Музей экспозициясининг меъморий -бадиий ечими - Tarix - Referatlar

Музей экспозициясининг меъморий -бадиий ечими

Yuklangan vaqt:

24.09.2022

Ko'chirishlar soni:

0

Hajmi:

35 KB

Ko'chirib olish

Музей экспозициясининг меъморий -бадиий ечими Режа : 1. Асосий тамойиллар. 2. Меъморий-бадиий ечим. 3. Экспозицион ансамбль.

Музейлар ишининг нечоғли самарали бўлиши музейларда ишлаб чиқилган меъморий - бадиий лойиҳага ҳам катта роль ўйнайди. Музей санъат ашёлари сақланадиган муассаса экан, бунда гўзаллик, илмийлик, тарихийлик, холисликка катта эътибор беришни талаб этилади. Экспозициянинг меъморий - бадиий ечимига услубий асос қилиб замонавий эстетика фани ютуқлари олинади. Аммо меморий - бадиий ечим музей экспозицияси мазмун ва шаклига мос тушиши керак. Бу тамойил бузилса фақат шакл келиб чиқиб асл манба -ашёларнинг моҳияти очилмай қолиши мумкин. Замонавий экспозициянинг энг оптимал турларидан бири бир-бири билан боғлиқ ансамбл (мажмуалар) яратишдир. Шуни алоҳида таъкидлаш жоизки, меморий - бадиий ечим ашёларининг асосий ғоя ва моҳиятига мутлақо мос тушиши керак. Рассом воқеликни, тарихни, тарихий жараёнларни чуқур билиши керак бўлади. Шу асосда турли фантазиялар яратилади. Бундан ташқари бадиий лойиҳалашда рассом психологи ва педагогикани,инсоннинг психофизик холатларини ҳам ҳисобга олиши керак. Чунки асл ашёлар санъат асарлари бўлиш билан бирга умуминсоний қадриятлар ҳамдир. Демак музейда ашёларни «сўзлатиш» нафақат ўша ашёнинг мазмун ва моҳиятини очиб бериш, балки тарихий жараёнларни етказиб бериш, бу орқали кишиларда санъат ва маърифатга муҳаббат уйғотиш ҳамда тарбиялашдир. Музей экспозицияларининг зерикарли бўлмаслиги кўпроқ меъморий -бадиий ечимга боғлиқдир. Яна шуниси муҳимки, экскурсовод ва фильмлардан ташқари деярли барча экспозициялар кўз билан кўриб, тушунилади. Томошабин чарчаб қолмаслиги, зерикмаслиги учун рассом турли услубларни қўллаши керак бўлади. Экспозициялар яратишда рассомнинг энг илғор услубларидан бири ижодийлик услубидир.

Агар рассомда изланиш, тадқиқот ва малака қанча кучли бўлса экспозиция ҳам шунчалик чиройли ва илмий чиқади. Экспозициялар меъморий-бадиий ечимда музейнинг жойлашиши ва қурилиш услуби, залига эътибор берилади. Бир музейга ишланган меъморий- бадиий ечим иккинчи музейга мос тушмаслиги мумкин. Меъморий-бадиий ечим мавзуни тўлақонли ва зерикарсиз тушунтириш билан бирга кишиларда эмоционал туйғуларни, завқ олдириш ҳиссини уйғотишни ҳам ўз зиммасига олади. Экспозицион ансамбль деганда биз маълум кенгликда жойлашган (бино ичида ва очиқ осмон остида ) ашёларнинг ранги, ёруғлиги, пластик ва драматургик уйғунлашган композициясини тушунамиз. Экспозицион ансамбл яратишда асосий, ишончли ашёларни танлаш, иккинчи даражалиларни ажратиш ортиқчаларини олиб ташлаш, томошабинга тушуниш қийин бўлган ашёларни тушунишнинг осон йўлини излаб топишга эътибор қаратилади. Бир сўз билан айтганда ашёларни ўзаро алоқалари, ичидаги энг асосийси ва мажмуавий бўлишини таъминлаш бадиий- экспозицион образ яратишнинг асосини ташкил этади. Экспозицияларни турли залларда жойлаштириш учун бош ечим ишлаб чиқилади. Унда ашёларнинг хусусиятлари, залларнинг қурилиш услуби, ёруғлик ва бошқа жиҳатлар ҳисобга олинган бўлади. Умуман айтганда томошабинларда илмий малака ошириш, дам олдириш, эстетик завқ олдириш асосан меъморий-бадиий ечимга боғлиқ бўлади.

Адабиётлар : 1. Вопросў совершенствования музейнўх экспозиций. М., 1981. 2. Дмитриева Н.А. Изображение и слово. 3. Кликс К.Р. Художественное проектирование экспозиций. М., 1979. 4. Михайловская А.И. Музейная экспозиция. М., 1964. 5. Мозийдан садо. 1999, №1-2. 6. Музееведение. Музей исторического профиля. М., 1988.

O'xshashlar

Музей экспозицияси

Музей фондларини тўлдириш

Музей фондларини сақлаш

Музей ашёларини ўрганиш

Музей ашёларини ҳисобга олиш