Эркин таржима - Tilshunoslik - Referatlar

Эркин таржима

Yuklangan vaqt:

20.09.2019

Ko'chirishlar soni:

0

Hajmi:

106 KB

Ko'chirib olish

Эркин таржима Режа: 1. Образлаштирилган (идиомалаштирилган) таржима. 2. Мослама таржима. 3. Муаллифлаштирилган таржима.

Эркин таржима Таржима амалиётининг бу турига XX асрнинг ўрталаригача тез-тез мурожаат қилиб турилган. Бунда таржимон аслиятнинг шаклини тула эътибордан соқит этгани холда, мазмунини ўз сўзлари билан содда ва қисқа хикоя қилиб берган. Онда-сонда диалогик нутқ намуналари таржимада берилган бўлса-да, персонажлар нутқи тасвирини тиклашга эътибор қилинмаган. Бу усул кулланилганида, бадиий-тасвирий воситаларни қайта яратишга деярли эътибор қилинмаган. Натижада муаллиф яратган сиқиқ, образли, хиссий-таъсирчан ифодалар нурсиз баён даражасига тушиб колган. Гохо Таржима шу даражага етганки, таржимонлар парчалар мазмунини, персонажлар хусусиятларини ўзларича ўзгартирганлар, бутун бошли тасвирларни ўзларидан қўшганлар, асардаги айрим тасвирларни таржимадан тушириб қолдирганлар. Хатто асар персонажлари номларини баъзан ўз ватандошлари номлари билан алмаштиришгача борганлар. Окибатда муаллиф асари таржимада таниб булмас даражада ўзгариб кетган. Бу билан китобхонлар асарни муаллиф яратган зарурий шаклда эмас, балки соддалаштирилган, қисқартирилган тарзда укиган ва ўзга миллат китобхони муаллиф ижоди ҳақида нотўғри тасаввурга эга бўлган. Аслият тилидан бевосита таржима қила оладиган уста санъаткорлар деярли бўлмаган холатда халқларига эркин ўгириш йўли билан бўлса-да, асарни етказиб бериш вазифасини ўз олдига мақсад қилиб куйган таржимонни қайсидир маънода тушуниш мумкин. Аммо юртимизда козок, киргиз ва коракалпок тилларини мукаммал биладиган зуллисонайн адибларни истаганча топиш мумкин бўлган бир пайтда, Габит Мусреповнинг «Козок солдати», Хидир Деряевнинг «Кисмат» романларининг ҳамда А. Бекимбетовнинг «Огир кисматни енгувчилар» повестининг ўзбек тилига эркин таржима қилинишини қандай бахолаш лозим?! Мақсади аслиятнинг мазмун ва шакл бирлигини айнан саклашдан иборат бўлган таржимон ўз ишига халол муносабатда бўлганида, араб афсоналари туркуми «Минг бир кеча» таркибига кирувчи «Бир соатлик

халифа» асарининг ўзбекча таржимасида берилган таржимон изохида қуйидаги сатрларни укимаган бўлардик: «Мен... таржимада русча нусхага каттик риоя қилмадим, китобхонга кулай булсин учун катма-кат жумлаларни сикиштирдим, такрорларни қисқартирдим, ўқувчини шубхага соладиган жойларини олиб ташладим». Ёки В. Смирнова Ракитинанинг «Абу Али ибн Сино киссаси»ни ўзбекчага угирган таржимон изохидаги ушбу холга йўл куйилмас эди: «Таржимада имкон борича ўзимизни эркин тутдик. Китоб яна ҳам яхши, яна ҳам укимишли булсин деб кераксиз тафсилотларни қисқартирдик, айрим уринларнинг яна ҳам мантиклирок булишини кўзда тутиб ўзгартирдик». Таржимонлар «ортикча ташвишлар» билан ўзларини «банд қилиб» юрмасдан, асарлар қандай яратилган бўлса, уларни ўз тилларига шундайлигича талкин қилишлари, шу йўл билан китобхонларда асл нусхалар ҳақида холисона тасаввур хосил булишига эришишлари лозим эди. Зеро, таржимоннинг ижодкорлиги унинг ҳаммуаллифлигида эмас, балки аслиятнинг барча таркибий унсурларини айнан ўзидай кайта яратишида намоён булиши даркор. Адекватликка эришиш борасида давом этиб келаётган ўзлуксиз ижодий жараён сўнгги ун йилликлар мобайнида эркин таржима амалиёти томирига сезиларли даражада болта уриб келдики, натижада кейинги 60-70 йил ичида амалга ошириб келинган таржималар аслият рухини имкон кадар акс эттира бошлади. Яъни таржималарда хозирги китобхон нуктаи назаридан нима кайта яратилиши лозим бўлса, ҳаммасини тиклаш борасида саъй-харакатлар олиб борилмокда, амалга оширилаётган таржималар адекватлик сари интилмокда. Образлаштирилган (идиомалаштирилган) таржима. Бу таржима турида муаллифнинг индивидуал ижодига хос тарздаги тасвирни юзага келтирган лисоний воситалар асоссиз образли иборалар, хис- туйгуни ифода этадиган сўзлар, баландпарвоз бирикмалар билан алмаштириб угирилади. Натижада муаллиф тасвиридаги меъёр бузилиб, муддаога зид ўзгача услубли матн юзага келади.

Тўғри, муаллиф ижоди ҳам ўз-ўзидан хиссий-таъсирчан сўз ва иборалар, образли ташбехлар билан тулиб-тошган булиши мумкин. Бу ёзувчининг вокеликни бадиий-эстетик жихатдан баркамол тасвирлашга интилиши билан боғлиқ бўлиб, айни саъй-харакат хеч качон меъёрдан ошиб кетмайди. Образлаштирилган таржимада эса барча харакатлар асар образлилигини кучайтириш учун атайлаб амалга оширилиши туфайли умумий образлилик хаддан зиёд тус олиб, гайритабиий хусусият касб этади. Натижада китобхоннинг гашига тегадиган бундай таржима матн сохта эстетик тасаввур хосил қилади. Мослама таржима . Бу таржима турида аслиятга ўта эркин муносабатда булинади. Кўпроқ комедия жанрига мансуб сахна асарлари ҳамда шеърият намуналари таржимасида мавзу, персонажлар таркиби, мазмуний хусусият, одатда, сақланса-да, аслиятда мужассамлашган миллий ўзига хослик, урф- одатлар, рухий холатлар таржима тили сохибларига хос шундай жихатлар билан алмаштирилади. Натижада ўзига хос тасвирий воситалар силсиласидан иборат муаллиф матни таржима тили мансуб бўлган халқ либосига бурканади. Бундай таржима аслиятни имкон кадар таржима тили сохибларига якинлаштиришни ўз олдига мақсад қилиб куяди. Мослаштирилган таржима усулига кўпроқ XX асрнинг 30-40йилларида мурожаат қилинган. Бунда муаммо шу даражага бориб етганки, кўп холларда сахна асарлари персонажлари номлари махаллий халқ вақиллари номлари билан алмаштирилган, сахнада намойиш қилинган туйтомоша ва бошқа тадбирлар ўзбекона усулга якинлаштириб талкин этилган. Мослаштирилган таржиманинг пайдо булиш сабабларидан бири ижодкорнинг ўз асарини китобхон кулида тезрок куриш орзуси билан боғлиқ. Иккинчи сабаб: таржимоннинг ўзга халқ хаётининг ўзига хос тарздаги тасвирига багишланган бадиий ёдгорликни ўз китобхонига макбул ва манзур тарзда етказиб бериш истагидан иборат. Учинчи сабаб: муаллиф ва таржимон таржима асари ўқувчиларининг эстетик диди, савиясини хисобга олган.

Муаллифлаштирилган таржима. Бундай Таржима муаллиф розилиги ва иштирокида амалга оширилади. Ўз асарининг юкори бадиийэстетик кийматга эга эмаслигини хис этган, бинобарин, унинг ўзга тил китобхони томонидан юкори бахоланишига кўзи етмаган, шухратпараст муаллиф асари такдирини ўзига нисбатан талантлирок туюлган адибтаржимон кулига топширади. Натижада таржима асл нусхага нисбатан мукаммаллик касб этади. Бунда таржимон асар мазмунини, асосан, саклаб колса-да, адекват таржима яратиш тамойилига зид тарзда ўз олдига куйилган талабларни эътибордан сокит қилиб, асарнинг айрим уринларини олиб ташлаш, уни қисқартириш ёки унга ўзидан янги парча ёки бутун бошли боблар кушиш, муаллифнинг ўзига хос тили ва услубини эътиборсиз колдириб, асарни ўз услубига буйсундириш йўли билан Таржима қилади, окибатда, янги, аслиятдан тубдан фарқ қиладиган асар вужудга келади. Аслият ва унинг таржимаси билан алохида-алохида танишган икки тил билимдони уларни бир мавзуга багишланган икки асар эканда деган хулосага келиши табиий. Муаллифлаштирилган таржима - аслият муаллифи томонидан ўқиб чиқилган ва ижодий бахоланган таржима. Бундай холатда муаллиф зуллисонайн булиши, таржима тилини яхши билиши ва таржима матнига муайян тўзатишлар кирита олиши лозим. Таржимон шундагина таржима қилинаётган асарнинг ўзига хос «ҳаммуаллифи» булиши мумкин. К. Сименовнинг уруш йилларида ёзилган «Жди меня и я вернусь» - «Мени кутгил ва мен кайтарман» кушигининг Ҳамид Олимжон томонидан қилинган таржимаси муаллифлаштирилган таржиманинг гўзал намуналаридан хисобланади. Бунда аслият муаллифи ҳам, таржима муаллифи ҳам муштарак поэтик-ижодий туйгулар билан таниш, замондош ва ҳамфикр булишлари шарт. Ур-тамиёна истеъдод сохиби ўз асарини талантлирок адиб (шоир) - таржимон кулига топширади. Тадбил таржима. Таржима ҳамма вакт ҳам аслиятнинг шакл ва мазмун бирлигини тула-тукис саклаган холда амалга оширилавермайди. Гохо таржимонлар таълим мақсадини назарда тутган холда, талабалар савиясидан

келиб чикиб, одатда, мумтоз адабиёт намуналарини хозирги замон тилига қисқа, содда ва тушунарли тарзда, аксарият назмни насрий йўл билан баён этиб беради. Демак, таржима бир тил доирасида амалга оширилади. Чунончи, Алишер Навоий каламига мансуб «Фарход ва Ширин» достонининг куйи синф ўқувчиларига мулжаллаб амалга оширилган таржимаси бунга мисол бўла олади. Хорижий тиллар тахсили билан шуғулланувчи талабалар учун тили ўрганилаётган мамлакатлар адиблари асарлари ҳам тадбил қилиб нашрдан чикариб берилади. Китобхон тадбилни асарнинг тула шакли сифатида қабул қилмаслиги учун китоб нинг номи тагида «адаптация (тадбил қилинган, мослашти-рилган)» деб ёзиб куйилади. Ушбу таржима турига ўзга тилда битилган асар мазмунини кўпроқ таълим мақсадида она тилига қисқа ва содда шаклда хикоя қилиб бериш ҳам киради. Бу хорижий тилдан она тилига тадбил қилиб ўгиришдир. Академик таржима. Аслиятни илмий тадқиқ қилиш мақсадида амалга оширилган таржима академик таржима дейилади. Бунда аслиятнинг фақат мазмуни сақлангани холда, шакли эътибордан деярли четда колади. Шеърий асарга хос кофия, турок каби ходисалар алохида эътибор билан тикланмайди. Таржимавий матн аслиятнинг тагламасига ўхшашлиги сабабли, китобхонга бадиий таржимадек тулаконли эстетик завк бахш эта олмайди. Бундай таржимада аслиятнинг мазмуни тула тикланса-да, унинг шакли, баён услуби, охангдорлиги, бадиий-тасвирий воситалар ёрдамида хосил қилинган образлилиги, хиссий таъсирчанлиги йўқолади. Демак, диалектик нуктаи назардан етакчи хисобланмиш мазмун шаклни курбон қилади. Окибатда иккаласи асосида вужудга келиши лозим бўлган диалектик бирлик, яхлитлик бўзилиб, номутаносиблик юзага келади. Билвосита таржима. Кенг китобхон оммасини турли халқларнинг нодир асарлари билан таништириш, уларни инсоният заковати махсули булмиш юксак даражадаги пурмаъно фикрлар дунёсидан бахраманд қилиш масъулияти республикамизда бадиий таржима ишига катта эътибор

каратишни талаб қилмокда. Фукароларимиз адабий захираларини ўз ватандошлари асарлари хисобигагина эмас, балки жуда кўп ёндош, кардош халқлар, хатто ўзок хорижлик муаллифлар яратган дурдоналар хисобига ҳам бойитмокдалар. Хозирги кунда ўзбек таржимачилиги ҳам микдор, ҳам сифат жихатидан гуркираб усиш, камолот чуккиси сари интилиш жараёнида. Аммо кайд қилиш лозимки, таржима қилинаётган асарларнинг ҳаммаси ҳам тўғридан-тўғри аслиятдан исталган тилга таржима қилиняпти деб бўлмайди, уларнинг кўпчилиги иккинчи, хатто баъзан учинчи воситачи тил орқали угириляпти. Ўзбек тилига қилинаётган таржималарга келсак, катор ҳамдустлик республикалари ва кўпчилик хорижий халқлар тилларидан угирилаётган асарларнинг аксарияти, асосан, рус тили орқали амалга оширилмокда. Шунингдек, ўзбек адабиёти намоянда-ларининг асарлари ҳам жахоннинг кўпчилик тилларига воситачи тил - кўпроқ рус тили орқали таржима қилинмокда. Шундай қилиб, мамлакатимизда хозирги пайтда аслиятдан таржима қилиш билан бир каторда, воситачи тил орқали ўгириш амалиёти ҳам кенг куламда амалга оширилаётган бир пайтда, таржимашунос олимлар асл нусхадан бевосита Таржима қилиш ишига тула хайрихох бўлсалар, билвосита таржима амалиётига нисбатан улар орасида турли-туман қарашлар хукм сурмокда. Баъзи тадқиқотчилар воситачи тил орқали таржимани бутунлай кораласа, айримлари бу усулни жон-жахдлари билан химоя қилади. Масалан, Н. Чуковский «Унинчи санъат илохаси» номли мақоласида мазкур усулга тиштирноги билан карши чикади: «... Мопассанни рус тилидан таржима қилиш қанчалик бемаънилик бўлса, Лев Толстойни озарбайжончадан ўгириш ҳам шунчалик бехуда иш». Таниқли адиб Абдулла Каххор эса Н. Чуковский мақоласига жавоб тарикасида ёзган «Таржимачилик ташвишлари» номли мақоласида танқидчининг мазкур фикрига карши чикиб, воситачи тил орқали таржима амалиётини каттик туриб химоя қилади: «Хакикатгуй булиш керак! Агар биз кўпчилик миллий республикалардаги ҳамма ёзувчиларни ва барча адабиёт

ихлосмандларини тилларни ҳамда кардош ва хорижий халқлар адабиётини ўрганишга сафарбар қилганимизда ҳам бевосита асл нусхадан таржима қилиш ишларини йўлга куя олмас эдик. Биз асл нусхадан тўғридан-тўғри таржима қиладиган санъаткорни ҳамма вакт эъзозлаймиз, албатта. Аммо бунака таржимонлар бизда хозирча жуда кам. Нега энди биз миллий адабиётларни рус тили орқали кулга киритилиши мумкин бўлган кувончдан махрум этишимиз керак?! Лопе де Вега, Мольер, Шекспир, Гольдони асарлари сахналаримиз безаги хисобланади; китобхонларимиз В. Гюго, Р. Тагор, Т. Драйзер, Ж. Верн, Ж. Лондон, Э. Золя, Лу Син, Г. Флобер, Р. Роллан, Э. Хемингуэй, Ю. Фучик асарларини ўз она тилида укишга муяссардирлар. Уларнинг барчаси ўзбекчага рус тилидан таржима қилинган. Грек ёзувчиси Костос Франческос ўзбек ёзувчиси асарини (Абдулла Каххор ўзининг «Синчалак» киссасини назарда тутмокда. - К.. М.) таржима қилди. Нахотки, биз унинг бу олижаноб ишини икки баравар бемаънилик деймиз? Ахир у асарни нафақат аслиятдан, хатто рус тилидан ҳам эмас, балки французчадан таржима қилган». Куриниб турибдики, икки мақола муаллифи ҳам масалани жуда кескин куяди. Бири воситачи тил орқали амалга ошириладиган таржимани иллатли хисоблаб, ундан бутунлай воз кечишни тавсия этса, иккинчиси бу усулни оклаб чикади. Фикримизча, мазкур нуктаи назарларнинг иккаласи ҳам бахсли. Н. Чуковский фикрининг нотўғри, бинобарин, Абдулла Кахкор фикрининг тўғри томони шундаки, бир тилдан иккинчи тилга бевосита таржима қилишнинг имкони бўлмаганда, бир халқ адабиёти намуналари билан иккинчи халқ вақилларини билвосита таржима орқали бўлса ҳам таништираверишга нима етсин?! Муайян хорижий тилдан бевосита таржима қиладиган санъаткорнинг пайдо булишини кул ковуштириб кутиб утириш, нахотки, тўғри бўлса?! Бизнингча, кўпчилик хорижий тиллардан бевосита таржима қиладиган мутахассислар етиштиришга каттик киришган холда, хозирча, воситачи тил орқали бўлса ҳам, зарур асарларни таржима қилавериш фойдадан холи эмас.

Воситачи тил орқали бажарилган таржима ҳам, агар у яхши таржима нусхадан яхши таржимон томонидан угирилган булса, китобхонни маълум даражада кониктиради, унга асарнинг гоявий-бадиий киймати ҳақида хакконий тасаввур бера олади. Кўпчилик хорижий адабиёт намояндалари асарлари хозирги пайтда ўзбекчага, асосан, рус тили орқали ўгирилаётган экан, бу таржималар ўзбек китобхонларининг хорижий мамлакатлар адиблари ва уларнинг асарлари ҳақида кўп холларда тўғри тасаввур хосил қилишларига сабаб булмокда. Ўзбек тилига муваффакиятли угирилган асарлар каторига, масалан, машхур инглиз адибаси Войничнинг «Суна» романи, Шекспирнинг «Ҳамлет», «Отелло», «Кирол Лир», «Ромео ва Жульетта», «Юлий Цезарь» ва бошқа катор пьесалари киради-ки, уларнинг ҳаммаси ўзбекчага рус тили орқали таржима қилинган. Ўзбек сахна усталари Шекспир кахрамонлари образларини махорат билан талкин этаётган экан, бунинг сабаби, биринчи навбатда, пьесалардаги образларнинг ўзбек актёрлари кўз олдида хакконий гавдаланишидадир. Аброр Хидоятов - Отелло, Олим Хужаев - Ҳамлет, Сора Эшонтураева - Дездемона ва Офелия, Наби Рахимов - Яго, Шукур Бурхонов - Брут образларини зур махорат билан ярат-ган экан, бу мазкур актёрларнинг пьесаларнинг воситачи тил орқали угирилган таржималари асосида илхомланганлиги окибатидир. Бу ерда театр танқидчиси Жавод Обидовнинг «Аброр - Отелло» мақоласида айтилган қуйидаги сўзларни келтириш уринли: «Инглиз парламент делегацияси буюк инглиз драматурги Вильям Шекспирнинг Аброр талкинидаги Отеллони кургач, унинг юксак даражасини кайд қилиш билан баравар Аброрни Шекспирнинг ватани Лондон сахнасида куришни орзу қилганини айтди». Демак, давр, шароит такозоси билан билвосита таржима усули халқимизга халол хизмат қилди: ўзбек китобхонларининг хорижий адабиёт намояндалари асарлари билан танишишига, шу билан бирга, ўзбек адабиёти ва маданияти вақилларининг дунёнинг катор халқлари адабиёти ва санъати

намуналари билан ошно булишига сабабчи бўлди. Шу маънода билвосита таржима амалиёти тарихига ижобий жараён сифатида қарашимиз ва машхур адиб ва таржимон Абдулла Каххорнинг юқоридаги фикрларига қўшилишимиз мумкин. Бирок гап шундаки, бугунги кунга келиб мамлакатимизда илм-фан ва маданиятнинг тезкор суръатда равнак топиши, хорижий тиллардан ҳам бевосита таржима қилишга кодир мутахассисларнинг етишиб чикаётгани ва шу туфайли юкори самараларга эришилаётгани, мустақил республикамиз билан кўпгина хорижий мамлакатлар уртасида илмий-маданий ва техникавий алокаларнинг ривожланиб бораётганлиги бундан буён билвосита таржима амалиётини химоя қилишни такозо этмайди. Шарк тилларидан бевосита таржима қилиш амалиёти кулами йил сайин кенгайиб бормокда. Бевосита таржима, асосан, Шаркшунослик институтида укиган мутахассислар томонидан амалга оширилмокда. Фразеологик иборалар ёрдамида қилинган сўз уйинига дуч келинганда уларнинг лугавий-мантикий ҳамда образли-кўчма маънолари бир пайтнинг ўзида жонланади. Шунинг учун уларни лексик таркиб жихатидан қисман фарқ қиладиган эквивалентлар ёки муқобил вариантлари орқали таржима қилишдан кура, калька ёрдамида бериш маъкулрок. Чунки бунда ифоданинг лексик таркиби моддий жихатдан сақланади ва сўз уйинини кайта тиклаш учун кулайрок имконият вужудга келади. Хуллас, воситачи тил орқали угирилган асарлар таржимасида кўзга ташланадиган хато ва камчиликларнинг кўпчилиги воситачи таржималар туфайли содир этилмокда. Рус таржимонлари ёдда тутиши керакки, уларнинг таржималари нафақат рус тилида бадиий асар мутолаа қиладиган китобхонлар, балки ўз мухлисларини мазкур асарлар билан русча таржималар воситасида таништирадиган ўзга халқлар таржимонларига ҳам мулжалланади.

Бевосита таржима масалалари илмий муаммо сифатида олимлар томонидан хал қилинаётган экан, бу, албатта, қилинажак таржималар сифатининг борган сари яхшиланишига замин хозирлайди. Бундай таржимани билвосита таржимага карши куйган холда, уни узлуксиз тарзда ташвикот қилиб бориш зарур. Айрим олимларнинг билвосита таржима амалиётини умумлаштиришга харакат қилиши, бу масалани илмий муаммо сифатида илмий жамоатчилик мукокамасига хавола этишга интилиши уларнинг бу хил таржимани ёклаб чикишга ҳамда таргиб қилишга мойиллигини курсатади. Кўплаб тадқиқотчилар билвосита таржима масаласини ёритиш зарур деган фикрни билдиради. Бир қарашда бу фикрда жон бордек, чунки замон ижобий натижа бераётган хар бир амалий фаолиятни умумлаштиришни, тарғиб ва ташвиқ қилишни, шу асосда илмий хулосалар чикаришни тақозо этади. Аммо масалага бугунги таржима амалиёти олдига куйилаётган талаб нуктаи назаридан ёндашиладиган бўлса, таржимадан таржима қилишнинг истикболи йўқлигига ишонч хосил қиламиз: таржимадан таржима қилиш масаласига илмий муаммо сифатида қараш амалий жихатдан ўзини окламайди. Аслида, масалага бутунлай бошқача ёндашиш зарур. Ягона ижобий усул сифатида бевосита таржимани каттик туриб химоя қиладиган, уни ташвик ва таргиб этадиган ҳамда назарий жихатдан умумлаштира оладиган таржимонларни тайёрлаш пировард натижада воситачи тил орқали амалга ошириладиган таржима амалиётига чек куйиши шубхасиз. Таржима санъати нихоятда огир ва, айни пайтда, шарафли ишдир. Бадиий асарни таржима қилиш учун таржимонда ижодкорлик иктидори ва таржима қилиш санъати булиши керак. Таржимон ўз она тилини ҳам, аслият тилини ҳам жуда яхши билиши, уларнинг нозик томонларини тез илгай олиши лозим. Таржимон умумий билим доираси кенг, турмуш тажрибаси бой, илгор маданиятни эгаллаган шахс булиши керак. У, шунингдек, қайси халқнинг тилидан таржима қилаётган бўлса, уша халқнинг хаёти ва турмуш тарзини ҳам чукур билмоги лозим.

Адабиётшунослик фанининг хозирги тараққиёти шуни кўрсатадики, бир халқ адабиётини бошқа халқ адабиётидан ажратиб, алоҳида ўрганиш мумкин эмас. Чунки жахон адабиёти яхлит тизим бўлиб, миллий адабиётларнинг ўзаро таъсири натижасида таркиб топади. Кишилар ер юзининг турли минтакаларида яшашидан катъи назар, яратилган маънавий бойликларини ўзаро баҳам куришга интилмокда, бир-бирининг санъатидан, бадиий кашфиётларидан завқланиб, калбан ва рухан яқинлашиб бормокда. Чунки «Кундалик алока воситаси бўлган тилга нисбатан бадиий адабиёт тили - бу сўз усталари томонидан кайта ишланган тилдир» [Фёдоров 1963]. Таржима - миллатлар орасида бевосита маънавий алока ки-лиш куроли. Чунки у маданий бойликлар, кишиларнинг кўп асрлик эзгу ниятлари, гояси ва қарашлари мужассамланган асарларни ўзга тил сохиби булмиш халқка етказади, халқнинг кунгил дафтарини намойиш этади. Турли тилларда ёзилган бадиий асарлари катта таржима йўлида айирбош қилинади. Таржимасиз, фақат ўз ички ресурслари хисобигагина ривожланадиган, ўзок ва якин бошқа халқлар бунёд этган маданий бойликлардан бахраманд бўлмаган соф миллий маданият ҳам, адабий ўзгармас «тоза» тил ҳам йўқ ва булиши ҳам мумкин эмас. Кейинги пайтларда юртимизда илмий таржима ҳам кенг кулоч ёймокда. Бу борада мутахассисларнинг, айникса, филологларнинг саъйхаракатлари тахсинга лойик. Таржима - умумбашарий ва халқлар дустлиги куроли. Таржима йўли билан миллий маданиятлар бир-бирларини бойитади ва бу тилда, тафаккурда, маданий-адабий хаётда, санъатда ҳамма жойда намоён бўлади, таъсири сезилиб туради. Кардош халқлар ва жахон адабиёти намуналарининг ўзбек тилига таржима қилинаётганлиги бизда таржима илми ва амалиёти муваффакият билан ривожланаётганидан далолат беради. Миллий маданиятимизнинг жахон халқлари маданиятининг энг яхши анъаналари билан якинлашувига, халқлар ўртасида дўстликнинг кучайишига ва ўзбек китобхонларининг жахон

прогрессив адабиёти намуналаридан бахраманд булишига хизмат қилади. Зотан, фан, маданият ва техника сохасида рўй бераётган аксарият оламшумул ходисалар бевосита таржима туфайли оммалашади. Бадиий таржиманинг тарбиявий, сиёсий, ғоявий ва эстетик аҳамияти ҳамда маърифатпарварлик ролининг бундан кейин ҳам тобора ошиб боравериши давр, замон талабидан келиб чикади. Халқимизни жахон фани, техникаси, маданияти ва ижтимоий фикр тараккиётининг буюк ютукларидан бахраманд қилиш, халқлар дустлиги рухида тарбиялаш каби мукаддас вазифани амалга оширишда ҳам таржима ғоят катта аҳамиятга эга. Бу борада Ўзбекистон Республикаси Президентининг 2012 йил 10 декабрда қабул қилинган «Чет тилларни ўрганиш тизимини янада такомиллаштириш чора-тадбирлари тўғрисида»ги Қарори меъёрий-хуқуқий асос вазифасини ўташи муқаррардир. Бунда, жумладан, етук таржимонларни етказиб, таржима ишларини юкори савияга кутариш хусусида ҳам сўз боради. Ўзбекистон Республикасида хозирги пайтда замонавий ижтимоийиктисодий ва жамиятдаги ўзгаришлар билан бир каторда олий таълим тизими жараёнини такомиллаштиришда ва хорижий тилларни ўрганишда ҳам юксалишлар кўзатилмокда. Хозирги пайтда кўзатилаётган таржима сохасидаги кенгайи шлар ҳамда таржима жараёни ва унинг натижасига бўлган талабларнинг кучайиши турли хил миллатлараро алокаларнинг самарали ишлашига ва амалга оширилишига бўлган кизикишларнинг кучайишига олиб келди. Назаримизда хорижий тилни мукаммал эгаллаш хориж маданияти билимларига эгалик даражасига боғлиқ. Бундан келиб чиқадики, хориж маданиятини ўзлаштириш бериладиган материалга боғлиқ, бу эса, ўз навбатида, хорижий тилни ўрганишга бўлган кизиқишнинг юксак даражасини курсатади. Таржимоннинг келажакдаги профессионал иш жараёни маданий характерга эга бўлган билимларга таянади. Хорижий тил

билими таржимоннинг келажакдаги профессионал даражасини кутаради деган хато фикр мавжуд. Албатта бундай эмас, чунки таржимоннинг иш жараёни бу фақат юзаки илм эмас, балки она тилини юксалтириб боришни талаб қиладиган жараёндир. Шунинг учун таржимондан ўз устида тинмай иш олиб бориш, ҳам ўзини, ҳам хорижий адабиётни ўзлаштириш, таржима асослари буйича семинарларга катнашиш, замонавий компьютер технологияларини ўрганиш, таржимашуносликдаги технологиялар билан танишиш, тил бирликларини ёдда саклашга ёрдам берадиган лойихалардан бохабар булиш, фақат ўқув жараёни билан чекланиб колмасдан, қўшимча курсларга катнаш талаб қилинади. Сўнгги ун йилликларда информацион ва педагогик технологияларни илм-фанда жорий этишда олга силжиш кўзатилмокда. Таълим тизимидаги ривожланишнинг хозирги боскичида таржима назарияси ва амалиёти фанида изланишлар олиб борилмокда. Хозирги даврда таржимашунос олимлар ўз олдига илгор ва замонавий педагогик технологиялардан фойдаланиб, таржима жараёнини осонлаштириш ва савиясини янада ошириш каби мақсадларни куйишган. Хакикатан ҳам, илгор педагогик технологиялардан фойдаланиш нафақат таржима сохаси буйича Ўқитишда ва таржимонларни тайёрлашда, шунингдек, таржима жараёни осон кечишида ҳам кул келади. Замонавий педагогик технологиялар талабага ўз-ўзини ўрганиш ва билим фаолиятини амалга ошириш, мустақил ишлаш кобилиятини янада ривожлантириш каби кўникмаларни бера олади. Холатли таълим амалда шу муаммони хал қилиш учун имконият беради. Бундан ташкари, модулли таълим мохияти талабанинг таълим ва информацион фаолиятини ўз олдига мақсад қилиб, талабаларнинг шахсий сифатларини шакллантириш ва ривожлантиришни ҳам эътиборга олади. Хозирги даврда таржима сохасида бир қанча замонавий методлардан фойдаланиш йўлга куйилган. Булардан Shadowing методини мисол сифатида келтиришимиз мумкин.

Shadowing методи 40 дан ортик тилларни билувчи, лингвист ва профессор Александр Аргюейс томонидан ишлаб чикарилган. Мазкур метод чет тилларни ўрганиш ва Ўқитиш сохасида энг самарали методлар каторида туради. Shadowing бир вактнинг ўзида эшитиш, укиш, тинглаш, талаффуз қилиш, тезлик, сўзлар захираси ва грамматикани шакллантиришга ёрдам беради. Бўларнинг ҳаммаси ёзма ва оғзаки таржима сохасида катта урин тутади. Хозирги вактда Shadowing (соя/тақлид) технологияси нафақат таълим сохасида, балки Гарб мамлакатларида, аниқроги, Буюк Британиянинг 70 % дан ортиқ турли корхоналарида қўлланилмокда. Shadowing сўзи «бирор-бир нарсанинг, кишининг сояси бўлмоқ» ёки «бирор нарса, кишига тақлид қилмоқ» деб таржима қилинади. Бу таълим технологиясининг ўзига хос хусусияти шундан иборатки, у турли даражадаги тажриба ва махоратга эга хар қандай соха вақиллари нисбатида қўлланиши мумкин деб хисобланади. Бу технология хар куни қўлланиладиган технологиялардан хисобланиб, хар қандай соха вакилининг билим даражасини оширишга хизмат қилади. Таржима сохаси вақиллари хар доим ўз билим ва кўникмаларини ошириб туриши шарт ва зарур. Айнан Shadowing технологияси таржиманинг адекват чикишига каратилган бўлиб, таржимон асл нусханинг, таржимоннинг сояси сифатида намоён бўлиши, таржима самарасини оширади. Shadowing технологияси бир неча жараёнга булинади. Буларни қуйида мисоллар орқали кўриб чиқамиз: 1. Blind shadowing (кўр-кўрона таклид) - бу жараён оғзаки нутқ, талаффуз ва тинглаш каби тил аспектларини ривожлантиришга қаратилган. Тингловчи матннинг бир кисмини бир неча марта тинглаб, уни иложи борича таклид қилиши керак, яъни тингловчи хар бир сўз талаффузи, гаплар тезлиги ва сўзларнинг ургусигача такрорлаши шарт. 2. СотргепепвМе shadowing - бунда матнни биринчи жараёндаги каби такрорлаб, шу билан бирга, матннинг таржимасини таққослаш керак. Бу

жараён оғзаки нутқ, тинглаш, талаффуз қилиш ҳамда тушуниш кўникмаларини ривожлантиради. 3. Proper shadowing - бунда тингловчи биринчи ва икинчи жараёндаги каби иш тутиб, аслият матн билан ишлай бошлайди. 4. Independent work (мустақил иш) - бу жараён тингловчининг зехнини, эслаб қолиш қобилияти ҳамда олган билимларини мустахкамлашга қаратилган бўлиб, тингловчи асл нусха матнини ўзи талқин қилиши керак. 5. Scriptorium (ёзма иш) - бунда тингловчи хар бир гапни баланд овозда укиши, кейин эса дафтарга ёзиши керак. Бу жараён хорижий тилнинг ҳамма аспектларини ўз ичига олиб, барча ўрганган билимларини амалда синаб кўради. Shadowing технологияси таржимонларнинг ўқув жараёни янада қизиқарли ва самарали бўлишига ёрдам беради.

Фойдаланилган адабиётлар: 1. Рахимов Ғ. Таржима назарияси ва амалиёти. Ўзбекистон милий энсиклопедияси. Давлат илмий нашриёти. Тошкент-2016. 176 б. 2. Алимов В. В. Теория перевода. Перевод в сфере профессиональной коммуникации. - Москва: УРСС, 2004. 3. Бархударов Л. С. Язык и перевод. - Москва: МО, 1975. - 190 с. 4. Виссон Линн. Практикум по синхронному переводу с русского на английский. - Москва, 2000. - С. 200. 5. Казакова Т . А . Translation Techniques. Практические основы перевода. Санкт-Петербург, 2001. - 320 с. 6. Комиссаров В. Н. Лингвистика перевода. - Москва, 1980. - 167 с. 7. Комиссаров В. Н., Коралова Д. Л. Практикум по переводу с английского языка на русский. - Москва, 1990. - 112 с. 8. Комиссаров В. Н. Современное переводовение. - Москва: ЭТС, 2002.

O'xshashlar

Таржима тилида мантик

Грамматик шакллар ва таржима

Мукаммал таржима омиллари хусусида мулохазалар

Оксимарон ва унинг таржима масаласи

Таржима назарияси объекти ва предмети