Diniy ekstremizm va fundamentalizm - Tarix - Referatlar

Diniy ekstremizm va fundamentalizm

Yuklangan vaqt:

20.09.2019

Ko'chirishlar soni:

0

Hajmi:

99.5 KB

Ko'chirib olish

www.arxiv.uz Reja: 1.Diniy fundamentalizm, ekstremizm va fanatizm tushunchalarining tahlili. 2.O`zbekiston Respublikasining Konstitutsiyasida milliy va diniy ruxdagi siyosiy partiyalar tuzishning taqiqlanishi. 3. Vahhobiylik va boshqa diniy ekstremistik harakatlar, uning ijtimoiy- siyosiy g`oyalari, maqsadlari, kO`rinishlari 4.O`zbekistonda aqidaparastlikning O`ziga xos kO`rinishda namoyon bO`lishi.

www.arxiv.uz Diniy fundamentalizm, ekstremizm va fanatizm tushunchalarining tahlili Diniy ekstremizm-muayyan diniy konfessiya va tashkilotlardagi ashaddiy mutaassib, fanatik unsurlarning faoliyati mafkurasi. Fanatizm O`z aqidasining shak-shubhasiz tO`g`riligiga ishonib, boshqa firqa va mazhablarni butunlay rad etgan holda ularni tan olmaslik, balki ularni diniy asoslarni buzushda ayblab, ularga qarshi urush ochishga olib boradigan omillardandir. Diniy fanatizm diniy ekstremizm va terrorizmga zamin tayyorlaydi. Islom modernizmi-islom diniy va ijtimoiy ta`limotini yangi zamon sharoitlariga muvofiqlashtirish, islom dinining siyosiy, huquqiy, ijtimoiy muammolarga taaluqli aqidalarini yangicha talqin etish, xO`jalik hayotini tartibga solish va islom prinsiplari asosida yangi taraqqiyot modellarini ishlab chiqishini islom modernizmi O`z oldiga asosiy maqsad qilib oladi. Keng ma`noda-islom modernizmi hozirgi ijtimoiy hayot va ilmiy-texnika taraqqiyoti talablariga islom ta`limotini moslashtirish harakati-dan iborat. Islom modernizmi dinda “ijtihod eshiklari ochiq” degan prinspga amal qiladi. Modernistlar “g`ayriislom” olami bilan hamkorlik qilishni, hatto islom va “g`ayri islom” madaniyatlarini biriktirishni yoqlab chiqadilar. Islom traditsionalizmi tarafdorlari O`rta asr aqidalariga izchil amal qilib, dinni har qanday isloh qilishlarga qarshi chiqadilar. Ularning fikricha dinda “ijtihod eshiklari yopiqdir”. Islom traditsionalizmi milliy ong sohasida islomni millatchilikka qarshi qO`yadi, yani musulmonlar qaysi millatdan bO`lishiga qaramay islom aqidalariga sO`zsiz amal qilishi kerak, ijtimoiy ong sohasida esa musulmon jamoasi a`zolari-ummatlar teng huquqli, ularni bir-biridan ajratish mumkin emas degan konsepsiyani ilgari suradilar Islom fundamentalizmi. I.Karimov “O`zbekiston XXI asr bO`sag`asida; xavfsizlikka tahdid, barqarorlik shartlari va taraqqiyot kafolatlari” degan chuqur mazmunli kitobining “diniy ekstremizm va fundamentalizm” nomli bO`limida mazkur muammo sarlavhasidagi masala ham batafsil yoritilgan.

www.arxiv.uz Haqiqatan ham diniy fundamentalizmning kelib chiqishi O`zining uzoq tarixiga ega bO`lsa-da, bu jarayonning jonlanishi XX asrning oxirgi choragida yuz bergan edi. HO`sh, diniy fundamentalizm, shu jumladan islom fundamen-talizmi va uning kelib chiqishi, mohiyati deganda nimani tushunmoq kerak? Bu savolga qisqa javob quyidagilardan iborat: Fundamentalizm tushunchasining asl kelib chiqish ildizini respublikamiz olimlaridan prof. H. Karomatov O`zining “Funda-mentalizm yohud tO`qlikka shO`xlik” degan maqolasida juda O`rinli dalillar bilan asoslab bergan. Bu olimning ta`kidlashicha, hozirgi vaqtda fundamentalizm deganda aksariyat hollarda islom fundamen-talizmi nazarda tutilyapti. “Aslida,-deb yozgan edi u, -fundamentalizm 20 asrda xristian “modernizmi”ning rivojiga qarshi vujudga kelgan O`ziga xos xristian oqimiga berilgan nomdir. Mazkur modernizm turli sohalarda aks ta`sir tug`dirib, Amerika QO`shma Shtatlarida ayniqsa shiddatli tus oldi”. Maqola muallifi bu fikrni davom ettirib, yozadiki, 20 asrning oxirgi choragida islomning qayta jonlanishi jarayoniga uzviy bog`liq bO`lgan oqimlar, harakatlar shu nom bilan ataladigan bO`ldi. Islom fundamentalizmi, musulmon fundamentalistlari degan atamalar shu tarzda ishlatila boshlandi; bu atama ortodoksal islomning tiklanishi va shu xususdagi tadqiqotlarning tarkibiy qismiga aylanib qoldi. Shu tariqa u hozirgi zamon islomidagi uch oqimning biriga aylandi. Qolganlari islom traditsionalizmi va modernizmidir. Olimlarimizning fikricha, an`anaviy islom tarqalgan mamlakatlar-Misr, Jazoir, Tunis, Liviya, Turkiya, Eron, Pokiston, Saudiy Arabistoni, Suriya, Iroq kabi mamlakatlar jahon mustam-lakachilik sistemasi parchalangandan sO`ng mustaqil rivojlanish yO`liga O`tgan edilar. Natijada asrimizning 80-90 yillarida ularda yuz bergan ijtimoiy-iqtisodiy siljishlar negizida butun dunyoda diniy omil, ayniqsa islom omili faollashgan edi. Bu davrda ikki bir-biriga zid mayl dunyoga kelgan edi. Bir tomondan, butun dunyoda diniy e`tiqodning ijtimoiy-iqtisodiy, siyosiy va ma`naviy hayotdagi mavqei tiklana boshlagan edi; ikkinchi tomondan bu maylga

www.arxiv.uz qarshi mafkuralarga moyillik shakllangan edi: bu ikki mayl orasida ziddiyatlar yuzaga kelgan edi. Mazkur ijtimoiy-iqtisodiy, siyosiy va ma`naviy ziddiyatlar asosida “islom omili”, “islom uyg`onishi”, “islom fenomeni”, islom fundamentalizmi degan atamalar, “islomlashtirish”, “siyosiylashti-rilgan islom” kabi tushunchalar va ular bayrog`i ostida turli oqimlar paydo bO`ldi. Bular qatoriga “musulmon birodarlari”, “Xizbullox”, “vahobiylik” “Hezbi islomiya” kabi O`nlab tashkilot, partiya, uyushmalar kirardi. Bular ekstremistik, terroristik xususiyat kasb etgan edi. Vahhobiylar fundamentalizmda, binobarin, aqidaparastlikda Ibn Hanbal ta`limotidan ham sO`llashib, maqsad va ta`limotlari O`tmagan hududlarda kuch, hatto qilich ishlatishga jahdu-jadal qilganlar. Ularning ta`limoticha payg`ambar, musulmon olamining azizlari qabrlarini ziyorat qilish bid`at hisoblangan, faqat Ollohga sig`inish farzdir deb targ`ib qilingan. Ular sufiylar ta`limotini islomga zid deb da`vo qilganlar. Haj safarini tO`xtatganlar, unga hohishi bO`lgan talabgorlarni faqat katta tO`lovlar evaziga amalga oshirganlar. Fundamentalistlar va ularning izdoshlari islom madaniyatiga katta shikast yetkazganlar. Ular tamaki chekish, ipak kiyim-bosh kiyish, tasbeh O`girib yurishni man qilganlar, erkaklardan soqol oldirmaslikni, ayollardan hijobga bosh- oyoq O`ralib yurishni talab etganlar. “Vahhobiylar,-deb yozgan A.Begmatov,- iymoni-shariatdagi asosiy usullaridan birini ham inkor qilishadi. Ijmo musulmon jamoasining yakdillik bilan chiqargan fikri, hukmi asosida ish kO`rilishidir.” Aqidaparast vahhobiylar, umuman fundamentalistlar nisbatan uyushgan, jangovar, siyosatda ham, dinda ham ekstremist bO`lganlari uchun O`zga mazhab va harakatlar ustidan harbiy va mafkuraviy jihatlardan tez, oson g`alaba qilib, butun Arabiston yarim .oroliga tarqalganlar, hokimiyatni qO`lga olganlar. Oybek Hamdamovning “Ezgulikka chog`lanmagan musulmon emas” degan maqolasida qayd qilganidek, “vahhobiylar O`tgan asrda hokimiyat tepasiga kelish uchun 3000 odamni Ka`baning oldida shahid qilganlar”.

www.arxiv.uz Bunday yovuzliklar haqida tarix tajribasidan kO`plab misollar keltirish mumkin. Xulosa shuki, fundamentalizm harakati xanbaliya mazhabi doirasidan kelib chiqqan va turli kO`rinishda rivojlangan. 2.Vahhobiylik va boshqa diniy ekstremistik harakatlar, uning ijtimoiy-siyosiy g`oyalari, maqsadlari, kO`rinishlari. Ma`lumki, sunizm oqimida faqat 4 mazhab musulmon faqih-lari, mufassirlari, muhaddislari, eng nufuzli ulamolari e`tirof qilgan mazhab deb hisoblanadi. Bular xanafiya, molikiya, shofiiyya, xanbaliya bO`lib, ularning ichida eng keng tarqalgani xanafiya mazhabidir. Olimlarimizning fikricha, dunyoda 1,2 milliard musul-mon aholisi bO`lib, shundan 92,5 foizini sunniylar tashkil etadi. Jami sunniylardan xanafiylar 47 foiz, shofiiylar 27 foiz, moliykiylar 17 foiz va xanabiylar 1,5 foizni tashkil etadi. Qolgan 7,5 foizi shialar, ibodiylar va xorijiylardan iborat. Islomning 14 asrlik tarixi tajribasi shuni kO`rsatadiki, unda ham qanday yangi bir mazhabni targ`ib qilib, toifachilikka berilish yoki biror oqim yaratishga intilish doimo siyosiy va g`arazgO`ylik maqsadlariga xizmat qilgan. Hatto musulmon dunyosining muayyan bir qismida rasmiy islom oqimi deb e`tirof qilingan shiizm ham dastlabki shakllanishida ma`lum siyosiy maqsadlar tufayli vujudga kelgan. Vahhobiylar sunniylarning faqat 1,5 foizini tashkil etuvchi xanbaliylar mazhabiga mansub bO`lib, ular asosan Saudiya Arabisto-nida yashaydi. Ular dunyoviy qadriyatlarga nisbatan O`ta murosasiz diniy mafkuraga asoslangan. Vahhobiylar sunniylikdagi juda ozchilikni tashkil etuvchi xanbaliylar oqimiga mansub bO`lishiga qaramay, musulmon aholisining kO`pchiligini tashkil etuvchi xana-fiylarni islom dinidan chekinuvchilar deb O`rinsiz hisoblaydilar. Vahhobiylik harakati hozirgi Saudiya Arabistoni hududida, VIII asrda, shu maqsadda vujudga kelgan. Uning g`oyaviy asosini islomning dastlabki holatiga qaytishni maqsad qilib olgan aqidaparastlik tashkil qiladi; siyosiy sifatini jamiyatning ma`naviy, ijtimoiy-siyosiy, iqtisodiy, huquqiy hayotini shu aqidaparastlik asosiga qurilgan siyosiy tuzumni barpo qilish g`oyasi tashkil qiladi.

www.arxiv.uz Asrimizning boshlarida tashkil topgan xorijiy musulmon davlatlarida yuzaga kelgan bunday diniy oqim, tashkilot, partiyalar esa O`z oldiga asosan milliy mustaqillikka erishish vazifasini qO`yganlar. Ammo islomdagi bunday oqimlarning deyarli barchasi ham bu harakatlarga vosita deb qaramasdan, oxirgi maqsad deb qaraganlari uchun yo muvaffaqiyatsizlikka uchraganlar, yo muayyan bir darajadagi salbiy oqibatlarga olib kelganlar. O`rta asrlar tarixi shuni kO`rsatdiki, bu harakatlarning aksariyati faqat xayoldagina (utopiya) bO`lib qolgan; ayrim hollarda esa butun bir mamlakatlar va xalqlar O`rtasida dahshatli, beqiyos bO`lgan qonli urushlarga olib kelgan. Masalan, XVI asrda boshlangan shiizm (safaviylik) va sunnizm (shayboniylar) O`rtasidagi gO`yo haqiqiy din uchun kurash niqobidagi urushlar butun bir Xuroson va Movarounnahr O`lkalarini bir necha asr davomida ijtimoiy-iqtisodiy va madaniy jihatdan tanazzulga tushishining asosiy sabablaridan biri bO`lgan edi. Islomni vosita deb emas, maqsad qilib olgan O`tgan asrda vujudga kelgan turli oqimlar esa oqibatda islom fundamentaliz-miga olib keldi. Buning isboti uchun uzoqqa borishning hojati yO`q. KO`pchilik xorijiy musulmon mamlakatlaridagi terroristik harakatlar, yaqin qO`shni O`lkalardagi qonli tO`qnashuvlar bunga misol bO`la oladi. I.Karimov O`zining “O`zbekiston XXI asr bO`sag`asida: xavfsizlikka tahdid, barqarorlik shartlari va taraqqiyot kafolat-lari” kitobida bu haqda bunday deb yozgan edi: “Afsuski, insoniyat tarixida diniy ongning ajralmas qismi bO`lgan odamlardagi e`tiqoddan faqat bunyodkor kuch sifatida emas, balki vayron qiluvchi kuch, hatto fanatizm (O`taketgan mutaassiblik) sifatida foydalan-ganligini kO`rsatuvchi misollar kO`p”. Bu fikrning g`oyat tO`g`riligini Namangan shahrida vahhobiylar uyushtirgan din niqobi ostidagi mash`um jinoyatchilik misolida ham kO`rib, tO`la ishonch hosil qildik. Vahhobiylar harakati XVIII asrning boshlarida vujudga kelgan bO`lib, u XIX asrda yana ham kuchaydi. XX asrning birinchi, xususan ikkinchi yarmida turli musulmon mamlakatlarida (Tojikiston, Afg`oniston, Checheniston, Dog`iston, Jazoir va boshqalarda) yuzaga kelgan ijtimoiy-iqtisodiy va siyosiy vaziyatdan

www.arxiv.uz foydalanib vahhobiylar O`z ta`sirlarini kuchaytirdilar va natijada salbiy oqibatlarning kelib chiqishiga, hattoki, qonli tO`qnashuvlarning yuzaga kelishiga sabab bO`ldilar. Vaxxobiya-siyosiy-diniy ta`limot, ideologiya ekanligini ta`- kidlamoq darkor. Bu ta`limotda diniy, siyosiy, ijtimoiy masalalar jipslashib ketgan. Shuning uchun, masalalar majmuasini yoritishda bu ta`limot asoschisining tarjimai xoli, diniy-ilohiy qarashlari, saudiylar oilasi bilan munosabati, mazkur targ`ibotchining shaxsiy manfaatlari, ta`limotning Saudiya Arabistoni davlatining vujudga kelishi va uni kengaytirish yO`lida olib borilgan bosqinchilik urushlaridagi rahnamolik roli, hozirgi davrdagi kO`rinishi, Saudiya Arabistoni ichki va tashqi siyosatidagi ahamiyati kabi guruhlarga bO`lgan xolda kO`rib chiqish maqsadga muvofiqdir. Muhammad ibn Abdulvahhob 1115 xijriy (1703-04 milodiy) yilda Arabiston yarim orolining Najd O`lkasining al-Uyayna degan joyida tavallud topdi. Bu shahar al-Arid mintaqasining ad-Dir`iya va ar-Riyod shaharlari yonida joylashgan. Mazkur shaharlar yangi Saudiylar davlatining vujudga kelishida katta rol O`ynagan. Bu davrda uning otasi Abdulvahhob ibn Sulaymon mustaqil mahalliy amir hokimiyatida qozilik lavozimida xizmat qilar edi. Muhammad yoshligidan diniy ilmlarni O`z otasi rahbarligida O`rgana boshladi. Abdulvahhob doimo O`g`lining ruhoniylik kasbiga tayyorgarligini diqqat bilan kuzatib bordi. Muhammad an`anaga kO`ra Kur`onni yod oldi, tafsir va hadis ilmlari bilan tanisha boshladi. Muxammad 12 yoshida voyaga yetgach, otasi Abulvahhob uni uylantirib qO`ydi. Tez orada u diniy ilmlar O`rganish maqsadida turli mamlakatlarga safar qildi. Muhammad ibn Abdulvahhob Arabiston yarim oroli, Misr, Suriya, Qurdiston, Iroq, Eron kabi mamlakatlarda bO`lib va olimlar suhbatida kO`pincha Ibn Abdulvahhob ulamolarga tazyiq O`tkazganligi uchun janjal bilan tugatar edi. 1726-27 yilda otasi Abdulvahhob Najd vodiylaridan biri Xuraymalaga oilasi bilan kO`chib O`tadi. Bunga sabab al-Uyayna yangi amir bilan kelisha olmaganligi uchun Abdulvahhob qozilik lavozimidan bO`shatiladi. Ba`zi

www.arxiv.uz tadqiqotchilar 1740-41 yilda Abdulvahhob vafotidan sO`ng uyiga qaytgan Muhammad uning O`rniga qozi bO`lganligini tahmin qilishadi. Lekin, u bu mansab bilan cheklanmadi. Muhammad ibn Abdulvahhob kishilarning din masalalarida "notO`g`ri" qarashlarni tanqid qilib, O`zi "tO`g`ri" deb tushingan yO`lni targ`ib etishni boshladi. Uning targ`ibotchilik faoliyatini 2 davrga ajratsa bO`ladi: 1) 1730-1745 yillar; 2) 1745 yildan sO`ngi davr. Birinchi davrda Ibn Abdulvahhob turli kichik davlatlar-amirliklar ichida O`ziga munosib homiy izladi. U 1150 (1737-38) yil al-Uyaynaga uning amiri Usmon ibn Mu`ammar taklifiga binoan kO`chib O`tadi. Bu yerda targ`ibot ishlarida ziddiyatli vaziyat kelib chiqadi. Natijada, mahalliy islom ulamolarining talabiga binoan Usmon ibn Mu`ammar yangi targ`ibotchini O`z davlatidan chiqarib yuborishga majbur bO`ldi. 1745 yili Muhammad ibn Abdulvaxxob qO`shni ad-Dir`iya vodiysiga uning amiri Muhammad ibn Sa`ud taklifiga binoan kO`chib O`tadi. Tez orada Usmon ibn Muhammad katta xatoga yO`l qO`yganligi tushunib qoladi. Ibn Sa`ud vahhobiylar misolida shaxsiy hokimiyatini mustahkamlashda kuchli qurolga ega bO`ldi. Birinchidan, kO`shni qabila, amirliklarga qarshi uyushtiriladigan bosqinchilik urushlarini oqlaydigan ta`limot hamda ulamolar uning e`tiboriga O`tdi. Chunki, vahhobiylar xohlagan muxoliflarni bid`atda, shirkda ayblab, ularga qarshi jihod urushini e`lon qilishlari mumkin edi. Ikkinchidan, Ibn Sa`ud vahhobiylar sa`y-harakatlari natijasida "TO`g`ri yO`ldagi" musulmonlar imomi, amir unvoniga ega bO`ldi. Vahhobiylar harakatining maqsadi va mazmunini tahlil etadigan bO`lsak, u xanbaliyya mazhabidan boshqa bir mazhabni tan olmagan va islom dinidagi har qanday yangilikni rad etgan; ayni paytda bu dinning rivojlanishiga katta hissa qO`shgan aziz-avliyolarning xizmatini inkor etib, yodgorliklar, qabrlarni vayron qilishga chaqirgan.

www.arxiv.uz Dalillarga murojaat qilaylik. Islomshunos olimlarning ber-gan ma`lumotlariga kO`ra, vahhobiylar davstavval Rasuli Akram sa-hobalaridan birining Jubayilidagi qabrini vayron qildilar. 1802-1803 yillarda Muhammad payg`ambarning nabiralari-Imom Hasan va Imom Husaynlarning qabrlarini vayron qildilar. Qabr maqbaralaridagi qimmatbaho bezaklarni, oltin suvi yuritilgan g`ishtlarni tuyalarga ortib O`lja sifatida olib ketdilar. Bu vahshiy-liklarga qarshi chiqqan mO`ysafidlar, ayollar, hatto bolalar shafqat-sizlarcha qirib tashlangan. Qabrlardagi talon-taroj 8 soat davom etgan. Shu vaqt ichida qarshilik kO`rsatganlardan tO`rt ming odam qilichdan O`tkazilgan. Tarixiy voqealar shuni kO`rsatadiki, vahhobiylar islom dini “asl holatiga keltirish” da`vati ostida bosqinchilik, talonchilik bilan shug`ullanishgan. 1803 yili vahhobiylar Makkani, keyin Madina shahrini bosib olishdi. U yerdagi barcha qabrtoshlarni, hatto Bibi Fotima va saho-balar sog`anasidagi qabr toshlarni buzib tashlashdi. 1810 yilga kelib Muhammad payg`ambarning masjidini ham talon-taroj qilishdi. Bunday xunrezliklarga chiday olmagan Misr hukmdori Muhammad Ali 1811 yili bu yovuzlikka qarshi chiqib, O`z qO`shinlari bilan avval Xijozni, sO`ng 1818 yili Dir`ani vahhobiylardan tozaladi. Shundan sO`ng hokimiyat misrliklar qO`liga O`tsa ham, baribir, vahhobiylar vaqti bilan O`sha davlatni tiklashdi. Uning poytaxti Ar-riyod bO`ldi. Ibn Sa`ud shu davrdan boshlab Markaziy Najdda O`zining yakkahokimligi O`rnatishini boshladi. Mushrikiylikda ayblangan qO`shni mamlakatlar amirlari uchun, yoki Saudiylarga tO`liq bO`ysunish yoki ularga harbiy qarshilik kO`rsatish yO`llarigina qolar edi. Qariyb chorak asr davom etgan bu kurash Saudiylarning tO`liq g`alabasi bilan tugadi. Lekin Ibn Saud Najdni bosib olish bilan cheklanmadi. Endi Ibn Saud butun Arabistonni O`z tasarrufida birlashtirishni niyat qilib qO`ygan edi. Bu uzoq davom etgan kurash Usmoniylar imperiyasi va Buyuk Britaniyaning aralashuviga olib keldi. Pirovard natijada vahhobiylar bayrog`i ostida Arabistonni birlashtirish

www.arxiv.uz harakati Saudiya Arabistoni mamlakati tuzilishi bilan tugadi. Bu kurash yillarida, ya`ni 1792 yili Muhammad Ibn Abdulvahhob vafot etadi. Ma`lumki, islom dini rivojlanishi Kur`on davri bilan tugamadi. Keyingi davrda yashagan islom olimlari diniy hayotda paydo bO`lgan masalalarni xal etib bordilar. Buning natijasida turli milliy madaniyatlar, tillar mintaqalar xususiyatini hisobga oluvchi mazhablar, yO`nalishlar vujudga keldi. XI asrda islom oqimlarining ichida xanbaliya oqimi paydo bO`ldiki, ular diniy masalalarda din fundamenti, ya`ni Payg`ambar davri voqeliklariga qaytishni talab etdi. Ular barcha O`z muxoliflarini dinga yangilik kiritganlikda (bid`at) aybladilar. Faqat O`z karashlarini sof islomiy deb e`lon etdilar. Lekin bu davr ulamolari xanbaliylarning ta`limotlarida kO`p bid`atlar topib, O`z navbatida, ularni kofirlikda aybladilar. Keyingi asrlarda bu g`oyalarni suriyalik olim Takiaddin ibn Taymiya (1328 yil vafot etgan), Ibn al-Kayyim (XIV asr) rivojlantirdilar. Ular islom manbalari sifatida Kur`oni Karim, Payg`ambar sunnati va avvalgi 3 asr amaliyotida bO`lgan qoidalarnigina tan olishadi. Jamiyat hayotidagi hamma kamchiliklarni, regressiv mazkur normalarni bajarmaslikdan kelib chiqqan deb hisobladilar. Faqat O`z qarashlarini tO`g`ri deb bilish, boshqalar fikri bilan hisoblashmaslik, murosasizlik, fanatizm bu ta`limotning asosini tashkil etdi. Muxammad Ibn Abdulvahhob bu fikrlarni tO`lik qO`llab- quvvatladi. U O`z asarlarida shu fikrlarni qaytaradi. Vaxxobiylarda jixod nazariyasi. Vahhobiylar Saudiylar siyosiy muholiflarni mushrikiylar deb e`lon qildilar. Islom dushmanlari sifatida mushrikiylarga qarshi jihod urushiga borishga fatvo berdilar. Bu bilan Muhammad Ibn Abdulvahhob Saudiylar bosqinchilik urushlariga qonuniy, diniy asos yaratib berdilar. Bu urushlar davomida kO`plab gunohsiz musulmonlar O`ldirildi, shaharlar, qishloqlar vayron etildi, mol-mulklari talandi, ayollar va bolalar qul etib sotildi. Vahhobiylar ularning fikrlariga qO`shilmagan musulmonlarni kofirlar deb e`lon qilar edilar. Vahhobiylar yangi vodiy va shaharlarni bosib olgandan sO`ng u yerda joylashgan muqaddas joylarni buzish, shu mintaqada yashovchi vahhobiylarga qarshi bO`lgan ulamolarning kitoblarini

www.arxiv.uz yoqish bilan shug`ullandilar. Ekstremistik din vakillarining harbiy-siyosiy guruhlar bilan ittifoqi shunday og`ir, qonli oqibatlarga olib borishini yana bir bor amalda isbotladi. Ahlok ta`limoti. Vahhobiylar nazariyasi jihatidan ahloq masalalarida garchi shaxsiy kamtarlik, mol-mulkka xirs qO`ymaslik, dunyoviy hayotda toat-ibodatga aksariyat vaqtni sarflashga targ`ib qilsalarda, lekin amalda saroy ahlining bosqinchilik urushlari, qO`shni qabilalarning mol-mulklarini talash oqibatida boyishi natijasida gap bilan amal O`rtasida ziddiyatlar paydo bO`lishiga olib keldi. Saudiylar serxasham saroylar, qimmatbaho bisotlar bilan O`zlarini O`rab ola boshladilar. Targ`ibotni kasbga aylantirgan vahhobiylarning qarashlari qiyin islomda ilk aqidalarga zid edi. Saudiya Arabistoni davlati shakllanishi Usmoniylar Imperiyasi (1453-1924) xududlarida yuz berilganligi tufayli vaxxobiy ta`limotida turkiy islomiga qarshi bO`lgan kayfiyatlar kuchliroq O`z aksini topdi. Imperiya markaziy mintaqalarida xanafiya mazhabi mutloq hukmron mavqega ega bO`lganligi uchun mazkur maktab qoidalari qattiq tanqid qilindi. Islom dunyosini birlashtirish goyalari. Vahhobiylik kichik amirlikning katta mamlakatiga aylanish mafkurasi bO`lganligi sababli unda avvalo Naj, Hijoz, sO`ngra butun Arabiston yerlarini birlashtirish g`oyalari ustuvor O`rinda bO`ldi. Qator islom mamlakatlarida turli din shakllari mavjud bO`lgan bir vaziyatda Payg`ambar davri me`yorlariga qaytish g`oyalari bu ta`limotning boshqa mamlakatlarda ham tarafdorlari paydo bO`lishiga olib keldi. Ba`zi siyosiy kuchlar, O`z g`arazlari yO`lida bu ta`limotdan foydalana boshladilar. O`z muholiflarini tanqid qilishda ushbu g`oya kO`l keldi. Bu O`z navabatida vahhobiyaning islom dunyosida tarqalishiga zamin yaratdi. Turli aholi guruhlarining O`z ahvolidan noroziligi bu ta`limot orqali kimlarnidir ayblashga, hissiyotlarini kO`zg`atib, O`zlarining g`arazli maqsadlari yO`lida foydalanishlariga ham vosita bO`ldi. Hijozda haj safarida bO`lgan musulmonlar bu g`oyalarni Indoneziyadan tortib to Atlantika okeani sohillarigacha olib bordilar.

www.arxiv.uz Mazkur ta`limot, ayniqsa, zaif rivojlangan mamlakatlarda muvaffaqiyat qozona boshladi. Bunday jamiyatlardagi xal qilinmagan iqtisodiy, ijtimoiy, ahloqiy muammolarni mamlakatda ma`lum tartib-islom tartibini O`rnatish orqali yechishga kO`p umid qilinardi. Saudiya Arabistonida neft konlarining kashf etilishi, ularning mamlakat xazinasiga foyda keltirishi bu mamlakat mavqeini O`zgartirib yubordi. Iqtisodiy kuchli davlat avval arab dunyosi, sO`ngra islom olamida yetakchi mamlakat rolini O`ynashini orzu qila boshladi. Tashqi siyosat sohasida vahhobiya sustroq rivojlangan boshqa musulmon davlatlarga tazyiq O`tkazish quroliga aylanadi. Ichki siyosat sohasida mamlakat boyliklariga kichik guruh egalik qilishi, hech qanday saylovlar O`tkazmaslik, siyosiy kuchlar muvozanatini O`zgartirmaslikda vahhobiya ta`limoti mislsiz xizmat kO`rsatmoqda. Mamlakat rivojlanishida ta`limot ba`zi ziddiyatli xollarni keltirib chiqardi. Masalan, ta`limotdagi maishiy hayotda kamtarin bO`lish g`oyasi va saroy ahllari, malik oilasining dabdabali hayoti (Saudiylar oilasi jahondagi eng boy oila hisoblanadi), musulmonlar O`rtasida birodarlik, O`zaro yordam g`oyasi va tashqi siyosatda musulmon davlatlariga qarshi ba`zi /arb, xristian-yaxudiy davlatlari bilan birlashish, O`rta asr hayotini aks ettiruvchi shariat qoidalari va oilaviy, ijtimoiy hayotdagi hozirgi zamon voqeligi, shaxs erkinligi prinsiplari O`rtasidagi kelishmovchiliklarni misol keltirish mumkin. Bular mamlakat rahbariyati uchun kO`p muammolar keltirib chiqaradi. Mazkur masalalarni yechishda ulamolar katta kO`mak beradilar. Ma`lumki, ularning kO`pchiligini imtiyozli Muhammad Ibn Abdulvahhob avlodlari (Ol ash-shayx) tashkil etadi. Ma`lum ma`noda, vahhobiylarning O`zlari ham zamon bilan barobar bO`lishga harakat etib, ta`limotga O`zgartirishlar kiritadilar va O`zlarining ta`kidlariga kO`ra bid`atga yO`l qO`yadilar. Vaxxobiylarning chet ellarda juda kO`p tashkilotlari mavjud bO`lib, ular faol harakat olib boradilar. KO`pchilik tashkilotlar yashirin siyosiy faoliyat bilan shug`ullanadilar. Ular O`zlarini muvaxxidun (tavhidchilar) deb ataydilar. Vahhobiylarning faoliyati musulmon mamlakatlaridagi mavjud konstitutsion

www.arxiv.uz tuzumni zO`rlik bilan O`zgartirib, Saudiya Arabistoniga moyil hukumat tuzishga qaratilgan. Ish uslublari-diniy hissiyotlari kuchli fuqarolarni jamiyatlariga tortib, ularni qayta tarbiyalash, sO`ng ulardan tashviqot, ijtmoiy tartibbuzarlik, ekstremistik harakatlarda foydalanish. Bu ishlarga, ayniqsa, yoshlarni, ayollarni, bolalarni tortish. Shuning uchun balog`atga yetmagan fuqarolar, norozilar O`rtasida ish olib borishga e`tibor beriladi. Xayriya fondlari orqali mayib- majruhlarga, yetim-yesirlarga yordam, din qoidalarini O`rganuvchilarga dars berish, darslik-kitoblar tarqatish kabi propaganda metodlaridan keng foydalanadilar. Kishilarga fanatizm, murosasizlik, O`zgalar fikrlari va manfaatlariga xurmatsizlik ruxini singdirishga urinadilar. XIX asrning dastlabki yillaridan islom dini tarqalgan mamlakatlar iqtisodiy, ijtimoiy, siyosiy hayotida katta tarixiy O`zgarishlar yuz bera boshladi. Bu O`zgarayotgan yangi sharoitlarga diniy - falsafiy, huquqiy normalarning XIX asr yarmidan boshlangan moslashuvi ilmu fanda "islomiy islohotlar" nomini oldi. Lekin bu jarayonlar haddan tashqari chO`zilib ketdi va kO`p sohalarda ziddiyatli hollarni keltirib chikardi va chiqarmoqda. Shunday sohalardan biri-ijtimoiy ong doirasida milliy mafkuraning shakllanishi. Milliy ozodlik kurashining rivojlanishi jarayonida islomning siyosiylashuvi xodisasi kuzatiladi. Bu xol O`zini siyosiy kurash davomida islomiy shiorlardan keng foydalanishda namoyon qiladi. Ular orasida panislamizm va musulmon jamoalarini boshqa konfessiya vakillaridan ajratish (islom millatchiligi) g`oyalari e`tiborga molikdir. 3.O`zbekiston Respublikasining Konstitutsiyasida milliy va diniy ruxdagi siyosiy partiyalar tuzishning taqiqlanishi. 1.O`zbekiston Respublikasi demokratik davlat sifatida O`zining qonun yaratuvchilik faoliyatida xalqaro huquq normalari va xalqaro kelishuvlarga tayanadi, jumladan Konstitutsiyaning 57-moddasi Fuqarolik va siyosiy huquqlar tO`g`risidagi xalqaro paktdan kelib chiqadi, chunki unda belgilanishicha: birinchidan, urushni har qanday targ`ib etish qonun bilan taqiqlanishi kerak;

www.arxiv.uz ikkinchidan, kamsitishga, adovatga yoki zO`ravonlikka undovchi milliy, diniy yoki irqiy nafrat ruhidagi har qanday harakat qonun yO`li bilan taqiqlangan bO`lishi lozim(20-modda). 2. Konstitutsiya 57-moddasining mazmunini rivojlantirib “O`zbekiston Respublikasida jamoat birlashmalari tO`g`risida”gi qonunda bizning jamiyatimizga zid bO`lgan jamoat birlashmalarining rO`yxatini aniq kO`rsatilgan. Bu tashkilotlarning faoliyati: birinchidan, umumbashariy gumanistik qadriyatlarni buzushga: ikkinchidan, O`zbekiston Respublikasi va Qoraqalpog`iston Respublikasi hududiy birligini buzushga: uchinchidan, O`zbekiston xalqlari ma`naviyatini yemirishga: tO`rtinchidan, jamiyatni parchalashga; beshinchidan, qonuniy va demokratik yO`l bilan shakllantirilgan hokimiyat organlariga kuch bilan tazyiq O`tkazishga yO`naltirilgan. 3.O`zbekiston Respublikasi demokratik huquqiy davlat tamoyillarini amaliyotga tatbiq etib, qonunchilik darajasida quyidagi partiyalarni tuzishni man qiladi: a) konstitutsiyaviy tuzumni zO`rlik bilan O`zgartirishni maqsad qilib qO`yuvchi; b) millatchilik xarakteriga ega bO`lgan; v) milliy va diniy mansublikka asoslanib shakllantirilayotgan; g) ijtimoiy, milliy, irqiy va diniy adovatni targ`ib qiluvchi. 4.O`zbekistonda aqidaparastlikning O`ziga xos kO`rinishda namoyon bO`lishi. Afsuski, keyingi paytlarda ayrim dindorlar orasida mamlakatimiz hukumati yaratib berayotgan imkoniyatlar, imtiyoz va g`amxO`rlikning qadriga yetmasdan, ularning bu mohiyatini tushunmasdan jamiyat uchun jiddiy salbiy oqibatlar bilan tugallanishi mumkin bO`lgan xatti-harakatlar yuz bermoqda. Achinarlisi shundaki, bunday kirdikorlar g`aliz niyatli kimsalar ta`siriga tushadigan, mustahkam dunyoqarashga ega bO`lmagan yoshlarda, shu jumladan, dunyoviy ilmga ega

www.arxiv.uz bO`lib, kelajakda jamiyatimiz ravnaqi uchun astoydil xizmat qilishi lozim bO`lgan oliy O`quv yurtlaridagi talabalarimiz orasida bu ta`sirga berilish kam bO`lsa ham uchramoqda. Ana shunday kimsalarga, O`zlarini “vahhobiylar”, “sunniylar”, ”fundamentalistlar” va boshqa oqim izdoshlari deb da`vo qilayotgan buzg`unchilarga bu yosh dindorlar faqat jamiyatdagina emas, shu bilan birga rasmiy e`tiqoddagi kO`pchilik musulmonlardan ham ajralib qolmoqdalar. Ular aksariyat dindorlarning faqat achinish va taassuf obyektlarigagina aylanib qolmasdan, ba`zan ayrim nojO`ya xatti-harakatlari, ekstremistik fikrlari, hatto jinoyatlari tufayli qoralanmoqdalar. Ularning bu faoliyatlari faqat notO`g`ri xatti-harakatgina bO`lib qolmasdan, balki keyingi paytlarda ayrim xorijiy musulmon mamlakatlarlarida huruj qilayotgan islom fundamentalizmiga, aqidaparastlikka asoslangan mutaassiblik ekstremizmining din niqobi ostida O`z maqsadini zO`ravonlik bilan amalga oshirish izidan borayotganlardan kam farq qiladi. Ular O`zlarini garchi islomdagi eng mO`tadil xanafiya mazhabining izdoshlari deb hisoblasalar ham, aslida ularning faoliyati jamiyat va islom uchun zararli bO`lgan toifachilik, guruhbozlikdan boshqa narsa emas. Keyingi O`n yilliklar davrida vahhobiylik harakatining namoyandalari O`zbekistondagi musulmonlarga ham O`z ta`sirini O`tkazish uchun turli yO`llardan foydalanmoqdalar. Matbuot bergan xabarlarga kO`ra? “Xizbi” harakati, “Jihod”, “Da`vat ul irshod” va “Pokiston islom ulamolari jamiyati” kabi tashkilotlar yordamida O`zbekistonlik, aksariyati Farg`ona vodiysi yoshlaridan Peshovor tumanida joylashgan diniy O`quv yurtlarida O`qiyotgani ma`lum bO`ldi. Tayyorlangan jangarilar turli ishlar bilan O`zbekistonga kelib islom davlati barpo etish maqsadlarini amalga oshirishni mO`ljallagan edilar. Al-Ixvon al-muslimin. 1928 yili Misrning Ismoila shaxrida Shayx Hasan al- Banno tomonidan tashkil etilgan diniy siyosiy tashkilotdir. Xasan al-Banno Jamoliddin al-Afg`oniy Muxammad Abdux Rashidrizo asarlaridan ta`sirlanib Pan islomizm g`oyasida jixot, islomiy millatchilik, islomiy davlat ta`limotlarini ishlab

www.arxiv.uz chiqdi. Al-Ixvon al-muslimun O`z tarixida bir necha bosqichlarni bosib O`tdi. 1928-1936 yillardagi davrni xayriya va ma`rifat chilik bochqichi deb atasa bO`ladi. Keyinchaliu u kurash uslubi sifatida terrorni qO`llash darajasiga yetgan siyosiy tashkilot sifatida maydonga chiqdi. KO`plab davlatlar uning faoliyatini taqiqladi. Keyinchalik u uch yO`nalishaga ajrab ketdi. 1) mO`tadillr-Xasan al-Banno, Saiid Qutb tarafdorlari: 2) islom demokratlari-islom sotsializm ta`limoti tarafdorlari. 3) «At-Takfir va –l-xijra» «Al-jixot» «Xizb at-taxrir al-islomiy» kabi terror uslubini qO`llovchi tashkilotlar. Xizb at-taxrir 1952 yil Quddus shaxrida falastinlik iloxiyotchi Tayqiyiddin an-Nabaxoniy tomonidan asos solingan diniy siyosiy partiya. Partiyaning asosiy maqsadi-avval arab davlatlari keyin islom dunyosi va nixoyat jaxon miqyosida xalifalik shaklidagi islom davlatini tuzish. Partiya dasturi 187 banddan iborat bO`lib, asosiy maqsadi xokimiyatga erishish. Ularga islomiy ta`lim tarbiya berish ikki bosqichdan iborat: -islom ta`limotini O`rganish yO`lida madaniy-ma`rifiy ishlar olib borish; -siyosiy faoliyatga tortish. Maqsadga erishish uchun kurash uch bosqichdan iborat: -g`oyaviy fikriy kurash; -jamiyatda g`oyaviy inqilobni amalga oshirish; -xokimiyatga faqatgina umma jamoaning tO`liq rizoligidan kelish. O`zbekiston xududida 1992 yildan boshlab partiyaning boshlang`ich bO`linmalari tashkil etila boshlandi. Partiya safiga kiruvchilar O`z partiyalari xaqidagi ma`lumotlarni xech qachon oshshkor etmaslikka Qur`on bilan qasam ichadilar. Partiya mutasaddilari O`z tarafdorlarini kO`proq ziyoliylar, ilmiy xodimlar, talaba yoshlar orasidan qidiradilar. Akromiylar. Akromiylar 1997 yil Andijonda tashkil topib, uning nomi gurux asoschisi 1963 yilda tug`ilgan YO`ldoshev Akrom nomi bilan bog`liq. Akromiylar ham davlat teppasiga chiqish kabi g`arazli maqsadni kO`zlaydilar. Biroq ular taxrirchilardan farqli O`laroq avvalo Andijonda, sO`ng amalga oshirmoqchi

www.arxiv.uz bO`ldilar. Akromiylar siyosiy xokimiyatga erishishni besh bosqichini rejalashtirganlar. –«sirli» «moddiy» «uzviy» «maydon» va «oxirat». TO`rtinchi va beshinchi bosqichlar tamomila islomlashtirish davri tugagach boshlanishi va ochiqdan ochiq xokimiyat uchun kurash bosqichlari bO`lmog`i lozim edi. Professor X.Karomatovning shohidlik berishicha, Namanganda Islom uyg`onish firqasini tuzish harakati 1990 yildayoq yuzaga kelgan edi; bu tashabbus vahhobiy jamoalari faoliyati asosida avj oldi. Ularning asosiy shiori dunyoviy hokimiyat barcha ishlarni dindorlar bilan muvofiqlashtirish, ya`ni musulmon davlatini barpo etish edi. Bu uzoqqa bormay bartaraf bO`ldi. Shu voqea bilan bog`liq va fosh etilgan ba`zi dalillarni keltiramiz. Vahhobiylik oqimi vakili QO`qonlik Yahyo Ishoqov bu oqimning teskari g`oyalarini yoyish bilan birga, oldin valyuta bilan chayqovchilik qilgani uchun 5 yilga kesilgan, uning maslakdoshi Rustam Alimov unga qO`shilib dollarlar bilan shug`ullangan. Marg`ilonlik X.Madumarov musulmonlar orasida dinni siyosiy vositaga aylantirish, hokimiyat tepasiga chiqib olishni targ`ib etuvchi minglab nushadagi yot adabiyotni tarqatish bilan shug`ullangan. Uning hamshahari Sh.Nazarbekov bugungi mustaqil, adolatli, demokratik, huquqiy, adolatli tuzumni yoqtirmay, unga ta`na toshlarini otib, uni ag`darib, islomiy davlat tuzishga da`vat qilib chiqqan. Fundamentalistlar 1990 yil 2 dekabrda 5 askarni avtobusda yoqib yubordilar; O`sha yili bahorda esa turklar bilan nizo chiqargan ham shular edi. “Ayrim jinoyatchilarni javobgarlikdan qutultirish maqsadida viloyat prokuraturasini binosini O`rab olib, ba`zi bir hujjatlarni yoqib yubordilar”. Buning ustiga u yirtqichlar E.Mamatqulov, M. Nosirov, B.Ubaydullayev kabi lavozimli kishilarni vahshiylarcha O`ldirdilar. Bundan tashqari, respublikamizda turli xristian toifalar, budda, krishna dinlari tarafdorlari, shuningdek, ahmadiylar, bahoiylar, kodiyoniylar, ogohiylar va boshqa oqimdagilar ham fuqarolarni O`z taraflariga og`dirishga urindilar. Ba`zi e`tiqodi sust musulmonlarda ularning ta`siriga berilish hollari bor. Chet eldagi toifalardan biri “Dor-ul Arkam” dir. Uning markazi Malayziyada. Bu toifa a`zolaridan erkaklar tO`pig`idan sal yuqori turadigan uzun kO`ylak va kichik

www.arxiv.uz salla bilan, ayollar esa qora libos, yuzlariga faqat kO`zi ochilib turadigan niqob kiyishlari bilan ajralib turadilar. Oxirgi yillarda bu toifaning ta`siri oz bO`lsa-da, O`zbekistonda sezilmoqda. Bu toifaning aksariyati sarmoyadorlar va tijoratchilardir. Ular bizdagi talaygina shaxslar bilan aloqa O`rnatganlar. Mazkur toifa Indoneziya, Tailand, Pokiston va boshqa mamlakatlarda ham O`ziga tarafdorlarini topdi. “Dor-ul Arkam” harakati kuchayib, Malayziyada hatto jiddiy muammoga aylandi. Ular islomdan chiqqan kofirlar deb e`lon qilindi, yurtdan quvildi. Hozir bu guruh rahbari Tailandda istiqomat qilmoqda. Vahhobiylik g`oyalari O`tmishda O`rta Osiyoda, shu jumladan, O`zbekistonda yashaydigan musulmonlar O`rtasida bO`lmagan. Bizdagi musulmonlar, asosan, hanafiya mazhabiga e`tiqod qiluvchilardir. Hozirgi davrda bizning diniy, milliy qadriyatlarimiz mezonlariga qarama-qarshi bO`lgan vahhobiylar g`oyalari katta mablag`larga ega bO`lgan ajnabiy kchlar va ularga ergashgan kishilar tomonidan targ`ib qilinmoqda. Fundamentalist vahhobiylardan arang qutulganimizda ularning horijiy homiylari mafkuraviy kurash jabhasiga chiqdilar. Bu xurujni Prezidentimiz I.A.Karimov “mafkuraviy tahdid” deb atagan. U shunday deb yozgan edi: “Bizdan uzoq-yaqin masofalarda joylashgan ayrim islom davlatlarida O`rta asrlarda mavjud bO`lgan musulmon xalifaligini tiklashni O`z oldiga maqsad qilib qO`ygan muayyan tashkilotlar mavjud”. Garchi bu niyat homhayol bO`lsa ham, u nisbatan yangi bO`lgani uchun unga qiziqadigan kalta fahmlar, bir urinib kO`raylikchi, noumid shayton deguvchi kimsalar bizda ham topiladi. 1999 yil 16 fevral kuni Toshkent shahrida qabih va razil niyatli kimsalar terrorchilik hurujlari sodir etdilar. Preziden-timizning “Toshkent shahridagi fojeali hodisalar munosabati bilan motam kuni e`lon qilish tO`g`risida” gi Farmonida qayd qilinganidek, “Mustaqilligimizga, xalqimizning osoyishta hayotiga, yurtimiz xavfsizligiga tajovuz qilishga qaratilgan bu yovuz urinish oqibatida begunoh odamlar halok bO`ldi”.

www.arxiv.uz Portlash oqibatida 15 kishi halok bO`lgan, yuzdan ziyod odam jarohatlangan; jabrlanganlarning deyarli barchasi tinch aholi vakillari edi. Bu mudhish hodisa rO`y bergan joyga yetib kelgan Prezidentimiz I.A.Karimov jurnalistlar bergan savollarga javobida bunday degan edi: “Bizni hech kim tanlagan yO`limizdan qaytara olmaydi. QO`poruvchilik qilganlarning maqsadi xalqimizning tinchligini buzish, qO`rqitish, yuragiga vahima solish, yuritayotgan siyosatimizga ishonchini sO`ndirish, amalga oshirayotgan ulkan ishlarimizga zarba berishdan iborat bO`lgan”. Davlatimiz rahbari bu fojeaning asl sababini ochib berib, bu nohush hodisa mamlakatimizda sO`nggi yillarda paydo bO`lgan O`ta hotirjamlik kayfiyatining oqibati ekanligini ta`kidlagan edi. Odamlarga biron-bir diniy e`tiqodni zO`rlik bilan singdirib bO`lmaydi. Bizning xalqimizning dini, e`tiqodi va milliy qadriyatlari kishilar ongi va psixologiyasiga chuqur singib, jamiyatda tinchlik va totuvlikni ta`minlashga, ijtimoiy taraqqiyotga xizmat qilib kelgan. Prezidentimiz I.A.Karimov islom fundamentalizmi hamda aqidaparastligining tahdidi nimalardan iborat degan savolga, bu tahdid namoyon bO`lishini 7 qismga bO`lib, quyidagicha tavsiflagan: birinchidan, aqidaparastlik g`oyalarini tarqatish orqali musulmonlarda islohotchi davlatga ishonchni yO`qqa chiqarishda namoyon bO`layotir; ikkinchidan, “Fundamentalistlarning adolat haqidagi olomon-bop, jozibador, ammo baqiroq va asossiz da`vatlariga kO`r-kO`rona ergashuvchilar O`zgalar irodasining quli bO`lib qolishini anglashimiz lozim”; uchinchidan, aqidaparast, fundamentalistlarning tahdididi mamlkat aholisi, ijtimoiy guruhlar orasida “haqiqiy” va soxta” dindorlik belgilariga qarab qarama- qarshilik, goho konflikt keltirib chiqarishlari namoyon bO`lmoqda; tO`rtinchidan, bunday tahdid respublikamiz janubidagi qO`shni mamlakatlarda fuqarolar urushi tO`xtamay, davom etib kelayotganligida namoyon bO`lmoqda;

www.arxiv.uz beshinchidan, bunday tahdid musulmon va nomusulmon mamlakat-lar, ularning jamoatchiligi orasida ham mamlakatimiz tO`g`risida kO`ngilni muzlatadigan tasavvur tug`dirishga urinishlardan namoyon bO`lmoqda; oltinchidan, xavfsizlikka tahdidning yana biri islom madaniyati bilan noislomiy (dunyoviy) madaniyat O`rtasida ziddiyatlarni shakl-lantirishda goh oshkora, goh yashirin tarzda namoyon bO`layotir; yettinchidan, sO`nggi tahdid xalq ommasini, xususan dindorlarning ongida din hamma iqtisodiy, ijtimoiy va halqaro muammolar va ziddiyatlarni hal etishning hammabop (universal) vositasi degan asossiz fikrni qaror toptirishga urinishda namoyon bO`layotir. Yuqorida bayon qilingan dalil, misol va fikr-mulohazalardan shunday xulosa qilishimiz mumkinki, xalqimizning ming yillar davom etgan tarixidagi davlatchilik siyosatida dinning jamiyat va inson ijtimoiy, ma`naviy hayotidagi roli masalasiga yondoshilganda, asosan diniy mutaassiblik va aqidaparastlik emas, empirizm (tajriba), ratsionalizm (aql-idrokka muvofiqlik) va amaliyotga suyanish va yondoshish bosh mezon bO`lgan. Nisbatan adolat va insonparvarliklarga tayangan IX-XII asrlardagi saltanatlar ham turkiy elatlarni birlashtirib, markazlashgan davlat qurgani va millat qudratini oshirgan buyuk Temur va temuriylar saltanati ham, Zahiriddin Muhammad Bobur, Humoyun, Akbarshoh, Shahjahonlarning turli din va mazhabdagi xalqlarni birlashtirib, oldingilarga nisbatan insonparvar davlatchilikni vujudga keltirgan saltanat-larning buyukligi va butun jahonni xayratga solganligining sababi ham shundadir. Buyuk ajdodlarimiz hukmronlik qilgan O`rta Osiyo zaminida asrlar davomida ratsional (aql-idrokka asoslangan) diniy e`tiqod, hur va erkin fikrlash qadrlanganligini, O`zbekistonda fan va madaniyat, adabiyot va san`atning naqadar ravnaq topganini kO`rish mumkin. Bugungi Respublikamiz mustaqilligi sharoitlarida fuqarolar, ayniqsa yoshlar diniy fundamentalizm va ekstremizmning O`zbekiston musulmonlari e`tiqod qilib kelgan hanafiylik mazhabiga tamomila zid ekanligini tO`g`ri anglab, bu

www.arxiv.uz fundamentalizmning tarixda ham, hozirgi kunda ham O`ta zararli ekanligini chuqur tushunib yetishlari lozim. Achinarlik joyi shundaki, vahhobiylik, “Xizbi tahrir” kabi toifachilarning qilmishlari sharmandalarcha fosh qilingan bugungi kunda, ularning hamon tinchimay turli kimsalarni ishga solib, avtobus-tramvaylarda, xonadon va pochta qutilariga O`zlarining razil niyatlari yozilgan varaqalarni tarqatayotirlar. Bunga loqaydlik bilan qaraydiganlar orasida borligi diniy fundamentalizmning mohiyatini tO`liq tushunib yetmaganligini kO`rsatadi. Buning oldini olishning birdan-bir yO`li ularga qarshi ma`rifat yO`lini kengaytirishdir. Buni amalga oshirish-ziyolilar, O`qimishli kishilar, talabalar, diniy uyushmalar va imom-xatiblarning muqaddas burchidir. 5.O`zbekiston hukumatining sof islom ta`limotini rivojlantirish borasida olib borayotgan ishlari. Yangi tahrirdagi Qonun vijdoniy e`tiqodga, uning dunyoviy va diniy shakllariga erk beradi, ularni mustaqil, teng mavjudligini va nizosiz ish olib borishlarini ta`minlaydi; ularni qO`llab-quvvatlaydi; g`ayriqonuniy tajovuzlardan himoya qiladi. Bundayn tashqari har qanday ekstremistik harakatlar qoralanadi va bu ishlarning tashkilotchilari qonunning tegishli moddasi bilan jazolanadilar. Vijdon erkinligi tufayli dindan davlatga va Konstitutsiyaga qarshi targ`ibot olib borish, nifoq, nafrat qO`zg`atish, millatlar orasida adovat uyg`otish kabi harakatlarga aslo yO`l qO`yilmaydi. Mamlakatimizda din va e`tiqod erkinligining ta`minlanishini ahamiyati shundaki, u xalqimizning ma`naviyati va psixikasiga hayotbaxsh ta`sir etib, insonning poklanishi, jamiyatni ma`naviy-axloqiy jihatlardan sog`lomlashtirishda muhim O`rin tutadi. Hozirgi vaqtda mamlakatimizda 15 diniy konfessiya faoliyat kO`rsatmoqda. Ular bilan davlat idoralari O`rtasida demokratik tamoyillarga asoslangan huquqiy munosabatlar shakllandi. Din va e`tiqod erkinligini ta`minlash asosida mamlakatda fuqarolar hamjihatligi va milliy totuvlik, tinchlik va barqarorlik vujudga kelmoqda.

www.arxiv.uz O`zbekiston Respublikasi inson huquqlari Milliy Markazi O`tkazgan sotsiologik tadqiqotlar natijasida barcha sO`ralgan aholidan 79,2 foizi dinga ishonishini aytgan. Shulardan, O`zbeklar - 87,2 foiz, boshqa millat vakillari - 71,3 foizni tashkil etgan. Shunisi diqqatga molikki, O`zlarini dindor hisoblagan aholining aksariyat kO`pchiligi dinga bO`lgan munosabatini belgilashda besh vaqt namoz O`qishni, machit-madrasa yoki cherkovga borishni shart deb bilmaydi. O`zbekistonda din va e`tiqod erkinligi ta`minlanganligi yana shunda kO`rinadiki, xohishi bO`lgan fuqarolar diniy ta`lim olish uchun diniy O`quv yurtlariga murojaat qilishlari mumkin. “Vijdon erkinligi va diniy tashkilotlar tO`g`risida” gi yangi tahrirdagi qonunning diniy urf-odat, marosimlarni huquqiy tartibga soluvchi qoidasi yanada mukammallashtirildi. Fuqarolar diniy e`tiqod ehtiyojlarini qondirish uchun ibodat, diniy urf-odatlar va marosimlarda va ularga tegishli hududlarda, ziyoratgohlarda, qabristonlarda, zarur hollarda ularning uylarida O`tkaziladi. Musulmonlar diniy e`tiqodlari tufayli jamoat joylarida ibodat liboslarida (diniy tashkilotlarning xizmatidagilar bundan mustasno) yurishlariga yangi qonunda yO`l qO`yilmaydi, deb ta`kidlangan. Islom fundamentalizmi va uning izdoshlarining asosiy g`oyasi ilk islomning “sof”, ilmiy tilda ortodoksal tamoyillariga qaytish yoki ularni tiklashdir, maqsadi esa butun insoniyat jamiyatiga “islom omili”, “islomiy taraqqiyot yO`li”ni majburan joriy etishdir. Ammo O`zbekistonda istiqomat qiluvchi musulmonlar tarixan islomning sunniy yO`nalishdagi eng mO`tadil, insonparvar xanafiya mazhabiga e`tiqod qilib kelganlar. Islom bizning xududimiz xalq-lari turmush tarziga, ahloq-odobiga, urf- odat va marosimlarga, bir sO`z bilan aytganda, madaniyatga katta hissa qO`shgan. Bu haqda Respublikamiz Prezidenti I.Karimov shunday deb yozgan edi:” Din, shu jumladan islom dini ham ming yillar davomida barqaror mavjud bO`lib kelganligining O`zidayoq u inson tabiatida chuqur ildiz otganligidan, uning O`ziga hos bO`lgan bir qancha vazifalarni ado etishidan dalolat beradi. Eng avvalo, jamiyat, guruh, alohida shaxs ma`naviy hayotining muayyan sohasi bO`lgan din

www.arxiv.uz umuminsoniy axloq me`yorlarining O`ziga singdirib olgan, ularni jonlantirgan, hamma uchun majburiy hulq-atvor qoidalariga aylantirgan, madaniyatga katta ta`sir kO`rsatgan. Insonning odamlar bilan bahamjihat bO`lib yashashiga kO`maklashgan va kO`maklashmoqda”. Tabiiyki, bunday katta ijtimoiy va ma`naviy kuch bO`lgan islom qadriyatlaridan samarali foydalanish milliy istiqlol mafkurasi-ning doimiy diqqat- e`tiboridadir. Bu sohada davlatimiz rahbari olib boayotgan adolatli ishlar hozirgi kunda hech qanday shubha tug`dirishi mumkin emas. Masalaning diqqatga sazovor tomoni shundaki, hozirda islomning jamiyat taraqqiyotidagi haqiqiy roli va O`rnining mavjud voqelikka tayanishi O`tmish davrlardan keskin farq qiladi. Buni hozirgi paytda mutlaq (aksariyat) musulmonlarimiz ham, mamlakatimizdagi kO`zga kO`ringan islom ilohiyotchilari, ulamolar ham, umuman respublikamizning aksariyat aholisi tushunib yetdilar.

www.arxiv.uz Tavsiya etiladigan adabiyotlar : 1. O`zbekiston Respublikasi Konstitutsiyasi. T., 2003. 2. Karimov I.A. Olloh qalbimizda, yuragimizda. T., 1999 y 3. E`tiqod erkinligi qonuniy asosda bO`lsin. O`zbekiston Respublikasi Prezidenti I.Karimovning Oliy Majlis XI sessiyasida sO`zlagan nutqi. Xalq sO`zi gazetasi 1998 yil 5 may 4. “Vijdon erkinligi va diniy tashkilotlar tO`g`risida”gi O`zbekiston Respublikasining Qonuni (Yangi tahriri). O`zbekistonning yangi qonunlari. TO`plam. 19-son, T., “Adolat”. 1998. 5. O`zR Vazirlar Mahkamasining “Ijtimoiy-ma`naviy muhitni yanada sog`lomlashtirish, diniy aqidaparastlikning oldini olish chora-tadbirlari tO`g`risidagi 1998 yil 26 mart 130-sonli qarori. 6. Karimov I.A. O`zbekistonning O`z istiqlol va taraqqiyot yO`li. T., “O`zbekiston”, 1992. 7. Karimov I.A. O`zbekiston XXI asr bO`sag`asida: xavfsizlikka tahdid, barqarorlik shartlari va taraqqiyot kafolatlari. T., “O`zbekiston”, 1997. 8. Karimov I.A. O`zbekiston XXI asrga intilmoqda. T., “O`zbekiston”, 1999. 9. Karimov I.A. Olloh qalbimizda, yuragimizda. T. “O`zbekiston”, 1999. 10.Karimov I.A. Barkamol avlod – O`zbekiston taraqqiyotining poydevori. – T.: O`zbekiston, 1997. 11. www.ziyonet.uz 12. www.e-tarix.uz

O'xshashlar

Mustaqil o‘zbekiston xalqaro munosabatlar tizimida (1991–2010 yy.)

O'zbekiston milliy amaliy bezak san'ati. diniy tasavvurlar, urf odatlar va irimlar. O'zbek xalq bayramlari, o'yin va marosimlari

Ma`naviy qadriyatlarning tiklanishi

O'zbekiston Respublikasining jahon hamjamiyatiga qo'shilishi

Dinning ibtidoiy shakllari