Таржиманинг прагматик муаммолари - Tilshunoslik - Referatlar

Таржиманинг прагматик муаммолари

Yuklangan vaqt:

20.09.2019

Ko'chirishlar soni:

0

Hajmi:

153 KB

Ko'chirib olish

Таржиманинг прагматик муаммолари Режа: 1. Таржимада прагматика тушунчаси ва таржимашуносликда прагматиканинг ўрни. 2. Таржиманинг прагматик салохияти. 3. Таржима жараёнида прагматик маънонинг тушириб колдирилиши. 4. Прагматик маънонинг асосий хусусиятлари. 5. Прагматик маъно ва таг билимлар.

Таржимада прагматика тушунчаси ва таржимашуносликда прагматиканинг ўрни. Прагматика (юнонча прагма - харакат) - муайян нутқ жараёнида белгилар ва уларнинг иштирокчилари уртасидаги муносабатни ўрганувчи семиотиканинг бир булимидир. Прагматикага бугунги кунда тил вақилларининг муайян сўзлар ва семантик конструкциялар ёрдамида ўз муносабатини билдириш ва сухбатдошнинг муносабатини тушуниш даражаси, яъни мавжуд вазиятдан келиб чикиб муносабат билдириш сифатида каралади. Прагматика амалиётининг ривожланишида уч боскич кўзатилади: Биринчи босқич. 1930 йилда «прагматика» атамаси биринчи марта семиология-семиотика (белгилар ҳақидаги фан)нинг булими сифатида кулланилди. Карнапнинг таъкидлашича (1938), прагматика тилдан фойдаланувчининг сўз ва муносабатларига асосланган бўлади. Чарльз Моррис семиологияни 3 кисмга ажратади (1940): синтактика, семантика ва прагматика. Грейснинг фикрича, импликатуралар харфий муқобили бўлмаган аспектлар маъно ва мантикни ифодалашнинг маъкул йўли хисобланади. Яъни шу йўл билан тил бирликларининг шартли структурасида нима назарда тўтилаётганлиги эмас, балки нимага ишора қилинаётгани ўрганилади. Иккинчи босқич. 1950-1960 йилларда файласуфлар (Аустин, Серл ва Паул Грис) нутқ коммуникацияси ва импликатура назариясини яратди. Учинчи босқич. 1977 йилда Якоб Л. Мей Голландияда биринчи «Прагматика» журналини нашр эттирди. 1983 йилда чоп этилган Левиннинг «Pragmatics», Жеофрей Личнинг «Principle of pragmatic association) номли китоблари бу сохадаги жиддий тадқиқотлардан эди. 1988 йилда IPA (International Pragmatics Association)нинг ташкил этилиши прагматиканинг фанда долзарб йуналиш сифатида урин эгаллаганлигини курсатади. Жахон тилшунослигида прагматиканинг Британия ва Америка мактаблари шаклланди. Бу мактаблар гап структураси ва грамматикасини дейктик ифодалашга йўналтирилган эди.

Прагматик маънонинг таъсири баён мазмуни ва шакли уйгунлигида намоён бўлади. Таржима жараёнида прагматик маънонинг маълум кисми тушиб колиши мумкин. Нойтбертнинг фикрича, прагматик маънонинг таржимага кучиши қуйидагича содир бўлади: 1) таржимага кучишнинг юкори даражаси (илмий-техникавий адабиёт ва х.к.); 2) таржимага чекловлар билан кўчиш (бошқа тил вакиллари учун информацион-аналитик материаллар тайёрлашда); 3) аслият прагматикасининг деярли таржимага кўчмаслик холати (матн муайян тил вақилларигагина каратилган бўлса). Катрин Райснинг таъбирича, прагматик маънони алоҳида етказиб бериш имкони йўқ. Таржима буюртмачининг манфаатларига мос келиши керак. Куринадики, прагматика - бу тил жамоасининг тил бирликларига бўлган субъектив муносабати. Уларнинг бу муносабатдаги компонентлари хусусиятлари тилнинг парагматик хусусияти тушунчасини келтириб чикаради. Таъкидлаш жоизки, тилшуносликдаги прагматика тушунчаси фақатгина тил бирикмаларининг прагматикаси тушунчасини ўз ичига олмайди. Бу тушунча анча кенг бўлиб, у ёки бу тилнинг коммуникатив жараён иштирокчилари ва вокеа сюжети хилма-хиллиги ҳамда иштирокчиларнинг малакасига ҳам боғлиқлигини ифодалайди. Айнан сўз икки хар хил гурух вақиллари томонидан турлича қабул қилиниши мумкин. Мисол учун, «хакка етишиш» бирикмаси илохият илмининг хадисини олган кишиларда бошқача тасаввур уйготса, оддий кишиларда ёки гайридинларда умуман бошқача тасаввур уйготади. Тилнинг прагматик муаммолари референционал бахоловчи маъноларни ўрганишга нисбатан кам тадқиқ қилинган.

Л. С. Бархударов таржимада рецепторнинг қабул қилиш даражасини ўрганишда хар бир сўзнинг лексик-семантик маъносини қуйидаги типларга бўлиб ўрганишни тавсия қилади: 1) сўзнинг стилистик тавсифи. 2) сўз маънолари рўйхати. 3) сўзнинг эмоционал буёги. Сўзнинг стилистик тавсифи ва прагматик маъно. Ҳамма жанрларда кулланувчи (яъни стилистик бетараф) сўзлар билан бир каторда, кулланиш доираси чекланган сўз ва сўз би-рикмалари мавжудки, уларни маълум жанрлар ва тиллар учунгина қўллаш мумкин. Бундай чеклашлар сўзларнинг стилистик тавсифини белгилаб беради. Шу мақсадда ҳам таржимашуносликда «стилистик тавсифнома» атамаси кўп кулланади. Маълумки, нутқни ифодалашнинг икки асосий куриниши хисобланган оғзаки-сўзлашув ва ёзма турлари мавжуд. Ёзма нутқнинг қуйидаги асосий жанрлари мавжуд: 1) бадиий адабиёт; 2) расмий-илмий жанр; 3) публицистик жанр ва ш. к. Бу жанрларнинг хар бири кичик гурухларга булинади. Масалан: бадиий адабиёт - бадиий проза; драматургия ва шеъриятга, расмий-илмий жанр расмий матнларга, публицистиканинг ўзи сиёсий адабиёт, газета ва журнал жанрлари каби турларга бўлинади. Юқоридагилардан келиб чикиб, инглиз ва ўзбек тилларида қуйидаги стилистик характердаги сўзларни учратишимиз мумкин: 1. Нейтрал - луғат таркибининг ядросини ташкил қилувчи ва ҳамма жанрларда кулланадиган сўзлар. 2. Оғзаки-сўзлашув-оғзаки нутқда , норасмий вазиятларда ишлатиладиган сўзлар. Улар ёзма нутқда қўлланилмайди, аммо бадиий асарда персонаж нутқини ифодалаш учун истифода этилади.

3. Китобий - китобий нутқнинг ҳамма турида кулланилувчи ва оғзаки сўзлашувда доимий ишлатилмайдиган, юзага келадиган маълум бир вазиятлардагина кулланилувчи прагматик маъноли сўзлар. 4. Поэтик - фақат шеъриятда ишлатиладиган кутаринки рухдаги прагматик маъноли сўзлар. 5. Терминологик - бу турга илм-фанга оид прагматик маъноли сўзлар киради. Хар бир миллатнинг фикрлаш доираси, маънавий дунёси бир-биридан фарқ қилади. Буни, кўпинча, миллатнинг диний эътикоди ва фалсафий мушохадаларининг турлича эканлиги билан изохлаш мумкин. Аммо бирбиридан ўзок китъа ва ўзаро кардош бўлмаган тилларда умуминсоний тушунчаларни ифодаловчи сўзлар ҳам бор. Масалан, Хумбольдт университети ўқитувчиси доктор Дорис Шульс бир масалага эътиборни каратади: немис ва ўзбек тилларидаги «мехмондустлик» (гастфроендштафт) сўзи бир хил маънодаги икки: гаст (мехмон), фроендштафт (дустлик) сўзларидан таркиб топган. Демак, тили ва дини бўлакча халқлар орасида ҳам муштарак тушунчаларни англатувчи сўзлар мавжуд. Таржимондан ана шундай синчковлик билан ўз тили ва таржима лексикасини киёслаб ўрганиш, хар битта сўзнинг энг муқобил вариантини танлаш талаб қилинади. Баъзи холларда битта жумлада икки-уч хил прагматик эмоционал буёк учраши мумкин: Please come in ( расмий ). Come in ( нейтрал ). Come in, will you ( маиший , салбий буёкли ). Get the hell in here ( фамиляр , салбий эмоционал ). «Киз» сўзининг регистри қуйидагича булиши мумкин: A girl (нейтрал эмоционал) - қиз. A maiden (ижобий эмоционал) - малак. Баъзан нейтрал ёки эмоционал прагматик маъно ифодаловчи сўзлар кахрамон характерини ёркинрок ифодалаш мақсадида макроконтекстдан келиб чикиб, салбий эмоционал сўзлар билан алмаштирилиши мумкин.

Масалан, Е. Хеменгуэйнинг «Алвидо, курол» асаридаги девушки здесь увидели, что такое фронт жумласини Иброхим Гафуров бу онаси упмаган ойимтиллалар уруш нималигини шу ерга келиб билишган шаклида таржима қилади. Бу ерда кизларнинг холати таржимон куллаётган киноя буёгига эга бўлган прагматик маъноли сўз орқали очиб берилади. Куйида яна прагматик эмоционал маъноли сўзлардан мисоллар келтирамиз: Money (нейтрал эмоционал). Dough, Dash (салбий эмоционал). Food (нейтрал эмоционал). Meal, Dish (ижобий эмоционал). Grub (салбий эмоционал). To live ( нейтрал эмоционал ). To hand out ( салбий эмоционал ). Демак , оғзаки - сўзлашув нутқидаги сўзлар маиший ( фамиляр ) ва эркин сўзлашув гурухига , китобий лексикадаги сўзлар расмий сўзлар гурухига , шеъриятда кулланувчи сўзлар эса кутаринки рухиятдаги сўзларга мос келиши мумкин . Прагматик маънони ўгиришда киёсий бирикмалар , метафоралар мухим роль уйнайди . « Тулкидек айёр », « эшакдек кайсар », « куёндек куркок » каби метафоралар аслиятда учраса , уларни таржима қилишдан аввал таржима тилида ҳам шунга ўхшаш тасвирий ифода воситалари бор - йўқлигини аниқлаш , йўқ булса , контекст мазмунидан келиб чикиб , уларни таржима тилидаги шу маъноларни англатувчи бош бирликлар билан алмашти - риш яхши натижа беради . Таъсирчан ва жонли нутқнинг вужудга келиши прагматик мазмундаги мақол , матал ва фразеологизмларга боғлиқ . Нотиқлар ўз нутқининг прагматик таъсирчанлигини ошириш учун ана шу воситалардан кенг фойдаланади . Шу мақсадда ёзувчилар ҳам ўз асарларида мақол , матал ва фразеологизмлардан , жонли сўзлашув тилининг прагматик элементларини ўрни билан ишлатади .

Фразеологик бирикмаларнинг келиб чикиши ва тараккиёти хар бир тилнинг ривожланиш тарихи , лингвомаданий ва минтакавий - географик шароити , қўлланиладиган лисоний воситаларнинг прагматик маъноси билан боғлиқ булиши мумкин . Масалан , махалла ва кучада хар куни арик билан юзлашадиган ўзбекларда Олдингдан ощан сувнинг кадри йўқ мақоли анча машхур . Ота - боболаримиз ёнларидан окиб утувчи беминнат арик суви орқали богдорчилик қилиб , куча бетларини кукаламлаштирган . Аммо кишилар кунлик эхтиёжга айланган сувнинг кадрига етмай , арикларга ахлат тўқиб , ифлос қилган , бу холат эса кишиларга беминнат хизмат қилувчи , аммо бу хизмати кадр топмаган одамга мукояса қилинган . Шунингдек , мазкур ибора орқали кишилар кадрламай куйган буюм ёки вокеа - ходиса ҳам ифодаланади . Масалан : Олдингдан оккан сувнинг кадри йўқ , ўзимизнинг кишлок касалхонасида ҳам муолажа учун шароит етарли бўлса , шахарга бориш каёкдан чикди . Бирок инглиз ва рус тилларида бу фразеологик бирликнинг муқобили йўқ: The cow knows not what her tail is worth untill she has lost it. - Сигир думи йўқолмагунича , унинг кераклигини билмайди . (Сўзма-сўз таржима). Что имеет, не хранит, потерявши, плачет. - Борини асрашмайди, йўқотгач, йиглашади. «Таржима қилиниши мушкул тил бирликлари» тизимида салкам биринчи ўринда турувчи тил бирликлари прагматик маъноли муносабатларни ифодаловчи фразеологизмлар хисобланади. Улар таржима муаммоларини ўрганувчи амалиётчи таржимонни ҳам, назариётчи таржимашуносни ҳам жиддий уйлашга мажбур қилади. Таржимашунос олимлар Ш. Балли, В. В. Виноградов, Б. А. Ларин, К,. Мусаев ва Н. М. Шанский, А. В. Федоров, Рейскер, С. Влахов ва Ф. Флорин, А. Нарзику ловнинг ишларида фразеологизмлар таржимаси муаммолари чукур тахлил қилинади. Фразеологизмларнинг берилишида асосий мақсад коммуникация жараёнида прагматик маънони таржимада тўлиқ кайта тиклашдир.

Фразеологик бирликларни таржимада беришда сўзма-сўз таржима, анологик таржима ва изохли таржима усулларидан фойдаланилади. В . Н . Комиссаров шундай ёзади : «The people develop a certain attitude to the words they use. Such relationship between the word and its users are called «pragmatic» [1990:93]. Хар кандай матн коммуникатив характерга эга бўлиб , унинг таркибида манбадан қабул қилувчи ( рецептор ) га бериладиган муайян ахборотни ўз ичига олган қандайдир хабар мавжуд бўлади . Баъзида олинган маълумот рецепторга чукур таъсир кўрсатиши ҳам мумкин . Бу ахборот унинг хиссиётларига таъсир кўрсатиши , муайян эмоционал реакция уйготиши , маълум бир харакатга йўллаши мумкин . Матннинг бундай коммуникатив эффект пайдо қила олиш имконияти , яъни рецепторда хабар етказувчига нисбатан прагматик муносабатни вужудга келтира олиши ёки , бошқача айтганда , матндаги маълумотнинг қабул қилувчига прагматик таъсир утказиши матннинг прагматик аспекти ёки матннинг прагматик салохияти деб аталади . Рецепторнинг матнга нисбатан прагматик муносабати унинг кимлиги , шахсий хусусиятлари , таг билимлари , тажрибаси , рухий холати ва бошқа жихатларга боғлиқ холда намоён бўлади . В . Н . Комиссаровнинг таъкидлашича , хар қандай тил белгиси , одатда , уч хил муносабатни ўзида мужассам этади . Бўлар семантик , синтактик ва прагматик муносабатлар бўлиб , биринчиси - тил белгисининг предмет билан алокасини акс эттирадиган , иккинчиси - тил белгисини мазкур тизимга алокадор бошқа белгилар билан боғлаб турадиган ва учинчиси - тил белгиси билан мулоқот жараёнида ундан фойдаланувчи шахслар уртасидаги алокани намоён қиладиган муносабатлардир ( Комиссаров В . Н . Лингвистика перевода . - М .: Международные отношения , 1980. - С . 101). Шундай қилиб, тил белгиси семантик, синтактик ва прагматик маънолари билан ажралиб туради.

Таржимон таржима жараёнининг биринчи боскичида аслиятнинг рецептори сифатида намоён бўлади ва матнда мавжуд маълумотларни имкони борича тўлиқрок олишга харакат қилади. Бунинг учун у аслият тили сохиблари эга бўлган таг билимларга эга булиши, яъни аслият тилида сўзловчи халқнинг тарихи, маданияти, адабиёти, урф-одатлари, хаёт тарзи кабилардан хабардор булиши шарт. Хар қандай аслият рецептори каби таржимонда ҳам берилаётган маълумотга нисбатан шахсий муносабат шаклланади. Лекин таржимон бундай шахсий муносабат таржима аниқлигига путур етказмаслигига интилиши зарур. Шу маънода таржимон прагматик жихатдан нейтрал булиши керак. Таржима матн рецепторининг таг билимларга эга эмаслиги кўзда тўтилаётган маълумотни тушунтириб бериш заруриятини тугдиради ва таржима матнга керакли қўшимча ва аниқликлар киритишни талаб этади. Бу жараён таржиманинг иккинчи боскичида амалга оширилади. Қўшимча қуйидаги холатларда амалга оширилади: АКШдаги Massachusetts, Oklahoma, Virgina; Канададаги Alberta, Manitoba ёки Middlesex, Surrey каби жугрофий номларни ўзбек тилига таржима қилишда, одатда, штат, провинция, графлик каби сўзлар қўшиладики, бу билан ўзбек ўқувчисига номларнинг нимани англатиши ҳақида маълумот берилади. Шунингдек, бундай қўшимчалар ташкилот, компания ва нашриётлар номлари кабиларга ҳам қўшилиши мумкин. The ecological movement in Spain is on the increase, «Newsweek» reports. - «Ньюсвик» журналининг ёзишича, Ис-панияда экологик харакатлар тобора авж олмоцда. Бу жумла таржимасида сўз олдига журнал сўзи қўшилмаса, у ўзбек таржимонига тушунарли бўлмай колиши мумкин. Бундай изохлар аслият тилида мавжуд бўлган, бирок ўзбек китобхони учун нотаниш бўлган халқ ва унинг турмуш шароитига оид вокеаходисаларни яхширок тушунишга ёрдам беради. Айрим холларда бу каби қўшимча изох матн ичида ёки хавола (сноска)да ҳам берилиши мумкин:

Against my will Ifelt pleased that he should have considered my remarks interesting, though I knew that it was Dale Carnegie stuff, a small apparently casual compliment. (J. Braine) - Бу Дейл Кар - неги рецепти буйича қилинган арзимас мақтов бўлса - да , менинг гапларим унга қизиқ туюлаётганидан беихтиёр завқланиб кетдим . Бундай холатда хавола ( сноска ) да қуйидаги изохни келтириш зарур бўлади : Дейл Карнеги « Қандай қилиб дустлашиш ва ўзгаларга таъсир қилиш мумкин » номли машхур оммабоп китоб муаллифидир . Баъзан аслият матнидаги прагматик имкониятнинг китоб - хонга номаълум элементларини тушириб колдиришга ҳам тўғри келади : There were pills and medicine all over the place. And everything smelled live Vicks'Nose drops. - Хар томонда аллақандай шиша идишчалар , дорилар турар , ҳаммасидан тумов дорининг иси анцирди . Куринадики , бу таржимадан Vicks деб аталадиган , ўзбек китобхони учун хеч нарсани англатмайдиган дори томчисининг номи тушириб колдирилган . Бу аслиятда мазмунга бироз путур етказса - да , ўзбекча матнда тушунилиши қийин элементнинг тушириб колдирилиши асосий мазмунга путур етказмайди . Бундай қўшимчалар бошқа тилда сўзловчилар яшаш тарзи ва хаётига доир турли хос нарса - ходисадаги прагматик маънони тўғри тушунишни таъминлайди : A house of Long Island. - Лонг - Айленд оролидаги уй I could see not only the five boroughs of the city but much of New Jersey as well. - Мен нафацат шахарнинг беш туманини , балки Нью - Жерси штатининг каттагина қисмини кура олардим . Баъзи холатларда қўшимча маълумот таржима матнига алохида хавола ( сноска ) сифатида ҳам берилиши мумкин . Borough - Нью - Йоркда туманлар шундай номланади . Улар бешта : Манхэттен , Бронкс , Бруклин , Куинс ва Ричмонд ( Стейтен Айленд ).

We took a cab from Union Station to Ramada Inn. - Биз Юнион стейшен вокзалидан « Рамада Инн » мехмонхонасигача таксида бордик . Са b - taxi сўзининг синоними бўлиб , ундан cabbie - таксичи сўзи ҳам ясалиши мумкин . Sometimes I bought a submarine sandwich from a local deli. Submarine sandwich - hero sandwich. Deli - delicatessen. Шунингдек, прагматик маънони ифодалашда таржимада конкретизация усулидан ҳам фойдаланилади. Бунда умумий маъноли сўзнинг ушбу маъноси ўқувчига тўлиқ очиб бериш мақсадида тор ва конкрет маънога эга сўз билан алмаштирилади. The British people are still profoundly divided on issue of joining Europe. - Инглизларда Англия «Умумий Бозор»га қўшилиши керакмиди деган масала буйича катта келишмовчилик халигача мавжуд. Юкорида келтирилган мисолларда таржима шахсий хусусиятлар эмас, балки мазкур халқнинг маданий-тарихий хаёти ва инглизларга хос вокеаходисалар ҳақидаги прагматик таг билимлар билан белгиланади. Таржиманинг прагматик муаммолари таржиманинг кимга мулжаллангани, аслиятнинг жорий-услубий жанр хусусиятлари ва ўқувчи савиясига ҳам бевосита боғлиқ. Бадиий адабиёт таржимонлари аслиятнинг прагматик салохиятини беришда сезиларли қийинчиликларга дуч келишади. Таржима ўқувчи томонидан тўғри тушунилиши учун аслият ва таржима матнлар орасидаги прагматик фарқларга тегишли ўзгартишлар киритилишини талаб этади. Таржима қилинаётган матнни ахборот қабул қилувчига тушунарли тилда кайта яратиш зарурати таржимонни аслиятдаги тушунилиши қийин бўлган элементларни прагматик маънода етказиш учун қўшимча изохлар беришга мажбур қилади. Бундай элементлар аслият тили китобхонлари учун бемалол тушунарли бўлса-да, таржима тили китобхонлари учун хеч нарсани англатмайди.

The Prime-Minister spoke а few words from a window in No. 10. Бу жумлани укиган хар қандай инглиз Лондоннинг Даунинг стрит кучасидаги 10- уйда Бош вазир кароргохи жойлашганини яхши тушунади . Аммо ўзбек китобхони буни билмаслиги мумкин ва шу сабабли таржимада бу жумладаги сўзларни лексик трансформация орқали изохли ўгиришга , яъни айрим лексик бирликлар ўрнига бошқа сўзлар ишлатишга мажбур : Бош вазир ўз кароргохи балконидан қисқа нутқ сўзлади . Кўпинча , бундай трансформациялар умумлашма характерда бўлади , яъни конкрет маъноли сўзлар таржима тилида ҳаммага тушунарли бўлган умумий маъноли сўзлар билан алмаштирилади : ... а «swept» yard that was never swept where Johnson grass and rabbittobacco grew in abundance. - ... « топ - тоза » ховли хеч качон супурилмас ва бутунлай ўт - ўланлар билан копланиб ётарди . «The temperature was an easy ninety», he said - Чидаб бул - майдиган жазирама , - деди у . Аслиятда биринчи мисолда АКШнинг жанубий штатларида усадиган бегона ёввойи майсалар ҳақида гап кетяпти . Ўзбек китобхонлари учун аслиятда тилга олинган « Жонсон майсаси », « куён тамакиси » номли усимликлар мутлако маълум булмаслиги мумкин . Шу сабабли уларнинг номлари умумлаштириш усули билан « бегона ўт - ўлан » сўзлари билан алмаштирилган . Колаверса , бу матн орқали ўқувчига унинг қандай майсалар босиб кетганлигини эмас , ховли ташландик холга келиб колганлигини етказиш мухимрок . Иккинчи мисолда «ninety» сўзи харорат , Фаренгейт иссиклик даражаси билан туксон даражага етганлиги ҳақида гап кетяпти . Аммо Фаренгейт тизими билан иссиклик даражасини аниқлаш ўзбек китобхонларига нотаниш ва шу сабабли , « харорат туксон даражага етди » деб таржима қилинса , бу китобхонни ажаблантириши мумкин . Чунки бизда харорат даражасини Цельсий буйича улчаш қабул қилинган ва китобхон юқоридаги жумлани айнан Цельсий буйича улчовда деб тушуниши мумкин .

Умумлаштириш , кўпинча , атокли отларни турдош отлар билан алмаштириш орқали ҳам юз беради : Parked by а solicitor's office opposite the cafe was a green Aston-Martin tourer - Адвокат идорасининг рупарасидаги қахвахона олдида зангори рангли хашаматли спорт автомобили турарди . Аслиятда берилган автомобил маркаси таржималарда аслиятдаги ахборотни тўлиқ коплай олмаса - да , « зангори рангдаги спорт автомобили » сўзи билан умумлаштирилган ва бу уртача маданий савияли китобхонларга аслият мазмунини адекват тушуниш учун ёрдам беради . Бу ўринда инглиз китобхонига таниш бўлган таг билимларни ўзбек китобхонларига иложи борича тўлиқ етказишга уринилган . Аслиятдаги прагматик ахборотни таржима орқали ўзбек китобхонларига етказишга уринган таржимон ўз матнини юкори ёки паст савиядаги китобхонларга ҳам мулжаллаши мумкин . Бунда аслиятдаги прагматик ахборот қисқартирилиб , муайян гурухдаги китобхонларга мулжаллаб табдил қилиниши ёки аслиятдаги таг билимлардан хабардор китобхонлар гурухи учун аслият кайта тикланиши мумкин . Буни куйи синф ўқувчиларига мулжалланган хорижий тилдаги матнларнинг табдил қилинган таржималарида ҳам куриш мумкин . Таржиманинг прагматик муаммолари аслиятнинг жанрига ва у мулжалланган ўқувчилар гурухларига ҳам боғлиқ . Аслиятнинг прагматик салохиятини саклаш бадиий асарлар таржимасида кўплаб муаммоларни келтириб чикаради . Маълумки , хар қандай бадиий асар , биринчи навбатда , шу асар ёзилган тилда сўзлашувчи китобхонлар оммасига мулжалланади . Шу сабабли уларда айнан шу халқка мансуб бўлган ижтимоий - сиёсий , маданий - маиший турмуш тарзи , анъана , кийим - кечакка , таом ва ш . к . га оид вокеа - ходисалар баён қилинади . Таржимон бундай асарни таржима қилишга кири - шар экан , аслият ва таржима тилидаги прагматик номувофиқликларни хисобга олиб , тегишли

уринларда матннинг тула тушунилишига эришиши учун зарур ўзгартишлар киритишга мажбур бўлади . Илмий-техникавий адабиётлар таржимасида прагматик ўзгартишлар қилиш зарурати камрок. Чунки бундай матнлар шу соха буйича махсус билимларга, бир хил микдордаги таг билимларга эга тор доирадаги мутахассисларга мулжалланган бўлади. Бундай ахборот хар иккала тил мутахассислари учун умумий махсус сўз ва атамалардан иборат бўлиб, фақат фирма номлари, улчов бирликлари ва махсус номенклатура номларнигина изохлашга тўғри келади. Шу маънода, хорижий истеъмолчилар учун мулжалланган рекламага оид ахборотларнинг прагматик аспекти ҳақида алохида тўхталиш зарур. Бу хил матн муаллифлари, биринчи навбатда, матнни хорижий истеъмолчининг билим савияси, тили, ўзига хос хусусиятларини хисобга олиб иш юритишлари лозим. Бундай холатларда таржимоннинг иши анча осонлашади, чунки ахборот мазмунини тўлиқ тушунтириш учун унчалик машаккат чекмайди. Шундай бўлса-да, айрим холларда матннинг прагматик имкониятини таржимада кайта тиклаш анча мушкул кечади. Чунки таржимон хар қандай холатда ҳам, энг аввало, хорижий ахборотни ўз халқига тушунарли тилда таржима қилишга, унга маълум микдорда ўзгартишлар киритиш, умумлаштириш, қисқартиришга мажбур бўлади. Таржиманинг прагматик мувофиқлигини таъминлашда тилнинг турли лахжаларида сўзловчи, бир-биридан фарқ қилувчи ижтимоий-лисоний омиллар ҳам мухим роль уйнайди. Жумладан, аслият матнда тил меъёрларидан чекиниш, диалектларга хос сўзлардан стилистик мақсадларда фойдаланиш ва ш. к. ҳам муайян қийинчиликлар тугдиради. Аслият тилидаги шевага хос сўзлар таржима тилига ўзича таржима қилинмайди. Уларнинг матн ичида ишлатилиши икки томонлама характерга эга. Бир томондан, бадиий асар бош-дан-оёк хорижнинг муайян бир тилида ёзилган булиши мумкин. Бунда диалект тили таржима қилинса, тиллараро алока воситаси вазифасини бажаришга киришади ва таржима худди хар

қандай умуммиллий тилдан амалга оширилган хисобланади. Табиийки, бундай холда таржимон шева тилининг ўзига хос хусусиятларидан хабардор булиши лозим. Иккинчи томондан, шевага хос унсурлар муаллиф томонидан алохида персонажлар тилининг ўзига хос хусусиятларини, унинг маълум бир худудда яшовчи халқнинг типик вақили эканлигини кўрсатиш учун ҳам ишлатилади. Бундай холатда аслият тилининг шеваларга хос прагматик хусусиятларини таржимада кайта тиклаш хеч қандай натижа бермайди. Агар аслият тилидаги персонаж «кокни» деб аталадиган Лондон диалектида гапириб, сўзларга адабий тилда мавжуд бўлмаган h товушини кушиб гапирса ёки бу товушни зарурат бўлмаган холатларда тушириб гапирса, ёки He 'as а good hear дейиш ўрнига He has а good ear деб талаффуз қилса ва таржимон бу хусусиятни саклаб колиш учун тилда мавжуд бўлмаган анъанадан фойдаланиб, У яхши эшитиш қобилиятига эга дейиш ўрнига, У яхши эшитиш қобилиятига эга деб таржима қилса, бу бутунлай бемаънилик бўларди. Шунингдек, таржимон ўзбек тилининг шевага хос сўзларидан фойдаланиши мумкин эмас. Масалан, Марк Твеннинг Миссури штатида яшайдиган кора танлини Хива ёки Асакада яшайдиган ахоли тили билан гапиртириш назарий жихатдан ҳам, амалий жихатдан ҳам ўзини окламайди. Кўплаб махаллий шеваларнинг тиллари шу тилларда сўзлашувчи кишиларнинг ижтимоий тавсифи билан боғлиқ. Аслиятда бундай шева тиллардан фойдаланиш персонажнинг муайян ижтимоий гурух вақили эканлиги белгисидир. Кўпинча муайян ижтимоий диалектнинг лисоний хусусиятлари худудий характерда бўлиб, кейинчалик умумий хусусият касб этиши ҳам мумкин. Чунки бир хил касб билан шуғулланувчи, муайян ижтимоий гурухни ташкил қилувчи жамоаларни хар бир халқда учратиш мумкин. Шу боис социал диалектлардаги сўзларни ифодаловчи қўшимча маъноларни таржимада кайта яратиш ҳам бирмунча осонлашади. Масалан, таржимон инглиз дехкони нутқида ишлатадиган сўз ва ибораларни ўзбек дехкони ишлатадиган сўз ва иборалар билан ўгириши ёки аслиятдаги жиноий

гурухларга хос сўзларни ўзбек тилидаги шундай кишилар ишлатадиган жаргон сўзлар билан ифодалаши мумкин. Бу муаммони ечишнинг яна бир усули шундаки, махаллий шева миллий тилдан фақат айрим лисоний курсаткичлари (markers) билан фарқ қилиб келади. Шевага хос бундай курсаткичларнинг мавжудлиги она тили имкониятларидан кенг фойдаланиш заруратини вужудга келтиради: He do look quiet, don't 'e? D'e know 'oo 'e is, Sir? - Куринишидан жуда муминга ухшайди , тўғрими ? Магарким , унинг кимлигини айтолмайсизми , сэр ? Аслият don t you ўрнига don't 'e ишлатилиши , h е фонетик белгиси ўрнига 'e, who ўрнига 'oo ишлатилиши персонаж од - дий халқ тилида гапираётганининг белгисидир ва у оддий халқ тилидаги ибора магарким , айта олмайсизми сўзлари билан угирилишига тўғри келган . Аслиятдаги персонажлар нутқини таржимада кайта яратиш ҳам катор хусусиятларга эга. Аслиятда бўзиб айтилган сўз шаклларининг ишлатилишини икки хил шархлаш мумкин: биринчи холатда бундай бўзиб гапириш муаллифни шу тилни билмаслиги билан боғлиқ хато бўлса, иккинчидан, муаллиф персонаж нутқининг ўзига хос хусусиятларини кўрсатиш учун атайлаб шу шаклдан фойдаланади. Биринчи холатда бундай бўзук тилда ифодаланган фикрни укиган аслият тилига мансуб китобхон гапираётган персонаж бошқа миллатга мансуб эканлигини дарров пайкайди ва уни ўзича «таржима» қилишга уринади. Таржимон ҳам контаминациялашган, бўзиб талкин қилинган сўз ифодалаган маънони тўғрилаб таржима қилишдан бошқа иложи йўқ. Иккинчи холатда эса муаллиф томонидан персонаж нутқини тавсифлаш учун ишлатилган бўзук тил матннинг прагматик имкониятини ташкил қиладики, таржимон ҳам ўз она тилининг воситаларидан фойдаланиб, таржимани шундай бўзук тилда амалга ошириши, сўз ёки иборани ўз она тилида бўзиб гапириш йўлларини излаб топиши мумкин. Жуда кўп тилларда бўзиб гапиришнинг умумий, оммалашиб кетган шакллари мавжуд. Айни пайтда, сўзларни бўзиб гапириш

усуллари турли тилларда турличадир. Масалан, феъл шаклларини тўғри танлай олмаслик натижасида ясаладиган контаминациялар рус тилида сўзлашмокчи бўлган барча хорижликларга хос. Айтайлик, немис ёки францўз миллатига мансуб кишилар русча гапирсалар «Я уйду» жумласи ўрнига «Я буду уходить» жумласини ишлатади. Агар шу жумланинг ўзбекча контаминациялашган бирикмасини ишлатсак, «меники кетади» шаклини ишлатган бўламиз. Таржима тилида стандартлашган контаминацияларнинг мавжудлиги таржимонга аслиятдагидан тубдан фарқ қиладиган воситалардан фойдаланиш имкониятини беради. Масалан, хитой миллатига мансуб кишининг инглизча бузиб гапириши ва унинг таржималарда берилишига эътибор берайлик: We blingee beer. Now you pay. - Меники пиво келтирган, се-ники энди тулайди. Агар аслиятда хорижий тилда гапираётган шахснинг контаминациялашган нутқи таржима тилида контаминациялашган стандарт шакли мавжуд булмаса, таржимон коммуникатив вазиятни, гапираётган персонаж характерининг ўзига хос хусусиятларини хисобга олган холда ўз вариантини яратади. Хорижий кишининг контаминациялашган нутқини Таржима тилида ёппасига ёки айрим сўзлар орқали амалга ошириш мумкин. Ёппасига контаминациялаштириб таржима қилишда нутқ тўлиқ ёки унинг катта кисми олинади. Масалан, францўз миллатига мансуб кишининг инглиз тилини бўзиб гапириши ва унинг таржимада қандай берилганига эътибор каратайлик: Eel ees the story of a leetle Franch girl, who comes to a beeg ceetty, just like New York, andfalls een love wees a leetle boy from Brookleen. - Бу кушиқ жуда катта шахарга келган ва бруклинлик болачани севган кичкина бир францўз қизча хақида.

Ўзбек таржимони францўзнинг бўзук нутқини ўзбекча «к», «у», «х» товушлари ўрнига «к», «у», «х» харфларини, «у» хар-фи ўрнига «и» харфини ишлатиш, сўз тартибини нотўғри ту-зиш орқали амалга оширган. Хорижликнинг бўзиб айтилган гапини таржима қилишда бўзиб гапириш мумкин бўлган айрим сўзлар танланади. Масалан, канадалик кишининг инглизчани бўзиб гапириши ва унинг таржималарда ифодаланишига эътибор беринг: К он т ами на ция - ўзаро ўхшаш икки сўз ё ибора кисмларининг чатишуви натижасида янги сўз ёки иборанинг пайдо булиши: When you see him 'quid then you quick see him 'perm whale. - Сеники саккизоёқ курса, жуда тезда кашелот ҳам куради. Контаминациялашган шакллардан фойдаланишда, одатда, оддий халқ тилида ишлатилган шакллардан, сўзлашув усулидан, мураккаб грамматик, синтактик шакллардан (эргашган кушма гаплардан, сифатдошлардан) кочиш кўзатилади. Шуни эътибордан сокит қилмаслик лозимки, айрим стандарт контаминациялашган нутқ намуналари нафақат хорижий кишининг ўзга тилда гапириши, балки содда, авом одамнинг нутқи сифатида ҳам қабул қилиниши мумкин. Масалан, рус тилини унча яхши билмайдиган кишлоклик дехкон ўз фикрини рус тилида қуйидагича баён қилиши мумкин: Твоя моя понимай нету или мало мало. Таржимада контаминациялашган унсурларни танлаш ва ишлатиш аслият матндаги прагматик тавсифга мос келиши мухим. Кўп холларда таржиманинг прагматик мақсади китобхонда кўзда тўтилган коммуникатив таъсир билан белгиланади. Таржимада кайта тикланадиган коммуникатив таъсир аслият етакчи (тургун) функциясининг кайта тикланишидир. Бадиий асарнинг китобхонга таъсир кучи матннинг бадиий киммати, китобхонни ўзига жалб қила олиши билан белгиланади. Бундай бадиий матн таржимасининг прагматик вазифаси таржима тили матнида ҳам

аслиятдагидек китобхонга бадиий-эстетик завк уйгота оладиган матн ярата олишдир. Ўз она тилида Шекспир, Диккенс асарларини укиган китобхон аслият муаллифининг бадиий истеъдодини хис қила олиши, нима учун улар ўз ватанларида буюк адиблар сифатида тан олинганлигини тушунади. Таржимон бундай вазифани уддалай олса, аслиятнинг коммуникатив эффекти тула кайта тикланган деб хисоблаш мумкин. Албатта, аслиятнинг инглиз китобхонларига коммуникатив таъсири ва шу асар таржимасининг ўзбек китобхонларига таъсирини киёслаб бахоловчи меъёрлар йўқ. Бу ўринда аслият ва унинг таржимаси инглиз ва ўзбек китобхонларида уйготган коммуникатив таъсирни тахминан белгилаш мумкин. Масалан, таржимани укиган китобхоннинг реакцияси аслиятни укиган китобхонникига нисбатан камрок ёки аксинча булиши мумкин. Маълумки, илмий-техникавий матнларнинг баркарор вазифаси атрофмухит харакатини тушунтириш ва кўрсатишдир. Бундай холда китобхонга прагматик таъсир кўрсатишнинг ягона воситаси унга муайян илмийтехникавий характердаги ахборотни тўлиқ етказишдан иборат бўлади. Агар ўқувчи, яъни ахборотни қабул қилувчи шу ахборот асосида тегишли ускуналар ёрдамида маълум тажриба утказа олса, матннинг коммуникатив эффекти амалга оширилган хисобланади. Ушбу ўринда аслият ва таржиманинг киймати мутлак булиши шарт эмас. Шундай ҳам бўладики, таржимадаги илмий-техникавий ахборотдан мутахассислар фойдаланиши учун аслиятдагига нисбатан янада тушунарлирок, аниқрок шаклларда баён қилинган булиши мумкин. Бундай холларда таржиманинг асосий прагматик мақсади аслиятдан кура яхширок амалга оширилган бўлади. Ўқувчида матн таржимасига нисбатан зарур коммуникатив таъсир уйғотиш масаласи нисбатан қийин. Бу ўринда таржимон нафақат матннинг коммуникатив таъсирига, балки ўқувчининг индивидуал хусусиятларига ҳам таянишга тўғри келади. Таржимон ўқувчининг характери, рухий холати, матндаги ахборот унга қандай эмоционал ва рухий таъсир қилишини хисобга

олиши зарур. Бундай холларда матнни прагматик нуктаи назардан табдил қилишга тўғри келади. Бундай табдил таржима, кўпинча, таржима тилида аслиятдан бутунлай фарқланувчи янги матнлар яратилишига олиб келади. Бундай холат реклама матнлари таржимасида кўпроқ кўзатилади. Чунки аслиятдаги реклама матнини махаллий шароитдаги харидорларнинг дидига мослаштиришга тўғри келади. Бу жараёнда таржимонга энг тўғри муқобиллар танлаши, аслиятдаги прагматик потенциалдан воз кечиши лозим. Таржимоннинг вазифаси аслиятнинг коммуникатив холатлардаги ўзига хосликларини кайта яратиш билан ҳам боғлиқ булиши мумкин. Бундай ўзига хосликлар эквивалентлар орқали таржима қилишда унчалик кўзга ташланмай колиши мухим бўлмаган маданий-этнографик элементлардан ташкил топиши мумкин. Аслиятнинг бундай прагматик хусусиятларини акс эттириш таржима тили меъёрларининг бўзилишига, окибатда аслиятни сўзма-сўз таржима қилишга, таржима тилидаги ўқувчига нотаниш унсурларнинг кириб колишига сабаб бўлади. Масалан, инглиз тилидаги аналитик шаклга эга He is running down the street жумласи ўзбек тилига У кучада чопиб бораётганда бор деб угирилса ёки инглиз тилига хос He is as cool as а cucumber ибораси ўзбек тилига У бодринг мисол совуккон деб угирилса, аслият тилининг ҳам, ўзбек тилининг ҳам ўзига хос хусусиятини хисобга олмасдан қилинган сўзма-сўз таржиманинг ўзгинаси бўлиб колади. Инглиз тилидаги хос мазмунли бундай жумлаларнинг сўзма-сўз таржимаси инглиз тилидаги курилмани ўзбек тилига худди ўзидай бериш имконияти йўқлигидан далолат беради. Таржимоннинг аслиятдаги прагматик хусусиятларни соддалаштириб ўгиришга, яъни ундаги эмоционал-стилистик, ассоциатив образли аспектларни эътибордан четда колдириб, «асосий маъно»ни беришга уринишлари ҳам яхши натижа бермайди. Бундай таржима тез фурсатда ўқувчини аслиятнинг асосий мазмуни билан таништириш мақсадида қилинсагина, ўзини оклаши, бинобарин, у адекват таржиманинг дастлабки боскичи сифатида каралиши мумкин.

Аслиятнинг прагматик хусусиятларини кайта яратишда таржимоннинг уларни замонавийлаштиришга уриниши ҳам аслият матннинг ўзгариб кетишига олиб келади. Бунда аслиятда тасвирланган вокеа-ходисалар рўй берган вакт ва жой билан таржимадаги вокеа ходисаларнинг замони ва макони бир-биридан бутунлай фарқ қилиб колади. Таржимонга, кўпинча, бошқа тарихий даврда яратилган асарлар таржимаси билан шуғулланишга тўғри келади. Бундай матннинг тили, вокеа-ходисаларининг ривожи хозирги китобхонлар учун унчалик тушунарли бўлмай колади. Бу тил тараккиёти муайян замонда яшаган кишиларнинг, ёзувчиларнинг дунёқарашлари билан ҳам боғлиқ. Шундай экан, муайян тарихий даврда яратилган бадиий асар таржимаси ҳам катор муаммоларни келтириб чикаради. Биринчидан, аслият тилининг маълум бир тарихий даврга тааллукли экани таржимада ўз аксини топиши лозим. Бундай холатда она тилида мавжуд бўлган, кам ишлатиладиган, бирок китобхонларга тушунарли бўлган айрим тарихий, архаик сўзлардан фойдаланиш зарурати вужудга келади. Аммо бу архаизмлар, айни пайтда, таржима тилига хос миллий хусусиятлардан холи булиши, яъни услубан нейтрал булиш талаб қилинади. Таржимада эскирган сўзлардан фойдаланишдан ташкари, аслият матннинг архаиклигини таъминлаш мақсади-да таржимон тил ва маданиятнинг хозирги боскичига хос, аммо аслиятда тасвирланган даврга мансуб бўлмаган сўзлардан фойдаланишда ҳам эхтиёткор булиш талаб қилинади. Масалан, аслиятда XVIII аср вокеалари акс этган бўлса, персонажлар хизмат сафарига боришлари, ишлаб чикаришдан ташкари бирор нарса билан шуғулланишлари, иш вактида бошқа иш билан машгул булмасликлари, муаммоларни ечишлари, тор доирадаги мутахассисликка эга булишлари, кадрлар танлаш муаммолари билан шуғулланишлари, оширилган мажбурият олишлари, мусобака голиби булишларига оид замонавий фикрларни киритмасликлари лозим. Амалиётда яна шундай холатлар учрайдики, таржимон ўзи яшаб турган ижтимоий-сиёсий мухит талабларига риоя қилгани холда, матнга сиёсий,

маърифий, маданий, иктисодий ёки шахсий мақсадларда муайян ўзгартишлар киритиши мумкин. Аммо аслият мазмуни бутунлай йўқка чикарилади. Сиёсий таргибот мақсадида аслиятдан фойдаланиб яратилган таржима янги матн сифатида гавдаланади. Табиийки, матннинг прагматик хусусиятларини бундай мақсадларда ўзгартириш билан боғлиқ холатларни ўрганиш таржима назариясининг асосий вазифасига кирмайди ва улардан назарий хулосалар чикариш ҳам таржима амалиёти учун зарур эмас. Шундай қилиб, хар қандай бадиий асар матни, биринчи навбатда, ўз тилида гапирадиган китобхонда у ёки бу даражада эмоционал-экспрессив таъсир уйготади ва бу к о м м ун ик ат и в т а ъс ир деб аталади. Бундай коммуникатив таъсир таржимада ҳам тулаконли кайта тикланиши лозим. Аслият ва таржимадаги коммуникатив таъсир коммуникатив мақсад орқали белгиланади. Бадиий матннинг коммуникатив имко нияти ўқувчида уйготган коммуникатив таъсири орқали асар-нинг прагматик хусусияти аниқланади. Прагматик маъно аслият тилида гаплашувчи халқнинг исмлари, географик, маданий-маиший объектлар, муассаса, оммавий ахборот воситалари номларида, персонажларнинг характери ва гапириш усулларида ўз аксини топади. Прагматик маъно асарнинг жанрига кура ҳам турли-туман булиши мумкин. Шу нуктаи назардан, бадиий адабиётдаги прагматик маънони илмий-техникавий адабиётдаги прагматик маъно билан киёслаб ўрганиш махсус тадқиқот объекти булиши мумкин. Таржимон аслият тили, маданияти, тарихи, анъана ва урф-одатларини яхши билсагина, прагматик потенциалга мос келадиган таржима асари яратиши мумкин. Кейинги йилларда тадқиқотчилар эътиборини кўпроқ жалб қилиб келаётган тил коммуникациясининг прагматик жихати мулоқот иштирокчиларининг қўшимча билимлари билан чамбарчас боғлиқ эканлиги эътироф этилмокда. Аслият ва Таржима тиллари гайрилисоний омилларининг аксарият холларда ўзаро фарқланиши таржимондан чукур

лингвистик билимдан ташкари, яна аслият тили билан боғлиқ бошқа фанлар, маданиятлар, урф-одатлар, анъаналар ҳақидаги маълумотлардан ҳам хабардор булишни талаб қилади. Тил белгилари ва улардан фойдаланадиган шахслар уртасидаги прагматик муносабатлар шундан иборатки, бу белгилар, аниқроги, уларнинг маънолари шахслар учун тушунарли булиши, уларни маълум даражада таъсирлантириши керак. Ахборот шу йусинда талкин қилинганида, аслиятнинг коммуникатив ва прагматик таъсирчанлиги саклаб колинади. А. Ф. Ширяевнинг фикрича, лингвистик таржима назарияси кулга киритган билимлар тил воситаларининг нутқ фаолиятидаги вазифаларини, тилларнинг тафовутли ва ўхшаш томонларини, уларнинг бадиий-тасвирий бойликларини чукуррок тушунишга ёрдам беради. Айрим олимлар прагматик маънони кенг шархлаган холда, унинг нафақат коннотатив, балки денотатив маъноли сўзларга ҳам хос эканлигини таъкидлашади. Масалан, аслида инглизча бўлиб, хозирги ўзбек тили луғат таркибидан мустахкам урин эгаллаётган «бизнесмен» сўзи собик Иттифок даврида нафақат ишбилармон шахсга, балки нопок йўл билан мол-дунё орттирадиган корчалонга нисбатан ҳам ишлатилар эди. Бинобарин, ушбу сўзни матн таркибида учратган хар бир ўзбек китобхони кўз олдида собик тўзум сиёсати таъсирида шаклланган айнан шу - иккинчи маъно жонланарди. Аммо бугунги кунда инглизча businessman ўзбекча ишбилармон тарзида ижобий маънода ишлатилмокда. Зарурий маънонинг шу тарика танланиши таржиманинг аслиятга коммуникатив тула-тукис монандлигини таъминлайди. Демак, прагматик омиллар эквивалентликнинг таркибий кисми хисобланиб, уларнинг кайта яратилиши таржиманинг аслиятга коммуникатив мослигини вужудга келтиради. Натижада таржима муқобил услубий хусусият касб этиб, уни укиган китобхон аслият мутолаасидан оладиган таассурот даражасида таъсирланади.

Тиллараро коммуникацияни амалга ошириш жараёнида прагматик муаммолар юзага келар экан, таржимоннинг вази-фаси таржима жараёнининг мақсадини тўғри англаган холда, уни таржима тили талаби, меъёри асосида кайта яратишдан иборат. Муайян таржиманинг прагматик вазифасини акс эттириш таржимондан баъзан тўғри мувофиқликдан воз кечган холда, китобхоннинг эстетик таъсирланиш даражасини биринчи уринга куйишни талаб қилади. Чунки хаддан ортик аниқлик прагматик ноаниқликка олиб келиши, яъни таржима ўз китобхонига аслият курсатган даражада таъсир кўрсатишга ожизлик қилиши мумкин. Хулоса қилиб айтганда, таржиманинг аслиятга прагматик мувофиқлиги аслият ва таржима сохибларининг бир хил ахборотга эга булишлари билан ифодаланади. Прагматик аспект асарнинг жанрига кура ҳам турли-туман булиши мумкин. Шу нуктаи назардан, бу масала бадиий, публицистик матннинг ёки илмий техниканинг прагматик аспекти ва, нихоят, уларни таржимада кайта тиклаш масаласи махсус тадқиқот объекти булиши мумкин. Бундай тадқиқот, биринчидан, таржима тахлили учун бой фактик материал берса, иккинчидан, таржима назарияси ва амалиётини ўрганувчилар учун янги назарий ва амалий ху лосаларга келишга, ўз билимларини янада чукурлаштиришга ёрдам беради. Асарнинг аслият ва ўзбекча вариантларини киёслаб ўрганиш таржима жараёнининг ютук ва камчиликлари, лексик, грамматик, синтактик, стилистик мувофиқликлар ва, аксинча, аслиятдан чекинган холда рўй берадиган турли трансформацияларни чукуррок англашга ёрдам беради. Бадиий таржиманинг прагматик аспектларини метафоралар орқали ўрганган ўзбек олимаси Р. А. Турабоеванинг фикрича, аслият матннинг прагматик аспектини кайта тиклашда таржимон уч хил муаммога дуч келиши мумкин: а) аслиятга тўлиқ мос келадиган прагматик белгиларга эга бўлган сўз ва иборалар:

б) аслиятнинг прагматик потенциалига қисман мос келадиган тил бирликлари; в) аслиятда ифодаланган прагматик потенциалнинг таржима тилида мавжуд булмаслиги. Айнан учинчи холат таржимонни турли хил лексик, грамматик, синтактик трансформациялар қилишга, матнга янги сўзлар кушишга ёки уни қисқартиришга мажбур қилади. Таржима жараёнидаги шошма-шошарлик, билвосита таржима матнга эргашиш, аслият тилини етарли даражада билмаслик айнан шундай хато ва камчиликларнинг юзага келишига, бу билан асар прагматик потенциалининг сусайишига сабаб булиши мумкин.

Фойдаланилган адабиётлар: 1. Рахимов Ғ. Таржима назарияси ва амалиёти. Ўзбекистон милий энсиклопедияси. Давлат илмий нашриёти. Тошкент-2016. 176 б. 2. Алимов В. В. Теория перевода. Перевод в сфере профессиональной коммуникации. - Москва: УРСС, 2004. 3. Бархударов Л. С. Язык и перевод. - Москва: МО, 1975. - 190 с. 4. Виссон Линн. Практикум по синхронному переводу с русского на английский. - Москва, 2000. - С. 200. 5. Казакова Т . А . Translation Techniques. Практические основы перевода. Санкт-Петербург, 2001. - 320 с. 6. Комиссаров В. Н. Лингвистика перевода. - Москва, 1980. - 167 с. 7. Комиссаров В. Н., Коралова Д. Л. Практикум по переводу с английского языка на русский. - Москва, 1990. - 112 с. 8. Комиссаров В. Н. Современное переводовение. - Москва: ЭТС, 2002.

O'xshashlar

Таржиманинг стилистик муаммолари

Таржиманинг лексик муаммолари

Прагматик синонимия

Махорат – таржиманинг “жони”

Коммуникатив-прагматик йўналишнинг шаклланиши