So‘nggi Rim imperiyasi - Tarix - Referatlar

So‘nggi Rim imperiyasi

Yuklangan vaqt:

20.09.2019

Ko'chirishlar soni:

0

Hajmi:

59.5 KB

Ko'chirib olish

So‘nggi Rim imperiyasi Reja: 1. So‘nggi imperiya davri. 2. III asrda tushkunlik davri.. 3. Rim imperiyasining ikkiga bo‘linishi.

So‘ngi imperiya davri. Ill asr tushkunligi Kommod o‘ldirilganidan so‘ng turli guruhlar o'rtasidagi kurash fuqarolar urushiga olib keldi ( 193—197-yillar ) Turli provinsiyalardagi nishonlar o‘z nomzodlarini imperator deb e’lon qildilar: Suriyada imperator deb legat Pestsenniy niger e’lon qilindi, uni sharqdagi provinsiyalar tan oldi; Britaniyada, gall zodagonlari ham qo‘llab-quwatlagan Kladiy Olbin, Pannoniyada dunay provinsiyalari bilan legat Lutsiy Septimiy Sever hokimiyatini da’vo qildilar. Da’vogarlar o‘rtasidagi kurashda Shimoliy Afrikada tug'ilgan Septimiy g‘olib chiqdi va imperatorlik hokimiyatini egalladi (193—2II-yillar). Septimiy Severlar sulolasiga asos soldi (193—235-yillar). Uning davrida imperiya qo‘shinga tayanib boshqarildi. Septiley Sever qo‘shinda bir necha islohotlar o‘tkazdi. Rim qo‘shinlari Dunay va Suriya legionlaridan tashkil topa boshladi. Qo'shinni varvarlashuvi jarayoni chuqurlashdi. Legionerlar, turli lavozimdagi harbiylar qator imtiyozlarga ega bo‘ldilar. Oddiy legioner xizmat davomida yuqori harbiy lavozimlaigacha ko'tarilishigacha suvoriylar toifasi tarkibiga kirish, qonuniy oila ko‘rish huquqlariga ega bo'ldi. Legioner hukumatdan oziq-ovqat ulushi, ijarachi sifatida yer olar edi. Imtiyozlar, sovg'alar va turli yengilliklar qo‘shinda intizomni susayishi va aynishiga olib keldi. Imperator o‘z ma’muriyatini suvoriylar, asosan Afrika va Sharq provinsiya shaharlarining katta amaldorlari bilan toidirdi. Boshqaruv apparatida harbiylarning soni ko‘payib ketdi. Eski muassasalarga yangilari qo‘shildi, ularni shtatlari yildan-yilga oshib bordi. Eski magistrat lavozimlarga (kvestura, pretura va konsulat) byurokratik amalparatslik bosqichlari bo'ldi. Septimiy Sever kichik va o‘rta tabaqalar manfaatini ko‘zlab, ish olib bordi. Agrar muammo va qo‘shin saflarini to‘ldiradigan ijtimoiy qatlamlarni qo‘llab-quwatlash maqsadida davlat jamg‘armasi ixtiyoridagi yerlarni hadya qilish va sotishni yo‘lga qo‘ydi. Tashqi siyosatda u Parfiya bilan 195—199- yillar g‘olibona urush olib bordi. Mesopotamiya bosib olinib, Ktesifon

talandi. Britaniyada 208—211-yillarda kaledon qabilalari bilan g'olibona urush olib borildi. Severlarni navbatdagi vakili Karakalla (211—217-yillar) qo'shin va boshqaruv xarajatlarini qoplash maqsadida soliq to'lovchilar sonini oshirishni ko‘zlab 212-yilda provinsiyalarni barcha erkin aholisini rim fuqarosi deb e’lon qildi, lekin ular immunitetdan mahrum qilinib soliq to'lovchilarga aylandilar. Senatning mavqeyini pasaytirish va qo‘shinlarga tayanishni imperatorning o‘g‘li Mark Avreliy Antoniy Karakalla davom ettirdi. Karakalla 212-yilda imperiyaning barcha erkin aholisiga rim fuqarolik huquqini bergan mashhur ediktini e’lon qildi. Imperator 215-yilda Aleksandriyada undan norozi boigan aholisidan qattiq o‘ch oldi. Keyingi yil Karakalla Parfiyaga tinchlik va do'stlikni taklif qidi. Ammo u Parfiyaga bostirib kirib ko‘pgina Parfiya zodagonlarini qirib tashladi. Arbela shahrini talon-taroj qildi. Karakalla 35 yoshida fitna qurboni boidi 1 . Tez orada Karakallaning o‘gay onasini singlisi Mezani nevarasi Variy Avit Bassian legionlar tomonidan imperator deb e’lon qilindi. Finikiya quyosh xudosi Geliogabalni kohini bo‘lgan 14 yoshli Geliogabal (Varit Avit Bassian shu nom bilan tarixga kirdi) Rimga kelib, eng awalo, o‘zini sevimli xudosi sharafiga ibodatxona qurib har kun unga qurbonliklar keltirdi. Axloqi buzuq, kaltafahm o‘smir davlat ishlari bilan shug'ullanishni istamay ko‘ngil ochishga berilib ketdi. Ziyofat zallari pollarini atirgul yaproqlari bilan to‘shab, maishat qilayotgan do'stlariga misli ko‘rilmagan qimmatbaho sovg‘alar qildi, quyon terisi yoki qirg‘ovul patlari bilan qoplangan, so'rida yastanib yotdi; u tuyalar tovoni, xo‘roz tojini, tovus va bulbullar tilini yedi, baliq va tryufelni ustiga tuz o‘miga marvarid sepdi; uning bir tushlik ovqati 100 ming sestersiydan kam turmas edi. Imperator-kohin jamoa g'ashini keltirib oltin iplar bilan tikilgan, qimmatbaho toshlar bilan bezalgan ipak tunika kiyar edi. U aktyor, aravakash 1 Roger B.Beck, Linda Black, Larry S. Krieger, Philip C, Naylor, Dahia Ibo Shabaka ‘’World history: patterns of interaction’’. Oxford University Press. England I994. p.358-361.

va turli firibgarlami oliy davlat mansablariga tayinlab, qullar va ozod qo‘yilganlami provinsiya noiblari qildi.

Barchaning nafratiga sazovoi bo‘lgan Geliogabal 222-yil mart oyida onasi bilan harbiylar tomonidan oldirildi. Aqlsiz hukmdorning o'ligi Rim ko‘chalarida ilmoq bilan sudralib, keyin axlatga cho‘miltirilib, Emiliy ko‘prigidan Tibiga tashlandi. Severlar sulolasining so'nggi imperatori Aleksandr 235-yil o‘Idirilganidan so‘ng qo'shin davlat nazoratidan chiqdi. Legionerlar birin-ketin tarixshunoslikda «askar imperatorilari» deb atalgan hukmdorlami taxtga chiqardilar. Ular taxtda uzoq o‘tira olmadilar. Imperator Filipp Arab (244—249-yillar) davrida 248-yil aprelida abadiy shahar deb atalgan Rimning 1000 yilligi hashamatli bayram qilindi. Publiy Litsiniy Valeriyan (253—260- yillar) va uning o‘g‘li 35 yoshli Gallien (253 —268-yillar) davrida tushkunlik eng yuqori cho‘qqisiga chiqib, imperiya amalda bir necha qismlarga parchalandi. Galliya, Ispaniya va Britaniyada hokimiyatni Kassian Postum (258—268-yillar) bosib olib Gall imperiyasini, Sharqda Septimey Odinat (26I—267-yillar) qudratli Palmira podsholigini tuzdilar. Dunay provinsiyalari Bolqon va Misrda ham markazga bo'ysunmagan hukmdorlar paydo boidi. Faqat Illiriyalik 49 yoshli Mark Avreliy Klavdiy (268—270- yillar) imperator boMganidan so‘ng imperiyani qayta tiklash boshlandi. U alleman va gotlaming hujumlarini qaytardi, Dunay provinsiyalarini qayta tuzdi. Tez orada Klavdiy vabo kasalligidan vafot etdi, uning o‘miga yana bir illiriyalik 55 yoshli harbiy boshliq lutsiy Domitsiy Avrelian (270—275-yillar) taxtga o‘tirdi. Avrelian uzoqni ko‘ra oladigan, g‘ayratli siyosatchi bo‘lib, 27I- yilda u Shimoliy Italiyaga bostirib kirgan german qabilalari hujumini qaytardi va Rim atrofini 18—18 km. uzunlikdagi mustahkam mudofaa istehkomlarini qurishga buyruq berdi. Shu yilda imperator Dakiya provinsiyasiga safar qilib, imperiyaning Dunay chegaralarini barqaror qilishga harakat qildi.

Palmirada Odinatning bevasi Zenobiya hukmronlik qilar edi. Zenobiya qo'shinlari Suriya, Falastin, Kichik Osiyo va Mismi nazorat qilar edi. Avrelian 272—273-yillarda Zenobiya qo'shinlarini tor-mor qilib, Sharqiy provinsiyalarda Rim hokimiyatini tikladi. U Gall imperiyasini ham nisbatan qiynalmay bo‘ysundirdi. Shundan so‘ng Rim imperiyasining yaxlitligi tiklandi. Hukmdor davlatning iqtisodiy ahvolini yaxshilash uchun pul islohotini o‘tkazdi va o'zini ilohiy homiysi sifatida «yengilmas quyosh» xudosini joriy qilib, unga e’tiqod qilishga buyruq berdi (274-yil). Avrelianning hokimiyati mutlaq edi. U «janob va xudo» deb ulugianib, «davlatni qayta tiklovchi» unvoniga ega edi. Qattiqqoi imperator forslarga qarshi yurish vaqtida uyushtirilgan fitna natijasida 275-yilda o‘ldirildi. Imperiyada yana siyosiy beqarorlik, tartibsizliklar boshlandi. Davlat tizimini yemirilishi, ichki o‘zaro nizolar, german qabilalari hujumi va III asrda sharqda tashkil topgan qudratli Sosoniylar davlati bilan uzoq muvoffaqiyatsiz olib borilgan urushlar Rim imperiyasining tushkunligiga olib keldi. Ishlab chiqarish hajmlari keskin kamayib ketdi. Provinsiyalar o‘rtasidagi savdo aloqalari buzildi. Imperiyaning turli hududlari o‘rtasidagi iqtisodiy aloqalar zaiflashdi. Xo‘jalik tobora natural xususiyat kasb eta boshladi. Markaziy hokimiyat boshqaruv apparati va qo'shinini saqlab turish uchun juda katta sarf-xarajatlar qilib, davlat xazinasini barbod qildi. Davlat hokimiyati moliyaviy qiyinchilikni tugatish uchun pulni qadrsizlantira boshladi, pulning qadrsizlanishi yer-mulkni sotib olishda katta miqdorda pul sarflashga majbur qilar edi. Denariyda kumush miqdori 50% ga kamaytirildi. Ill asr oxiriga kelib, kumush denariy mis tanga qiymatiga ega bo‘lib qoldi. Pulning qadrsizlanishi iqtisodiyotga salbiy ta’sir ko'rsatdi, savdo- hunarmandchilik tushkunlikka uchradi.

Yerga ijara haqi keskin oshdi, bu kolonlarni xonavayron bo'lishiga olib keldi. Qarz majburiyati oshdi. Qullarning soni kamayib ishchi kuchiga bo'lgan ehtiyoj ortdi. Provinsiyalarda quyi tabaqa vakillarining qo‘zg‘olonlari ko'tarildi. Jumladan, III asrning 50-yillarida Galliyada dehqonlar va qullar qo‘zg‘oloni, shimoliy Afrikada dehqonlarning qurolli chiqishlari yuz berdi. Ill asrning 70—80-yillarida german qabilalarining imperiyaga hujumi kuchaydi. Dakiyani gotlar, sarmatlar va markomanlar bosib oldi. Imperiyaning shaharlariga tegishli bo'lgan juda ko'p yerlar qarovsiz qoldi. Shaharlar savdo- hunarmandchilik markazlari sifatida o‘z ahamiyatini yo'qotdi. Imperator buyrug‘i bilan bo‘sh yotgan yerlar qo‘shni shahar yoki magnatlar mulkiga qo‘shib berildi. Davlat hokimiyati g'arbiy provinsiyalaming magnatlariga urushda olingan asirlarni ishchi kuchi sifatida ishlatish uchun taqsimlab berdi. Bu asirlar kolonlarga aylantirildi. Dominat davrida imperiya 235-yilda navbatdagi imperator Aleksandr Sever o‘ldirilishi bilan hokimiyat uchun turli da’vogarlar o‘rtasida kurash boshlanib, bu siyosiy tushkunlik yarim ar.r davom etdi. Oddiy jangchilar ichida ham imperatorlikka da’vogarlar chiqdi. Jangchi imperatorlar bir- birlarini tez-tez almashtirdilar. Odatda, ularning barchasi o‘ldirilar edi. 284-yil kuzida tarixda Diokletian nomi bilan kirgan illiriyalik 39-yoshli Diokl (284—305-yillar) imperator deb e’lon qilindi. Diokletianning hukmronligi boshlanishi bilan so'ngi Rim imperiyasining davri yoki Dominat (284—476-yillar) davri boshlandi. Ozod qo‘yilgan qulning o‘g‘li tegishli ma’lumot olmagan, lekin aqlli va shafqatsiz bo‘lgan imperator Gay Avreliy Valeriy Diokletian hukmronligi vaqtida «Dominat» (latincha Dominus «janob», «xo‘jayin») nomini olgan siyosiy tizimning asoslari yaratildi. Diokletian davrida imperator hokimiyati mutlaq, cheklanmagan xususiyatga ega bo‘ldi; imperator-»xo‘jayin va xudo»- beso‘naqay harbiy byurokratik boshqaruv mashinasini boshqardi. Imperator o‘z fuqarolari hayoti va mulkiga egalik qildi.

Prinsipat davridan qolgan respublika muassasalari endilikda tugatildi. Senat bor yo'g‘i Rim shahar kengashiga aylandi. Saroyda sharq an’analari kiritildi. Diokletian yirik tashkilotchi va hushyor siyosatchi bo‘lgani uchun bir qator provinsiyalarni separat kayfiyatlarini hisobga olgan holda imperiyani 4 qismga bo‘ldi va o'ziga uch yordamchi (tetrarxiya)ni belgiladi. Bundan tashqari imperiya 10I provinsiyaga bo’linib, bir necha provinsiyalar yana kattaroq ma’muriy birlik Dioses (jami 12 dioses)ga birlashtirildi. Diokletian imperiyani siyosiy ahvolini nisbatan barqaror holatga keltirib, iqtisodiyot va moliyani sog’lomlashtirishga qaratilgan qator tadbirlami amalga oshirdi. Pul muomulasi unifikatsiya qilindi, provinsiyalarda pul zarb qilish taqiqlandi va 286-yilda to‘la qonli tilla, kumush va mis tangalar zarb qilina boshlandi. Soliq tizimi ham isloh qilindi, ilgari soliqlar pul bilan emas, mahsulot bilan ko'proq olinar edi. Imperator soliqqa tortish tizimini unifikatsiya qildi, 289—290-yillar imperiya aholisi yalpi ro‘yxatdan o‘tkazildi. Ro'yxatga olish har 15 yilda bir marta takrorlanishi kerak edi, soliq kvotalari 5 yilda bir marta qayta ko'rilar edi. Ekin yerlari va yaylov o‘tloqlar kadastri tuzilgan edi. Qishloq aholisi ekin yeri, yaylovlar sifati, chorva va boshqa mulkka qarab yer solig‘i to‘lar edi. Hunarmand-savdogarlar esa qator soliqlarni to‘lar edilar. Diokletian juda ko‘p inshootlarni qurdi. Saroylar, sirk, Rimda termalar, Illiriyadagi Salona shahrida (Hozirgi Bosniyadagi Split)gi ulkan saroy ansambli bunyod qilindi. Diokletianning eng oxirgi tadbirlaridan biri nasroniylik dinini ta’qib qildi. 303—304-yillarda keksa va kasal Diokletian yordamchisi Galeriy tazyiqi ostida nasroniylarga qarshi o‘zini 4 ediktini e’lon qildi. Rim imperiyasi g'arbiv va sharqiy qismlarga boMindi. Italiya, shuningdek, imperiya markazi sifatida imtiyozini to‘la yo‘qotdi. Agar II asr boshlari Trayan davri provinsiyalarining soni 45 ta bo‘lsa, endilikda eski bepoyon provinsiyalaming bo‘lish yo‘li bilan ularning soni 108 taga yetdi.

Diokletian markazi Nikomediya boMgan imperiyaning sharqiy qismini boshqardi. Markazi Mediolon (Milan, Shimoliy Italiya) boMgan g'arbiy qismini Maksimian boshqaruviga topshirdi. Diokletian va Maksimian «Avgust» unvonini olib, o‘zlariga yordamchi olib, ularga «Sezar» unvonini berdilar. Sezarlar avgustlarning avlodi hisoblangan Diokletianning fikricha bunday tartib imperiya birligini saqlashga yordam berishi, viloyatlarda hokimiyatning zo‘rayonlik bilan tortib olinish imkoniyatiga yo‘l qo‘ymasligi va shuningdek, Rim davlat chegaralarini qo'riqlashni osonlashtirishi lozim bo‘lgan. German qabilalarining Rim hududiga doimiy ravishda bostirib kirishi harbiy islohot o‘tkazishga majbur qildi. Qo‘shinning soni ko‘paytirildi. Endilikda yirik yer egalari kolonlar va ozod qo'yilgan qullardan jangchilar berishga majbur edilar. Harbiy xizmatga german qabilalarining qismlari-federatlar qabul qilina boshlandi. Bundan tashqari, qo‘shinni tezkor harakat qilishini ta’minlash uchun chegara qo‘shinlari va harakatdagi qo'shinlarga bo‘lindi. Chegara qo‘shinlari imperiyaning mustahkamlangan qa’lalar va chegaralarida joylashtirildi.

Harakatdagi yoki zaxiradagi qo‘shin urush xavfl bo‘lgan chegara hududiga yuborish uchun jangovor holatda saqlab turildi. Davlat hokimyati narx-navo va ish haqining o‘sishi ustidan qat’iy nazorat o‘rnatdi. Bir vaqtning o‘zida soliq va pul islohotlari o‘tkazildi va natijada ijtimoiy-iqtisodiy tushkunlik vaqtinchalik bartaraf etildi. Ill asr oxiri IV asr boshlarida o‘tkazilgan ma’muriy-harbiy va iqtisodiy islohotlar ulkan Rim davlatini umrini yuz yildan ko‘proq vaqtga kamaytirdi. Rim imperiyasining ikkiga bo‘linishi Diokletian va Maksimian 305-yil 1-mayida hokimiyatdan voz kechdilar.Taxtdan voz kechgan Diokletian Salonaga ko‘chib borib gul va sabzavot yetishtirish bilan shug‘ullandi. 313-yilda 68 yoshida vafot etdi. Konstansiy I Xlor va Galeriy imperatorlar deb e’lon qilindilar. Vorislar o‘rtasida taxt uchun kurash boshlanib, bu kurashda Diokletianning yordamchilaridan birining o‘g‘li Konstantin (306—337-yillar) g‘olib chiqdi. U raqiblari bilan bir necha yil kurash olib borib Rim imperiyasining yagona hukmdoriga aylandi. Konstantin imperiyani 4 ga bo‘linishini saqlab qoldi, lekin boshqaruvni birov bilan baham ko'rish tizimini yo‘q qildi. Endilikda imperiya qismlarini unga bo‘ysunadigan prefektlar boshqardilar. Konstantin uzoqni ko‘ra oladigan, aqlli siyosatchi edi. U 200 yildan beri ta’qib etilayotgan nastoniy dinini kuch-qudratini davlat hokimiyatini mustahkamlashdagi muhim o‘rnini anglab yetdi. Shu sababli 313-yilda u o‘zining Milan edikti bilan nasroniylik dinini boshqa dinlaiga tenglashtirdi. Shu lahzadan boshlab xristian cherkovi imperator hokimiyatining ittifoqchisi va himoyachisiga aylandi. Imperator 330-yil 2-may kuni poytaxtni sharqiy qism Bosfor qirg‘og‘iga tantanali ko‘chirdi. Eski yunon koloniyasi Vizantiy qayta qurilib kengaytirildi. Yangi poytaxtni qurilishi va bezatilishi uchun ulkan miqdorda mablag‘ saflandi. Saroylar, stadion, ippodrom, termalar va kutubxonalar qurildi. Rimdan ulkan miqdorda haykallar olib kelindi. Shahar imperator sharafiga yangi nom Konstantinopol deb ataldi.

Poytaxtni sharqqa ko‘chirilishi tasodif emas edi. Sharqiy provinsiyalar g'arbdagilarga qarganda madaniy va boyroq edi 2 . Konstantinning o‘limidan so‘ng taxt uchun yana kurash boshlandi. Hokimiyat uning o'g‘li Konstansiy qo‘liga, keyin esa uning nevarasi Yulianga o‘tdi. Yulian eski Rim dinini tiklashga urindi, lekin muvaffaqiyatga erishmadi.Hokimiyatni uning o'gii Konstansiy egalladi. Uning o‘rniga kelgan Flaviy Klavdiy Yulian (361—363-yillar) eski Rim dinini tiklashga urinib xristian cherkovini imtiyozlarini bekor qildi. Keyingi imperatorlar Valentinian I va Valent bir vaqtning o‘zida imperiyaning g‘arbiy va sharqiy qismlarini boshqardilar. Ularning davrida germanlarning hujumi kuchaydi. 378-yilda Frakiyadagi Adrianopol shahri yonida vesgotlar Rim qo‘shinlariga kuchli zarba berdilar. Qaysiki shundan keyin Rim imperiyasi hech qachon tiklana olmadi. Imperator Valent jang maydonida halok bo‘ldi, eng yaxshi zobitlar qurbon bo‘ldilar. Endilikda Rim imperiyasi hech qachon chegaralarini himoya qilish uchun yetarlicha qo'shin to‘plash imkonoyatidan mahrum bo'ldilar. Endi chegaralarni qo‘riqlash germanlardan olinadigan ishonchsiz qismlarga topshirila boshlandi. Germanlar ko‘plab miqdorda rim qo‘shiniga olina boshlandi. Ular oliy harbiy mansablarni egallay boshladilar. Imperator Feodosiy I vestgotlarga Illiriya viloyatini bo‘shatib berib, shu bilan Konstantinopolni bosib olishidan saqlab qoldi, Feodosiy 394- yilda tarixda so‘nggi marta imperiyani har ikkala qismini ham bir qo‘lga to'pladi, lekin u bir yildan so‘ng vafot qildi va rim imperiyasi batamom ikkiga bo‘lindi. Imperiyaning g‘arbiy qismini uning II yoshli o‘g‘li Gonoriy, sharqiy qismini uning 28 yoshli ukasi Arkadiy boshqara boshladi. Gonoriy (395- yillar) davrida imperiyaning g‘arbiy qismi germanlarning hujumlari bilan to‘la yemirilishi davri bo’ldi. Alarix Rimdan, vestgotlar Galliyaga chekindilar. Ammo g‘arbiy Rim imperiyasi bu paytda o‘z umrining oxirgi lahzalarini boshdan kechirar edi. 407- yilda rimliklar Britaniyani tashlab ketdilar. 2 Roger B.Beck, Linda Black, Larry S. Krieger, Philip C, Naylor, Dahia Ibo Shabaka ‘’World history: patterns of interaction’’. Oxford University Press. England I994. p.362-365.

409-yilda vandallar, sveblar va allemandlar Ispaniyani bosib oldilar. 415- yilda vestgotlar Rimdan Galliyani ajratib oldilar. 429-yilda vandallar va boshqa german qabilalari Ispaniyadan Afrikaga o‘tdilar. Vandallar qirol Geyzerix boshchiligida 455-yilda Rim shahrini egallab uni buzib tashladilar. Odoakr imperator hokimiyani ramzlarini Konstantinopolga jo'natdi. Bu voqea G‘arbiy Rim imperiyasining tugashi deb hisoblanadi. Sharqiy Rim imperiyasining hukmdorlari germanlarning hujumlarini bartaraf qilib o’z boshimcha qo‘mondonlarni yo‘q qildilar. Sharqiy Rim imperiyasi yana ming yil yashab, tarixga Vizantiya imperiyasi nomi bilan kirdi.Diokletian va Konstantinning islohotlari imperiyaning yemirilishi jarayonini sekinlashtirdi, lekin uni to‘xtata olmadi. IV asrda jonlangan ichki savdo to'xtadi. Ko‘p shaharlar tushkunlikka yuz tutdi. Butun imperiya bo‘ylab natural xo'jalikka qaytish boshlandi. Pul tizimi ishdan chiqdi. Soliqlarni to‘lash qiyinlashdi. Shaharlardan aholi ko‘chib keta boshladi. Konstantin shahar aholisini ko‘chib ketishini kolonlami o‘z yerlarini tashlab ketishlarini rasman taqiqladi. Yirik yer egalari latifundistlar barcha soliqlarni natural tarzda to‘lashni yuklatdi. Ularning hokimiyati kengaydi. Shaxsiy erkin kolonlarning ahvoli qullarning ahvolidan kam farq qildi. So‘ngi imperiya davrida yirik yer egalari o'zlariga qaram bo’lgan mahalliy aholi ustidan o‘z amaliy hokimiyatlarini amalga oshirdilar. Ular o‘z qo‘shin va qamoqxonalarini tashkil qildilar. Ijtimoiy aloqalarning bunday yangi ko‘rinishini shakllanishi so‘nggi Rim jamiyatini sekin-asta feodallashuvini bildirar edi.

Adabiyotlar : 1. Xalqaro munosabatlar tarixi va diplomatiyasi. Hammualliflikda, T., 2009. 2. Qadimgi dunyo tarixi. Y.S. Krushkol taxriri ostida. 2-j. T., I975. Хрестоматия по истории Древней Греции. Под. Ред. Д.П.Каллистова. М., I964. 3. Хрестоматия по истории Древнего Рима. Под. Ред. С.Л.Утченко. М., I962. 4. Rajabov R. Qadimgi dunyo tarixi. Toshkent 2009. 5. Античная Греция. Под.Ред. Е.С.Голубцовой. М., I983. Т., I-2. 6. Гафуров Б.Г. Цибукидис Д.И. Александр Македонский и Восток. М., I980.

O'xshashlar

Rim Respublikasining qulashi. Rim imperiyasi

Ilk Rim imperiyasi Oktavian Avgust hukmronligi prinsipat

Respublika tuzumining inqirozi va ilk Rim imperiyasi davri

IV-V asrlarda Rim imperiyasi va quldorlik tuzumining inqirozi

Ossuriya imperiyasi