Аллергик касалликлар уларнинг патофизиологияси ва фармакотерапияси - Tibbiyot - Referatlar

Аллергик касалликлар уларнинг патофизиологияси ва фармакотерапияси

Yuklangan vaqt:

20.09.2019

Ko'chirishlar soni:

0

Hajmi:

86 KB

Ko'chirib olish

Аллергик касалликлар уларнинг патофизиологияси ва фармакотерапияси Режа: 1. Таъсир механизми бўйича аллергик реакциялар 2. Дориларга қарама-қарши реакциялар дорилар аллергиясини

Ер қуррасида ахолининг 1/5 қисми аллергия касаллиги билан жарохатланган. Аллергия касаллиги нафақат кенг тарқалган, балки хозирги кунда кенг миқёсда кўпайиб бормоқда. Аслини олганда бу касалликни аллергологлар кўриб даволаши керак эди. Аммо кўпчилик холатларда даволовчи врачларга бу касалликни кўриш ва даволашга тўғри келади. Умуман «аллергия» термини 1960 йил да C. Pirguet томонидан тиббиётга киритилган бўлиб, унда организмни антигенга нисбатан гипер- ва гипо- реактив жавоб бериши кўзда тутилган эди. Шундай қилиб, «Аллергия» юнонча «allos»-бошқа, ўзга, бегона, «ergon»- таъсир сўзидан олинган бўлиб атроф-мухитдаги бирор моддага яъни аллергенлар деб аталувчи баъзи омилларга организмнинг ўта сезгирлигидир. Аллергия жуда қадимдан маълум. Баъзи овқатларга нисбатан баданга эшакем тошишини Гиппократ миллотдан аввал 4-5 аср, гул исига нисбатан баъзи одамларда тумов бўлишини Гален (2 аср), ўсимликлар чангига нисбатан иситма кўтарилиб димиқиш пайдо бўлишини XIX аср олимлари ёзиб қолдиришган. Юқоридагиларга асосланган холда айтиш мумкинки, аллергия организмнинг реактивлигини ўзгарган холати бўлиб, унда организмни юқори даражада иммунологик сезувчанлиги ошган, турли хил экзоген хамда эндоген моддаларга нисбатан сезувчанлиги кучайган бўлади. Турли экономикаси ривожланган давлатларда яшаётган инсонларнинг 10%-идан 30%гача аллергия билан жарохатланган.Масалан: Россияда аллергия касаллиги 5%дан 20% гача тарқалган. ВОЗ-ни берган маълумотига қараганда аллергик касалликлардан: бронхиал астма, анафилактик шок ва ўткир токсико-аллергик реакциялардан нобуд бўлаётган инсонларни сони кундан-кунга ошиб кетмоқда. Шунинг учун хам аллергик касаллик жахон ахолисини 15-20% да қайд этилмоқда. Аллергик реакциялар аллергик касалликни ривожланиши билан аниқланади, аллергик реакциясини ривожланишини тезлиги ва таъсир

механизми билан классификацияланади, масалан: тез (15-20 дақиқада) ва секин (бир неча кунда) юзага чиқувчи аллергик реакциялар. Таъсир механизми бўйича аллергик реакциялар 4 типга бўлинади: I-тип- реагенли аллергик реакция, бунда базафил ва семиз хужайралар юзасига жойлашиб олган аллергенлар шу хужайралардан аллергик реакциясини юзага чиқарувчи медиаторларни чиқишини кучайтиради. II-тип-цитотоксик аллергик реакциялар, бунда аллергенлар турли хужайралар билан бирикиб, комплементлар иштирокида хужайраларни бутунлиги бузилади ва аллергик реакциялар юзага чиқади. III-тип-иммунокомплексли аллергик реакциялар, бунда микроблар ва вирусли антигенлардан юзага келган иммунли комплекслар, организмда циркуляция қилиб юрган антителалар билан бирга аллергик ва аутоаллергик реакцияларни юзага чиқаради, гистаминлар кўплаб чиқади. IV-тип-секинлик билан юзага чиқувчи юқори даражадаги аллергик реакциялар, бунда аллергенлар билан Т-лимфацитларнинг ўзаро таъсиридан сенсибилизация холати юзага келади. Аллергенлар организмга бирламчи тушганда, улар ривожланиб, пролиферацияни кучайтиради ва эффектор хужайраларни дифферинциялли бошқариш ишга тушади. Натижада қайтадан шу аллергенлар организмга тушганда аллергик реакциялар юзага чиқади. Юқоридагилардан келиб чиқкан холда аллергик касалликларни аниқлашда беморни аллергологик анамнези ва лаборатория анализларининг натижалари асосий рол ўйнайди. Шуни хам айтиб ўтиш керак-ки, хар бир тип аллергик реакцияларни аниқлаш учун алохида-алохида лабораторияда ўтказиладиган махсус тест-анализлари мавжуд. Бу тестларни махсус аллергологик марказларда ва мутахассислар томонидан ўтказилади. Аллергик касалликларнинг бутун дунё бўйича кенг тарқалиб боришига сабаб антибиотиклар, бошқа синтетик дорилар, материаллар, бўёқлар ва б.қ ларни кенг қўлламда ишлатишидир. Демак, турли хил моддалар аллергияга сабаб бўлмоқда. Бу моддаларнинг баъзилари организмга ташқаридан кирса

(экзоген аллергенлар), баъзилари организмни ўзида хосил бўлади (эндоген аллергенлар). Буларга аутоаллергенлар дейилади. Экзоген аллергенлар ноинфекцион ва инфекцион бўлиши мумкин. Ноинфекцион аллергенларга: уй чанги, хайвонлар жуни, дори препаратлари, кимёвий моддалар, гул ва ўсимлик чанглари, турли хил масаллиқлар киради. Инфекцион аллергенларга : бактериялар, вируслар, замбуруғлар ва буларнинг фаолиятидан хосил бўлган махсулотлар киради. Демак, Экзоген аллергенларга қуйидагилар киради: Биологик аллергенлар бактерия, вируслар, замбуруғлар, гельминтлар ва зардобвакцина препаратлари. Буларни бошқачасига инфекцион-аллергик касалликлар деб аталади. Буларда яъни гельминт ва гижжаларда модда алмашинувида ва улар халок бўлганида юзага чиқадиган махсулотлар аллергияни келтириб чиқариши мумкин. Дори аллергенлари амалда хар қандай дори препаратлари аллергияга сабаб бўлиши мумкин. Масалан: антибиотиклар, витаминлар, сульфаниламидлар навокаин ва унинг унумлари, айниқса пенициллин. Уй-рўзғор аллергенлари уй чанглари, зах уйдаги моғорлар, суварак ва тараканлар, хайвон туклари, кир ювиш порошоклари ва синтетик материаллар. Уй чангида 130 дан ортиқ кана турлари бўлиб, Республикамизда унинг 28 тури қайд этилади. Ўсимлик аллергенлари гул ва ўсимлик чанглари аллергик тумов, конъюктивит ва полинозларни юзага чиқаради. булар тез ва узоқ муддатда гуллайдиган ўсимликларга бўлинади, баъзилари хазон-резги даврида таъсир этади. Озиқ-овқат аллергенлари сут, тухум, гўшт, балиқ, помидор, цитрус мевалар, шоколадлар, қулупнай ва б.қ.. лар. Болаларда хаддан ташқари кўп овқат берганда, турли хил диатезлар юзага чиқади. Лекин аллергияни маълум

овқатларни кўтараолмаслигида юз берадиган холатдан фарқ қилиш керак бўлади, яъни идиосинкразияни унутмаслик керак. Саноат аллергенлари буларга хар-хил мойлар, бўёқлар, турли препаратлар, пардоз буюмлари, контакт дерматитлар ва бошқалар киради. Физик аллергенларга иссиқ, совуқ ва механик таъсуротлар киради. Бу факторлар таъсирида организмда маълум моддалар пайдо бўлиб аллергияга сабаб бўлади. Шу аллергенлар ичида дорилар аллергияси ва уни клиник провизорлар учун алохида ахамияти тўғрисида тўхтаб ўтишни лозим деб хисоблайман. Дорилар ва доривор моддалар аллергияси шу дорилар ва дори воситаларига нисбатан специфик кучайган иккиламчи иммун реакцияси бўлиб, уни клиник кўриниши умумий ва махаллий формада қайд этилиши мумкин. Дорилар аллергияси дориларни қайта қўллагандагина юзага чиқади, чунки уларни биринчи марта қўллаганда уларга нисбатан организмда антитела ва иммунли Т- клеткалар хосил бўлади. Ёлғондакам дорилар аллергияси эса организмни шу препаратларга нисбатан носпецифик кучайган реакцияси бўлиб, улар антителасиз юзага чиқади ва уларни клиникаси аллергик реакция каби бўлади. Дорилар аллергияси кенг тарқалган касаллик бўлиб, уни 2 хил тури бор: бирон-бир касални даволашда бу реакция ножўя таъсир сифатида юзага чиқиши мумкин ва у беморларни нобуд бўлишига ёки инвалидликка чиқишига олиб келиши мумкин. профессионал касаллик каби юзага чиқиши ва беморларни вақтинча, баъзан бутунлай инвалидликка олиб келиши мумкин. Бу формадаги аллергиялар бутунлай соғлом одамда хам дорилар ёки доривор моддалар билан суринкали контактда бўлиши орқали юзага чиқади. Масалан: врачларда, тиббиёт ходимлари, фармацевтлар ва дори ишлаб чиқарувчи корхона ходимларида қайд этилади. Дорилар аллергияси аёлларда ўрта хисобда эркакларга қараганда 2 баробар кўпроқ қайд этилади: аёлларда шахарларда 30/1000 дан, қишлоқларда

20/1000га; эркакларда шахарда 14-15/1000, қишлоқларда 11/1000 га тўғри келади. Тиббиёт ёки фармацевтика олий ўқув институтларида ўқиётган талабалар ўз мутахасисликларини танлашда ўзларида қайд этиладиган дорилар аллергологик реакция сабабларига алохида ахамият беришлари керак. Чунки улар дориларсиз ёки дорилар билан контактда бўлмасдан ўзларини ишларини ташкил эта олмайдилар…! Аллергияни олдини олишни энг зарур тадбири бу шу аалергияни юзага чиқарувчи дори моддалари билан мулоқотда бўлишни олдини олишдир. Дориларга қарама-қарши реакциялар дорилар аллергиясини асосини ташкил этади. Баъзан бундай реакцияларни ўзи эмас, балки уларнинг дори формаларининг яратиш учун ишлатилган қўшимча моддалар (тартразин-таб ранг берувчи модда ёки этилен диамин- эуфиллинни яхшироқ эритувчиси) ёки дорилар метаболизмидан хосил бўлган янги моддалар (ПАБК-тадан новокаин ёки бошқа препаратлардан ажралиб чиқадиган йўталга қарши препаратлар терпенгидратларни ушлайди ва б.) чиқариши мумкин. Грибокларга нисбатан юқори сезувчанлиги бор (сенсибилизация) беморларга умуман антибиотикларни, айниқса пенициллин, цефалоспорин ва уларнинг унумларини бериб бўлмайди. Чунки бунда кучли қарама-қарши (перекрёстные) реакциялар рўй бериши ва шок холатлари қайд этилиши мумкин. Кўпчилик яллиғланиш ва инфекцион касалликларини юзага чиқишида шартли патоген бактериялар катта рол ўйнайди. Бунда инфекцион аллергиялар юзага чиқади. Бундай беморларга бактериялардан олинган препаратларни бериш аллергик реакцияларни кучайтириб юборади. Бундай препаратларга стрептокиназа, каллогеназа, лидаза, иммун тизимини кучайтирувчи вакциналар, пирогенал, продигиозан, рибомунил ва бошқа препаратлар киради. Аллергияни юзага чиқарувчи дорилар детерминатларига қуйидагилар киради:

в-лактам кольцоси (моғор ва патоген грибокларда қайд этилади) ва NH- группаси киради. Масалан пенициллин ва уни унумлари. парааминогруппа, анилин, хинонимин, парабензохинон, азокрасителлар ва б. Масалан: новокаин, анестезин ва уни унумлари,ПАБК ва ПАСК ва уни унумлари (H 2 N- COO-) Бензолсулфонамид группага мойил препаратлар. Масалан: тиазид группасига кирувчи диуретиклар (гипотиазид), сульфонилмочевина, фуросемид. SO 2 NH 2 фенотиазин группасига кирувчи препаратлар. Масалан нейролептиклар (аминазин, пропазин ва б).гистаминга қарши препаратлар. юрак тож томирини кенгайтирувчи препаратлар (этмозин хлорацизин) антиаритмик препаратлар (этмозин) антидепрессантлар (фтороцизин) в б. Кўрсатилган аллергенлар организмга тушганда унга жавобан организмда специфик ва носпецифик аллергик реакциялар пайдо бўлиши мумкин. Специфик аллергик реакция бошланишидан олдин маълум бир давр ўтади. Бунда оргнаизмнинг биринчи бор тушган моддага сезгирлиги ортиб боради, яъни сенсибилизация жараёни юзага чиқади. Бу эса организмга тушган аллергенга жавобан алохида оқсил моддалар ёки ўша аллерген билан ўзаро таъсир қилаоладиган лимфоцитлар пайдо бўлишига боғлиқ. Мана шулар пайдо бўлгунча аллерген организмдан чиқиб кетса аллергия юзага чиқмайди. агарда чиқиб кетмаса ёки яна бошқатдан организмга шу аллерген тушса бояги антителалар (оқсил моддалар) ёки лимфоцитлар билан боғланиб аллергия юзага чиқади. Носпецифик аллергик реакциялар организм аллергенга биринчи бор дуч келганда бошланаверади. Бунда сенсибилизация даври бўлмайди. Организмга тушган аллергеннинг ўзи хужайра тўкима ва органларни зарарлантирадиган моддаларни пайдо қилади. Эндоген аллергенлар органларнинг узоқ вақт эзилишидан, яъни «симптом сдавления» холатларида, гломерулонефритларда, турли хил куйишларда,

хавфли шишларда (бластомаларда), асептик яллиғланишларда ва автоиммунли касалликларда юзага чиқади. Бундай аллергик холатларни даволашда бирламчи касалликни даволаш катта рол ўйнайди. Демак, хозирги кунда аллергик реакция деганда у ёки бу моддага нисбатан организмни иммунологик реакциясини ошиб кетганини кўз олдига келтирамиз ва турли хил аллергик реакциясининг иммунологик механизмини ўзгаришини тушинамиз. Шунинг учун хам аллергия ва иммунитетда умумий хисобланадиган организмнинг аллергенларга нисбатан жавоб реакцияси бу организмни умумий химоя реакциясидир. Қизиғи шундаки, аллергик реакцияларни юзага чиқишида организмни бегона ва инфекцион агентларлардан химоя қилувчи иммун тизимини нормал функциясини бузилиши ўзига хос рол ўйнайди. Шунинг учун хам аллергия реакциясининг характерини ва унинг динамикасини билиш лозим. Улар қуйидагича бўлиши мумкин: Яллиғланиш, гиперергик характердаги яллиғланиш мумкин (аллергик ринит, конъюктивит, экзема ва б.қ). Турли хил шишлар, Квинке шиши. Бронхоспазм. Терининг қичишиши. Цитотоксик ва цитолитик таъсир сифатида. Шок холида бўлиши мумкин. Юқоридаги холатларнинг хаммасида хам умумий бўлиб иммунитет механизмининг бузилиши ётади. Хулоса қилиб айтганда аллергия организмни химоя реакциясидир. 1930 йилда R.A. Cooke томонидан қайд этилганидек аллергик реакция тез ва секин ривожланадиган организмнинг юқори сезувчанлигига бўлинади (ТРАР ва СРАР).

Тез ривожланадиган организмнинг сезувчанлигида (реакциясида) аллергик реакция организмга аллерген тушгандан кейин жуда тез, бир неча минутда, ривожланади ва бир неча соат давом этади. Секин ривожланадиган аллергик реакция эса аста-секин 8-12 соат давомида юзага чиқади ва бир неча кун давом этади. Секин ва тез ривожланадиган аллергик реакцияларнинг механизми бир хил бўлиб, у организмни иммунли тизимига боғлиқдир, аммо улар турли вариантларда юзага чиқади. Масалан тез ривожланадиган аллергик реакциясида (РГНТ)-гуморал иммунитет асосий рол ўйнайди (в-лимфацитлар ва плазмоцитлар). Бунда аллерген билан антитела реакциялари асосий омил бўлади ва иммуноглобулинлар билан мембрана устидаги семиз (тучный) хужайралар (томирлар атрофидаги), хамда базофиллар иштирокида клеткалардаги кальций каналлари очилиб, уларга кальций ионлари актив кира бошлайди, клеткалардан эса турли хилдаги БАМ (гистамин, гепарин, серотонин, брадикинин, лейкотриенлар) лар, простогландинлар ва тромбоцитларни активловчи факторлар ажралиб чиқади. Натижада: анафилактик шок; зардоб касаллиги; атипик бронхиал астма; поллинозлар, крапивницалар; Квинке шишлари. юзага чиқади. Секин ривожланадиган аллергик реакциясида (РГЗТ)-асосан тўқимадаги процесслар, яъни тўқима иммунитетига боғлиқ реакциялар орқали юзага чиқади. Бу реакцияларда Т-лимфоцитлар активлашади ва макрофаглар ишга тушади. Натижада тўқимада лимфацитарно-моноцитарли реакция юзага чиқади ва автоиммунли касалликлар (жигарда, буйракда, бўғинларда), териларда: дерматитлар, экземалар, микозлар ва бактериал аллергия (микроблар билан захарланиш натижасида) лар юзага чиқади. Умуман аллергияда шиллиқ пардалар ва тери ости тўқималарда шишлар пайдо бўлади, оғир холларда анафилактик шок бўлиб, қон босим тушиб кетади, орган ва системаларни функцияси бузилади, баъзан бемор хушидан кетади, хаттоки баъзида бемор хаётдан кўз юмади…!

Юқоридагилардан келиб чиқиб аллергияга қарши ишлатилувчи дорилар икки группага бўлиш мумкин: Тез юзага чиқувчи аллергик реакциясида ишлатилувчи дори моддалари; 2.Секин юзага чиқувчи аллергик реакцияда ишлатилувчи дори моддалари. Бу касалликларни даволашдан аввал уларни сабабаларини аллергенларини аниқлаш керак. Сўнгра шу аллергенни йўқотиш зарур ёки уни кучини камайтириб организмни шу аллергенга нисбатан сезувчанлигини сусайтириш керак. А . Биринчи группа (РГНТ) дориларига қуйидагилар киради: Гистамин ва бошқа БАМ-ни тўқималардан чиқишига тўсқинлик қилувчи моддалар (глюкокортикоидлар: преднизолон, дексаметазон; в- адреномиметиклар: адреналин, изадрин, сальбутамол, фенотерол; ксантинлар: теофиллин, эуфиллин; кромалин-натрий (интал); гепарин; М- холиноблокаторлар: атропин, атровит.) Озод гистамин тўқима рецепторлари билан алоқасини сусайтирувчи дорилар (Н 1 гистаминоблокаторлар: димедрол, дипразин, диазолин, тавегил, астемизол ва бошқ). Буларга антигистамин препаратлар киради: Гистамин-0,1%-1 мл. амп; Астемизол-0,01 г. табл; Бетагистин-0,008 табл; (гисманол) Димедрол-0,02-0,05 табл, Фенкарол-0,01 г. табл; Дипразин-0,025 г. табл 1%-р-р в амп; 2,5%-2 мл. амп; Диазолин-0,05-0,1 г. табл; Тавегил-0,001 табл, (клемастин) 2 мл.амп.(0,002 мг); Кромолин Na-капсулада,ва ингаляция учун 0,02 г; аэрозолда хам чиқарилади. (интал) Задитен-0,001 табл. ва сироп холида (100 мл) (кетотифен). 1) Тўқималарнинг бузилишини камайтирувчи дорилар (яллиғланишга қарши ишлатиладиган препаратлар-глюкокортикоидлар.). 2) Анафилактик шок чақирувчи аллергик реакцияларини олдини олувчи дорилар (адреномиметиклар, бронхолитик препаратлар, глюкокортикоидлар). Секин юзага чиқувчи аллергик реакциясини даволашда ишлатиладиган дориларга қуйидагилар киради: иммуногенезни сусайтирувчи асосан

тўқимадаги иммунитетни сусайтирувчи дорилар (иммунодепрессантлар), яъни цитостатик, антилимфатик зардоб, ревматизмга қарши препаратлар; антибиотиклардан-циклоспорин А. 1) Тўқималарни бузилишини олдини олувчи препаратлар: а) глюкокортикоидлар (преднизолон, дексаметазон ва триамциналон); б) Ностероид яллиғланишга қарши препаратлар (вольтарен, пироксикам, напроксан) ва б. киради…! Адреномиметиклар тўқималардаги мембрана ферментлари аденилатциклазаларини активлигини ошириб- цАМФ-ни миқдорини (семиз тўқима ва базофилларда) кўпайтиради. Натижада тўқималардаги кальций каналини очилиши қийинлашади ва тўқимага кальций ионларини кириши сусаяди, цитоплазмада кальций ионларининг миқдори камаяди. Бунинг натижасида тўқималарда хосил бўлаётган БАМ-ларнинг пайдо бўлиши ва уларнинг ажралиб чиқиши сусаяди. Шу билан бирга в-адреномиметиклар юрак ишини яхшилаши, томирлар тонусини ошириши ва бронхлардаги спазмни олиши хисобига РГНТ ни юзага чиқишини сусайтиради. Ксантинларни узоқ қўллаш Т-супрессорларни хосил бўлишида индуктор вазифасини бажаради. Т-супрессорлар эса реагенли антителаларни синтезида иштирок этувчи тўқималарни хосил бўлишини сусайтиради. Бу эса аллергияни олдини олади ёки уни сусайтиради. Инсектли аллергиялар, яъни хашаротлар ва уларнинг метаболитлари билан юзага чиқувчи аллергик реакциялар ва уларнинг ўзига хос хусусиятларини талабалар мустақил иш режаси бўйича ўзлаштирадилар.

Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

O'xshashlar

Инфекцион касалликлар уларнинг патофизиологияси ва фармакотерапияси

Атеросклероз касаллиги патофизиологияси ва фармакотерапияси асослари

Ўн икки бармоқ ичак ва меъда яра касалликлари уларнинг патофизиологияси ва фармакотерапияси асослари

Нафас йўллари касалликлари ва бронхиал астма патофизиологияси ва фармакотерапияси

Ўткир ва сурункали юрак етишмовчилик касаллиги патофизиологияси ва фармакотерапияси принциплари