Жамият ва унинг тизимлари - Sotsiologiya - Referatlar

Жамият ва унинг тизимлари

Yuklangan vaqt:

20.09.2019

Ko'chirishlar soni:

0

Hajmi:

123.5 KB

Ko'chirib olish

www.arxiv.uz Режа: 1. Ижтимоий тизим тушунчаси. 2. Жамиятдаги ўзаро ижтимоий алоқадорлик ва ижтимоий ташкилотлар. 3. Ижтимоий муносабатлар, ижтимоий мавқе (статус), ижтимоий санкция ва ижтимоий роль тушунчалари. 4. Маънавият ижтимоий тизим сифатида.

www.arxiv.uz Жамият – кишилар ҳаётий фаолиятининг тарихий ривожланиш шакли бўлиб , ўз тузилиши жиҳатдан мураккаб тизимни ташкил қилади . Бизнинг ҳозирда яшаб турган жамиятимизни социал тизимнинг муайян конкрет шакли сифатида, унинг функционал в а ривожланиш қонуниятини, ҳар бир бўлакчаларининг, социэтал турларининг ўзига хос томонларини, ўзаро муносабатларини илмий жиҳатдан ўрганиб, тўғри бошқариш муҳим аҳамиятга эгадир. Чунки, ўз вақтида кейинги оқибати олдиндан социологик асосда таҳлил қилинмаган ва олди олинмаган нуқсонлар жамият тараққиётида салбий из қолдиради. Бизнинг ўз истиқлол ва тараққиёт йўлимиз республиканинг ўзига хос турмуш тарзини, шарт-шароитлари ва хусусиятларини, халқ анъаналари ва урф-одатларини ҳар томонлама ҳисобга олишга асосланганлиги социологик тадқиқотларда ўз аксини топмоғи зарур. 1. Ижтимоий тизимлар. Бу ҳақда қисман олдинги мавзуда тушунча берган эдик, бу мвзуда эса назарий таълимотларга таҳлил берилади. Социология тарихида жамият – ўз ижтимоий эҳтиёжларини қондирувчи кишилар бирлиги сифатида тушунилган. Шу билан бирга, жамият айрим кишиларнинг бирлигигина эмас, балки ижтимоий муносбатлар мажмуаси ҳамдир. Социология жамият тўғрисидаги таълимот бўлиб, ижтимоий тизимлар ривожланиш ва функционал қонуниятлари, ҳаракатланувчи кучларини ўрганувчи фандир. У турли ижтимоий ҳодисалар, жамият ва табиат ўртасидаги алоқадорликни, шунингдек, шахс, кишиларининг ижтимоий ҳулқи, унинг элементлари ва ривожланиш қонуниятларини ўрганади. Ҳозиргача жамият ҳаётини социологик жиҳатдан тадқиқ қилиш, асосан, икки йўналишда ривожланиб келди. Биринчи йўналиш О.Контдан француз социологи Э.Дюркгейм орқали ривожлантирилган америкалик социолог Т.Парсонсларнинг социологик таълимотидир. Бу йўналишда

www.arxiv.uz ижтимоий тизим ўзгариши ташқи кучлар таъсири орқали тушунтирилиб, кўпроқ психологик омилларга эътибор берилган. Иккинчи йўналиш: марксистик социологик маълимот бўлиб, бунда ижтимоий тизим ички зиддиятлар асосида, ички куч таъсири орқали тушунтирилиб, материалистик моҳиятга эга бўлган моддий муносабатларнинг белгиловчи ролига асосий эътибор қаратилган. Ушбу мавзуни ёритишга биз ҳар иккала таълимотнинг ўзига хос томонларини, хусусиятларини тушинтириб уларнинг афзал ва камтик жиҳатларини китобхон эътиборига ҳавола этамиз. 2. Жамиятдаги ўзаро ижтимоий алоқадорлик ва ижтимоий ташкилотлар. Жамиятнинг ижтимоий таркиби – ижтимоий тизимлар ва уларнинг элементлари ўртасидаги ижтимоий алоқалар турини ташкил қилиб, ижтимоий муносабатлар мафкурасини ифодалайди ҳамда турли ижтимоий гуруҳлар, меҳнат тақсимоти, ижтимоий институтлар ҳарактерини акс эттиради. Жамият, унинг тизимлари ўзига хос таркибий тузилишга эга бўлиб уларнинг асосий компоненти инсон ҳисобланади. Кишилар ижтимоий ҳаётнинг турли соҳаларида – иқтисодий, ижтимоий, сиёсий, маънавий, оила- турмушда фаолият кўрсат а дилар. Уларнинг асосида ижтимоий таркиблар тузилади. Ижтимоий тизимларнинг мураккаблиги, таркибидаги элементларнинг сони кўплиги билан эмас, асосан, бу элементлар ўртасидаги ўзаро алоқа ва муносабатлар ҳарактери билан белгиланади. Шунинг учун ҳам ҳозирда «Республика барча фуқаролари ва юридик шахсларга ташаббус кўрсатиш ва ишбилармонликни ривожлантириш учун ҳўжалик фаолиятининг қонун томонидан ман этилмаган барча турларини амалга ошириш учун кенг имкониятлар яратишга алоҳида эътибор қаратиш лозим» 1 - деб таъкидлаган эди И.А.Каримов. 1 И.А.Каримов. “Ўзбекистон: миллий истиқлол, иқтисод, сиёсат, мафкура”. 65-бет.

www.arxiv.uz Ижтимоий иизимлар занжирида турли, ўзига хос халқага эга бўладилар. Ички ташкилий тузилиши, ҳарактери, функционал ва ривожланиш даражаси, турмуш тарзи фаолият шакли ва усуллари билан қадриятлар тизим, норма ғоялари, қарашлари ва бошқа жиҳатлари билан ўзаро фарқ қиладилар. Жамиятнинг ижтимоий таркибини конкрет тарихий давр системасида олиб қараш талаб қилинади. Чунки кўпчилик тарихий ижтимоий тизим таркиби ўзаро сифат ва хусусиятлари билан фарқ қилади. Жамиятнинг ижтимоий таркибини социологик жиҳатдан ўрганишда уни уч маънода: энг умумий, махсус кенг ва хусусий тор маънода олиб қараш зарур. Умумий маънодаги ижтимоий таркиб-жамиятнинг бир бутун таркибини ташкил қилади. Бу ижтимоий таркибнинг элемент сифатида жамиятнинг ижтимоий муносабатларига мос тушувчи иқтисодиёти, сиёсати, идеологияси каби соҳалар киради. Иккинчи, махсус, кенг маънодаги ижтимоий таркибга ижтимоий тарихий бирлик мажмуаси ва улар ўртасидаги алоқа, муносабатлар киради. Бу таркиб миллий-этник, ижтимоий- демографик, мутахассислик ихтисослик ва бошқа шу каби соҳалар киради. Тор маънодаги ижтимоий таркиб тушунчасига меҳнат жамоалари, ҳудудий бирлик, нисбатан тез ўзгарувчан гуруҳлар киради. Бозор муносабатларининг таркиб топиши жараёнида Ўзбекистон ижтимоий таркибида кескин ўзгаришлар рўй бермоқда. Бу ўзгаришларни юқорида кўрсатилган уч методологик босқич бўйича социологик тадқиқ қилиш – асосий масалалардан бири бўлиб қолмоқда. «Социологиянинг умумназарий муаммолари» асарида Америкалик социолог Парсонс, жамият таркибий тузилишининг функционал моделини ишлаб чиқди. Унга мувофиқ, ҳар қандай ижтимоий тизим қўйидаги тўртта таркибий иерархик даражадан иборат: 1. «Бирламчи» ёки «техник» даража ижтимоий тизим элементларининг бевосита алоқадорлигини ифодалайди.

www.arxiv.uz 2. Бошқарув ёки «менеджериал» даража, бирламчи даражадаги ижтимоий тизимлар элементларининг ўзаро алоқадорлигини тартибга солиб туради. Бу даража ташқи таркибий алоқалар бўғинлари билан муносабатлар ўртасида воситачилик ролини бажаради. Ижтимоий тартибни назорат қилади, кузатади, кишиларнинг моддий жиҳатдан таъминотини бошқаради. 3. «Институтли» даража янада умумийроқ масалалар билан шуғулланади. Бунга бошқарув, институтлар ва раҳбарият, маъмурий идора органлари, уларнинг вакиллари киради. 4. Олий даражадаги, умумдавлат даражасидаги жамият ташкилотлари. Бунга давлат ҳокимияти, ҳуқуқий ва бошқа ташкилотлар киради. Улар қуйи даражалар устидан назорат қилади ва уларни тартибга келтиради. Парсонс социологик мактаб қарашича, жамият функционал тизимлардан иборат. Бу мактаб вакиллари диннинг жамият ҳаётидаги функционал аҳамиятига ҳам юқори баҳо берганлар. Дин-жамиятнинг «бир бутун» ҳолда бўлишига хизмат қилади – де б , атеизмга жамиятнинг бир бутунлигини бузувчи номутаносибликни келтириб чиқарувчи омил сифатида қарашган. Юқорида келтирилган фикрлардан хулоса қилиб айтиш керакки,жамият ҳаёти ўзининг мураккаб тузилишига эга бўлганлигини ҳисобга олиб, уни фақат бир томонлама асослаш кифоя қилмайди. Ижтимоий таркибни эмпирик жиҳатдан социологик тадқиқ қилишда психологик маънавий, субъектив, тарбиявий, аҳлоқий миллий ва бошқа ёндашувлар муштараклигида олиб қараш мақсадга мувофиқдир. Ижтимоий ҳодисалар таркибини социологик тадқиқ қилишда ҳаётдан ажралиб қолган, мавҳум, аниқ мазмундан узоқда бўлган умуназарий қарашлар концепцияларни эмас, балки унинг барча мураккаб жиҳатларини, таркибий тузилишини, ижтимоий шарт-шароитларини, тарихий вақт ва миллий хусусиятларини, функционал ва ривожланиш жараёнини ҳисобга олиш зарур. Социологияда ижтимоий бирлик тушунчаси ҳам муҳим ўрин тутади. Ижтимоий бирлик – деб тарихан шаклланган, нисбатан барқарор ижтимоий алоқалар ва муносабатларга, ўзига хос умумий хусусиятларга эга бўлган

www.arxiv.uz кишилар бирлигига айтилади. Бошқа ижтимоий ташкилот ва институтлардан фарқ қилиб, ижтимоий бирлик табиий ва тарихий жараёнда вужудга келиб, онгли кишиларнинг иродаларига боғлиқ бўлмаган ҳолда мавжуд бўлади. Ижтимоий ишлаб чиқариш жараёнида объектив зарурат сифатида вужудга келган кишиларнинг ижтимоий бирлиги характери жамият ишлаб чиқариш усули ҳарактерига боғлиқ бўлади ва у билан белгиланади. Буюк мутафаккир юртдошимиз Абу Наср Форобийнинг кишилар ижтимоий бирлиги тўғрисида бундан ўн бир аср муқаддам ёзиб қолдирган қўйидаги фикри диққатига сазовордир: «Ҳар бир инсон ўз табиати билан шундай тузилганки, у яшаш ва олий даражадаги етукликка эришмоқ учун кўп нарсаларга муҳтож бўлади, у бир ўзи бундай нарсаларни қўлга кирита олмайди, уларга эга бўлиш учун инсонлар жамоасига эҳтиёж туғилади. Шу сабабли яшаш учун зарур бўлган кишиларни бир-бирларига етказиб берувчи ва ўзаро ёрдамлашувчи кўп кишиларнинг бирлашуви орқалигина одам ўз табиати бўйича интилган етукликка эришиш учун зарур бўлган нарсаларни етказиб беради. Шунинг учун инсон шахслари кўпайдилар ва ернинг аҳоли яшайдиган қисмига ўрнашдилар, натижада инсон жамоаси вужудга келди» 2 . Марказий Осиёнинг яна бир буюк мутафаккири Абу Райҳон Беруний ҳам кишиларнинг ижтимоий бирлиги тўғрисида фикр юритиб, шундай деган: «Ҳамма гап шундаки, инсон, эҳтиёжларининг кўпчилиги ва ҳимоя воситаларидан маҳрум бўлганда чидамсизлиги ҳамда душманларнинг сероблиги орқасида ўзаро қўллаб-қувватлаш ва ҳар бири ўзини ҳам, бошқаларни ҳам таъминлайдиган ишни қилиш мақсадларида ўз ҳамтавоқлари билан жамият бўлиб бирлашишга мажбур бўлган эди» 3 . Жамиятнинг тарихий ривожланиши жараёнидан вужудга келган эл- элат, қабила, уруғ, оила, жамоа каби кишиларнинг ижтимоий бирлиги ишлаб чиқарувчи кучлар ривожланиши ва янги ишлаб чиқариш муносабатларининг таркиб топиши билан халқ миллат каби ижтимоий бирликларга ўз ўрнини 2 Абу Наср Фаробий. “Фозил одамлар шаҳри”. Т. А.Қодирий номидаги ҳалқ маорифи нашриёти, 1993, 186- бет. 3 Беруний. Танланган асарлар, 3-том. Т. 1969, 83-бет.

www.arxiv.uz бўшатиб берган. Бу жараёнда меҳнат тақсимоти, ақлий меҳнатнинг жисмоний меҳнатдан ажралиб чиқиши ҳам муҳим аҳамият касб этган. Яқингача илмий адабиётларда «совет халқи»-деган кишиларнинг янги ижтимоий бирлиги таркиб топганлиги хусусида кўп ёзилар эди. Совет Иттифоқининг парчаланиб кетиши ва мустақил миллий республикаларнинг вужудга келганлиги оқибатида бу ибора ҳаётда асосли бўлмаганлиги сабабли ўз моҳиятини йўқотди. Чунки табиий-тарихий жараён натижасида эмас, балки мажбурий сиёсий тазйиқ асосида тузилган бу ижтимоий бирлик тарихий давр синовига дош бера олмади. «Совет халқи» ибораси остида буюк миллатчилик ҳам кўп сонли миллат ва элатларни руслаштириш сиёсати ҳам ётар эди. Бу ибора остида рус бўлмаган миллат ва халқларнинг тили, урф- одатлари, анъаналари камситилди. Миллий қадриятларни, маданиятни менсимаслик авж олди. Социологияда ижтимоий бирлик тушунчаси остида жамият ижтимоий таркибидаги барча тизим ва элементларни тушуниш мумкин. Улар ўзаро ҳарактери ижтимоий кўлами ва жамият ҳаётида тутган ўрни билан фарқ қилади. Социологияда жамият ҳаётини ўрганишда «ижтимоий ташкилотлар», «институтлар» каби илмий тушунчалардан ҳам фойдаланилади. Ижтимоий ташкилотлар-кишилар ўртасидаги ижтимоий муносбатлар ривожининг маҳсулоти бўлиб, муайян дастур ёки мақсадни бажаришга қаратилган, белгиланган кишилар бирликларидир. Ижтимоий ташкилотлар моддий ишлаб чиқариш жараёнида юзага келади. Бу тушунча кенг маънода алоҳида кишилар ва ижтимоий гуруҳларнинг фаолиятини бошқариш ва тартибга солиш усулини ҳарактерлайди. Ижтимоий ташкилот тушунчаси, кишилар ўртасидаги алоқадорликнинг барча соҳа ва даражаларини ўз ичига олади. Ижтимоий тизим томонидан айрим индивидлар фаолиятини бошқаришни таъминлайди.

www.arxiv.uz Тор маънодаги ижтимоий ташкилотлар нисбатан барқарор ва алоҳида кишилар гуруҳини ўз ичига олади. Унинг аниқ белгиланган мақсади бўлиб, шу мақсадни амалга ошириш учун фаолият қилади. Ғарб социологиясида ижтимоий ташкилотларни тадқиқ қилишда, уларнинг психологик қонуниятларига кўпроқ эътибор берилади. Масалан, М.П.Блау, Г.Зиммел социологик назарияларида ижтимоий ташкилотлардаги субъектнинг хулқи ва мотивини психологик асосда тутунтиришга асосланади. Америкалик машҳур социологик Ж.Хоманснинг ижтимоий ташкилотларни тадқиқ қилишда социология, психология ва позитив мантиққа асосланиш зарурлиги тўғрисидаги фикри ҳозирги назарий камтиклик даврида биз учун муҳим аҳамиятга эга. Т.Парсонснинг таркибий-функционал таҳлил социологик мактабида ҳам ижтимоий ташкилотларни ўрганишда жамият ҳаётидаги тартиб, «ижтимоий мувозанат»ни сақлашда психологик иқлимни ўрганишга асосий эътибор қаратилади. Яна бир америкалик социолог Д.Белл университет, институтлар ижтимоий ташкилотларнинг марказий ўринларини эгаллайди, деб кўрсатади. Унинг маориф ва фан ижтимоий прогрессни таъминловчи, асосан, институтлар ҳисобланади, деган фикри ҳозирда бир қатор илғор давлатлар тажрибасида исботланди. Ижтимоий институтлар орқали кишилар ўртасидаги ўзаро муносабатлар, уларнинг фаолиятини ва хулқи тартибга солинади. Жамият ҳаётининг барқарорлиги таъминланади. Социологияда ижтимоий институт сифатида жамият таркибий тузилишига мос тушувчи ижтимоий ташкилот, муассаса бирлиги, ижтимоий хулқ ва фаолиятининг барқарор шаклларини белгиловчи ижтимоий норма ва маданият ташкилотлари тушунилади. Ижтимоий муносабатлар соҳаларига қараб ижтимоий институтлар қўйидаги турларга бўлинади: 1. иқтисодий институтлар;

www.arxiv.uz 2. сиёсий институтлар; 3. никоҳ, оила ва қон-қариндошлик; 4. тарбия институтлари; 5. маданият соҳаси институтлари. Уларнинг ҳарактери жамият ишлаб чиқариш усули ва ижтимоий муносабатлар ҳарактери билан белгиланади. Ғарб социологиясида «ўрта даражада»ги ижтимоий институтлар, масалан, индустриал ташкилотлар социологияси, оммавий коммуникация социологияси, дин социологияси каби социологик тадқиқот йўналишлари кенг ривожланган. Нисбатан тор доирадаги ижтимоий институтларнинг тадқиқ қилиш ҳам муҳим ўрин тутади. Жамият кишиларининг ўзаро алоқадорлик бирлигидан иборатдир. Ҳар қандай ижтимоий тизим ва унинг элементлари бошқа тизимлар, уларнинг элементлари билан функционал алоқадорликда бўлади. 3. Ижтимоий муносабатлар, ижтимоий мавқе (статус), ижтимоий санкция ва ижтимоий роль тушунчалари. Ижтимоий муносабатлар кишилар, ижтимоий гуруҳлар, миллатлар, ташқи табақалар ва бошқа ижтимоий тузилмалар ўртасидаги муносабатлар ва уларнинг ички иқтисодий, ижтимоий, сиёсий мафкуравий ва маданий соҳалардаги фаолиятини ташкил қилади. Алоҳида олинган инсон- жамиятнинг, ижтимоий муносабатларнинг бошланғич унсури ҳисобланади. Ўз моҳият эътибори билан ижтимоий муносабатлар моддий ва маънавий мазмунда бўлади. Моддий ижтимоий муносабатларга иқтисодий ишлаб чиқариш муносабатлари киради. Уст қ урмавий муносабатлар сиёсий, ҳуқуқий муносабатларни ўз ичига олади. Маънавий муносабатларга аҳлоқий, мафкуравий, диний ва бошқа муносабатлар жамланади. Жамият ривожланиш ижтимоий муносабатлар ривожи билан белгиланади. Бошқача айтганда, бир бутун тизим сифатидаги жамият моҳиятини унинг соҳалари, тизимлари ўртасидаги ўзаро функционал алоқадорлик қонунлари ифодалайди. Социологияда ижтимоий муносабатлардаги объектив жиҳатлар бир бир қаторда, субъектив омилларни ўрганишда алоҳида аҳамият беради. Собиқ

www.arxiv.uz Совет тузуми даврида ижтимоий муносабатларда субъектив омилларнинг аҳамияти объектив қонуниятлар даражасидан анча пасайтирилиб, уни тадқиқ қилишга кам эътибор берилган эди. Ўз навбатида собиқ Совет жамиятининг 70 йилдан ортиқ ривожланиши давомида объектив қонуниятларидан кўра кўпроқ субъектив омилларнинг таъсири асосий ўрин тутган. Сталинизмнинг оммавий репрессия, Н.С.Хрушевнинг субъектив волюнтаристик сиёсати, Л.И.Брежнев бош секретарлиги давридаги Афғон уруши, М.С.Горбачевнинг абстракт «қайта қуриш» сиёсати ва унинг барбод бўлганлиги фикримизга ёрқин мисол бўла олади. Ғарб социологиясида, хусусан, бихе виори стик назарияда ижтимоий муносабатлар: инсон-«психологик машина» тамойилидан келиб чиққан ҳолда тушунтирилади. Унга кўра, индивид ижтимоий алоқадорликнинг фаол яратувчиси сифатида ўз шахсий хулқини ва ҳаётидаги мавқеини яратади. Феноменологик социология вакиллари А.Шуте, Х.Лукман, А.Сипувер ва бошқалар ижтимоий муносабатларнинг субъектив табиатига кўпроқ эътиборни қаратдилар. Субъектив кечинмалар жараёнини ижтимоий ҳаётининг асосий соҳаси сифатида тадқиқ қиладилар. Ижтимоий муносабатлар моҳиятини тушунтириб, «табиий қурилма» тушунчасини қўллайдилар. Бу тушунча инсонни кундалик экзистензияси мавжудлигини ифодалайди, «содда реализм», «интерсубъективлик» каби тушунчалар ҳам мавжуд ижтимоий алоқадорлик ва муносабатларнинг ўзига хос социологик қонуниятларини ифодалайди ва ўзида мужассамлаштирилади. Америка социологи Т. Парсонс фикрича, ижтимоий муносабатлар, ижтимоий тузулмалар элементлари тартибли муносабатлардан иборатдир. Бундай тартиблилик икки жараёнда таъминланади. 1. Ижтимоий тизимларнинг ўз муносабатларини сақлашига интилиши. 2. Ижтимоий тизимларнинг ташқи муҳитга нисбатан ўз чегарасини сақлашга интилиши орқали.

www.arxiv.uz Ижтимоий муносабатларда моддий ишлаб чиқариш муносабатларида, сиёсий, ҳуқуқий, маънавий, маданий, аҳлоқий ва бошқа муносабатларда нисбатан белгиловчи характерга эга бўлиб, жамият ҳаётининг умумсоциологик қонуниятини ифодалайди. Унда рўй берадиган ўзгаришлар аста-секин, бошқа барча муносабатлардаги фарқларга олиб келади, шунингдек маънавиятдаги туб ўзгаришларга сабаб бўлади. Ҳозирда жамиятимиз ҳаётида бозор муносабатларнинг аста-секин таркиб топиб бориши ўз навбатида бошқа барча ижтимоий муносабатларда муайян ўзгаришларни келтириб чиқариши табиий. Айниқса, бундай ўзгаришлар шахс ва унинг жамият ҳаётидаги муносабатларида яққол кўрина бошлайди. Ҳозирда шахснинг фаоллиги ижтимоий мавқеи ортмоқда. Ижтимоий мавқе (статус) тушунчаси-алоҳида олинган бўлиб, бу инсон ёки ривожланиш гуруҳнинг жамиятда мавжуд ижтимоий тузумда тутган ўрни, эгаллаб турган мавқеини ифодалайди. Бу тушунча орқали кишиларнинг ижтимоий келиб чиқиши ирқий ёки ўзининг ҳаракати (маълумоти, кўрсатган хизмати) орқали эришган даражаси ўрганилади. Жамият ҳаётини илмий таҳлил қилиш жараёнида, социологияда ижтимоий санкциялар тушунчаси муҳим аҳамиятга эга. «Санкция» сўзи лотинча сўздан олинган бўлиб, қатъий қарор маъносини англатади. Ижтимоий санкция деб, ижтимоий гуруҳ ёки тизимнинг индивид хулқига ижтимоий нормадан ижобий ёки салбий том о нга ўзгаришига нисбатан реакцияси тушунилади. Ижтимоий санкциялар деб жамият ҳаётини бошқаришда муҳим аҳамиятга эга бўлиб, шахснинг ижобий ҳатти-ҳаракати учун рағбатлантириш ёки ёмон, салбий ҳатти-ҳаракати учун жазо бериши билан ижтимоий назорат воситаси бўлиб хизмат қилади. Ижтимоий санкциялар кишиларнинг муайян ижтимоий гуруҳлар таркибида жамоа билан биргаликда давомли фаолият кўрсатишни таъминлайди. Алоҳида индивид таъсир этишнинг восита ва усулига қараб жисмоний санкциями «калтаклаш, озодликдан маҳрум этиш, ўлим жазоси ва бошқалар»,

www.arxiv.uz иқтисодий «мукофотлаш, моддий рағбатлантириш,жарима солиш, мол- мулкидан маҳрум этиш ва бошқалар) ва рамзий (ҳурмат билдириш, иззат қилиш, хайфсан эълон қилиш каби) санкция турлари мавжуд. Агар ижтимоий санкция аввалдан шаклланган (давлат қонунларида, низомларида, қонунда ва фармонларида белгиланган) тартибда бўлса, формал ёки расмийлашган секциялар дейилади. Салбий (хибсга олиш, жарима, хайфсан бериш) ва ижобий (хизмат лавозимини кўтариш, орден ва фахрий ёрлиқлар илан мукофотлаш) санкциялар ижтимоий гуруҳлар ва кишилар фаолиятини муайян тартибда бошқаришни таъминлайди. Расмий ижтимоий санкциялар давлат томонидан сайланган ёки тайинланган мутасадди шахслар томонидан амалга оширилади. Норасмий ижтимоий санкциялар бехосдан, стихияли юзага келиб, ижтимоий тартибдан четлашилганда ижтимоий муҳит (хизматдошлар, дўстлар, қариндош-уруғлар, қўни-қўшнилар ва шу кабилар) томонидан амалга оширилади. Ҳар бир киши, шахс маълум бир ижтимоий гуруҳга, тизимга мансуб бўлади. Шунинг учун, ижтимоий санкциялар доимо шахс фаолияти йўналиши, тартиби ва объект ўртасида билвосита таъсирда бўлади. Ҳозирги мураккаб ижтимоий ривожланиш жараёнида, бозор муносабатларига ўтишдаги иқтисодий қийинчиликлар даврида социологияда ижтимоий санкцияларнинг яширин (патент) оқибатларини ўрганиш муҳим аҳамиятга эгадир. Жиноят содир қилган шахс бериладиган жазодан қўрқиб ўз жиноятини яшириш мақсадида, онгли равишда янада каттароқ, мутҳишроқ жиноятларни содир қилиши мумкин. Фикримизга мисол қилиб, қўйидаги воқеани олишмиз мумкин. Кўнгил куйига кириб, ёшлик хатоси билан С. исмли қиз турмушга чиқмай ҳомиладор бўлиб қолади. Кўпчиликдан уни яширмоқчи бўлади. Сирни ошкор қилишга юраги дов берм а йди. “ Касални яширса иситмаси ошкора ”, - д е ганларидек, вақт - соати келиб, чақалоқ дунёга келади. Қиз атрофдагиларнинг тавқи-

www.arxiv.uz лаънатидан қўрқиб, ўз фарзанди-бегуноҳ бола жонига қасд қилади. Афсуски, бундай ҳодисалар ягона эмас. Шунинг учун ҳам, ижтимоий санкцияни социология фани доирасида ўрганиш жамият ва шахс ривожланиши ижтимоий оқибатларини очиш, аниқлаш ва зарур чора-тадбирларни ишлаб чиқишни талаб этади. Бу эса, ўз навбатида, жамиятни, ишлаб чиқаришни бошқаришнинг жамоада ҳуқуқий тартибни мустаҳкамлашга ва шахс тарбиясини яхшилашга хизмат қилади. Жамият ҳаётида ижтимоий тизимлар тузилмаларнинг айрим олинган шахсдан тортиб, то юқори даражадаги тизимгача ўзининг муайян аҳамияти, вазифаси, мақсадга йўналганлиги бўлади. Ижтимоий рол жамият ижтимоий таркибида боғловчи аҳамиятга эга бўлиб, ижтимоий муносабатларнинг асосини ташкил қилади. Ижтимоий рол жамият ижтимоий таркибида психологик жиҳатни ҳам ўзида намоён қилади. Шунинг учун Ғарб социологиясида ижтимоий ролга жуда катта эътибор берилади. Америкалик социолог, таркибий функционал таҳлил социологик мактаби асосчиси Т.Парсонс: жамиятдаги ижтимоий фаолият тизими ва ижтимоий таркибнинг ҳарактерли хусусияти фаолиятидаги шахслар муносабати «бир бутун моҳият» сифатида эмас, балки қандай ижтимоий рол бажариш, қандай аҳамият касб этиши билан белгиланади,- деб ҳисоблайди. Унинг фикрича, ижтимоий таркиб фаолият кўрсатувчи кишилар ўртасидаги ўзаро бир-бирига нисбатан муайян ижтимоий ролни бажарувчи стандартлашган муносабатлар тизимини ифодалайди. Кўриниб турибдики, жамият ижтимоий тизимида ижтимоий ролнинг психологик жиҳатига асосий эътибор қаратилади. Т.Парсонс ижтимоий ролни «фаолиятидаги индивид ориентирининг бир бутун тизими» сифатида қарайди. Ижтимоий рол ҳар бир кишига жамият томонидан юкланади ва баҳоланади. Ғарб социологларининг фикрича, индивид ижтимоий ҳаёт саҳнасининг ўзига хос актёрига ўхшайди. «Бошқарувчи (менеджер), илмий маслаҳатчи, ҳисобчи, корхонадаги ҳамма ходимлар устадан тортиб, то ишлаб чиқариш

www.arxiv.uz кенгаши аъзосида ҳам, деб ёзади Н.Дерендорф,-бажарилиши мажбурий ҳисобланган муайян фаолият масъулияти бўлади. Буларнинг ҳаммаси ишлаб чиқариш ижтимоий таркибининг қисмларини ифодалайди. Биз буларни ижтимоий рол деб айтамиз» 4 . «Социология учун, деб давом эттиради фикрини, - ижтимоий роли бўлмаган индивид ёки гуруҳ билмайди» 5 . Ижтимоий рол тушунчаси орқали ғарб социологлари инсоннинг ижтимоий табиатини тушунтиришга ҳаракат қиладилар. 4. Маънавият ижтимоий тизим сифатида. Жамият ҳаётининг муҳим томонларидан бири маънавият бўлиб, ўзига хос ижтимоий тизим сифатида таркибий тузилишга эгадир. Ижтимоий ҳаётнинг маънавият соҳаси мазмуни, энг аввало, мафкура, аҳлоқ, санъат, дин ва ижтимоий ҳаётнинг бошқа номоддий жиҳатларида намоён бўлади. Бу соҳа ўзининг хусусиятлари билан жамиятнинг ижтимоий – сиёсий тизимидан ҳам фарқ қилади. Ўзбек халқи ўзининг миллий мустақиллигига эришганлиги муносабати билан жамиятимиз маънавият тизимида туб ўзгаришлар рўй бермоқда. Ишлаб чиқариш муносабатларининг янги иқтисодий ва ижтимоий моҳияти маънавий мазмун билан тўлдирилмоқда. Бу соҳада дунёқараш муҳим рол ўйнайди. Дунёқараш – шахс маънавитяининг асосий мазмунини ташкил қилади. Жамиятнинг маънавият тизими ўз таркибига сиёсий, ҳуқуқий онг, аҳлоқ, фан, фалсафа, санъат, диний онг, мафкуравий қарашлар ва бошқа қарашларни қамраб олади. Уларнинг ҳар бири ижтимоий тарихий фаолиятнинг муайян томонини ташкил қилиб, маънавий озиқ воситаси сифатида амал қилади. Маънавият тизими .юқорида кўрсатилганлар билан чекланмайди. У яна бой мазмунга эга. Кундалик онг, ижтимоий психология, ғоя , мафкура ва бошқа маънавий муносбатлар ҳам бу таркибга киради. Ижтимоий онг шакллари маънавиятда асосий ўрин тутади, мафкура эса йўналтирувчи кучга эга бўлади. 4 «Критика современных буржуазных социолистических теорий». Москва, «Прогресс», 1976, стр 84-85. 5 «Критика современных буржуазных социолистических теорий». Москва, «Прогресс», 1976, стр 84-85.

www.arxiv.uz Муайян ижтимоий – иқтисодий, сиёсий муносабатлар асосида маънавий муносабатлар таркиб топади. Шунинг учун ҳам инсон маънавий дунёсининг мазмуни жуда мураккаб бўлади. Шахс маънавияти жамияти маънавий, аҳлоқий, ҳаёти, тизимнинг ўзаги, юраги ҳисобланади. Маънавиятни социологик жиҳатдан ўрганишда, ижтимоий ҳаётда айниқса, миллий мустақилликнинг ҳозирги илк ривожланиш босқичидан шахснинг ҳиссий эҳтирос даражасига эътибор бериш муҳим аҳамиятга эга. Чунки, унда шахснинг миллий Ватан туйғуси, халқ иши учун фидоийлик, ижодкорлик, шижоат, келажакка ишонч билан қараш каби юзага келтириш зарур бўлган яширин кучлар ётади. Мустақил Ўзбекистон миллий мафкурасининг шаклланиш маънавият соҳасида жиддий ўзгаришлар ясаши аниқ. Миллий истиқлол мафкураси жамият маънавиятининг таркибий қисми бўлган маданий меросимизга бўлган муносабатда ҳам катта ўрин тутади. Маданий, маънавий мерос ҳар қандай миллат, халқнинг улкан хазинасидир. «Бу хазина инсонга ҳаётда барқарорлик бағишлайди, унинг қарашлари шунчаки бойлик ортириш йўлида кун кўришга йўл қўймайди, фожиалар вақтида омон сақлаб қолади ва моддий қийинчилик кунларида иродани мустаҳкамлайди 6 . Қадрият тушунчаси ҳам фалсафа ва социологи я да кенг қўлланилиб, ижтимоий воқеъликнинг инсоний, ижтимоий ва маданий аҳамияти тушунилади. Ўз мазмунига кўра ижтимоий қадриятлар инсон фаолиятининг барча хил ма -хил предметли фаолиятини акс эттиради. Улар ижтимоий регуляциянинг юқори даражасини англатади. Ижтимоий қадриятлар тизими жамиятнинг тарихий ривожланиши давомида шаклланиб, янада ривожланиб, бойиб боради. Ўзбекистон миллий мустақилликка эришиши туфайли миллий қадриятлар қайта тиклана бошлади. Бу жараён жамиятнинг маънавий юксалишида миллий истиқлол мафкураси шаклланишида муҳим ўрин тутади. 6 И.А.Каримов. “Ўзбекистоннинг шз истиқлол ва тараққиёт йўли”. Т. “Ўзбекистон”, 1992 йил 72-бет.

www.arxiv.uz Ғарб ва Америка социологиясида ижтимоий тизимнинг муҳитида «мувозанати»ни сақлашга асосий эътибор берилади. О.Конт ва Дюргейм социологик қарашларига асосланиб, жамиятнинг бир бутунлиги унинг «ижтимоий муҳитдаги доимий мувозанати», ички ва ташқи таъсирини мувофиқлаштириш-социологиянинг асосий вазифаси қилиб олган. Умуман, ижтимоий тизим таркибидаги ўзгариш ва интеграция сифатидаги Парсонснинг функционал социологик таълимоти мувозанат тўғрисидаги назариядир. Марксизм социологиясида эса ижтимоий тизимларнинг ўзаро зиддиятлилик ҳарактери «муайян мувозанатда оғиш» эмас, балки уларнинг таркибий тузилиши моҳияти қонуниятли ички ривожланишнинг зарурий натижасидир. Ижтимоий тизимлар моҳиятини бундай тушиниш-жамиятда ички ижтимоий зиддиятлар, синфий курашлар рўй беришини ва улар жамият ривожининг асосини, моҳиятини белгилашини англатади. Маркс ва Энгельснинг «Ҳозиргача ўтган жамият тарихи синфлар кураши тарихидан иборатдир» деган ибораси юқоридаги фикримизга далил бўлади. Ҳозирги замон социологияси қайси таълимотга асосланади? Ҳар икки таълимот ҳам жамият ҳаётидаги муҳим белгиларни ўзида мужассамлаштирган . Социологик амалиёт функционал ўзгаришларсиз, эволюциясиз революция тушунчаси билан, функционал муносабатлар таҳлилисиз ижтимоий тизимлар ривожланишини фақат зиддият ва конфликтлар орқали асослашга уринувчи таълимот жамият ҳаётини бир томонлама ўрганишга олиб келишини кўрсатмоқда. Буржуа социологияси номи билан аталган ғарб социологик таълимотида ҳам ўзига хос ижобий жиҳатлар билан бир қаторда, ижтимоий тизимлар ривожланишининг ички зиддиятли хусусиятларини ҳисобга олмаслик ҳамжамиятни бир томонлама тушунишни билдиради. «Жамият ҳаётининг индустрлашуви объектив равишда, қайси ижтимоий тизимлар бўлишидан қатъий назар, ижтимоий иерархия бир хил

www.arxiv.uz типига олиб боради, - деган Америка социологларининг фикри ҳозирги тарихий ривожланиш амалиётида тасдиқланмоқда. Ижтимоий ҳаёт нисбатан мустақил, барқарор функционал ва ривожланиш қонуниятларига эга бўлган ижтимоий тизимлар бирлигидан иборатдир. Ижтимоий тизим мураккаб ички тузилишга эга бўлиб, тартибли, бир бутун ўзига хос ижтимоий алоқадорлик ва турли ижтимоий муносабатлар бирлигини ташкил қилади. Ижтимоий тизимларнинг ривожланиши табиий-тарихий жараён тарзида боради. Ҳар бир ижтимоий тизим бошқасининг, юкори даражадаги тизими таркибига киради. Ўзи эса қуйи, кичик тартибдаги тизимларни ўз таркибига олади. Жамият ҳаётидаги бирон бир ижтимоий тизим алоҳида равишда, бошқаларидан, ижтимоий муҳитдан ажраган ҳолда яшай олмайди. Ҳар бир ижтимоий тизим ўзгармас ва абадий эмас. Улар тарихий тараққиёт давомида доимо ўзгариб, ривожланиб боради. Ички ташқи функционал ва зиддиятли муносабатда бўлади. Ҳар қандай ижтимоий тизим ўзининг таркиб топиб ривожланиш гуллаб-яшна ш ва таназзулига эга бўлади. Ижтимоий тизимларга тарихийлик хос бўлиб, таркибидаги элемент ва майда тизимларнинг ўзаро алоқадорлиги, зиддиятли ли ги – уларнинг ривожланиш моҳиятини белгилайди. Ташқи ўзаро алоқадорлик ҳам ижтимоий тизимлараро муносабатлар асосини ташкил қилади. Алоҳида олинган инсон ва жамият ҳаётидаги барча ижтимоий жараёнлар тизими ўртасидаги муносабатлар ўзаро иерархик тузилишга эгадир. Ўзаро иерархик тузилиш уларни бошқариш имконини беради. - Ижтимоий тизимлар мақсадга йўлланганлигини, мослашувчи, очиқ ўзини қайта тиклаш, функционал ва ривожланиш каби ўзига хос хусусиятларга эга. Ҳар бир ижтимоий тизим ташқи ижтимоий муҳит билан доимий алоқадорликда бўлади. Кишилар ижтимоий воқелик, жараёнлар ва ғоялар ижтимоий муҳит элементлари сифатида намоён бўлади.

www.arxiv.uz Ҳозирги янги ижтимоий муносабатларнинг таркиб топиши жараёнида ижтимоий муҳитни социологик жиҳатдан таҳлил қилиш масаласи м уҳим илмий аҳамиятга эгадир. - Ижтимоий тизимлар ўзларининг ижтимоий вазифалари, функциялари билан ўзаро фарқланади. Улар муайян иқтисодий, ижтимоий-сиёсий, аҳлоқий ва бошқа қонуниятлар асосида фаолият кўрсатадилар. Ҳар қандай ижтимоий тизимларда икки типдаги: функционал ва ривожланиш қонуниятлари амал қилади. Уларнинг функционал ва ривожланиш хусусиятлари икки омил-ички ва ташқи омиллар билан белгиланади. Ички омилларга биринчи навбатда тизим ва унинг компонентлари, компонентларининг ўзаро муносабати киради. Ташқи омилларга ижтимоий тизимларнинг ташқи муҳит билан алоқадорлиги киради. Ижтимоий тизимларнинг ташқи муҳит билан ўзаро алоқадорлиги уларнинг асосий мавжудлик ва яшаш шарти ҳисобланади. Ташқи ижтимоий муҳит увозанатини сақлаш ва ўзгаришини ҳисобга олиш-ижтимоий тизимларнинг функционал ўзгариш ва ривожланишини социологик тадқиқ қилишда биринчи даражали аҳамиятга эга. Демак, социологияда ижтимоий тизимларда ички ва ташқи жиҳатдан таҳлил қилиш мақсадга мувофиқ. Жамиятнинг моддий ишлаб чиқариш жараёни социологияда ижтимоий тизим сифатида олиб қараб ўрганилади. Моддий ишлаб чиқариш тизими-ижтимоий ҳаёт соҳаси бўлиб кишиларнинг моддий неъматлар ишлаб чиқариш фаолияти билан боғлиқ. Моддий ишлаб чиқариш, ишлаб чиқарувчи кучлар ва ишлаб чиқариш муносабатларидан ташкил топади. Сиёсий-тизим-жамиятни бошқариш билан боғлиқ бўлган тизим ҳисобланади. Бу тизим таркибига барча сиёсий ташкилотлар: давлат, ҳуқуқий органлар, сиёсий партиялар, жамоа ташкилотлари ва улар билан боғлиқ бўлган сиёсий муносабатлар киради.

www.arxiv.uz Мустақил Ўзбекистон давлати сиёсий тизимини социологик жиҳатдан ўрганиш сиёсий соҳада қилиниши керак бўлган юқорида айтилган асосий вазифалардан келиб чиқади. Бу ҳақда олдинги мавзуда тўхталиб ўтилган.

www.arxiv.uz Адабиётлар: 1. Ўзбекистон Республикаси Конституцияси. Тошкент, 1992, I - II бўлимлар, 16-17, 21-22 бетлар. 2. Каримов И.А. «Ўзбекистоннинг ўз истиқлол ва тараққиёт йўли». Тошкент, 1992, 6-10 бетлар. 3. Каримов И.А. «Истиқлол йўли. Муаммолар ва режалар». Тошкент, 1992 4. Каримов И.А. «Тарихий хотирасиз келажак йўқ». Тошкент, 1998 5. «Тараққиёт ва ҳамкорлик йўлларида». (Ўзбекистон ташқи сиёсати ва дипломатияси) Тошкент, Ўзбекистон, 1993 6. Шайхова Х, Назаров К. “ Умуминсоний қадриятлар ва маънавий камолот ” . Тошкент, 1992 7. Бе к мурадов М, «Социология асослари». Тошкент «Фан» 1994 8. Юнусов К. «Социология» (ўқув қўлланма). А-1997 9. Маъруза матни . 10. www .ziyonet.uz

O'xshashlar

Жамият конунлари, унинг жамият тараккиётидаги урни ва ахамияти

Сиёсат ва унинг жамият тараққиётидаги роли

Демократик жамият тугрисидаги дастлабки карашлар ва унинг ривожланиш боскичлари

Жамият, шахс ва гурухлар социологияси

Жамият иктисодий хаётини эркинлаштириш ва демократлаштириш