Бахром Иноятов (1917–1969) - San'at - Referatlar

Бахром Иноятов (1917–1969)

Yuklangan vaqt:

20.09.2019

Ko'chirishlar soni:

0

Hajmi:

32.5 KB

Ko'chirib olish

Бахром Иноятов (1917–1969) Ўзбекистон халқ артисти Бахром Олимович Иноятов 1917 йил Тошкент шахрида ҳунарманд оиласида таваллуд топди. У ёшлигидан мусиқа ва театр санъатига жуда қизиқарди. Шу туфайли у ўрта мактабнинг еттинчи синфини тугатиб, Тошкентдаги театр техникумига ўқишга киради ва уни 1933 йили муваффақиятли тугатиб, шу йили ўша даврдаги Я. Свердлов номидаги театрга (Колизей) актер бўлиб ишга киради. Бу ерда у кўп ролларни актер сифатида ижро этди. Айниқса, у ижро этган «Фарход ва Ширин » спектаклидаги «Ёсумон » роли кўпчиликка манзур бўлиб, тамошабинлар ёдида узоқ вақт сақланиб қолди. У вақтда хотин-қизларни сахнага чиқиши хавфли бўлгани туфайли хотин-қизлар ролини эркак актерлар бажарарди. Бунга Нурхон, Турсуной ва бошқа аёлларнинг фожеали ҳаёти мисол бўлаолади. 1936 йили Маданият вазирлигининг тавсияси билан бир гурх актёрлар Москва консерваториясининг миллий тайёрлов курсига ўқишга юборилади. Булар қаторида Б. Иноятов ҳам бор эди. Бу ерда у дирижёрлик санъатига мехр қўйиб, опера-дирижёрлик синфида машхур дирижёрлардан сабоқ олади. Натижада у консерваториянинг тайёрлов курсини муваффақиятли тамомлаб, 1941 йили Тошкентга келиб иш бошлади. Бир йилдан сўнг, яъни 1942 йили опера ва балет театрига дирижёр сифатида ишга ўтиб, умрининг сўнгги кунигача бу театрга содиқ бўлиб хизмат қилди. Уруш йилларида у С. Василенконинг «Оқ билак » балетини, О. Чишконинг «Маҳмуд Торобий » операсини сахналаштириб катта муваффақият қозонди. Шундан кейин унинг ижод булоғи қайнаб, Ғарбий Европа, рус ва ўзбек композиторларининг машхур опера ва балет асарларини сахналаштириб улкан ютуқларни қўлга киритди: булар ичида Ж. Бизенинг «Кармен » ва «Марварид қидирувчилар » , Дж. Вердининг «Риголетто » , М. Ашрафийнинг «Бўрон » , Р. Глиэр ва Т. Содиқовнинг «Лайли ва Мажнун » хамда «Гулсара » , А. Козловскийнинг

«Улуғбек » , У. Хожибековнинг «Кўр Ўғли » , А. Спендиаровнинг «Олмаст » , С. Ряузовнинг «Соян тоғи этагида » опералари, П. Чайковскийнинг «Оққуш кўли » ва «Уйқудаги Малика, Минкуснинг «Дон Кихот » , Б. Асафьевнинг «Боғчасарой фонтани » , М. Левиевнинг «Сухайл ва Мехри » , Г. Мушелнинг «Балерина » («Раққоса » ), А. Лапутиннинг «Маскарад » , Р. Глиэрнинг «Қизил кўкнори » , Ик. Акбаровнинг «Орзу » , А. Аданнинг «Жизел » , И. Морозовнинг «Доктор Айболит » , М. Чулакининг «Ёшлик » балетлари бор. Бу билан Б. Иноятов ўзини мохир дирижёр сифатида намоён қилган бўлса, ўзбек тамошабинларини жахон дурдона опералари билан таништириш мақсадида қуйидаги асарларни ўзбек тилига ағдариб, ажойиб таржимон сифатида ўзини кўрсата олди. Масалан: Ж. Бизенинг «Марварид қидирувчилар » , У. Хожибековнинг «Кўр ўғли » , С. Ряузовнинг «Соян тоғи этагида » , А. Спендиаровнинг «Олмаст » операларини келтириш мумкин. Театрнинг кўзга кўринган дирижёри, қатор спектаклларни сахналаштирган мусиқа рахбари Б. Иноятов ўз касбини, яъни дирижёрлик маҳоратини янада такомиллаштириш, билимини ошириш ниятида у 1953 йили Тошкент Давлат консерваториясининг опера-симфоник синфига ўқишга киради. Бу ерда у Алексей Федорович Козловский рахбарлигида ўқишни давом эттириб, 1957 йили консерваторияни муваффақият билан тугатади. Шу йилдан бошлаб консерваторияда дарс бера бошлайди. Ўзбекситонда мусиқа маданиятининг ривожига қўшган хизматлари учун у 1945 йилда «Ўзбекистонда хизмат кўрсатган артист » , 1964 йили эса «Ўзбекистон халқ артисти » фахрий унвонларига муяссар бўлади. Театрдаги салмоқли, ижобий ишларининг натижасида 1960 йили опера ва балет театрининг бош дирижёри этиб тайинланади. Бу даврда у кўпгина асарларни сахналаштирди, театрга ёш ижрочиларни жалб қилиб оркестрнинг маҳорат даражасини кўтаришга эришди. Бош дирижёр лавозимида 1966 йилгача ишлаб, соғлиғининг ёмонлашгани сабабли бу вазифадан кетишга мажбур бўлди. Лекин севган касби дирижёрликни давом эттирди. 1969 йили А. Навоий театри Москвада гастрол сафарида бўлиб, москвалик мухлисларга ўз ижодий ютуқлари билан

хизмат қилиб, уларнинг олқишига сазовор бўлди. Ўша куни Бахром Иноятов театрда М. Левиевнинг «Сухайл ва Мехри » балетини муваффақият билан ўтказиб мехмонхонага қайтганда тўсатдан дунёдан кўз юмади. Унинг жасади Тошкентга олиб келиниб дафн этилади.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975. 7. Ансарме Эрнест. Статьи о музыке и воспоминания. М. Сов. Композиор. 1986. 8. Баграновский М. Дирижерская техника рук. М. 1947.

O'xshashlar

Алексей Федорович Козловский (1905–1977)

1917-1945 yillarda G'arbiy Ovro'po mamlakatlari va AQSh teatri

Оркестр ва хорга дирижёрлик қилганлар

Алишер Навоий ижодида халқ огзаки ижоди

Ўзбекистон мустабид совет давлати таркибидаги давридаги санъати(1925-91 йиллар)