logo
  1. Bosh sahifa
  2. Referatlar
  3. San'at
  4. Композиция воситалари

Композиция воситалари

Yuklangan vaqt:

20.09.2019

Ko'chirishlar soni:

0

Hajmi:

38.5 KB
Ko'chirib olish
Композиция воситалари Композиция воситаларига чизиқ, штрих, доғ (пятно - тусли ва рангли), чизиқли перспектива, ёруғ-соя, ҳаво ва ранг перспективаси киритилади. Чизиқ лардан давомли қаламтасвир, қисқа муддатли ҳомаки расмлар, композиция эскизларида фойдаланилади. Рейсфедр билан юргазилган чизиқ ўз йўналиши бўйича йўғонлиги бир хил, лекин бу чизма чизиғи бадиий мақсадлар учун ярамайди, у бир хилликда, ноҳаётий, ноифодавийдир. Ижод эса бир хилликни ёқтирмайди, ижод учун оригиналлик, бетакрорлик керак. Контурли чизиқ предметнинг шаклини чегаралайди, шундай бўлсада текисликда фақат чизиқ берилган бўлса, шундай уни ўраб олган текислик фонга нисбатан тасаввур пайдо бўладики, контур ичида тасвирланган предметнинг туси тўқ ёки оч бўлиб кўринади. Шундай иллюзия ҳосил бўладики, натижада предметнинг ёруғ фондаги силуэти, ўзини борлиғига нисбатан доғ бўлиб тўқроқ кўринади. Бундан ташқари чизиқли тасвир предметнинг ҳажмини берадиган тасаввур бериш мумкин. Бундай ҳолат шунинг учун бўладики, биринчидан чизиқ шаклни нисбатлар ва перспектива бўйича қуради, иккинчидан чизиқ ўзининг йўғонлиги бўйича ҳам ўзгариб боради ва шунингдек жарангдорлиги, кучи билан ҳам, хатто тугатилмаган, лекин бирваракайига бир неча функцияларни бажаради: шаклни чегаралайди, тасвирни тўғри жойлаштиради, барча шаклларнинг характери ва ҳамма харакатларини, унинг нисбатларини ва чегараланаётгандаги эгилувчанлиги, давомийлиги ва шаклнинг пластик сифатини юзага чиқишини таъминлайди. Штрих чизиқлар узун, қисқа, чизувчининг ҳоҳишига кўра йўғон, секин- аста ингичкаликка ва сўнг аранг кўринувчи изларга айланиб бориши мумкин. Штрих чизиқнинг динамик, пластик жихатларини онгли қўллаш билан кенг бадиий ижодий ва техник имкониятларга эга бўлиш мумкин. Улар тасвирнинг ҳажмли - фазовий сифатларни бера олишга эгадир. Турли-туман йўғонликдаги штрих чизиқлар ҳажмли шаклнинг ёруғ ва сояли қисмларида фазовий чуқурликларни берилишига олиб келади. Кўплаб параллел ёки кесишувчи штрихли чизиқлар талаб этилган кучдаги штрих тусли доғлар ҳосил қилади. Доғлар - тусли ва рангли бўлиши мумкин, у ҳомаки расмларда, қораламаларда, шунингдек композиция эскизлари устида ишлаганда ҳам катта аҳамият касб этади. Тусли доғни қўллашнинг зарурлиги график восита сифатида композициянинг қуйидаги вазифаларини очиб беришда кўринади: шаклнинг ҳажмлилигини чизиш ва ҳосил қилиш учун, унинг ёритилганлигини бериш учун, шаклни бўяшда тус кучини кўрсатиш учун, фактура ва унинг юзасини фазовий чуқурлигини кўрсатиш учун, теварак- атрофнинг ҳажмли шаклини бериш учун ва ҳаказо. Ёруғ-соя композициянинг воситаси сифатида предметнинг ҳажмини тасвирлашда қўлланилади. Ҳажмли шаклнинг рельефлилик даражаси асарнинг конструктив ғоясини ифодалаш учун алоқадор бўлган ёритилганлик билан боғлиқ. Шунингдек, тасвирланувчининг ёритилганлик даражаси рангли ва тусли контрастлар характери учун, мувозанат учун қисмларни ўзаро боғлиқлиги ва яхлитлиги аҳамиятли таъсир кўрсатади. Ҳажмли пластик асарларда зарурий рол - ҳаво ва ранг перспективаси қонунлари таъсирларига ҳам боғлиқ. Хатто оддий тасвирий савод ҳам реал оламда ўз ўрнини эгаллаган предметларнинг тасвирлашда перспектива қисқаришларини ҳисобга олишни талаб этади. Бу нарса эса фазовий планларнинг чуқурлиги сари хар бир предметнинг баландлиги, эни ва узунлигини қисқариб боришини билдиради. Композицияда фазонинг иллюзициясини бериш учун ҳаво ва ранг перспективаси қонуниятларини ҳам ёдда тутиш зарур. Ҳаво перспективасининг асл моҳияти шундаки, турли контрастларнинг (ёруғ-соя, ранглилик, ўлчам) тасвирланганлиги бизга яқин бўлган объектларда анчайин кучли, лекин предметларнинг узоқлашгани сари юза қисмидаги соя ва ёруғ контрастлари кучсизлашиб боришида кўринади. Ҳаво перспективасининг таъсир кучи тиниқлик, атмосфера ҳаво қатламининг тозалиги ва қалинлиги хамда кўриниб турган предметлар олами билан боғлиқ. Объектнинг секин-аста биринчи пландан узоқлашиб бориши билан унинг ранг ёрқинлиги ва ранги хиралашиб совуқлашиб боради. Масалан, ўрмон биринчи планда яшил, узоқда кўк-яшил ёки хатто зангори бўлиб кўринади. Шу ўринда Ў.Тансиқбоевнинг «Менинг қўшиғим», Н.Караханнинг «Олтин куз» номли манзараларининг мисол тариқасида кўрсатамиз. Бу ерда биз композициянинг асосий воситалари ҳақидагина қисқа тўхталиб ўтдик, ваҳоланки, тасвирий санъат тарихида реал борлиқни бадиий образларда акс эттиришнинг кўплаб усуллари маълум. Биз бу ўринда, ёш бошловчи рассомларга композиция устида самарали ишлашда ёрдам берувчи асосларини айтиш билан кифояландик. Адабиётлар 1. Абдуллаев Н. Санъат тарихи. 2 қисмлик. 1-қисм. - Т., 1987. 2. Абдуллаев Н. Санъат тарихи. 2 қисмлик. 2-қисм. - Т., 2001. 3. Абдурахмонов Ғ.М. Тасвирий санъат композицияси. - Т., 1996.

O'xshashlar

Композиция усуллари
Композиция турлари
Композиция ўқув предметининг мақсади ва вазифалари
Графика - тасвирий санъатнинг алоҳида тури. графика санъатида композиция
Хоршуносликнинг бадиий ифода воситалари