YASHIRIN BAHYALI TIKUV MASHINALARI - To'qimachilik - Referatlar

YASHIRIN BAHYALI TIKUV MASHINALARI

Yuklangan vaqt:

20.09.2019

Ko'chirishlar soni:

0

Hajmi:

666 KB

Ko'chirib olish

Yashirin bahyali tikuv mashinalari Reja: 1. Bir ipli zanjirsimon yashirin bahya hosil bo`lishi 2. 285 (Rossiya) rusumli tikuv mashinasi 3. "Pannoniya" (Vengriya) firmasining Ss-790 rusumli tikuv mashinasi

Tikuvchilik sanoatida bir ipli yashirish zanjirsimon bahya mashinalari va ikki ipli yashirin moki bahya mashinalari ishlatiladi. Bir ipli yashirin zanjirsimon bahyaning tuzilishi 10.1-rasmda ko`rsatilgan. Rasmda ko`rinishicha, materialning ustki buklangan qismini igna teshib o`tgan, ostki qismini esa igna qisman ilib olgan, ya`ni material ostki qismining yuzasida bahyaqator ko`rinmaydi. Bundan tashqari, halqa a material ichidan o`tkazilib, halqa a ning harakat chizig`iga to`g`rilab qo`yiladi. 9.1-rasm. Bir ipli yashirin zanjirsimon bahya. Bunday bahyaqator kuylaklar etagini, astarlar chetini qayirib tikishda, adip qaytarmasini, ostki yoqani qavishda, shim ostini bukib tikishda va hokazoda ishlatiladi. Bir ipli zanjirsimon bahyaqator tez so`kiladigan bo`lsa, ham bundan qo`rqmaslik kerak, chunki bunday bahyaqator detallar orasida yashiringan bo`ladi. Ilgari ikki ipli yashirish moki bahyaqator ustki yoqani ostki yoqaga ulash va yolg`on qaviq hosil qilish uchun ishlatilar edi. Hozir bunday bahyaqatorlardan kam foydalaniladi.

9.1. Bir ipli zanjirsimon yashirin bahya hosil bo`lishi Halqa hosil qilishda egik igna 1 (10.2-rasm), igna plastinasi 2 tagidagi bo`rttirgich va ikkita tepki, chalishtirgich 3 va reyka 4 qatnashadi. Tikuvchi pedalni bosib ko`prikcha tushiradi va tepkilar ustiga o`ngini pastga qaratib materiallar qo`yadi. Shunda tepkilar materiallarni igna plastinasi 2 ga (10.2-rasm, a) qisadi, bo`rttirgich esa materiallarni igna plastinasining o`yig`idan bo`rttirib chiqaradi. Igna 1 chapdan o`ngga harakatlanib ustki materialni teshib o`tadi, ostkisini esa qisman ilib oladi. Bu paytda chalishtirgich 3 tikuvchi tomonga suriladi. 9.2 -rasm. Bir ipli zanjirsimon yashirish bahya hosil bo`lishi

Igna 1 (9.2-rasm, b) chapga 2-3 mm harakatlanganda halqa hosil bo`ladi, chalishtirgich 3 ning shoxchalari shu halqaga kiradi. Igna 1 materiallardan chiqadi (9.2-rasm, v) chalishtirgich 3 esa o`ngdan chapga yoy bo`ylab harakatlanib igna halqasini kengaytiradi va uni ignaning harakat chizig`iga to`g`rilab qo`yadi. SHu paytda reyka 4 pastga tushib materiallarni bir bahya bo`yi suradi, shunda bo`rttirgich materiallarni bo`rttirishdan to`xtaydi. Kengaygan halqa chalishtirgichning yoy bo`ylab harakatlanishi, materiallar halqa chalishtirgichning yoy bo`ylab harakatlanishi, materiallar esa tikuvchidan nariga surilishi natijasida bahyaqatorga ko`ndalang turib qoladi. Igna 1 yana o`ngga harakatlanib (9.2-rasm, g) chalishtirgich 3 shoxchalari orasidan o`tadi va o`zining birinchi halqasiga kiradi. Chalishtirgich 3 tikuvchidan nariga harakatlanadi. Igna 1 bo`rttirgich igna plastinasi o`yig`idan bo`rttirib chiqarilgan materiallarni teshib o`tadi (9.2-rasm, d). SHunda oldingi bahya dastlabki marta tortiladi, shuningdek g`altakdan rezerv ip chuvatiladi. Chalishtirgich 3 yoy bo`ylab chapdan o`ngga harakatlanadi (9.2-rasm, e). Igna 1 o`ng chekka holatga qaytadi, chalishtirgich 3 esa tikuvchi tomonga harakatlanadi. Igna 1 materiallardan chiqqan paytda bahya uzil-kesil tortiladi. Shundan keyin jarayon takrorlanadi. 9.2. 285 (Rossiya) rusumli tikuv mashinasi. Rossiyadagi Podolsk mexanika zavodi ishlab chiqaradigan bu mashina kuylak, yubkalar etagini bir ipli zanjirsimon yashirin bahyaqator yuritib tikishga mo`ljallangan. Bu mashinani qavish ishlarida ham ishlatish mumkin. Asosiy valining aylanish chastotasi 3200 min gacha, bahyasining yirikligi 0 dan 7 mm gacha rostlanadi, bukib tikiladigan materiallarning qalinligi 3 mm gacha. Ignalar 0873 № 65,75.

Mashinada tebranuvchi igna mexanizmi, murakkab fazoviy harakatlanuvchi chalishtirgich, materiallarni suradigan reykali mexanizm, bo`ralma va vertikal harakatlanadigan tebranuvchi bo`rttirgich bor. Bo`rttirgich bo`ralma harakatlanganda ignaning har bir teshib o`tishida kiyim etagi bukib tikiladi, uning bo`ralma harakati bilan vertikal harakati qo`yilganda esa kiyim etagi igna bir gal teshib o`tgandan keyin bukib tikadi. Mashinaga ip taqishda ipni g`altakdan tushirib, yuqoridan ip yo`naltiruvchi teshik 30 ga (9.3.-rasm) kiritiladi, taranglik rostlagichi shaybalari 29 orasidan soat mili harakati yo`nalishida aylantirib, oldinga tomon ip yo`naltiruvchi teshik 28 dan o`tkaziladi, sim ip yo`naltirgich 16 halqasiga kiritiladi. Maxovik g`ildirak 32 ni burib, igna yuritkich 15 chap chekka holatga keltiriladi, yuqoridan pastga tomon ip ip yo`naltiruvchi teshik 14 dan, keyin sim ip yo`naltirgich 13 dan o`tkazilib, pastdan yuqori tomon igna 7 ko`ziga taqiladi. 9.3. - rasm.285 rusumli tikuv mashinasi.

Mashina maxsus ish stoliga o`rnatiladi. Uning chap pedali elektr friktsion yuritmani ishga tushirishga, o`ng pedali esa ko`prikcha 3 ni igna plastinasi 6 ga nisbatan tushirishga xizmat qiladi. Bukib tikish ishlarining bajarilishi qulay bo`lishi uchun mashina ochiladigan stol 2 bilan ta`minlangan bo`lib, uni soat mili harakatiga qarshi yo`nalishda burib, ish holatidan chiqarish mumkin. Ochiladigan stol ustiga ikkita vint yordamida yo`naltirgich-lineyka 4 mahkamlangan bo`lib, bu lineyka etakni bukish kengligini chegaralab turadi. Igna plastinasi 6 tutib turadigan tormoz plastinasi 5 material tikuvchidan nariga surilayotganda uni o`tkazib turadi, bo`rttirgich tikuvchi tomonga burilganda materialni tutib qoladi. Demak, kuylak yoki yubka etagini bukib tikish uchun, o`ng pedalni bosish kerak. Bunda ko`prikcha 3 bilan tepkilar 9 birga pastga tushadi. Buyumni o`ng tomonini pastga qaratib tepkilar 9 ustiga qo`yiladi. Ichki bukilgan ziy yo`naltirgich-lineyka 4 ga tegib turadi. Bu paytda igna 7 o`zining chap tomondagi eng chekka holatida bo`lishi kerak. Etakni bukib tikishdan avval materialning qamrash kattaligini tekshirib ko`rish kerak, zarur bo`lsa, uni rostlash kerak. Buni rostlash vinti 1 ni burib rostlanadi. Agar vint burab kiritilsa, ko`prikcha 3 pastga tushadi, demak, material kamroq bo`rttirib chiqariladi. Endi etakni bukib tikishni boshlasa bo`ladi. Bahya yirikligini o`zgartirish uchun gayka 20 ni burab olib, qopqoq 21 olinadi. Bahya yirikligi rostlagichining korpusi 26 dagi vint 27 bo`shatiladi, vint 24 yordamida esa korpus 26 pazi ichida polzun 25 suriladi. Polzun 25 ni surayotganda u bilan birga ekstsentrik 23 asosiy val 22 ga nisbatan suriladi. Asosiy val 22 bilan ekstsentrik 23 ning markazlari orasidagi masofa qancha katta bo`lsa, bahya shunchalik yiriklashadi. Reyka 17 ning materialni qamrash miqdori vint 19 ni bo`shatgandan keyin, richag 18 ni vertikal surib rostlanadi. Tepki 9 ning materialga bo`lgan bosimi har qaysi tepki uchun alohida- alohida rostlanadi. Vint 12 burab kiritilganda prujina 11 cho`ziladi va tegishli richag materialga tepki bosimini kuchaytiradi.

9.4-rasm. Ignaning bir gal sanchilishidan keyin materialni bo`rttirib yuritilgan bir ipli zanjirsimon yashirin bahyali bahyaqator . Ilgari aytilganidek, bu mashinada kiyim etagini ignaning bir gal sanchilishidan keyin bukib tikib bo`ladi (9.4-rasm). Igna birinchi sanchilishi 2 da materialning bukilgan qismini teshib, qisman buyum etagini ilib oladi; ikkinchi sanchilishini 1 da igna faqat bukilgan materialni teshib o`tadi, bunda material bo`rttirilmaydi. Buyum etagini bir gal sanchilgandan keyin bukib tikish uchun, gayka 36 ni bo`shatib (9.3-rasmga qarang), uning richagi o`ngga buriladi. Igna sinsa yoki almashtiriladigan bo`lsa, maxovik g`ildirak 32 ni burib igna yuritgich chap chekka holatga keltiriladi, vint 8 ni bo`shatib, ignaning qisqa ariqchasini yuqoriga qaratib, igna yuritkich bilan qisuvchi plastinaning paziga o`rnatiladi (vint 8 tagidan). Kolba vint yordamida mahkamlanadi. Mexanizmlarining tutashgan joylarini moylash uchun markazlashtirilgan pilikli moylash sistemasi qo`llanilgan. Tikuvchi nazorat darchasi 33 orqali moy sathini aniqlab turishi kerak. Agar uning meniski ostki belgi chizig`idan pastga tushgan bo`lsa, moy quyish kerak. Bunda to`rtta vint 35 ni burab olib, qopqoq 34

olinadi va karter teshigidan moy quyiladi. Mashinada tikish oldidan moy sistemasini ishga tushirish uchun tikuvchi sterjen 31 ni bosishi kerak. Tikib bo`lgandan keyin sterjen 31 yuqoriga ko`tarib qo`yiladi. 9.3 "Pannoniya" (Vengriya) firmasining SS-790 rusumli tikuv mashinasi . Bu mashina kuylak, kostyum va paltolarni bir ipli zanjirsimon yashirin bahyaqator yuritib ham qavib, ham bukib tikishga mo`ljallangan. Asosiy valining aylanish chastotasi 3500 min gacha, bahyasining yirikligi 3 dan 7 mm gacha rostlanadi, materiallarning tepki tagida qisilgan holatdagi qalinligi 3 mm gacha. Ignalar 3669 E № 70-110 (Vengriyada chiqariladi). Mashinada tebranuvchi igna mexanizmi, murakkab fazoviy harakatlanuvchi chalishtirgich, materiallarni suradigan reykali mexanizm, tebranuvchi bo`rttirgich va ikkita bosish tepkisi bor. Bu mashinaning boshqa yashirin bahya mashinalaridan farqi shundaki, unda buriladigan ko`prikchasi yo`q, uning o`rniga tsilindrik platforma 4 (9.5-rasm) ishlatilgan. Bu amalda hamma qavish va bukib tikish operatsiyalarini, hattoki diametri 60 mm dan ortiq tsilindr detallarni ham tikishga imkon beradi. 9.5-rasm. 790 rusumli tikuv mashinasi .

Iplarni taqish. g`altakdan tushgan ip yuqoridan chapga tomon ip yo`naltiruvchi teshik 21 ga kiritiladi, taranglik rostlagichi shaybalari 20 ning orasidan soat mili harakatiga qarshi yo`nalishda aylantirib, oldinga tomon ip yo`naltiruvchi teshik 19 dan va ip yo`naltiruvchi naycha 15 dan o`tkaziladi. Maxovik g`ildirak 23 ni burib igna yuritkichni chap chekka holatga keltirib, bosish plastinasining ip yo`naltiruvchi 14 teshigidan o`tkaziladi, keyin pastdan yuqoriga tomon igna 11 ko`ziga taqiladi. Qalin (kostyumbop) materiallarni tikishda ipni ip yo`naltiruvchi teshik 19 dan keyin ip yo`naltiruvchi teshik 16 dan o`tkazish tavsiya etiladi, keyin yuqorida ko`rsatilgandek o`tkaziladi. Mashinani ishlatish va asosiy rostlashlar. Mashina maxsus ish stoli ustiga o`rnatilgan bo`lib, uning pedali bor; o`ngdagisi tortki yordamida richag 25 ga ulangan bo`lib, bo`rttirgich 9 ni burishga va tepkini tushirishga, chapdagisi esa mashinaning friktsion yuritmasini ishga tushirishga xizmat qiladi. Ishni bajarish qulay bo`lishi uchun mashina ochiladigan stolcha 8 bilan ta`minlangan bo`lib, uni ishlash zonasidan chiqarib qo`yish ham mumkin. Igna plastinasi 6 ga uning tagida vint 10 yordamida yo`naltirgich-lineyka mahkamlangan. Uning yordamida bukib tikish ishlari bajariladi. Igna plastinasi o`yig`iga to`xtatgich 1 kirib turadi, u bo`rttirgich tikuvchi tomonga burilganda materialni surmasdan to`xtatib turadi. Igna 11 ni almashtirish uchun maxovik g`ildirak 23 ni burib, igna yuritkichni chap chekka holatga keltiriladi, vint 13 qisqa ariqchasini yuqoriga qaratib igna 11 o`rnatiladi. Materialni bo`rttirib chiqarilish balandligini dasta 27 ni burib rostlanadi. Agar dasta soat mili harakati yo`nalishida burilsa, material ko`proq bo`rtib chiqadi, dasta 27 da bo`rttirish balandligini aniqroq o`rnatish uchun darajalangan shkala bor. Reyka 12 ning materialni qamrash miqdori 285 rusumli tikuv mashinasidagidek rostlanadi. Bahya yirikligini rostlashda knopka 22 ni bosib, maxovik g`ildirak 23 uning aylanish yo`nalishi tomonga to knopka 22 ning sterjeni pastga tushguncha aylantiradi. Keyin maxovik g`ildirak 23 soat mili harakati yo`nalishida to yana shiqillagan ovoz eshitilguncha aylantiriladi. Shiqillagan ovoz bahya yirikligi

o`zgarganligini bildiradi. Shunday qilib, asosiy valning bir marta aylanishida 3 mm dan 7 mm gacha to`rt xil bahya yirikligi hosil qilish mumkin. Bahya yirikligi o`rnatilgandan keyin knopka 22 qo`yib yuboriladi. U o`z prujinasi ta`sirida ko`tarilib chiqishi kerak. Tepkining materialga bosimi vint 3 yordamida rostlanadi, bunda chapdagi vint 3 o`ng tepki bosimini o`zgartirishga, o`ng tomondagi vint 3 esa chap tepkining bosimini o`zgartirishga xizmat qiladi. Vintlar burab kiritilsa, tepkining bosimi oshadi. To`xtatgich plastinasi 7 ning bosimi vint 5 yordamida prujina 1 ning bosimini o`zgartirib rostlanadi. Vint 5 burab kiritilsa, gayka 2 prujina 1 ni cho`zadi va tormoz plastinasi 7 ning materialga bosimi oshadi. Yo`naltirgich-lineykaning bukib tikish operatsiyasini bajarishdagi holatini vint 10 ni bo`shantgandan keyin, uni igna plastinasi 6 ning ko`ndalangiga surib rostlanadi. Buyumning etagini bukib tikishda igna har teshib o`tishida, bir, ikki, uch gal teshib o`tgandan keyin tikish mumkin, chunki bu mashinada, maxsus interval mexanizmi bor. To`rtta pazi bosh shchit 26 da o`ngdan chapga tomon 0,1:1, 1:2, 1:3 bo`linmalar qilingan. 0 bo`linmasi material igna har bir teshganda bo`rtib chiqishiga. 1:1 bo`linmasi materialni igna bir gal teshgandan keyin bo`rtib chiqishiga va hokazoga mos keladi. Ko`rsatkich knopka 24 ni shchit 26 ning navbatdagi paziga o`tkazish uchun, knopka 24 ni bosib, u shchit 26 ning bo`linmasiga moslab buriladi. Detallarning tutashgan joylarini qo`lda individual moylash bilan pilik yordamida moylash birga ishlatiladi. Mashina tanasining ketingi tomonidagi ikkita joyidan tashqari hamma moylanadigan joylari rasmda strelka bilan ko`rsatilgan. Igna, chalishtirgich va materialni surish mexanizmlari detallarining tutashmalari gayka 17 ni bo`shatgandan keyin qopqoq 18 ni olib qo`yib, moydon yordamida qo`lda moylanadi.

O'xshashlar

Tikuv mashinalari haqida umumiy ma`lumotlar

TIKUV MASHINALARINING ASOSIY ISHCHI ORGANLARI VA MEXANIZMLARI

Manjetli va manjetsiz yeng uchlarini ishlash

YO`RMASH-TIKISH MASHINALARI

ZANJIRSIMON BAHYAQATOR HOSIL QILIB TIKISH MASHINALARI