Qo‘l, oyoq tasviri (erkak yoki ayol kishi) anotomik tahlili bilan. (Keksa chayir kishi, konstruktiv yechimda, taxminiy chizma, sun’iy yorug‘likda) - To'qimachilik - Referatlar

Qo‘l, oyoq tasviri (erkak yoki ayol kishi) anotomik tahlili bilan. (Keksa chayir kishi, konstruktiv yechimda, taxminiy chizma, sun’iy yorug‘likda)

Yuklangan vaqt:

13.04.2024

Ko'chirishlar soni:

0

Hajmi:

35 KB

Ko'chirib olish

Qo‘l, oyoq tasviri (erkak yoki ayol kishi) anotomik tahlili bilan. (Keksa chayir kishi, konstruktiv yechimda, taxminiy chizma, sun’iy yorug‘likda) Reja : 1. Qo‘l va oyoq chizmatasviri 2. Kompozitsion joylashtirish, qurish 3. Tus munosabatlari nisbatini aniqlash

Qo‘l va oyoq chizmatasviri. Chizmatasvirda inson qomatini va boshni xususan o‘rganish bilan bir qatorda, qo‘l va oyoq panjalari chizmatasvirini o‘rganish ham nazarda tutiladi. Qo‘l va oyoq panjalari murakkab shakldan iborat, ularning ma’lum ma’noda ichki suyak va muskullar qurilmasini bilmay turib, tashqi ko‘rinishini, shaklini tushunib bo‘lmaydi. Shuning uchun naturani jonli oyoqlardan turli holatda chizish bilan birga, qo‘l va oyoq panjalari suyaklaridan, shuningdek ularning muskul qoplamlaridan homaki chizmalar bajariladi. Ammo bu qismlarning yaxshi tasvirini berish yetarli emas, ularning alohida xususiyatlari, betakror mutanosibligi, yosh, kasb va boshqa bir qator sabablar o‘z izini qoldirgan shakllarni ifodalash zarur. O‘ng qo‘lning ko‘rsatkich barmog‘i shakli tasviridagi ayrim tarqoqlikni chizmatasvirning kamchiligi deyish mumkin. Qo‘l panjalari faqat har xil vaziyatda homaki ishlangan. Oyoq panjalari va ularning mushaklari o‘zining umumiy guruhida qo‘l panjalarini eslatadi, shuning uchun ularni o‘rganish metodikasi bir xil. Bu yerda ham uning anatomik qurilmasini o‘rganish naturadan ishlash bilan mustahkamlanishi zarur. Naturadan chizish esa anatomiyadan olingan amaliy bilimlar bilan mu stahkam lanadi. Qo‘l va oyoq panjalarining bir-biriga o‘xshashligi sababli ularni bir postanovkada berish mumkin . Kompozitsion joylashtirish, qurish. Talabalar postanovkani turli nuqtalardan kuzatadilar. Ish boshlashdan oldin bir qator qoralamalar bajarishadi. Shudan so‘ng o‘zlariga yoqqan, nuqtani tanlab vazifani bajarishga kirishadilar. Shoshmasdan yengil chiziqlar bilan naturani matoga o‘qituvchi ta’kidlagan qonun - qoidaga amal qilib chizishni boshlashadilar. Naturani matoning o‘rta qismiga joylashtirib, interyer bilan uzviy bog‘lash vazifasi turadi. Qomatning boshi, oyoqlari planshetga qay tarzda joylashishi, interyer elementlarini yengil chiziqlar bilan ko‘zda chamalab belgilab chiqiladi. Qomatni qurishda o‘q chiziq o‘tkaziladi. Naturani planshetga joylashtirganda tepa qismida pastkisidan ko‘proq bo‘shliq qoldiriladi. Ikki yon tomonlar dan esa deyarli birxil oraliqlar bo‘ladi. Uni qurishda

boshqismining yuqori nuqtasidan oyoq uchiga to‘g‘ri chiziq tortilib undan tos suyagiga chiziq davom etadi. Yelkalar yo‘nalishi, tirsak va qo‘llar holati, ikki tizzaning bir - biriga munosabati vashu zaylda nuqtalar belgilanib, chiziqlar tortiladi. Postanovka kompozitsiyani o‘ziga xos tomoni xususida aniq, sobit tushincha beriladi. Kompozitsiya mukammalligi bo‘lajak suratni plastik yaxlitligini tashkil etadi. Har bir vazifani o‘zgacha kompozitsiya yechimi bo‘lgani kabi ushbu vazifani maqsadi xususida so‘zlab, so‘ng amaliy ishga qo‘l uriladi (eskiz). Kompozitsiya eskizini dastlab, turli formatlardan kelib chiqib, qog‘ozda qalam bilan ijro etiladi. Puxta topilgan kompozitsiya eskizini asos qilib olib, ushbu formatdan kelib chiqib romka va mato tayyorlanadi. Kompozitsiya yechimida talaba tanlagan tekislikda buyum va jussa orasida uyg‘unlik bo‘lmog‘i lozim, zero uyg‘unlik bo‘lmasa bo‘lajak o‘quv rangtasviri xom ko‘rinishga ega bo‘ladi. Tus munosabatlari nisbatini aniqlash. Bir nechta jismlar orasidagi yorug‘lik munosabatlari orasidagi farq naturadagi tus munosabatlari deb ataladi. Naturaga proporsional bo‘lgan bir nechta jismlar orasidagi yorug‘lik tafovuti tasvirdagi tus nisbatlari xisoblanadi. Buyum yuzasidagi yorug‘lik darajasi naturadagi tusi deb ataladi. Boshqa yuzalar yorug‘ligi bilan solishtirish natijasida, naturaga proporsional ravishda olingan (yoki tasvirlangan) yuza yorug‘ligi esa tasvirdagi tus munosabati xisoblanadi. Tabiatda aks etayotgan nur va soya o‘yinlarining barcha kuchini ifodalash odatda imkonsizdek tasavvur qilinadi. Zero, tabiatdagi jismlarning yorug‘lik darajasi tez suratda ko‘payishi yoki aksincha kamayishi mumkin. Ular orasidagi tafovut shu qadar ulkanki bu xodisalarning ifodasini tasavvur qilish qiyin. Masalan, quyosh yorug‘ligi oy nuridan yuz mingliab marotaba kuchlidi. Bu yorug‘liklarni ifodalash uchun rassomning imkoniyatlari nisbatan cheklangan. Shu sababli, chizmatasvirdagi rang-tus, nur-soya orasidagi qarama-qarshilik tabiatdagigna nisbatan bir necha bor kam bo‘lishi mumkin. Eng oppoq bo‘yoq va eng oppoq q og‘oz ham o‘zida derazadan tushayotgan nurlarda ko‘proq yorug‘likni

aks ettira olmaydi. Qog‘ozga tushayotgan yoruhlik-bizning imkoniyatimizdagi kartinada tasvirlanadigan eng kuchli yorug‘likdir .

Adabiyotlar : 1. O’zbekiston Enstiklopediyasi ―J‖ harfi 2. Boymetov B. ―Qalamtasvir‖. Darslik 1-qism. Toshkent,2006 3. Tolipov N., Abdirasilov S., Oripova N. Rangtasvir. T., 2006. 4. Abdirasilov S. Tolipov N., Oripova N. ―DastgoHli rangtasvir‖ (2qism). T., 2003. 5. Tojiev B. ―DastgoHli rangtasvir‖ fanidan ma’ruzalar matni. T.,2000. 6. Tolipov N. Abdirasilov S. ―DastgoHli rangtasvir‖-Toshkent. 2005. 7. Tojiev B. ―Qalamtasvir asoslarini o’rganish‖. Toshkent 1994.

O'xshashlar

Erkak kishining libossiz yarim komati. (Keksa chayir kishi, konstruktiv yechimda, shartli chizma suniy yorug‘likda)

Erkak kishining libossiz komati (orka tarafidan tasviri, anatomik taxlili bilan, keksa chayir kishi, konstruktiv yechimda, shartli chizma suniy yorug‘likda)

Erkak kishining libossiz komati (old tarafidan tasviri, anatomik taxlili bilan, keksa chayir kishi, konstruktiv yechimda, shartli chizma suniy yorug‘likda)

Libossiz yarim qomat ort tarafidan. (Keksa chayir kishi, yarim shartli chizma, sun’iy yorug‘likda)

Libossiz yarim qomat old tarafidan. (Keksa chayir kishi, yarim shartli chizma, sun’iy yorug‘likda)