logo
  1. Bosh sahifa
  2. Referatlar
  3. Tibbiyot
  4. Десмургия

Десмургия

Yuklangan vaqt:

20.09.2019

Ko'chirishlar soni:

0

Hajmi:

143.8193359375 KB
Ko'chirib olish
Десмургия Режа : 1. Десмургия ҳақида боғламлар турлари ҳақида. 2. Бинтли боғламлар 3. Қаттиқ боғламлар Десмургия (грекча десмес – боғлам, ергон – иш демакдир) – боғламлар қўйиш ҳақидаги таълимот. Боғлам деганда яралар ва тери сатҳининг паталогик ўзгаришларини ташқи муҳитдан сақлаб турувчи тадбирлар комплекси тушунилади. Боғламлар шикастланган органларнинг иммоблизацияси учун ҳамда қон тўхтатиш мақсадида қўйилади. Боғламлар икки хил бўлиб, юмшоқ боғламлар ва қаттиқ боғламларга бўлинади. Танага қўйилган боғлам икки қисмдан иборат бўлади: биринчиси ярани даволовчи ва иккинчиси боғламни тутиб турувчи қисмлар. Уларни биринчиси бинтли боғлам бўлса, иккинчиси тўрли бинт, трикотажли бинт, эластик бинт. Юмшоқ боғламлар қуйидагиларга бўлинади: елимли, лейкопластирли, косинкали, каллоидли ва бинтли боғламлар. Қаттиқ боғламлар гипсли, крахмалли ва декстринли боғламларга бўлинади. Юмшоқ бинтли боғламлар қўлланилишига қараб қуйидаги турларга бўлинади: 1. Оддий юмшоқ (ҳимоя қилувчи, даволовчи) боғлам. 2. Қон тўхтатувчи (сиқиб турувчи) боғлам. 3. Иммоблизация қилувчи (ҳаракатсизлантирувчи) боғлам. Юмшоқ бинтли боғлам қўйишнинг қоидалари: 1. Беморга боғлам қўйилаётганда ҳамшира учун бемор қулай ҳолатда бўлиши керак (ўтириши ёки ётиши). 2. Бемор ҳаракат қилмаслиги керак. 3. Тананинг боғлам қўйилаётган қисми тинч туриши, мушаклар тортилмаслиги керак. 4. Боғлам қўйилгач тана боғлангандан кейин ҳаракат қилишга халақит бермаслиги керак. 5. Боғлам қўйилаётган бемор ҳамширага юзма-юз туриши ва аҳволини тиббиёт ходими кузатиб туриши лозим. 6. Ўраётган вақтда бинт очиқ бўлиши ва кейинги ўрам олдинги ўрамнинг 1/3 ёки 2/3 қисмини ёпиб бориши керак. Юмшоқ боғламларнинг турлари: Елимли боғлам. У кичикроқ шикастларда ва операцион жароҳат соҳасида қўлланилади. Бунда жароҳатланган аъзодаги яра атрофи устара билан қирилади. Лейкопластирли боғлам. Унинг ёрдамида жароҳатга қўйиладиган боғлов материалини бир неча ёпишқоқ пластир (лейкопластир) билан терининг соғлом жойига маҳкамланади. Клеолли боғлам. Бунда жароҳат боғлам билан беркитилади. Боғлам атрофидаги терига клеол суртилади ва оз-моз қуритиб қўйилади. Боғламни ва клеол суртилган тери соҳаларини дока билан беркитилади, салфетка четларини терига маҳкам босилади. Каллоидли боғлам. Бунинг олдинги боғламдан фарқи шундаки, бунда докани терга клеол билан эмас, балки каллодий (спирт ва эфир аралашган нитроклетчатка эритмаси) билан ёпиштирилади. Бундай боғлам 7-8 кунгача тушиб кетмайди. Косинкали боғлам. Бу боғлам учбурчак шаклидаги боғлов материали бўлиб, асосан бўз, оқ сурп ёки докадан тайёрланади. Бундай боғламнинг энг узун томони косинканинг асоси, унинг рўпарасидаги бурчаги-тепаси, қолган иккита бурчаги учлари дейилади. Косинка кўпинча қўл ёки умров суяги шикастланганда елкани, бошни, сут безини, чаноқ суягини (плавка типида) ва оёқ панжаларини боғлаш учун ишлатилиши мумкин (5-расм). Эластик тўрсимон-ғовак бинтлар. Фабрикада №0 дан №6 гача бўлган 7 номерда ишлаб чиқилади. Бу бинтларни тананинг ҳар қандай жойига қўйиш мумкин. 4 - расм. Товон соҳасига қўйиладиган 8-симон (а) ва тошбақасимон (б) боғлам. 5-расм. Товонга қўйиладиган косинка боғлам.1- расм. Товон бўғимига қўйиладиган крестсимон боғлам. 2-расм. Болдирга қўйиладиган спиралсимон боғлам. 3-расм. Панжа бош бармоғига қўйиладиган боғлам. Бинтли боғламлар Қамбар бинтлар (эни 3-5-7 см). Оёқ ва қўл бармоқларини боғлаш учун ишлатилади. Эни ўртача бинтлар (10-12 см). Бош, панжа, билак, болдирни боғлаш учун ишлатилади. Сербар бинтлар (эни 14-18 см). Кўкрак қафаси, сут безлари, сонни боғлаш учун ишлатилади. Бинтлар медицина фабрикаларида тайёрланган бўлади ёки уларни қўлда докадан қирқиб тайёрласа ҳам бўлади. Боғламларни тўғри боғлаш учун қуйидаги талабларга амал қилиш керак: 1. Қўйиладиган боғлам стерилланган бўлиши керак. 2. Бинтли боғлам гавданинг касал қисмини беркитиб туриши керак. 3. Боғлам гавдага зич ёпишиб туриши керак. 4. Боғлам лимфа ва қон айланишини бузмаслиги керак. 5. Қўйилган боғлам беморга халақит бермаслиги керак. Бинтли боғламларнинг қуйидаги турлари бор: 1. Сопқонсимон. 2. Т-симон. 3. Циркулсимон. 4. Спиралсимон. 5. Ўрмаловчисимон. 6. Крестсимон ёки саккизсимон. 7. Бошоқсимон. 8. Тошбақасимон. 9. Нўхатсимон. 10. Иккала кўзни боғлаш (бинокуляр). 11. Неополитанча (1-, 2-, 3-, 4-расмлар). Қаттиқ боғламлар 1. Гипсли боғламлар. Бу боғламлар оёқ ва қўл, шунингдек чаноқ ва елка суяклари чиққан ёки синганда ишлатилади. Гипсли боғлам икки хил қўйилади. Биринчи гипсли боғлам бўлиб, бунда синган суяклар силжиб кетмаслиги учун ишлатилади (фиксация). Иккинчи – лангетли боғлам. Бунда синган суяклар бир-бири билан бирикиб, суяк яраси (мозол) пайдо бўлгандан кейин қон айланишини яхшилаш мақсадида тери тўқималарининг бир ёки икки тарафи очиб қўйилади. 2. Крахмалли боғлам. У усти йиринглаб турган яраларга ёпишиб қолмаслиги учун декстринли боғлам ҳам шу мақсадда ишлатилади. Фойдаланилган адабиётлар: 1. Б.В.Петровского, Е.И.Чазова. «актуальные проблемы гемостазнологии». Москва, 1981. 2. «Практическое руководство по хирургическим болезным». Минск, 1983. 3. В.Шмитт, В.Хартич. «Общая хирургия». Москва, 1985. 4. Основные вопросы организаери травматологической помощи в городах. Москва, 1976.

O'xshashlar

Хирургик касалликлар
Болалар суякларининг синиши, уларни ташхислаш, даволаш ва реабелитация килиш
Асосий аъзоларининг анатомияси ва физиологияси
Ички юқумсиз касалликлар
Паррандаларнинг юқумли касалликлари