Болалар оториноларингологияси тарихи - Tibbiyot - Referatlar

Болалар оториноларингологияси тарихи

Yuklangan vaqt:

17.10.2023

Ko'chirishlar soni:

0

Hajmi:

72.5 KB

Ko'chirib olish

Болалар оториноларингологияси тарихи Режа: 1. Болалар оториноларингологияси 2. Болаларда қулоқнинг туғма нуқсонларини жаррохлик йўли билан даволаш

Тиббиёт оламида бурун, томоқ ва қулоқ касалликларига қизиқиш ҳали оториноларингология алохида фан сифатида шаклланмасиданоқ пайдо бўлган. Буюк анатом ва педиатр К.А. Раухфус (1835-1915) бир қатор мақолаларида субхондрал ларингитни тасвирлаб берди ва ўсимтани олиш учун илк бор хиқилдоқни кесишни (ларингофиссура) хақида нашр қилди. Унинг “Ҳиқилдоқни каутеризация ва инцизияси”, “Ҳиқилдоқ ҳосиласини олиб ташлаш ҳақида”, “Ҳиқилдоқ ва томоқ касаллликлари” каби илмий ишлари чоп этилган бўлиб болалар оториноларингологиясининг ривожланишида дастлабки қадам бўлди. К.А. Раухфус болалар соғлиғини сақлашни ташкиллаштириш ва жамоат арбоби сифатида ҳам таниқлидир. Унинг рахбарлиги остида Париждаги бутун жаҳон кўргазмасида (1898) намунали деб топилган болалар шифохонаси учун лойиҳа ишлаб чиқилди. Кейинчалик ушбу лойиха осонгина Москвадаги энг йирик болалар шифохоналаридан бири Владимир Сятовий касалхонасини (собиқ Русаковский касалхонаси) қуриш учун асос бўлди. Деярли 40 йил давомида А.К. Раухфус ўзининг лойихаси, асосида яратилган ва унинг номини олган Санк -Петербургдаги 250 ўринли болалар шифохонасини бошқарган. А.Я. Галебский ва А.С. Денеслар болалар оториноларингологиясининг ривожланишига ўз хиссаларини қўшдилар. В.Н. Никитин томонидан “Бурун- халқумда аденоидни ўсиши” номли ишнинг ёзилиши, Н.П. Симановскийнинг “Юқори нафас йўлларини яллиғланиш касалликларида аденоид тўқимаси” (1910) мақоласининг ёзилиши ва кўпгина бажарилган ишлар бронхоскопни ривожланиши учун асос бўлди. Бу даврда эшитиш қобилиятини йуқотиш, карлик, ва карсоқовлик сохасидаги тадқиқотларга катта қизиқиш уйғонди ва кар болалар учун дастлабки ихтисослаштирилган муассасалар очилди. 20-йилларнинг ўрталари ва 30- йилларнинг бошларида мамлакатимизда оналик ва болалик масалаларига қизиқишнинг кескин ошишига олиб келди. Кейинчалик М.Г. Личкус бошчилигидаги 50 ўринли биринчи болалар ЛОР бўлими очилди. Унинг илмий ишлари “Болалардаги қулоқ касалликларининг

хусусиятлари” (1937) асосан қулоқ касалликларини умумлаштиришга бағишланган эди. Шундан сўнг эса Ленинградда болалар оториноларингологияси масалалари, асосан 1930 йилда қулоқ, бурун, томоқ ва нутқ илмий амалиёт институти, Шифокорлар малакасини ошириш институти ЛОР кафедрасида, Педиатрия тиббиёт институти кафедрасини бошқарган Д.М. Румберг томонидан муваффаққиятли ишлаб чиқилди. Унинг ишлари ўрта қулоқни функционал тиклаш жаррохлигига эшитув ва вестибуляр анализаторларни физиологияси ва патологияси масалаларига бағишланган эди. Д.М. Рутенберг болалар оториноларингологиясини ривожланишига катта ҳиссасини қўшган, кўплаб ўқувчиларни тарбиялаб, сурункали тонзиллит, синусит ва уларнинг бронх касалликлари билан боғлиқлигини ўрганган, текшириш каби йўналишларни муваффаққиятли ривожлантирган. 1973-1993 йиллар оралиғида М.Ю. Козлов ўз фаолияти давомида мамлакатимизда эшитишни яхшиловчи қулоқ микрожаррохлигини жадал ривожланишини катта ҳисса қўшиб, бу йуналиш борасида кафедрада муваффаққиятли ривожланишларга сабабчи бўлди. У бир қатор йирик монографияларнинг “Болаларда эшитишнинг жаррохлик реабилитацияси”, “Ўткир ўрта отит ва унинг асоратлари”, “Болалар сурдоаудиологияси”, ”Болаларда бурун ёндош бўшлиғи яллиғланиш касалликлари ва унинг асоратлари” муаллифидир. 1993 йилдан бошлаб эса кафедрани Э.А. Цветков бошқарди. Унинг рахбарлигида кафедранинг илмий қизиқишлари ортиб бориб, болаларда юқори нафас йўллари ва қулоқ нуқсонларининг замонавий диагностик усуллари, ўрта қулоқда функционал микрожаррохлик усуллари, респиратор папиломатоз, ҳиқилдоқ ва кекирдакнинг паралитик торайиши ва чандиқланиши, шунингдек уларда туғма нуқсонларни ривожланиши каби хасталикларнинг ечими кенг йўлга қўйилди. Э.А. Цветков томонидан ишлаб чиқилган хиқилдоқнинг чандиқли торайиши ва уни тикловчи жаррохлик усуллари ҳозиргача мамлакатимизнинг кўплаб клиникаларида қўлланилмоқда. Унинг тажрибалари “Болалардаги хиқилдоқ ва кекирдак нуқсонлари” номли монографиясида батафсил ёритилган.

И.П. Павлов номидаги 1 - Ленинград тиббиёт институтининг лабораторияси (И.М. Белова, А.И. Лопатко) болалардаги эшитишнинг бузилишлари, ташхислаш ва реабилитацияси соҳасидаги қизиқарли ва ўзига хос ишлари билан танилган. Санкт-Петербургнинг йирик илмий муассасаси қулоқ, бурун, томоқ ва нутқ илмий тадқиқот институтининг болалар клиникасидир (Л.М. Ковалев). Унинг анъанавий илмий тадқиқот йўналишларига ҳалқум лимфоид ҳалқаси нуқсонлари, болалардаги овоз бузилишлари ва болалардаги карлик саналади (А.С. Розенберг). Москвада 30-йиллар ва ундан кейинги йилларда Н.Ф. Филатов номидаги №13 сонли, №1 сонли (Морозовская), №9 сонли Г.Н. Сперанский номидаги (илгари Ф.Э. Дзержинский номидаги), №2 сонли СВ. Владимир (илгариги И.В. Рисоков) номидаги кўп тармоқли касалхоналарда бир неча йирик ихтисослаштирилган болалар ЛОР бўлимлари очилган. Уларда юқори малакали мутахассислар ва олимлар ишладилар, бўлим болалар оториноларингологияси сохасидаги кафедраларни амалий, педогогик ва илмий тадқиқот ишларининг марказларига, кафедранинг клиник базаларига ва илмий тадқиқот институтларига айлантирилди (А.И. Фельдман ва бошқ.). Болалар оториноларингологияси тарихидаги катта воқеа 1951 йилдаги 2 - Москва тиббиёт институтининг педиатрия факультетида қулоқ, томоқ ва бурун касалликлари бўлимининг очилиши бўлди. Унинг асосчиси ажойиб клиницист, педагог ва олим И.И Щербатов ЛОР аъзоларида туғма нуқсонларнинг ривожланиши, хиқилдоқнинг ўткир ва сурункали тораймалари ва ўсмалари, болалардаги карликни даволашнинг консерватив ва самарадор жаррохлик усулларини илмий йўналишларини ривожланишига катта ҳисса қўшди. Унинг “Бурун ёндош бўшлиқлари ва кўз косаси касалликлари” (Ф.И. Добромыльский билан биргаликда), “Болалар юқори нафас йулларида ёт жисмлар” (В.Р. Чистяков билан биргаликда) монографиялари ҳанузгача долзарблигини йўқотмаган. И.И. Щербатованинг ўқувчилари орасида Великоруссова, Н.М. Ахметьев, И.Л. Кручинина, В.И. Смоликова, Б.С. Баулин, В.Р. Чистякова, Е.Д. Лисицын, В.В. Солдатова ва бошқалар сингари таниқли болалар оториноларингологлари бўлган.

1973 йилда кафедрани И.Л. Кручинина бошқарган ҳамда синуситлар, эрта ёшдаги болаларда сурункали тонзиллит, обструктив синдромларда нафас йўлларида ёт жисм ва бронхоскопия муаммоларини ҳамда қулоқ ва буруннинг туғма нуқсонларини ўрганишни ривожланишига катта ҳисса қўшди. 1986 йилдан бошлаб кафедрани М.Р. Богомильский бошқариб, унинг илмий ишлари (Б.С. Преображенский, Д.И. Торасов, Л.Б. Дайняк билан биргаликда) “Юқори нафас йўлларини аллергик касалликлари” монографияси, Эшитишни яхшиловчи микрохирургия (Тимпанопластика 1971), шунингдек “Нейросенсор эшитиш заифлигининг диагностикаси, консерватив ва жаррохлик давоси” (А.Н. Ремизов билан ҳамкорликда Кохлеар имплантация монографияси) сингари долзарб сохаларига бағишланган. М.Р. Богомильский мамлакатда биринчи бўлиб тўлиқ карликда чиғаноқни протезлаш жаррохлигини амалга оширган. Кафедра болаларда қулоқнинг туғма нуқсонларини жаррохлик йўли билан даволашни Г.Л. Балясинский, Ю.М. Овчинниковнинг “Ташқи ва ўрта қулоқда туғма нуқсонларнинг ривожланишида жаррохлик даво” номли монографияси, “Юқори нафас йўллари касалликларида замонавий технологиялар ва дори воситаларини: эндоскопия, крио, лазеродеструкция, иммунокоррекция” (Т.И. Гаращенко), “Болаларда эшитиш қобилятини йўқотишнинг диагностикаси ва реабилитациясини янги усулларини такомиллаштириш” монографияси, шунингдек, компьютер аудиометрияси, акустик импедансометрия, эшитишни протезлаш, бурун–ҳалқум ангиофибромасини жаррохлик давоси каби йўналишларни муваффақиятли ривожлантирган. Россиянинг йирик илмий муассасаси Москвадаги бурун, томоқ, қулоқ илмий амалиёт институтининг болалар ЛОР клиникасидир. Кўп йиллар давомида ушбу клиникада ўсмирлар папилломатози, қулоқда туғма нуқсонларнинг ривожланиши, чандиқли стенозлар, болалардаги карлик ва бошқа муаммолар муваффаққиятли ўрганилмоқда. Москвадаги Д.Г. Чирешкин шифохонаси негизида реконструктив жаррохликни ташкил этиш, болаларнинг ҳалқум ва трахея муаммоларига катта эътибор қаратди ва қисқа вақт ичида ушбу муассаса болаларга ҳар томонлама

ихтисослаштирилган ёрдам кўрсатувчи марказга айланди. Унинг қўл остида ходимлари билан биргаликда “Микроларингоскопия ва эндоларингиал жаррохлик” (1980), “Юқори нафас йўлларининг эндоскопик лазер жаррохлиги” (1990), “Болаларда халқумнинг хиқилдоқ қисми, хиқилдоқ ва кекирдакнинг сурункали обструкцияси” (1994) каби монографияларида чоп эттирилган. Ўрта Осиё медицина педиатрия институти 1972 йилда ташкил этилган бўлиб, Оториноларингология кафедраси шу йили Тошкент шаҳар 17-сон клиник касалхонасининг 60 ўринли ЛОР бўлимида ташкил этилди. Кафедранинг асосий ташкилотчилари т.ф.н. Дадамухамедов A.Н. ва т.ф.н. Ҳасанов С.A. ҳисобланадилар, чунки улар 1972 йил июнь-июль-август ойларида кафедрада талабаларни ўқишга қабул қилиш учун барча шарт-шароитларни бирга яратишган. Шу йили Ҳасанов С.A. абитуриентларни қабул қилишдаги тиббий кўрикда ҳам оториноларинголог сифатида иштирок этди. 1985 йилда Ўрта Осиё медицина педиатрия институти қошида 240 ўринли янги «Болалар клиникаси» фойдаланишга топширилди ва Ўзбекистонда биринчи бор 60 ўринли ягона «Болалар оториноларингологияси» бўлими ташкил этилди. Бунга раҳбар қилиб проф. Ҳасанов С.A. тайинланди ва Ўзбекистонда болалар оториноларингологиясининг ривожланишига асос солинди. Шу давргача болаларнинг оториноларингологик касалликлари катталар ЛОР врачлари томонидан амалга оширилар эди. Ёш бола организмнинг анатомо- физиологик жиҳатларини ҳисобга олинмасдан даволаш чоралари ўтказилиб келинар эди. Учинчи кафедра мудири Aмонов Шавкат Эргашевич тиббиёт фанлари доктори, профессор, Олий тоифали шифокор. Украина отологлари, отонейрохирург ва отоневрологлари ассоциацияси аъзоси. 1986 йилда Ўрта Осиё медицина педиатрия институтини имтиёзли тугатган. 1987-1989 йилларда врач оториноларинголог бўлиб ишлаган, 1989-1992 йилларда ТошПТИ ЛОР кафедрада аспирант, 1992-1995 йилларда ассистент, 1996- 2001 йилларда доцент ва 2002- 2010 йилларда кафедра профессори лавозимида ишлаган. 2010 йил 2 сентябрдан бошлаб кафедра раҳбари қилиб тайинланган, ТошПТИ жарроҳлик йўналиши фанлараро услубий Кенгаши раиси.

2001 йилда ЛОР кафедра ташаббуси билан ЛОР кафедраси қошида «Болалар стоматологияси» курси ташкил етилди. Лекин, ушбу курсни тезда ривожланиб кетишига жамоатчилик асосида Врачлар малакасини ошириш институти «Болалар стоматологияси» кафедрасининг мудири досент Шамсиев Ҳамидулла Нусратуллаевич ва т.ф.н. Махсудов Суннат Ниғматовичнинг хизматлари алоҳида еътиборга молик. Ҳозирги кунда стоматология курсига ёш олим проф. С.С. Ғуломов раҳбарлик қилмоқда ва унинг сай-ҳаракатлари билан 2011 йилда еса стоматологиядан магистратура курсини очишга муваффақ бўлинди. Республикамиз аҳолиси орасида ЛОР касалликлар эпидемиологиясини аниқлаш амалий хизматни ташкил этишда муҳим ҳисобланади. Шу мақсадда 1988-1990 йиллар мобайнида кафедра ходимлари ташаббуси билан бир неча вилоятларда 20 мингдан зиёд аҳоли биринчи марта профилактик кўрувдан ўтказилди. Натижада сурункали тонзиллитни 16%, сурункали йирингли ўрта отит 6,5-7,0%, қулоқнинг туғма аномалияси (гипогенезия) 1500-2000 туғилган болага 1 та, лекин, Хоразм вилояти ва Қорақалпоғистон Республикасида 650та болага 1та учраши аниқланди. Олинган маълумотлар асосида ССВ га ахборот берилди ва ЛОР клиникамиз қошида 2000 йилда «Болалар оториноларингологияси Маркази» ташкил этилиб, 4 та врач лавозими ажратилди. Бундан ташқари 2001 йили ЛОР клиника қошида Марказий Осиё мамлакатларида биринчи бор болаларга алоҳида шошилинч ЛОР ёрдам кўрсатиш ташкил этилди, 10,5 ставка врачлар штати ажратилди. Бу эса беморларни даволашга ҳамда ўқув жараёнига ижобий таъсир кўрсатиб, илмий изланишларнинг мукаммал бажарилишига имкон яратди. Т.ф.д., профессор Aмонов Шавкат Эргашевич, 2010 йилдан хозирга қадар кафедра мудири лавозимида фаолият олиб бормоқда. 1992 йилда «Сурункали вирусли гепатит «В» билан оғриган болаларда сурункали тонзиллит клиникаси, ташҳиси ва даволаш» мавзусида номзодлик диссертациясини ҳимоя қилган. Илмий раҳбарлари т.ф.д., профессор Ҳасанов С.A. ва т.ф.д., Ўзбекистон ФA академиги, профессор Даминов Т.О. 2000 йилда «Болаларда сурункали йирингли ўрта отитларни хирургик даволаш самарадорлигини ошириш» мавзусида докторлик диссертациясини ҳимоя қилди.

Илмий маслаҳатчилари т.ф.д., профессор Ҳасанов С.A. ва т.ф.д., профессор Маджидов A.В. Илмий ишлар сони 150дан ортиқ, 5 услубий қўлланма, 8 патент, 6 рационализаторлик таклифи, 2 дарслик, 2 монография.

Адабиётлар: 1. Гултекин М, Зайифоглу Караcа М, Куcукйилдиз И, Дундар С, Бозтас Г, Семра Туран Ҳ, эт ал. Инитиал ресулц оф популатион басед cервиcал cанcер сcреенинг програм усинг ҲПВ тестинг ин оне миллион Туркиш wомен. Инт. Ж. Cанcер. 2018; 142:1952–1958. 2. Густафсон КС, Фуртҳ эЕ, Ҳеитжан ДФ, Фанслер ЗБ, Cларк ДП. ДНА метҳйлатион профилинг оф cервиcал сқуамоус интраепитҳелиал лесионс усинг лиқуид-басед cйтологй спеcименс: ан аппроач тҳат утилизес реcеивероператинг чараcтеристиc аналйсис. Cанcер. 2004;102(4):259–268. 3. Гуятт ГҲ, Охман АД, Вист ГЕ, Кунз Р, Фалcк-Йттер Й, Алонсо-Cоелло П, Счунеманн ҲЖ. ГРАДЕ: ан эмергинг cонсенсус он ратинг қуалитй оф эвиденcе анд стренгтҳ оф реcоммендатионс. Бмж. 2008;336(7650):924–926. 4.ҲеалтҳCоунcил. Сcреенинг фор cервиcал cанcер [Сcреенинг оп баармоедерҳалсканкер], Вол 2011/07 (Ҳеалтҳ Cоунcил, Ден Ҳааг, 2011). 5.Ҳесселинк АТ, Ҳеидеман ДА, Стеенберген РД, Cоупе ВМ, Овермеер РМ, Рижкаарт Д, Беркҳоф Ж, Меижер CЖ, Сниждерс ПЖ. Cомбинед промотер метҳйлатион аналйсис оф CАДМ1 анд МАЛ: ан обжеcтиве триаге тоол фор ҳигҳ-риск ҳуман папилломавирус ДНА-поситиве wомен. Cлин Cанcер Рес. 2011;17(8):2459–2465. 6.Ҳонг ЖҲ, Тсаи CС, Лаи Ч, Чанг ТC, Wанг CC, эт ал. Риск стратифиcатион оф патиенц wитҳ адванcед сқуамоус cелл cарcинома оф cервих треатед бй радиотҳерапй алоне. Инт Ж Радиат Онcол Биол Пҳйс. 2005; 63:492–499. дои: 10.1016/ж. ижробп.2005.02.012.

O'xshashlar

Болалар оториноларингологияси

Болалар хирургияси тарихи ва хозирги замон текшириш усуллари

Эрта ёшдаги болалар касалликлари диатезлар

Физиологиянинг ривожланиш тарихи

Юқумли касалликлар тарихи