Xorijiy mamlakatlarda Musiqa tarbiyasi tizimi - San'at - Referatlar

Xorijiy mamlakatlarda Musiqa tarbiyasi tizimi

Yuklangan vaqt:

20.09.2019

Ko'chirishlar soni:

0

Hajmi:

88.5 KB

Ko'chirib olish

Xorijiy mamlakatlarda Musiqa tarbiyasi tizimi Reja: 1. Xorijiy mamlakatlarda Musiqa o ’ qitishning o ’ ziga xos xususiyatlari 2. AQSh da musiqa o ’ qitishnin g maqsad va shakli 3. Angliyada musiqa tarbiyasi tuzimi 4. Yaponiyada musiqa o ’ qitishning o ’ ziga xos bo ’ lgan o ’ rni 5. Bolgariyada musiqa o’qitishning maqsad va shakli 6. Vengeryada musiqa o’qitishning maqsad va shakli

Qator mamlakatlarda maktab hamda maktabdan tashqari tashkil topgan o’quv jarayoni, uning shakl va usullari shubhasiz, katta qiziqish uyg’otmoqda. Jahonning ko’pgina mamlakatlarida yosh avlodga musiqiy iarbiya berish ishlari umumdavlat ahamiyatga ega bo’lib, shaxsni shakllantirishning muhim vositasi hisoblanadi. Xor ijrochiligi elementlarini o’z ichiga olgan musiqiy tarbiyaning zamonaviy xorijiy uslublari orasida kuyida bayon etilgan yo’nalishlar butun dunyoda ommaviylashib ketgan: Z. Kaday (Vengeriya, solfedjio, musiqa o’quvini rivojlantirish), L.Daniel va F.Lisek (Chexiya, «tayanch» qo’shiqlari, solfedjio, qo’shiqchilik), B.Trichkov (Bolgariya, solfedjio), R.Muynnik (Germaniya, «yalen» tizimi, solfedjio, qo’shiqchilik), K.Orf. (Germaniya-Avstriya, Musiqali ijod, metro-ritmik o’quvchni rivojlantirish), J.Jak Dalkroz (Shveytsariya, Musiqali ijod), T. Sudzuki (Yaponiya, skripka ijrochiligiga o’rgalish orqali musiqiy malakalarni rivojlantirish), Dj.Kerven (Angliya, «Tonik-sol-fa» tizimi, solfedjio), P.Van Xauve (Gollandiya, musiqali ijod), D.Kabolevskiy (Rossiya, musiqa asrlarini idrok etish tajribasini rivojlantirish), N.Vetlugina (Rossiya, bolalar rivojlantirishning yaxlit tizimi), V.Bogadurova (Rossiya, ijrochilik malakalarini rivojlantirish). Har bir mamlakatning musiqa tarbiyasi g’oyaviy-siyosiy jihatdan xalqning sotsial tuzumiga xizmat qiladi. Shuning uchun musiqa tarbiyasi mustaqillik mamlakatlarda e’tiqod uchun xorijiy mamlakatiarida esa burjua demokratiyasi uchun xizmat qiladi. Har bir xalqning maorifida musiqa tarbiyasi metodikasi pedagogikaning didaktik qonuniyatlariga va shu xalqning milliy musiqa madaniyati, tili va madaniy an’analariga asoslanadi. Shu bilan birga musiqa tarbiyasming strukturasi, sistemasi (tizimi) va ilmiy- metodik yutuqlar boshqa millatning ma’rifiy madaniyatiga ham ijobiy ta’sir etadi. Xorijiy mamlakatlarda yagona o’quv reja va dasturga amal qilinmaydi. Davlat maktablari bilan birga shaxsiy maktablar, kollejlar va oliy ta’lim dargohlari mavjud. Bularda turlicha darajada estetik tarbiyani amalga oshirishda o’qituvchiga keng ijodiy erkinlik berilgan. O’qituvchi o’zining maktab sharoiti, imkoniyatlari va o’quvchilarning bilim darajasiga qarab dasturga o’zlashtirishlar kiritishi mumkin. Ta’lim va tarbiya

jarayonida o’quvchilarda san’at orqali hayotni o’rganish va unga shaxsiy munosabat bildirish, ijodiy munosabatda bo’lish malakalarini rivojlantiradi. Musiqa darslarida yuksak rivojlangan texnik vositalaridan keng foydalaniladi. O’quvchilar elektrorganlarda chalib kuylaydilar, turli faoliyatlarni (aytishuv, harakatlar, bir-biriga jo’rnavozlik qilishlarni) bajaradilar. Bunda asosan o’quvchilarda ijodiy qobiliyatni ro’yobga chiqarishdan iborat. 2. Amerika Qo’shma Shtatlari maktablarining birinchi-to’rtinchi sinflarida ashula darsi har kuni 20-30 minut hajmida o’tkaziladi. Darslarni umumiy o’quv fanlari bo’yicha dars beradigan o’qituvchilar o’tkazadilar. Darslarda bolalar musiqa sadolari ostida o’ynaydilar, qo’shiq va ibodat qo’shiqlarini ijro etadilar, turli usuldagi mashqlarni bajaradilar. O’rta maktabda musiqa darslari dars jadvaliga har doim kiritilmaydi, aksariyat hollarda ular darsdan tashqari, vaqtda otkaziladi. Darsdan keyingi vaqtida xor, orkestr, ansambllardan keng foydalaniladi. Maktab o’quvchilari uchun doimiy ravishda, oldindan maktablarga xabar berib, simfonik kontsertlar ham o’tkaziladi. Musiqa mashg’ulotlari jarayonida turli musiqa cholg’u asboblari-kichik baraban, uchburchak, musiqali qutichalardan foydaniladi. Uchunchi sinfdan boshlab turli orkestr cholg’ulari ijrochiligi o’rgatiladi, keyinchalik orkestr sozandalari birlashtirilib, maktab orkest jamoasi tashkil qilinadi. Amaldagi musiqa ijrochiligiga alohida e’tibor beriladi. Turli turdagi (kichik cholg’u ansambl va kamer xor jamoasidan tortib to yirik simfonik orkestr va katta xorgacha) jamoalar tuzilib, bularning orasida turli xor jamoalari kontsert, kamer, madrigal, qizlar, o’g’il bolalar xor jamoalari o’z ifodasini topadi. Umumta’lim maktablari muisiqa o’qituvchilarini tayyorlash bilan kollej va universitetlar shug’ullanadilar. AQSh dagi Musiqa ta’limi sohasida aniq tizim va uslubiy bir xillik mavjud emas; o’ quv muassasalarini davlat ham, shaxslar ham, turli kompaniyalar ham boshqaradiki, natijada beqarorlik va xilma-xillik vujudga keladi. Har bir shtatda o’zining maktab tizimi mavjud. Musiqa darslarining shakl va mazmuni, o’quv soatlari pedagoglar tomonidan belgilanadi; aksariyat hollarda, ular yetarlik professional ma’lumotga ega emaslar. Musiqa o’qituvchilarining yetishmasligi tufayli, ayniqsa quyi bosqichlarda,

mamlakatning turli maktablarida yosh kompozitorlar pedagog sifatida faoliyat ko’rsatadilar; qayerda ularga ehtiyoj sezilsa va qayerda ularning musiqalari ijro etilsa, o’sha yerda ular o’z mahoratini namoyon etadilar. Natijada, maktabda ijro etish uchun o’ziga xos yagona repertuar vujudga kelib, o’quvchilar kompozitorlar bilan muloqot qi l i sh imkoniga ega bo’ldilarki, bu narsa juda muhimdir. O’quv yurtlaridagi o’quv rejalari tuzilish va mazmuniga ko’ra bir- biridan farq qiladilar, shuning uchun bitiruvchilarning tayyorgarlik darajalari sezilarli darajada turlicha bo’ladi. Maxsus musiqa ta’limi o’qish muddati 4 yil bo’lgan kollejlarda boshlanadi, keyinchalik bir yil davomida musiqa magistri unvonini olish uchun o’qishni davom yettirish va yana 2 yil (jami 7 yil) musiqa doktori unvonini olish uchun o’qish mumkin. Kollejlarning 3 ta ijrochilik, musiqashunoslik va pedagogik turlari mavjud, ularda musiqa o’qituvchilari tayyorlanadi. AQSh da XIX asrdayoq tashkil topgan konservatoriyalar vaqt o’tishi bilan universitetlarga qo’shilib ketgan. Bundan kutilgan maqsad, t a ’ l i m n i yaxshilashga intilish, yoshlarga nafaqat musiqali tayyorgarlikni berish, shuningdek ularning adabiyot, san’atning boshqa turlari bo’yicha bilimlarini kengaytirishdir. 3. Angliya maktablarida, AQSh va boshqa burjua mamlakatlari qatori, yagona dastur va uslubiyatning yo’qligi sababli maktablardagi musiqiy tarbiya ishlarining ahvoli turli saviyadadir. Ijobiy misol tarikasida 1969-1970 yillarda Britaniya radio korporatsiyasining radio o rqali 6-7 yoshdagi bolalar uchun tashkil etilgan 10 minutli musiqa eshittirishlarini keltirish mumkin. Bu eshittirishlardan ko’zda tutilgan maqsad- bolalarning musiqa cholg’ulari ijrochiligiga xohishlarini uyg’otish bo’lgan: bolalar radio eshittirish jarayonida musiqani ijro etishlari lozim bo’lgan keyinchalik, bu dasturlar magnit tasmalariga yozilib, maktablarga, ulardagi «Musiqa burchaklari» ga jo’natilgan. Hozirda Angliya maktablarida ko’proq Dj.Kerven (1816-1880) tomonidan ishlab chiqilgan, reletiv tizimiga asoslangan o’qitish usullari qo’llanilmoqda. Angliyada boshlang’ich maktab o’qituvchilarni o’rta maxsus o’quv yurtlari-ikki yoki uch yillik kollejlar tayyorlaydi. Milliy musiqa maktabi, Kirollik musiqa akademiyasini bitirgan musiqachilar uchun 1 yillik maxsus pedagogik kurslar tashkil etilgan. O’rta maktab

musiqa muallimlarini universitetlarning musiqa pedagogika fakultetlari tayyorlaydi. Ularda o’qish muddati 4 yilni tashkil etadi. Universitetlar o’rta maktab uchun universal musiqa o’qituvchini tayyorlashni o’z oldiga maqsad qilib qo’yganki, o’qituvchi nafaqat xor jamoasiga rahbarlik qilish, shuningdek, orkestrni boshqarish, musiqa va ashula ansamblida mashg’ulot olib borish, bolalarni musiqiy cholg’uda ijro etishga o’rgata bilishi lozim. Buyuk Britaniyada boshlang’ich sinflarda 5 yoshdan 11 yoshgacha bo’lgan bolalar o’qiydilar. Barcha o’quv fanlarini bitta o’qituvchi oli b boradi. Boshlang’ich maktabni bitirgach, bolalar gumanitar yoki texnik yo’nalishga asoslangan o’rta maktablarga o’tadilar. Bularda musiqa ta’limiga ko’proq e’tibor beriladi. 4. Yaponiyada ham yagona o’quv reja va dasturga amal qilinmaydi. Yaponiyada musiqa tarbiyasining o’ziga xos sistemasi vujudga kelgan. Ularda bolalar bog’chasidan o l i y ta’limgacha estetik tarbiya amalga oshiriladi. Estetik tarbiya integratsiya qilingan fan bo’lib unga musiqa, tasviriy san'at va mehnat uzviy birlashgan. U bir nccha bosqichda amalga oshiriladi. a) 1-5 yoshgacha bolalar bog’chasida b) 6-14 yoshgacha t o l i q s i z o’rta maktab v) 15-18 yosh o’rta maktabi g) 18-23 yosh oliy ta’lim maktabi. Bolalar bog’chasida «Suzduki» tizimi mashhurdir. Uning tizimida ona t i l i n i o’qitilishi, musiqa tinglab idrok etishi bilan amalga oshiriladi. Bolalar cholg’u asboblarda kuy chalishlari muhira rol o’ynaydi. Mashg’ulotlar jarayonida bolalarning onasi ham ishtirok etadi. Mashg’ulot mazmuni va maqsadidan ogoh bo’ladi va oilada o’z ovozi bilan shug’ullanadi. Suzdukining ta’dbirida onalar musiqa ma’lumotiga ega bo’lishi shart emas. Oilada gramzapis, televideniye, kontsertlarda tinglangan asarlarni muhokama etadilar. Bunda bog’cha va oilaning hamkorligi muhim rol o’ynaydi. Natijada 5-6 yoshli bolalar Betxoven sonatalarini chalishga erishadilar. Yuqori sinflarga ko’chgan sari

estetik tarbiya ham bir predmet singari murakkablashib boradi. Yuqori sinflarda rassomchilik, haykaltaroshlik, xalq san’ati tanqidchilari yetishadi. O’qituvchi-kadrlar tayyorlash ishi yaxshi yo’lga qo’yilgan. Ular oliy pedagogika va san’at oliyogohlarida tayyorlanadi. O’qituvchilar, shuningdek, ona Vatanida olgan bilimlarga qoniqmay, rivojlangan Yevropa mamlakallarga o’qishga borib o’z bilim va malakalarini oshiradilar. 5. Bolgariyada musiqa darslari, o’quv rejasiga muvofiq, maktabni birinchi sinfidan to’qqizinchi sinfga qadar o’tkaziladi, 10-11 sinflarda esa, ixtiyoriy mashg’ulotlar tarzida haftada ikki soatdan olib boriladi. Birinchi sinfda, musiqa darsiga haftada 1 soat, 2-6 sinflarda esa ikki soatdan ajratiladi. Birinchi sinf-tayyorlov sinfidir. Bunda bolalar kuylarni yodlab qo’shiq aytishni o’rganadilar, musiqa sadolari jo’rligida davrada o’ynab, kuylaydilar. Ikkinchi sinfdan boshlab o’quvchilar darsda musiqa savodini va qo’shiq aytishni o’rganadilar. Bolgariyadagi ommaviy musiqiy tarbiyaning asosi-bu xalq qo’shiqlaridir. Bolgar xalq musiqasi o’ziga xos usul, ohang va boshqa xususiyatlarga ko’ra hozirgi zamon yoshlarining musiqa ehtiyojlarini qondira olish imkoniyatiga egadir. Bolgariyada asosiy diqqat-e’tibor ommaviy havaskorlik jamoalari-folklor ansambllariga qaratilgan. Ularning faoliyatida xalq ijodi namunalari m i l l i y ijrochilik uslubiga yaqin ko’rinishlarda namoyon bo’ladi. Xalqchillik ruhida tarbiyalashga xizmat qilayotgan bolalar va yoshlarning qo’shiq va raqs xalq ansambllari ma’naviy-ahloqiy tarbiyasi va badiiy-emotsional ta’sirning vositalaridir. Bolgar xalq qo’shig’ining boyligini egallash, uning o’ziga xos ohang ko’lamini o’zlashtirish, bolalarda musiqiy tasavvur hamda ijro malakalarini egallashga ko’maklashadi, milliy hamda jahon mumtoz musiqa asarlarining go’zallik va boyliklarini baholashga imkon beradi. Bolgariya ommaviy musiqa ta’limining milliy uslubiyati, uning bolalarda musiqaviy ijrochilik, ritmik qobiliyatlarini rivojlantirishga qaratilgan usullari musiqiy tarbiyaning dastlabki bosqichida o’quvchining bajiha va boshqa ijodiy harakatlarini rag’batlantiradi. Bolgariya musiqa ta’limi tizimida 1923 yilda Boris Trichkov tomonidan ishlab chiqilgan «Stolbitsa» (ustun) metodi keng tarqaldi. Oddiy, ommabop, qiziqarli bo’lgan «stolbitsa» usuli, ayniqsa umumta’lim maktab bolalari bilan ishlashda katta

yordam bermoqda. Boshlang’ich sinflarda musiqa darsrni barcha o’quv fanlaridan mashg’ulot olib boradigan pedagoglar o’tkazadilar, Ular gimnaziyani bitirgach, muallimlar institutida ta’lim oladilar. Muallimlar institutida o’qish muddati uch yil. 5-8 sinflarda ashula darsini, ikki o’quv fani (masalan, til va ashula) bo’yicha pedagogika institutining maxsus fakultetida ta’lim olgan o’qituvchi o’tadi. 9-12 sinflarda esa, konservatoriyaning muisiqiy nazariya fakulteti qoshida tashkil etilgan maxsus pedagogika bo’limlarining bitiruvchilari olib boradilar. Ularning o’qish muddati to’rt yil. O’quv dasturlarida ko’rsatganidek musiqa darslari asosini guruhli kuylash va musiqa cholg’ularida ijro etish tashkil etadi. Maktabdagi o’quv jarayoni darsliklar va o’qituvchilarga mo’ljallangan uslubiy qo’llanmalar bilan ta’minlangan bo’lib, bu narsa, albatta, ommaviy musiqiy tarbiyani amalga oshirishda muhim rol o’ynaydi. Bolgariyada xor madaniyatini rivojlanishiga Sofiya o’smirlar saroyining «Bodrasmena» bolalar xor jamoasi katta hissa qo’shdi. Jamoa 1947 yilda tashkil topgan. Uzoq yi l l ar mobaynida bu jamoaga Bolgariya xalq artisti, professor Boncho Bochev rahbarlik qilgan edi. Xor jamoasi tarkibida 380 a’zosi bo’ lib, u katta va kichik yoshdagi bolalar guruhlari 100 k i s h i l i k kontsert guruhidan iborat. Mazkur jamoasi ijro dasturiga murakkab ko’p ovozli, turli janr va uslubdagi asarlar kirgan. Bolalar va o’smirlar havaskor xor maktab-studiyasi bolalar xor jamoalarining zamonaviy ko’rinishi sifatida yosh ijrochilar uchun ma’lum professional istiqbollarini ochib beradi. Shunday jamoaning muntazam kontsert faoliyati, havaskor xor -jamoaning xor maktabiga aylanishidagi muhim shat-sharoitlaridan biridir. Bolalar va o’smirlar xor maktablari, ushbu maktablarda ta’lim olayotgan o’quvchilar professional xor jamoalarining shakllanishida muhim ahamiyat kasb etadi. Bunday xor jamoalari negizida- turli xil repertuarga ega bo’lgan kamer, madrigal, katta kontsert jamoalari shakl topishi mumkin. B.Bochevning «Bodro smena» xor jamoasining ish tajribasini har bir bolalar xor jamoasiga tadbiq etish mumkin. Bolalar va o’smirlar havaskor xor maktablarini mustahkamlash zamon tarablariga javob beradigan, mukammal tashkiliy-o’quv shakllarini vujudga keltirish mumkin.

6. Vengeriyada musiqiy tarbiya sohasida erishtlgan asosiy yutuqlar zamonaviy venger musiqasining asoschilaridan biri, kompozitor, xalq og’zaki ijodi bilimdoni, musiqashunos, pedagog Zaltan Koday (1883- 1967) nomi bilan bog’liqdir. Bolalarning musiqiy tarbiya sohasidagi o’zining faol va sermahsul faoliyatini Z.Koday 1920- yillardan boshladi. Z.Kodayning bolalar musiqiy tarbiya tizimi ommaviylik tamoyiliga asoslangan. Buyuk alloma xor jamoasida qo’shiq aytish hammaga ham mumkinligini alohida ta’kidlagan, keng ommani xor ijrochiligiga jalb etib, bu ishga alohida diqqat va e’tiborni talab qildi. U n i n g butun musiqiy ta’lim jarayoni xalq kuylariga asoslangan. Koday ommaviy venger maktabiga «Tonika-sol-fa» usulini kiritdi. Uning g’oyalari ikkinchsi jahon urushidan so’ng ommalashib ketdi. Koday metodi bu yaxlit tizim bo’lib, relyativ (nisbiy) solmizatsiya, kuylayotgan o’quvchilarga qo’l harakati yordamida beradigan ko’rsatmalar, venger xalq qo’shig’i, musiqani chuqur o'rganishga yo naltirilgan umumta’lim maktablari, jo’rsiz guruhli kuylashdan iborat. Unutmaslik kerakki, Koday metodi haqida gap ketganida, so’z musiqiy tarbiya kontseptsiyasi haqida, kni hayotga tadbiq etish yo’llari to’g’risida bormoqda. Bularni Z.Koday turli manbalardan olib, venger musiqasi xususiyatlariga moslashtirdi. Guruhli kuylash Vengeriyada, haqiqatdan, umumxalq jarayoni bolib, bunga musiqa savodxonligi nota bo’yicha qo’shiq aytaolish yordam beradi. Z.Kodayning «2000 yilga k e l i b har b i r umumta’lim maktabini bitirgan o’smir notani erkin o’ q i y oladi» - degan orzusi amalga oshmoqda. Vegeriyada musiqiy tarbiya yuqori darajadadir. Bu mamlakatdagi umumta’lim maktab tizimining asosi sakkiz-yiilik to’liqsiz o’rta maktab bo’ lib, uni bitirgan o’quvchilar to’rt sinflik gimnaziyaga o’tadilar. Birinchi sinfda bolalar haftada ikki mart 0,5 soatdan, ikkinchi-yettinchi sinflarda esa haftada ikki soat «Musiqa» o’quv fani bilan shug’ullanadilar. Bundan tashqari har hafta ikki soat orkestr mashg’ulotlariga ajratiladi. Uchinchi-to’rtinchi sinflarda o’quvchilar musiqa adabiyoti bilan tanishish va birorta musiqa cholg’usini o’zlashtirish imkoniyatiga ega bo’ladi. Umumta’lim maktablari orasida musiqa-qo’shiqchilik to’liqsiz o’rta maktablari, ya’ni musiqani chuqur o’rganishga qaratilgan umumta’lim maktablari keng joriy etilgan. Ularda birinchi-

to’rtinchi sinf o’quvchilari haftada olti soat, beshinchi-yettinchi sinflarda esa to’rt soat musiqa va ikki soat xor mashg’ulotlari b i l a n shug’ullanadilar. Maktablarda shuningdek, fortepiano, skripka, puflama musiqa cholg’ulari sinflari mavjud. Bunday maktablardagi sinflarda o’quvchilar soni umumta’lim maktab sinfidagi bolalar soniga nisbatan kamroq, ya’ni 26 o’quvchidan ortmaydi. Bundan tashqari, ularda umumta’lim yo’nalishdagi o’quv fanlarining soni ham barcha o’quv fanlaridan bilim berayotgan o’qituvchi musiqa darsini ham o’tadi. Beshinchi-sakkizinchi sinflarda bu darslarini musiqa mutaxassisi olib boradi. Bolalarning musiqa savodini chiqarishda ustoz tomonidan qo’l harakatlari, maxsus imo-ishoralar keng qolaniladi. Relyativ solmizatsiyani chuqur o’rganganden so’ng, o’quvchilar muloq tizimga o’tadilar. Musiqa ta’limini berish, shu jumladan musiqa o’quvchini rivojlantirish uslubiyati, asosan, bolalar ongining o’ziga xos tomonlarini hisobga olgan va ularga rioya qilgan holda amalga oshiriladi. Umumta’lim maktablarida fortepiano, fleyta, yog’och tsimbala va ayrim urma cholg’ularidan foydalaniladi. Koday tizimi ayniqsa, musiqani chuqur o’rganishga yo’naltirilgan umumta’lim maktablarida o’zining yorqin ifodasini topmoqda. Har kungi musiqa darslari bolalarda usullarni ajrata bi li sh tajribasini, xotira, his-tuyg’ularni rivojlantiradi. 14-18 yoshdagi o’quvchilar ta’lim oladigan gimnaziyalarda musiqa tarixi fani o’rganiladi, barcha janr, uslub va davrdagi musiqa asarlari eshitiladi, shuningdek, sinfdan tashqari faoliyat ko’rsatadi. Vengeriyada maxsus musiqa ta’limi beradigan gimnaziyalar ham mavjud. Bunday gimnaziyalar bitiruvchilari, aksariyat hollarda, boshlang’ich sinf musiqa o’qituvchilari bo’lib ishlaydilar. Shuningdek, Vengeriyada bir nechta musiqa bilim yurtlari ham mavjud. Mazkur o’quv yurtlarida oquvchilar umtimta’lim fanlari bilan birga biror musiqa cholg’usini, solfedjio, garmoniya, guruhli kuylashni o’rganishadi. Gimnaziya bitiruvchilari o’qishni (t’lim olish muddati uch yildan besh yilgacha bo’lgan) F.List nomidagi Musiqa akademiyasida davom yettirishlari mumkin. Uch y i l l i k kurslarda umumta’lim maklablari uchun solfedjio, qo’shiq, biror musiqa cholg’u ijrochiligi bo’yicha mutaxassis-o’qituvchilar tayyorlanadi. Besh yillik ta’lim esa oliy

malakali o’qituvchi va ijrochi-artistlarni tayyorlaydi. Bundan tashqari, Vengeriyada yuqori sinf musiqa o’qituvchilarni tayyorlaydigan to’rt y i i l i k oliy o’quv yurtlari mavjud bo’lib, bu yerda talabalar muayyan musiqa ixtisosligi (masalan, musiqa va tarix, musitqa va til va boshqalar) ni ham egallaydilar. Ta’kidlash lozimki, Z.Koday tizimi Vengeriyadagi musiqa ta’limi va tarbiyassining barcha bosqichlarida joriy etilmoqda; Vengeriya musiqashunos- pedagoglarining tajribasi dunyoning ko’pgina mamlakatlarida, jumladan, O’zbekistonda ham musiqashunos va pedagogika mutaxassislari tomonidan katta qiziqish bilan o’rganilmoqda. Z.Koday tizimi turli milliy madaniy an’analarga muhim ravishda moslashib bormoqda va shuning uchun u jahonning aksariyat mamlakatlarida keng miqyosda ommalashib ketdi. Vengeriyada butun xalq musiqiy savodini chiqarish vazifasi muvaffaqiyat bilan hal etilmoqda. Bunda musiqani chuqur o’rganishga yo’naltirilgan umumta’lim maktablarida har kuni o’tkaziladigan musiqa darslari katta ahamiyat kasb etmoqda. Guruhli kuylash Vengeriyada, chindan ham umumxalq jarayonidir, bunga odamlarning musiqa savodxonligi, notaga qarab kuylash malakasi ta’sir ko’rsatmoqda. 7.Germaniyaning yirik nemis kompozitori va buyuk pedagog Karl Orf (1895-1982) jahonda keng tarqalgan bolalar musiqiy tarbiya uslubiyatining asoschilaridan biri hisoblanadi. Shveytsariyalik pedagog E.Jak-Dolkroz (1865-1950) ning o’quv tizimiga asoslanib K.Orf «Oddiy musiqa» (elementar musiqa) g’oyasini ishlab chiqdi va bu g’oyani Myunxendagi Guntenshule (Gunter maktabi) gimnastika va raqs maktabidagi o’qitish uslubiga aylantiradi. 1953 yilda Avstriyaning Zaltsburg shahrining Motsarteum deb nomlangan musiqa dargohida Karl Orf instituti tashkil topib, u AQSh, Angliya, Germaniya, Xindiston kabi 30 dan ortiq mamlakatlarni birlashtirgan daobro ilmiy muassasaga aylanib ketdi. K.Orf nomidagi institutda 400 dan ortiq o’quvchi, 50 dan ziyod pedagog ta’lim oladi. Orf kashf etgan bolalar va o’smirlar musiqiy tarbiya usuli o’quvchilarning musiqiy folklordan keng miqyosda foydalanish, ularning ijodiy ko’nikma va imkoniyatlarini rivojlantirishga asoslangan. Ushbu o’quv usuli tamoyillari xalqaro ahamiyatga ega bo’lgan «Shulverk» to’plamida o’zining badiiy-metodik talqinini topdi.

Besh j i l d l i k «Shulverk» uslubiy qo’llanmasi, asosan umumta’lim maktablari va bolalar muassasalaridagi to ’ rt yoshdan o’n besh yoshgacha bo’lgan bolalarning uzluksiz musiqiy ta’lim-tarbiyaga mo’ljallangan xalq musiqa ijodiga asoslangan bu qo’llanmadagi p’esalar bolalar ijodiy imkoniyatlarini rivojlantirishga xizmat qiladi. «Shulverk» asarlari xalq qo’shiqlari va ko’hna musiqa namunalari asosida bastalangan bo’ lib, bu to’plamda xalq she’riyat matnlariga ham keng o’rin berilgan. Barcha namunalarga etnografik yoki tarixiy manbalar asosida izoh berilgan. Bu o’ziga xos hamma bolalarga majburiy musiqa ta’limini beradigan boshlang’ich maktabidir. Orfning fikriga ko’ra, boshlang’ich o’quvi hamda ritm hissiyotini rivojlantirisb, kuylashga yoki biror cholg’u asbobida ijro etishga o’rgatish, balki, bolalarning ijodiy tafakkurini rivojlantirish, yakka va jamoaviy ijro jarayonida musiqani ijod etish qobiliyatini rivojlantirish hamdir. Guruhdagi bolalar soni 10-12 kishidan oshmasligi kerak. Barcha mashg’ulotlar jamoaviy tarzda oli b boriladi, bunda bolalar qo’shiq ijro etib raqsga tushadilar, navbat bilan musiqa cholg’ularida chaladilar,turli jismoniy mashqlarni bajaradilar. Asta-sekin bolalar shu darajaga yetib boradiki, ular butun tomosha-sahnachalarni, keyinchalik hatto spektakl, undagi musiqa, she’riy matn, sahna jihozini, barcha xatti- harakatlarni ham o’zlari o’ylab topadilar. K.Orf cholg’u jurnaovozligiga ham katta ahamiyat beradi. «Shulverk» da nazarda tutilgan jamoaviy cholg’u ijrochiligi bolalardan maxsus tayyorgarlik va bilimni talab qilmaydi, ammo unda ta’limning oddiyligi bilan musiqa yangrashining yuqori sifatlari uyg’unlashadi. «Shulverk» dagi aksariyat namunalar aytim (vokal) mashqlarga asoslangan. Orfning uslubi notaga qarab ijto etish (ya’ni, nota savodi) ga bog’liq bo’lmasa-da, institut pedagoglari relyativ solfedjioga o’zgaya yondoshadilar: bolalarga tovushlarning nisbiy va mutloq nomlari barovar o’rgatadilar. Hozirda «Shulverk» to’plamidan ko’p mamlakatlarda foydalanilmoqda. K.Orf ta’kidlab o’tganki «Shulverk» kitobini har bir mamlakatda milliy musiqa shu jumladan bolalar folklori bilan boyitish zarur. «Shulverk» ning frantsuz, yapon, ingliz, shved, ispan va boshqa milliy nashrlari mayjud. Mazkur kitob ko’r, saqov, maxsus logopedik bolalar maktablarida joriy etilmoqda.

Orf institutida ertalabki darslar yosh pedagoglar oliygoh talabalari bilan o’tkazilardi. Bolalar mashg’ulotlari esa kunning ikkinchi yarmida o’tadi. K.Orfning didaktik kontseptsiyasi jahon o’quv amaliyotida keng tarqalgan bo’lib, turli uslubiy yechimlarga yo’l ochadi va ijodiy tafakkurni rag’batlantirishga ko’maklashadi. Orf kontseptsiyasi Markaziy Osiyoda Chimkent shahrida shuningdek, Toshkent shahri ba’zi umumta’lim maktablarida tadbiq qilinadi. 8. Gollandiyadagi bolalar musiqiy tarbiyaning tizimi, umrining 35 y i l i n i musiqa faoliyatiga bag’ishlangan Per van Xauve (Delft shahri) nomi bilan bog’liqdir. U Parijda va Bryusseldagi konservatoriyalarini dirijyorlik, musiqa nazariyasi hamda kompozitsiya sinflari bo’yicha tugatgan. Delftda musiqa maktabini tashkil etishi hamda uni boshqarish takliflarini qabul qilgandan so’ng u xor va orkestr jamoalarida dirijyorlik faoliyatini to’xtatdi. Hozirgi zamon pedagogik usullar bilan tanishish maqsadida Per van Xauve Yevropa mamlakatlariga, birinchi navbatda, Bavariyaga yo’l oldi. U yerda K.Orf va uning bolalar musiqiy tarbiyasi tizimi bilan tanishib, uning ashaddiy muxlisiga aylandi. Shuningdek, Frantsiya va Belgiya. Italiya va Ispaniyada bo’lib qaytdi. Vengeriyada u Z.Koday bilan tanishdi. Kodayning musiqiy tarbiya tizimi Per van Xauve katta ta’asurot qoldirdi; u Koday shogirdlari katta yutuqlarga erishishga asos bergan relyativ tizimini qunt bilan o’rganishga kirishdi. Bolalar bilan olib borgan amaliy faoliyat natijasida Per van Xauve musiqiy tarbiyadagi o’zining yangi tizimini yaratdiki, bu tizim ikki Orf va Koday usullarining o’zaro uyg’unlashgan mahsuli bo’lib, unda psixologiya va bolalar tasavvuriga mos keladigan asosiy tomonlari olingan edi. Bu usulning mohiyati quyidagidan iborat: bolalarni o’yinga jalb etib (masalan, qarsak chalish, tarelkalar, qo’ng’iroqlar, bubenlarni urib, tovush chiqarish), pedagoglar ularda musiqa bo’yicha malakalarini hosil qiladilar. Shu ravishda, hamma bolalar, musiqali bilim saviyalari turlicha bo’lishiga qaramay, ta’lim jarayoniga kirishib ketadilar. Ta’kidlash lozimki, Gollandiya musiqa maktablari bolalarga kasbiy ma’lumot berilishi o’z oldiga maqsad qilib qoymaydi, gar o’zining musiqaviy vaqti chog’ligi va xursandchiligi xaqida ketadi.

Delft musiqa maktabi tashkil topish davridan bir nechayildankeyin, Fer va Xauve o’z amaliyotida sinovdan o’tgan shaxsiy tarjibalariga asoslanib har bir sinf uchun “Musiqa bilan o’yinlar” nomli qator darsliklar yaratdi. Darsliklarda ko’plab musiqali p’esalar, mashqlar, o’yinlar,qo’shiqlar, aniq vazifalar mavjud bo’lib, ularni bajara borib, bola asta-sekin notani yozish va o’qishni, nota bo’yicha qo’shiq aytish va o’yin o’ynashni o’rganadi.

ADABIYOTLAR : 1. I . Akbarov .« Musiqa lug ’ ati » 2. Apraqsina O. «Методика музыкального воспитания в школе» M . 1983 3. D . Omonullayev . « Umumiy ta’lim maktablarida musiqa dasturlari » T.1992 4. Gudkova Ye.A., Vasileva A.B. «Ashula dars metodikasi»

O'xshashlar

Musiqa darslarida musiqa savodi o’rgatish metodikasi

Musiqa o’qitish metodIari

CHet ellarda musiqa madaniyati

Musiqa darslarida umumdidaktik printsiplari

O’quvchilarni musiqa mеrosiga muhabbat ruhida tarbiyalash