi. Sababi fuqarolarning o‘zini o‘zi boshqarishini amalga oshirishga nisbatan belgilangan konstitusiyaviy huquq aynan tegishli hududlarda istiqomat qiladigan mahalliy aholining saylanadigan vakillari orqaligina amalga oshiriladi. Mazkur vakillar yig‘ilishini qonun fuqarolar yig‘ini sifatida talqin etadi.

Fuqarolar yig‘ining huquqiy maqomi Fuqarolar yig‘inini mahalliy davlat hokimiyatining vakillik organlariga, ya’ni mahalliy Kengashlarga tenglashtirsak bo‘ladi. Sababi fuqarolar yig‘ini ham xuddi vakillik organlari kabi: - mahalliy aholi tomonidan saylovlar natijasida shakllantiriladi; - tegishli hududda istiqomat qiladgan aholi manfaatlarini ifodalaydi; - aholi nomidan tegishli hudud doirasida amal qiladigan qarorlar qabul qiladi.

Fuqarolar yig‘ini o‘z ishchi organlariga ega, bunda mahalliy ahamiyatga molik masalalarni hal qilish vakolatiga ega bo‘lgan organlarni nazarda tutamiz. Uning strukturasi quyidagicha: - fuqarolar yig‘ini kengashi (ijro organi); - taftish komissiyasi; - fuqarolar yig‘ini kengashining devoni

Fuqarolar yig‘iniga rahbarlikni rais (oqsoqol) amalga oshiradi. U fuqarolar yig‘ini tomonidan uch yil muddatga saylanadigan organ hisoblanadi. Fuqarolar yig‘ini raisini saylash tartibi «Fuqarolar yig‘ini raisi saylovi to‘g‘risida»gi 16-oktyabr 2018-yilda qabul qilingan O‘zbekiston Respublikasi Qonuni bilan tartibga solinadi.

Fuqarolar yig‘inlari raislari saylovini tashkil etish va o‘tkazishga ko‘maklashuvchi respublika komissiyasi uning tarkibiga Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi vakillari albatta kiritilgan holda O‘zbekiston Respublikasi Oliy Majlisi Senatining Kengashi tomonidan tuziladi.

Fuqarolar yig‘ini raisi saylovini tashkil etish va o‘tkazish uchun fuqarolar yig‘ini (fuqarolar vakillarining yig‘ilishi) qarori bilan ishchi guruh tuziladi. Fuqarolar yig‘ini raisining navbatdagi saylovi e’lon qilinganidan keyin ishchi guruh o‘z faoliyatini tugatadi.

Fuqarolarning o‘zini o‘zi boshqarish organlari mulki Fuqarolarning o‘zini o‘zi boshqarish organlari tomonidan barpo etilgan, olingan yoki qonunda belgilangan tartibda ularga berilgan jamoat, ijtimoiy-maishiy obyektlar va boshqa maqsadlarga mo‘ljallangan obyektlar, shuningdek transport vositalari, xo‘jalik anjomlari va boshqa ko‘char hamda ko‘chmas mol-mulk ularning mulkidir.

“ Mahalla yettiligi” tuzilmasi Mahalla raisi, hokim yordamchisi, yoshlar yetakchisi, xotin- qizlar faoli, profilaktika inspektori, ijtimoiy xodim va soliq inspektori jamoatchilik asosida faoliyat yuritadigan “mahalla yettiligi” “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora- tadbirlar to‘g‘risida” Prezident Farmoni asosida tashkil etildi.

Mustaqil tayyorlanish uchun manabalar 1. S.B.Normuhamedova, G.R.Malikova. Fuqarolarning o‘zini o‘zi boshqarish huquqi: O‘quv qo‘llanma . – Т.: 2023. – 87 bet. 2. Husanov O.T. Konstitutsiyaviy huquq: darslik. – To‘ldirilgan va qayta ishlangan ikkinchi nashr. Toshkent: Yuridik adabiyotlar Publish, 2022. − 330-343-betlar. 3. Маматов Х.Т. Конституциявий ҳуқуқ: дарслик. – Тошкент: Yurist-media markazi, 2018. 371-391 бетлар. 4. Ides A., May C. N., Grossi S. Examples & Explanations for Constitutional Law: Individual Rights. – Wolters Kluwer Law & Business, 2018. 599 pages. 5. Chemerinsky E. Constitutional law. – Aspen Publishers, 2019

E’TIBORINGIZ UCHUN RAHMAT!

O'xshashlar

Mahalla va fuqarolarning o‘zini-o‘zi boshqarish organlari

Fuqarolarning oʻzini-oʻzi boshqarish organlari

Mahalliy davlat hokimiyati 2

Fuqarolar – ma’muriy huquq subyekti sifatida

Prokuratura organlari