Олтинчи синфда мусиқа ўқитишни мазмуни ва хусусиятлари - San'at - Referatlar

Олтинчи синфда мусиқа ўқитишни мазмуни ва хусусиятлари

Yuklangan vaqt:

20.09.2019

Ko'chirishlar soni:

0

Hajmi:

43 KB

Ko'chirib olish

Олтинчи синфда мусиқа ўқитишни мазмуни ва хусусиятлари Режа: 1. Олтинчи синф ўқувчиларини психологик-педагогик хусусиятлари. 2. Олтинчи синфда мусиқа ўқитишни мазмуни. 3. Олтинчи синфда дарс мавзуси ва унинг ўқувчилар билим ва малакасига мослиги.

Олтинчи синфда мусиқа ўқитишнинг мақсад ва вазифалари, олдинги синфларда олган билим ва малакаларини даражасига асосланиб белгиланди. Олтинчи синфда амалга оширилиши лозим бўлган мақсадлар, мусиқа тарбиясининг бош мезони – ўқувчиларнинг маънавий бойлигининг таркибий қисми бўлган мусиқавий маданиятини шакллантиришга қаратилади. Мазкур мақсадларни қуйидагича амалга ошириш белгиланади: 1. Дарснинг барча фаолиятлари воситасида доимий равишда ўқувчиларнинг мусиқавий иқтидорини ривожлантириб бориш. 2. Вокал-хор малакаларини ривожлантириб, якка жамоа бўлиб куйлаш, икки овозли куйлашга ўргатиш. 3. Мусиқа идрокини ривожлантириш ва асарларни тузилиши, шакли, лади, темпи, муаллифлари ҳақида фикр юритишга ўргатиш. 4. Мусиқа саводидан, оддий мусиқа терминларини ва атамаларини моҳиятини мусиқа амалиётида билиш ва ҳар бир мусиқа асарида куйлаб бориш. Олтинчи синф ўқувчиларининг овоз диапазони (До 1 -Фа 2 ) бўлади. Олтинчи синфда ўқувчиларни ўспиринлик даври бошланади. Бунинг натижасида организмда актив ўзгаришлар рўй беради. Физиологик- психологик жиҳатдан ўқувчиларни овозини ўзгариши, бўйнинг ўсиши, фанларга қизиқиши, мустақил фикр юрита олиши қобилиятлари ривожлана бошлайди. Натижада бош мия, етарли даражада озуқа ололмай, ҳорғинлик ҳолатлари рўй беради. Яъни, дарс давомида ўқувчиларни диққат-эътибори тарқалади. Уларни жалб этиш қийинлашади. Бу даврда уларга жиддий, меҳрибона муносабатда бўлиш, дўстона суҳбатлар ўтказиш талаб этилади. Шунинг учун ўқитувчи ҳар бир ўқувчини кузатиб, уни ўрганиши лозим. Чунки, ўқувчилар катталарни муносабатига жиддий эътибор берадилар, улар кўпроқ катталар билан муомалада бўлишни истайдилар. Болаларнинг интизомида айрим ўзгаришлар пайдо бўлади, уларнинг истаги ва қобилияти орасида тафовутлар содир бўлиб туради. Буларнинг ҳаммаси ўқитувчидан юқори малака ва тарбиячитликни талаб этади. Бундай ҳолатда ўқитувчи

ўқувчиларни қуйи синфларда олган билим ва малакаларига ва ҳаётий далилларга суяниб иш тутиши яхши натижа беради. Бунинг учун дарс мазмунини ҳаёт билан боғлаб олиб бориш зарур. Қўшиқ ўргатиш ва мусиқа тинглаш жараёнида асарлардан парчалар куйлаб овозларини созлаши болаларда қизиқиш уйғотади. Бунда ижро услубларини батафсил тушунтириш лозим. Асарларни таҳлил этишда болаларни актив қатнаштириш мақсадга мувофиқдир. Ҳар бир халқнинг ўз миллий мусиқа санъати мавжудлиги, мусиқа ҳар бир тарихий даврнинг бадиий акси эканлиги ҳақида болаларда аниқ тушунча ҳосил қилиши лозим. Шу асосда ўзбек мусиқасининг қисқа тарихи чолғу асбоблари ва ўзбек халқ мусиқа жанрлари, мақомлари, мумтоз қўшиқлари, замонавий қўшиқларини таққослаб кўрсатиш мумкин. Масалан: «Шашмақом», тожик ва ўзбек халқларининг азалий биродарлик рамзи эканлиги, уларнинг кўп чолғу асбоблари бир хилда эканлиги ва бошқа халқлар фойдаланиши мумкинлиги ҳақида, халқ мусиқаси асосида яратилган композиторлик асарлар ва замонавий мусиқа билан таништириш, таққослаш лозим. Мусиқа саводидан ўлчовлар, ладлар, тон ва ярим тон, альтерация белгилари, динамик белгилари, интерваллар, репризалар билан таништириб мусиқий асарларни таҳлил қилиш яхши натижа беради. Олтинчи синфда ўқувчиларни овоз диапазони 1-овозлар учун (До 1 -Фа 2 ). II -овозлар учун (Си кич - Ре 2 ), бу даврда ўқувчиларга қўшиқларни икки овозлик қилиб ўргатиш мақсадга мувофиқдир. Чунки бу пайтда, мутация даври бошланади. Мутация давридан олдин ўғил ва қиз болалар овози ўртасидаги фарқ унча сезилмайди. Мутация пайтида қўшиқ ўргатиш ўқитувчидан катта масъулиятни талаб этади. Қўшиқлар болаларнинг овоз имкониятларига мос тушиши ва дарс давомида уларнинг овозларини асраб авайлаш ишларига ёрдам бериши лозим. Дарснинг асосий қисмини ашула айтишга сарф этиб, овозларини чарчатмаслик керак. Ўқувчиларни икки овозга ажратиб қўшиқларни икки овозлик қилиб, уларнинг овозларига мослаш овоз тарбиясининг муҳим воситасидир. Хор бўлиб куйлаш, мусиқа саводи, мусиқа тинглаш

фаолиятлари, асарларни таҳлил қилишда мавзулар асосида мантиқан боғланади. Янги дастур асосида йил мавзуси чорак мавзуси ва дарс мавзуси бир-бири билан боғланади.

Адабиётлар: 1. И.А.Каримов. «Баркамол авлод орзуси». Т. Ўзбекистон 1998 йил 2. М.О. Иномова. «Педагогика маърузалар матни» Т. 2000 3. Д.Ф.Омонуллаев ва бошқалар «Бошланғич таълим» Давлат Таълими Стандартлари дастури. Т. 1992 4. О. Шайхова. Инсон ва унинг маънавий дунёси Т. 1993 5. Д.Ф. Омонуллаев «Мактабда мусиқа тарбияси методикаси» лекциялари курс . Т.1990 йил. 6. М.О. Иномова. «Педагогика» маърузалар матни Т. 2000 йил О.Апраксина. «Методика музўкального воспитания в школе» Т.1992.

O'xshashlar

Тўртинчи синфда мусиқа ўқитишнинг мазмуни ва методикаси

Биринчи синфда мусиқа ўқитишнинг мазмуни ва методикаси

Бешинчи синфда мусиқа ўқитишнинг мазмуни ва методикаси

Учинчи синфда мусиқа ўқитишнинг мазмуни ва методикаси

Икккинчи синфда мусиқа ўқитишнинг мазмуни ва методикаси