Болалар юқумли касалликларининг ШВП ва қВП ларда ўтказиладиган реабилитацияси ва диспансеризацияси - Tibbiyot - Referatlar

Болалар юқумли касалликларининг ШВП ва қВП ларда ўтказиладиган реабилитацияси ва диспансеризацияси

Yuklangan vaqt:

20.09.2019

Ko'chirishlar soni:

0

Hajmi:

118.5 KB

Ko'chirib olish

Болалар ю қ умли касалликларининг ШВП ва қ ВП ларда ў тказиладиган реабилитацияси ва диспансеризацияси Режа: 1. Юқумли касалликларни ўтказган беморларнинг касалликнинг юқиш йўлига қараб диспансеризацияси. 2. Ўткир юқумли ичак инфекциялари (ЎЮИК) ни ўтказган беморларнинг диспансеризацияси. 3. ҳ аво – томчи инфекциялари ( ҳТИ ) ни ўтказган беморларнинг диспансеризацияси. 4. Вирусли гепати т лар ( ВГ ) ни ўтказган беморларнинг диспансеризацияси. 5. Беморларнинг ёши ва уюштирилганлигига қараб уларни диспансеризация ва реабилитациядан ўтказиш. 6. Юқумли касалликлар хонасининг тузилиши ва ҳужжатлари.

Диспансеризация - бу аҳоли соғлиғини сақлаш, касалликларнинг олдини олиш ва уларни эрта аниқлаш, ўз вақтида даволаш, зўрайиб кетишига йўл қуймаслик, мумкин қадар беморларни яна меҳнат ва тўлақонли ҳаётга қайтаришга йўналтирилган ижтимоий-гигиеник ва даволаш - профилактик комплекс тадбирлар системасидир. Юқумли касалликлар билан оғриган беморлар стационардан чиқишида 10 кунгача муддатга чўзилиши мумкин бўлган «ёпилмаган» касаллик варақаси билан чиқарилади, шунингдек уларга касаллик ташхиси, лаборатория ва бошқа текширишлар натижалари, касалликнинг кечиши, стационардаги даволаш услублари ҳақида қисқача маълумот, ҳамда касалликдан тузалаётган беморлар (реконвалесцентлар)нинг кейинчалик назоратига доир тавсияномалар берилади. Бошдан кечирилган касалликнинг клиник хусусиятларини ҳисобга олган ҳолда ҳар бир беморга индивидуал ёндошув, қўшимча касалликларнинг, маиший ва санатория гигиеник шароитларнинг мавжудлиги - диспансер назоратининг зарурий шартларидан ҳисобланади. Реконвалесцентларнинг диспансер кўриги комплекс тарзда бўлиши, даволаш профилактик тадбирлар назорат текширувидаги самаралилигига қараб мунтазам равишда алмаштирилиб турилиши керак. Диспансеризация самаралилигини оширишда касалликни бошдан кечирганлар ва беморлар орасидаги тушунтириш ишларини олиб бориш яхши ёрдам беради, чунки ҳар бир тиббий тадбирларда иштирокчиларнинг онгли тарзда қатнашиши муваффақият гаровидир. Диспансер назоратининг мақсади - касалликнинг қайталаниши ва сурункали шаклга ўтиб кетишининг олдини олиш, рецидив ва сурункали кечишни ўз вақтида ташхислаш, бактерия ташувчанликни аниқлаш ва турдаги беморларни ўз вақтида бошқалардан алоҳида ажратиш (изоляция)дир, асосий туб мақсад эса меҳнатга лаёқатлиликни тезда тиклаш ва уни сақлаш, ногиронликнинг олдини олишдир.

Диспансер назоратидаги шахсни дастлабки текширишда беморнинг амбулатор картасига унинг шикоятлари ва объектив ҳолати ҳақидаги маълумотлар ёзилади. Шу маълумотларга асосланиб ташхис қўйилади ва беморнинг тезда соғайишига йўналтирилган даволаш - профилактика тадбирлари режаси тузилади. қайта ва кейинги текширишлардан олинган объектив маълумотлар ва натижалар шу картага ёзилади, (Уч.ф.0-30-3) картасида эса беморнинг келган кунлари ва белгиланган даволаш - профилактик тадбирлари ёзилади. Ишлайдиган шахслар учун лаборатория текширувлари ва даволаш муолажалари уларнинг ишдан бўш вақтларида, касаллик варақаси берилмасдан (айрим ҳоллардан ташқари) амалга оширилади. Диспансер назорати муддати тугагач реконвалесценция даврининг клиник кечиши, текширувлар натижалари, ўтказилган тадбирлар ва уларнинг самаралилиги тўғрисида эпикриз ёзилади. Диспансер ҳисобидан чиқариш СПВ ва ГВП врачлари, эпидемиолог ва поликлиниканинг даволаш ишлари бўйича бош шифокор ўринбосарларидан таркиб топган комисия томонидан амалга оширилади. Комиссия хулосаси диспансер кузатувининг назорат картасига ва амбулатор беморнинг тиббий картасига ёзилади. Агар реконвалесцент бирор- бир сабабга кўра ҳисобдан чиқиб кетса, диспансер текширувнинг назорат картасига айд этиб қўйилади. Диспансер ҳисобидан чиқариш назорат муддати тугаганидан кейин ва беморнинг тўлиқ соғайганлиги комплекс текширувлар ёрдамида аниқлангандан кейин амалга оширилади. Шуни эсда тутиш лозимки, бир қатор касалликларда клиник, лаборатор ва морфологик текширувлар кўрсаткичларида номувофиқлик кузатилади. Шикоятлари булмаган, бошдан кечирган касалликнинг асоратли белгилари топилмаган, лаборатория кўрсаткичлари меъёрида бўлган шахслар соғлом деб ҳисобланади. Дизентерия (ичбуруғ ) билан оғриган бемор болалар диспансеризацияси

Дизентерия (ичбуруғ) билан оғриган уюшган холдаги болалар 1-ой муддатга назорат остига олинади, шу вақт мобайнида ич келиши ва ҳарорат кунига 2 маҳал текшириб турилади. Ўткир ичак касалликлари билан оғриган болалар ҳисобга олинмайди, улар 7 кун мобайнида ф-26 кўрсатилган ҳолда текширувдан ўтказилади. Дизентерия билан оғриган беморларга шифокор маълумотномаси (эпидемиологнинг қўшимча кўрсатмасисиз) билан болалар муассасаларига бориш рухат этилади. Дизентериянинг сурункали ёки чўзилган шакли билан оғриган беморларга ҳам болалар муассасаларига бориш рухсат этилади, улар 3 ой давомида диспансер назоратида бўлади, ҳар ойда 1 марта ахлати дизентерияга текшириб турилади. Уюшмаган, тарқоқ ҳолдаги болалар ҳам худди шу тарзда назорат қилинади. ҳисобдан чиқариш учун барча даволаш ва эпидемияга қарши тадбирлар кўрсатилган ҳолда эпикриз расмийлаштирилади. ҳисобдан чиқариш комиссия томонидан амалга оширилади. Бемор уй шароитида даволанганда касаллик даврида хонадонда жорий дезинфекция қилинади. Дезинфекция тиббий ходимлар раҳбарлиги остида аҳоли томонидан амалга оширилади. Касалхонадан жавоб берилган, ўқув муассасалари, ҳамда ихтисослаштирилган санаторийларга қатнайдиган болалар, шунингдек уй шароитида даволанган болаларга ўз вақтида эхтимолий ич бузилишини аниқлаш мақсадида коллективларига бориш клиник соғайганларидан кейин рухсат этилади. Болалар уйи ва мактаб-интернат болаларига жамоаларига қайтиш соғайганларидан кейин рухсат этилади, аммо оғригандан кейинги 2 ой мобайнида уларга озиқ-овқат блокларида новбатчилик қилиш тақиқланади. Сурункали дизентерия билан оғриган болаларга умумий аҳволи яхшилангандан кейин, 5 кун ичида ич келиши ва тана ҳарорати меъёрлашгандан сўнг болалар жамоаларига қайтиш рухсат этилади.

Дизентерия (ичбуруғ) касаллигидан тузалаётган беморлар (реконвалесцентлар) диспансеризацияси Сурункали дизентерия билан оғриган кўзғатувчи ажратиш исботланган, узоқ-муддат мобайнида қўзғатувчи ажратиб чиқарадиган, бактерия ташувчилар олинади. Назорат участка шифокори томонидан 3 ой давомида олиб борилади, бактериологик текширувлар ойига 1 марта ўтказилади. Ич келиши узоқ муддат беқарор бўлган шахслар ҳам худди шу вақт давомида текширилади. Диспансер назорат даврида бактериологик текширувлар учун материал даволаш муассасаларининг тиббий ходимлари томонидан олинади. Сурункали дизентерия билан оғриган беморларни поликлиник назоратида даволаш комплексининг муҳим компонентларидан бири-бу пархездир, ичимликлардан сутли чой, сутли ёки қаймоқли какао ва кофе рухсат этилади. Нон маҳсулотларидан – буғдой нони (оқ, бир кун олдин ёпилган нон), жавдар (қора) нон, сули унидан тайёрланган нон, ёғ, тухум, сут ва ширинлик солинмаган булка маҳсулотлари ва печеньелар тавсия этилади. Егуликлардан – аччиқ бўлмаган пишлоқ, сельд, ивилдириқ (ёғсиз, донадор), колбаса «докторская», парҳезли сосискалар, уй шароитида тайёрланган паштетлар, ёғсиз ветчина. Шунингдек творог, сўрок, қатиқ, кефир, ацедофилли сут, қаймоқ (турли овқатларга қўшиб ейиш учун), ёғ (сариёғ, зайтун ва кунгабоқар мойлари), чала пиширилган тухум, қуймоқ (кунига 1 тадан ошмаслиги керак). Суюқ овқатлардан-унча ёғли бўлмаган гўштли, балиқли шўрвалар, сабзавотли шўрвалар, сабзавотлар майда тўғралган ёки қирғичдан ўтказилган ёки турли ёрмалар солиб пиширилган қайнатмалар, лавлаги, карам ва сабзавотлар майда туғраб солинган суюқ овқатлар тавсия этилади. Гўштли ва балиқли таомлар, ёғсиз мол гўшти, бузоқ гўштидан, ёғсиз балиқ, қуги гўштидан тайёрланган таомлар қовуришдан олдин нон урвоқларида, унда қаттиқ пўст, ҳосил қилмаслиги учун думалатиб олинмайди.

Ёрма ва макарон маҳсулотлари, кашалар, пудинглар, юқорида айтиб ўтилган маҳсулотлардан тайёрланган котлетлар, қайнатилган макарон, вермишель тавсия этилади. Сабзавот ва кўкатлар, турли сабзавотлардан қилинган пюре, сабзасотли пудинглар, сабзавотлардан қилинган котлетлар (ун ва урвоқларда думалатиб олинмаган, қовурилганда қаттиқ пуст ҳосил қилмаган), ёғ қўшиб қайнатилган гулкарам, эратки кабачки ва димлаб пиширилган қовоқ, салат, помидорлар, эртаки хам кўкатлар, турли таомларга майда тўғралган шивит ва кашнич солиш мумкин. Мева ва резаворлар, ширин таомлар ва шакарли маҳсулотлар, ҳар хил мева ва резаворлардан тайёрданган, компотлар, бўтқа, кисел, желе, мусс, шакар, асал, конфетлар, мураббалар тавсия этилади. Пишган меваларни ўз ҳолида истеъмол қилса ҳам бўлади. Сариёғ, лавр япроғи оз миқдорда, бош пиёз ва кўк пиёз жуда ҳам кам миқдорда. Мевалар шарбати (узумдан бошқа), резавор ва сабзавотлар шарбати, наъматак ва буғдой келагидан тайёрланган айнатмалар буюрилади. Кунига 4 маҳал овқатланиш тавсия этилади. Ёғ, шакар, сут ва ширинлик солинган хамир (сдоба) дан ва иссиқ хамирдан қилинган маҳсулотлар, ёғли гўшт ва балиқ навлари, тузлама, дудлама, маринадлар, гўштли, балиқли ва бошқа консервалар, яхна паштетлар, музқаймоқ, дағал навли сабзавот ва меваларни ўз ҳолича истеъмол қилиш тавсия этилмайди. Пархездан ташқари ферментлар ва витаминларни тайинлаш; даволашнинг физиотерапевтик усуллари, тавсия этилади, айрим ҳолларда рағбатлантирувчи терапия тайинланади, кўшимча кечадиган касалликларни антибиотиклар билан фаол даволаш олиб борилади, сульфаниламидлар билан даволаш индивидуал кўрсатмалар бўйича олиб борилади. Касаллик айталаганда ёки зўрайганда, шунингдек навбатдаги лаборатор текширувда қўзғатувчи борлиги аниқланганда сурункали дизентерия билан оғриган беморлар стационарга жўнатилади. Юқорида келтирилган диспансер назорати муддатлари тахминий муддат ҳисобланади. Айрим ҳолатларда бу муддат ҳар бир кузатилувчи учун махсус таминланади, хусусан қониқарсиз санатория-гигиеник маиший

шароитлар, оилада ёки хонадонда қайтадан касалланишлар ёки сурункали дизентерия билан оғриган беморларнинг мавжудлиги назорат муддатини узайтиришга асос бўлиб хизмат қилади. Белгиланган назорат муддати тугагандан сўнг, барча текширувлар бажарилгандан кейин, назорат остидаги бемор тўлиқ, батамом клиник соғайса ва атрофида эпидемик соғлом муҳит бўлса назорат остидаги бемор ҳисобдан чиқарилади. қатор ҳолатларда соғайгандан кейинги 3-6 ойдан сўнг санатория-курорт даволаниши ҳам яхши натижа беради, айниқса қўшимча касалликлар билан кечганда умумий типдаги санаторияларда ва маҳаллий ошқозон-ичак касалликлари санаторияларида даволаниш яхши самара беради (реконвалескент учун қўшимча қийинчилик туғдирмаса, яъни об-ҳавонинг ва атмосфера босимининг кескин ўзгаришлари). Бу тадбирлар тўлиқ соғайишнинг муҳим шартларидан бири бўлган организмнинг физиологик чидамлилиги ва иммунологик реактивлигини (сезувчанлигини), оширишга ёрдам беради. Сальмонеллез касаллигидан тузалаётган беморлар (реконвалесцентлар) диспансеризация Боғчага қатнайдиган ва уйда диспансер ҳисобида турувчи сальмонеллез реконвалесцентлари 3 ой собайнида ойига 1 мартадан ахлатларини текширтириб туришлари шарт. қолган реконвалесцент болалар диспансер назоратида бўлмайдилар. Боғчага қатнайдиган (болалар уйида тарбияланувчилар) сальмонелла микробини ажратувчи болалар касалхонадан чиққач 15 кун мобайнида жамоага қўшилмайдилар (ахлати 1-2 кун интервал оралиғида 3 маротаба текшириб турилади). Назоратнинг шу даврида қўзғатувчи ажратиб чиқарилаётгани аниқланса назорат яна 15 кунга узайтирилади. Сальмонеллез микробини сурункали (узоқ муддат) ташувчилар болалар боғчаси (болалар уйи)га боришга рухсат этилмайди. Боғчага борадиган бактерия ташувчилар болалар муассасаларига бориш рухсат этилади. Умумий таълим мактаблари ўқувчилари, шу жумладан мактаб- интернатларида яшовчи болалар бактерия ташувчи бўлса стационардан

чиқгач жамоага боришга рухсат этилади, бироқ бу болалар ошхона ва озиқ- овқат блокларида навбатчилик қилишга қуйилмайди. Вабо (холера) реконвалесцентлари диспансеризацияси Вабо (холера) билан оғриган ва вибрион ташувчилар стационардан чиққандан сўнг турар жойидаги СЭС ва поликлиникада ҳисобда туради. 1 йил диспансер назорати давомида беморнинг соғлигини тўлиқ тиклаш ва унинг ахлатини бактериологик текширув натижаларига катта эътибор берилади. Биринчи ойда бактериологик текширувлар 10 кунда 1 марта, кейинги 2-6 ойда 1 марта, сунгра ҳар кварталда 1 марта ўтказилади. Бактериологик текширувга материал сурги дори (30 гр магний сульфати) қабул қилингандан кейин олинади. Биринчи ойда бактериологик такширувлар ҳар 10 кунда ўтказилади, сурги дори учинчи текширувдан олдин бир марта берилади. Ой охирида ўт бактериологик текширилади. Айниқса вабо билан оғриган ҳамда жигар ва ўт чиқариш йўлларида ўткир ва сурункали яллиғланишлари мавжуд вибриоташувчилар чуқур назоратга олинади, чунки бундай шахсларда узоқ муддат қўзғатувчи ташувчанлик шаклланиши мумкин. Узоқ муддат қўзғатувчи ташувчанликнинг олдини олиш ва сафро чиқариш йўлларининг яллиғланишини даволаш учун сафро ҳайдовчи препаратлар, «Ессентуки № 17» минерал суви иблан тюбаж қилиш, дуоденал зондлаш, аллохол, холосас, антибиотиклар тавсия этилади. Одамнинг иммун етишмаслиги вируси билан (ВИЧ) оғриган реконвалесцентларда қўзғатувчи, вибрио-ташувчанлик аниқланса даволаш учун касалхонага ётқизилади, текширув юқорида қайд этилган тартибда олиб борилади. Такрорий даволанишдан кейин ҳам ташувчанлик аниқланса, бу реконвалесцентлар сурункали вибриоташувчи ҳисобланади. Бундай ҳолларда уларга озиқ-овқат ва шунга ўхшаш муассасаларда ишлаш рухсат этилмайди. Вабо билан оғриган ва вибриоташувчи шахслар ахлатидан вабо вибрионлари ажратиб чиқариш топилмагач диспансер ҳисобидан чиқарилади. Иерсиноз реконвалесцентлари диспансеризацияси

Диспансер назорат ИИК шифокорлари ёки участка педиатрлари томонидан олиб борилади. Сариқлик шаклидан кейин диспансер назорат 3 ойгача чўзилади, бунда 1-3 ойдан кейин 2 марта жигарнинг функционал синамалари ўтказилади. Бошқа шаклларида диспансер назорат 21 кун белгиланади (қайталаниш энг кўп кутиладиган муддат). ОИВ инфекцияси. Орттирилган иммун танкисликлиги синдроми (ОИТС) Бизда ОИВ инфекциясининг тарқалиши кўпинча тиббиёт стационарларида парентерал йўл билан юқувчи инфекцион касалликлар профилактикасига доир умум қабул қилинган тадбирларнинг тиббий персонал томонидан бажарилмаслиги, асбобларни стерилизация қилишидаги бузулишлар қон куйиш учун бир марталик шприцлар ва системаларнинг йўқлиги, санатория-эпиедмиология режими ва шахсий гигиена қоидаларига амал қилмаслик натижаларида болаларга юқади. Шу сабабли бошқа давлатларда қабул қилинган. ОИВ билан инфицирланган болаларни парвариш қилиш ва уларни ўргатишга доир қоидалар тавсия этилади (Н.Р.Иванов, Д.И.Драинин, 1989). 1. ОИВ билан зарарланган болаларни ўқитиш ва парваришлашда уларнинг ўзини тутишини асаб тизими ҳолати ва жисмоний тизимини, шунингдек атрофдагилар билан мулоқатини ҳисобга олиш лозим. қарор шифокорлар, тиббий персонал, ота-оналар билан биргаликда қабул қилиниши лозим. 2. ОИВ билан зарарланган мактаб ёшдаги болаларнинг аксариятига мактаб ва узайтирилган гуруҳларга бориш, рухсат этилади ёки уларни атрофдагилар билан мулоқоти чагараланмайдиган бошқа оилаларга, интернатларга жойлаштириш лозим. 3. ОИВ билан зарарланган мактаб ёшигача бўлган ва неврологик бузилишлар қайд этилган баъзи болалар (сийиб қўйиш, беихтиёрий равишда дефикация ҳолатлари ёки тажоввузкорона ўзини тутиши), шунингдек очиқ намланувчи тери жароҳатлари бор болаларга кенгроқ

изоляция шароитлари яратиб берилиши лозим. Бундай ҳолларда инфекциянинг юқиш механизмлари аниқлангунга қадар бемор болалар изоляцияда бўладилар. ОИВ билан зарарланган болаларни парваришлаш ва уларни ўқитиш жараёнида бошқа болалар билан алоқани, уларнинг қони ва суюқликлари билан бўладиган контактни имкон қадар камайтириш лозим. 4. Зарарланган болаларни парваришловчи ва улар организмидан чиқадиган суюқлик ёки экскрементлари билан алоқада бўлувчи шахслар болаларнинг ОИВ билан зарарланганлиги ва ҳар андай шароитида юқиш эхтимоли борлиги ҳакида маълумотларга эга бўлишлари шарт зарарланган бола билан мулоқат даврида унинг қони ва организмидан чиққан суюқликка тегингандан кейин бошқа бола билан бўладиган контактдан олдин қўлларни обдон ювиш керак. Болаларни парваришловчи шахслар қўлларида очиқ жароҳатланиш бўлса улар қўлқоп, кийиб олишлари лозим. Зарарланган болалар танасидаги очиқ жароҳатлар жойини ёпиб қўйиш керак. 5. Барча мактаб ва кунгузги болалар муассасаларида ОИВ билан зарарланган болалар қатнаш-қатнашмаслигидан қатъий назар, қон ва организм суюқликлари билан контактда бўлиш даврида хавсизлик қоидаларига амал қилиниши шарт, ифлосланган соҳалар зудлик билан дезинфекцияловчи эритма, хлор оҳагининг сувдаги эритмаси (10 қисм сувга 1 қисм оҳак ҳисобида) билан тозалаш лозим. 6. Ёши улғайган сари ОИВ билан зарарланган болалар гигиена қоидаларига амал қилишни ўрганиб олишлари мумкин. Мунтазам равишда ОИВ билан зарарланган болаларни қисман изоляцияда тутиш зарурлигини баҳолаб бориш лозим. 7. ОИТС билан оғриган ёки ОИВ юқиши юқори хавфли бўлган оналар болаларини текширувчи шифокорлар бундай болаларни ОИТСга текшириш лозимлиги масаласини тиббий нуқтай назардан қараб чиқишлари керак.

8. Болаларни вақтинчалик бошқа оилаларга жойлаштириш ва доимий яшашга бола олувчи оилалар масалалари билан шуғулланадиган муассасалар болаларни олдиндан ОИВ инфекциясига текширувдан ўтказиш лозимлигини тўғри баҳолашлари шарт. 9. ОИВ билан зарарланган болалар парвариши ва ўқиши билан шуғулланувчи шахслар бу болаларнинг ошкор қилинмаслик ҳуқуқини ҳурмат қилишлари ва ҳужжатларни яширин тутишлари тўғрисида биладиган. Болаларни парвариш қила оладиган ва инфекция юқиш эҳтимоли бўлган (қон оқадиган жароҳатларда) вазиятларни ажрата оладиган персонал орасида хабадорлар сони минимум бўлиши керак. Терлама ва паратифоз касалликларидан тузалаётган беморлар (реконвалесцентлар) диспансеризацияси (даволаш кейинги варақада) Тифо-паратифоз касалликларини бошдан кечирган билан оғриб беморлар 3 ой мобайнида 2 кафтада 1 марта тиббий кўрикдан ўтишлари керак. Реконвалесцентлар стационардан чиққандан 10 кун кейин орадан 1-2 кунлик интервал билан 3 маротаба бактерия ташувчиликка текширилади (ахлати ва сийдиги) кейингалик реконвалесцентлар 3 ой мобайнида ҳар ойда ахлати ва сийдиги экилади, 3 ойлик кузатув охирида поликлиникада садоро текширилади (экилади). қорин терламаси ва паратифда клиник соғайиш кўп холларда организмнинг қўзғатувчилардан коли бўлишига тўғри келмайди. Микроб ажратиш реконвалесценциянинг дастлабки 10 кунида аксарият касал бўлганлардат кузатилади, лекин вақт ўтиши билан қўзғатувчи ташувчилар сони камайиб боради. Реконвалесценциянинг 3-нги ой охирига келиб бактерлаталувчилик жуда камчилик беморларда қолади, бу холат жуда узоқ вақт давомида ёки уларда кузатилиши мумкин. Бактерияташувчилар вақти- вақти билан атроф муҳитга қорин терламаси ва паратиф қўзғатувчиларини ахлат ёки сийдик билан чиқазиб турадилар. Бактерия ташувчиликнинг қуйидаги категориялари фарқланади:

1. Вақтинчалик бактерия ташувчилар, яъни тана харорати бир марамга тушгандан кейин 10-20 кун давомида ўзидан микроб чиқарувчи реконвалесцентлар. Бу гуруҳга қорин терламаси ва паратиф билан оғриган ва соғайгандан кейин узидан 3 ойгача бактерия чиқарувчилар киради. 2. Сурункали бактерия ташувчилар - касалликдан кейин 3 ой дан кўп муддатда ўзидан бактерия чиқарувчи шахслаб киради, паратифда бактерияташувчанлик қорин терламасидагига нисбатан кўпроқ шаклланади. 3. Транзитор бактерия ташувчилар - кўпинча бу шахсларда сурункали бактерия ташувчи бемор билан бўлган контакт ёки инфекция юқишинининг бошқа бир механизмлари оқибатида бактерия ташувчанлик юзага келади. Бунда бу шахс кечирилган касаллик ёки аввалги вакцинация оқибатида иммунитетга эга бўлади ёки бўлмаса зарарлантирувчи доза касаллик чақириш учун етарли бўлмайди. Транзитор ташувчанлик одатда қиска муддатли бўлиб, 10-15 кун, камданкош холларда узоқ чўзилади, шунинг учун бактерия ташувчиларнинг бу категорияси муҳим эпидемиоллогик ахамиятга эга. Бактерия ташувчилар қорин терламаси ва паратиф қўзғатувчиларини кенг тарқатувчилардир. Касалликнинг бошдан кечирганлар текширувдан ўтгач турор жойдаги туман СЭСда 2 йил давомида хисобда турадилар. Шу давр ичида бундай беморларнинг ахлати ва сийдиги бир йилда 2 маратаба бактерологик текширилади, кузатув муддати тугашида сафро бактериологик текширилади. Бактериологик текширувлар натижаларидаги жавоблар манфий бўлгандагина хисобидан чиқарилади тифо-паратифоз микробларини сурункали ташувчилар умрининг охиригача туман терламаси ва паратиф билан оғриган ва сафросидан тифо-паратифоз микроблари топилган шахслар йиллига 2 марта клиник ва бактериологик текширувдан ўтадилар. Дифтерия микробларини узоқ муддатга ва қайталайдиган бактерия ташувчи шахсларни диспансер назорати

Дифтерия микробларини узоқ муддат ва қайталайдиган бактерия ташувчи шахсларнни диспансер назоратини врач ўтказади ва санация ўтказилишини назорат қилади. Аксарият бактерия ташувчилар бурун халқум соҳасида патлогик ўзгаришлар кузатилади. Шунинг учун даволаш отоларинголог-врачлар томонидан услубий кўрсатмаларга мувофиқ, врач назорати остида олиб борилади. Диспансер ҳисобдан чиқиш димоқ ва ахлатидан 2-3 кун оралатиб олинган шиллиқнинг бактериологик текширув натижалари 2 марта манфий чиқса рухсат берилади. Бактериологик текширувлар даво курси тугагандан 3 кун кейин ўтказилади. Дифтерия микробларини тазувчиларга жамоаларга қайтиш тўғрисидаги хулоса туман СЭСи томонидан берилади. Менингококк инфекцияси реконвалесцентлари диспансеризацияси Менингит билан оғриган барча беморлар туман психоневропатологи ва участка шифокори назорати остида бўлиши керак, бунда биринчи йил бола 3- 4 марта невропатолог қабулига чақирилади. Касаллик ижобий якун топса биринчи йил дастлабки 6 ой ичида ойига 1 мартадан, кейин 3 ойга 1 марта текширув ўтказилади. Иккинчи йили 6 ойга 1 марта текширилади. Óçîқ муддат диспансеризация қилиш зарурияти кўпинча вақтида аниқланмайдиган турли асоратли ҳолатларни аниқлаш имконини бериши билан боғлиқдир. Диспансеризация мақсади - қолдиқ ҳолатлар ва асоратларни ўз вақтида даволаш. Менингококк инфекциясининг генераллашган шакли билан оғриб тузалаётган беморлар клиник ҳолатлар бартараф бўлгандан 6 ой кейин, менингококк назофарингит реконвалесцентлари 2 ойдан кейин профилактик эмландиларю Менингококк ташувчилари - бевосита тўлиқ санация ўтказилгандан кейин профилактик эмланадилар. Касалликдан кейинги 1 ой ва 3-6-12 ойларда, иккинчи йили эса ҳар 6 ойда эмланадилар. қолдиқ ҳолатлардан цереброастеник ва гипертензион синдром кузатилади. Цереброастеник синдром боланинг юқори қўзғалувчанлиги ва

асабийлиги билан характерланади, болалар ёмон ухлашади, уларда уйқучанлик ёки уйқусизлик қайд этилади. Гипертензив синдром одатда касалхонадан чиққандан 2-6 ой кейин юзага келади ва кейинчалик зўрайишга мойил бўлади, доимий ёки хуружсимон бош оғриғи, қайт қилиш холатлари, юқори пай рефлекслари, кўз тубида ўзгаришлар, орқа мия суюқлиги босимининг ортиши билан характерланади. Менингококк инфекцияси билан оғриган бола профилактик эмлашлардан озод этилади. Эслатма: қизалиқ, скарлатина, сувчечак, қизилча, кўкйўтал билан оғриган болалар диспансер назоратига олинмайди. Санатория-курорт даволаниш. 6 ойга профилактик эмлашлардан четлаштирилади. Энетровирус касаллиги (инфекцияси) Диспансер назорат поликлиникада олиб борилади: рағбатлантирувчи терапия, витаминлар билан даволаш, уқалаш, даво физкультураси, физиотерапия, чиниқтириш, санатория-курорт даволаниш. Томоқнинг токсик бўғмаси Диспансер назорат поликлиникада олиб борилади: Кун тартиби ва тўғри овқатланиш тартиби даво физкультураси билан шуғулланиш, уйқунинг етарлича бўлиш. Кардиологнинг 2-3 ҳафта давомидаги назорати. Витаминлар билан даволаш, оксигенотерапия. Юқумли мононуклеоз Диспансер назорат поликлиникада ўтказилади. 1. Тўғри овқатланиш 2. Уқалаш, бадантарбия 3. Чиниқтириш 4. Витаминлар билан даволаш

5. Профилактик эмлашларни тўлиқ олишни назорат қилиш. 6. Касалхонадаги зотилжам касаллиги профилактикаси. 1 ёшдаги болаларда аденовирус юқумли касаллиги Диспансер назорат поликлиникада ўтказилади. 1. Тўғри овқатланиш 2. Уқалаш, бадантарбия 3. Чиниқтириш 4. Витаминлар билан даволаш 5. Профилактик эмлашларни тўлиқ олишни назорат қилиш. 6. Касалхонадаги зотилжам касаллиги профилактикаси. Парагрипп 1. Тўғри овқатланиш 2. Уқалаш, бадантарбия 3. Чиниқтириш 4. Профилактик эмлашларни тўлиқ олишни назорат қилиш. Стрептококкли инфекция Диспансер назорат поликлиникада олиб борилади, катталар поликлиникасига ўтказилгунича нефролог ва участка педиатри назоратида бўлади. Профилактик эмлашлар 5 йилгача тақиқланади. Кейинчалик эпидемиологик кўрсатмаларга биноан стационардан чиққандан сўнг биринчи 3 ойда 2 ҳафтада 1 марта текширувдан ўтказилади. Кеийнги 9 ойда ойига 1 марта кўрикдан ўтказилади. Кейинги 2 йилда ҳар 3 ойда 1 марта. Сийдик таҳлили ўтказилади, А/Б ўлчанади. Инфекциянинг сурункали ўчоғларини санация қилиш зарур. Интеркуррент касалликларда десенсибилизацияловчи терапия қўллаш лозим. Йилига 2 марта тор соҳа мутахассисларидан (ЛОР, стоматолог) маслаҳатлар олиш керак. Эмланган болаларда кўкйўтал Диспансер назорат поликлиникада олиб борилади. Парвариш ва кун тартибини тўғри ташкил этиш. Тоза, салқин ҳаво. Ташқи қўзғатувчиларни - бартараф қилиш, кераксиз даво муолажаларидан воз кечиш.

1. Тўлиқ витаминларга бой маҳсулотлар билан овқатланиш. 2. Уқалаш, бадантарбия 3. Чиниқтириш 4. Профилактик эмлашлар курсини тўлиқ олишни назорат қилиш. Зотилжам билан асоратланган кўкйўтал Диспансер назорат поликлиникада олиб борилади. 1. Тўлиқ витаминларга бой маҳсулотлар билан овқатланиш. 2. Уқалаш, бадантарбия 3. Чиниқтириш 4. Витаминлар билан даволаш 5. Профилактик эмлашлар курсини тўлиқ олишни назорат қилиш. Касалхонадаги қизилча инфекцияси Диспансер назорати поилклиникада олиб борилади. 1. ҳомиладорлик ва туғруқнинг кечиш хусусиятларини ўрганиш, эпидемиологик вазият туғрисида маълумотлар тўплаш. 2. Бола туғилганиданоқ қон таркибидаги М ва А иммуноглобулинлар миқдорини текшириш. 3. Она ва бола қон зардобида қизилча антигени билан серологик текширув ўтказиш. Илк ёшдаги болаларда тепки (эпид.паротит) касаллиги Диспансер назорати поилклиникада олиб борилади. 1. Тўлиқ витаминларга бой маҳсулотлар билан овқатланиш. 2. Уқалаш, бадантарбия 3. Чиниқтириш 4. Профилактик эмлашлар курсини тўлиқ олишни назорат қилиш. Контактда бўлган шахсларни изоляция (ажратиб қўйиш) муддатлари Дифтерия - токсиген таёқчаларини ташувчиларига болалар муассасаларига бориш ташувчанлик аниқланган кундан 21 кун кейин

муассасадаги барча болалар дифтерияга қарши эмланган бўлсагина рухсат этилади. Скарлатина - Бемор (уйда ёки касалхонада) ажратилгандан (изоляция қилингандан) кейин 7 кун. Менингококк инфекцияси – димоқдан олинган шиллиқнинг бактериологик текширувида натижа салбий чиқмагунча ёки бемор изоляция қилингандан 7 кун кейин ишга чиқиш рухсат этилмайди. Кўкйўтал - кўкйўтал билан оғримаган 7 ёшгача бўлган болалар беморлардан 14 кунга изоляция қилинади. Агар беморлар алоқа бўлмаса изоляция 25 кунгача давом этади. 8 ёшдан катта болалар ажратиб қўйилмайди, улар фақат назорат остига олинади (беморлар билан алоқа бўлмаса 14 кун ва алоқа бўлса 30 кун). қизамиқ - қизамиқ билан оғримаган ва унга қарши эмланмаган болалар гаммаглобулин критилган 1 контактдан 17 кунга, контактдан кейин эса 21 кунга ажратиб қўйилади. қизилча - Тошма тоша бошлдаган кундан бошлаб 4 кунга изоляция қилинади. Чинчечак Барча шахслар зудлик билан чечакка қарши эмланади, эмлаш мумкин бўлмаган болаларга махсус гаммаглобулини юборилади. Бевосита контактда бўлган шахслар 14 кунга изоляция қилинади. Тепки - Тепки билан оғримаган 10 ёшгача бўлган болалар изоляция қилинади. Контакт вақти аниқланганда ажратиб қуйиш кнтактнинг 11 кундан 21 кугтгача амалга оширилади. Полиомиелит - Контактда бўлган болаларнинг тана ҳарорати кўтарилса, катарал ҳолатлар ич бузилишлари мавжуд бўлса изоляция қилинади. Соғлом болалар ажратилмайди, улар 20 кун мобайнида тиббий назорат остига олади. Сувчечак - Бемор билан контакт қилинган муддатдан бошлаб, яъни 11 кундан 21 кунгагача изоляция қилинади. Беморларни изоляция (ажратиб қўйиш) қилиш муддати

Дифтерия - болалар муассасаларига қўшимча 2 марталик бактериологик текширув натижаларидан кейин (касалхонадан чиққан кундан 3 кун кейин ва 2 кундан кейин). Скарлатина – соғайиб кутгунга қадар, касаллик бошланган кундан камида 10 кун изоляция қилинади. Болалар муассасаларига бориш уйда қўшимча изоляция қилингандан кейин 12 давомида рухсат этилади. Менингококк инфекцияси - Назофарингит билан оғриган беморларни касалхонадан чиқариш 1 марталик текширув натижаларидан кейин, менингит билан оғриган беморлар эса соғайганидан кейин ва димоқдан олинган шиллиқнинг 2 марталик бактериологик текшируви натижаларидан кейин. Кўкйутал - касаллик бошлангандан бошлаб 30 кунга изоляция қилинади. Асоратли ҳолатларда 42 кунга. Стационардан критик кўрсаткичларга қараб чиқарилади. қ изамиқ - бемор тошма тошган кундан бошлаб 4 кунга, агар зотилжам касаллиги ҳам бўлса 10 кунга ажратиб қўйилади. қизилча - изоляция қилинмайди. Чинчечак - пустулалар батамом кўчиб тушгунча задар касалхонада изоляция қилинади (касаллик бошланишидан 40 кун ичида). Тепки - касаллик бошланганидан 21 кун муддатга изоляция қилинади. Полиомиелит - ўткир ичак касалликлари кўринишлар йўқ бўлган шароитида касаллик бошлангандан 9 кун муддатга изоляция қилинади. Сувчечак - касаллик бошланганидан 8 кунга изоляция қилинади.

Фойдаланилган адабиётлар рўйхати 1. Юқумли касалликлар бўйича тиббиёт олий ўқув юрти талабалари , магистрлар , педиатрлар ва юқумли касалликлар шифокорлари учун қўлланма . А . Зокирхўжаев тахрири остида . 1- қисм . Тошкент 2003 й . 2. Юқумли касалликлар бўйича тиббиёт олий ўқув юрти талабалари, магистрлар, педиатрлар ва юқумли касалликлар шифокорлари учун қўлланма. А.Зокирхўжаев тахрири остида. 2-қисм. Тошкент 2004 й. 3. Юқумли касалликлар бўйича тиббиёт олий ўқув юрти талабалари, магистрлар, педиатрлар ва юқумли касалликлар шифокорлари учун қўлланма. А.Зокирхўжаев тахрири остида. 3-қисм. Тошкент 2004 й. 4. Юқумли касалликлар бўйича тиббиёт олий ўқув юрти талабалари, магистрлар, педиатрлар ва юқумли касалликлар шифокорлари учун қўлланма. А.Зокирхўжаев тахрири остида. 4-қисм. Тошкент 2005 й. 5. Брогинская В.П, Соколов А.С. Активная иммунизация и профилактика поствакцинальных осложнений. Москва, 1977. 6. Васильев B . C ., Комар С.П. Практика инфекциониста. Минск, 1994 г. 7. Закирходжаев А.Х., Даминова М.Н. Юкумли касалликлар билан о ғ риган болалар диспансеризацияси. Ташкент, 1997 г. 8. Нисевич Н.И., Учайкин В.Ф. Инфекционные болезни у детей. 1991 г. 9. Учайкин В.Ф. Руководство по детским инфекционным болезням. 1999 г. 10. Учайкин В.Ф. «Руководство по инфекционным болезням у детей». 1998 г. 11. Махмудов О.С. «Болаларнинг юкумли касалликлари».1990 г. 12. Мусабаев И.К. Руководство по ОКИ. Ташкент, 1982 г.

O'xshashlar

Бош айланишлар ва треморлар этиологияси, патогенези, клиникаси, ташхис қўйиш, қиёсий ташхислаш, даволаш, олдини олиш, реабилитацияси, диспансеризацияси

Бирламчи тиббий ёрдамни ташкил қилиш

Юқумли касалликлар ва бўлимларининг тузилиши, вазифаси ва иш тартиби

Паррандаларнинг юқумли касалликлари

Юқумли касалликлар тарихи