Avtomobil kuzovini ta’mirlash jihozlari - Transport - Referatlar

Avtomobil kuzovini ta’mirlash jihozlari

Yuklangan vaqt:

20.09.2019

Ko'chirishlar soni:

0

Hajmi:

484.5 KB

Ko'chirib olish

Avtomobil kuzovini ta’mirlash jihozlari Reja: 1. Kuzovlarni ta’mirlash jihozlari. 2. Bo’yashga tayyorlash va bo’yash jihozlari 3. Zangga qarshi ishlov berish jihozlari.

1. Kuzovlarni ta’mirlash jihozlari. Kuzovlarni ta’mirlash ustaxonasiga kuzov barcha agregatlar, osma qismlardan ajratilgan holda keltiriladi. Kuzovni ta’mirlash tunukasozlik bo’limidan boshlanadi. Yo’l-transport hodisalariga uchragan yengil avtomobillarning kuzovlari qattiq shikastlanish natijasida geometrik holatini yo’qotadi va ularni maxsus stendlarsiz oldingi holatiga qaytarib bo’lmaydi. 2.1-2.2-rasmlarda yengil avtomobillarning shikastlangan kuzovlarini tiklash uchun yaratilgan jihozlar keltirilgan. Ushbu qurilmalar kompyuter bilan butlangan bo’lib, uning xotirasiga minglab avtomobil rusmlarining geometrik parametrlari dasturlab kiritilgan. Qurilmaning ish chi organini gidravlik silindrlar tashkil etadi. Pachoqlangan kuzov qurilma platformaga tayanch nuqtalar bilan o’rnatiladi. Agar falokat natijasida ushbu nuqtalar siljigan bo’lsa, ular birinchi navbatda me’yoriga keltiriladi. Navbatdagi ish kuzovning qolgan o’lchamlarini o’z o’rniga keltirishdir. Bunda yuqorida aytilgan gidrotsilindrlar yordamida chiqib ketgan joylar tortiladi, bukilgani to’’grilanadi hamda ichkariga kirib ketgan joy itarilib chiqariladi. 2 .1-rasm. Avtomobil kuzovini ta’mirlash jihozi

2 .2-rasm. Kuzovlarni to’’grilash jihozi 2.3-rasmdagi “Siver S3-210” rusumli jihozida 10 tonnagacha kuchlanish hosil qila oladigan gidrotsilindr mavjud bo’lib, uni qurilma platformasida (16) nuqtadagi o’rindiqlarga joylashtirib kuzovni to’’grilash mumkin. Bundan tashqari avtomobil kuzoviga boshqa qo’shimcha gidrotsilindrlar orqali ham ta’sir qilinishi mumkin. 2 .3-rasm. Yengil avtomobillar kuzovini tiklovchi “Siver S3-210” rusumli stend. Qurilma ustunlarining gorizontal tekislikda va zanjir kronshteynining ustun bo’yicha vertikal tekislikda harakatlana olish qobiliyati kuchni xohlagan joyga, hohlagan burchak ostida qo’yish imkonini yaratadi.

2 .4- rasm. EISEMANN va Forward FWM-200 PRO mod. p ayvandlash apparatlari Payvandlash karbonat angidridli himoyali muhitda yarim avtomatik elektryoyli qurilmalarda bajariladi. Kuzov panellari va o’zaklarining yorilgan va uzilgan joylari ham shu elektryoyli payvandlash usuli yordamida ulanadi. Kesishda esa avtogen usuli bilan bir qatorda pnevmatik yuritmali aylanma kesgichlar qo’llanadi. Kuzov detallarini birini-biriga ulashda kontakt nuqtali elektr payvandlash usullari ham qo’llanadi. Тo’’grilangan va ulangan kuzovning payvandlash choklari shlakdan tozalanadi va maxsus asboblar yordamida tekislanadi. Kuzovni bukilishi va o’qlarini bir-biriga nisbatan o’zgarishi almashinuvchi kallakli gidravlik domkratlar yordamida to’’grilanadi. Avariyaga uchragan yengil avtomobil kuzovlarini ta’mirlashda uning barcha o’lchamlarini tekshiradigan va me’yorga keltiradigan maxsus moslamalardan foydalaniladi. Unda kuzov tayanchga o’rnatiladi va har bir nuqta bo’yicha tashqi o’lchamlar tekshirilib ko’riladi. Darzlar va yoriqlar elektr va gaz payvandlash usuli bilan yamaladi. Payvandlangan joylar elektr charxi, pnevmatik jilvirlash uskunasi va jalvir qo’gozi yordamida silliqlanadi va keyin shpaklevka qilinadi.

2 .5-rasm. GEDORE 5013 va GEDORE 5014mod. pnevmatik ji lvirlash uskunalari. 2 .6-rasm. GEDORE 5133 mod. p nevmatik jilvirlash uskunasi 2 .7-rasm. GEDORE 5135 mod. pnevmatik parchin mix qoqgich. Kuzovni parchin mix bilan mahkamlanadigan qismlarini almashtirishda parchin mix qoquvchi uskunalardan keng foydalaniladi ( 2 .7-rasm). 2. Bo’yashga tayyorlash va bo’yash jihozlari Bo’yashga tayyorlash jarayoni va ishlatiladigan jihozlar: 1) shpaklevkalash: -shpatel; 2) siyqalash: -jilvirlash qo’gozi; 3) gruntovkalash : -bo’yoq purkash asbobi; 4) siyqalash: -jilvirlash qo’gozi; 5) bo’yoqlash : -bo’yash kamerasi; 6) quritish : -issiq havo kamerasi; 7) pardozlash : -artish materiallari. Avtomobil kuzovi va kabinasi ta’mirdan keyin to’liq bo’yaladi yoki qisman ta’mirlangan joyi bo’yaladi. Bo’yashga tayyorlangan yuza zang, eski bo’yoq va boshqa kirlardan tozalanadi. Buning uchun metall shchetkalar, qum qo’gozlar, purkovchi qurilmalar ishlatiladi.

2 .8- rasm. Bo’yoqlash-quritish kamerasi, mod. NORDBERG ECONOMIC 2 .9-Bo’yash kamerasining tuzilishi va ishlatilishi Bo’yoqlarni tayyorlash, rang va jilosini aniqlashni kompyuterlar yordamida yoki maxsus tayyorgarlikka ega bo’lgan mutaxassislar bajaradilar. Bo’yash joyi alohida yopiq germetik kamera bo’lib (2.8-rasm), u ishonchli havo so’rish va haydash asosida ishlovchi ventilyator bilan jihozlanadi (2.9-rasm). Bu kamerada kuzov sirtiga, avvalo, xomaki bo’yok-grunt sepiladi, korpusiga shovqinga va korroziyaga qarshi ishlov beriladi va maxsus sepgichlarda (2.10- rasm) bo’yoq sepiladi.

Kichik yuzalar bo’yoq purkash qurilmalari (2.10-rasm) yordamida bo’yaladi. Katta ASKlarda esa bo’yash kameralari qo’llaniladi. Bu kameralarda nitroemal bo’yo’gi bilan bo’yalgandan keyin 10 min 18-23° S xaroratda, oxirgi qatlami esa 1 soat ichida 60 ° S haroratda quritiladi. 2.10-rasm. Bo’yoq sepgich va bo’yoq haydash uskunasi. 3. Zangga qarshi ishlov berish jihozlari. Kuzov yuzasi, ayniqsa uning tag qismi tashqi muxit ta’sirida elektr- kimyoviy va kimyoviy buzilishga uchraydi. Avtomobil kuzovining zanglashini oldini olish uchun ximoya vositalari ko’plab qo’llaniladi. Kuzovning (‘govak) ichki sirtlariga zangga qarshi ishlov berishda «Movil» avtokonservanti (ТU 6–15– 07–38–76 kam qovushqoq bo’lgan moyli suyuqlik) havo bilan purkab sepiladi. Zangga qarshi suyuqlik aralashmasini sepishda havo magistraliga ulanadigan (bosim 0,05 – 0,4 MPa bo’lgan) qurilmadan foydalaniladi. Хimoya vositalari (tarkibiga qarab) sirtga cho’tkada surtiladi yoki metall surtgichlar (shpatellar) va purkagichlar bilan surtish mumkin. Хromlangan ko’rkam bo’laklarni kirdan va zanglovchi omillardan, tashqi muxit ta’siridan extiyot qilish uchun ular zamsha va quruq, yumshoq latta bilan artib turilishi kerak. Bu detallarni zangdan tozalashda va bo’yoqni yaraqlatib, ishlov berishda, silikonli moddalardan foydalaniladi. Ular silikonli kukunli mayda zarrachalardan, mum, silikonlar va boshqa qo’shimchalardan iborat bo’ladi. Zangga qarshi ishlov beriladigan postlar ko’targich yoki a’gdargich, suyuqlik bilan ta’minlovchi jihozlar va turli sepgichlar bilan butlanadi.

Adabiyotlar: 1. Karimov I.A. Jahon moliyaviy-iqtisodiy inqirozi, O’zbekiston sharoitida uni bartaraf etishning yo’llari va choralari. – Т.: O’zbekiston, 2009. – 56 b. 2. Avtomobillar texnik ekspluatatsiyasi. Qayta ishlangan va to’ldirilgan ruscha 4- nashridan (prof. Kuznetsov Ye.S. tahriri ostida. M.:Nauka 2004y. 535 b.) tarjima prof. Sidiqnazarov Q.M. umumiy tahriri ostida, Toshkent “VORIS- NASHRIYOT”, 2006. – 670 b. 3. Avtomobillar texnik ekspluatatsiyasi. O’zbekiston Respublikasi Oliy va o’rta maxsus ta’lim vazirligi avtotransport oliy o’quv yurtlari talabalari uchun darslik sifatida tavsiya etgan. Prof. Sidiqnazarov Q.M. umumiy tahriri ostida, Toshkent “VORIS-NASHRIYOT”, 2008. – 560 b. 4. Tехническая эксплуатация автомобилей. Учебник для ВУЗов . Под ред. Проф. Е.С. Кузнецова . M: Наука , 200 2 g. 5. Боровских Ю.И. и др. Автомобилларнинг техник тузилиши, техник хизмат кўрсатиш ва таъмирлаш. Тошкент: «Мехнат», 2001. 6. O.Hamraqulov, Sh.Magdiyev. Avtomobillarning texnik ekspluatatsiyasi. Toshkent, 2005 yil. 7. O’zbekiston Respublikasi avtomobil transporti harakat tarkibiga texnik xizmat ko’rsatish va ta’mirlash to’g’risidagi nizom. Toshkent,1999 y. 8. Руководство по ремонту и обслуживанию. Инструкция по эксплуата ции автомобилей ДЭУ. Нексия (все модели). Ташкент, 2000 г. 9. 4.O.Xamrakulov, Sh.Magdiev. Avtomobillarning texnik ekspluatatsiyasi. Toshkent. 2005 y.

O'xshashlar

Avtomobil transmissiyasini diagnostikalash, txk va jt jihozlari

Dvigatel mehanizmi va tizimlarini txk va ta’mirlash jihozlari

Avtomobil kuzovi va kabinasini tozalash va yuvish jihozlari

Avtomobil tormoz boshqarmasini diagnostikalash, txk va jt jihozlari

Avtomobil rul boshqarmasini va yoritgichlarni diagnostikalash, txk va jt jihozlari