Ревматизм уни патофизиологияси ва даволаш принциплари - Tibbiyot - Referatlar

Ревматизм уни патофизиологияси ва даволаш принциплари

Yuklangan vaqt:

20.09.2019

Ko'chirishlar soni:

0

Hajmi:

78 KB

Ko'chirib olish

Ревматизм уни патофизиологияси ва даволаш принциплари Режа: 1. Ревматизм- инфекцион аллергик яллиғланиш касаллиги 2. Ревматизм ривожланишида генетик мойиллик 3. Ревматизм фитотерапияси

Ревматизм- инфекцион-аллергик яллиғланиш касаллиги бўлиб, бунда бириктирувчи тўқималар, кўпинча юрак, қон томир ва бўғимлар жарохатланади. Ревматизмда юрак деворининг барча қавати, кўпроқ миокард ва эндокардлар жарохатланиб юрак клапанларининг деформацияси юзага чиқади ва юрак етишмовчилиги қайд этилади. Касаллик в-гемолитик стрептококни А-группасига боғлиқ инфекция билан юзага чиқади. Ангина ва сурункали тонаиллит билан оғриган беморларда касалликдан 2-3 хафта ўтгач ўткир ревматизм ривожланиши мумкин. Бунда бемор қонида кўп миқдорда стрептококкли антиген ва стрептококга қарши антителолар пайдо бўлади. Ревматизм ривожланишида генетик мойиллик, оғир яшаш шароити, нормал овқатланмаслик, совуқ қотиш ва жисмоний толиқишлар ҳам ўзига хос рол ўйнайди. Касалликни ривожланишида организмда пайдо бўлган стрептококкли антигенбунга қарши антитело+комплимент=иммунологик комплекс ҳосил қилади. Ҳосил бўлган комплекс қонда циркуляцияланиб, микроциркулятор томирларга чўкиб ўтириб қолади. Агар беморда иммун тизимида етишмовчиликлар бўлса стрептококкли антиген ва ҳосил бўлган комплекслар яхши элиминацияга учрайди, натижада улар юрак-қон томирнинг бириктирувчи тўқималарга ёпишиб қолади. Бунда жавобан организмда иммунологик яллиғланишлар (тез юзага чиқувчи-ГНТ ва секин юзага чиқувчи-ГЗТ) ривожланади ва қонда лимфоцитлар пайдо бўлиб, улар миокард билан ўзаро мулоқатда бўлади ва боғланади. Миокардни бундай тўқималари юракда органик жарохатларини-рематизмни юзага чиқаради. Ҳозирги кунда ревматизмни 2 та алоҳида фазаси қайд этилган: Ревматизмни мукоидли шиш билан боғлиқ яллиғланган формаси, Ревматизм фибриноидли формаси. Мукоидли шишда бириктирувчи тўқималарда юзаки, қайтар реакциялар қайд этилади. Фибриноидли ўзгаришларда эса бириктирувчи тўқималарда

чуқур дистрофик ўзгаришлар қайд этилади (эндокардит ва миокардит) ва кардиосклероз, вульвулосклероз ҳамда юрак пороклари юзага чиқади. Шундай қилиб ревматизмда юракни барча қаватлари, бўғимлар, плевра, тери, тери ости, МНС ва эндокрин безлар жарохатланиши мумкин. Ревматизмда қандай клиник симптомлар қайд этилиши мумкин? Аввало шу ревматизмни юзага чиқишига сабабчи бўлган асосий касалликниинфекцияни белгилари кўринади. Асосий касалликлардан (ангина ёки ЮНЙ касалликлари) 1-2 хафта ўтгач ревматизм хуруж қилувчи беморда 38-40 0 С гача темпетатура кўтарилади, кучли терлаш юзага чиқади. Сўнгра беморда юракга боғлиқ симптомлар (юракдаги оғриқ, ноқулайлик холатлари, хансираш ва юрак урушининг тезлашиши каби) қайд этилади. Кейинчалик юракдаги ўзгаришларга боғлиқ симптомлар қушилади. Аускультация қилинганда юракнинг митрал клапанларини етишмовчилиги билан боғлиқ юракдаги 1тонни сусайгани, баъзан 3-тонни пайдо бўлиши, юзаки систолик шовқин юзага чиқиши ва кучайиб бориши қайд этилади. Агарда аорта клапанларида хам етишмовчилик қайд этилса аускультацияда диастолик шовқин хам юзага чиқиши мумкин. Ревматизмни янада ривожланиши билан боглик иммунологик курсаткичларни юзага чиқиши, лейкоцитоз, СОЭ, глобулинлар, фибриноген, стрептококга қарши антителоларни кўпайиши касалликни чуқурлашишини кўрсатади. Натижада буғимларда шиш пайдо бўлади ва харакатчанлиги бузилади, носпецифик ревматик полиартрит юзага чиқади. Ревматизм ўз кечимига кура ўткир ва сурункали бўлиши мумкин. Унинг қайси шаклда булишига қараб даволаш принциплари хам хар хил бўлади. Даволашнинг асосий йуналишлари куйидагилардан иборат: 1. Ревматизмни келтириб чиқарган стрептококкли инфекцияларга қарши курашиш. 2. Фаол ревматик жараённи олдини олиш, 3. Иммунологик ўзгаришларни ўз холига қайтариш (иммунокоррекция)

Стрептококкли инфекцияларга қарши кураш антибиотикотерапия орқали юзага чиқади. Бунинг учун бензилпенициллинни натрийли тузидан 5 кун давомида 4 махалдан 0,5-1 млн ТБ дан инъекция қилинади. Сўнгра хар 20-21 кунда 1 марта бициллин-5 дан 1,5 млн ТБ юборилади. Агар бициллин-5 бўлмаса, пенициллинни ярим синтетик унумларидан ампициллин, оксациллин, метициллинларни 2 хафта давомида юбориш мумкин. Ревматизмнинг қайта хуружини олдини олиш учун 3 йил давомида хар ойда 1 мартадан бициллин-1 дан 1,2 млн ТБ хисобида ёки бициллин-5 дан 1,5 млн ТБ хисобида инъекция қилиб турилади. Шу билан бирга оғиз бушлиғини хам доимий равишда махсус ишловдан ўтказиш (санация) керак бўлади. Ўткир ва фаол шаклдаги ревматизмни ностероид ялиғланишга қарши препаратлар билан даволанади. Бунда кўпроқ индометацин, аспирин, бруфен, волтарен, напроксен, нимесулид, мелоксикам препаратларидан фойдаланилади. Бу препаратларни ревматизмни тула йуқолгунча қабул қилинади. Юрак етишмовчилигини белгилари намоён бўлиб ўтаётган оғир шаклдаги бирламчи ревматизмни преднизалон (кунига 20-30 мг дан) ёки триамциналон (кунига 16-20 мг дан) билан даволанилади. Ревматизм кечими енгиллашган сари ушбу препаратларни дозаси (2,5-10 мг гача) камайтирилади ёки улар ўрнига танада натрий ионларини ушланиб қолишига олиб келмайдиган дексаметазонни бериш мумкин. Яллиғланишга қарши ностероид воситалар: 1. Салицилатлар: натрий салицилат, аспирин, салициламид, метилсалицилат, тосибен, асфен; 2) Алкан кислота унумлари: ибупрофен, бруфен, кетопрофен, напроксен, вольтарен; 3) Индолуксус кислота хосилалари- индометацин, сулиндак, толектин; 4) Антранил кислота унумлари- флуфенам кислота, мефенам кислота, нифлумин кислота, толфенам кислота; 5) Пиразалон унумлари: амидопирин, томанол, бутадион, оксифенилбутазон, кебузон, бумадизон.

НЯҚВларнинг таъсири: 1. Капиллярлар ўтказувчанлигини камайтиради, 2. Лизосомалар мембранасини мустахкамлаб, ферментлар ажралишини камайтиради; 3. Макроэргик боғлар АТФ хосил бўлишини камайтиради, 4. Простогландинлар синтезини тормозлайди 5. Туқима компонентларининг молекуляр ўзгаришига олиб келади, бу уларни шикастловчи омиллар билан реакцияга киришишига тусқинлик қилади. 6. Цитостатик таъсир, яллиғланиш пролефератив фазасини тормозланишига олиб келади. Иммунологик гомеостазни ўз холига қайтариш учун аминохинолин унумларидан фойдаланилади. Базис терапия учун фойдаланиладиган воситалар қуйида келтирилган: 1. Носпецифик иммуномодулловчи таъсирга эга булган ва секин таъсир этувчи яллиғланишга қарши воситалар а) олтин препаратлари-кризанол (м/о), миокризин (м/о), ауронофин (перорал) б) Д-пеницилламин (купренил) в) хинолин унумлари-хлорохин, гидроксихлорохин. Хингамин (делагил) 0,25 г 7-10 кун давомида 2 махалдан, гидроксихлорахин (плаквенил) 0,2 г дан 7 кун давомида 2 махалдан берилади. 2. Бириктирувчи туқимадаги яллиғланишни тухтатувчи иммуномодуляторлар а) иммунодепрессантлар-циклофосфамид, азотиопирин, метотрексат, циклоспорин; б) сульфаниламидлар-сульфасалазин, салазопиридазин.

Иммунодепрессантларнинг ножуя таъсирлари: Ножуя таъсири Циклофосф ан Азотиопир ин Метотрекса т Циклоспор ин Менустрал цикл бузилиши + 0 0 + Азооспермия + 0 0 - Жигарни шикастланиши 0 + ++ + Суяк кумиги фаолияти бузилиши + + + + Инфекция ривожланиши + - + + Хромосома аберрациялари ++ + + - Тератогенлик + 0 ++ + Канцерогенлик + + 0 + Бемор стационардан чиққач ностероид яллиғланишга қарши препаратларни кичик дозаларини 1-2 ой давомида, оғир шаклидан сўнг эса 2- 4 ой давомида олиб туради. Масалан, аспиринни хар куни 1 махалдан 2 г дан, индометацин ва диклофенак натрийни 25-50 мг дан кунига, месулидни 100 мг дан кунига 2 махал берилади. Ревматизм юрак етишмовчилиги билан бирга кузатилганда юрак гликозидлари (строфантин, дигоксин, целанид), пешоб хайдовчилар (верошпирон, триампур, гипотиазид), АПФ ингибиторлари (капотен, энам ва б), периферик вазодилататорлар хамда миокардда метаболизмни кучайтирувчи (рибоксин, АТФ, К препаратлари, какорбоксилаза) берилади. Ревматизмни олдини олиш учун стрептококкли инфекцияларни ўз вақтида даволаш, танадаги инфекция учоқларини йуқотиш лозим. Хозирда ревматизмга қарши шифобахш ўсимликлардан хам фойдаланилмоқда. Ревматизм фитотерапияси 1) андиз ва лопух (пахмоқ қариқиз) илдизи (50 г), толокнянка, буймадарон, қашқарбеда ва валериана илдизидан (30 г дан), дала онониси

(стальник) илдизидан (100 г) ташкил топган йиғмадан 2 ош қошиқда олиб, 500 мл сувда қайнатма тайёрланади ва Ѕ-1 стакандан 1 кунда 4 махал ичилади. 2) оқ ива пустлоғи, дала қирқбуғими ва тамус илдизидан 100 г дан хамда қарағай устки қисмидан 20 г олиб, майдалаб, ундан 2 ош қошиқда олиб, 500 мл сувда қайнатма тайёрлаб, овқатдан олдин 1 кунда 4 махал ичилади. қайин сокидан 200 мл дан 3-6 махал ичилади. қайин қобиғидан 2 чой қошиқдан олиб ундан 500 мл сувда қайнатма тайёрлаб, овқатдан сўнг 1 ош қошиқдан 1 кунда 3-4 махал ичилади. Ревматик жараёнлар туфайли кўпинча митрал клапанларда ўзгаришлар бўлиб, митрал стенозлар юзага чиқади. Бунда ўпкадан ва чап қоринчада қон айланиши бузилади. Ревматизм билан оғриган беморларнинг 40 % ида митрал клапан стенози юзага чиқади. Шу беморларнинг купчилигини аёллар ташкил қилади. Стеноз клапанлардаги туқималарни диффуз ўзгариши ва унга Са ++ ионларини ўтириб қолишидан юзага чиқади. Натижада клапан учида торайиш билан боғлиқ воронкасимон холат юзага келади. Бу ўзгаришлар клапанда деформацияни юзага келтиради ва қонни клапандан ўтишини бузади. Стенозга учраган клапанга Са ++ ионларини утириши кальцийланган клапанни хосил қилади. Бу эса клапанларда тромбларни хосил қилиши ва артериал қон билан эмболияларни юзага чиқариши мумкин. Нормада юракнинг чап атриовентрикуляр тешиги 4-6 см 2 га тенг. Кальциланган клапанли стенозда у 1 см 2 гача торайиб қолади ва чап бўлмачадан қонни утишини қийинлаштиради. Бу эса ўпка вена ва капиллярларида босимни ошиб кетишига олиб келади. Натижада ўпка фаолияти бузилади ва жисмоний зуриқишда хансираш пайдо бўлади. Бу узгаришлар юрак ишини бузиб, тахикардияга олиб келади. Стеноз хосил бўлгандан кейин ревматизмни кечими кундан-кунга оғирлашиб боради ва клапандаги стеноз жаррохлик усули билан олиб ташланмаса бемор 2-5 йил ичида нобуд бўлиши мумкин.

Клапандаги стенозни бошланғич қисмида юрак ўз ишини имкон даражада бажариб туради. Аммо бу стадиядаги беморларда чап булмаларда босимни ошиб кетишида, жисмоний зўриқишларда, кучли қўзғалувчанликда, температура кўтарилишида, камқонликда, пароксизмал тахикардия, сексуал зўриқишда, хомила юзага келишида ва тиреотоксикозларда хансираш, ҳаво етишмаслиги ва йўтал каби симптомлар юзага чиқади. Вақт ўтиши билан касални зўриқиши юзага келади ва хансираш, йўтал ва ҳаво етишмасликлари арзимаган жисмоний зўриқишларда пайдо бўла бошлайди. Бора-бора ўпка шиши пайдо бўлади. Бу эса экстросистолия ва пароксизмал аритмияни, қон димланишини, нохушлик, иш қобилиятини ёмонлашишини ва юракда оғриқларни (10%) юзага чиқаради. Кўрсатилган ўзгаришлар периферик цианозларни, айниқса юздаги цианозларни пайдо қилиб юзда оғир изтиробли кўриниш (facies mitralis) ни юзага чиқаради. Беморни бўйин веналари кенгайиб, пальпацияланиб туради. Баъзан беморларни ЭКГ, эхокардиограмма ва бошқа специфик методлар ёрдамида ташхис қўйиб, маълум доридармонлар ёрдамида даволанади. Бунинг учун в-гемолитик стрептокок инфекцияларни олдини олиш ва ўз вақтида пенициллин билан даволаш зарур. Юракда ўзгариш бўлгани учун дигиталис препарати ишлатилади. Бунда в-адреноблокатордан (атенолол-6, 25-12, 5мг 2 махал), б ва вблокаторлардан (кордарон-0,2г. 2-3 махал) ҳам кенг фойдаланилади. Шу билан бирга қўшимча касалликларни (масалан: анемия ва инфекция) даволаш касални кечимини енгиллаштиради. Тромбларни олдини олиш учун антикоагулянтлардан узоқ вақт давомида (4 хафтада 1 йилгача) фойдаланиш керак бўлади. Энг охирги муложала сифатида жаррохлик билан клапан-митралли стенозни кенгайтириш ёки зарур бўлганда сунъий клапанларни қўйиш лозим бўлади. Адабиётлар: 1. Клиническая фармакология, под ред. В.Г. Кукеса, М.1991 г.

2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

O'xshashlar

Аритмиялар патофизиологияси ва фармакотерапияcи принциплари

Ревматизм

Ўткир ва сурункали юрак етишмовчилик касаллиги патофизиологияси ва фармакотерапияси принциплари

Жигар касаллиги уни турлари келиб чиқиши патофизиологияси ва фармакотерапияcи

Қандли диабет касаллиги уни келиб чиқиш патофизиологияси ва фарматерапияси асослари