Натурадан рангтасвир ишлаш жараёни - San'at - Referatlar

Натурадан рангтасвир ишлаш жараёни

Yuklangan vaqt:

20.09.2019

Ko'chirishlar soni:

0

Hajmi:

97 KB

Ko'chirib olish

Натурадан рангтасвир ишлаш жараёни Режа: 1. Натурадан рангтасвир ишлаш жараёни 2. Натура объектларининг амалий тасвири 3. Ранг тасвирда этюдлар

Натурадан рангтасвир асари ишлаш жараёни уз конун ва коидаларига эга, хамда бу иш жараёнининг алохида тартиби бор. Тасвир жараёнининг кетма-кетлигини англаш асар ишлашдаги муваффакиятни таъминловчи мухим шарт хисобланади. Иш бошида ва уртасида нима килишини, уни кандай якунлашни урганиш лозим. Рангтасвир асари ишлаш пайтида куйидаги вазифаларни бажариш зарур булади: 1) умумий тус ва ранг холати доираси ва натура буёклари якинлиги нуктаи назарида тус ва ранг муносабатларини топиш; 2) катта ранг-тус муносабатлари доирасида ранг- тусларни «тортиш» ва аниклаш; 3) бутун тасвир яхлитлигини умумлаштириш, композиция марказини ажратиб курсатиш. Тулаконли рангтасвир курилмаси натуранинг асосий ранглари орасидаги тус ва ранг тафовутини аник талкини билан белгиланади. Бу натюрмортда натура ва фон асос, манзарада ер ва сув юзаси, олд, урта ва орка план тугри ифодаланишини таъминлайди. Чизматасвирда хам худди шунга ухшаш вазифа бажарилади: дастлаб катта ва умумий шакл тузилади. Рангтасвирда иш бошлашдан аввал натуранинг умумий ранги тузилмаси диккат билан урганилади. Бунга 5-10 минут вакт ажратиб, натуранинг асосий ранг муносабатларини тушуниш зарур булади. Ранг нисбатларини аниклашда , аввало натуранинг ёруглиги ва рангининг ёркин кисмларини , кейин энг кора ( тук ранг ) кисмини ва уларга нисбатан бошка кисмларини аниклаш керак . Сунгра уртача кора туси ва ранг кучи пастрок кисми ва бошкалар аникланади. Мураккаб кулранг тусли буёк охирида аникланади. Рангтасвир ишлай - бошлашда дарров рангни ута ёркин , ута тук ва туйинган рангларда бошлаш хар доим хам яхши натижа бермайди . Энг ёруг ва энг кора жойлари ок ёки кора рангда булмаслиги мумкин. Ута кучли туйинган ёркин ранг кисми хам учрайди. Шунинг учун буёкда ишлашдан олдин умумий ранг охангини ва ранг кучини, ранглар муносабатини, ок жойларини кайси ок рангда ва тук жойларини кайси тук рангларда ишлашни уйлаб куриш лозим.

Ранг муносабатларини ва ёруг - сояни аниклашда катта текисликдан майда текисликка утиш керак . Масалан портретда юз кисми ва кийимлари умумий рангдан куз, соч, лаб, шунингдек кастюм, куйлак ёки шарф каби алохида кисмлар рангини аниклаш максадга мувофикдир. коматнинг фонга нисбатан ранг тусини аниклаш хам мухим, тук рангдаги соч неча баробар фон рангига нисбатан тукрок юз кисмининг ёруг жойи, соя кисмига нисбатан неча баробар ёругрок ва бошкаларнг фаркини аниклаш керак. Шу йусинда хамма кисмлари ишлансагина портрет максадга мувофик амалга оширилиши мумкин ва портрет хакконий чикишига эришилади. Рассомчиликда « катта ёруглик », « катта соя », « катта шакл ( киёфа )», « катта ранг муносабати ( нисбати )» каби сузлар ишлатилади . Бу натурани яккол курабилишни ва яккол тасвирлашни белгилайди. Натуранинг ёритилган кисмининг ранг туси соя кисмидаги ранг-тусига хеч вакт ухшамайди, тугри келмайди. Шунингдек шахсий сояси билан ерга тушган соясининг туси (ёркинлиги) орасидаги фарк бир хил эмас. Соя кисмидаги рефлекс ярим соядан ёркин (оч рангда), шахсий соя умумий тусига боглангандир. Тугри топилган шакл катта булакчалари туси ва ранги тасвирнинг яхлитлигини (бутунлигини) ва ёритилишнинг тугрилигини ифодалайди. Катта пландаги ранг тусини аниклагандан кейин, ёруг соя кисмларини, яъни хар бир шаклни (натура кисмларини) алохида ёруг-соя ва рангларни ёругликда, яримсояда, шахсий соясида ва ерга тушган соясида тугри аниклаб тула ухшашлик берилади. Хар кандай ёругликда куринган натура кисмлари хар хил ранг тусида булади. Бир кисми ёругрок, иккинчи кисми биздан узокрок булса албатта биринчисидан фарк килади. Шунингдек ярим соядаги ва соядаги ёнма-ён турган икки жисм албатта бир-биридан фарк килади, улар орасидаги тус ва ранг кандай булишини эътиборда тутиш керак. Иккита кисмини бир хил ок ёки кора буёк аралаштириб ишлаш тугри келмаслиги мумкин. Хар бир кисмига алохида ранг тайёрлаб тегишли жойига куйиш зарур. Иссик ранг булакчаси, хар доим совук ранг булакчасини талаб килади ва

аксинча. Масалан, жисм сирти заргалдок рангда булса, унинг ёнида нилоби (голубой) ранг булиши зарур. Тасвирда иссик ва совук ранг жилоласи бир-бирини тулдириб, ранг жарангдорлигини оширади. Куз олдимизда натуранинг табиийлигини таъминлайди. Жисм рангларини бир-бири билан таккослаб, катта-катта булакчаларига солиштирилади. Жисм рангларини алохида куриш, ёнидагиси билан таккосламаслик колоритни бузилишига олиб келади. Рангларни таккослашда кулранг (серий)га эътибор бериш керак. Чунки кулранг иссик ранг ёнида совук ранг, совук ранг олдида иссик ранг булиб куриниши мумкин. Агар кизил ранг билан кулрангни таккосласак совукранг, кук ранг ёнида эса иссик ранг булиб куринади. Шунинг учун ранг тусини аниклашда кулрангни кулранг билан, ёркин рангни ёркин ранг билан, корамтир рангни корамтир ранг билан таккослаш мухим. Тасвирланаётган жисмни контур ( чегара ) чизигини хам таккослаш уринлидир . Чунки у хамма жойларида хар хил булиши мумкин. Баъзи жойларда яхши, аник куринса, баъзи жойларида хиралашиб куриниши мумкин. Тушаётган соя чегаралари хам хар хил. Биринчига нисбатан учинчи пландаги жисм чегаралари хиралашиши аник. Буёкнинг хакикий ранг кучини ва ёркинлигини мато юзаси тула буялмагунча аниклаш кийин . Палитрадаги ёркин рангли буёк холстда хам ёркин ранг дейишга эрта, у факат холстдаги бошка рангларга таккослаш натижасида аникланади. Ёркин рангли жисмни атрофидаги жисмлар ранги аникланмагунча айтиш кийин. Портретни ранглаш давомида унинг чизматасвири билан барча рельфини ва характерини хам эсдан чикармаслик мухим. Портрет рангини умумлаштириш жараёнида натурани яхлит кура билиш керак, яъни уни бир зумда куриш ва таккослаш оркали максадга эришилади. Шунингдек натурани ва холстни яхлит курабилиш тасвирдаги ранг хатолигини аниклаб умумлаштиришга ёрдам беради. Иш жараёнида яхлит кура билиш

рангтасвирчи-рассомчилик касбида энг мухимдир. Бу махоратни яхши эгаллаган рассом натура образини тугри акс эттириб, унда биринчи даражали кисмини, жисмлар урнини, тугалланиш даражасини, композиция марказига ургу беришни мохирлик билан амалга оширилади. Яхлитлик конунларига амал килмасдан, натурани чизматасвири (каламтасвири)ни, рангтасвирни хосил килиш мумкин эмас. Шакл хам, ранг хам, уз-узидан барпо булмайди, у хар доим яхлитликнинг бир кисми булиб, таккослаш натижасидир. Объектларда умумийликни топиб олиш рассомни натуранинг иккинчи даражали жихатларидан озод килади , асосий тус ва ранг муносабатларни белгилаб олишга имкон беради . Ранг муносабатларни ёркин ва куринарли рангдан бошланади , сунгра энг куюк рангга утилади , колганлари ушаларга нисбатан белгилаб борилади . Мураккаб ранглар ва кулранг энг охирида куйилади. Дастлабки , бошлангич туслар хар доим хам ута ёркин ёки куюк булавермайди . Энг ёркин жойни ок рангда, куюк жойи кора рангда булиши шарт эмас. Ута туйинган ранглар хам кам учрайди. Ёруг - соя ва ранг муносабатларини топгач умумийликдан хусусийликка томон харакат килиш зарур . Дастлаб асосий объектлар орасидаги тус фарклари тасвирда уларнинг турли кисмларига тегишли булган ранг муносабатлари топиб олинади. Тасвирларга кейинги ишлов беришда натуранинг хусусиятини бурттириб курсатувчи рангга таяниш тегишли натижани беради . Натурадан кам машк килган ёш рассомлар унга хос булган буёкларнинг якдиллигини доим хам муваффакият билан бера олмайди. Натурадан ишлаш чогида унинг ранг жихатларининг мувофиклашувини тушуниш, тус ва ранг холатини белгилай олиш зарур. Деталнинг ва бутун натуранинг хажмий шакл хилма - хиллигини яхши тушуниб олиш учун инсон кузи илик ранглар огушида совук рангларни хам англаб олишни назарда тутиш зарур .

Илик ва совук рангларнинг мувофиклашуви уларнинг тасвирдаги жарангдорлигини янада оширади , натуранинг табиийлигини таъминлайди . Буюмларни ранг буйича чогиштиришда яна бир холатни хисобга олиш зарур булади. Кетма-кет ранг тафовутлари кулранг рангнинг гох илик, гох совук куриниши касб этади. Агар уни кизил ранг билан солиштирилса совук туюлади, кук билан солиштирилса илик туюлади. Шунинг учун ранг хусусиятларини аниклашда бир-бирига мос ранглар киёс килиниши максадга мувофикдир. Тасвир-натураларни факат рангига кура эмас, балки чизикларнинг аниклиги билан хам белгиланади. Тасвирланаётган буюм ёки шаклларнинг чегараси доим хам аник булавермайди. Баъзан шакл чегараси белгиланган булади, баъзан эса фон билан уйкашиб кетади. Иш жараёнида доим муносабатлар ёрдамида фикр юритиш лозим . Натураларни матодаги тасвири билангина эмас, уларни натурадаги куриниши билан хам чогиштириб бориш зарур булади. Олдинги планда жойлашган буюмлар оркадагига караганда ёркинрок рангда булади. Ёш рассом тасвирни олд пландан бошлагани максадга мувофик. Агар ранг беришни орка пландан бошласа, олд планни ифодалашга буёкнинг кучи етмай колади. Бутун мато ( холст ) юзаси буёк билан копланмай ва муносабатлар тугри олинмай туриб , буёк кучи ва тасвир натураларнинг моддийлигини хис килиб булмайди . Негаки натураларнинг ёритилганлиги ва тасвирланаётган натуранинг сирти тугри ранг муносабатларига богликдир. Тасвир ва ранг муносабатларини белгилаш чогида факат ранг доглари билангина эмас, балки маълум шакл билан ишлаётганликни унутмаслик зарур. Агар ранг аник шакл, ашё ва нарсаларни маконий жойлашувини ифодаламаса, у тасвирдаги мохиятини йукотади. Иш сунггида тасвирнинг айрим жойлари етарли рангдор булмаганлиги ёки ранг ва туси ортикча ёркин рангли булиб кетиши мумкин . Бундай холатда куйидаги вазифалар хал этилади: нарсаларнинг катъий

чегараси юмшатилади, ашёларнинг рангдорлиги юмшатилади ёки кучайтирилади, тус буйича катъий жойлари ёритилади. Умумлаштириш боскичида натурани яхлит куришга харакат килиш лозим. Буюмлар гурухи чаплашгандек куринади, лекин тусларнинг муносабатини, натуранинг яхлитлигини куриш мумкин булади. Яхлит куриш кобилияти ишни умумийликдан хусусийликка ва аксинча тарзда олиб боришга имкон беради. Натура объектларининг амалий тасвири Назария канчалик чукур урганилмасин, санъатнинг хар кандай турида махорат куплаб, доимий машклар натижасида эгалланади. Тасвирий таълимнинг назариясини билиш билангина кул махоратини ошириш кузни тарбиялаш, ёруглик ва рангни нозик мутаносиблиги ва мувофиклигини кура олиш мумкин эмас. Буларнинг барчасига рассом амалий машклар ёрдамида эришади. Махоратнинг амалий куникмаларини эгаллашдан ташкари тасвирий кузатувчанликни ривожлантириш ва доимий изланиш одатини хосил килиш бадиий таълимнинг вазифаларидан бири хисобланади. Факат киска муддатли этюдларни доимий чизиш билан эътиборли ва кузатувчан булиш мумкин. Натурадан доимий ишлаш хам булажак ижодкорни тарбиялаш омили булади. Чизматасвир ва рангтасвир буйича амалий топшириклар купинча кетма- кет бажарилмайди. Талаба бир топширикни бажармай, бошкасига уринади. Бундай килиш мумкин эмас. Вазифа амалда бажарилмаса, уни хар кандай огзаки талкини натижа бермайди. Доимий машк килиш, такрорлаш натижасидагина муваффаккиятга эришиш мумкин. Аввалги бобда рангтасвир таълимининг назарий асослари хакида гап юритилган эди . Назарий билимларни мустахкамлаш, рангтасвир махоратини эгаллаш, барча буёклар билан муваффакиятли ишлай олиш учун аник мисолларга мурожаат этиш зарур булади.

Натура устида узок муддатли амалий машкларга утишдан аввал куйидагиларни бажариш лозим : 1) натурада ранг муносабатлари белгиланадиган хусусиятлар билан танишув ; 2) натуранинг асосий ранг муносабатларини беришда киска муддатли этюдлар бажариш . Бу машклар ёш рассомни мохир рангтасвирчи булишга олиб келиши мумкин. Ранг хусусиятлари Биринчи навбатда бир буюмни бошкасидан ажратиб турадиган ранг туси сифати, ёруглик ва туйинганлиги сингари учта жихат билан танишиш зарур булади. Рангтасвирнинг хакконийлиги рассом бу учта жихатни тугри талкин эта олишига богликдир. Ёш рассом рангнинг туси , ранг сифати ёки ёруглигига караганда унинг туйинганлигини фарклаши кийинрок булади . Шунинг учун улар табиатдаги ашёларнинг доимий рангини (масалан, дарахтнинг яшиллигини) тугри ифодалашга кийналадилар. Ранг муносабатларини тугри белгилаш учун ашёларнинг уч хусусиятига кура киёслаш зарур булади. Бунда натуранинг ёруглиги ва туйинганлигига эътибор берилади. Рангнинг асосий хусусиятлари билан амалда танишиш учун уларни турли ашёларда ( мева , сабзавот , матолар вах . к ) куриш зарур . Ранг , тус ва туйинганлиги турлича булган ашёларни урганиш ва киёслаш учун талабалар ранг шкаласини тузишлари лозим . Бунда бир рангни энг тукидан бошлаб кулрангга томон туси камайтириб борилади. Бу машклардан ташкари табиий ёруглик тушиб турган унча мураккаб булмаган натурадан чизги олинади. Бу машкнинг вазифаси шундаки, деярли бир хилдаги доглар куринишида ашёлар орасидаги учта ранг хусусияти буйича талкин этилади. Ранг тасвирда этюдлар Рангтасвир таълимининг дастлабки боскичларида ёш рассомлар натурадан майда-чуйда хусусиятларигача нусха олишга интилади. Натижада бир-бирига богланмаган тасвир хосил булади. Хусусан, инсон бошини кош,

куз, бурун тасвиридан бошламаслик керак, балки умумийлик ва бутунликни мутаносибликда бериш лозим. Очик хавода (пленэрда) рангтасвир бажаришга утишда кичик этюдлар чизилади ва энг аввало ундаги ранг муносабатлари топилади. Кичик этюдларда кисмларнинг таркоклиги йукотилади, негаки рассом натурани айнан кучирмайди. Дастлаб этюдлар учун унча мураккаб булмаган куринишлар олинади, сунгра тобора мураккаблаштириб борилаверади. киска муддатли этюдларни бажаришда турли максадлар кузланиши мумкин. Биринчи холатда этюд узок муддатли ишдан аввал бажарилади ва натуранинг ранг муносабатлари урганилади, ранг хакидаги дастлабки тасаввур шаклланади. Бошкасида шаклни кушимча, аник урганиш (масалан, инсон кули этюди) чун чизилади. Ранг тузилиши якдиллиги мувофиклигини белгилаш учун хам этюд чизиш мухимдир . Бу максадлар учун кандайдир ранг устунлик килиши керак. Этюдлар учун ашёлар илик ва совук ранглар мувофиклигида берилади. Доимий машк килиб бориш охир окибатда кузатувчанлик, рангни куриш, тасвир воситаларини махорат билан куллашга олиб келади. Натуранинг хар бир объекти бу яхлит рангтасвир асар кисмидир, унинг ранг жилоси унинг умумий идроки ва тасвирида вужудга келади. Мойбуёк билан (Амалий маслахатлар) ишлаш Мойбуёкда хам сувбуёкдаги каби узок муддатли ишлашга киришишдан аввал постановкадан унча катта булмаган этюд ишлаб олинади, композиция ва асосий ранг муносабатлари аникланади. Бундан ташкари мойбуёкда ишлаш учун аввалдан чизматасвир иши хам бажарилади, бунда асосий шаклларгагина эътибор берилади, иккинчи даражали жихатлари тушириб колдирилади. Аммо тасвирнинг композицион жойлашуви аник булиши лозим. Мойбуёкка киришишдан аввал натурадаги ранглар фарки диккат билан урганилади, ашёлар ранги киёсланади. Ёритилганликнинг умумий тус ва ранг холати аникланади.

Иш жараёнида доим муносабатлар асосида фикрлаш лозим , ашёлар ранглари чогиштирилади , ёруглик ва соядаги рангларнинг хусусиятлари урганилади . Чизматасвирдан сунг мато юзасига енгил буёк берилади. Бунда асосий тус ва ранг муносабатлари белгилаб олинади. Мойбуёк жараёнида бир ашё устида тухтаб колиш ярамайди . Тез- тез ундан бунга утиб туриш керак. Ашёни етарли даражада ёритилганлигини куриб талаба уни ёритишга киришиб кетади, аслида эса кушни булган жойни куюклаштириш лозим булади. Этюд устида ишлаётганда ранг муносабатларини умумлашган холда олиш зарур . Тасвир хона деворларидан акс этаётган ёруглик билан ёритилади. Ёруглик хусусияти хона деворларини кандай рангга буялганлигига боглик. Йирик пландаги ёруг - соя ва ранг муносабатлари топилгач , хар бир ашёнинг ёруг – соясини шакллантиришга утилади . Хар бир ашё деярли бир хилда буялгандек, барча ашёнинг хар томони бир хилда ёритилмайди, шунинг учун ранг бир хилда булиши мумкин эмас. Орка матони хам ранг оркали барча букламларини тугри ифодалаш зарур булади. Рангтасвири ишлаш чогида барча ранг жихатларни куздан кочирмаслик зарур. Албатта икки, уч ранг жихатларига эга булган холатларни нигохан камраб олиш кийин, аммо бу ранг жихатларини киёслаб бориш учун зарур булади. Натурадан хар кандай ишни якунлагандан сунг, уни умумлаштириш зарур. Етарли даражада ишланмаган ёки ортикча ёруг ёки куюклаштирилган жойлар юмшатилиши лозим булади. Айрим жойларнинг чегарасини белгилаш ва майда кисмларга ишлов бериш талаб килинади. Мойбуёкни аралаштириш. Мойбуёк билан ишлаш жараёни нихоятда мураккаб хисобланади, бу айникса сувбуёкдан утилганда сезилади. Сувбуёкда когознинг ранги ахамиятли булса, мойбуёкда ок мато юзасининг ахамияти йук.

Табиатда етти хил ранг мавжуд: кизил, пушти, сарик, яшил, хаворанг, кук, бинафша. Асосий буёкларни кушиш оркали бошка ранглар хосил килинади. Мойбуёкка ок буёк кушиш билан ёркинлаштирилади. Шунинг учун рангтасвирчи асосий буёкни оклаш йули билан бошкача ранг куринишларига эга булишни билиши зарур. Баъзан буёклар бир-бирига кушилгач, ёркинлигини йукотади. Амалда ок ва кора буёкни тоза холда куллаб булмайди. кора рангни бошка ранглар билан мохирона аралаштириб нозик ранглар олиш мумкин. Мойбуёк билан ишлаш чогида этюдникда беш хилдаги буёк булиши етарли хисобланади: белила, сарик, кук, кизил, кора. Бу беш буёкдан табиатда мавжуд барча рангларни хосил килиш мумкин. Мойбуёк билан факат курук ёки нам юзага ишланади, ярим нам юзага ишлаш мумкин эмас. куримаган жойга буёк берилса, у рангини йукотади. Бирон жой узгартирилиши керак булса, буёк пичок (мастихин) билан кириб олинади. Буёк куриб колган булса, устидан картошка ёки саримсокпиёз сурилиб, сунгра бошка буёк берилади. Буёкни пала-партиш бериш мумкин эмас. Бу шаклни, маконни, хажмни бузилишига олиб келади. куюк берилган буёк асарни томошабинга якинлаштиради, юпка ва текис берилгани узоклаштиради. Осмон тасвирида юпка берилган буёк самарали булади. Буёк майдони катталиги этюд ёки сурат катталигига мос булиши зарур. Махобатли рангтасвирда ранг догларини камрови алохида ахамиятга эга. Рассом палитраси. Палитрада буёкларнинг хар бирининг узига мос жойи булиши лозим, шунда рассом эътиборини купрок натурага ва матога каратиши мумкин. Илик рангли буёклар одатда юкори кисмга жойлаштирилади, совук ранглилари пастрокка, белила эса хар кандай уринда туравериши мумкин. Палитра ранги. Одатда рассомлар жигарранг ёки ок рангли палитрадан фойдаланади. Аммо палитра ранги натура жойлашаётган фонга мос

келмайди. Баъзан палитрада ранг тугри танлангандек булади, лекин матога тушгач узгариб колади. кандай палитрадан фойдаланилмасин, ок матога берилган дастлабки буёк куюк ва кирга ухшайди. Тажрибасиз рассом дархол уни ёркинрок килишга интилади. Натижада бутун тасвир окариб кетади. Шунинг учун хам палитра ранги имкон кадар мато рангига мосрок булгани максадга мувофик. Матога грунтовка беришдан аввал рамкага тортилади. Матони солкин тортиб куйилса, у осилиб колади, бу буёк катламини ёрилиб кетишига олиб келади. Мато рамкага нисбатан 3-4см. кенгрок олинади, унинг иплари йуналиши рамка четларига параллел булиши зарур. Мато рамкага хар томондан баробар тортилади.

Адабиётлар: 1. Абдуллаев А.А. санъат тарихи Т. 1991. 1. Апухтин О.К. Тасвирий санъат ҳақида сухбатлар Т.1961. 2. Азимова Б,Ражабов Р, Абдирасилов С. 3. Тасвирий санъатга оид аташамарнинг изоҳли луғати Т 1994. 4. Булатов С.С. Ўзбек халқ амалий безак санъати. Т. 1991. 5. Булатов С.С.Амалий санъат қисқача луғоти. Т. 1992. 6. Қосимов Қ. Наққошлик Т. 1982. 7. Мажидов Ж. Т. сиа. Мактабдан ташқари ишлар. Т. 1983.

O'xshashlar

Дастгоҳли рангтасвир композицияси. Натюрморт композицияси

Рангтасвир асарларининг консервацияси ва реставрацияси

Умумтаълим мактабларида ҳамда академик лицей ва касб-ҳунар коллежларида тасвирий санъат

Академик лицей, умумтаълим мактаблари ва касб-ҳунар коллежларида тасвирий ва амалий санъат

Композиция ўқув предметининг мақсади ва вазифалари