Eng Qadimgi Hindiston - Tarix - Referatlar

Eng Qadimgi Hindiston

Yuklangan vaqt:

20.09.2019

Ko'chirishlar soni:

0

Hajmi:

72.5 KB

Ko'chirib olish

Eng Qadimgi Hindiston. Reja: 1. Qadimgi Hindistonning tabiati va aholisi 2. Miloddan avvalgi XV–IV asrlarda Hindiston 3. Maurya, Kushonlar va Guptalar davrida Hindiston 4. Qadimgi Hindistonning ijtimoiy tuzumi va madaniyati

1. Qadimgi Hindistonning tabiati va aholisi. Hindiston Osiyoning janubida joylashgan mamlakat. Uning shimol tomoni Himolay tog`lari, qolgan uch tomoni esa Hind okeani, Eriteriya dengizi va Bengal ko`rfazi suvlari bilan o`ralgan. Mamlakatning markaziy qismini Dekan tog`lari egallab yotadi. Hindistondan Hind, Gang, Jamna, Braxmaputra va boshqa daryolar oqib o`tadi. Mamlakat iqlimi shimolda mo`tadil, hatto tez-tez qorlar yog`ib turadi. Uning janubiga tushilgan sari iqlim issiqlashib, chekka janubda hatto qish bo`lmaydi. Yog`ingarchilik mavsumlarida Gang, Hind va Braxmaput ra sohillarida jala quyib tez-tez toshqinlar bo`lib turadi. Hindistonning o`simlik va hayvonot dunyosi boy. Hindiston odamzodning ilk vatanlaridan biri hisoblanadi. U yerda 600–500 ming yillardan beri aholi yashab keladi. Qadim zamonda bu mamlakatda dravid, bengal, bihar, gujarat, assam va boshqa qabilalar yashaganlar. Keyinchalik bu yerga oriylar, shaklar, xioniy, eftoliy kabi O`rta Osiyo va Eron qabilalari kelib joylashganlar. 2. Eng Qadimgi Hindiston jamiyati va madaniyati. Hindiston yarim orolining shimoli-g`arbidan Hind daryosi oqib o`tadi. Bu daryo sanskrit tilida Sindxu, pushtu tilida esa Abbasin – «daryolar otasi», – deyiladi. Bu daryoning besh irmog`i oqib o`tadigan joy Panjob – Beshsuv deyiladi. Hind daryosi, ayniqsa uning yuqori qismi Panjobda ibtidoiy davrdan boshlab oadamlar yashab kelishgan. 1920–1922-yillarda arxeologlar Panjob va Maxenjo-Doro yodgorligini topganlar. Tekshirishlardan bu yodgorlik Hind shaharlarining xarobasi bo`lib chiqdi. Moxenjo-Doro Hind daryosining o`rta qismida joylashgan bo`lib, har biri ikki yarim kv. km joyni egallab yotar edi. Xarappa va Moxenjo-Doro miloddan avvalgi III mingyillik va II mingyillikning o`rtalarida mavjud bo`lgan davlatlarning markaziy shaharlari bo`lgan ekan. Bu shaharlarda aholi zich yashagan. Har ikki shahar xarobasini qazigan arxeologlar pishiq va xom g`ishtdan qurilgan 1,2,3 qavatli uy-joy, ibodatxona, hukmdorlar saroyi, omborxona hamda podsho qarorgohlarining qoldiqlarini topganlar. Bu joylardan g`isht yotqizilgan ko`chalar, pishiq g`ishtdan qurilgan quduq va hovuzlar ham topilgan. Shahar sopol quvurlar orqali keladigan suv bilan ta`minlangan. Shaharda iflos suvlarni

tashqariga chiqarib yuboradigan yer osti qurilma inshootlari bo`lgan. Har ikki shaharda zargarlik, me`morchilik, to`qimachilik, kulolchilik, qurolsozlik va hunarmandchilikning boshqa sohalari rivojlangan ekan. Xarappa va moxenjo- doroliklar sol, qayiq va kemalar yasab, daryo va dengizlarda bemalol suzganlar. Har ikki shahar ham qal`alar, qalin, baland minorali mudofaa devorlari bilan muhofaza qilingan. Xarappa va Moxenjo-Dorodan iyeroglif yozuvlari va tosh tarozlari ham topilgan. Miloddan avvalgi XVI–XIII asrlar orasida Xarappa va Moxenjo-Doro shaharlari xarobazorga aylanib inqirozga yuz tutgan. Xarappa va Moxenjo-Doro shaharlari shimoli-g`arbiy Hindistondagi qadimgi davlatlarning poytaxti bo`lgan bo`lsa kerak. 3. Eng Qadimgi Hindistonning ijtimoiy tuzumi va xo`jaligi. Eng Qadimgi Hindiston tabaqaviy jamiyatga asoslangan quldorlik davlati edi. Eng Qadimgi Hindistondagi davlatlar podsholar tomonidan boshqarilgan. Podsholar oqsoqollar kengashi va qo`shinga tayanib ish olib borgan. Qadimgi aholi boy-badavlat, hunarmand, mayda savdogar, o`rtahol dehqdn va ziyolilardan iborat o`rta tabaqaga hamda kambag`allar, qashshqqlar va qullarga bo`lingan. Hindistonda yashagan aholi tirikchiligining asosini dehqonchilik tashkil etgan. Dehqonlar vohadagi unumdor yerlarni o`zlashtiiv ganlar. O`zlashtirilgan tekis yerlarga suv kanal va ariqlar orqali kelgan. Balandroq yerlarga esa charxparraklar orqali suv chiqarilgan. Dehqqnlar datalarga bug`doy, arpa, no`xat, sholi, shakarqamish va g`o`za ekkanlar. Hindiston g`o`za – paxtaning ilk vatanidir. Ular banan, anjir, anor, qovun, o`rik, olma ekib polizchilik va bog`dorchilik bilan ham shug`uilanganlar. Dalalarda har turli sabzavotlar ham yetishtirilgan. Dehqonchilikda tosh, mis va jezdan qilingan qurollardan foydalanganlar. Hind vohasida, ayniqsa Panjobda sero`t yaylovlar ko`p bo`lgan. Shu bois aholi qoramol, qo`tos, zubr, qo`y, echki, cho`chqa va eshak boqib, chorvachilik bilan shu- g`ullangan. Qadimgi hindlar yovvoyi fillarni qo`lga o`rgatib, ulardan xo`jalik va

harbiy maqsadlarda foydalanganlar. Dehqonchilik va chorva mahsulotlari aholini oziq-ovqat, jun, teri kabi xomashyo bilan ta`minlagan. Eng Qadimgi Hindistonda hunarmandchilik ham rivoj topgan edi. Hind ustalari tosh, mis, jez, kumush, oltin va qimmatbaho toshlardan mehnat va jangovar qurollar, muhrlar, uy-ro`zg`or, zargarlik buyumlari va turli jihozlar tayyorlaganlar. U yerda to`qimachilik, kulolchilik, qayiqsozlik, hatto kemasozlik ham ancha rivoj topgan edi. Arxeologlar Hind vohasi va Panjobning ko`p joylaridan savdo omborxonalari va do`konlarining qoldiqlarini topganlar. U yerlardan qadoq toshlar ham topilgan. Bu, Hindistonda ichki va tashqi savdoning rivojlanganligidan dalolat beradi. Savdogarlar Eron, Turon, Xitoy, Mesopotamiya, Arabiston va boshqa mamlakatlar bilan suv va quruqlik yo`llari orqali savdo-sotiq ishlarini olib borganlar. Dehqonchilik, chorvachilik, hunarmandchilik va savdo-sotiq rivojlanishi, shuningdek talonchilik urushlari natijasida ayrim kishilar ixtiyorida ortiqcha boylik yig`ilgan. Bu hol mulkiy tengsizlik va tabaqalanishni yanada tezlashtirgan. 4. Eng Qadimgi Hindiston madaniyati. Eng Qadimgi Hindiston madaniyatining vujudga kelishi ibtidoiy jamoa tuzumi davriga borib taqaladi. Qadimgi Hind madaniyati ularning xo`jaligi bilan chambarchas bog`liq bo`lgan. Hind va Panjob viloyati eng qadimgi hind madaniyatining beshigi hisoblanadi. Yozuv eng qadimgi hind madaniyatining ajralmas qismi bo`lgan. Arxeologlar Xarappa, Moxenjo-Doro va boshqa joylardagi yodgorliklardan sopol parchalari, muhrlar sathi va toshlarga bitilgan g`alati yozuvlar topishgan. Bu yozuvlar ba`zi jihatlari bilan misr va shumeriylarning iyerogliflariga o`xshab ketadi. Qadimgi hind alifbosining 700 ga yaqin rasm-belgilardan iborat ekanligi aniqlangan. Tekshiruvchilar bu yozuvni o`qishga urinib ko`rganlar. Lekin bu urinish hozircha yaxshi natija bergani yo`q. Qadimgi Hindistonda haykaltaroshlik ham rivoj topgan. Bu jihatdan Xarappa va Moxenjo-Dorodan topilgan erkak kishi, raqqosa ayol va boshqa haykallar diqqatga loyiqdir. Eng qadimgi Hindistonda

rassomchilik ham rivoj topgan ekan. Hind vohasi va Panjobdagi eng qadimgi- yodgorliklardan, hatto uzoq Mesopotamiyadan odam, odam qiyofasidagi xudolar, zubr, karkidon, buqa, fil, qo`tos, shuningdek eng qadimgi rasm-belgili yozuv tushirilgan tosh muhrlar topilgan. Sopol va tosh muhrdagi qabartma rasm tasvirlar o`sha qadimiy, ko`hna davrdagi rassomchilikning qay darajada rivojlanganligini ko`rsatadi. Miloddan avvalgi III–II mingyilliklarda Hind vohasida hisob-sananing o`nlik tizimi mavjud ekan. Bir, ikki, uch, besh, to`qqiz va boshqa katta-kichik sonlarga yonma-yon qo`yiladigan nol (0)ni, shuningdek birdan to`qqizgacha bo`lgan sonlar va ularning belgisini hindlar kashf etishgan. Bu raqamlar keyinchalik vatandoshimiz ulug` al-Xorazmiy tomonidan biroz isloh qilingach, arablar dunyosiga o`tgan. Bu ikki xalq ma-daniyati mevasining yorqin namunasidir. Eng Qadimgi Hindistonda me`morchilik ham rivoj topgan edi. Qadimgi hind ustalari zargarlik, naqqoshlik va tasviriy san`atning boshqa sohalarida ham katta yutuqlarga erishganlar. Eng qadimgi Hindistonda alifbo, hisobning o`nlik tizimi mavjud bo`lgan. Demak u yerda matematika, geometriya, astronomiya, tabobat va boshqa ilmiy-amaliy bilimlar rivoj topgan. Eng qadimgi hindlar o`zlariga xos madaniyat yaratib, bu bilan jahon madaniyati xazinasiga o`zlarining barakali hissalarini qo`shganlar. Miloddan avvalgi XV–IV asrlarda Hindiston 1. Oriylar va ularning Hindistonga kirib kelishi. Oriylar Eron va Turon hududida yashagan qadimgi qabilalar edi. Ularning bir qismi daryo bo`ylaridagi unumdor yerlarda yashab dehqonchilik bilan shug`ullanganlar. Oriylarning boshqa qismi esa dasht va tog` yaylovlarida yashab qoramol, qo`y, echki, ot va tuya boqib chor-vachilik bilan shug`ullanganlar. Ular Sharqdan Qadimgi Hindiston bilan chegaradosh bo`lishgan, ular bilan qo`shnichilik qilishgan. Qadimgi hindlar ularni «oriy», «oriya», eroniylar esa «oyriya», «oyraj» deb nomlaganlar. Oriy

atamasining o`zbekcha tarjimasi olijanob, ulug`vor, yaxshi oiladan va aslzoda kabi ma`nolarni anglatadi. Miloddan avvalgi II mingyillikning o`rtalarida oriylarning bir qismi Sulaymon, Hindikush va Janubiy Badaxshondan oshib o`tib, Panjob viloyatini bosib olganlar. Oriylar bilan mahalliy aholi o`rtasida shiddatli janglar bo`lgan. Bu janglar haqida « M axabxarata» va « R amayana » dostonlarida mukammal ma`lumot beriladi. Panjobga o`rnashib olgan oriylar qoramol – sigir, buqa, ho`kiz, buzoq, qo`y, echki, ot va tuyalar boqib, asosan chorvachilik bilan shug`ullanganlar. Keyinchalik ular Gang va Jamna daryosi bo`yidagi unumdor yerlar, hamda tog` yaylovlarini bosib olganlar. Oriylar kelgunicha Hindistonda ot bo`lmagan. Ular Hindistonga o`zlari bilan ot, tuya va qoramollarning alohida zotlarini olib kelganlar. Oriylar Hindistonning shimoli-g`arbiy va shimoliy viloyatlarini bosib olib, asta-sekinlik bilan mahalliy hind qabilalari bilan aralashib ketganlar. Mahalliy aholi oriylardan temirchilik va temir qurollardan foydalanishni o`rganganlar. Temirdan bolta, belkurak, omoch tishlari, qurol-yarog`, aslaha va har turli buyumlar yasaganlar. Temir tishli omoch va boshqa temir qurollardan foydalanish dehqonchilik va hunarmandchilikning yanada rivojlanishiga, xo`jalikdagi boshqa tarmoqlarning ravnaq topishiga juda katta turtki bergan. 2. Hindistonda tabaqalanishning kuchayishi. Dehqonchilik, hunarmandchilik, savdo-sotiq va chorvachilikning rivojlanishi natijasida tabaqalanish yanada kuchaygan. Aholi orasidagi mehnatkashlarning mehnati evaziga boyib ketgan jamoa oqsoqollari – rojalar, ruhoniylar va sarkardalar ajralib chiqqanlar. Dehqonlar, hunarmandlar, oddiy chorvador va savdogarlar aholining o`rta tabaqasini tashkil etganlar. Aholi orasida kambag`allar ham ko`p bo`lgan. Urushda asir tushgan begonalar va boylardan qarzdor bo`lib qolgan hindlar qullarga aylantirilgan. Ular qullarni «begona», «dushman», deb atashar edi. Rojalar, lashkarboshilar va ruhoniylar oddiy kishilar va qullarni uylari, dalalari, ustaxonalarida ishlatib, chorvalarini boqtirganlar. Oddiy kishilar va qullar mehnati

evaziga boyib olgan oqsoqollar, lashkarboshilar va ruhoniylar asta-sekin quldorlarga aylana borganlar. Qullar va oddiy kishilami itoatda saqlash uchun roja, lashkarboshi va ruhoniylar ixtiyorida qurollangan jangchilar, nazoratchilar, soliq yig`uvchilar, soqchilar va xizmatchilari bo`lgan. Aslzodalar tomonidan gunohkor deb hisoblangan oddiy kishilar va qullar shafqatsiz sudya – qozilar tomonidan qattiq jazolangan. Rojalar, lashkarboshilar, ruhoniylarga xizmat qiluvchi soqchi, nazoratchi, qurolli jangchi, soliq yig`uvchi, qamoqxona, sudya – qozilar jamiyatni boshqaruvchi tashkilot – davlat tizimi edi. Rojalar saylab qo`yilgan qabila oqsoqollari, rahbarlaridan asta-sekinlik bilan hokimlar va podsholarga aylana borganlar. Endilikda ular faqat o`z mol- mulklarinigina emas, balki hokimiyatni, podsholikni ham bolalari va aka-ukalariga meros qilib qoldiradigan bo`lganlar. Shunday qilib, miloddan avvalgi I mingyillik boshlarida Hindistonda podsho boshqaradigan davlatlar qaytadan tashkil topgan. 3. Shimoliy Hindistondagi dastlabki davlatlar. Miloddan avvalgi IX–VI asrlarda Gang vohasi va Shimoliy Hindistonda xo`jalik asta-sekinlik bilan rivojlana borgan. Xo`jalikni boshqarish, aholi orasida tartib-qoidalarni saqlash va u yoki bu viloyatni tashqi dushmanlar hujumlaridan saqlash uchun davlat zarur edi. Bugina emas boy - badavlat kishilar uchun ham podsholik, ham davlat zarur edi. Ular: «Agar podsho, davlat himoya qilmasa, badavlat kishilar o`lim va quvg`inlikka mahkum bo`ladilar», – der edilar. Miloddan avvalgi VI asrga kelib Gang – Jamna vohasi va Shimoliy Hindistonda 20 dan ortiq katta-kichik davlatlar bo`lib, ularning yiriklari Kambodja, Koshala, Kashi, Magadxa, Anga, Shakya Gandxar, Malla va boshqalar edi. Miloddan avvalgi VI–V asrlarda Shimoliy Hindistonda hukmronlikni qo`lga olish uchun yuqoridagi davlatlar o`rtasida shiddatli janglar bo`lib o`tgan. Podsho Bimbasara (543–491) davrida Ma-gadxa kuchayib, uning qo`shinlari

Gang vohasidan Bengal qo`1-tig`igacha bo`lgan yerlarni bosib olganlar. Bimbasara vorislaridan Ajatashtru davrida butun Gang vohasi va Markaziy Hindistonda yirik davlat tashkil topadi. Miloddan avvalgi 345-yili aholining quyi tabaqasiga mansub bo`lgan Ugrasen Nand Magadxa podshosini yengib taxtni egallaydi. U qudratli Nand podsholigiga asos soladi. Ugrasen davrida Shimoliy, Markaziy va hatto Janubiy Hindistonning katta qismi Nandlar davlati tarkibiga qo`shib olinadi. Nand Hindistondagi qudratli davlatga aylanib bu davrda xo`jalik va madaniyat har tomonlama rivoj topadi. Miloddan avvalgi VI–IV asrlarda Hind vodiysi va Panjob viloyatida ham ko`pgina mayda davlatlar bo`lgan. Bu davlatlarning aksariyati Doro I davrida Eronga tobe bo`lib, ko`p miqdorda xiroj toiab turganlar. 4. Iskandarning Hindistondagi istilolari. Miloddan avvalgi 329–327- yillarda Makedoniya podshosi Iskandar Zulqarnayn Turondagi istilolardan so`ng, 120 ming kishilik qo`shin bilan Hindikush va Sulaymon tog`laridan oshib o`tib, Panjob viloyatiga bostirib kiradi. Panjobdagi mayda davlatlarning ko`pchiligi Iskandarga itoat etadilar. Ammo Panjobdagi eng kuchli podsholardan biri Por Iskandarga qarshi kurashga otlanadi. Por ixtiyorida 30 ming piyoda, 4 ming otliq askar, 3000 jang arava va 200 jangovar fil mingan jangchilar bor edi. Ikki shoh askarlari o`rtasida shiddatli jang boshlanadi. Porning o`zi jangovar fili ustida dushmanlar bilan qahramonlarcha kurashib 9 joyidan yarador bo`ladi. Janglarning birida uning ikki o`g`li halok bo`ladi. Ammo u shunga qaramay urush maydonini, askarlarini tark etmay, jangni davom ettiradi. Urush Iskandar qo`shinlarining g`alabasi bilan tugaydi. Por bilan bo`lgan urushlarda Iskandar ko`p askarlaridan ayrildi. Iskandarning sevimli jangovar oti Butsefal janglarning birida tig` tegib halok bo`lgan. Iskandar halok bo`lgan oti sharafiga Hind daryosi bo`yida Butsefaliya shahrini qurdirgan. Iskandar Porning jangdagi qahramonligi va irodasiga tan berib, uni o`z saltanati podshosi qilib qoldiradi. Iskandarning Gang vohasiga bostirib kirish niyati ham bor edi. Xuddi shu davrda Iskandar qo`shinlari

o`rtasida kasallik tarqalib, uning sarkardalari Gang tomon yurishdan bosh tortadilar. Ikkinchidan Gang daryosining chap sohilida qudratli Nand davlatining 200 ming piyoda, 80 ming otliq, 8 ming jang aravali va 6 ming jangovar fil mingan suvoriydan iborat katta qo`shini turardh Iskandar Nandlarning qudratli qo`shinini yengishga ko`zi yetmay Gang tomon yurishni qoldirishga majbur boiadi. Iskandar Hind va Panjobda ozroq qo`shin qoldirib, miloddan avvalgi 325-yili Hindistonni tark etib, Bobilga qaytadi. U Bobilni o`z saltanatining markaziga aylantiradi. Ammo u 12 yil kurashib, jang qilib qo`lga kiritgan ulkan saltanatini 2–2,5 yilgina boshqaradi-yu, miloddan avvalgi 323-yilda og`ir betoblik va zaharlanishdan vafot etadi. U endigina 34 yoshga qadam qo`ygan edi. Maurya, Kushonlar va Guptalar davrida Hindiston 1. Maurya davlatining tashkil topishi va kuchayishi. Miloddan avvalgi 325-yilda Iskandar Hind vohasida uncha katta bo`lmagan qo`shin qoldirib, Hindistonni tark etdi. Iskandar ketgach, ko`p o`tmay, hind qabilalari yunon- makedon asoratiga qarshi ozodlik urushini boshlab yubordilar. Bu harakatga mashhur hind sarkardasi Chandragupta boshchilik qiladi. Miloddan avvalgi 317- yili yunon-makedon qo`shinlari Hind vohasidan butunlay quvib chiqariladi. Rivoyatlarga qaraganda Chandragupta aslzodalardan bolmay, eng past shudra yoki kshatriyalardan kelib chiqqan ekan. U yoshligida Nand sulolasi podsholariga xizmat qilgan ekan. U podsho bilan chiqisha olmay Panjobga, Iskandar huzuriga kelib unga xizmat qilgan. Chandragupta lskandarni Nandlar shohi ustiga qo`shin tortishga undagan. Yunon-makedonlar Panjobdan quvilgach, Chandragupta katta qo`shin bilan Magadxaga qaytib, Nand shohi qo`shinlarini yengib, taxtni egallaydi. U Maurya podsholigiga asos solib, miloddan avvalgi 317–298-yillarda hokimiyatni boshqaradi. Chandragupta Patalaputra shahrini davlat poytaxtiga aylantiradi. U butun Shimoliy Hindistonni birlashtirib Maurya saltanatini kuchaytiradi.

Miloddan avvalgi 305-yili Chandragupta bilan Salavka qo`shinlari o`rtasida qattiq jang bo`lib, salavkiylar qo`shini mag`lubiyatga uchraydi. Chandragupta bilan Salavka o`rtasida sulh tuzilib, Sharqiy Eron va Belujiston Maurya davlati tarkibiga qo`shib olinadi. Chandragupta Salavkaga 500 jangovar fil in`om qiladi va uning qiziga uylanadi. Chandraguptaning vorislari Bindusara (miloddan avvalgi 293– 268-yillar) va Ashoka (miloddan avvalgi 268–231-yillar) davrlarida Maurya davlatining chegaralari kengayib, qudratli davlatga aylanadi. Ashoka davlatni boshqarish, din, madaniyat va xo`jalik sohalarida islohotlar o`tkazadi. Ashoka davrida Maurya davlati o`z kuch-qudratining cho`qqisiga ko`tariladi. 2. Maurya davlatining qulashi va Hindistonning mayda dav-latlarga bo`linib ketishi. Ashoka vafotidan so`ng mamlakatda toj-taxt uchun sulolaviy janglar ayj oladi. Shimoli-g`arbdan Panjobga Yunon-Baqtriya qo`shinlari bostirib kiradilar. Miloddan avvalgi 180-yilda Maurya sulolasining so`nggi podshosi taxtdan ag`darib tashlanadi va o`ldiriladi. Shu yili taxtni shunglar sulolasiga mansub kishilar egallaydilar. Bu davrda Maurya davlatining chegaralari Gang vohasi bilan kifoyalangan edi. Shunglar davlati uzoq yillar davomida Yunon- Baqtriya va mayda Hind davlatchalari bilan urushlar olib borganlar. Shu davrda Panjobda Yunon-Hind podsholigi tashkil topgan. Shu davrlarda Panjobga yunon, sak va parfiya qo`shinlari tez-tez hujumlar qilib turishgan. Shunglar sulolasi mamlakatni miloddan avvalgi 180-yil bilan 68- yillar orasida boshqarganlar. Miloddan avvalgi 68-yili Magadxada navbatdagi davlat to`ntarishi bo`lib, taxtni Kanva sulolasiga mansub kishilar egallaydilar. Ular Magadxa qo` l ostidagi mamlakatni 45 yil boshqaradilar. O `zaro urush-janjallar tufayli bu davlat ham yemiriladi. Hindiston yana mayda davlatlarga bo`linib ketadi. 3. Hindistonning Kushonlar davlatiga qo`shib olinishi. Hindistonda o`zaro urushlar avjiga chiqib, mayda davlatlarga bo`linib ketayotgan bir davrda, shimoli- g`arbdan kushon podsholarining istilolari boshlanadi.

Miloddan avvalgi II asr o`rtalarilda Baqtriyaga o`tib joylashgan Yuechjilar shu yerda Kushon davlatiga asos soladilar. Kushonlar davlatining asoschilaridan biri Kudzula Kadfiz I Kashmir va Janubiy Baqtriyani bosib oladi. Uning o`g`li Vima Kadfiz II esa Hindistondagi o`zaro urush-janjallardan foydalanib Panjob viloyati, Quyi Hind bo`ylari, Bengaliya va Hindiston yarim orolining markaziy qismlarini ham bosib oladi. Kadfiz II vafotidan keyin Kushonlar taxtiga uning o`g`li Kanishka I o`tiradi. Kanishka I (milodiy 78–100–123-yil) davrida Hindistonning janubiy viloyatlari ham Kushonlar saltanati tarkibiga qo`shib olinadi. Kanishka davrida Kushonlar saltanatining poytaxti Baqtrdan Peshovarga ko`chiriladi. Kanishka I va Xuvishka podsholik qilgan davrlaridan keyin Kushon davlati kuchsizlanadi. Milodiy III asr oxirlarida ichki kurashlar va g`arbdan sosoniy qo`shinlarining bergan qaqshatqich zarbalari ostida Kushon saltanati yemirilib, uning o`rnida katta-kichik davlatlar tashkil topadi. 4. Guptalar davrida Hindiston. Kushonlar saltanati barham topgach, Hindistonda bir qancha davlatlar tashkil topadi. Milodning IV asridan boshlab Gang vohasidagi Magadxa davlati yana kuchayadi. Bu davlatning asoschisi Gupta bo`lib, sulola ham shu nom bilan atalgan. Magadxa davlati Guptaning nabirasi Chandragupta I (milodiy 320–335) va uning o`g`li Samudragupta (milodiy 335–380) davrida ancha kuchayib, ular Himolay tog`laridan Madras shahri oralig`idagi yerlarni bosib oldilar. Guptalar sulolasi saltanatining gullab-yashnagan davri Chandragupta II podsholik qilgan 380–415-yillarga to`g`ri keladi. Chandragupta II davrida Hindistonning yerlari Panjob, Hind vohasi hisobiga kengayadi. Bu davrda Hindistonda dehqonchilik, chorvachilik, hunarmandchilik, ayniqsa savdo-sotiq nihoyat darajada rivoj topadi. Chandragupta podsholik qilgan yillar Hindiston tarixida «Guptalarning oltin asri» deb madh etilgan. Chandragupta II vafotidan keyin Hindistonga O`rta Osiyo tomondan kidariylar, eftaliylar va boshqa qabilalarning hujumi boshlanib, ular Panjob va Hind vodiysida o`rnashib qoladilar.

Kidariylar va eftaliylar bilan olib bonlgan urushlar natyasida juda ko`p kishilar halok bo`ladi, xo`jalikning hamma tarmoqlari izdan chiqadi. Guptalar mamlakatda markazlashgan davlatlar tuzishga ko`p harakat qiladilar. Lekin bu harakatlar yaxshi natija bermaydi. Shu bilan Hindistonning qadimgi tarixi ham o`z nihoyasiga yetadi. 5. Miloddan avvalgi VI va milodiy V asrlarda Hindistonning xo`jaligi. Miloddan avvalgi I mingyillik o`rtalariga kelib, dehqonchilik Gang vodiysi xo`jaligining asosiy tarmog`iga aylangan. Ekinlarni sug`orishda sun`iy kanal, ariq va charxparraklardan foydalanganlar. Yer haydashda ho`kiz qo`shilgan omoch va so`qalardan foydalanilgan. So`qa va omochlarga qo`tos, eshak, xachir va otlarni ham qo`shgan bo`lishlari mumkin. Hind dehqonlari zarang yerlarni 6–12 ho`kiz qo`shilgan qo`shaloq qo`shlar bilan haydaganlar. Qullar sonining orta borishi munosabati bilan yerga ishlov berishda omoch, so`qa, tirma va molalarni qullar ham tortganlar. Dehqonlar bug`doy, arpa, tariq, zig`ir, sholi, suli, dukkakli o`simliklar, paxta, shakarqamish va choy ekkanlar. Qadimgi hind aholisi xo`jaligining asosiy tarmoqlaridan biri chorvachilik bo`lgan. Hindistonda yirik shoxli qoramol – sigir, buqa, ho`kiz, qo`tos va buzoqlar boqishga katta e`tibor berganlar. Otlar Hindistonda yuqori baholangan. Ot asosan Panjob viloyati va Hind daryosining Tar cho`liga tutash bo`lgan joylarda boqib parvarish qilingan. Otlardan asosan minib yurish, jang aravalariga qo`shish va otliq qo`shin uchun foydalanilgan. Hindistonda Nand, Maurya, Kushon va Guptalar saltanatining qaror topishi munosabati bilan dehqonchilik, chorvachilik, hunarmandchilik yanada rivojlanadi. Miloddan avvalgi VI asrdan milodiy V asrgacha bo`lgan davrda ichki va tashqi savdo ham muttasil rivojlanib borgan.

Miloddan avvalgi VI asrning oxiri – V asr boshlarida n b o shlab kumush tangalar ham zarb etilgan. Qadimgi Hindiston tarixining hamma davrlarida savdogarlar va hunarmandlar badavlat bo`lishgan. Miloddan avvalgi VI–IV asrlarda Hindistondagi davlatlar va savdogarlar suv va quruqlik yo`li orqali Janubi-Sharqiy Osiyo, Seylon, Arabiston, Afrika, Eron va Turon o`lkalari bilan qizg`in savdo ishlarini olib borganlar. Kushonlar davrida esa Hindiston, yuqorida nomlari aytilgan mamlakatlardan tashqari Rim, Mesopotamiya va Xitoy bilan ham savdo-sotiq ishlarini olib borganlar. Bu jihatdan miloddan avvalgi II asrda « Buyuk ipak yo`li» ning ochilishi alohida ahamiyatga ega bo`lgan. Hikoya qilishlaricha Hindiston janubidagi Kerala, Chola va Pandya kabi davlatlarga Rim savdo kemalari kelishgan ekan. Milodiy I– IV asrlarda Kushon podsholari turli ma`danlardan tanga pul chiqarganlar. Oltin tangalar zarb qilish ham kushonlar davriga to`g`ri keladi. Savdo-sotiq Hindistonda hukm surgan hamma davlatlar davrida rivojlangan. Chunki savdogarlar hunarmandlar singari davlatga juda katta foyda keltirganlar. Shunday qilib, dehqonchilik, chorvachilik va hunarmandchilik aholini oziq- ovqat bilan ta`minlashda, hunarmandchilik uchun turli xomashyo yetkazib berishda muhim ahamiyat kasb etgan. Uzoqni ko`zlagan, siyosatdon podsho va amaldorlar xalqaro savdoni rivojiga homiylik qilganlar. Qadimgi Hindistonning ijtimoiy tuzumi va madaniyati 1. Hindistondagi davlatlarning ijtimoiy tuzumi. Ma`lumki, miloddan avvalgi III ming yillikning ikkinchi yarmida Qadimgi Panjob va Hind daryosi vodiysida tepasida podsho turgan davlatlar vujudga kelgan. O`sha vaqtdayoq aholi orasidan podsho boshliq oliy mansabdagi boy-badavlat aslzodalar ajralib chiqqanlar. Hunarmandlar, mayda savdogarlar, kichik yerli dehqonlar aholining o`rta tabaqasini tashkil etga n . Endrgina paydo bo`layotgan qullar va qashshoq kishilar aholining quyi tabaqasini tashkil etgan. Podsho

mamlakatning mutlaq hokimi bo`lib, u qarigan va o`lgan taqdirda uning taxti, mamlakat va uning mol-mulki o`g`illari va aka-ukalariga meros bo`lib qolgan. Miloddan avvalgi I mingyillik o`rtalariga kelib Shimoliy Hindistonda 20 dan ortiq katta-kichik davlatlar tashkil topadi. Shimoliy Hindistondagi Magadxa, Koshala, Nand, Maurya, Kushon kabi yirik davlatlar podsho boshqaradigan davlatlar bo`lgan. Bunday davlatni monarxiya deyilgan. Shimoliy Hindistonda Vridji va Malla kabi davlatlar ham bor ediki, bu davlatni oqsuyak-zodagonlar kengashi va xalq yig`ini tomonidan saylab qo`yiladigan hokimlar boshqarganlar. Bunday davlatni respublika deyilgan. 2. Qadimgi Hindistonda toifachilik tuzumi. Hindistonning qadimgi solnomalari Veda kabi diniy to`plamlarida aholi bir-biridan farq qiladigan turli toifa – varna-kastalarga bo`linganligi ta`kidlanadi. Shulardan birinchisi oliy varna-kastaga mansub bo`lgan braxmanlar bo`lgan. Braxmanlar toifasiga yirik yer egalari, ruhoniy-kohinlar, amaldorlar va aslzodalar a`zo bo`lishgan. Ular oliy xudo Braxmaning og`zidan yaratilgan ekan. Ikkinchi varna-kasta kshatriyalar bo`lib, ular xudo Braxmaning yelkasidan vujudga kelgan ekanlar. Kshatriyalar toifasiga harbiy sarkardalar va jangchilar kirganlar. Aholining eng ko`p qismini tashkil etgan hunarmandlar, mayda savdogarlar, dehqon va dehqon jamoalari uchinchi toifa – varni-vayshilarni tashkil etgan. Ular xudo Braxmaning qovurg`asidan paydo bo`lgan ekanlar. Hindiston aholisining eng quyi tabaqasi shudralar bo ` lgan. Ular Braxmaning tovonidan paydo bo`lgan ekan. Shudralar ajnabiyyot o`lkaning odamlari, o`z urug`- qabilalaridan ajralib ko`chib kelganlar hisobiga to`ldirib turilgan. Ular zoti past kishilar hisoblanib, chang-tuproqqa belanib yashashga mahkum etilgan ekanlar. Ular jamoalarga aralashtirilmagan, biron-bir xizmat va vazifaga tayin etilmagan. Hindistonda to`rt varna-toifaning birortasiga kirmagan kishilar ham boiishgan. Ular «chandallar» – toza suvni harom qiluvchilar edilar. Ulardan hazar qilinib, ular jamoat binolariga, ibodatxonalarga hatto quduqlar yoniga ham

yaqinlashtirilmaganlar. Chandallar, ya`ni hazar qilinganlar eng og`ir va iflos ishlarni – axlatlarni olish, iflos joylarni tozalash, o`lgan hayvonlar terisini shilish kabi ishlarni bajarganlar. Vedada aytilishicha, odam qaysi toifadan bo`yi o`sha toifada qolar ekan. Hindistonda qadim zamonlardayoq adolatparvar kishilar ham yetishib chiqqanlar. Ular o`sha vaqtda ijtimoiy tuzumga, diniy e`tiqodlarga va odamlarni toifalarga bo`linishiga qarshi chiqqanlar. 3. Yozuv va adabiyot. Hind vohasi va Panjobda yashagan hind xalqlarining eng qadimgi ajdodlari o`z yozuvlariga ega bo`lganlar. Arxeologlar Xarappa va Moxendjo-Dorodan hayvon va qandaydir rasm-belgilar tushirilgan muhrlar va sopol idishlarning parchalarini topganlar. Tilshunos olimlar Hind vohasidagi yozuvlarni tekshirib ko`rganlar. Ba`zi tilshunoslar hind yozuvi 400 belgi-rasmdan iborat desalar, boshqalari 250 va yana o`zgalari 300 belgi-rasmdan iborat deb o`ylaydilar. Ammo hanuzgacha qadimgi hind yozuvlari to`liq o`rganilmagan. Ba`zi olimlar hind yozuvini shumerlarnikiga, boshqa olimlar esa xett yozuviga o`xshash deydilar. Lekin miloddan avvalgi V asrdan boshlab Hindistonda braxmi, kxaroshtxi, aramey, gupta va boshqa yozuvlardan foydalanganlar. Qadimgi Hindistonda xalq og`zaki ijodi va uning davomi hisoblangan yozma adabiyot ham erta rivoj topgan. Ular maqol, matal, ertak, hikoya, doston, qo `shiqlar va ajoyib afsonalar yaratganlar. Vedalar – jinlar, qo`shiqlar, afsunkor va diniy duolardan iborat katta to`plamdir. Qadimgi Hind adabiyotining eng nodir asarlari qatoriga «Maxabxarata», «Ramayana», «Pancha tatra», «Kalila va Dimna» kabi asarlarni kiritish mumkin. «Ramayana» dostonida o`gay onasining bergan azoblariga chiday olmagan shahzoda Ramaning o`z shahri Ayodxiyani tashlab ketib, o`zga yurtlarda boshidan

kechirgan sarguzashtlari haqida hikoya qilinadi. Hikoya qilinishicha Seylonda devlar Ramaning xotini Sitani o`g`irlab ketadilar. Rama ayiq ya maymunlardan qo`shin tuzib, devlarni tor-mor etib, xotinini ozod qiladi. Nihoyat Rama o`z vataniga qaytib, otasi taxtini egallaydi. «Maxabxarata» dostonida Bxarata podsho urug`ining ikki avlodi – Kauravlar va Pandavlarning toj-taxt, boylik talashib olib borgan kurashlari hikoya qilinadi. V asrda yashagan Kalidasa ajoyib drama asarlari yozgan mashhur adib. U yozgan drama asarlaridan eng mashhuri «Shakuntala» dir. 4. Hindistonda ilmiy bilimlarning rivojlanishi. Hindistonda aniq fanlaiga ham katta e`tibor berganlar. Hindistonda geografiya, tarix, astranomiya, matematika fanlari ham rivoj topgan edi. Hind faylasuflari Charvak degan ta`limot yaratganlar. Bu ta`limotga ko`ra ilmning bosh manbai – tajribadir deyiladi. Hindiston shaxmat o`yinining ham vatanidir. Hind astronomlari va matematiklari bir yilni 360 kunga, uni 12 oyga bo`lib, 5 kunini bayram hisoblaganlar. Ularning hisobida bir yil 365 kunga teng bo`lgan. Ular quyosh va suv soatlarini kashf etib, ulardan foydalanganlar. Astronom Aryabxata V asrdayoq Yerni sharsimon ekanligini va yerning o`ziga tortish qonunini, ayni paytda u o`z o`qi atrofida aylanishini ham aytgan. Hindistonda tabobat ilmi ham ancha rivoj topgan edi. Tabiblar tomir harakatiga qarab kasalliklarni aniqlaganlar. Bemorlarni shifobaxsh o`simlik, ho`l meva, hayvon a`zolari va boshqa narsalardan tayyorlangan sodda va murakkab dorilar bilan davolaganlar. 5. Me`morchilik va tasviriy san`at. Hindistonda me`morchilik erta rivoj topgan. Ustalar me`morchilikda loy, xom, pishirilgan g`isht, tosh, maxsus qotishma va yog`ochlardan foydalanganlar. Ular shoh saroylari, ibodatxonalar va ma`muriy binolar qurishda katta yutuqlarga erishganlar. Hindistonda haykaltaroshlik ham rivoj topgan. Haykaltaroshlar podsho, budda, sher, arslon, fil, karkidon va boshqa narsalarning haykal va rasmlarini ishlaganlar.

Bu jihatdan muhr va tangalar sirtiga tushirilgan Tosh darvoza rasmlari Ashoka davrida tosh ustun ustiga o`rnatilgan 4 sher haykali kishini hayratga soladi. Gumbazli binolar va tog` qoyalarini o`yib ishlangan binolar o`zining go`zalligi bilan ajralib turadi. Hindistonda mustaqillik o`rnatilishi va e`lon qilinishi munosabati bilan tosh ustun ustiga o`rnatilgan qadimgi to`rt sher haykali, bugungi kunda bizdagi Xumo qushi kabi Hindistonning davlat ramziga aylantirilgan. 6. Diniy e`tiqod. Qadimgi Hindistonda juda ko`p urug`, qabila va elatlar yashaganlar. Ularning xo`jaligi, turmush tarzi har xil bo`lganligi uchun diniy e`tiqodlari ham turlicha bo`lgan. Hindistonda yashagan aholi ko`p zamonlar tabiat hodisalariga, ajdodlari ruhiga tog`-toshlarga, hayvonlarga, suv va daraxtlarga sig`inish uzoq davom etgan. Ularda oy, quyosh va olovga sig`inish keng tarqalgan edi. Hindlarda Agni olov, Indra momaqaldiroq, Aditinani esa hosildorlik xudosi deb bilganlar. Hindistonda diniy e`tiqodlarning kelib chiqishi ham boshqa xalqlar kabi ularning turmush tarzi va xo`jaligi bilan bog`liq ekan. Davlatlar vujudga kelishi munosabati bilan Hindistonning ko`p joylarida Braxman dini keng yoyilgan. Bu din miloddan avvalgi IX–VIII asrda vujudga kelib, uning xudosi Braxma bo`lgan. Bu dinning ruhoniylari braxmanlar deyilgan. Ularning ta`limoti bo`yicha Braxma olam va odamni yaratuvchisi hisoblangan. Aditinani «hammaning onasi», «hamma narsaning mohiyati», «abadiyat», «yaratilgan va yaratuvchi» kabi nomlar bilan ulug`laganlar. Dastlab momaqaldiroq, hosildorlik xudosi hisoblangan Indra keyinchalik hokim, hukmdor va podsholar homiysiga aylangan. Keyinchalik Indra so`zining o`zi ham podsho, hokim, hukmdor kabi ma`noni anglata boshlagan. Hindistondagi diniy e`tiqodlardan yana biri buddizm bo`lgan. Bu din mi l oddan avvalgi VII– VI asrlarda vujudga kelgan. Uning asoschisi shahzoda Siddhartha Gautama bo`lgan. U Budda– «Ma`rifatparvar» laqabi bilan o`z ta`limotini mamlakat bo`ylab 40 yil targ`ib qilgan. U braxmanlikdagi kasta- tabaqalarga bo`linishni qoralab, jamiyatdagi barcha kishilar xudo oldida teng

huquqqa egadirlar, deb ta`lim bergan. Keyinchalik buddiylik davlat dini darajasiga ko`tarilib, avval Turonning janubiy hududlari, keyin Xitoy va Markaziy Osiyoga yoyiladi. Shunday qilib, Qadimgi Hindiston xalqlari o`zlariga xos boy madaniyat yaratganlar. Keyinchalik hind madaniyatidan jahon xalqlari bahra olganlar.

Foydalanilgan a dabiyotlar . 1. Arxeologlar hikoya qiladi. To’plam. Toshkent, 1974. 2. Arsixovskiy A. Arxeologiya asoslari. Toshkent, 1970. 3. Askarov A, Alьbaum L.Poseleniye Kuchuktepa. Tashkent, 1970. 4. Borisovskiy A.I. Drevneysheye proshloye chelovechestva. Moskva. Nauka, 1980. 5. Kabirov J, Sagdullayev A.O’rta Osiyo arxeologiyasi. Toshkent, 1990. 6. Muhammadjonov A. Qadimgi Buxoro. Toshkent, 1991. 7. Okladnikov A.P. Paleolit i mezolit Sredney Azii. Vkn. Srednyaya Aziya v epoxu kamnya i bronzi. M. - L., 1966. 8. Tolstov S.P. Qadimgi Xorazm madaniyatini izlab. Toshkent, 1964. 9. Taylor E.B. Pervobыtnaya kul’tura. Per. s angl. D. A. Koropchevskogo.M., 1989. 10. Cheboksarov N.N., Cheboksarova I.A. Narodы, rasы, kulьturiы. M.: Nauka, 1985. 11.O’zbekiston tarixi. Sagdullayev A., Eshov B. tahriri ostida. Toshkent.Universitet, 1997, 2-nashri, 1999.

O'xshashlar

Qadimgi Hindiston

Qadimgi Hindiston 2

Eng Qadimgi Xitoy

Eng Qadimgi Yunoniston

Eng qadimgi davlatlar davri