Хаб дорилар - Tibbiyot - Referatlar

Хаб дорилар

Yuklangan vaqt:

20.09.2019

Ko'chirishlar soni:

0

Hajmi:

82.5 KB

Ko'chirib olish

Хаб дорилар Режа 1. Хаб дори таърифи, таснифи. 2. Хаб дориларга қўйиладиган талаблар. 3. Хаб дори тайёрлаш учун ишлатиладиган ёрдамчи моддалар. 4. Хаб дориларга дорихат ёзиш усуллари. 5. Хаб дори тайёрлаш асбоби. 6. Хаб дори тайёрлашни умумий технологик жараёнлари .

Хаб дорилар – (лат. Pilula – тўп) деган маънони билдириб, пластик массадан тайёрланиб, дозаларга бўлинган шарсимон дори тури бўлиб, ичиш учун қўлланилади. ДФ бўйича хаб дориларнинг оғирлиги 0,1г дан 0,5 гача, диаметри 4мм – 8мм гача бўлиши кўрсатилган. Ҳозирги вақтда хаб дориларни дорихона рецептурасидаги умумий миқдори 5% дан ошмайди. Хаб дориларни қуйидаги афзаллик томонлари бор: - таркибига кирадиган ёқимсиз хид ва мазани йўқотади; - дори моддаси меъдада парчаланмасдан, бевосита ичакда таъсир эттириш мумкин; - ичиш осон, парда қоплаш билан, чидамлилиги оширилади; - сақлаш, трансп е ртир ов ка осон шу билан бирга қуйидаги камчиликлари бор; - улар махсус асбобда тайёрланади; - бошқа дори турларига нисбатан технологияси кўп вақт талаб қилади, бехуш беморларга бериб бўлмайди, болалар ютишга қийналади. Хаб дориларга Х ДФ бўйича қуйидаги талаблар қўйилади

1. Хаб дорилар усти текис ва силлиқ шар шаклида, таранг бўлиши, сақлаш давомида шаклини ўзгартирмаслиги керак. 2. Дорихатда хаб дори оғирлиги кўрсатилмаган бўлса, 0,2г дан қилиб тайёрланиши керак. 3. Хаб дорининг оғирлигидаги фарқи Қ 5% дан ошмаслиги керак. 4. Асосий таъсир этувчи модда, хаб дорилар ўртасида аниқ дозага бўлинган бўлиши керак. 5. Хаб дори кўндаланг кесими 8 мм дан ошмаслиги керак. 6. Сув ёки 0,5% ли хлорид кислотаэритмасида 37 0 С да 1 соат давомида парчаланиши керак. 7. Усти қобиқ билан қопланган хаб дорилар пепсиннинг кислотадаги эритмасида 2 соат давомида парчаланмаслиги керак ва сув билан ювилгандан кейин панкреатиннинг ишқорий эритмасида 1 соат давомида эриб кетиши керак. Хаб дорилар асосий таъсир этувчи модда ва ёрдамчи моддалардан ташкил топган. Дори моддалар сифатида қуруқ, қуюқ ва суюқ моддалар ишлатилиши мумкин. Хаб дорилар массасини тайёрлаш учун уларга ёпишқоқ ва таранглик хоссасига эга бўлган моддалар (ёрдамчи моддалар) қўшилади. Улар бир бири билан ва организмга нисбатан индифферент бўлиши керак. Хаб дори тайёр аралашмасининг сифатлари ёрдамчи модда хоссалари билан боғлиқлигини ёдда тутган холда, хаб дори таркибига кирган дори модда хоссаларини ҳисобга олган холда танланиши зарур.

Ёрдамчи моддани танлаш асосий модданинг хоссасига ва унинг миқдорига боғлиқ. Ёрдамчи моддалар қуйидаги гуруҳларга бўлинади.

Ёрдамчи моддалар Сув Спирт Глицерин Қ сув (1:1) Шакар қиёми Қ сув Шакар қиёми Қ сув Қ глицерин (1:8:1) Асал Араб елими Декстрин Альгин кислотаси Чучукмия экстракти Ўсимлик экстр-лари Ун Наъматак меваси порошоги Ўсимлик порошоклари Крахмал Лавлаги қанди Сут қанди Крахмал Қ шакар Бентонит Оқ гел Алюминий гидроксид Боғловчи Бириктирувчи ва эмулгирловчи Пластикликни оширувчи

1. Боғловчи моддалар – хаб дори массаси таркибида уни намлигини маълум бир меъёрида сақлаб, таркибидаги моддаларни боғлаб бир шаклга келтириш мақсадида қўлланилади. Бунга: сув, глицерин, спирт, асал, шарбат ва уларнинг турли нисбатдаги аралашмалари келтирилади. 2. Эмульсияловчи моддалар – хаб дори таркибига сув билан ёмон аралашадиган моддалар кирганда, уларни сув билан аралашишини ва бошқа ёрдамчи моддаларни бир – бири билан боғланиб, хаб дори шаклини ҳосил қилишни таъминлаш мақсадида қўшиладиган моддалар, буларга араб елими, декетрин, альгин кислотаси, ўсимлик жетрактлари, наьматак порошоги келтирилади. 3. Пластикликни оширувчи ёки хаб дори массасини юмшатувчи моддалар. Хаб дори массасининг пластиклиги деганда унинг керакли шаклни хосил қилиш ҳусусиятига айтилади. Бу гуруҳ ёрдамчи моддаларга ўсимлик порошоклари, крахмал, лавлаги қанди, сут қанди, оқ гел, бентонит, крахмал, шакар аралашмаси келтирилади. Одатда хаб дорилар учун дорихат ёзганда доривор модданинг умумий миқдори кўрсатилади. Ёрдамчи модданинг миқдори эса кўрсатилмайди, уларни асосан умумлаштириб, quantum satis, керагича деб ёзилаверади. Хаб дориларга дорихат ёзилиш усуллари

1. Ёрдамчи моддаларни танлаш фармацевтнинг ихтиёрига берилганда: Rp: Acidum arsenicosi anhydrici 0,03 Ferri lactatis 3,0 Ut.f. pilulae № 30 D.S кунига 1 хаб доридан 3 маҳал ичилсин . Rp: Acidum arsenicosi anhydrici 0,03 Ferri lactatis 3,0 Massae pilularum q.s. Ut.f. pilulae № 30 D . S кунига 1 хаб доридан 3 маҳал ичилсин . 2. Ёрдамчи моддаларни олиш врач томонидан кўрсатилганда: Rp: Acidum arsenicjsi anhydrici 0,03 Ferri lactatis 3,0 Ext. at pulv. rad. Taraxaci q.s. Ut.f. pilulae № 30 D.S. кунига 1 хаб доридан 3 маҳал ичилсин .

3. Бир дона хаб дори учун доза кўрсатилганда: Rp: Acidum arsenicosi anhydrici 0,001 Ferri lactatis 0,1 Constituentis q.s. Ut.f. pilulae D.t.d. № 30 D.S. кунига 1 хаб доридан 3 маҳал ичилсин . Хаб дори массасини ҳосил қилиш учун қуйидаги талабларни эътиборга олиш зарур: I. Хаб дори таркибига кирувчи қаттиқ моддалар сувда ёки бошқа эритувчиларда эримаса ёки ёмон эриса: a) қаттиқ моддалар миқдори жуда оз бўлса (А ва Б рўйхатдаги моддалар) - Хаб дори массасини ҳосил қилиш учун бундай ҳолатларда тўлдирувчи ёрдамчи моддалардан керакли миқдорда қўшилади б) қаттиқ моддалар миқдори етарли бўлса - Хаб дори массасини ҳосил қилиш учун бундай ҳолатларда керакли миқдорда боғловчи моддалар қўшилади. II. Хаб дори таркибига кирувчи қаттиқ моддалар эрувчан бўлса,

- у ҳолда қаттиқ моддани оз миқдор эритувчида эритиб, сўнг боғловчи ва тўлдирувчи моддалардан керакли миқдорда қўшиб хаб дори массаси ҳосил қилинади. III. Хаб дори таркибига кирувчи асосий моддалар суюқ ҳолда бўлса ва улар сув билан аралашмаса - у ҳолда бу суюқликни эмульгаторлар ёрдамида эмульгирлаб, эмульсия корпуси ҳосил қилинади ва керакли миқдорда тўлдирувчи моддалар қўшиб хаб дори массаси тайёрланади. Хаб дорилар тайёрлашнинг технологик жараёнлари 1. Дорихат таркибига кирувчи моддаларни майдалаш 2. Аралаштириш 3. Хаб дори массасини тайёрлаш 4. Хаб дори таёқчасини тайёрлаш ва уни бўлакларга бўлиш 5. Уларга юмалоқ шакл бериш 6. Тайёр хаб дориларни қобиқ билан қоплаш ёки порошок сепиш 7. Жихозлаш Хаб дорини тайёрлашда ҳамма қаттиқ моддалар майдаланиб, кукунга айлантирилади ва бир хил масса ҳосил бўлгунга қадар аралаштирилади. Агар хаб дори таркибида захарли ва кучли таъсир этувчи

бирикмалар кирса, улар спиртда ёки сувда эритилади. Хаб дори массасини қориш, аралаштириш, ховонгаларда амалга оширилади. Хаб дори массаси яхши қорилган хамирдай бўлиши керак. Тайёр хаб дори массасини тортиб олиб оғирлиги дорихатда белгиланади ва хаб дори машинасига ўтказилади. Хаб дори машинаси тахтадан, икки кесувчи кесгичдан, таёқча ясаш учун тахтакачдан ва тайёр бўлакларни думолоқлаш учун роликдан иборат. Кесгичлар зангламайдиган пўлатдан, алюминийдан, пластмассадан қилиниб, ингридиентларнинг хоссасини ҳисобга олган ҳолда танланади. Тайёрланган массадан кескич узунлигига тўғри келадиган таёқча ясалади. Кескичларнинг икки томонидан ҳам 30 тадан тарновчалари бор, лекин уларни диаметри хар хил. Агар хаб дорилар сони 30 тадан ортиқ ёзилган бўлса, массасини икки қисмга бўлинади ва берилган миқдор ҳосил қилинади. Кесилган хаб дорини ролик ёрдамида думолоқланади. Тайёр хаб дорилар бир хил бўлиши керак, думолоқ, силлиқ ва 10-15 см юқоридан ташлаганда тахтакачдан сакраши керак. Хаб дориларни тайёрлаш жараёнида хаб дори хамирига, таёқда ва хаб дориларига қўл текказиш мумкин эмас. Хаб дори таёқчасини пергамент қоғози билан олиб, хаб дорилар ёпишиб қолмаслиги учун усти порошок билан сепилади. Порошоклардан л екоподий, крахмал, сут қанди, чучук мия порошоги ва оқ лой ишлатилади. Агар хаб дорилар оксидловчи моддалардан тайёрланган бўлса, оқ лой билан сепилади. Хаб дориларни сиртини фақат шифокор тавсияси билан қоплаш мумкин. Рецепт ва унинг нусхасига сепилган порошок номи ёзилиб қўйилади. Хаб дориларнинг ҳусусий технологияси 1. Эримайдиган ёки ёмон эрийдиган моддалардан хаб дорилар тайёрлаш Rp: Asidi arsenicosi anhydrici 0,06 Ferri lactatis 6,0 Ext. et pulveris radicis liquiritae q.s.

Ut.f pilulae № 60 D.S. Овқатдан кейин 2 та хаб доридан кунига 2 маҳал ичилсин. Маргимуш “А” рўйхатига кирганлигидан унинг миқдори тўғрилигини текшириб кўриш керак. Бу рецепт бўйича 60 дона хаб дорига 0,06 г арсенит ангидрид ёзилган. 1 дона хаб дори таркибида 0,06:60қ0,001 Аs 2 O 3 бўлар экан. ДФХ бўйича маргимушнинг бир марталик юқори дозаси 0,005. Демак, берилган доза тўғри. Рецептда ҳар бир хаб дорининг оғирлиги кўрсатилмагани учун унинг оғирлигини мумкин қадар камайтирилади (0,1 - 0,15) ва шу ҳисобдан массанинг умумий миқдори белгиланади. Кейин чучук мия илдизининг порошогига қуюқ экстракт қўшиб, масса тайёрланади. Қ ую қ экстракт хаб дори массаси умумий о ғ ирлигининг тахминан ¼ - 1/3 ми қ дорида қў шилади. Порошок эса умумий о ғ ирлик билан массага кирувчи хамма моддаларнинг умумий о ғ ирлиги орасидаги фар ққ а тенг ми қ дорда олинади. Масса сифатли чи қ иши ва тез қ уриб қ олмаслиги учун 3-4 томчи глицерин қў шилади. Тайёр масса тортиб тенг иккига бўлиниб, таё қ ча ясалади. Сўнгра хар икки таё қ чадан 30 тадан хаб дори ясаб, о қ гел сепилади.(хаб дори рангини са қ лаш ма қ садида). “А” рўйхатдаги модда бўлгани учун қутича печатлаб берилади. Рецепт ва унинг нусхасида хаб дори оғирлиги, олинган қўшимча моддалар номи кўрсатилади. 2. Яхши эрийдиган моддалар билан хаб дори тайёрлаш. Rp : Jodi 0.02 Kalii jodidi 0.2

Phenobarbitali 0.4 Pulv. f. Digitalis 1.0 E х t. Valeriannae 4.0 Ut. f.pilulae № 40 Тайёрланиши : хавончада калий йодидни бир неча томчи сувда эритиб , чучукмия илдизи порошогидан қў шиб аралаштирилади , кейин фенобарбитал ва ангишвонагул ўсимлигининг порошокларини солиб , аралаштирилади , сўнг валериана экстракти қў шиб масса тайёрланади . Тайёр массадан хаб тайёрлаб ликоподий сепилади . 3. Алкалоидлар билан хаб дори тайёрлаш . Rp: Chinini hydrochloridi 3 , 0 Massae pilularum q.s M.f.pilulae № 30 D.S. 1 та хаб доридан кунига 3 махал ичилсин . Алкалоидлар билан хаб дори тайёрлаганда уларни “ А ” ва “ Б ” рўйхатига киришини назарда тутиш лозим. Масса тайёрлашдан олдин яхшилаб майдалаб, иложи бўлса тритуратлардан фойдаланиши зарур. Ёрдамчи моддалар танлашда ўсимлик порошоклари айрим алкалоидларни ўзига адсорбция қ илиш хусусиятига эга эканлигини хисобга олиш зарур. Тайёрланиши; Бу рецептни ўсимлик экстрактлари билан тайёрлаш мумкин эмас, чунки хинин алкалоиди экстрактлар таркибидаги органик кислоталар билан ёмон эрийдиган бирикма ҳ осил қ илади. Шунинг учун хининни ховончада эзиб, бу ғ дой уни (1,0), крахмал (1,5) қў шиб аралаштирилгандан кейин глицеринли сув ёрдамида масса ҳ осил қ илинади, сўнгра ундан 30 та хаб дори тайёрланади.

4. Тез парчаланувчи, оксидланувчи моддалар билан хаб дорилар тайёрлаш. Буларга мисол қ илиб AgNO 3 , KMnO 4 хаб дориларини кўрсатиш мумкин. Бу препаратлар органик моддалар таъсирида тез парчаланади. Шунинг учун кумиш нитрат ва калий перманганатли хаб дориларни тайёрлашда улар билан реакцияга киришмайдиган моддалар ишлатилади. Бу ма қ садда кўпинча о қ гил, аммоний гидроксид ва бентонитлар ишлатилади. Кумуш нитратдан тайёрланадиган хаб дорилар учун бо ғ ловчи модда сифатида сувсиз ланолин, глицерин ёки глицеринли сув, калий перманганатли хаб дорилар учун сувсиз ланолин олинади. KMnO 4 билан глицерин портловчи ва алангаланувчи бирикма ҳосил қилади. Шунинг учун KMnO 4 ли хаб дори тайёрлашда глицерин ишлатиш қатъий ман этилади. Ag NO 3 ва KMnO 4 билан хаб дори тайёрлашда ишлатиладиган хамма асбоб ва идишлар тоза, нитрат кислотага хўлланган пахта билан артилган хамда чинни ёки пластмассадан ишланган бўлиши керак. Rp: Argenti nitratis 0,15 Ut. f. Pilulae № 30 D.S. кунда 2 марта 1 пиллюладан ичилсин. Тайёрланиши; ховончада кумуш нитратни 2-3 томчи сувда эритиб, 3-4 томчи нитрат кислота қў шилади ва устига 3,0 ок гил солинади. Ланолин билан масса ясаб, 30та хаб дори тайёрлаб берилади. Хаб дорилар о қ рангда бўлади. Масса ёки хаб дорининг қ ора тусга кириши AgNO 3 нинг парчаланганлигини билдиради. Rp: Kalii permanganatis 0 , 6 Boli albae q.s.

Ut. f. Pilulae № 20 D.S .B рач буюришига кура ишлатилсин . Тайёрланиши ; Калий перманганатга о қ гел аралаштириб , 0,75-1,0 ланолин қў шиб масса , сўнгра хаб дори ясалади . Тайёр хаб дори бинафша рангда бўлиб , қў н ғ ир ранг KMnO 4 нинг парчаланганидан далолат беради . Хаб дориларни тайёрлашнинг замонавий усуллари Дражелаш усулида хаб дорилар тайёрлаш . Бу усулнинг мо ҳ ияти қ уйидагича ; драже таркибига кирувчи сувда эрийдиган моддалар эритма ҳ олида шарбат билан аралаштирилади . Қ атти қ ингредиентлар эса яхшилаб порошок ҳ олига келтирилади ва элакдан ўтказилади , акс ҳ олда дражеларнинг усти ғ адир - будур чи қ иши мумкин . Драже тайёрлашга мўлжалланган қозонга кондитер фабрикаларидан келтирилган ёки дорихонада шакар кристалларига қоплаш усули билан олинган қанд гранулалари солинади. Олинган гранулаларнинг ўлчами бир хил бўлиши керак. Масалан; 1 г да 40 та гранула са қ ланса; унинг массаси 0,025 г дан бўлади. Қ озондаги гранулалар шарбат ва унда эриган дори моддаси аралашмаси билан намланади. Намланган гранула устига майдаланган дори моддалар аралашмаси сепилади. Бу жараён тайёрлаб қ уйилган шарбат ва порошоклар тугагунча такрорланади. Шундай қ илиб усти бир қ анча текисда бўлган юмало қ хаб дори – дражелар олинади. Дражеларни таш қ и му ҳ ит таъсиридан са қ лаш ёки ё қ имсиз мазасини яшириш учун устини қ анд упаси билан қ оплаш мумкин. Томчи усулида дражелар

тайёрлаш. Драже тайёрлашнинг бу усули қў про қ холларда қўлланилади. Усулнинг мохияти шундан иборатки, бунда доривор модда эриш харорати 35 0 С ли дисперс му ҳ итда эритилади (ёки диспергирланади). Шу эритма ёки суспензия томчилаб зичлиги нисбатан каттаро қ бўлган совутилган эритувчи ичига томизилади. Шубхасиз, идиш тубига секин тушиб бораётган томчиларнинг шакли бир хил – шар шаклида бўлиб қ отади. – dell (1960) шу усулда витамин А са қ лаган хаб дорилар тайёрлашни таклиф этган. Асос сифатида у гидрогенланган ер ён ғ о қ мойини, совутилган сую қ лик сифатида 65 фоизли этил спиртини қў ллаган. Бу усул билан драже олиш учун бир қ анча асбоблар яратилган. Тайёр хаб дорилар шакли бир хил бўлиб, са қ лаганда ўзгармаслиги керак. Хаб дорилар қ утичаларга солиб берилади. Хаб дорилар сал қ ин ва қ уру қ жойда са қ ланиши керак.

O'xshashlar

Линиментлар. Суртма дорилар

Юрак – томир, томир кенгайтирадиган ва бачадондан қон кетишини тўхтатадиган дорилар

Кукун дорилар таърифи, таснифи. Умумий тайёрлаш босқичлари. Дорихонада кукун дориларни тайёрлаш

Қуюқ ва қуруқ экстрактлар. Олиш усуллари. Ажратмани ёт моддалардан тозалаш

Гомеопатия дориларини таъсир этиш механизми, асосий назариялари. гомеопатияда ишлатиладиган дозалар