Tonnellarni tog’ usulida insho etish - Transport - Referatlar

Tonnellarni tog’ usulida insho etish

Yuklangan vaqt:

25.01.2023

Ko'chirishlar soni:

0

Hajmi:

277.666015625 KB

Ko'chirib olish

Tonnellarni tog’ usulida insho etish Reja: 1. Tonnellarni yumshoq gruntlarda qurish usullari 2. Tonnellarni qattiq gruntlarda qurish usullari 3. Beton obdelkani qurish 4. Tonnel ungurini tog’ usuli bilan kavlashdagi yordamchi ishlar

1. Tonnellarni yumshoq gruntlarda qurish usullari Tonnellarni tog’ usulida insho etish, asosan, ungurni gruntdan bo’shatish va beton obdelkani qurish jarayonlaridan iboratdir. Qurishning tog’ usuli tonnel o’lchamlari va kavlanayotgan gruntning xossalariga bog’liq holda o’zgarishi mumkin bo’lgan bir qator ish usullarini o’z ichiga oladi. Bu usullarning har biri ungurdagi gruntni qismlarga bo’lib kavlash, darhol vaqtinchalik mustahkamlash elementlarini o’rnatish, obdelkani ham qismlarga bo’lib qurishga asoslangandir. Asosiy tonnel ishlarini bajarish potok yoki kolso prinsipi asosida tashkil etiladi. Birinchi usulda alohida ishlar (masalan, gruntni kavlash, obdelkani betonlash va opalubkadan bo’shatish) bir-biridan biroz kechiktirib, parallel ravishda zaboyni kavlab o’tish tezligiga teng tezlikda bajariladi. Kolso usulida esa ungurni kavlash va obdelka qurish ishlari qisqa uchastkalar chegarasida-uzunligi 3...6 metr bo’lgan kolsolar chegarasida olib boriladi. Bu kolsolar esa bir-biridan kavlanmagan, uzunligi ikki-uch kolso uzunligiga teng massiv bilan ajralgan bo’ladi. Qo’shni kolsodagi ishlar undan oldingi kolso obdelkasi betoni yetarli mustahkamlikka ega bo’lgandan so’ng boshlanadi. Kolso usuli katta uzunlikda ochilgan ungur gruntining turg’unligi ishonchli bo’lmaganida qo’llaniladi. Ishlarni olib borish ungurni ochish va uni mahkamlash tartibiga qarab uch asosiy usulga ajratiladi: 1. Tiralgan gumbaz usuli. Bu usulda, birinchi navbatda, obdelkaning yuqori qismi-gumbazi (1, a -rasm) insho etiladi va kalotta pastidagi barcha ishlar uning himoyasi ostida bajariladi. Bu usulning bir nechta variantlari bo’lishi mumkin. Ularning ba’zilari oddiy yog’och bilan mustahkamlashni qo’llashga asoslangan. Bu hollarda ustki va ostki shtolnyalar (qisqa tonnellarda faqat ustki shtolnya) kavlanadi va ularning asosida kalotta ochiladi. Zamonaviy variantda vaqtinchalik mustahkamlash elementlari sifatida po’lat yoylar ishlatiladi. Bunda ustki shtolnyaga extiyoj yo’qoladi, ostki shtolnya esa faqat ikki izli temir yo’l yoki ko’ndalang kesimi katta bo’lgan tonnellarni kavlashda kalottadagi gruntni olib chiqish va ularni furnel orqali pastga yo’naltirishda kerak bo’ladi.

Rasm 1. Yumshoq gruntlarda tonnel qurish usullari: a - tiralgan gumbaz usulida; b - tayanch yadro usulida; v - egiladigan obolochkali yadro usulida (avstriya yangi usuli). Raqamlar bilan ishlarning ketma-ketligi ko’rsatilgan: arab raqamlari - jinslarni qazish, rim raqamlari - gumbaz va devorlarni qurish 2. Tayanch yadro usuli. Bu usuldan katta ko’ndalang kesimga ega qisqa tonnellarni qattiqlik koeffitsienti f=0,5 ¿ 1,0 ga teng bo’lgan yumshoq gruntlarda qurishda qo’llaniladi. Obdelka to’laligicha bo’lakbo’lak qilib kichik ungurlarda- shtolnyalar va kalottalarda (1, b -rasm) quriladi. Bunda vaqtinchalik mustahkamlash elementlari oxirgi navbatda, tayyor bo’lgan obdelka himoyasi ostida, kavlanadigan grunt massivining o’rta qismi-yadroga tayanadi. Grunt avval shtolnyalarning ostki juftligi ( I ) da kavlanadi va unda devorlar ( II ) ning ostki qismlari quriladi. Keyin xuddi shunday ishlar shtolnyalarning ikkinchi qatoridagi ( 3 ) va ( IV ) uchastkalarida bajariladi. Oxirgi navbatda ustki shtolnya ( 5 ) kavlanadi, (4) kalotta ochiladi va ( VII ) gumbazni tayyor devorlarga tayantirib betonlanadi. Y а dro ( 8 ) dagi grunt katta mexanizmlar bilan yuzadagi sharoitlarga yaqin sharoitlarda kavlanadi. Qiyin geologik sharoitlarda tayanch yadro usuli bilan katta oraliqli obdelkalarni qurish mumkin. Shtolnyalardagi ishlarni bajarishdagi tiqilinchlik gruntning asosiy qismi-yadroni kavlash qulayligi bilan kompensatsiya qilinadi. Lekin bu usulda obdelkani qurish sekin bajariladi, sifati ham yaxshi bo’lmaydi, ko’p ishchi choklar qilishga to’g’ri keladi. Tutash konstruksiyali obdelkalar bo’lganda lotok qismidagi gruntni kavlash va teskari gumbazni betonlash bir- biridan kavlanmagan grunt yoki teskari gumbazi qurilgan va yetarli

mustahkamlikka erishgan kolsolar bilan ajralgan kichik uchastkalarda olib boriladi. Ishning bunday tartibi ungur devorlarining ichkariga siljishini oldini olish uchun kerakdir. 3. Egiluvchan obolochkali yadro usuli (avstriya yangi usuli) tonnellarni qoyali gruntlarda qurish uchun qo’llaniladi (1, v -rasm). Bu usul silliq portlatish, devorlarga beton sachratish, ankerlab mustahkamlash, qurilishidan oldin sachratilgan betonli obdelkaning ichki yuzasiga gidroizolyatsiya membranasi mahkamlangan doimiy obdelkani qurish ishlarini bir-biriga qo’shilishidan kelib chiqadi. Qalinligi 15...20sm bo’lgan sachratiladigan beton ( II ) ankerlarga mahkamlangan armatura setkasiga sachratiladi. Bu obolochka armaturali po’lat yoylar yoki prokat bilan kuchlantirilishi mumkin. Teskari gumbaz ( IV ) qurib bo’lingandan so’ng 3...5 oy ichida obolochkaning deformatsiyalari to’xtashi kutib turiladi. Bu kutish davridan so’ng gidroizolyatsiya yopishtiriladi va doimiy obolochka ( V ) quriladi. Tiralgan gumbaz usulida eng mas’ul operatsiya sifatida obdelka devorlarini loyihaviy mustahkamlikka erishgan ochilib qolgan gumbaz tovonlari ostiga olib kelishni ko’rsatish mumkin. Gumbazning cho’kishini oldini olish uchun devorlarni olib kelish katta bo’lmagan uchastkalarda bajarilib, gumbaz tovoni ochilgani sari uning ostiga darhol brevno tiragichlar-shtrebellar qo’yiladi. Har bir gumbaz xalqasi ostiga devorlarni olib kelish ma’lum bir tartibda bajariladi (2-rasm). Yon shtrossalarni xalqa uzunligining yarmiga teng uchastkalarda kavlab, ayni paytda, obdelka devorlari qo’shni xalqalarning ochilib qolgan tovonlari ostiga qarama-qarshi burchaklar bo’ylab olib kelinadi (1-uchastkalar). Betonning mustahkamligi yetarli darajaga yetganida xuddi shunday qilib 2uchastkalarda ham devorlar olib kelinadi. Gumbaz xalqasi burchaklari mustahkam beton ustunlarga qo’yilganida grunt kavlanadi va 3-uchastkada devor olib kelinadi. Faqat bu operatsiyani xalqaning qarama-qarshi devorlarining bir ko’ndalang kesimida ayni vaqtda olib borishga ruxsat etiladi.

Rasm 2. Tiralgan gumbaz usulida devor qismlarini gumbaz ostiga olib kelish ketma-ketligi Tiralgan gumbaz usuli qattiqlik koeffitsienti f ≥ 1,5 bo’lgan gruntlarni kavlashda qo’llaniladi. Bu usulda boshqa tog’ usullariga qaraganda vaqtinchalik mustahkamlashga kam material sarflanadi, chunki obdelkaning ustki qismi qurilgandan so’ng o’rta va yon shtrossalardagi barcha ishlar beton gumbaz himoyasi ostida unumdorligi yuqori bo’lgan mexanizmlardan foydalanib amalga oshiriladi. Bu muhim afzallik tiralgan gumbaz usulini keng diapazondagi geologik sharoitlarda, xatto o’rta qattiqlikdagi qoyali gruntlarda ham qo’llashga imkon yaratadi. Bu usulning kamchiligi sifatida devorlarni oldin qurilgan gumbaz ostiga olib kelishning qiyinligini va devorning gumbaz bilan birlashgan joyida ishchi chokning mavjudligini ko’rsatish mumkin. 2. Tonnellarni qattiq gruntlarda qurish usullari Tonnellar qattiq gruntlarda qurilganda vaqtinchalik mustahkamlash elementlarini darhol o’rnatishga extiyoj yo’qoladi. Bu holda mustahkamlash elementlarining vazifasi faqat mayda o’pirilishlarning oldini olish va tomdan gruntning kichik bo’laklarini tushishidan saqlashdir. Qoya gruntli ungurni mustahkamlash uchun tom qismida po’lat setka mahkamlanadigan ankerlar keng qo’llaniladi. Qattiq gruntlarda ishlarni olib borish usullari yumshoq gruntlardagiga qaraganda soddaligi bilan ajralib turadi va bu yerda kavlash elementlari yiriklashtiriladi. Qattiq gruntli tonnellarni kavlash amaliyotida boshqalariga nisbatan ko’proq ostki tokcha (3, a -rasm) usuli qo’llaniladi. Bunda ungurning ustki qismi ( 1 ) ostki

qismi ( 2 ) ga nisbatan biroz ilgariroq kavlanadi. Tokchaning borligi zaboyda ish ko’lamini kengaytiradi, chunki bunda ustki va ostki gorizontlarda ishlarni bir paytda havozalarsiz olib borish imkoniyati tug’iladi. Tokchaning o’lchamini tonnel uzunligi bo’yicha odatda zaxodka o’lchamiga teng qabul qilinadi. Shu tufayli portlatish paytida gruntning katta qismi pastga qulaydi. Bu grunt ostki gorizontda ishlayotgan mashina yordamida transport vositalariga yuklanadi. Kavlangan gruntning hajmi katta bo’lganida ustki gorizontdagi yuklash mashinasi ishlashiga yetarli joy bo’lishi uchun tokcha uzaytiriladi. Bu yuklash mashinasidan gruntni transporterga yoki ostki tokcha yaqinida ish joyini berkitib turgan konveyerlar tizimiga uzatish qulay bo’ladi. Shu tufayli ustki gorizontdan gruntni yuklash ostda bajarilayotgan ishlarga xalaqit bermaydi. Ostki tokcha uzun bo’lganida ishlarni tashkil qilish birmuncha murakkablashadi, lekin bu ostda bajarilayotgan ishlarga xalaqit qiladi. Rasm 3. Qattiq gruntlarda tonnel qurish usullari: a - ostki tokcha usulida; b - yaxlit zaboy usulida; v - markaziy shtolnya usulida Beton obdelka III ostki gorizont zaboyidan birmuncha uzoqlikda quriladi, chunki bu gruntni kavlash va betonlash jarayoniga o’zaro xalaqit bermaydi. Yaxlit zaboy usuli (3, b -rasm) qisqa ostki tokcha usuliga ko’p jihatdan o’xshaydi. Zaboyning bir tekislikda bo’lganligi avtomatik boshqarish bilan ta’minlangan, og’ir, yuqori unumdorli burg’ulash perforatorlari o’rnatilgan ramalarni shpurlarni burg’ilash uchun ishlatilishini soddalashtiradi. Bu usulda asosiy ishlar faqat ikki jarayonni o’z ichiga oladi, ya’ni grunt (I) ni kavlab olib chiqish va beton obdelkasi (II) ni qurish.

4. Markaziy shtolnya usuli (3, v -rasm) yuqorida ko’rilgan usullarga qaraganda biroz murakkabroqdir. Markaziy shtolnya (I) zaboyda gruntning qo’shimcha ochilishiga olib keladi va undan zaboy tekisligiga parallel va elpig’ich shaklida joylashgan shpurlarni burg’ilash uchun foydalaniladi. Bu esa grunt (2) ni portlatish samaradorligini oshiradi. Bundan tashqari, shtolnya tog’ massivini yaxshilab razvedka qilib chiqishga imkon yaratadi. Obdelkaning (III) qismi qurilishi ham xuddi yaxlit zaboydagi kabi sharoitlarda amalga oshiriladi. 3. Beton obdelkani qurish Beton obdelkani qurish jarayonlari tonnelni qurish usullariga bog’liq bo’ladi. Tonnel yumshoq gruntlarda, qurilganda obdelka bo’lak-bo’lak qilib quriladi. Bunda bir vaqtda bajariladigan beton ishlari katta bo’lmaydi. Bu esa obdelkani betonlash ishlarini bajarish uchun kichik mexanizatsiya vositalarini qo’llashga imkon beradi. Beton, odatda, yer yuzidan ag’dariladigan vagonetkalar yoki platformadagi badyalarda yetkazib berilib oddiy taxtadan tayyorlangan opalubkalarga lotoklar orqali solinadi. Lotoklarga beton ko’taruvchi mexanizmlar vositasida solinadi va yuzaki va chuqurlik vibratorlari bilan vibratsiya qilinadi. Yumshoq gruntlarda qurilayotgan obdelka ungurni kavlash jarayoniga parallel ravishda, lekin biroz kechiktirib quriladi. Betonni opalubkaga solishdan biroz oldin vaqtinchalik mustahkamlash elementlarining ba’zilari olib tashlanadi. Ammo bunda mustahkamlash elementlarining qolgan qismi va ochilgan grunt ko’p vaqtga bo’lmasa ham muvozanatda bo’lishi kerak bo’ladi. Tonnel qattiq gruntlarda qurilganda ungurda besunaqay katta vaqtinchalik mustahkamlash elementlari bo’lmaydi, obdelka bir vaqtda tovondan qulfgacha quriladi va bunda betonoukladchiklar, betononasoslar, inventar siljuvchi va yig’iluvchi-to’planuvchi opalubkalardan foydalanib beton ishlarini to’la mexanizatsiyalashga sharoit yaratiladi. Bunday sharoitlarda, agar obdelka betonini opalubkaga yuqori sur’atlar bilan solish imkoniyati bo’lsa, ishlarni parallel usulda bajarishdan voz kechib ketma-ket bajarish usuliga o’tish maqsadga muvofiq bo’ladi. Bunda tonnel ungurini kavlash

oxiriga etkazilmaguncha boshqa birorta ish bajarilmaydi. Parallel bajarilayotgan boshqa ishlar xalaqit bermaganda, ungurni kavlash ishlarini tezlatishga imkon tug’iladi. Ungur kavlab bo’lingandan so’ng obdelkani betonlash ishlari unumdorligi yuqori mexanizmlar va inventar opalubkadan foydalanib boshlanadi. Betonlash ishlari ungurni kavlash ishlariga qaraganda tezroq bajariladi va ishlarni aniq, sodda tashkillashtirish, to’liq mexanizatsiyalashtirish tufayli tonnel qurilishining umumiy muddati tonnelni qurish ishlarini bir vaqtda parallel olib borilgandagiga qaraganda kichik bo’lishi mumkin. Qurilish ishlarini ketma-ket tashkil etish qisqa, uzunligi 500 metrgacha bo’lgan tonnellar uchun samaralidir. Betonlash ishlariga qum-sement qorishmasini obdelka orqa tomoniga purkash ishlari ham kiradi. Bundan maqsad-konstruksiya va uni o’rab turgan gruntning birgalikda ishlashini betonlashdan keyin qolgan bo’shliqlarni to’ldirish vositasi orqali ta’minlashdir. Purkashning ketma-ket bajariladigan ikki turi-boshlang’ich purkash va nazorat purkash qo’llaniladi. Boshlang’ich purkashda qum-sement qorishmasi obdelka orqasiga siqilgan havoning bosimi 0,6...0,7 MPa bo’lgan pnevmatik apparat yordamida purkaladi. Nazorat purkash esa sement qorishmasini 0,9 MPa bosim ostida purkashdan iboratdir. Purkash uchun betonlash paytida obdelkaga qo’yib ketilgan po’lat quvurchalardan yoki obdelkada burg’ilangan teshiklardan foydalaniladi. 4. Tonnel ungurini tog’ usuli bilan kavlashdagi yordamchi ishlar Tonnellarni tog’ usulida qurishda yordamchi ishlarga yer osti ungurlarini shamollatish, suv qochirish va yoritish ishlari kiradi. Yopiq yer osti ungurlarini shamollatishning zarurligi, asosan, portlatish ishlari amalga oshirilganda zararli gazlarning ajralib chiqishi bilan bog’liqdir. Bundan tashqari, yer osti unguridagi havo shpurlar burg’ilanganda va grunt yuklanganda chang bilan ifloslanadi. Changlanishning oldini olish uchun, shpurlarni yuvish va gruntni namlantirish qo’llaniladi. Bunda namlik ortadi va namlikni kamaytirish uchun ham shamollatish

kerak bo’ladi. Ungurlarda odamlarning nafas olishidan va mustahkamlash elementlarining chirishidan is gazining miqdori ko’payishi ham kuzatiladi. Odatda, ishlarni olib borish paytida ungurlar sun’iy ravishda, toza havo yuborilib, ventilatsiya qilinadi va ifloslangan havo ventilyatorlar bilan yoki ventilatsiya quvurlari orqali chiqarib tashlanadi. Eng sodda va eng tejamli ventilatsiya tizimi (4, a -rasm) sifatida Q B hajmli ifloslangan havoni zaboy yaqinida joylashgan so’ruvchi quvur ( 2 ) dan ventilyator ( 1 ) yordamida chiqarib tashlashga asoslangan tortuvchi tizimni ko’rsatish mumkin. Ventilatsiyaning bu tizimida quvurlar orqali yuqoriga zaboy yaqinidagi, katta hajmga ega bo’lmagan ifloslangan havo chiqariladi, zaboyga esa yuqoridagi toza havo emas, balki tonnel ichidagi uncha toza bo’lmagan havo oqib keladi. Bundan tashqari tortuvchi tizimda ungurdagi havo harakati tekis, birbiriga aralashmasdan ro’y beradi. Bu esa zaboy yaqinidagi ungur burchaklarida ventilatsiya ta’sir qilmagan zararli gazlar to’planmasi qolib ketishiga olib keladi. Ventilatsiyaning purkash tizimida (4, b -rasm) hajmi Q H bo’lgan toza havo quvur orqali birdaniga zaboy oldidagi bo’shliqqa yuboriladi, toza havo ifloslangan havo bilan aralashib uni zaboy tarafdan portal tarafga siqib xaydaydi. Lekin, bunda, zararli gazlar tamoman chiqarib tashlanmaguncha butun tonnelda xech qanday ishlarni bajarib bo’lmaydi. Bu ventilatsiya tizimida purkalayotgan havoning hajmi ancha oshgani tufayli butun jarayonning davom etish muddati ham oshadi.

Rasm 4. Berk ungurlarni ventilatsiya qilish sxemalari: a - tortuvchi; b - purkovchi; v – aralash Ventilatsiyaning aralash tizimi (4, v -rasm) tortuvchi va purkovchi tizimlarning birikmasi bo’lib, u zaboy atrofidagi havoni butun tonnel havosini ifloslantirmasdan tez va to’la tozalashni ta’minlaydi. Ventilatsiyaning samaradorligini oshirish va zararli gazlarning zaboydan 30...50 metrdan ko’p masofaga tarqalmasligini oldini olish uchun, yaxlit fanera yoki brezent to’siq ( 3 ) o’rnatiladi. Bu to’siq, zaboy davom ettirilganda, uning orqasidan ko’chirib boriladi. Zararli gazlarning bu to’siqdan sizib o’tishini oldini olish uchun, tortuvchi ventilyatorning unumdorligini purkovchi ventilyatornikiga qaraganda 10...15% ga ko’proq qilib olinadi. Berk ungurlarning ventilatsiyasi hisobi empirik formulalar orqali amalga oshiriladi. Bunda zararli gazlarga aralashib ularni xavfli bo’lmagan konsentratsiyaga olib kelish uchun zarur bo’lgan toza havo miqdori aniqlanadi. Portlatish ishlari bo’lmaganda, tortuvchi ventilatsiya ungurda ishlayotgan 1 odam uchun 1 minutda 6 m 3 toza havo berilishi kerakligini hisobga olib loyihalanadi. Maksimal sondagi ishlayotgan odamlar uchun havoning hajmi (metr kublarda): (1) bu yerda p - bir vaqtda ishda mashg’ul odamlarning maksimal soni: z -

zaxira koeffitsienti ( z = 1,24…1,5). Tonnel ungurlarining qiyaligi portal tomonga yo’nalgan bo’lsa, ungurdagi suv tabiiy ravishda ungurning o’qi bo’yicha yoki yon tomonida qazilgan ariqchadan tashqariga chiqib ketadi. Qiya ungurlarni qazishda ungur uzunligi bo’yicha alohida beflarga ajratiladi. Har bir bef chegarasida suv ariqchalar orqali suv yig’gichlarga yo’naltiriladi va keyin nasoslar orqali tonnel tashqarisiga chiqariladi. Ungurlarda har bir ishchi o’rinlari yoritish me’yorlariga binoan elektr bilan yoritiladi. Tarmoq kuchlanishi 36B dan oshmasligi kerak. Zax ungurlarda va ko’chiriladigan akkumulyatorlar bilan yoritilganda kuchlanish 12B dan oshmasligi kerak. Nazorat savollari Tonnellarni tog’ usulida qurish qanday jarayonlardan iborat  Tonnelni potok usulida kavlash qanday ishlarni o’z ichiga oladi  Tonnelni kolso usulida kavlash qanday ishlarni o’z ichiga oladi Tiralgan gumbaz usulida kavlash ishlari qanday ketma-ketlikda olib boriladi  Tayanch yadro usulida kavlash ishlari qanday ketma-ketlikda olib boriladi  Egiluvchan obolochkali yadro usulida kavlash ishlari qanday ketmaketlikda olib boriladi  Tonnellarni qattiq gruntlarda qurishning qanday o’ziga hos xususiyatlari bor  Tonnellarni ostki tokcha usulida qurishning qanday o’ziga hos xususiyatlari bor  Tonnellarni yaxlit zaboy usulida qurishning qanday o’ziga hos xususiyatlari bor  Tonnellarni markaziy shtolnya usulida qurishning qanday o’ziga hos xususiyatlari bor  Beton obdelkani qurish nimalarga bog’liq bo’ladi  Beton obdelkani qurish yumshoq gruntlarda qanday olib boriladi  Beton obdelkani qurish qattiq gruntlarda qanday olib boriladi  Obdelkani qurishda beton ishlari qanday olib boriladi  Tonnel ungurlarini kavlashda qanday yordamchi ishlar bajariladi

Berk ungurlar qanday ventilyasiya qilinadi

Foydalanilgan adabiyotlar 1. Bridge Engineering Handbook, Second Edition: Fundamentals. © 2014 by Taylor & Francis Group, LLC CRC Press is an imprint of Taylor & Francis Group, an Informa business. ISBN-13: 978-1-4398-5234-7. - 574 pp. 2. Bridge Engineering Handbook, Second Edition: Superstructure Design. Edited by Wai-Fah Chen and Lian Duan. © 2014 by Taylor & Francis Group, LLC CRC Press is an imprint of Taylor & Francis Group, an Informa business. International Standard Book Number-13: 978-1-43985229-3 (eBook - PDF). – 734 pp. 3. Bridge Engineering Handbook, Second Edition: Construction and Maintenance. Edited by Wai-Fah Chen and Lian Duan. © 2014 by Taylor & Francis Group, LLC CRC Press is an imprint of Taylor & Francis Group, an Informa business. International Standard Book Number-13: 978-1-4398-5233-0 (eBook - PDF). – 646 pp. 4. Bridge Engineering Handbook, Second Edition: Seismic Design. Edited by Wai-Fah Chen and Lian Duan. © 2014 by Taylor & Francis Group, LLC CRC Press is an imprint of Taylor & Francis Group, an Informa business. International Standard Book Number-13: 978-1-4398-5232-3 (eBook - PDF). Visit the Taylor & Francis 722 pp. 5. Salixanov S.S., Raupov Ch.S. Transport inshootlarini loyihalash va qurish. 3-qism. Temir yollardagi metall ko’priklar. O’quv qo’llanma. – Toshkent, TashIIT, 2016. – 168 b. 6. Salixanov S.S., Raupov Ch.S. Transport inshootlarini loyihalash va qurish. 1-qism. Temir yollardagi tonnellar va quvurlar. O’quv qo’llanma. – Toshkent, TashIIT, 2014. – 137 b. 7. Salixanov S.S., Raupov Ch.S. Transport inshootlarini loyihalash va qurish. 2-qism. Temir yollardagi temirbeton ko’priklar. O’quv qo’llanma. – Toshkent, ToshTYMI, 2015. – 160 b.

O'xshashlar

Tonnellarni qalqon usulida barpo etish

Tonnellarni asrash

Tonnellar haqida umumiy ma’lumotlar va ularni loyihalash

Tonnellarni ta’mirlash va rekonstruksiya qilish

Tonnellarni qurishda muhandis-geologik qidiruvlar