Гидротехника иншоотлари элементларининг коррозияси ва сиртларини ўсишига карши курашиш - Suv xo'jaligi - Referatlar

Гидротехника иншоотлари элементларининг коррозияси ва сиртларини ўсишига карши курашиш

Yuklangan vaqt:

29.10.2019

Ko'chirishlar soni:

0

Hajmi:

1813 KB

Ko'chirib olish

Гидротехника иншоотлари элементларининг коррозияси ва сиртларини ўсишига карши курашиш Режа: 1. Гидротехника иншоотлари элементларининг коррозияси ва сиртларини ўсишига карши курашиш 2. Коррозияга карши курашиш . 3. Ўзанларни кузатиш ва ўзан ростлаш иншоотларини ишлатиш

Гидротехника иншоотлари элементларининг коррозияси ва сиртларини ўсишига карши курашиш Коррозияга карши курашиш . Коррозия – бу металл ва котишмаларни ташки (сув, хаво, хаво – сув ва ш.ў.) мухит билан ўзаро бир бирига таъсири натижасида ўз ўзидан емирилишидир. Бунда металл окислар ёки тузларга айланади, бунинг натижасида унинг мустахкамлиги пасаяди. Коррозия гадир - будурликни оширади, натижада металл кувурлар ва бошка сув ўтадиган сиртларда кўшимча гидравлик каршилик вужудга келади. Коррозиянинг икки асосий тури мавжуд – кимёвий ва электрокимёвий. Кимёвий коррозияни ташки мухит билан контактда электр токини ўтказмайдиган суюк моддалар келтириб чикаради: нефт махсулотлари, олтингугурт бирикмалари, спиртлар, шунингдек азот окиси, олтингугурт водороди (сероводород), олтингугуртли газ, хлор водороди кўринишларидаги газлар ва ш.ў. Электрокимёвий коррозия электр токи ўтиши ва кимёвий реакция билан бирга кечади. У металлда сезиларсиз атмосфера нами ёки электролит пленкали: кислоталар аралашмалар, тузлар, ишкорлар, шунингдек ишкорли ва кислотали характерга эга газсимон моддалар пайдо бўлиши билан вужудга келади. Коррозиянинг жадаллиги ва характери (5.6 – расм) металл таркиби, мухитнинг намлиги ва харорати, электр таъсири, сувнинг тезлиги, грунтнинг муаллак холдаги ёки юмалаб келаётган кисмининг абразив таъсири ва ш.ў. ларга боглик. Шунинг учун коррозия хосил бўлиш жараёнига сезиларли даражада хар хил кимёвий бирикмалари бўлган, сув омборига ёки сув

окарларга сув ташламалардаги сульфатлар, хлоридлар, кислотали бирикмалар, ишкорлар ва ш.ў.лар хам таъсир килади. Бу холда коррозия жадаллиги бир неча марта ошади. Кузатишлар металлдан бўлган юзалардан ўтаётган сув тезлиги 0 дан 1 м/ с гача бўлганда коррозия жадаллиги тахминан сув тезлигига пропорционал ўсишини кўрсатган. Даугаве дарёсидан олинган маълумотлар сув тезлиги 2 м/с атрофида бўлганда пўлат коррозияси тинч турган сувга нисбатан деярли 2 марта юкорилигини кўрсатган. Шунинг билан бирга баъзи холатларда коррозия жадаллиги окар сувларда камайиши хам аникланган. Бу масала хозирча кам ўрганилган. ВНИИГда ўтказилган тадкикотлар текис таксимланган (амалда хавфсиз) – 0,001…0,002 мм йилига ва йилига 1 мм гача етадиган бирдан кўзга ташланадиган, ундан кейин эса йилига 0,3…0,4 мм. тургунлашган коррозия мавжудлигини кўрсатган. 5.6 – расм Коррозия турлари: а–текис т аксимланган; б – нотекис таксимланган; в– структурали–сайлаб лувчи; 2 – дог шакилли; д – язва шаклли; е–нуктали шаклда; ж – кристаллараро; 3 – кристаллар ичида; и – сирт остида . Кимёвий ва электрокимёвий коррозиялардан ташкари биологик коррозия хам мавжуд. Уни сувдаги микроорганизмлар келтириб чикаради. Коррозион – хавфли бактериялар аэроб ва анаэроб бактерияларга бўлинади. Биринчиси кислород мавжуд бўлганда ривожланади, иккинчиси – усиз. Коррозияга карши химоя иншоотлар элементларини хизмат муддатларини ушлайди ва чўзади, гидравлик йўкотишни пасайтиради ва иншоотга яхши эстетик кўриниш беради.

Металлконструкцияларни хизмат муддатларини оширишнинг уч гурух усуллари мавжуд: металл сиртини агрессив мухитдан изоляция килиш; дезактивация ёрдамида агрессив мухитга кайта ишлов бериш; металлни энергетик холатини хосил килиш, бунда унинг окисланиши ва шундан келиб чикиб коррозияси тўла тугатилади ёки кучли секинлаштирилади. Биринчи гурух тўрт усулдан ташкил топган: металлни ўзига кимёвий ва атроф-мухитга инерт бўлган (бўёк, локлар, эмаллар ва ш.ў.) катлам билан ёпиш, бунда улар металлга яхши ушланиши лозим (бу гидротехникада кенг кўлланилади); металл яхши илашадиган кам аралашмали моддалар (фосфатлаш, анодирлаш ва бошк.) билан коплаш, бу холда уларнинг химоя хусусияти кўп бўлмайди, чунки улар говвак; химояланадиган сиртга металлнинг жуда юпка зич катламини суртиш,бу мавжуд мухитда коррозияга анча мустахкам (цинк, никел, хром, алюминий ва бошк. катламлар); металлга бошка, берилган мухитда анча пассив металл билан легировка килиш. Шунда масалан зангламайдиган пўлат олинади. Иккинчи гурух ўз ичига икки усулни олади: сувга окисланувчи концентрациясини пасайтирувчи махсус ишлов бериш (бу усул иссиклик энергетикасида кўлланилади); агрессив мухитга коррозия ингибиторлари (секинлаштирувчилари)ни кўшиш (ажратилган хажмларда кўлланилади). Учинчи гурух уч усулдан иборат: катод поляризацияси ёки катод химояси ёрдамида металлни коррозияга тургунлигини ошириш (гидротехника курилишида кенг фойдаланилади); химояланадиган металлни берилган мухитда катта манфий электродлик солохиятига (потенциалиги) эга металлга контактлаш йўли билан амалга ошириш, масалан пўлат конструкцияни цинк ёки тезрок коррозияга учрайдиган магний билан химоялаш (доимий равишда металлпротектор алмаштирилишни талаб килади); мусбий белги билан потенциал хосил килиш ёрдамида анодли химоя (кўпрок кимё ишлаб чикаришида ишлатилади).

Кўп холатларда энг кўп самарадорлик химоянинг комбинациялашган усулларини кўллаш оркали эришилади; мисол учун гидротехникада катодли химоя лок бўёк материалларини суртиш билан бирга олиб борилади. Коррозиядан лок-бўёк ёрдамида химоя килишнинг ишончлилиги кўп холатда бўяш учун сиртни тайёрлаш сифатига, бўёк суртиш технологиясига риоя килиб суртиш ва куритишга боглик. Сиртларни органик ифлослантирувчилардан ёмон тозалаш, занглаш ва бошка колдиклар, гадир- будурлик (заусенцы), ўткир кирралар, юлинишлар коррозияни ривожланишига олиб келади, шунинг учун хам бўяладиган сиртда бундай холатларни бўлишига йўл кўйилмайди. Иложи борича коррозияни тушириш жараёни механизациялаштирилиши зарур. Бу максад учун кум струйкали, гидрокумли струйкали, дробструйкали курилмалар, тозалаш машиналари, щетка, шарашкалар, шунингдек бўяш учун тайёрлашнинг механизациялашмаган усулларидан фойдаланади. Металл сиртлардаги коррозияни туширишнинг киздириш, кимёвий, электр кимёвий ва бошка усуллари хам мавжуд. Эски бўёкни тушириш учун хар хил ювгич материаллардан фойдаланилади. Гидротехника курилишида санитария – гигиена шароитидан келиб чикиб кўм струйкали курилмалардан кам фойдаланилади. Гидро кумли струйкали курилмалар анча хавфсиз, бунда махсус курилма босим остида сикилган хаво ёрдамида гидроабразив аралашма хосил килади. Босим хосил киладиган эжектор ёки хайдовчи сопладаги босим 0,5…0,6 МПа килинади. Абразив материал сифатида кумдан фойдаланилади. Гидро кумли струйкали курилманинг иш унумдорлиги 15…20 м 2 /соат, шунинг учун хам у катта майдонларга ишлов беришда кўлланилади. Бу курилмаларнинг камчиликлари шулардан иборатки, уларни кишда очик хавода ишлатиб бўлмайди, абразив материални фракцион таркибига юкори талаб кўйлади, у мураккаб санитария-гигиена шароитини хосил килади, бу машина ва механизмларни тез ифлослантиради, ишлов берилган сиртни тезрок коррозияга учрашига олиб келади.

Сочма струйкали ва сочма отгич курилмалар юкорида тилга олинган камчиликларни кўпидан холи, чунки уларда куйилган чўяндан, майдаланган чўян заррачалари ёки пўлат симдан кесиб олинган сочма металл кумдан фойдаланилади. Ишни бажариш пайтида тозаланадиган сиртга сочма сарфи 100…200 г/м 2 га, тўгри келади. Унчалик катта бўлмаган майдонлардан иш унумдорлиги 1…2 м 2 /соат бўлган ПД-1 сочма струйкали пистолетлар ва бошка «Каскад», «Ураган» ва ш.ў. аппаратлар ёрдамида занглаш туширилади. Иш фронти чегараланган бўлса сиртларни тайёрлаш кўл кучи билан амалга оширилади. Бунда кўл билан ишлатиладиган механик инструментлар (эски бўёкни тушириш, зангнинг калин катламини ва бошк. тушириш учун) пневматик боглам болгалардан (пучковыми молотками), (эски бўёкни тушириш ва зангни тушириш учун реверсив «Волна» туридаги) пневматик машиналардан фойдаланилади. Ишлов беришга ва етиши кийин жойлардаги кавшарланган чоклар УЗМ-100, УЗМ-150, УЗМ-200 маркали огирлиги 1,5… 3 кг бўлган бурчак тозалагич машиналар ёрдамида тозаланади. Шпаклевка, эски бўёкларни кўчириш ва текислаш учун УПМ-1 туридаги универсал пневматик машинкадан фойдаланилади. Киздириш усули хар хил шаклдаги махсус горелкалардан фойдаланишга асосланган. Сал киздирилганда занглар ёрилиб-ёрилиб кетади ва ажралиб тушади. Бу усулни кам легировка килинган пўлат сиртларда, юпка калинликдаги металл конструкцияларда ишлатиб бўлмайди, чунки бунда металлнинг хусусияти ўзгаради. Киздирилгандан сўнг занг металл симли щетка билан ишкалаб туширилади. Кимёвий тозалашда кислота, паста ёки ишкор суртиб занглар туширилади. Бу максад учун ишлов бериладиган сиртга маълум бир вактга аралашма суртилади, бу вакт коррозияни характери ва кимёвий модданинг таркибига боглик. Ундан сўнг бу жой яхшилаб ювилади, бўшаб колган занг щетки билан тозаланади, нейтраллаштирувчи таркиб суртилади ва янгитдан ювиб ташланади.

Занг алмаштиргичлари ёрдамида тозалаш – кимёвий усулнинг бир кўринишидир. Бунда сирт устидаги занг билан алмаштиргич компонентлари ўзаро бир бирига таъсир килади. Калинлик 150 мкм.дан кўп бўлмаганда алмаштиргич суртилгандан сўнг пасайтирувчи хусусиятига эга бирикмалар хосил бўлади, у химоя катлами ёки бўёк котиргичи ролини бажаради. Шундай занг алмаштиргичларига ортофосфор кислотаси, тиксотроп фосфатли таркибли грунтовкалар ва бошкалар киради. Металл сиртлар зангдан туширилгандан сўнг улардан ёг колдиклари ювиб ташланади, куритилади, шундан сўнг грунтовка суртилади ва бўёк пульт (пневматик ёки электрик)лар, валиклар ёки кистлар ёрдамида бўялади. Сув остида ишлатилиш шароитидаги металл конструкциялар бўлса, уларга бир-икки катлам грунтовка ХВ-050, МРТУ-6-934-70 лар килинади ва уч катлам ХВ-785, ГОСТ 7313-75 бўёк килинади. Металл конструкциялар очик хавода жойлашганда ГФ-020, ГОСТ 4056- 63 грунтовка бир-икки катлам ва икки катлам ХВ-124, ГОСТ 10144-74 эмал суртилади. Ёпик биноларда ГФ-020, ГОСТ 4056-63 грунтовкани бир катлам суртиш ва икки катлам ПФ-115, ГОСТ 6465-63 бўёк суртиш тавсия этилади. Бу лок бўёкли материаллар замонавий, ўхшаш ва яхшиланган сифатли материаллар билан алмаштирилиши мумкин. Катодли химоя (5.7-расм) доимий ток (катод) манбасининг манфий полюси билан химоя килинадиган металл сирт ва махсус ўрнатилган анод билан мусбат полюс кўшилиши воситасида амалга оширилади. Катодли химояни лойихалашнинг асосий масаласи – анодни тўгри хосил килиш ва жойлаштиришдир. Одатда уларни курилмани стационар шаклда махкамлаш имкониятини берадиган (металлконструкциялар, темир-бетон деворлар ва ш.ў.) жойларига жойлаштиришади. Затворларни химоялаш учун анодлар калин муз хосил бўлиш шароитида затворнинг напорли томонига горизонтал ёки вертикал жойлаштирилади, кўким ушловчи панжараларни химоялашда эса сув кабул килгичларни ажратиб турувчи устунларида ўрнатилади.

5.7 – расм Катодли химоя: а- сув ташигич (водовод)да; б ва в – сигментли ва текис затворда; г – дастлабки даврда токнинг химоя зичлигини танлаш учун диаграмма; д – ток зичлигининг тургунлашган кийматлари; 1 – анод; 2 – катод; 3 – изолятор; I ва III - ёзги пайтда сиртни ўсишидан химоя токи зонаси; II ва IV – киш пайти коррозиядан химоя токи зонаси;  ва  - солиштирма электрик каршилик ва сув окими тезлиги. Затворларни музлаш хавфи бўлмаганда копламадан 0,2…0,5 м га вертикал кўйилган анодлардан фойдаланилади (4.7, б,в – расм). Босимли кувурларда анодлар бутун узунлиги бўйлаб кувур ичига бир текис айланаси бўйича жойлаштирилади. Сиртларни биологик ўсишига карши курашиш . Сувда хаёт кечирадиган ўсимлик ва хайвон организмлар орасида шундай гурух мавжудки, улар сунъий хосил килинган гидротехника иншоотлари элементлари сиртида яшашни афзал кўришади. Бу жараён биологик ўсиш деб аталади. Одатда бу гурух микроорганизмлар турларининг мажмуидан иборат бўлиб улар панжаралар, затворлар, сув ташигичлар, сперал камералар ва ш.ў.ларга мустахкам ёпишиб олишади. Бундай биологик массанинг зичлиги, айрим холатларда, 20…30 кг/м 2 га етади.

Европа мамлакатлари сув хавзалари учун ўсиш жуда характерли, чунки у ерларда биомасса учун эхтимол етарли шароит мавжуд. Энг кўп учрайдиган тирик организм дрейсена молюскаларидир. Дрейссен чаноги 15…50 мм. узунликга эга бўлади. Улар сув харорати +11 0 С бўлганда личинки ташлаш йўли билан кўпайишади, личинкалар 6…10 кунда 160…175 мкм. га етади. Улар сони ёзда 1 м 3 сувда 0,1…2 млн. га етади. Кулай шароитда дрейсенанинг ургочиси 70.000 мингдан кўп тухим кўяди. Паст хароратда малюскалар ўйкуга кетишада, харорат +11 0 С бўлганда яна фаол ривожланишади. Дрейссеналарнинг яшаш муддати 10…12 йилни ташкил килади. Сув тезлиги 0,5…0,9 м/с, харорати 18…25 0 С, тиниклиги 40…200 см (Секки бўйича), рН=7…9 ва кислород таркиби 8…10 мг/л бўлганда фаол ривожланишади. Дрейссеналар билан горизонтал сиртлар жадал ўсади. Улар кичик (1 м/с гача) тезликларда щетка кўринишида жойлашишади, 2,5…3 м/с тезликда эса улар хаёт кечиришмайди. Кия ёки вертикал предметларда дрейссеналар тезлик 0,6 м/с бўлганда яхши ривожланади. Вертикал предметлар оким тезлиги 1 м/с дан кўп бўлганда дрейссеналар билан ўсмайди. Сув таъминоти кувурлари ва каналларида моллюскалар сув омборларига нисбатан 2 марта тез ривожланади. Цимлянск сув омборида олиб берилган тадкикотлар мавсум мобайнида кўким ушловчи панжаралар стерженлари ораси 2 марта кискарганлигини кўрсатган (5.8 – расм), дрейссеналар зичлиги бу даврда 1,2 кг/м 2 га етган. Затворларда биомасса калинлиги 3…5 см атрофида, зичлиги – 6…8 кг/м 2 бўлган. Бу затворлар огирлигини оширибгини колмай, балки манёврлашни хам кийинлаштиради. Кувурлар тирик кесими биомасса зичлиги 30 кг/м 2 гача бўлганда 70…80% гача камайган. Ўлган дрейссеналар оким тўхтаганда, сувни механик тозалаш фильтрларини ёпиб кўйган холати Волжск ГЭСида кузатилган. Бундан ташкари улар сув таъминоти тизими, исиклик электростанцияларида ва бошк. жойларда йигилиб колади.

5.8 – расм (рис.4.8). Цимлянск ГЭСининг бир мавсум давомида дрейссеналар билан ўсган кўким ушлагич панжаралари: 1 – панжара стерженлари; 2 – ўсиш биомассаси. Сиртларни ўсишидан химоялаш усуллари механик, кимёвий, термик, физик, физик-кимёвий ва биологик усулларни ўз ичига олади, улардан асосийларини куйида кўриб чикамиз. Механик усулларга (йиллига 1…2 марта) йирик диаметрли водоводлардан дрейссеналарни олиб ташлаш, дренаж турида сув олиш ва бошка усуллар киради. Улар асосан сув таъминоти тизимида кўлланилади. Сувдан холос килинган сув ташигич (водовод) сиртидан моллюскалар киргичлар, турли белкураклар, тик хурпайган щеткалар ёки юкори босим остида (15…40 МПа) ги сув струйкаси билан тозаланади. Биомасса кузатиш кудугига йигилади ва у ердан бадьяга солиб чиказиб ташланади. Дренаж турида сув олиш унча кўп бўлмаган тезликларда лечинкаларни окимга карши харакат килишига асосланган. Бунинг натижасида уларнинг асосий кисми сув олгичдан узоклашади, колгани эса кум материал ёки сунъий материалдан килинган говвак фильтр ёрдамида тутиб колинади. Кимёвий усул даврий равишда техник сувни хлорлашга, ўсишга карши лок бўёк копламаларини кўллашга асосланган. Хлорлаш учун суюк хлор, натрий ва кальций тузларидан фойдаланилади. Сувда мавжуд бўлган 1…2 мг/л хлор 1 соат ичида дрейссена личинкаларини, 3…5 кун мобойнида балогатга етган молюскаларни ўлдиради. Сув таъминоти тизимидан чиккан сув 1…2% ли гипосульфат натрий аралашмаси билан хлорсизлантирилади. Лок бўёкли коплама кўким ушловчи панжаралар, насос станциялари сув кабул килгичларида кўзгалмас килиб ўрнатилган тўрлар, гидротехника

иншоотлари затворлари ва бошка элементларини химоялашда кенг кўлланилади. Аммо вакт ўтиши билан улардан захарли моддалар ишкорланиб чикади, бу биоорганизмлар хаётига тўскинлик килади. Хозирги пайтда ўсишга карши ХС-522, ХВ-5153, ХС-79 бўёклар ишлатилади, улар яхши тозаланган, грунтовка килинган ва коррозияга карши ишлов берилган сиртларга суртилади. Кўпчилик ХС-720, ХВ-74, ХВ-1110, ХВ-124 ёки эпоксид асосдаги ЭП-44, ЭП-00-20 ва бошка эмаллар коррозияга карши химоя (коплама) килинган сиртларга суртилади. Качонки копламанинг хизмат муддатини чўзиш лозим бўлса ўсишга карши КФ-751 эмал кўлланилади, у юкорида санаб ўтилган эмаллар икки катлам суртилгандан сўнг устига суртилади. Ўсишга карши копламаларнинг хизмат муддати 3…5 йил. Киздириш усулида дрейсена молюскалари йўк килинади, бу усул ГЭС ва ТЭС техник сув таъминоти тизимида кўп кўлланилади. Бу усулни кўллашда 40…55 0 С гача иситилган сув билан 30…40 минутга кувур тўлдирилади, сўнг эса кувур ўлиб колган дрейссеналардан ювиб ташланади. Бундай иш вегетация даврида 3 марта: июнда, август охирида ва сентябр охирида амалга оширилади. Физик ва физик-кимёвий усуллар доимий электр токи билан таъсир килиш оркали катодли химоя, сувга ультратовуш ва бошкалар билан ишлов беришлар хисобланади. Катодли химоя диаметри 2 м дан кўп бўлган сув ташигичларнинг ички сиртида кўлланилади, бунда лок бўёкли коплама бор ёки йўклигининг ахамияти йўк. Доимий ток манбасидан мусбат контактли изоляторлар ёрдамида кувур ичига жойлаштирилган анодлар туташтирилади (5.7,а – расм), манфий кийматга эга бўлгани эса химояланадиган металл сирт билан туташтирилади. Катодли химояни ишлатиш даврида: хар йили тизимдаги кучланиш ва ток назорат килиб борилади; ойига 1 марта химоя потенциали текширилади; катодли химоя бузулишлари зудлик билан тузатилади; йилига камида 1 марта катодли химоя текширувдан ўтказилади; тавсияномаларга

мувофик анодлар алмаштирилиб турилади; гидроокиснокаробонат чўкиндилари йигилиб колишидан саклаш учун хар 6…10 кунда 0,5…1 соатга химоянинг кутублари ўзгартирилади (переключение). Катодли химояни профилактика килиш ва таъмирлаш кишда ўтказилади. Биологик усул сув ости иншоотларини дрейссеналардан химоялашда кенг кўлланилади. Бу усул тарань, густера, полотва, язь, лещ, сазан каби баликларни дрейссеналар бор жойга кўйиб юборишга асосланган. Бундай баликлар кунига 100 тадан ортик узунлиги 1…5 мм. бўлган дрейсеналарни ейишади. Худди шундай хусусиятга раклар хам эга, лекин улар 12 мм дан катта моллюскаларни ейишмайди. Хозир дрейссеналар хаётига таъсир килишни бошка усуллари устидан изланишлар олиб борилмокда. Бу усуллар каторига моллюскалар яшаш тарзига салбий таъсир килиш ва улар функциясини бузиш киради. Хозирча дрейссеналар моллюскалари билан ўсишга карши курашиш муаммоси охиригача ечилмаган. Ўзанларни кузатиш ва ўзан ростлаш иншоотларини ишлатиш Дунё амалиётида дарё ўзанларини ишлатиш дарёларда жойлашган гидротехника иншоотларининг юкори ва пастки бьефларида, дарёларнинг ўзан ростлаш иншоотлари жойлашган участкаларида хамда дарёларнинг кемалар катнови ташкил килинган участкаларида олиб борилади. Дарё ўзанларини ишлатиш ўзанларни кузатиш, ўзанларни одатий ишлатиш ва улардан муз, муз бўлакчалари тўплами хамда тошкин сувларини хавфсиз ўтказиш, дарё киргокларини химоя килувчи иншоотларни ишлатиш ва ўзан ростлаш иншоотларини таъмирлаш ишларини ўз ичига олади. Гидротехника иншоотлари худудлари (юкори ва пастки бъефлари) да дарё ўзанларини ишлатиш хусусиятлари шундан иборатки, бу ерда сув олувчи (сув ўтказувчи, тўсувчи) иншоотларга етарли микдорда сувни етказиб бериш, йўналтириш ва ўзанда сувни олиб кетиш, уларга иложи борича камрок окизиндилар тушишини таъминлаш лозим бўлади. Бу талаб тўгонли ва тўгонсиз сув олиш иншоотларида бир хил бажарилиши керак.

Дарёларнинг кемалар катнови ташкил килинган участкаларини ишлатишда, бундай участкалар кемалар катнови талабларига жавоб беришлари лозим, яъни окимнинг йўл кўйиладиган тезлиги ва чукурлигига, ўзани эса ички сув йўллари классларига мос ўлчамларга эга бўлишлари лозим Дарёлардаги ўзан ростлаш иншоотлари жойлашган участкаларни ишлатиш хусусиятлари шундан иборатки, бу ерда ўзан ростлаш ва химоялаш иншоотлари техник холати мунтазам назорат килиб борилиши хамда ўз вактида таъмирланиши билан бирга, дарёлар ўзанларини ишлатишнинг барча турларига мансуб, дарё ўзанини ўзгариши устидан хам кузатишлар олиб борилади, шунингдек киргокларни мустахкамлаш ишлари бир вактни ўзида бажарилиб борилади. Агар бу ишлар бир вактда олиб борилмаса, иншоотлар ўзан окимига ёки тескариси оким иншоотларга салбий таъсир килиб, иншоотларни жиддий шикастланишларини келтириб чикариши мумкин. Бу холатларда иншоотларни кучайтириш, яъни баландлиги ёки узунлигини ошириш ёки аксинча умуман иншоотларни олиб ташлаш зарурияти пайдо бўлади. Бундан ташкари дарё тубида окимнинг сарфини ўзгариб туришига мос, туб олдида хосил бўлган окизиндилар уюмлари (грядалар) оркали, оким ва окизиндиларни иншоотларга салбий таъсирини камайтириш максадида, «йўл» очилиб (прорезлар килиниб) земснарядлар ёки землечерпалкалар ёрдамида сув остида, туб чукурлаштирилиб борилади. Албатта бундай ишларни амалга оширишга бўлган талаб мунтазам олиб бериладиган кузатиш ишлари натижасида белгилаб борилади. Кузатиш ишлари таркибига ўзан ва иншоотларнинг техник холатини хар куни кўз билан кузатиш, назорат-ўлчов асбоблари ёрдамида даврий кузатиш (геодезик усулда иншоотларни чўкиши, ўприлиши, силжиши, ўзан кўндаланг ва бўйлама профилини ўзгаришини, эхолот ёрдамида ўзанни ювилиши, лойка чўкиши, умуман туб олди окизиндилари харакатини кузатиш ва ш.ў.) ишлари, дарёнинг сув сарфи ва сув сатхини кузатиш, хаво ва сувнинг хароратини кузатиш, дарёнинг серсувлик (тошкин, половодье) ва

камсувлик (межень) даврлари, уларнинг давомийлиги, келиши ва пик даврларини кузатиш ва бошка ишлар киради. Кузатиш ишларини олиб бориш учун дарёнинг тартибга солинган участкасида 10…12 В (бу ерда В – асосий ўзаннинг кенглиги) ораликда: - рейка билан жихозланган гидрометрия пости бўлиши ва у дам эгри чизигидан ташкарида жойлашган бўлиши керак; - сув босиши ёки киргокнинг ювилиш зонасидан четга чикарилган асосий репер ўрнатилган бўлиши лозим; - ўзан деформациясини кузатиш учун иккита сув ўлчаш створи (улардан бири махаллий турдаги сув олгич иншоот учун тартибга солиш ишлари олиб борилаётган асосий оким ўзанида жойлаштирилади, иккинчиси эса сув олиб келувчи каналда жойлаштирилган бўлади) жихозланган бўлиши керак; -дарёдаги сув сатхини ўзгаришини (максимал, нормал ва минимал сатхларни) кўрсатадиган камида учта ишчи реперлар ўрнатилган бўлиши лозим; - дам эгри чизигининг таркалиши, ювилишларнинг ўта хавфли жойлари, кияликларни ўприлиш чегараларини белгилайдиган белгилар ўрнатилган бўлиши керак; Вактинчалик тартибга солувчи курилмаларни йўналишини белгилаш ва жойлаштириш учун улар кўшимча створ ва белгилар билан жихозланиши хамда ўрнатилиши зарур, бу белгиларсиз вактинчалик курилмаларни жойлаштиришга йўл кўйилмайди. Каналнинг бош кисмида уни холати ва ишини характерлайдиган створлар ва белгилар ўрнатилади; бу ерда, канал киргогида камида учта репер, канал ўзанида эса канал ишини ва йўл кўйиладиган сув сатхини белгилайдиган уч репер, шунингдек (сув олиб келувчи канал боши ва охирида) рейка билан жихозланган иккита гидрометрия пости ўрнатилади. Иншоотлар деформацияси (чўкиши), туби ва киргогини ювилишини кузатиш хамда уларни таъмирлаш ва кайта куриш лойихасини тузишга маълумотлар олиш учун барча иншоотлар, дамбалар ёки шпоралар усти

белгилари (иншоотни ўлчамига караб) 3…5 нуктада, сув сатхи ва туби уч нуктада кўрсатилиб вакти-вакти билан нивелирланиб турилади. Нивелирлаш маълумотлари махсус журналга киритиб борилади. Аникланган барча ўзгаришлар ўзан ростлаш ва химоялаш иншоотлари бор участканинг планида (бундай план мензула ёрдамида бажарилган бўлса масштаби 1:2000 бўлади) ўз аксини топиши лозим ва улар кузатиш журналларига ўзгариш хамда шикастланиш аникланган вакт, жойи, келиб чикишининг тахминий сабаби, тавсифи кўрсатилиб ёзиб куйилади. 5.9 - расм. Амударёнинг 29-35-траверс дамбалари жойлашган худуднинг 18.09.1987 й плани (съемка дарёнинг чап киргоги бўйлаб олинган). Кузатиш натижасида олинган маълумотларга кайта ишлов берилади, ўзанларни бир бирини устига туширилган кўндаланг профиллари ва бошка графиклар чизилади. Далил учун Амударёнинг 29-35-траверс дамбалари жойлашган участканинг 18.09.1987 й холати 1:20000 масштабда (5.9 – расм) ва ўзаннинг 74 ва 75 – створларида бир бирини устига туширилган профиллари келтирилди (5.10, 5.11 - расмлар).

5.10 - расм. Ўзаннинг 74 – створдаги бир-бирини устига туширилган профиллари. 5.11 - расм. Ўзаннинг 75 – створдаги бир-бирини устига туширилган профиллари. Иншоотларнинг бузулишларига ёгоч кисмларини чириши, металл элементларни (симлар, трослар ва ш.ў.) занглаб чириши, сув ва окизиндиларнинг салбий таъсири (едрилиш) остида механик едирилиши, оким таъсирида иншоотлар остини ювилиши, муз окиш даврида иншоотларни шикастланишлари сабаб бўлиши мумкин.

Дарёлардан майда муз бўлакчалари тўплами ва музни ўтказиш учун дарё силлик чизилган киргокларга эга, бурилиш радиуси 4…5 кенгликка тенг, ўзан погонасиз, тор участкаларга эга бўлмаса, бирдан вертикал синишга эга бўлмаган бўлса таъминланади. Дарёларнинг ишлатиш жараёнида, айрим пайтларда,ўзаннинг сув ўтказувчанлик кобилиятини оширишга тўгри келади, бунинг учун ўзан ва пойма ёгоч, тўнка, бута, йирик ўсимликлардан тозаланади, сувнинг ўзандаги харакатига тўскинлик килувчи ва ( кўпол) йирик гадир – будурлик хосил бўлишига олиб келадиган тошлар, сувга чўккан дарахтлар, тўнкалар сув йўлидан олиб ташланади, киргок бўртиклари кесиб олинади, силлик бурилишлар хосил килинади, ўзанда сувни сунъий дам бўлишига олиб келадиган эски иншоотлар (кўприклар, дамбалар, свайлар, тегирмонлар ва ш.ў.) кўчирилади, ўзан тўгриланади, туби чукурлаштирилади. Айрим холатларда сув сарфи ва тошкинни ўсиши шундай кучли ва жадал бўладики, буни яхши тайёрланган ўзан хам ўтказа олмаслиги мумкин, бунда сув тошиб худудларни босиб кетиши ёки дамбалардан сув ошиб тушиши мумкин. Бу холатда эксплуатация хизмати сувни ўтказишга тайёр туриши, сув сарфини камайтириш тадбирларини кўллай олиши керак. Бунинг учун сувнинг бир кисми бошка томонга буриб юборилади, мисол учун орада жойлашган сойлик, пастлик, чукурликларга ташлаш мумкин. Окиб келаётган сувни сув омборида ушлаб колишга харакат килинади ёки юкорида жойлашган сув димловчи иншоот оркали ушлаб колиш ёки сарфни бир кисмини сугориш, балик кўпайтириш ва бошка максадларга мўлжалланган табиий хажмларга ташлаш оркали ушлаб колинади. Баъзада бу максад учун боши химоя килинадиган ўзандан сув оладиган охири эса шу участка охирига келиб кўшиладиган айланма каналлар оркали хам ортикча сарф ўтказилади. Бир кисм сув сарфи бошка дарёларга, агар у кам сувли бўлиб ташлаш хавфли бўлмаса, ташланади.

Сув окар сарфини камайтириш комбинациялашган усулларда сув окарнинг муаян холати, яшаш жойлари ва саноат объектларининг жойлашуви, топографик, гидрологик ва бошка шарт – шароитлардан келиб чикиб белгиланса максадга мувофик бўлади. Дарёларда ўзан ростлаш ва химоялаш иншоотларини ишлатиш тажрибасини Республикамизнинг киргокларни химоялаш дамбалари ва ўзанларни тартибга солиш иншоотлари бошкармаси (Кораколпогистон Республикаси Беруний шахрида жойлашган) мисолида кўриб чикамиз. У Амударёнинг Туямуйин гидроузелидан бошлаб то Тахиатош гидроузелигача бўлган 230 км лик участкасида юкорида санаб ўтилган ишларни амалга ошириш бўйича фаолият олиб боради. Дарёнинг Хоразм вилоятидан ўтган участкасида эса бундай ишлар Хоразм вилояти туманлараро каналлар бошкармаси тасарруфидаги дамбалар участкаси томонидан амалга оширилади. Киргокларни химоялаш дамбалари ва ўзанларни тартибга солиш иншоотлари бошкармаси юкорида санаб ўтилган техник каров ишлари (эксплуатацион тадбирлар) дан ташкари куйидаги техник каров ишларини хам амалга ошириб боради: дамбалар, шпоралар танаси ва бошка химоялаш иншоотларига шароитдан келиб чикиб тош, шох – шабба бостириш, улар остини ювилишига (подмыв) карши мустахкамлаш ишларини олиб бориш, дамбалар орасига дарахт кўчатлари экиш ва уларга агротехник ишлов хамда каровни амалга ошириш. Бундай ишларни бошкармада химоя ишлари деб номлаш кабул килинган. Химоя ва авария – тиклаш ишларини ўз вактида амалга ошириш учун бошкарма томонидан участкаларда, мавжуд иншоотлар хажмининг 10% микдорида, захира материаллари тайёрлаб кўйилган, улар махсус жой (омборхона) ларда сакланади. Жорий таъмирлаш ишлари 20% гача хажмда шикастланган ўзан ростлаш ва химоялаш иншоотларида ўтказилади, капитал таъмирлаш эса 20% кўп шикастланган иншоотларда, лойиха асосида амалга оширилади.

Авария – кайта тиклаш таъмирлашлари ишда узулишни келтириб чикарадиган айрим шикастланишлар ёки бутун тизимини ёки айрим химоялаш – тартибга солиш иншоотларини нормал ишлатиш бузулганда амалга оширилади. Авария – олдини олиш таъмирлашлари иншоотларни кейинчалик бузулишларига аник хавф пайдо бўлганда, шунингдек иншоотларда хавфли шикастланишлар аникланганда амалга оширилади. Бундай авария – таъмирлаш ишлари бевосита дефект аниклангандан сўнг бажарилади, ишни тезкор бажариш талаб килинганда баьзан бу ишлар лойихасиз (лойиха ишни бажариш даврида, бир вактда тайёрланиб) амалга оширилади. Киргокларни химоялаш дамбалари ва ўзанларни тартибга солиш иншоотлари бошкармаси, мисол учун, 2006 йилда ажратилган маблагнинг 75% га якинини химоя ишлари (техник каров ишлари – эксплуатацион тадбирлар) га, 12% жорий таъмирлаш ишларига, 3% дан ортигини капитал таъмирлаш ишларига, 10% дан ортигини эса материалларни авария захирасини тайёрлаб кўйишга сарфлаган. Бу маълумотлар дарё ўзанини ишлатишда асосий салмок эксплуатацион тадбирлар – техник каров ишларини бажаришга тўгри келишини кўрсатади. Бошкарма олиб борган кузатишлар шуни кўрсатганки, дарёда сув сарфи 460 м 3 /с дан 1500 м 3 /с гача ошганда сув сатхи 59…91 см. га, ўртача 79 см. га кўтарилган, бу давр 2006 йил 25.05 дан 30.08 гача 98 кун давом этган. Дарёда икки марта музлаш кузатилган. Музлашнинг биринчи даври 02.01 дан 16.02 гача тўгри келган, дарёнинг 9 нуктасида тикилиш хосил бўлган, у сув сатхини 1 м га кўтарилишига олиб келган. Тикилишлар 18 соат ичида бартараф килиниб сув тошишини олди олинган. Музлаш хаво харорати – 18 …23 0 С бўлганда вужудга келган. Дарё хаво харорати +8…19 0 С бўлганда муздан бўшаган.

Дарёнинг иккинчи музлаши 20 кун (01.12 дан 20.12 гача) давомида Кангшартал участкасида кузатилган, бунда хаво харорати – 14 …16 0 С ни ташкил килган, муздан тушиши (эриши) 4 кун давом этиб, бу пайти хаво харорати + 5…6 0 С бўлган. Бундай далилларни жудаям кўп келтириш мумкин, аммо шуни айтиш лозимки дарёларни химоялаш ва ўзан ростлаш участкаларини ишлатиш бўйича, махаллий шароитда келиб чикиб ишлатиш коидалари тузилган бўлади, унда амалга ошириладиган барча ишларнинг бажариш тартиби, вакти ва усуллари кўрсатилган бўлади. Бундан ташкари хар бир участка ўз паспорти ва кузатиш журналларига эга бўлади. Паспортларга барча иншоотлар, тошкин ва кам сувли (межень) даврларидаги дарё окимининг йўналиши кўрсатилган планлар, техник ва мавжуд иншоотларнинг бежарилиш чизмалари илова илинган бўлади. Уларда натурада участканинг мавжуд иншоотлари ва участканинг холати хамда созлигини тезкор кўриб (текшириб) чикиш имкониятини берадиган белгилар, назорат йўллари кўрсатилган бўлади. Биз бу мавзуда ўзанлар ва ўзан ростлаш иншоотларини эксплуатация килишнинг ўзига хос бўлган томонларинигина ёритиб ўтдик. Гидроузеллар таркибига кирган ўзан ростлаш ва химоялаш ишлари, шунингдек ўзанни ишлатиш масалалари юкорида мос равишда гидроузеллар турларини ишлатишга багишланган мавзуларда кўриб чикилган.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоѓолди ќисмларида тўѓонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

O'xshashlar

Гидротехника иншоотлари

Гидротехника иншоотлари элементларининг занглашига ва биологик қопланишига қарши кураш чора тарбирлар

Гидротехника иншоотлари затворлари

Каналлар ва улардаги гидротехника иншоотлари

Каналлар ва каналлардаги гидротехника иншоотлари