III–IV асрларда Рим давлати христианлик инкирози - Tarix - Referatlar

III–IV асрларда Рим давлати христианлик инкирози

Yuklangan vaqt:

26.09.2022

Ko'chirishlar soni:

0

Hajmi:

73.5 KB

Ko'chirib olish

III–IV асрларда Рим давлати христианликIII–IV асрларда Рим давлати христианлик инкирозиинкирози Режа: 1. Кулдорлик тизимининг инкирози 2. Рим императорларнинг ички ва ташки сиесат 3. Христианликнинг вужудга келиши

III-IV асрлар Рим салтанати хўжалигида жиддий кийинчиликларга дуч келинган, кулдорлик хўжалигининг инкирози, эркин ишлаб чикарувчиларнинг хонавайрон бўлиши давридир. Римда кулчилик бошка мамлакатларга нисбатан жуда ривожланган эди. У ерда куллар сони кўп бўлиб, дастлаб уларнинг меҳнатидан кенг фойдаланилган. Бора-бора куллар меҳнатининг унумдорлиги камайиб кетган. Чунки куллар меҳнати эвазига олинган ҳосилнинг асосий кисми кулдорларга тегар эди. кулдорлар уларни уй- жой, озик-овкат ва оддий кийим-бош билан таъминлар эдилар, холос. Уларга кўшимча маҳсулот берилмас, ҳак тўланмас эди. Шунинг учун куллар мумкин кадар камрок ва емонрок ишлардилар. куллар ўз хўжайинларга нафрат билан карар, меҳнат куролларини синдирар ва иш, чорва молларни ўлдирар ёки майиб килардилар. Илк кулчилик кулдорлик жамиятининг ривожланишида катта ўрин тутган. Аммо кейинчилик куллар меҳнатининг самараси пасайиб, техниканинг ривожланишига тўскинлик кила бошлаган. Рим ихтирочилари ер ҳайдашда тупрокни ағдариб берадиган тишли сўка ва ҳўкиз кўшиб ишлатиладиган ўрок аравалар ясаганлар. Эркин деҳконлар ва ижарача корондалар ихтиро килинган янги куроллар билан ерга ишлов бериб юкори ҳосил олганлар. Ўрок аравалар ёрдамида ғаллани ўриб олганлар, чунки улар ўз меҳнатидан манфаатдор эдилар. кулдорлар эса янги меҳнат куролларини кулларга ишониб топширолмасдилар. Уларга эски оддий куроллар берилган. Деҳкончилик, ҳунармандчилик ва чорвачиликда асосий меҳнатнинг куллар зиммасига юкланиши хўжаликнинг оркага кетишига олиб келган. Шу тарика куллар меҳнати кулдорлар учун фойдасиз бўлиб колган. Айни пайтда кўп кулга эгалик килиш ҳам жуда хавфли эди.

Император ҳокимнинг кучсизлангани сари кулларнинг ғалаёни кулдор учун даҳшатли куч бўлган. куллар меҳнатининг самарасизлигини кўрган кўпгина ер эгалари ўз хўжаликларидаги ерларни кичик-кичик кисмларга бўлганлар. Улар бу ерларни ерсиз эркин камбағалларга ижарага берганлар. Кичик – кичик ерларни ижарага олган кишилар Римда колонлар деб аталган. Колов ердан чиккан ҳосилнинг маълум кисмини хўжайинга бериб, колганини ўзи олиб колган. Ўз меҳнатидан мафаатдор бўлган колон кулга караганда бир неча бор яхширок ва унумлирок ишлаган, чунки у эркин меҳнат килган. Уларни назорат килиш ҳам керак эмас эди. Айни пайтда колонлар чорва моллари, ер ва меҳнат куролларга эҳтиёткорлик билан караганлар. Кўп ҳолларда ер эгаси колонлари уруғлик, иш ҳайвони ва меҳнат куроллари билан таъминланган. Агар колонлар ер эгасидан карздор бўлиб колса, у хўжайин еридан ҳеч каекка кета олмас эди. Ер эгалари бундан фойдаланиб, ижара ҳакини оширар эдилар. Италияда Юнонистонга нисбатан серунум ерлар ва серсув дарёлар кўп эди. Шунинг учун астойдил меҳнат килган деҳконлар ердан мўл-кўл ҳосил олишлари мумкин бўлган. Италияда яйловлар кенг майдонларни эгаллаб ётган. Шу боисдан Италияда чорвачилик ҳам анча ривожланган. кулдорлар кулларга ер, чорва, меҳнат куроллари ва бошка анжомлар бериб, мустакил иш юритишга имконият яратганлар. Бундай шароитда куллар оилали бўлиб анча эркин яшаганлар. Бундай куллар кулбали еки уй- жойли куллар деб аталган. Улар бола- чакалари билан барча астойдил меҳнат килиб, ердан мўл-кўл ҳосил олганлар. Ҳосилнинг бир кисми хўжайинга берилса, колган кисми кулнинг ўз ихтиёрида колган. Бундан ҳар икки томон

манфаат кўрган. Айни пайтда бу куллар бошка ёкларга кетмас, меҳнат куроллари ва иш ҳайвонларига зарар келтирмасдилар. Кулбали кулларнинг аҳволи оддий кулларнинг аҳволига нисбатан анча яхшилана бошлаган. Аммо кулларининг такдири аввалгидек, ўз хўжайинларининг кўлида бўлган. Шаҳарлардаги кулдорларнинг бир кисми ўз кулларига устохоналар очиб, ҳунармандчилик билан шуғулланишга ҳам рухсат берганлар. Баъзи куллар кичик дўкончалар очиб, тижорат ишлари билан ҳам шуғулланганлар. Меҳнатлари эвазига бойиб олган куллар пул, мол- мулк эвазига ўз озодликларини сотиб олиб, эркин кишиларга айланганлар. Шундай килиб хўжалик ҳаётида феодал муносабатларнинг кўринишлари юзага келиб, кечаги куллар энди карам деҳкон, чорвадор ва ҳунармандга айланиб борганлар. II аср охирларида Рим салтанати тахтини северлар сулоласи эгаллаган. Сулоланинг асосчиси Септимий Север 193-211 йилларда императорлик килган. У ўз кўшинини Фракия, Рейн ва Дунай бўйи кабилаларидан олиган жангчилар ҳисобига кўпайтирган. Бу вилоятлардаги бой аслозодалар Рим кўшини ва идораларида олий лавозимларни эгаллаганлар. Улар Рим фукароси ҳукукини ҳам олганлар. Улар кўшинга таяниб император ҳокимиятини мустаҳкамлаганлар. Септимий ва унинг ўғиллари даврида сенат ва сенаторларнинг обрўси тушиб кетган. Мамлакатда ички зиддият ниҳоят даражада кучайган. Императорлар кўшин кўмондонларидан жуда кўркар эдилар. Северлар сулоласининг кўп намояндалари жангчилар томонидан ўлдирилган. Сулоланинг сўнгги вакили Александр (222–235) салтанатнинг ички аҳволини яхшилаш учун катор тадбирлар кўрган. У шаҳарларига алоҳида эътибор бериб, уларга ҳомийлик килган. Римдаги

тоифалар тафовутини йўк килиб катта ер эгаларига яна имтиёзлар берган. Бу ҳол ҳарбийлар орасида норозилик келтириб чикарган. У ҳам фитна окибатида ҳарбийлар томонидан ўлдирилган. Александр ўлдирилгандан сўнг лашкарбошилардан Максим деган киши император бўлган. Рим аслзодалари ва сенат унинг ишидан норози бўлган. Кўп ўтмай Максим ҳам ўзаро урушлар даврида ҳалок бўлган. Шундан кейин Рим аслзодалари орасида тож-тахт учун кураш кизиб кетган. 235 йилдан 284 йилгача Рим тахтига 19 император ва 30 дан ошик ҳукмдор келиб кетган. Римдаги сиёсий тушкунлик Рим кўшинларининг кучсизланишига олиб келган. Салтанат чеккасидаги кўшни давлатлар ҳам Римни менсимай кўйганлар. Шаркда Эрон кўшинлари Мессопотамия, Сурия ва Кичик Осиёдаги шаҳар ва кишлокларни талон-тарож килганлар. Якингинада Рим кўл остида бўлган Арманистон унинг таъсиридан чикиб кетган. Антиохия кўлдан кетган. Бир неча жангларида сўнг Эрон кўшинлари римликларни тор-мор килганлар. Шимолидан франк, герман ва дунай кабилаларининг тазйики кучайган. Шимолий Африкадаги кабилалар ҳам Римга карши бош кўтарганлар. 253 –268 йилларида императорлик килган Галлилен Рим салтанатини тушкунликдан куткаришга уриниб кўрган. Аммо унинг ҳаракатлари беҳуда кетган. III аср ўргаларида Рим салтанатида ажралиш юз берган. /арбда Испания, Галлия ва Британияни ўз ичига, олган Галлия салтанати ташкил топган. Унинг марказий шаҳри Трир бўлган. III асрнинг иккинчи ярмига келиб Шаркда Миср ва Пальмира давлатлари ажралиб чиккан. Шу тарика бир вактда кудратли бўлган Рим салтанати парчаланиб кета бошлаган. Салтанатдаги оғир вазият Римнинг ҳукмрон табакаларини саросимага солиб кўйган. Улар императорлар билан муроса килиб ўз мавкеларини тиклаб олмокчи бўладилар. 270-275 йилларда

императорлик килган Аврелиан аслзода ва маҳаллий аҳолидан кўшини тўплаб, халк ҳаракатларини бостириб, салтанат бирлигини тиклашга ҳаракат килган. Унинг кўшинлари тотларни Дунай бўйидан ҳайдаб юборган. Италияга бостириб киришга уринаётган кабилаларнинг ҳужуми ҳам кайтарилган. Аврелиан Римни душманлардан ҳимоя килиш максадида шаҳарни калин мудофаа девори билан ўраттирган. 273 йили Аврелиан кўшинлари Пальмира шаҳрини ишгол килиб, уни вайрон этганлар. Галлия ҳокими Тетрик ҳам багаузлар ҳаракатининг кенгайиб кетишидан кўркиб Аврелианга итоат этган. Аврелиан салтанат бирлигини саклаш максадида «Енгилмас куёш» деган янги дин жорий килган. Унга ҳамманинг сиғиниши талаб этилган. Бу динга эътикод килишдан бош тортган кишилар фитначи ҳисобланган. Христианлар ҳам таъкиб килинганлар. Шу туфайли Аврелиан ўзига кўп душман орттирган ва 275 йили фитначилар томонидан ўлдирилган. Унинг ишини Проб (276–282) давом эттирган. У Рим салтанатининг чегараларини муваффакиятли ҳимоя килган. Лекин у кўшни орасидаги тартибсизликни енга олмаган. У жангчилар орасида каттик интизом ўрнатишга ҳаракат килган Проб фаолиятидан норози бўлган ҳарбий бошликлар уни ҳам ўлдирганлар. III аср оҳирларидаги оғир сиёсийвазият 284 йилда ҳокимият тепасига келган Диоклетиан даврида доминат тартибининг юзага келишига сабаб бўлди. Бу масала хусусидаги фикрлар келгуси маърузада давом эттирилади. Милоддан аввалги I аср бошларида Рим ва унга карашли жойларда зулм кучайиб кетган. Зулмга карши куллар, колонлар ва камбағалларнинг оммавий кўзғолони бошланган. Аммо бу кўзғолонлар шафкатсизлик билан бостирилган. кўзғолончилар Рим легионларига карши курашиб, уларни енга олмасликларига икрор бўлганлар. Италиядаги кашшок ва мазлумлар

яхши яшаш ва озодликка эришиш учун ўз худоларига асрлар мобайнида илтижо килиб келганлар. Лекин бу илтижолар уларнинг аҳволини яхшиламаган. Бора-бора мазлумлар орасида эски маъбуд, маъбуда ва худоларга ишончсизлик кучая борган. Рим императорлари ва золимларга карши курашда ожиз бўлган мазлумлар орасида ўзларига озодлик келтирадиган, золимларни жазолайдиган кудратли худога ишониш вужудга кела бошлайди. Мазлумлар кудратли худо ва унинг марҳаматли пайғамбарларини токатсизлик билан кутганлар. Бу худо ва унинг дастлабки пайғамбари Исо эди. Исо пайғамбар номи мусулмон дунёсининг улуғ китоби «куръон»да ҳам бор. Шарк йилномаларига караганда, милод бошларида Биби Марямдан бир чакалок туғилади. Унга Исо деб ном кўядилар. У ўсиб, улғайиб, пайғамбарлик даражасига эришади. У кишлокма-кишлок юриб, якка худога эътикод килишни тарғиб килади. Ривоят килишларича, Исо мурдаларни тирилтирар, сувни шаробга айлантирар, ҳар турли мўъжизалар килишга кодир экан. У аслзодаларни, бойларни ва мулкдорларни инсоф, адолатга, камбағал ва бева-бечораларга шафкат килишга чакирган. У будпарастлик ва кўп худоликларни коралаган. Бунга карши римликлар уни бут ёғочига тортиб, оёк ва кўлларидан михлаб ташлаганлар. Гарчи у пайғамбар бўлса ҳам, барча азоб-укубатларга мардонавор бардош берган ва ўлган. У уч кун давомида бут ёғочида колиб, сўнг тирилган ва арши аълога чикиб кетган. Аммо у кетиши олдидан яна ерга кайтиб тушишини айтиб кетган. Исо христианликни тарғиб килган киши сифатида машҳур бўлган. I аср охири II асрда Исо ҳакидаги бу ривоят ёзиб олинган. Бу ривоятлар юнонча «евангелие» – «хушхабар» деб аталган.

Бу ривоятларда Исо ва унинг ҳаёти ҳакида кўпгина маълумотлар бор. Унда атоатсиз бой аслзодалар, хасис мулкдорлар кораланади, уларнинг албатта дўзахга тушишлари айтилади. Улар орасида камбағал одамлар манфаатларини ифода этувчи фикрлар ҳам талайгина. Мазлум халкка шу нарса керак эди. Мазлумларнинг Исо эътикодига сиғиниши ҳам шу боисдандир. Евангелиеда халкнинг куйи табакаси манфаатларини ифода этувчи гаплар кўп бўлган. Шунинг учун бу таълимотга куллар ва камбағаллар кўпрок эришганлар. Улар ўз азоб-укубатларининг муносиб такдирланиши, зулмкорларнинг жазоланишига чин дилдан ишонганлар. Исо ҳакидаги ривоятларга ишонган ва бу таълимотни кабул килган кишилар ўзларини христианлар деб аташган. Улар ўз динлари ва эътикодларини христианлик деб атаганлар. Христиан таркиботчилари бу таълимотни Ўрта ер денгизининг шаркидаги мамлакатлар бўйлаб тарғиб килганлар. Кейинчалик христиан дини Рим салтанати бўйлаб кенг таркала бошлаган. Христианлар орасида яҳудийлар, араблар, юнонлар, мисрликлар, Кичик Осиёликлар, галлар ва бошка халкларнинг вакиллари бўлган. Христианлар жамоаларга бирлашиб ибодат килганлар, евангелиеларни ўкиганлар. Уларнинг ўз байрамлари бўлиб, ўз вактида нишонланган. Масалан, Исонинг туғилган куни 25 декабрда нишонланган. Христианлар худо дунёни 6 кунда яратган, деган ривоятни кабул килганлар. Улар бир худоликни тан олиб тарғиб килганлар. Улар императорларига сажда килишдан бош тортганлар. Шу боисдан Рим императорлари ва маъмурлари уларнинг йиғилишларини такиклаганлар. Лекин христиан жамоалари ертўла ва ташландик тош конларида тўплаганлар. Императорлардан Диоклетиан христианликка карши чикиб, христиан дини аъзоларини таъкиб остига олган. У ўзини худо Юпитернинг ўғли деб эълон килган.

II асрдаги Рим салтанатининг нотинч вазияти бой-бадавлат кишиларни ташвишга солиб кўйган. Христиан тарғиботчилари кишиларни сабр-каноатли ва итоатли бўлишга чакирганлар. Улар: «куллар, худодан кўркинг, ҳар соҳада хўжайинларингизга итоатда бўлинг», - деб таълим берганлар. Бу бадавлат кишиларга ҳам маъкул тушган. Улар ҳам христианликни кабул килганлар. Чунончи, императорлардан Константиннинг ўзи христианликка кириб, уни ҳукмрон динга айлантиришга ҳаракат килган. У 313 йилда христианларнинг ошкора тўпланишига ижозат берган. Айни пайтда Константиннинг ўзи ва бойлар христиан черковларини куришишларига катта маблағ ҳам берганлар. Шу даврда Римнинг турли жойларида катта ибодатхоналар ва черковлар курилган. Шундай килиб, христиан дини кул ва камбағаллар динидан умумдавлат динига айланган. Христианлик ўзига хос диний ташкилот эди. Христианларнинг ўз ички тартиблари бўлган. Жойлардаги христиан жамоаларига епископ- нозир раҳбарлик килган. Епископ сайлаб кўйилган ва у диний ишларга раҳбарлик килган. Ҳар бир вилоят ва шаҳарнинг ўз епископи бўлган. Епископлар бир-бирлари билан алока килиб турганлар. Христианларнинг минглаб жамоаларини бирлаштириб турган ўз ташкилоти ҳам бўлган. У христианлар черкови деб аталган. У бутун салтанат аҳолиси ўртасида ғоят катта нуфузга эга бўлган. Барча епископлар унга итоат этганлар. Ҳозир ҳам Европа, Америка аҳолисининг катта кисми, осиёликларнинг бир кисми христиан динига эътикод киладилар.

Адабиетлар : 1. Гай Светоний Транквилл. Жизнь двенадцати Цезарей. М., 1988. 2. Утченко С.Л. Кризис и падение Римской республики. М., 1965. 3. Корсунский А.А. Юнтер Р. Упадок и гибель западной Римской империи и возникновение германских королевств. М., 1984. 4. Санчурский Н.В. Римские древности. М., 1995. 5. Кузиҳин В.И. Античное классическое рабство как экономическая система М., 1990. 6. Кадимчи дунё тарихи. II-кисм. Тошкент, 1975 7. Амусин И.Д. Кумранская обҳина. М., 1983.

O'xshashlar

Милоддан аввалги VIII - III асрларда Рим давлати

IV – V асрларда Рим империяси. Кулдорлик тузумининг инкирози

Милодий III-V асрларда Рим империяси ва Ғарбий Рим империясининг қулаши

IV—V Асрларда рим империяси қулдорлик тузумининг кризиси

Милоддан аввалги IV-III (4-3) асрларда Римнинг давлат тузуми