Бдуғани Абдукаюмов (1928–2000) - San'at - Referatlar

Бдуғани Абдукаюмов (1928–2000)

Yuklangan vaqt:

20.09.2019

Ko'chirishlar soni:

0

Hajmi:

30 KB

Ko'chirib olish

Бдуғани Абдукаюмов (1928–2000) Ўзбекистон халқ артисти Абдуғани Абдумаликович Абдуқаюмов 1928 йил 28 августда Тошкент шахрида хизматчи оиласида таваллуд топди. Ёшлигидан қўшиқ айтиш санъати билан қизиқиб келган Абдуғани 1946 йили Хамза номидаги мусиқа билим юртига ўқишга киради. Ўқиш даврида Тошкент давлат консерваторияси ва Ўзтелерадио қошидаги хор жамоасида хор артисти сифатида меҳнат қилади. 1950 йили Хамза билим юртини муваффақиятли тугатиб, шу йили Тошкент давлат консерваториясининг опера-симфоник дирижерлиги бўлимига ўқишга киради. Бу ерда у дирижерлик маҳоратини халқ артисти, профессор Мухтор Ашрафий қўл остида мукаммал ўзлаштириб, 1955 йили консерватрияни муваффақият билан тугатиб, шу йили у Алишер Навоий номидаги Академик Катта опера ва балет театрига дирижер сифатида ишга киради. Театрда у умрининг охиригача талабчан, изланувчан, нозик дид ва улкан билимдон сифатида тинмай хизмат қилди. Кўп йиллик самарали меҳнати туфайли сахналаштирган спектаклларининг сони жуда кўп ва турли-туман бўлиб, жахон опера санъатининг намуналарини яратди. Масалан: П. Чайковский «Евгений Онегин » , «Пиковая дама » , А. Бородин «Князь Игорь » , Дж. Верди «Травиата » , «Риголетто » , «Аида » , «Дон Карлос » , «Трубадур » , Д. Пуччини «Богема » , «Тоска » , «Чио-чио-сан » , М. Мусоргский «Борис Годунов » , Н. Римский-Корсаков «Пан Воевода » , Д. Россини «Севилиялик сартарош » , А. Даргомижский «Сув париси » , С. Прокофьев «Дуэнья » , М. Ашрафий «Дилором » , «Шоир қалби » , Ш. Гуно «Ромео ва Жульетта » , «Фауст » , Б. Зейдман «Рус кишилари » , С. Юдаков «Майсаранинг иши » , Т. Жалилов ва Б. Бровцин «Тохир ва Зуҳра » , Р. Леонковалло «Масхарабозлар » , Р. Обер «Фро- Дьяволо » , Ж. Массне «Вертер » ва бошқа композиторлар асарларига дирижёрлик қилган. Булардан ташқари А. Абдуқаюмов балет спектаклларини ҳам сахнада катта маҳорат билан намоиш этди: П. Чайковскийнинг «Уйқудаги малика » , Ф. Глазуновнинг «Раймонда » , Т.

Хренниковнинг «Севги севги билан » , У. Мусаевнинг «Тўмарис » , Д. Зокиров ва Б. Гиенколарнинг «Ойниса » , Ик. Акбаровнинг «Орзу » ва бошқа асарлар. Театрда қилган улкан меҳнатларини инобатга олиб Ўзбекистон ҳукумати Абдуғани Абдуқаюмовга 1974 йилда «Ўзбекистон халқ артисти » ҳамда 1981 йили Қорақалпоғистонда хизмат кўрсатган санъат арбоби » Фахрий унвонлари билан тақдирлади. Шу билан бир қаторда А. Абдуқаюмов 1961 йилдан бошлаб Тошкент Давлат консерваториясининг опера тайёрлов кафедрасида дирижёр-ўқитувчи сифатида педагогик фаолиятини бошлади. Бу ерда ёш талабалар билан қатор классик операларни сахналаштирди. Масалан: П. Чайковскийнинг «Пиковая дама » , Дж. Вердининг «Травиата » ва «Риголетто » , Д. Россинининг «Севилия сартароши » , Ж. Пуччининг «Чио- чио-сан » ва бошқалар. 1979 йилдан бошлаб А. Н. Островский номидаги театр ва рассомчилик институтида мусиқали драма кафедрасида дирижёр ўқитувчи сифатида педагогик фаолиятини давом эттирди. Кўп йиллик педагогик фаолияти давомида қатор санъат усталарини етиштирди. У 1977 йили — доцент, 1985 йили — профессор унвонларига эга бўлди. Афсус ва надоматлар бўлсинки, бешафқат ўлим моҳир дирижёр ва истеъдодли устоз Абдуғани Абдуқаюмовни орамиздан 2000 йили олиб кетди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975.

O'xshashlar

Ота Жалолиддин Назиров (1845-1928)

Karim Iskandarоv (1924-2000) Peshravi dugon

Композитор Ш. Рамазонов ҳаёти ва ижоди (1910-2000)

Композитор С. Хаитбоевнинг ҳаёти ва ижоди. (1926-2000)

Композитор Хайри Изомов(1922) ҳаёти ва ижоди