Инфекцион касалликлар уларнинг патофизиологияси ва фармакотерапияси - Tibbiyot - Referatlar

Инфекцион касалликлар уларнинг патофизиологияси ва фармакотерапияси

Yuklangan vaqt:

20.09.2019

Ko'chirishlar soni:

0

Hajmi:

60.5 KB

Ko'chirib olish

Инфекцион касалликлар уларнинг патофизиологияси ва фармакотерапияси Режа: 1. Турли хил инфекцияларни юзага чиқарувчи бактерия ва микроорганизмлар 2. Туберкулёз 3. Инфекцион касалликларни даволашда ишлатиладиган антибиотикларнинг ножуя таъсирлари.

Турли хил инфекцияларни юзага чиқарувчи бактерия ва микроорганизмлар томонидан юзага келган яллиғланиш жараёнларини химиотерапевтик препаратлар билан даволанади. Инфекция деганда инфекцион яллиғланиш кўз олдимизга келади. Уни микроорганизмлар билан инсон организмини ўзаро муносабатлари ва унда микроорганизмларни специфик биологик таъсирлари юзага чиқади. Масалан: ўткир йирингли инфекцияларни ривожланиши яраларга тушган микробларнинг характеригагина боғлиқ бўлмайди, балки шу яраларга тушган микроорганизмларни ўзига хос холатига (особенности) боғлиқ бўлади. Шунга қараб юзага келган инфекцион холатнинг кечими: ўткир, суринкали, ўткир ости холатида бўлиши мумкин. Хусусан сепсис холати бирон-бир инфекцияни қандайдир қўшимча специфик таъсири бўлмай, балки организмни ўзига хос реакциясининг йиғиндисини натижасидир. Кўпинча умумий йирингли инфекция-сепсисни юзага келишини, маълум орган ёки системаларда юзага чиқаётган, оғир холатда ўтаётган махаллий йирингли инфекция кечимидан ажратиб олиш ўта қийин масаладир. Шунинг учун хам химиотерапия деганда инфекцияларни юзага келтирувчи турли хил микроорганизмларга ва уларни яшаш жараёнига таъсир этувчи ва уларни яшашини сусайтирувчи, микрорганизмларни кўпайишини тўхтатувчи хамда уларни яшаш холатини йўқотувчи, яъни бактериостатик ва бактериоцид таъсирга эга препаратларни тушинамиз. Шу билан бирга бу препаратлар организмдаги турли хил инвазияларни яшаш жараёнини сусайтиради ва бемор организмига деярлик токсик ва захарли таъсир этмаслиги керак. Юқорида келтирилган маълумотларга асосланган холда инфекцион касалликларни энг аввало шу холат ва кечинмаларни юзага келтирувчи бирламчи касалликлардан ва яллиғланиш жараёни билан кечувчи турли хил инфекцион касалликлардан ажратиб олиш керак бўлади. Чунки хар-бир инфекцион касалликни юзага чиқарувчи шу касалликни индувидиал микроорганизми мавжуд. Хусусан, биз Сизлар билан баъзи инфекцион

касалликларни патогенезини, кечимини, клиник симптомларини, ножўя таъсирларини ва уларнинг фармакотерапия асосларини кўриб ўтдик. Масалан: гепатит, вирусли гепатит, амёбний дизентерия ва б. Хали Сизлар билан туберкулез, захм, мохов ва б. инфекцион касалликларни хам ўтамиз. Бу касалликларни юзага чиқарувчи ўзига хос индувидуал микроорганизмлари борлиги хам Сизларга маълум. Шунинг учун хам юқори температурани (умуман бемор хароратини) юзага чиқишида асосий рол ўйновчи кўпдан-кўп касалликларни анамнез, анализ, касалликни келиб чиқиши ва кечимига қараб инфекцион касалликлар қаторидан чиқариб юбориш керак бўлади. Бундай касалликлар қаторига пневмония, ўпка туберкулёзи, альвеолит, пешоб йўли инфекциялар, гайморит ва б. киради…! И.Н Денисов, Ю.Л. Шевченко ва Ф.Г. Назировларнинг (2005й) кўрсатиб ўтишича кўпинча бемор хароратини узоқ муддатга кўтарилишига қуйидаги холатлар хам сабабчи бўлади: Туберкулёз Бактериал инфекциялар, юқори нафас йўлларидаги, корин бўшлиғидаги, пешобтаносил йўлларидаги касалликлар, абцесслар ва б. Лекин бунда инфекцион характер қайд этилмайди. Бактеремия (инфекциясиз қайд этилиши мумкин). Томирлар ичидаги инфекциялар Масалан: инфекцион эндокардит, томирлардаги протезлардан чиққан лихорадкалар. Гемолитик касалликлар Юмшоқ тўқималарни травматик жарохати ва гематомалар Томирлар тромбози Дориларга боғлиқ хароратни кўтарилиши. Аллергик альвеолит ва б. Крон касаллиги ва б.Бундай касаллик ва холатларда кўпинча химиотерапевтик препаратлар қўлланилади: Химиотерапектик препаратлар бир неча гурухларга бўлинадилар: Таъсир доирасига қараб; Антимикроб таъсирига қараб; Таъсир механизмига қараб.

Таъсир доирасига қараб кенг таъсир доирасига эга ва тор таъсир доирасига эга препаратларга бўлинади. Кенг таъсир доирасига эга антибиотиклар турли хил: грамм мусбат ва грамм манфий бактерияларга ва микроорганизмларга, хламидларга, микоплазмаларга, рикеттцияларга ва б. таъсир этади (Масалан: тетрациклинлар). Тор доирага таъсир этувчилар бир группа микроорганизмларга таъсир этади (Масалан: пенициллин G-фақат грамм мусбат бактерияларга таъсир этади). Антимикроб таъсирига қараб иккита гурухга бўлинади: Бактериостатик (тетрациклинлар, сульфаниламидлар); Бактериоцид (пеницилинлар). Бу таъсирларни юзага чиқишида организмни иммун тизимини холати хам катта рол ўйнайди. Таъсир механизмига қараб қуйидаги гурухларга бўлинади: бактерияларни деворига-мембранасига таъсир этувчилар (пенициллин, цефалоспоринлар); Бактерияларнинг цитоплазматик мембраналарига таъсир этувчилар (амфотерицин, полимиксин, нистатинлари); Бактерияларда оқсиллар синтезига таъсир этувчилар (аминогликозидлар, тетрациклинлар, эритромицинлар); Бактерияларда нуклеин кислота метаболизмига таъсир этувчилар (рифампицин, триметоприм, налидиксин кислоталари); Оралиқ хужайра метаболизмига таъсир этувчилар (сульфаниламидлар). Антибиотикларнинг таъсир механизмига қараб қайси гурухга киришлиги қуйидаги расмда келтирилган( расмга қаранг). Инфекцион касалликларни даволашда шу бемор ва ундаги инфекцион касалликга нисбатан танлаб таъсир этувчи антибиотикни танлаш катта рол ўйнайди. Бунда қуйидаги холат ва факторларга алохида ахамият бериш керак бўлади:

Шу беморга антибактериал терапия керак-ми ёки йўқлиги хал этилади. Антибиотиклардан ортиқча ёки кераксиз холатларда фойдаланиш тавсия этилмайди…! Масалан: шу беморда «гриппми» ёки «оддий шамоллашми», ажратиш керак бўлади…! Шу бемордаги инфекцион касалликни қайси бактерия ёки микрорганизм юзага келтирилганлигини, яъни микроорганизмни тури ва видини аниқлаш зарур…! Бу ерда микробиологик (балғамда, йирингда, пешобда, қон ва б.)анализлар катта рол ўйнайди. Аниқланган микроорганизмларни қайси антибиотикларга нисбатан сезувчанлигини аниқлаш ва шунга яраша аниқ антибиотикларни қўллаш зарур. Юқоридагилардан келиб чиққан холда организмга тушган инфекцияни нисбатан қаерда кўпроқ йиғилганлиги , яъни инфекцияни локлизацияси хам катта рол ўйнайди. Бунда инфекцияланган тўқима ва органга антибиотикни таъсирини оптимал чиқариш учун шу ердаги рН-га , тўқима суюқлигига, абцесс ёки бошқа холатига хамда юборилаётган антибиотикни дозаси, юбориш йўли, оқсиллар билан боғланиш даражаси, ёғларда эриш қобилиятига хам ахамият берилади. Масалан: менингит бўлса ГЭБ ўтиш, антибиотикни чиқиб кетиш йўллари ва б….! Дисбактериоз, аллергия ва бемор учун юбориш йўлини моиллиги ва б….! Юборилаётган антибиотикни дозаси ва даво курсига алохида ахамият берилади. Антибиотика терапия ўртача 7-10 кун давом этади. Даводан сўнг яна 2-3 кун антибиотикларни қабул қилиш керак бўлади…! Онгли равишда антибиотикларни эхтиётлик билан профилактик нуқтаи назардан хам берилади. Масалан: пенициллинни------- септик эндокардитлар ва ревмокардитларда; рифампицинни------ менингитларда; изониазидни--------- туберкулёзларда; доксацинни---------- диареяларда; хлорохинни--------- малярияда.

Инфекцион касалликларни даволашда ишлатиладиган антибиотикларнинг ножуя таъсирлари. Аввало антибиотикларга нисбатан юқори даражадаги сезувчанлик реакцияси қайд этилиши мумкин. Кўпинча бу реакция аллергик реакция кўринишида бўлиб, у тезлик билан юзага чиқувчи ёки секинлик билан юзага чиқувчи холатларда бўлади. Масалан: пенициллин ёки сульфаниламид препаратларини қўллаганда юқоридаги холатлар: терига қизилчалар тошиши, қичишиш, қон талашиш ва оғирроқ холатларда эса анафилактик шок кўринишида бўлади. Хар бир антибиотикка нисбатан юқори сезувчанликка эга органларнинг жарохати, яъни органотоксик холатлар юзага чиқади. Масалан: аминогликозидлар ва винкамицин кўпроқ буйрак ва вестибюляр нерв толаларини, амфетерицин ва полимиксинлар буйракни, линкомицин ва клиндомицинлар эса кўпроқ ОИС-сини (колит ва диарея кўринишида) жарохатлайди. Тетрациклинлар эса тишларни, тирноқларни ва скелет суякларини жарохатласа, рифампицин ва эритромицинлар жигар функциясини ишдан чиқаради, яъни гепатотоксик таъсир этади. Баъзан суперинфекция холати юзага чиқади ва иккиламчи инфекцион касаллик ривож топади, баъзан эса антимикроб препаратларга нисбатан чидамли микроб штаммлари юзага чиқади. Шунингдек баъзи микроорганизмларни специфик антимикроб моддаларга нисбатан чидамлигини юзага келиши резистентлик холатини кучайтиради. Сизларга маълумки хозирги кунда врачлар қўлида жуда катта доривор моддаларнинг арсенали мавжуд. Аммо мана шу денгиз каби жуда мўл дорилар ичидан рационал ишлатиш учун хар бир беморни ўзини препаратини (П-пр-тни) танлаб олиш ўта мушкул вазифадир. Бу борада асосий ахамият бир томондан касални келиб чиқишига, ривожланишига, беморларнинг индивидуал сезувчанлигига, уларнинг ёшига, жинсига ва холатига (хомиладорлик ва б) қаратилса, иккинчи томондан бемор учун берилаётган

дори моддаларининг ўзаро бирга қўшиб ишлатганда юзага чиқиши мумкин бўлган турли хил номуносибликларга қаратилади…! Шунингдек, бемор учун берилаётган дори моддаларининг терапевтик эффективлигига, максимал даражада ножўя таъсиротлардан холи эканлигига ва иқтисодий томондан беморлар «чўнтагига» мос тушишига алохида ахамият берилади…! Шу ерда ВОЗ-ни 3та асосий талаби устида тўхтаб ўтилади…! Шунинг учун хам врачлар учун, нафақат врачлар, балки клиник провизорлар учун хам доривор моддаларнинг ножўя таъсирлари устидаги билимлари, ножўя таъсирларнинг турлари, уларнинг келиб чиқиш сабаблари ва таъсуротларини билиш, уларнинг олдини олиш ва уларга биринчи тиббий ёрдам кўрсатиш усулларини билиш ўта мухим вазифадир…! Адабиётлардан маълумки (А.Н.Юнусхўжаев., 2005 й) хозирги кунда 25- 30% холатларда врачлар ўз амалиётларида эффективлиги паст, токсик ва ножўя таъсирларга бой препаратларни ишлатадилар. ВОЗ-ни берган маълумотига қараганда (2002-2005 йиллар) стационарларда ётган беморларнинг хар ј бири дори моддаларининг ножўя таъсирлари туфайли ётган беморлардир…! Бутун ХХ аср давомида беморларни дардини олиш ва уларни даволаш учун минглаб янги эффетив синтетик препаратлар яратилди. Ҳақиқатда хам беморлар дарди маълум даражада енгиллаштирилди. Шу билан бирга ушбу дориларнинг пала-партиш ишлатиш, билиб-билмай бир неча дориларни бирга қўшиб ишлатиш ва б. сабаблар доривор моддаларнинг кўплаб ножўя таъсирларини юзага чиқарди ва чиқармоқда. Мисол учун 1957 йилларда юзага чиққан талидомид воқеасини эсланг…!

Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

O'xshashlar

Аллергик касалликлар уларнинг патофизиологияси ва фармакотерапияси

Атеросклероз касаллиги патофизиологияси ва фармакотерапияси асослари

Ўн икки бармоқ ичак ва меъда яра касалликлари уларнинг патофизиологияси ва фармакотерапияси асослари

Нафас йўллари касалликлари ва бронхиал астма патофизиологияси ва фармакотерапияси

Ўткир ва сурункали юрак етишмовчилик касаллиги патофизиологияси ва фармакотерапияси принциплари