Толаларни микроскоп ёрдамида текшириш - Texnika va texnologiya - Referatlar

Толаларни микроскоп ёрдамида текшириш

Yuklangan vaqt:

30.04.2023

Ko'chirishlar soni:

0

Hajmi:

133.5 KB

Ko'chirib olish

Толаларни микроскоп ёрдамида текшириш Режа: 1. Препарат тайёрлаш техникаси 2. Толаларнинг ўлчамларини аниқлаш 3. Толали материалларнинг тавсифи 4. Қоғоз таркибидаги толаларни аниқлаш

Толаларни микроскоп ёрдамида текшириш усули қоғоз таркибини ўрганишда кенг қўлланилади: пишириш ва оқартиришни жараёнларининг бир текис ўтишида, майдалаш жараёнида толаларнинг структурасини кузатишда, ёғоч массасининг сифатини баҳолашда ва б. Қоғоз таркибини ўрганишда одатдаги микроскопда 350 марта катталаштирган ҳолда ўрганиш кенг тарқалган. Микроскопик анализга тайёргарлик: ўлчамлари 75х75 мм ли тиниқ шиша пластинка; объект устини ёпиш учун ўлчамлари 20х20 мм ва қалинлиги 0,15...18 мм ли шиша пластинка; текшириладиган толаларнии бир биридан ажратиш учун игна; предмет шиша пластинка учун таглик; штатив ва пробиркалар тўплами; тоза латта; фильтр материал; толали материаллар тўпи ва б. Препарат тайёрлаш техникаси Предмет (ўрганиладиган қоғоз таркиби) нинг усти ёпиладиган шиша пластинка юмшоқ латта билан артилади. Шишалар ишлатиб бўлингач, тоза сув солинган кристализаторга солинади. Сувда шишадан предметни ажратиш, уларни ювиш, хром эритмаси билан ишлов бериш, сўнгра яна дистилланган сув билан ювиб, тоза латта ёки фильтр қоғоз билан артилади. Препарат тайёрлаш учун тоза шиша идиш олиб, уни микроскопни тегишли жойига ўрнатилади ва пружина билан махкамланади. Кичик ҳўл массадан бир бўлак олиб, предмет столига қўйилади ва 1...2 томчи реактив ёки дистилланган сув билан намланади. Игна ёрдамида алоҳида толаларга ажратилади. Сўнгра препарат усти тоза ёпқич шиша билан ёпилади. Шиша тагилдан сизиб чиққан ортиқча сув фильтр қоғоз ёрдамида шимдириб олинади. Сўнгра микроскопда аниқлаш ишлари амалга оширилади.

Толаларнинг ўлчамларини аниқлаш Толаларнинг узунлиги ва эни (диаметрини) микроскопнинг микролинейкали окуляри ёрдамида аниқланади. Микролинейка айлана кўринишидаги шиша бўлиб, унинг марказида ўлчамли шкала ўрнатилган (расм). расм . Микроскопнинг окулярли ўлчовчи чизғичи. Шкаладаги ҳар бир бўлинмани абсолют қийматини, ўлчов ишлари бошланмасдан аввал, микроскопни катталаштириш қийматини ҳисобга олган ҳолда аниқланади. Масалан, “БИОЛОГ” микроскопи учун алмаштирилиб туриладиган объективлар 5 х , 10 х , 20 х , ва 40 х бўлганда, окуляр 8 х бўлакнинг қиймати, объективнинг катталаштирилишига қараб қиймати қуйидагича бўлади: 5 х – 0,01863; 10 х – 0,00900; 20 х – 0,00475; 40 х – 0,00235. Толаларнинг узунлигини ўлчашда толалар сони препаратда кам бўлиши керак. Нам ҳолида ҳар бир толани ўлчаш осон бўлади. Агар микроскоп окулярида шкаладаги тола узунлиги 80 бўлса, объективда катталаштириш 5 х , унда толанинг абсолют узунлиги: 0,01863 × 80 = 1,49 мм. Агар толанинг узунлиги окуляр чизғичисидан узун бўлса, у ҳолда толанинг бир қисми ўлчанади (мисол учун, эгилган, ғовақ, тугун гача ва б.), сўнгра препарат силжитилади ва қолган қисми ўлчаниб, биринчи ва иккинча қисмларининг қийматлари қўшилади ва линейкани бир бўлагига кўпайтирилиб тола узунлиги топилади.

Толаларни ўлчаш натижалари олдиндан тузилган жадвалга ёзиб борилади. Барча толаларнинг узунлиги ўлчангач, уларнинг ўртача тортилган қиймати ҳисобланади. Толали яримфабрикатнинг муҳим хусусияти унинг тола узунлиги бўйича фракция таркиби ҳисобланади. Ҳар бир анализда толаларнинг узунлиги бўйича сони ҳисобланиб, % миқдори аниқланади. Аниқлаш натижалари жадвал кўринишда ифодаланади. Толаларнинг ўртача узунлиги қуйидаги формула ёрдамида ҳисобланади: Ўртача арифметик узунлик учун Ўртача тортилган узунлик бўйича , Ўртача тортилган масса бўйича бу ерда: n i - толалар сони i ; l i - толаларнинг ўртача узунлиги i; m – тола турлари сони. Толали материалларнинг тавсифи а) Ёғоч массаси целлюлозаси Ёғоч массаси целлюлозаси учун муҳим хусусият бу толалар учининг узиқлиги, узилган толаларнинг кўплиги, фибрилли ва шиллиқликлиги ҳисобланади. Ингичка ва калта толалар билан бирга оқ ёғоч массасида кўп ҳолларда учраб турадиган учи узилган толалар тўпи бўлади. Ёғоч масса толаларининг узунлиги 0,05 дан 1,5 мм, титилмаган тола эни 0,003...0,04 мм атрофида бўлади. Маълумки, ёғоч массаси рух хлорид йоддаги

(хлорцинкйод) эритма ёрдамида бўялганда толалари сарғайган қаттиқ ёғоч кўринишга ўтади. б) Игна баргли дарахт целлюлоза Игна баргли дарахтини 90...95 % и узун ўлчамли трахеид толалардан ташкил топган. Трахеидларнинг баҳорги ва кузгиси бир-биридан фарқ қилади. Баҳорги трахеидлар миқдорига 20...30 %, кузгисига – 60...65 % тўғри келади. Баҳорги трахеидларнинг девори ингичка толалардан иборат бўлиб, учлари тўнтоқ бўлади. Трахеидларнинг энини бўйига нисбати 1:100 ни ташкил этади. Кузги трахеидлар аввалгидан ҳам ингичкароқ бўлиб, учи ўткир ва ингичка бўлади. Энининг узунлигига нтсбати 1:4 00 ни ташкил этади. в) Арча целлюлозаси Арча целлюлоза толалари (трахеидлар) лента шаклида бўлиб, учи ўкир ёки охирги учи ўтмас бўлади. Толаларнинг узунлиги 2,5 дан 3,8 мм атрофида, эни тахминдан 0,04 мм. Кўпчилик толалар ўртасида канал бор. Микроскопда кузатганда, яхши пишган толалар пахта толасига ўхшайди. Арчадан олинган сульфитли ва сульфатли целлюлозалар рух хлорид йод эритмасида бўяганда ҳаворангга бўялади. г) Қарағай целлюлозаси Қарағай целлюлозаси толаларининг узунлиги 2,5 дан 5,5 мм, гача ўртача эни 0,045 мм атрофида бўлади. Қарағайдан олинган сульфитли ва сульфатли целлюлозалар рух хлорид йод эритмасида бўяганда ҳаворангга киради. д) Баргли дарахт целлюлозаси Баргли дарахт целлюлоза толалари паренхимли хўжайрага эга. Толаларнинг узунлиги асосан 0,7...0,5 мм ва эни тахминан 0,025 мм. Сульфитли ва сульфатли усулларда олинган баргли целлюлоза толалари рух хлорид йод эритмасида бўялганда ҳаворангга бўялади. е) Сомон ва буталардан олинган целлюлоза

Сомон целлюлозаси асосан: буғдой, арпа, шоли ва сули сомонидан олинади. Сомондан олинган целлюлоза толалари ингичка, лента шаклида бўлиб, узунлиги 0,5...1,5 мм атрофида бўлади. Рух хлорид йод эритмасида сомон целлюлозаси толалари бўялганда ҳаворангга киради. ж) Пахта Табиий толаларнинг узунлиги 10 дан 60 мм ва эни 0,02...0,04 мм. Момиғ толаларининг учунлиги 10...15 мм. Қоғоз таркибидаги толаларнинг (майдаланиш даражасига қараб) узунлиги 1...2 мм. Рух хлорид йод эритмаси билан пахта толалари бўялганда пушти рангга киради. з) Зигир поя Толаларнинг узунлиги 4 мм дан 70 мм гача эни 0,01...0,03 мм. Рух хлорид йод эритмасида бўялганда зиғир толалари пушти рангга киради. и) Жун Жун толалари баъзи маҳсус қоғоз композицияга қўшилади. Жун толаларни бошқа толалардан фарқлаш осон. Толалар диаметри айлана шаклида. Рух хлорид йод эритмаси билан бўялганда ранги ўзгармайди ва ўзининг дастлабки рангини сақлаб қолади. к) Синтетик толалар Қоғоз ишлаб чиқаришда синтетик толалар (найлон, лавсан, винол, нитрон ва б.) кўп ишлатилада. Уларни массада бошқа толалардан фарқлаш осон. Улар узун, айлана ёки юпқа шаклда. Найлон толаси рух хлоридйод эритмасида ёрқин-сариқ рангга, нитрон – тўқ-сариқ, лавсан оч-сариқ, винол рух хлор йод эритмасида бўялмайди. Қоғоз таркибидаги толаларни аниқлаш Техник талабларига кўра, ҳар хил турдаги қоғоз кўрсаткичлари ва таркибига толаларга талаблар қўйилади. Жумладан қоғоз таркибидаги толалар компонент нисбатлари кўрсатилади. Одатда толалар бўйича қоғоз таркиби композия деб юритилади. Қоғоз композициясини ўрганиш жараёнида қуйидаги кўрсаткичлар аниқландади: қоғозни ташкил этган

толалар тури, толаларнинг процент нисбати, қоғоз массасининг майдаланиш даражаси. Қоғоз таркибининг сифат анализида рух хлорид йод эритмаси билан бўялган препаратлар микроскоп остида кузатиб урганилади. Қоғоз таркибига кирган толали материалларнинг миқдор анализи бир неча усуллар билан (масалан, ташқаридан кузатиш усули ёки толаларни санаш) аниқланади. Қуйида қоғоз композициясининг толаларини санаш йўли билан аниқлаш усули келтирилган. Ўрганилаётган қоғоз намуналаридан ўртача зичликдаги қоғоз ёки қоғоз массасидан бешта препарат тайёрланади. Улар кузатиб турган ҳолда руххлорид йод билан бўялади. Аввал толалар бўйича қоғознинг сифат таркиби, сўнгра уларнинг процент миқдори аниқланади. Толаларни ҳисоблаш қуйидагича олиб борилади. Шартли равишда ўлчов бирлиги сифатида кузатиш майдони диаметрига тенг қилиб тола узунлиги қабул қилинади. Препарат микроскопнинг толаларни ҳисоблашга қулай бўлган ўриндиққа ўрнатилади ва 10 та препарат таркибидаги толалар сони ҳисобланади. Агар масса композицияси икки тур толалардан иборат бўлса яъни целлюлоза ва ёғоч масса. Аниқланган толалар сони 60,2 + 112 =172,2. Уларнинг процент таркиби аниқланади. Целлюлоза = 35%. Ёғоч масса = 65% Бу усул билан қоғоз таркибида уч ва ундан кўп толаларни ҳам ҳисоблаш мумкин. Композицияни аниқлаш учун махсус журнал тутилади, олинган натижаларни ёзиб бориш қулай бўлиши учун жадвал тузилиб, маълумотлар унга ёзилиб борилади.

Адабиётлар: 1. Методическое указания по лабораторному практикуму для студентов химико-технологического факультета. Ленинград-1989. 2. Раҳмонбердиев Ғ. Р., Примқулов М. Т. Тошпулатов Ю. Т . Целлюлоза- қоғоз технологияси асослари. Т., “Алоқачи” 2009 й. 3. Гурьев А . В., Казаков Я. В., Камаров В. И., Хованский В. В . Практикум по технологии бумаги. Архангельск, Из-во АГТУ, 2001. 4. Примқулов М. Т., Юлдашев К. И., Холтаева Х. Ш. Пахта целлюлозаси солиштирма қовушоқлигининг полимерланиш даражасига боғлиқлиқ жадвали. Ўзбекистон кимё журнали. № 4, 42-44 бетлар, 2002 й. 5. Аким Э. Л. Обработка бумаги. М.: Лесная промышленность,1979. 6. Аким Э. Л. Синтетические полимеры в бумажной промышленности. М.: Лесная промышленность,1986. 7. Neimo Leo (Book Editor). Papermaking Cemistry. Jyvaskyla, 1999. 8. Научные основы химической технологии углеводов. Отв. Редактор. Д.х.н. проф. А. Г. Захаров. Москва. Изд. ЛКИ. 2008. – 528 с. 9. Костина Е.М., Могилевский Е.М. Исследование полидисперсности целлюлозқ методом дробного осаждения в кадмийэтилендиаминовом комплексе //химические волокна, 1968. - №6. - С. 31-36.

O'xshashlar

Целлюлоза пишириш бўлими асбоб ускуналари

Текис параллел ҳаракатдаги жисм ихтиёрий нуқтаси тезланишини қутб ва тезланишлар оний маркази усуллари ёрдамида аниқлаш

Босма маҳсулотнинг сифати

Материал балансини ҳисоблаш

Кимёвий воситаларни тайёрлаш ва таҳлил қилиш