Таржиманинг лексик муаммолари - Tilshunoslik - Referatlar

Таржиманинг лексик муаммолари

Yuklangan vaqt:

20.09.2019

Ko'chirishlar soni:

0

Hajmi:

102.5 KB

Ko'chirib olish

Таржиманинг лексик муаммолари Режа: 1.Лексик бирликларни таржима қилиш муаммолари. 2.Таржима жараёнида лексик мувофиқлик турлари. 3.Лексик трансформация турлари. 4. Таржиманинг грамматик муаммолари

Лексик бирликларни таржима қилиш муаммолари. Тилнинг семантик хусусиятлари, уларнинг кулланиши, бошқа сўзлар билан бирика олиш ва богланиш имкониятлари, тилнинг лексик тизимида «жойлашиш» ўрни турли тилларда ўзига хос хусусиятларга эга бўлиб, доим ҳам мос келавермайди. Икки тил орасидаги семантик тафовутнинг ҳамма холатларини бирдек камраб олиш мумкин бўлмаганлиги сабабли, биз уни типик хусусиятларига караб ўрганамиз. Инглиз ва ўзбек тилларидаги лексик мувофиқлик турлари қуйидагича таснифланиши мумкин: 1. Тўлиқ лексик мувофиқлик. 2. Қисман лексик мувофиқлик. 3. Умуман мос келмаслик. 4. Тўлиқ лексик мувофиқлик. Тўлиқ лексик мувофиқлик - инглиз ва ўзбек тилларида камдан-кам учрайдиган холат. Одатда, улар қуйидаги лексик гурухларга тегишли бўлади: 1) атокли от ва географик жой номлари; 2) илмий ва техник атамалар; 3) ой, хафта, кун ва сонлар. Қисман лексик мувофиқлик. Таржима амалиётида лексик бирликларнинг қисман мослиги кўп кўзатилади. Қисман мослик манба матндаги сўзнинг таржима тилида бир қанча мувофиқликлари мавжуд бўлганда рўй беради. Унинг сабаблари қуйидагилар: 1) тилдаги кўплаб сўзлар полисемантик (яъни кўп маъноли) бўлиб, бир тилдаги сўз маъноси билан бошқа тилдаги сўз маъноси бир-бирига тулигича мос келмайди. Масалан: house (уй, бошпана, парламент ва х. к), head (бош, калла, рахбар, бошлик ва х. к). Шунинг учун сўзларни таржима қилиш жараёнида уларнинг маънолари контекст ичида очиб берилади; 2) сўзларнинг синонимик катор буйича танланиши ва изохланиши. Синонимлардан фойдаланганда уларнинг семантик белгилари мохиятини аниқлаш зарур. Шундай қилинганда синонимик катор ўзвларининг

маънолари, лексик ва стилистик маъноларидаги фарқлар, синонимик каторлар айрим компонентларининг бирикиш имкониятлари хисобга олинади: dismiss, discharge - ишдан бушатмоқ (китобий тилда); sack, fire - хайдамоқ (оғзаки нутқда); 3) хар бир сўз ўзининг номинатив маъносига эга. Турли тилларда номинатив бирликлар бир хил маъно англатиши мумкин. Чунки хар бир тилнинг номинатив бирлигида шу тилга хос «вокеликни турли кисмларга бўлиб ифодалашнинг турли тамойиллари» мавжуд. Белгилар турлича булишига карамай, таржима қилинаётганда хисобга олиниши керак бўлган микдорни ташкил қиладиган эквивалентлик айнан бир хил маънога эга эмас: hot milk with skin on it - қаймоқ тутган иссиқ сут. Умуман мос келмаслик. Хос сўзларни таржима қилишда лугавий бирликларнинг ўзаро лексик мувофиқ келмаслиги кўзатилади. Қуйидаги гурухга кирувчи сўзларни лексик муқобили мавжуд бўлмаган турга киритиш мумкин: 1) кундалик хаётда ишлатиладиган хос сўзлар (дуппи, чопон, бешик); 2) атокли отлар ва географик жой номлари; 3) табрик ва кутловлар; 4) газета ва журналлар номлари; 5) огирлик ва ўзунлик улчов бирликлари ва ш. к. Илмий адабиётларда бир миллатга хос нарса, буюм, вокеаходисаларнинг ёки, умуман, хорижий сўзларнинг ўзга тилларга кучиб юриши биргина адабий алокаларнинг, хусусан, таржиманинг ривожланишига боғлиқ эмас. Бу халқаро алокаларнинг, сиёсий-тарихий, маданий вокеаходисаларнинг ўзга халқлар дунёқарашига таъсири билан ҳам боғлиқ. Айнан шу туфайли, масалан, рус тили орқали ўзбек тилига сиёсат, дин, иктисод ва илм-фанга оид кўплаб хорижий сўзлар сингиб кетган. Бу ўринда хорижий адабиётлар таржимаси орқали ўзбек китобхонларига, кўпинча, тушунарли бўлмаган кўплаб тушунчаларни ифодаловчи хос сўзлар кириб келаётганини ҳам алохида таъкидлаш жоиз.

Хос сўзлар таржимасида, одатда, икки хил қийинчиликка дуч келинади: 1) аслият тилига хос сўзларга мос эквивалентнинг мавжуд эмаслиги; 2) аслият тилидаги хос сўзлар, мазкур халқка доир миллий, тарихий колоритни таржима қилинаётган тилда тулалигича ифодалашнинг мураккаблиги. Шу нуктаи назардан, хос сўзлар таржимасида қуйидаги холатлар кўзга ташланади: 1) Байналминал характердаги хос сўзлар. Таржимада улар ўз шаклида бирлашиши мумкин; 2) Фақат маълум бир худуд ёки миллатга хос вокеа-ходисалар. Улар шу миллат турмуш тарзига хос тушунчаларнигина ифодалайди. Агар таржимон бундай ўзига хосликни тушунмай, уни бошқа маъно ифодаловчи сўз билан угириб куйса, асарнинг миллий колорити, сўз ифодалаган маънонинг ўзига хослигига путур етказган бўлади. Бундай холларда хос сўзлар хорижий тилдаги шаклда берилиб, изохи хавола (сноска)да берилади. 3. Айрим хос сўзлар матн ичида ўзича колдирилиб, контекстнинг ичида изохи келтирилади. Шундай қилиб, хос сўзларнинг таржимасида қуйидаги усуллар кўпроқ кўзатилади: 1) транскрипция; 2) транслитерация; 3) таржима орқали янги сўз - неологизм хосил қилиш; 4) сўзма-сўз (калька) таржима қилиш; 5) маъноси якинлаштирилган сўз билан ўгириш; 6) хос сўзни изохлаб баён қилиш; 7) контекстуал муқобил билан алмаштириш.

Таржиманинг грамматик муаммолари Бир тилни бошқа тилдан ажратиб турувчи белгилар тизими мавжуд. Шундай тиллар жумласига инглиз ва ўзбек тиллари ҳам киради. Уларнинг грамматик тизимлари типологик ва генетик жихатдан фарқланади. Инглиз тили хинд-европа тиллар оиласининг герман тиллар гурухига, ўзбек тили эса олтой тиллар оиласининг туркий тиллар гурухига киради. Инглиз тили морфологик тўзилишига кура ўзгарувчан аналитик характерга ва ёзилиш жихатидан синтетик характерга эга. Ўзбек тили эса аглютинатив тил хисобланади. Қуйидаги мисолларни киёслаб ўрганиш орқали тиллар уртасидаги фарқларни кўзатиш мумкин: Қисман морфологик мувофиқлик грамматик категориялар бир хил маънони бериб, маъноси маълум даражада фарқланганда юзага келади. Буни отлардаги келишик категориясида ҳам куриш мумкин. Иккала тилда ҳам келишикнинг маъноси бир хил, лекин улар сони ва ифодалаётган маънолари нуктаи назардан фарқланади. Инглиз тилида иккита, ўзбек тилида эса олтита келишик бор. Умуман морфологик мос келмаслик. Бу холатни грамматик категорияларнинг умуман мос келмаслигида кузатишимиз мумкин. Масалан, ўзбек тилида эгалик категорияси эгалик қўшимчалари орқали ифодаланади. Ўзбек тилида English Китоб - им my book Китоб - инг your book Китоби his/her book Ўзбек тилидаги эгалик категорияси инглиз тилидаги эгалик категориясига умуман тўғри келмайди . Ўзбек тилида эгалик категориясини ифодалаш учун эгалик қўшимчасидан фойдаланилса , инглиз тилида олмошлардан фойдаланилади .

Инглиз тилида отларнинг аниқ ёки ноаниқлигини ифодалаш учун муайян артиклдан фойдаланамиз . Аммо ушбу грамматик воситанинг ўзбек тилида мос варианти мавжуд эмас. Бу холда артикллар маъноси тилнинг лексик ва синтактик воситалари ёрдамида берилади. Энди инглиз ва ўзбек тилларидаги грамматик мувофиқликнинг синтактик жихатдан мослашувини куриб чикамиз: Тўлиқ синтактик мувофиқлик деганда, структура мослиги, сўз бирикмалари ва гап бўлакларининг мослашуви тушунилади. Ўзбек ва инглиз тилларида тўлиқ синтактик мувофиқлик камдан-кам холларда учрайди. Тўлиқ синтактик мувофиқликни Adjective + Noun қолипидаги сўз бирикмасида кузатишимиз мумкин: white flag - оқ байроқ. Худди шундай холатни содда гапларнинг кесими утимли феъл билан ифодаланганда ҳам куришимиз мумкин: He laughed. - У кулди. Қисман синтактик мувофиқлик. Қисман синтактик мувофиқликда сўз бирикмаларида маънолар мослиги бўлса-да, структураси бир-биридан фарқланади. Сўз бирикмаларидаги қисман синтактик мувофиқлик қуйидагича: 1. Синтактик жихатдан аниқловчили сўз бирикмалари ясалишида инглиз тили ўзгаришларга бой бўлмаган тил хисобланиб, аниқловчилар, асосан, сўзлар жойлашиши воситасида (Noun1+Noun2 структурасига биноан) ясалади ва қуйидаги турдаги муносабатларни ифодалайди: Атрибутив: English Ўзбек тилида Glass-tube шиша найча N1+N2 N1+N2 Бу мисолларда инглиз ва ўзбек тилларида фарқ кўзатилмайди. Эгалик қўшимчалари: house-plan [N1+N2] уй плани [N1+N2 (-и)] - план дома [N1+N2 (-a)].

Юқоридаги мисоллардан куриниб турибдики, инглиз тилида ўзгариш йўқ, аммо ўзбек (-и қўшимчаси) ва рус (-а қўшимчаси) тилларида ўзгариш кўзатиляпти. Яна бир мисол: workers club [N1+N2] - ишчилар клуби [N1 (-лар + нинг) +N2 (-и)]. Қисман синтактик мувофиқлик биринчи компоненти сон билан ифодаланган сўз бирикмаларида ҳам кўзатилади: English Ўзбек тилида one book битта китоб two books иккита китоб three books учта китоб four books туртта китоб five books бешта китоб Инглиз ва ўзбек тилларида кўпликнинг ифодаланиш усули иккинчи таркибий кисм (компонент)да фарқланади. English Ўзбек тилида Num+Npl. Num+Nsing. Бундан куринадики , ўзбек тилига нисбатан инглиз тилидаги мисолларда иккинчи компонентда ўзгариш мавжуд . Умуман синтактик мое келмаслик дейилганда , аслият тили билан таржима тили уртасидаги маълум синтактик конструкциялар етишмаслиги ёки мос келмаслиги тушунилади . Инглиз тилида бу синтактик конструкциялар гапнинг тўлиқ бўлмаган ёки иккинчи даражали бўлакларини ташкил қиладиган феълнинг шахссиз шакллари билан ифодаланади . Предикатив конструкцияларнинг семантик вазифаси харакатларнинг бир-бири билан ўзаро алокада булиши ва муайян вазиятда мослашишини билдиради. Ушбу конструкциялар билан гапнинг бош бўлаклари уртасида расман грамматик боғлиқлик булмаса-да, улар уртасида доимо мувофиқлик мавжуд. Предикатив конструкцияларда харакат ёки холат содда ва кушма гаплар таржимасида аниқланади. Масалан: I heard the door open. -Эшик очилганини эшитдим. Грамматик трансформация турлари. Бир тилдаги маълумотни бошқа бир тилда ифодалаш учун бир қанча лексик ва грамматик трансформация

турларидан фойдаланишга тўғри келади. Қуйида грамматик трансформациянинг грамматик ўрин алмаштириш, грамматик транспозиция, грамматик тушириб қолдириш, грамматик қўшиш каби турларини кўриб чиқамиз. Грамматик ўрин алмаштириш деганда, бир гап бўлагини бошқа бир гап бўлаги билан ёки бирор сўз шаклини бошқа сўз шакли билан алмаштириш тушунилади. Грамматик ўрин алмаштиришда икки холат кузатилади: а) гап бўлакларини алмаштириш; б) сўзнинг граммматик шаклларини алмаштириш. Ўрин алмаштириш орқали таржима қилишнинг бир неча сабаблари мавжуд: - таржима қилинаётган тилда аслиятдаги грамматик шакл ёки конструкцияларнинг мавжуд эмаслиги; - шакл ва конструкцияларнинг бирикишида мувофиқликнинг етишмаслиги, шунингдек, лексик сабабларга кўра турли хил мослашувлар ва сўзларнинг ишлатилиши; - худди шу маънодаги гап бўлагининг етишмаслиги. Қуйидаги мисол инглиз тилидаги иккита гапнинг бўлаклари ўрнини алмаштириш орқали феълнинг маънолари очиб берилади: He says he will come. - У келишини айтяпти . He said he would come. - У келишини айтди . Ўзбек тилида шунга ўхшаш сўз шакли бўлмаганлиги туфайли сўзларнинг маънолари бошқа грамматик воситалар ёрдамида ифодаланган . Ўзбек тилида феъл функцияси сифатдош қўшимчаси - жак ёки харакат номи -( и ) ш қўшимчалари билан ифодаланади . Гап бўлаклари ўрнини алмаштиришнинг шартли ва ихтиёрий турлари мавжуд . Таржимада шартли ўрин алмаштириш аслият тилидаги гап бўлакларида ишлатилган воситанинг таржима тилида мавжуд эмаслиги ёки мос келмаслигида кўринади ( масалан , инглиз тилидаги артикль ).

Ўзбек тилида артикль бўлмаганлиги учун уни таржима қилишда турли лексик ва грамматик воситалардан фойдаланилади. Артикль гумон, кўрсатиш олмошлари, сон ва урғу вазифаларида ҳам келиши мумкин. Шунинг учун ўзбек тилида артиклларнинг маъносини берадиган турлича воситалардан фойдаланилади : When we were in Majorca, there was a Mrs. Leech there and she was telling us most wonderful things about you. (A. Christie) - Биз Майоркада бўлганимизда қандайдир миссис Лич бор эди . У бизга сиз тўғрингизда жуда кўп кизикарли нарсаларни айтиб берганди. (А. Кристи) Бу таржимада гумон олмошларидан ноаниқ артикль ўрнида фойдаланилган. Ихтиёрий урин алмаштиришда контекстдаги маънога қараб ўрин алмаштирилади: The climb had been easier than he expected. - Кўтарилиш у кўтгандан кўра осонрок кечди. Юқоридаги мисоллардан кўриниб турибдики, инглиз тилидаги аниқ артикль билан келган от ўзбек тилида инфинитив билан берилган. Грамматик алмаштиришлар аслиятдаги грамматик бирликнинг таржима тилига ўзгача грамматик маъно билан ўгириладиган таржима усули ҳамдир. Манба тилининг исталган сатхидаги грамматик бирлик алмаштирилиши мумкин: сўз шакли, нутқ кисми, гап бўлаги, маълум турдаги гап. Таржимада хар доим МТ шаклининг ТТ шаклига алмаштирилиши юз беради. Синтактик кайта кўриш кўп холларда инверсияли гап таржимасида, яъни сўзларни тескари тартибда таржима қилиш зарурияти бўлган гапларда талаб қилинади. Инверсия стилистик ёки маъновий талаблардан келиб чикади. Инглиз тилида инверсия жуда ифодали эмфатик восита хисобланади. Грамматик алмашинувда аслиятдаги грамматик бирлик таржима тилида бошқа грамматик белги билан алмаштирилади. Бу сўз категориялари (род, сон), сўз туркумлари, гап бўлаклари алмашинуви орқали амалга оширилади. Масалан, инглиз тилида кўпликдаги от таржимада бирликда от билан келиши ёки аксинча бўлиши мумкин. Масалан, money (бир-ликда) - деньги

(кўпликда) - пул (бирликда); struggles (кўплик-да) - борьба (бирликда) - кураш (бирликда). We are searching for talent everywhere. (Бирликда) - Мы повсюду ищем таланты. (Кўпликда) - Биз ҳамма жойдан талантларни қидиряпмиз. (Кўпликда). They left the room with their heads held high - Они вышли из комнаты с высоко поднятой головой. (Бирликда) - Улар хонага бошларини ғоз тутганларича киришди. (Кўпликда). Энг кўп таркалган грамматик трансформация тури сўз туркумлари алмашинувида кузатилади. Бунда отларнинг феъл ва сифат билан алмашинуви кўпроқ учрайди: He is а poor swimmer. - Он плохо плавает. - У ёмон сўзади. She is no good as a letter-writer. - Она не умеет писать письма . - У хат ёзолмайди . I am а very rapid packer. - Я очень быстро укладываюсь. -Мен тезда йиғиштириб бўламан. Таржимада сўз туркумларини алмаштириш гап таркибининг ўзгаришига олиб келади. Масалан, қуйидаги жумла таржимасида эга ўрин холи билан алмаштирилган: Аслият: The last week saw an intensification of diplomatic activity. Русча таржима: На прошлой неделе наблюдалась активизация дипломатической деятельности. Ўзбекча таржима: Ўтган хафтада дипломатик муносабатларнинг фаолллашуви кузатилди. Ноаниқ артикль таржимада «one» сони ёки гумон олмоши билан алмаштирилиши мумкин. She solved the problem at a blow. - У муаммони бир зумда хал этди . An apple a day keeps the doctor away. - Кунда бир олма , табибни эсга олма .

He had not an enemy on earth. - Унинг бу оламда бирорта ҳам душмани йўқ эди . She is a Mrs. Erlynne. - Бу қайсидир миссис Эрлинн . Гр а мм а ти к т ран спо з ици я деганда, манба тили билан таржима тилидаги лингвистик элементларнинг урин алмашиши тушунилади. Транспозициянинг икки тури мавжуд: 1) гап бўлаклари урнининг алмашиши; 2) қўшма гапларда синтактик боғлиқлик. Масалан : Active defenders of the national interests of their people, the Actives, are at the same time true internationalists. (W. Foster) - Фаоллар ўз халқи миллий манфаатларини дадил химоя қиладилар ва айни вақтда , улар хақиқий байналминалчилар ҳамдир . ( В . Фостер ) A big scarlet Rolls Royce had just stopped in front of the local post office. (A. Christie) - Махаллий алока булими олдида қизил рангдаги катта РолсРойс автомашинаси тўхтади . ( А . Кристи ). Инглиз тилида гапнинг семантик маъноси ноаниқ артикль билан ифодаланган , ўзбек тилида эса бу иккинчи даражали маъно хисобланади . Инглиз тилидаги мураккаб кушма гапни ўзбек тилига таржима қилиш жараёнида бош гап ва эргаш гаплар жойи ўзгариши мумкин . Бу шуни англатадики , мураккаб кушма гапдаги сўзлар тартиби бошқа тилларда хар доим ҳам мос келавермайди . Масалан : A remarkable air of relief overspread her countenance as soon as she saw me. - Мени кўриши биланок , унинг юзида хотиржамлик аломати пайдо бўлди . Сўзларни тушириб колдириш грамматик трансформациянинг бир тури бўлиб , грамматик компонентларнинг қисқартирилишида кузатилади : He raised his hand. - У қўлини кўтарди . Бу гапда «his» ( ўз ) олмоши тушиб колган . Қўшиш грамматик трансформациянинг шундай турики , унда аслият тилидаги грамматик ва семантик компонентларни таржима тилида сўз қўшиш орқалигина кайта тиклаш мумкин : Also, there was an awkward hesitance at times, as he essayed the new words he had learnt. - Баъзан у

яқиндагина ўрганган сўзларини талаффуз қилишга хозирланиб , тўхтаб қоларди . Феълнинг маъноси ўзбек тилида « яқиндагина » равиши билан ифодаланган . Инглиз ва ўзбек тилларида сўз тартиби орасида фарқ , кўпинча , таржимада кайта тузишни талаб қилади . Шу сабабли таржимада аксарият холларда ўзбек тилининг синтактик меъёрларига мувофиқ тарзда гапни кайта тўзишга тўғри келади . Эгани кесимдан ажратиб турадиган аниқловчи гурухлар билан эга ифодаланган холатларда ҳам таржимада гапни кайта тузиш талаб қилинади . Бу холатни киёсий даража сифатлари таржимасида ҳам кўзатиш мумкин : The stoppage which is in support of higher pay and shorter working hours began on Monday. - Забастовка в поддержку требований о повышении заработной платы и сокращении рабочего дня началась в понедельник . - Иш хақини кўпайтириш ва иш вақтини қисқартиришни қўллаб - қувватловчи иш ташлашлар душанба куни бошланди . Хулоса Таржиманинг лексик муаммоларини ўрганишнинг мухим жихати бўлажак таржимонларни пухта тайёрлаш, юзага келадиган қийинчиликларни бартараф этиш йўлларини билиш, куникмаларини ишлаб чикишдан иборат. Таржима жараёнида вужудга келадиган лексик муаммолар, уларнинг тўлиқ, қисман ва умуман мос келмаслик даражаларини ўрганиб чикиш, тўлиқ лексик мувофиқсизликда кулланиладиган методларни тўғри куллай билиш таржима сифатининг ошишига кумаклашади. Бу борада муқобилсиз лексика, яъни хос сўзлар таржимаси масаласини чукур ўрганиш мақсадга мувофиқ.

Фойдаланилган адабиётлар: 1. Рахимов Ғ. Таржима назарияси ва амалиёти. Ўзбекистон милий энсиклопедияси. Давлат илмий нашриёти. Тошкент-2016. 176 б. 2. Алимов В. В. Теория перевода. Перевод в сфере профессиональной коммуникации. - Москва: УРСС, 2004. 3. Бархударов Л. С. Язык и перевод. - Москва: МО, 1975. - 190 с. 4. Виссон Линн. Практикум по синхронному переводу с русского на английский. - Москва, 2000. - С. 200.

O'xshashlar

Таржиманинг стилистик муаммолари

Таржиманинг прагматик муаммолари

Б сўзининг лексик бирлик сифатидаги назарий муаммолари

Араб сўзининг лексик бирлик сифатидаги назарий муаммолари

Махорат – таржиманинг “жони”